🔥അരുന്ധതി [ 2 ] 🔥 : ഭാഗം 15

എഴുത്തുകാരി: ദിവ്യ സാജൻ  

കാശി നാഥൻ മോളേ മതി കരഞ്ഞ്......ഇപ്പൊ ഇവിടെ നടന്നതൊന്നും ദേവിയെ കൂടി അറിയിക്കേണ്ട....സഹിക്കാൻ കഴിയില്ല ആ പാവത്തിന്.....എന്റെ മോള് വിഷമിക്കേണ്ട.....ഇനി ഇങ്ങനെ ഉണ്ടാവാതിരിക്കാൻ അമ്മായി നോക്കിക്കോളാം.....അവളുടെ നിറുകിൽ തലോടി.....അപ്പോഴും ജാനകി ആ ഇരിപ്പ് തന്നെ തുടർന്നു.... ഈ സമയം ദേവി അവിടേക്ക് വന്നു....കരഞ്ഞ് കലങ്ങിയ കണ്ണുകളോടെ നിർജീവമായി ഇരിക്കുന്നവളെ ആശ്വസിപ്പിക്കുന്ന സീതയെ തന്നെ നോക്കി നിന്നു.... എന്താ ഏടത്തി.....എന്താ പറ്റിയേ മോളെന്തിനാ കരയുന്നേ....ആധിയോടെ തിരക്കിക്കൊണ്ട് അവളുടെ അരികിലേക്ക് വന്നു..... ദേവിയുടെ ശബ്ദം കേട്ട് മുഖമുയർത്തി നോക്കി ജാനി അവർ അടുത്തേക്ക് വന്നതും ദേവിയുടെ വയറിൽ മുഖമമർത്തി കരയാൻ തുടങ്ങി..... എന്തിനാ സീതേ ന്റെ കുഞ്ഞ് കരയുന്നേ....?? പെട്ടെന്നുള്ള ദേവീടെ ചോദ്യം കേട്ട് സീതയൊന്ന് പകച്ചു നിന്നു..... അത് .....അവൾക്ക് ഈ വിവാഹത്തിന്.....സമ്മതവല്ലല്ലോ അത് പറഞ്ഞു കരഞ്ഞതാ..... മ്മ്ഹം......എന്റെ മോള് വിഷമിക്കല്ലേ.......എന്ത് പറഞ്ഞാ കുട്ടീ ഞാൻ നിന്നെ ആശ്വസിപ്പിക്കാ....പറഞ്ഞു കൊണ്ട് കരയാൻ തുടങ്ങി......

രണ്ടു പേരുടെയും അവസ്ഥ കണ്ട് നിൽക്കാൻ കഴിയാതെ സീത നിറ മിഴികൾ തുടച്ചു കൊണ്ട് പുറത്തേക്ക് പോയി..... ❤❤ പുറത്ത് ബാൽക്കണിയിൽ നിക്കാരുന്നു ആദം....അവന്റെ മനസ്സ് നന്നേ കലുഷിതമായിരുന്നു.....ഗൗരി പറഞ്ഞ കാര്യങ്ങൾ അവനെ വല്ലാതെ നൊമ്പരപ്പെടുത്തുന്നതവനറിഞ്ഞു......അവൻ കാരണമാണല്ലോ ജാനിയ്ക്ക് അരയ്ക്ക് കീഴ്പോട്ട് തളർന്നു കിടക്കുന്ന ഋഷിയെ സ്വീകരിക്കേണ്ടി വരുന്നതെന്നോർത്ത് ദുഃഖം തോന്നി..... ഈ സമയം അവിടേക്ക് ജോഷു വന്നു.....കൈയിൽ ഒരു വലിയ കുപ്പി പെപ്സിയും ഉണ്ടായിരുന്നു..... ഇച്ഛായോ...ടണ്ടടാൻ.....കുപ്പി അവന് നേരെ ഉയർത്തി പിടിച്ചു കൊണ്ട് പറഞ്ഞു... ആഹ് ......കിട്ടിയോ .....ടാ കോപ്പെ ഇത്രേം നേരം എവിടാരുന്നു നീ......അപ്പൻ വരുന്നതിന് മുന്നേ രണ്ടെണ്ണം അടിച്ചിട്ട് കിടക്കാനുളളതാന്ന് അറിയാമ്മേലേ.....പല്ലു ഞെരിച്ച് കൊണ്ട് ആദം പറഞ്ഞു.... ഓഹ്......പെപ്സിയും വാറ്റ് ചാരായവും കൂടി മിക്സ് ചെയ്ത് വീണ്ടും കുപ്പിലാക്കാനേ ഇച്ചിരി ജോലിയുണ്ട്......

അല്ലാതെ നിങ്ങളിവിടിരുന്നു കൊണ്ട് വാ....കൊണ്ട് പോ....എന്നാഞ്ജാപിക്കുമ്പോലല്ലാ.....ചിറി കോട്ടി ക്കൊണ്ട് ജോഷു പറഞ്ഞു.... ഉടനെ ആദം കുപ്പി തുറന്നു ഒരു കവിൾ വായിലേക്ക് കമിഴ്ത്തി..... എന്നാ കുടിയാ ഇച്ഛായാ വെളളം ചേർത്ത് കുടിക്ക് ഇല്ലേ അകത്തൊളളതൊക്കെ കരിഞ്ഞു പോവും...കൈയിൽ കരുതിയ കടല കൊറിച്ച് കൊണ്ട് ജോഷു പറഞ്ഞു..... നീ നോക്കണ്ട.....നിനക്ക് ഇതിന്ന് ഒരു തുളളി തരുകേല.... നീ അറിയാതെ പോലും ഈ സാധനം ടേസ്റ്റ് ചെയ്താൽ കൊല്ലും ഞാൻ ......ആദം അവന്റെ കൈയിൽ നിന്നും കടല പെറുക്കി നാവിലിട്ട് കൊണ്ട് പറഞ്ഞു.... അല്ലേലും എനിക്കെങ്ങും വേണ്ട .....എനിക്ക് കുറച്ചു കാലം കൂടുതൽ ജീവിക്കാനുള്ളതാ.....😏😏 അപ്പോ ഞാൻ തീരട്ടേ ന്നാ......ആദം അവനെ പാളി നോക്കി.... നിങ്ങൾക്ക് ജീവിതം മടുത്തോണ്ടല്ലേ ഇതൊക്കെ വാങ്ങി അടിക്കുന്നേ....പുച്ഛത്തോടെ പറഞ്ഞു ജോഷൂ.... ടാ....ജോഷൂ...

ഇന്നെനിക്ക് ഇതില്ലാതെ പറ്റില്ലാന്ന് തോന്നി അതാ നിന്നോട് ഞാൻ ഇതും വാങ്ങി വരാൻ പറഞ്ഞത്.....പറഞ്ഞു കഴിഞ്ഞതും നേർത്ത് പോയിരുന്നവന്റെ സ്വരം.... എന്നാ ഇച്ഛായാ എന്നാ പറ്റിയേ.... ഈ സമയം വാതിൽ തളളിത്തുറന്ന് ഏലിയാമ്മ അവിടെ വന്നു.....ഏലിയാമ്മയെ കണ്ടതൂം ആദം കുപ്പി ടേബിളിനു മുകളിൽ വച്ചു.....പരുങ്ങലോടെ നിന്നു.... രണ്ടിന്റെയും മുഖത്തെ പരുങ്ങൽ കണ്ട് ഏലിയാമ്മ രണ്ടു പേരെയും കൂർപ്പിച്ചു നോക്കി.... മറുപടിയായി രണ്ടും ഒന്നിളിച്ചു കാണിച്ചു 😁😁😁😁 എന്നാടാ രണ്ടിന്റെയും മുഖത്തൊരു കളള ലക്ഷണം.... ഏയ് ഒന്നൂല്ല വല്യമ്മച്ചീ.....വല്യമ്മച്ചീ എന്നാ ഇവിടെ....ജോഷൂ നിലത്ത് കളം വരച്ചു തുടങ്ങിയിരുന്നു..... അതെന്ത് ചോദ്യവാടാ ചെറുക്കാ.....എനിക്കിവിടെ വരാൻ നിന്റെ അനുവാദം വേണോടാ ജോഷുവേ....ചിരിയോടെ പറഞ്ഞു..... അ....അതല്ല.....ഇച്ഛായനോട് എന്തേലും പറയാനാണോ വന്നേന്നാ ഞാനുദ്ദേശിച്ചത് .....പറഞ്ഞൊപ്പിച്ചു.... ആ....എടാ കൊച്ച് മോനേ നാളെ കൊച്ചുവിനെയും കൂട്ടി നീയൊന്ന് സ്നേഹാലയം വരെ പോണം....ശോശാമ്മയ്ക്ക് കൊച്ചുവിനെയൊന്ന് കാണണമെന്ന് പറഞ്ഞെന്ന്

[ ശോശാമ്മയെ ഓർമ്മ ഉണ്ടല്ലോ ല്ലേ....നമ്മുടെ ചാണ്ടിച്ചന്റെ ഭാര്യ ] ആം ഞാൻ നാളെ അവളെയും കൂട്ടി പോവാം വല്യമ്മച്ചീ പറഞ്ഞു കൊണ്ട് ആദം തിരിഞ്ഞതും ഏലിയാമ്മയുടെ നോട്ടം ടേബിളിനു മുകളിൽ വച്ചിരുന്ന പെപ്സിയുടെ ബോട്ടിലിലെത്തി..... ടാ....കൊച്ച് മോനേ എന്നാടാ അത് .....ബോട്ടിൽ ചൂണ്ടിക്കാട്ടി ക്കൊണ്ട് ചോദിച്ചു..... ജോഷു ഞെട്ടിക്കൊണ്ട് അവനെ നോക്കി.... ഓഹ് ഇത് പെപ്സിയാ വല്യമ്മച്ചീ..... ആന്നോ എന്നാ എനിക്ക് കൂടി ഇച്ചിരി ഒഴിക്കടാ കൊച്ചു മോനെ..... മ്മ്ഹം പണി പാളി....ജോഷൂ പിറുപിറുത്തു... ആദം അമ്പരപ്പോടെ അവരെ നോക്കി.....അത് വേണോ വല്യമ്മച്ചീ.....ഇതിച്ചിരി കൂടി ഇനവാ വല്യമ്മച്ചീയ്ക്ക് താങ്ങുകേല.... ഹാ നിന്നോടിച്ചിരി ഒഴിക്കാനല്ലേടാ കഴുവേറി പറഞ്ഞത്.....പറഞ്ഞു കഴിഞ്ഞു ടേബിളിനു മുകളിൽ നിന്നും കുപ്പി കൈയിലെടുത്ത് മൂടി തുറന്നു കുറച്ചു വായിലേക്കൊഴിച്ചു.....ജോഷുവും ആദമും ഒന്നും പറയാനാവാതെ കണ്ണുമിഴിച്ച് നിന്നു....

മ്മ് ആവ്.....എന്നാടാ ഇതിനൊരു വല്ലാത്ത ചുവ.....മ്മ് ഹം പട്ടച്ചാരായത്തിന്റെ നാറ്റം....മുഖം ചുളുക്കിക്കൊണ്ട് ഏലിയാമ്മ ആദത്തെ നോക്കി.... 😁😁😁ആദം അത് പിന്നെ ചാരായം മിക്സ് ചെയ്ത പെപ്സിക്ക് ചാരായത്തിന്റെ മണവല്ലാതെ ചന്ദനത്തിന്റെ മണവായിരിക്കോ....ജോഷു പിറുപിറുത്തു..... എന്നാടാ പറഞ്ഞേ......ഏലിയാമ്മ അവനെ കലിപ്പിൽ നോക്കി..... അല്ല വല്യമ്മച്ചീ......എക്സ്പയറി ഡേറ്റ് കഴിഞ്ഞ പെപ്സിയാവും അതാ വല്ലാത്ത നാറ്റവും ചുവയും എന്ന് പറയാരുന്നു..... ആന്നോടാ കൊച്ച് മോനേ....നാവ് കുഴഞ്ഞു കൊണ്ട് ഏലിയാമ്മ ചോദിച്ചു.... ആഹ്.....ആയിരിക്കും......പറഞ്ഞു കൊണ്ട് ജോഷുവിനെ നോക്കി പല്ലുകടിച്ചു ആദം..... ആഹ് നിങ്ങള് കിടക്കുന്നില്ലേ പിളളാരേ ഞാൻ പോവാ നല്ല ക്ഷീണം.....പറഞ്ഞു കൊണ്ട് ഏലിയാമ്മ താഴേക്ക് പോയി.... ഏലിയാമ്മയുടെ പോക്ക് കണ്ടു തലയിൽ കൈവച്ചു നിക്കാരുന്നു ജോഷൂ.... താഴേക്ക് തന്നെ ലാൻഡ് ആയാ മതിയായിരുന്നു

പറഞ്ഞു കൊണ്ട് ആദത്തെ നോക്കിയതും അവനെ തന്നെ കലിപ്പിൽ നോക്കി നിക്കാരുന്നു ആദം..... നിങ്ങളെന്തിനാ ഇച്ഛായാ എന്നെ നോക്കുന്നേ....ഇതൊക്കെ കൊണ്ടാ ബാറിൽ പോയിരുന്നു രണ്ടെണ്ണം അടിക്കണമെന്ന് പറയുന്നത്....വീട്ടിലിരുന്നടിച്ചാലേ ഇതല്ല ഇതിനപ്പുറവും വരും കേട്ടാ.... പോടാ.....പന്ന@@@മോനെ പറഞ്ഞു കൊണ്ട് കൈയിൽ കിട്ടിയ പില്ലോ എടുത്ത് അവന്റെ തലയ്ക്കടിച്ചു ആദം.... ❤❤❤ പിറ്റേന്ന് രാവിലെ കൊച്ചു റെഡിയായി സ്നേഹാലയത്തിലേക്ക് പോവാൻ ആദത്തെ വിളിക്കാൻ റൂമിലേക്ക് വന്നു.....നോക്കുമ്പോൾ കട്ടിലിന്റെ അങ്ങറ്റത്തമിങ്ങറ്റത്തുമായി ആദമും ജോഷു കമിഴ്ന്നു കിടക്കുന്ന് ഉറങ്ങുവാരുന്നു.... ആഹാ.....മൂട്ടില് ചൂടടിച്ചും എണീറ്റില്ലല്ലോ രണ്ടും പറഞ്ഞു കൊണ്ട് ആദത്തിനടുത്തേക്ക് ചെന്ന് അവനെ തട്ടി വിളിക്കാൻ തുടങ്ങി..... ഇച്ഛായാ.....ഇച്ഛായാ.....രാവിലെ സ്നേഹാലയത്തിലേക്ക് പോണവെന്ന് വല്യമ്മച്ചീ പറഞ്ഞതല്യോ ഇന്നലെ എന്നിട്ടും കിടന്നു ഉറങ്ങുവാ....

എണീറ്റേ.....അവൾ വീണ്ടും തട്ടി വിളിച്ചു കൊണ്ടിരുന്നു ....... ആദം കണ്ണുകൾ വലിച്ചു തുറന്നു അവളെ നോക്കി.....ഇന്നലെ കഴിച്ചതിന്റെ കിക്ക് മാറിട്ടില്ലായിരുന്നു.....നല്ലതലപെരുപ്പ് തോന്നി.... ഹാ എന്നാടീ കോച്ചൂ... ഇത്ര രാവിലെ നീയിതെങ്ങോട്ടാ....നെറ്റിയുഴിഞ്ഞു കൊണ്ട് ചോദിച്ചു..... ആഹ്.....അപ്പോ മറന്നോ.....സ്നേഹാലയത്തിലേക്ക് പോണ്ടേ ഇച്ഛായാ.....അവൾ അവനെ വലിച്ചെണീപ്പിച്ചു.... ഓഹ്.....ടീ കൊച്ചു നീ ജോഷൂനെ കൂടി വിളിച്ചിട്ട് പൊയ്ക്കോ ഞാൻ വരുന്നില്ല നല്ല തല വേദന .....അവളെ പാളി നോക്കി ക്കൊണ്ട് വീണ്ടും കിടന്നു..... ദേ ഇച്ഛായാ ഇന്നലെ കളള് കുടിച്ചല്ലേ......പറഞ്ഞു കൊണ്ട് കൈയിൽ കിട്ടിയ പില്ലോയെടുത്ത് അവന്റെ മുതുകിൽ തല്ലി..... ഹാ.....കിടന്ന് കൂവി വിളിക്കാതെടീ ആ ഒറ്റക്കൊമ്പനെങ്ങനുമറിഞ്ഞാലെന്നെ ചവിട്ടി പുറത്താക്കും......തിരിഞ്ഞു കിടന്നു കൊണ്ട് ആദം പറഞ്ഞു.....

ദേ ഇച്ഛായാ എണീറ്റ് വരുന്നുണ്ടോ അല്ലേൽ ഞാൻ ഇപ്പൊ അപ്പനെയും കൂട്ടി ഇവിടേക്ക് വരും.....അവൾ എളിക്ക് കൈയും കുത്തി പറഞ്ഞു ..... എന്റെ പൊന്ന് കൊച്ചേ.....ഇച്ഛായാനിന്നലെ അടിച്ചതിന്റെ കെട്ട് വിട്ടിട്ടില്ല.....ഈ കോലത്തിൽ ഞാൻ എങ്ങനാടീ മോളെ ഡ്രൈവ് ചെയ്യുന്നേ....ദേ ഇവൻ ഒരു തുളളി പോലും കുടിച്ചിട്ടില്ല....ഇവനെ വിളിച്ചിട്ട് പോ.....പറഞ്ഞു കൊണ്ട് ജോഷുവിന്റെ ബാക്കിൽ ഒറ്റച്ചവിട്ട് വച്ച് കൊടുത്തു.....ആ ചവിട്ടിൽ തന്നെ ജോഷു താഴേക്ക് ലാൻഡായി...... അയ്യോ....ആന....ചവിട്ടിയേ ആന ചവിട്ടിയേ അവിടെ കിടന്നു നിലവിളിക്കാൻ തുടങ്ങി..... ടാ....പുല്ലേ......ആനയല്ല ഞാനാടാ ചവിട്ടിയേ ഒറ്റക്കൊമ്പന്റെ മോൻ...എണീക്കെടാ തെണ്ടീ....ആദം ഒച്ചയെടുത്തു..... ഈ സമയം കൊണ്ട് ജോഷു എഴുന്നേറ്റു.....നീ എപ്പോ വന്നടീ കൊച്ചൂ....കണ്ണ് തിരുമീക്കോണ്ട് ചോദിച്ചു..... ഞാൻ വന്നിട്ട് പത്തിരുപത്തിരണ്ട് വർഷവായി.....ദേ മര്യാദയ്ക്ക് പത്ത് മിനിറ്റിനുള്ളിൽ റെഡിയായി താഴേക്ക് വന്നോണം ഇല്ലേൽ അപ്പനെയും കൊണ്ട് ഞാനൊരു വരവ് വരും കേട്ടല്ലോ.....ജാഗ്രതൈ!!!!

വിരൽ ചൂണ്ടി പറഞ്ഞു കൊണ്ട് രണ്ടിനെയും ഒന്നു കൂടി നോക്കി താഴേക്ക് പോയി.....കൊച്ചു.... പിന്നേ പത്ത് മിനിറ്റ് പോലും...എന്റെ പട്ടി വരും......പറഞ്ഞു കൊണ്ട് വീണ്ടും കിടക്കാൻ തുടങ്ങിയതും ആദമിന്റെ രണ്ടാമത്തെ ചവിട്ട് അവന്റെ പിന്നാമ്പുറത്ത് പതിഞ്ഞതും ഒരുമിച്ചായിരുന്നു.... ഇച്ഛായാ....എന്നാ ചവിട്ടാന്നേ...എന്റെ പിന്നാമ്പുറം പളളിപ്പുറവായി.....അവൻ കെറുവിച്ചു.... പ്ഫാ പന്ന ..... എണീറ്റ് പോവുന്നുണ്ടോ നീ....അല്ലേൽ ആ പളളിപ്പുറത്ത് ഞാൻ പളളി മേട പണിയും......അവനലറി.... ഓഹ് .......അലറണ്ട.......ഞാനെണിക്കുവാ....പറഞ്ഞു കൊണ്ട് നടുവും താങ്ങി എണീറ്റ് ബാത്ത്റൂമിലേക്ക് പോയി..... കുറച്ചു സമയം കഴിഞ്ഞ് റെഡിയായി താഴേക്ക് പോയി.....താഴെ കൊച്ചുവും നിപ്പുണ്ടായിരുന്നു.....വൈകാതെ രണ്ടു പേരും സ്നേഹാലയത്തിലേക്ക് പുറപ്പെട്ടു..... ❤❤ ആലത്തറയിലെ ജാനിയും ദേവിയും ഒഴികെ മറ്റുള്ളവരെല്ലാം വിവാഹത്തിന് വേണ്ട വസ്ത്രങ്ങളും ആഭരണങ്ങളും എടുക്കാൻ പോയിരുന്നു....അന്നത്തെ അടുക്കള ജോലി മുഴുവൻ ദേവിയും ജാനിയും കൂടി ചെയ്യുകയായിരുന്നു.....

ജോലിയെല്ലാം ഒതുക്കി വച്ച ശേഷം ദേവി കുളിക്കാനായി പുറത്തെ ബാത്ത്റൂമിലേക്ക് പോയിരുന്നു.....ഈ സമയം ജാനി റൂമിൽ ഇരുന്ന് കഴുകി ഉണക്കിയ വസ്ത്രങ്ങൾ അടുക്കീ വയ്ക്കുകയായിരുന്നു.... ഈ സമയം കാശിയുടെ ബലിഷ്ടമായ കരങ്ങൾ അവളുടെ ഇടുപ്പിൽ മുറുകി....അവൾ വേഗം അവന്റെ കൈയയ്ക്കാൻ നോക്കി പക്ഷെ അതിനനുസരിച്ച് അവൻ പിടി മുറുക്കി..... കുതറണ്ട ജാനി ഇന്ന് നിനക്ക് എന്റെ കൈയിൽ നിന്നും രക്ഷപ്പെടാൻ കഴിയില്ല....എന്റെതാക്കാൻ പോവാ ഞാൻ നിന്നെ.....ഇന്ന് ഒരു ദിവസത്തേക്കല്ല ഏട്ടന്റെ ഭാര്യയായി നീ എത്ര കാലം ഇവിടുണ്ടാവുമോ അത്രയും കാലം പറഞ്ഞു കൊണ്ട് അവളെ തിരിച്ചു നിർത്തി ..... വേണ്ട.....എന്നെ ഒന്നും ചെയ്യല്ലേ....പ്ളീസ്....യാചനയോടവൾ കെഞ്ചി.. ഇല്ല ജാനി.....നിന്നെ എനിക്ക് വേണം.....കൊതിച്ച് പോയതാ ഞാൻ ഇത് പോലൊരവസരം എനിക്കിനി കിട്ടില്ല......

വെറുതെ എന്നെ ഭ്രാന്ത് പിടിപ്പിക്കാതെ ഒന്നടങ്ങ് ജാനകി.... പറഞ്ഞു കൊണ്ട് അവളിലേക്ക് മുഖമടുപ്പിച്ചു.....സർവ്വ ശക്തിയുമെടുത്ത് അവനെ പിടിച്ചു തളളി ക്കൊണ്ട് ജാനി പുറത്തേക്ക് ഓടി.....പിന്നിലേക്ക് തിരിഞ്ഞു നോക്കാതെ ശ്വാസം പിടിച്ചു വച്ച് ഓടുകയായിരുന്നവൾ....ശരീരം തളരുന്നത് പോലും വകവയ്ക്കാതെ ലക്ഷ്യമില്ലാതെ ഓടി..... ജാനിയുടെ ഓട്ടം നിലച്ചത് വണ്ണാത്തി പുഴയുടെ മുകളിലെ പാലത്തിലായിരുന്നു..... അവിടെ നിന്നു കൊണ്ട് താഴേക്ക് ഒന്ന് നോക്കി.....തലേന്നത്തേക്കാൾ ശക്തമായി പുഴയിൽ കുത്തൊഴുക്ക് കൂടുതലതായിരുന്നു.....അത് കാണേ ശരീരമാസകലം വിറകൊണ്ടു......ആദി ഇനി ഒരിക്കലും തിരിച്ചു വരില്ലെന്ന് ഉറപ്പിച്ചു ജാനി.....കാശിയുടെ മുഖമോർക്കെ .....അവന്റെ വാക്കുകൾ ചെവിയിൽ അലയടിച്ചു തുടങ്ങി......വീണ്ടും മുകളിൽ നിന്നു കൊണ്ട് താഴേക്ക് നോക്കി..... ""കാല് വഴുതി പുഴയിലേക്ക് പോയാ....പിന്നെ ബോഡി പോലും കിട്ടില്ല.""".

...ഗൗരിയുടെ വാക്കുകൾ കാതിൽ പ്രതിധ്വനിച്ചു കൊണ്ടിരുന്നു ഇനിയും ഭൂമിയ്ക്ക് ഭാരമായി ജീവിതം കഴിച്ചു കൂട്ടാൻ തനിക്ക് കഴിയില്ലെന്ന് തോന്നിയ നിമിഷം പാലത്തിൽ നിന്നും കുത്തൊഴുക്കുളള പുഴയിലേക്ക് വീണ്ടും നോക്കി.....എല്ലാം തീരുമാനിച്ചുറപ്പിച്ച പോലെ പെരുവിരലിൽ നിന്നു കൊണ്ട് പുഴയിലേക്ക് ചാടാനായി ആഞ്ഞതും..... ജാനി.....പെട്ടെന്ന് പരിചിതമായ ആ വിളി കേട്ട് തിരിഞ്ഞു നോക്കീ..... അവളുടെ അടുത്തേക്ക് ഓടി പാഞ്ഞു വരുന്ന കൊച്ചുവിനെ കണ്ട് അവളുടെ കണ്ണുകൾ വിടർന്നു...... കൊച്ചു......അവൾ ഇടർച്ചയോടെ വിളിച്ചു ..... നീ എന്ത് പണിയാ ജാനീ കാട്ടാൻ തുനിഞ്ഞത് ദേഷ്യത്തോടെ പറഞ്ഞു കൊണ്ട് അവളുടെ തോളിൽ പിടിച്ചുലച്ചു.....ഈ സമയം അവളുടെ പിന്നാലെ ജോഷുവും അവിടെ എത്തിയിരുന്നു..... കൊച്ചു ഞാൻ....എനിക്ക് ജീവീക്കണ്ട.....പോവാ.....പറഞ്ഞു കഴിഞ്ഞതും ബോധമറ്റ് അവളുടെ നെഞ്ചിലേക്ക് ചാഞ്ഞു.....ജോഷുവും വേഗം അവളുടെ അടുത്തേക്ക് വന്ന് അവളെ താങ്ങി.............. തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...