🔥അരുന്ധതി [ 2 ] 🔥 : ഭാഗം 14

എഴുത്തുകാരി: ദിവ്യ സാജൻ  

ചേച്ചിയ്ക്ക് അയാളെ ഇഷ്ടമാണോ.....ഗൗരി അവളെ തന്നെ ഉറ്റുനോക്കി.... മ്മ്ഹം.....ഇഷ്ടാ.....കാരണം അയാൾ കാരണവാ ഞാനിന്ന് ജീവനോടിരിക്കുന്നത്.....നറു പുഞ്ചിരിയോടെ പറഞ്ഞു..... ജീവൻ രക്ഷിച്ച ആളിനോടുളള സ്നേഹം മാത്രേ ഉളളൂ......അല്ലാതെ വേറൊരിഷ്ടവും തോന്നീട്ടില്ല.....കുസൃതി ചിരിയോടെ ഗൗരി ചോദിച്ചു..... ഇഷ്ടവായിരുന്നു എന്റെ ജീവിതത്തിലേക്ക് ആദിയേട്ടൻ വരുന്നത് വരെ....അത് വരെ എന്റെ മനസ്സിൽ ഒരിക്കൽ മാത്രം കണ്ടിട്ടുളള അയാളായിരുന്നു.....എന്ത് കൊണ്ടാ അയാൾ എന്റെ മനസ്സിൽ സ്ഥാനം പിടിച്ചതെന്നറിയില്ല....പക്ഷെ മാഞ്ഞു പോകാതെ ഇന്നും അയാളെന്റെ മനസ്സിലുണ്ട്.....അത് ചിലപ്പോ എന്റെ ജീവൻ രക്ഷിച്ച ആളോട് തോന്നിയ ആരാധനയാവാം....പക്ഷെ ആദിയേട്ടൻ എന്റെ പ്രണയമായ് മാറിയ നിമിഷം മുതൽ എന്റെ മനസ്സിൽ ആ മുഖം മാത്രേയുളളൂ....പുഞ്ചിരിയോടെ അവളോർത്തു..... ഹാ.....

നല്ലയാളാ എന്തെങ്കിലും ചോദിച്ചാൽ ഉത്തരം പറയാതെ ഇങ്ങനെ പുഞ്ചിരിച്ചോണ്ട് നിന്നാ മതീട്ടോ പറഞ്ഞു കോണ്ട് ഗൗരി കുറച്ചു മുന്നോട്ട് നടന്നു.... കുളത്തിന് കുറച്ചകലെയായി ഒഴുകുന്ന വണ്ണാത്തിപ്പുഴ കാണാനായാണ് അവർ പിന്നെ പോയത്......വലിയൊരു പാലത്തീന് കീഴെയായാണ് പുഴ കുത്തിമറിഞ്ഞൊഴുകുന്നത്......പാലത്തിന് മുകളിൽ നിന്നു കൊണ്ട് താഴേക്ക് നോക്കുമ്പോൾ കാലുകൾ വിറകൊളളുന്നുണ്ടായിരുന്നവൾക്ക്......പാലത്തിൽ മുറുകെ പിടിച്ചു നിന്ന് കൊണ്ട് താഴേക്ക് നോക്കി..... ഇപ്പൊ മഴയായത് കാരണം നല്ല കുത്തൊഴുക്കുണ്ട് ജാനിയേച്ചി കണ്ടില്ലേ ഒഴുക്കിന്റെ ഒരു വേഗത ചിരിയോടെ ഗൗരി ജാനിയെ നോക്കി.... അധികം ഇവിടെ ഇങ്ങനെ നിക്കണ്ട.....കാല് വഴുതി പുഴയിലേക്ക് പോയാ....പിന്നെ ബോഡി പോലും കിട്ടില്ല.....പറഞ്ഞു കൊണ്ട് അവൾ ജാനിയുടെ കൈയും പിടിച്ച് നടന്നു..... ❤❤

എല്ലായിടവും ഒന്ന് ചുറ്റിക്കറങ്ങി തിരികെ ആലത്തറയിലെത്തുമ്പോൾ തറവാട്ട് മുറ്റത്ത് കിടന്ന വൈറ്റ് ലാൻഡ് റോവർ കാർ കണ്ട് ഗൗരിയുടെ മുഖം മങ്ങി.....അത് വരെ ചിരിയോടെ നിന്നവളിലെ മാറ്റം ജാനീ ശ്രദ്ധിച്ചു.... എന്താ ഗൗരി മോളെ......എന്ത് പറ്റി....ആരുടെ കാറാ ഇത്.....അവൾ പതിയെ ചോദിച്ചു..... ഏ....ഏയ് ഒന്നൂല്ല ചേച്ചി.....ഇ.....ഇത് കാശിയേട്ടന്റെ കാറാ....ആ പേര് പറയുമ്പോൾ അവളുടെ കണ്ണുകളെ കീഴ്പ്പെടുത്തിയ ഭയം ജാനി കണ്ടിരുന്നു.....അകത്തേക്ക് കയറിയതും..ഉമ്മറത്ത് നാഥനും മഹിയും സെറ്റിയിൽ ഇരിപ്പുണ്ടായിരുന്നു......അവർക്കടുത്തായി സ്റ്റെയറിനോട് ചേർന്ന് ദേവിയും ഗിരിജയും സീതയും നിപ്പുണ്ടായിരുന്നു..... ആ.....ഇത്രയും നേരം തിരഞ്ഞ ആൾക്കാർ വന്നൂല്ലോ പറഞ്ഞു കൊണ്ട് ജാനിയെയും ഗൗരിയേയും നോക്കി നാഥൻ ....

അവിടെ നിക്കാ.....ഞങ്ങൾക്ക് ജാനകിയോട് കുറച്ചു സംസാരിക്കാനുണ്ട് ഇരിക്കവിടെ പറഞ്ഞു കൊണ്ട് അടുത്ത് കിടന്ന ചെയർ ചൂണ്ടി കാട്ടി.... ജാനകി അതിൽ ഇരുന്നു.....ഈ സമയം സ്റ്റെപ്പിറങ്ങി വരുന്നവനിലേക്ക് അവളുടെ നോട്ടം ചെന്നു പത്തിരുപത്തൊമ്പത് വയസ് പ്രായം തോന്നിക്കുന്ന സുമുഖനായ ഒരു യുവാവ്.....വശ്യമായ ചിരിയോടെ അവൻ അവിടേക്ക് വന്നു.....അവന്റെ കണ്ണുകൾ ജാനകിയെ മൊത്തത്തിൽ ഉഴിഞ്ഞു നോക്കുമ്പോൾ ജാനീക്കത് വല്ലാത്ത അസ്വസ്ഥത ഉണ്ടാക്കി......ഈ സമയം ഗൗരി വേഗം അവളുടെ റൂമിലേക്ക് പോയിരുന്നു..... ആഹ് കാശി ഇവിടിരിക്ക് മോനേ.....പറഞ്ഞു കൊണ്ട് അടുത്തായി കിടന്ന കസേരയിലേക്ക് കൈ ചൂണ്ടി നാഥൻ.....അവൻ അതിലേക്കു വന്നിരുന്നു.....അപ്പോഴും അവന്റെ കണ്ണുകൾ ജാനകിയെ അടിമുടി ഉഴിഞ്ഞു കൊണ്ടിരുന്നു..... ആഹ് ....ദേവീ ഞങ്ങൾ ഇപ്പൊ ജോത്സ്യരെ കണ്ടിട്ട് വരാ.....

.ഇന്നേയ്ക്ക് മൂന്നാം നാൾ അതായത് വ്യാഴാഴ്ച രാവിലെ 10 മണിക്ക് നല്ലൊരു മുഹൂർത്തം ഉണ്ട്.....അത് കഴിഞ്ഞു പിന്നെ രണ്ട് മാസം കഴിഞ്ഞേയുളളൂ ഇത് പോലൊരു മുഹൂർത്തം .....അത് കൊണ്ട് ഞങ്ങൾ ഈ മുഹൂർത്തത്തിൽ തന്നെ വിവാഹം നടത്താന്ന് തീരുമാനിച്ചു..... അത് കേട്ടതും ഞെട്ടലോടെ ഒന്നേങ്ങിക്കൊണ്ട് ദേവിയെ നോക്കി ജാനി ..... കേട്ടതിന്റെ ഞെട്ടലിൽ തന്നെ നിക്കാരുന്നു ദേവി......വിവാഹം തീരുമാനിക്കുമെന്ന് പറഞ്ഞെങ്കിലും ഇത്ര വേഗം നാഥൻ ഇങ്ങനൊരു തീരുമെടുക്കുമെന്ന് അവർ കരുതിയിരുന്നില്ല....ഈ സമയം ജാനകിയുടെ മുഖത്ത് വന്ന ഭാവമാറ്റം കാശി ശ്രദ്ധിക്കുന്നുണ്ടായിരുന്നു.... അപ്പോ നാളെ ഒരു ദിവസം കൂടിയേ നമുക്ക് മുന്നിൽ ഉളളൂ..... നാളെ തന്നെ ജാനിക്ക് വേണ്ട വസ്ത്രങ്ങളും ആഭരണങ്ങളും എടുക്കണം ......മഹി ഓർമിപ്പിച്ചു ഗിരിജയും സീതയും ഗൗരിമോളും കൂടി നാളെ തന്നെ അതിനുള്ള ഏർപ്പാട് എന്താന്ന് വച്ചാ ചെയ്യട്ടേ....നാഥൻ അവരെ നോക്കി.....

ഈ സമയം സീതയും ഗിരിജയും ദയനീയമായി ദേവിയെയും ജാനിയെയും നോക്കുന്നുണ്ടായിരുന്നു......തങ്ങളുടെ മുന്നിൽ നിസ്സഹായതയോടെ നിൽക്കുന്ന ആ അമ്മയെയും മകളെയും അവർ സഹതാപത്തോടെ നോക്കി...... അപ്പോ എല്ലാം പറഞ്ഞത് പോലെ ഞങ്ങൾ ഇപ്പോ തന്നെ അമ്പലത്തിൽ പോയി വിവാഹത്തിന് വേണ്ട മറ്റ് ഒരുക്കങ്ങൾ ചെയ്യട്ടേ....ഇനിയും വൈകിയാൽ ശരിയാവില്ല.......ഒരുപാട് കാര്യങ്ങൾ ചെയ്തു തീർക്കാനുണ്ടേ......പറഞ്ഞു കൊണ്ട് നിറഞ്ഞ ചിരിയോടെ നാഥനും മഹിയും പുറത്തേക്ക് പോയി.....ജാനകിയുടെ കണ്ണുകൾ നിറയാൻ തുടങ്ങി...അവൾ ദേവിയുടെ അടുത്തേക്ക് ഓടി ചെന്ന് ആ മാറിൽ പറ്റിച്ചേർന്ന് കരയാൻ തുടങ്ങി....തന്റെ മോളെ ഈ നരകത്തിൽ നിന്നും കരകയറ്റണേന്ന് നിശബ്ദമായി പ്രാർത്ഥിക്കുകയായിരുന്നവർ അപ്പോഴും..... ഈ സമയം കാശി അവളുടെ അടുത്തേക്ക് വന്നു....... ഹേയ് ജാൻകി....എന്തിനാ ഇങ്ങനെ കരയുന്നത്.....ഈ വിവാഹം തനിക്കിഷ്ടവല്ലേ....

അവന്റെ ചോദ്യം കേട്ട് ജാനി കണ്ണുകളുയർത്തി അവനെ നോക്കി..... ഹായ്....എന്നെ മനസ്സിലായോ ജാൻകി....ഞാൻ കാശി.....കാശി നാഥൻ....പറഞ്ഞു കൊണ്ട് അവൾക്ക് നേരെ കൈ നീട്ടി.....പക്ഷെ അവൾ അവൻ പറയുന്നതൊന്നും ശ്രദ്ധിക്കുന്നുണ്ടായിരുന്നില്ല....അവളുടെ മനസ് മുഴുവൻ മറ്റന്നാൾ നടക്കാൻ പോകുന്ന അവളുടെ വീവാഹത്തെ കുറിച്ചായിരുന്നു.....ആദിത്യൻ വന്ന് അവളെ ഇവിടെ നിന്നും കൊണ്ട് പോവുമെന്ന അവസാന പ്രതീക്ഷയും നഷ്ടപ്പെട്ടിരുന്നവളിൽ നിന്നുമപ്പോൾ.....ആദിത്യൻ ചാർത്തിയ താലിയുടെ സ്ഥാനത്ത് മറ്റൊരാളുടെ താലി ധരിക്കേണ്ടി വരുന്നത് മരിക്കുന്നതിന് തുല്യമാണെന്ന് അവൾ അറിയുകയായിരുന്നു...അതെ ജാനകിയുടെ മരണം അവളോർത്തു..... ❤❤ വൈകുന്നേരം ഫിനാൻസിൽ നിന്നും മടങ്ങി വരികയായിരുന്നു ആദം....ഈ സമയം ഗൗരി വഴിയിൽ നിൽക്കുന്നുണ്ടായിരുന്നു....അവന്റെ ബുളളറ്റ് അവളുടെ അടുത്തേക്ക് വരുന്നത് കണ്ടതും അവൾ കൈ കാണിച്ചു ...

.ഉടനെ തന്നെ ആദം വണ്ടി നിർത്തി..... മ്മ്ഹം....എന്നാത്തിനാ കൊച്ചേ ഈ നടു റോഡിൽ വന്നു നിക്കുന്നേ......എന്നതേലും പറയാനുണ്ടോ.....താത്പര്യമില്ലാത്ത പോലെ അവൻ ചോദിച്ചു...... ഞാനൊരു കാര്യം പറയാനാ വന്നത്.....ജാനകിയേച്ചിയോട് ഏട്ടൻ കാണിച്ചത് കുറച്ചു കടന്നു പോയി.....അചഛനും വല്യച്ഛനും ചേർന്ന് ജാനിയേച്ചീടെ വിവാഹം ഋഷിയേട്ടനുമായി നടത്താൻ പോവാ....ജാനിയേച്ചിക്ക് ഈ വിവാഹം ഇഷ്ടവല്ല....എന്തിനാ ഏട്ടാ ആ പാവത്തിനെ ദ്രോഹിച്ചത്.....അവൾ വിതുമ്പലോടെ ചോദിച്ചു... അതിനിപ്പോ ഞാനെന്നാ വേണം നിന്റെ ജാനിയേച്ചിയെ ഞാൻ കെട്ടണോ....അതിനൊന്നും എന്നെ കിട്ടുകേലാ....അവൻ ഒച്ചയെടുത്തു.... ഈ വിവാഹം നടക്കാൻ പാടില്ല.....ചേച്ചി പാവാ.....നിറമിഴികളോടെ പറഞ്ഞു..... ദേ കൊച്ചേ മര്യാദയ്ക്ക് വീട് പിടിക്കാൻ നോക്ക്......ഇനി നീയെന്നോട് വർത്തമാനം പറഞ്ഞു നിൽക്കുന്നതെങ്ങാനും ആ കാർന്നോമ്മാര് കണ്ടാൽ അടുത്ത കൊലവിളി നടത്താൻ പിന്നത് മതി ...

അത് കൊണ്ട് ദയവ് ചെയ്തു കൊച്ച് വീട്ടിപ്പോ.....കൈകൂപ്പി തൊഴുത് കൊണ്ട് ബുളളറ്റ് സ്റ്റാർട്ടാക്കി മുന്നോട്ട് പോയി ആദം..ഗൗരി ദുഃഖത്തോടെ അവനെ തന്നെ നോക്കി.........കുറച്ച് ദൂരം മുന്നോട്ട് പോയപ്പോൾ ഗൗരി പറഞ്ഞ കാര്യങ്ങൾ അവന്റെ മനസ്സിൽ വന്നു.....അപ്പോഴേക്കും അവന്റെയുളളിൽ ജാനകിയുടെ മുഖം തെളിഞ്ഞു വന്നു.... ഹൃദയത്തിനുളളിൽ അറിയാതൊരു നോവ് പടർന്നത് അവനറിഞ്ഞു.... ❤❤ രാത്രി കുളി കഴിഞ്ഞ് കണ്ണാടിക്ക് മുന്നിലായ് നിക്കാരുന്നു ജാനകി.....ഈ സമയം പിന്നിൽ ആരുടെയോ നിഴലനക്കം കണ്ട് അവൾ വേഗം തിരിഞ്ഞു നോക്കി.....തന്റെ തൊട്ട് മുന്നിൽ വശ്യമായ ചിരിയോടെ അവളെ ഉറ്റുനോക്കി നിൽക്കുന്ന കാശിയെ കണ്ട് ഭയന്ന് പിന്നിലേക്ക് വീഴാൻ തുടങ്ങി......ഉടനെ കാശിയുടെ കരങ്ങൾ അവളുടെ അരയിൽ വല്ലാത്തൊരു ഭാവത്തോടെ പിടി മുറുക്കി....അവന്റെ കണ്ണുകൾ അപ്പോഴും അവളുടെ ശരീത്യിലൂടിഴയുന്നുണ്ടായിരുന്നു അവൾക്ക് അത് വല്ലാത്ത അസ്വസ്ഥത ഉളവാക്കി.....

ജാനകി ഭയത്തോടെ അവനെ ഉറ്റുനോക്കിക്കൊണ്ട് അവന്റെ പിടി വിടുവിച്ച് അവനിൽ നിന്നും അകന്നു മാറാൻ ശ്രമിച്ചു..... കൂൾ ഡൗൺ ജാൻകി.....നീ എന്തിനാ ഇങ്ങനെ ഭയക്കുന്നേ.....be cool..... അവളുടെ കണ്ണിന്റെ അഗ്രത്തിൽ നിന്നും നിലത്തേക്ക് വീഴാൻ തുടങ്ങിയ കണ്ണു നീർ തുളളിയെ ആവേശത്തോടവൻ കൈവിരലാൽ തട്ടി മാറ്റി.... ജാനിയുടെ ശരീരത്തിൽ പതിഞ്ഞ അവന്റെ സ്പർശനം അവളെ പൊളളിച്ചു.....അവൾ കുതറി മാറാൻ തുടങ്ങി...... ഹാ എന്താ ജാൻകി ഇത്.....എന്തായാലും നീ എന്റേതാവാനുളളവളാ.....ഏട്ടന്റെ താലി നിന്റെ കഴുത്തിൽ വീഴുന്നെന്നെയുളളൂ പക്ഷെ നീ എന്നും എനിക്കുളളതായിരിക്കും....രാവിലെ ഒരു നോക്ക് കണ്ടത് മുതൽ ഞാനതങ്ങ് തീരുമാനിച്ചു കഴിഞ്ഞതാ.....പറഞ്ഞു കൊണ്ട് കീഴ്ചുണ്ട് സ്വയം കടിച്ചു കൊണ്ട് അവളെ നോക്കി...... അവൻ പറയുന്നത് കേട്ട് തറഞ്ഞു നിന്നു പോയി ജാനി.....ശരീരമാകെ വിറകൊണ്ടു....

.ധൈര്യമെല്ലാം ചോർന്ന് പോയ പോലെ......തൊണ്ടക്കുഴി വരണ്ട് വറ്റി........അരുതെന്ന് പറയണമെന്നുണ്ട് പക്ഷെ നാവ് ഉയരുന്നുണ്ടായിരുന്നില്ല.... അരയ്ക്ക് കീഴ്പോട്ട് തളർന്നു കിടക്കുന്ന എന്റെ ഏട്ടന് നിന്നെ കിട്ടിയിട്ട് എന്തിനാ.....താലി കൊണ്ട് നീ അവന് ഭാര്യയായിരിക്കും പക്ഷെ നിന്റെ ശരീരം എന്റേതായിരിക്കും....ഒരു ഭർത്താവ് എന്ന നിലയിൽ നിനക്ക് വേണ്ടതൊന്നും തരാൻ ഏട്ടന് കഴിയില്ല...... പറഞ്ഞു കൊണ്ട് അവളിലേക്ക് മുഖമടുപ്പിച്ചതും പെട്ടെന്ന് കിട്ടിയ ധൈര്യത്തിൽ അവൾ അവനെ പിടിച്ചു തളളി മാറ്റി കൊണ്ട് ഓടാൻ തുടങ്ങി.....പക്ഷെ അപ്പോഴേക്കും അവനവളുടെ കൈത്തണ്ടയിൽ പിടിച്ചു വലിച്ചു തന്നിലേക്കടുപ്പിച്ചു .... എവിടേക്കാ ജാനി നീയി ഓടുന്നത്......നിനക്ക് അധികം പിടിച്ചു നിൽക്കാൻ ആവില്ല .......ഈ കാശി എന്തെങ്കിലും മോഹിച്ചിട്ടുണ്ടെങ്കിൽ അത് നേടിയെടുക്കുകയും ചെയ്യും.....വന്യമായ ചിരിയോടെ പറഞ്ഞു.....

അവന്റെ മുന്നിൽ അവൾ ബലഹീനയാണെന്നറിഞ്ഞിട്ടും അവനെ ജയിക്കാനുളള പാഴ് ശ്രമമെന്നോണം അവനിൽ നിന്നും കുതറാൻ തുടങ്ങിയവൾ...അപ്പോഴും ഒന്ന് ഒച്ചയെടുക്കാൻ പോലും നാവ് പൊങ്ങിയില്ല.... ജാനി അവനെ തളളീമാറ്റാൻ തുടങ്ങിയതും അവൾ പോലും പ്രതീക്ഷിക്കാതെ അവനവളെ ബെഡിലേക്കുയർത്തിയിട്ടു അവളിലേക്ക് അമരാനായി അടുത്തു... ഉടനെ വാതിൽ വലിയ ശബ്ദത്തിൽ തളളി തുറന്നു കൊണ്ട് സീത അവിടേക്ക് കയറി വന്നു..... കാശീ !!!!! അവരുടെ ശബ്ദം അവിടെ പ്രതിധ്വനിച്ചു.....കാശി ഞെട്ടിക്കൊണ്ട് ജാനിയിൽ നിന്നും പിടി വിട്ട് അകന്നു മാറി.....തല കുമ്പിട്ട് നിന്നു.... കാശിയെ രൂക്ഷമായി നോക്കിക്കൊണ്ട് ....പാഞ്ഞു വന്ന് അവന്റെ കവിളിൽ ആഞ്ഞടിച്ചു സീത..... ഞാൻ പറഞ്ഞതാ അവളോട് നിന്റെ തനി നിറം കാട്ടരുതെന്ന്......

നാളെ നിന്റെ ഏട്ടത്തിയമ്മ ആവേണ്ടവളാ അവൾ ഏട്ടത്തിയമ്മ എന്ന് വച്ചാൽ അമ്മയുടെ സ്ഥാനത്താ ഓർത്തോ ഇനി ഇത് പോലൊരു പ്രവൃത്തി നിന്റെ ഭാഗത്ത് നിന്നും ഉണ്ടാവരുത്..അമ്മയെയും പെങ്ങളെയും തിരിച്ചറിയാനാവാത്ത നെറി കെട്ടവൻ ......നീയൊക്കെ എന്റെ വയറ്റീൽ തന്നെ പിറന്നല്ലോടാ.....അവന് നേരെ വിരൽ ചൂണ്ടി കിതപ്പോടെ പറഞ്ഞു നിർത്തി സീത .... തല്ല് കിട്ടിയ കവിളിൽ വലത് കൈകൊണ്ട് പൊതിഞ്ഞു പിടിച്ച് കാശി റൂമിൽ നിന്നും പുറത്തേക്കിറങ്ങുമ്പോൾ ജാനിയെ നോക്കി ദഹിപ്പിക്കാൻ മറന്നില്ല.... കുറച്ചു മുന്നേ നടന്നതൊക്കെ ഓർത്ത് മരവിച്ചിരുന്നു പോയി ജാനി....സീത അവളുടെ തോളിൽ തട്ടി വിളിച്ചെങ്കിലും അനങ്ങാനാവാതെ ഇരുന്നു പോയി ആ പെണ്ണ്....കണ്ണുകളിൽ നിന്നും കണ്ണു നീർ ഒഴുകി തുടങ്ങിയിരുന്നു......

കാശിയുടെ പ്രവൃത്തി അത്രമാത്രം അവളുടെ സ്ത്രീത്വത്തെ മുറിവേൽപിച്ചു.....അവളുടെ മുറിവേറ്റ മനസ്സിലേക്ക് വീണ്ടും കത്തിയാഴ്ത്തുന്ന പോലെയായിരുന്നു അവനിൽ നിന്നും വന്ന ഓരോ വാക്കുകളും പ്രവൃത്തികളും..... പരിസരം മറന്ന് ചലനമറ്റിരുന്നവളെ സീത ദയനീയമായി നോക്കി ക്കൊണ്ട് മുറുകെ പുണർന്നു......നിന്റെ ജീവിതം കൂടി ഇരുട്ടിലാക്കുന്നത് എന്നെ ഒരുപാട് വേദനിപ്പിക്കാ മോളെ......പക്ഷെ ഞങ്ങൾടെ വാക്കിന് ആരും വിലതരില്ല....അടിമകളെ പോലെ കഴിഞ്ഞു കൂടുവാ മോളെ ഞങ്ങൾ.....നിന്നെ ഇവിടെ നിന്ന് രക്ഷിക്കണമെന്നുണ്ട് പക്ഷെ കഴിയുന്നില്ല കുട്ടി......നിറമിഴികളോടെ അവർ പറഞ്ഞു............... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...