🔥അരുന്ധതി [ 2 ] 🔥 : ഭാഗം 16

എഴുത്തുകാരി: ദിവ്യ സാജൻ  

 സീത  ഗിരിജ  ദേവി ബോധമറ്റ് വീണ ജാനിയെ ജോഷു താങ്ങിയെടുത്ത് കാറിൽ കൊണ്ട് കിടത്തി.....നേരെ താമരയ്ക്കലേക്ക് തിരിക്കുകയും ചെയ്തു..... ❤❤ മുഖത്ത് വെളളം വീണപ്പോഴേക്കും കണ്ണുകൾ ചിമ്മി ക്കൊണ്ട് ജാനി പതിയെ ഉണർന്നു......ചുറ്റും നിൽക്കുന്നവരെ അമ്പരപ്പോടെ അവൾ നോക്കി..... എന്റെ ജാനീ....നീയിങ്ങനെ കണ്ണ് മിഴിച്ച് നോക്കണ്ട ഇതെന്റെ വീടാ..... കൊച്ചുവിന്റെ ശബ്ദം കേട്ടിടത്തേക്ക് അവൾ പതിയെ നോക്കി.....കൈയിൽ ഒരു ഗ്ലാസ് വെളളവുമായി വരുന്നവളെ നോക്കി ജാനിയൊന്ന് പുഞ്ചിരിച്ചു..... ഇപ്പൊ നീയിത് കുടിക്ക് പറഞ്ഞു കൊണ്ട് കൊച്ചു വെളളം അവളുടെ കൈയിൽ വയ്ച്ചു കൊടുത്തു......അവൾ അത് വാങ്ങി ആർത്തിയോടെ കുടിച്ചു..... ജാനി ഇതാരാന്നൊക്കെ അറിയേണ്ടേ പുഞ്ചിരിയോടെ തന്റെ മുന്നിൽ നിൽക്കുന്നവരെ ചൂണ്ടിക്കൊണ്ട് കൊച്ചു അവളോട് ചോദിച്ചു .....ഇതാ എന്റെ അപ്പൻ അലക്സ് ......

ഇത് വല്യമ്മച്ചീ.....ദേ ഇതെന്റെ അമ്മ..അരുന്ധതി ...പിന്നെ ഇതെന്റെ കസിൻ ബ്രദർ ജോഷ്വാ....ജോഷിച്ഛായൻ.....ഓരോരുത്തരെയായി കൊച്ചു ജാനിയ്ക്ക് പരിജയപ്പെടുത്തി.... ജാനി നേരത്തെ തന്നെ വീട്ടിലെല്ലാവർക്കും സുപരിചിതയായിരുന്നു.....കാരണം ഓരോ തവണ കൊച്ചു അവധിയ്ക്ക് വരുമ്പോഴും ജാനിയുടെ വിശേഷങ്ങൾ പറയാൻ മാത്രേ ഉണ്ടാവുമായിരുന്നുളളൂ.... ശരിക്കും എന്താ മോളെ സംഭവിച്ചേ....മോളെന്തിനാ ആത്മഹത്യയ്ക്ക് ശ്രമിച്ചത് ആരു അവളുടെ അടുത്തേക്ക് വന്നിരുന്നു കൊണ്ട് അവളുടെ നിറുകിൽ തലോടി...... അപ്പോഴേക്കും ജാനിയുടെ കണ്ണുകൾ നിറഞ്ഞു.....വീണ്ടും കരയാൻ തുടങ്ങി..... ഹാ....എന്നതാ മോളെ ഇത് നീയിങ്ങനെ കരഞ്ഞാലെങ്ങനാ.....നിനക്ക് ഇഷ്ടവല്ലേ പറയേണ്ട.....ആരുവേ അവളെ വെറുതെ വിഷമിപ്പിക്കേണ്ട നീയിങ്ങ് എണീറ്റ് പോര്.....പറഞ്ഞു കൊണ്ട് ഏലിയാമ്മ റൂമിൽ നിന്നും പുറത്തേക്കിറങ്ങി..... ആരു ബെഡിൽ നിന്നും എണീക്കാൻ തുടങ്ങിയതും ജാനി അവളുടെ കൈയിൽ പിടിച്ചു.....

ഞാൻ പറയാം....പതിയെ അവൾ പറഞ്ഞു.....നാട്ടിലെത്തിയത് മുതലുള്ള സകല കാര്യങ്ങളും ജാനി അവരോട് പറഞ്ഞു......പക്ഷെ.....തറവാട്ട് പേരോ അമ്മാവന്മാരുടെ പേരോ അവൾ പ്രത്യേകം എടുത്ത് പറഞ്ഞിരുന്നില്ല....എല്ലാം കേട്ട് കഴിഞ്ഞ് സഹതാപത്തോടെ അവരവളെ നോക്കി..... എന്നാലും ഇത് കുറച്ചു കഷ്ടവാ....ഒരു പെൺകുട്ടിയോട് ഇങ്ങനെയൊക്കെ ചെയ്യാവോ....അതും സ്വന്തം സഹോദരിയുടെ മോളോട്....ഏലിയാമ്മ താടിയ്ക്ക് കൈ വച്ചു കൊണ്ട് പറഞ്ഞു.... എന്നാലും കൊച്ചിന്റെ റൂമിലേക്ക് കയറി വന്നവൻ ആരാണാവോ.....അവനിട്ടാ രണ്ടു പൊട്ടിക്കേണ്ടത്......തെണ്ടീ....അവനൻ കാരണവല്ലെ ഇതെല്ലാം ഉണ്ടായത്.....ജോഷുവിന്റെ കലിപ്പ് തീർന്നില്ലായിരുന്നു പല്ലു കടിച്ചു കൊണ്ട് അവൻ പറഞ്ഞു.... ആഹ് എന്തായാലും നടക്കാനുള്ളതൊക്കെ നടന്നു അത് വിധി......ഇനി അതൊന്നും ഓർത്ത് മോള് വിഷമിക്കേണ്ട...... ഇനി നീ അവിടേക്ക് തിരികെ പോവുകയും വേണ്ട.....

.നിന്നെ ദ്രോഹിക്കാൻ തക്കം പാത്തിരിക്കുന്ന നിന്റെ മുറച്ചെറുക്കന് മുന്നിലേക്കോ.... നിങ്ങളുടെ നിസ്സഹായത മുതലെടുക്കുന്ന അമ്മാവന്മാരുടെ അടുത്തേക്കോ നീ പോണ്ട.....മോൾക്ക് എത്ര കാലം വേണമെങ്കിലും ഇവിടെ കഴിയാം....അതോർത്ത് നീ വിഷമിക്കല്ലേ.....അമ്മയെ വിളിച്ച് നീ കൊച്ചുവിനൊപ്പം ഉണ്ടെന്ന് പറഞ്ഞാൽ മതി......അവർ നിന്നെ കാണാതെ പരിഭ്രമിച്ചിരിപ്പുണ്ടാവും....പറഞ്ഞു കൊണ്ട് ആരു അവളെ ചേർത്ത് പിടിച്ചു....അലക്സും ഏലിയാമ്മയും ഒരു പുഞ്ചിരി യോടെ അവളെ തന്നെ നോക്കി നിന്നു.... ഹാ.....ഇനി നീ ഇങ്ങോട്ട് പോരെന്റെ അന്നക്കൊച്ചേ .....അവള് കുറച്ചു നേരം കിടക്കട്ടേ....പറഞ്ഞു കൊണ്ട് അലക്സ് ആരുവിനെയും കൂട്ടി പുറത്തേക്ക് പോയി.... കൊച്ചു പുഞ്ചിരിയോടെ അവളുടെ അടുത്തേക്ക് വന്നിരുന്നു.....കിടന്നോട്ടോ....പറഞ്ഞു കഴിഞ്ഞു ജാനിയെ കട്ടിലിലേക്ക് ചായ്ച് കിടത്തിയ ശേഷം അവൾ പുറത്തേക്ക് പോയി..... ഈ സമയം ജാനി റുമിനകം മുഴുവനുമൊന്ന് കണ്ണോടിച്ചു ...

.ഈ സമയം ചുമരിൽ തൂക്കി യിട്ടിരുന്ന ഒരു ഫോട്ടോയിൽ കണ്ണുടക്കിയതും ചാടി പിടച്ച് കൊണ്ട് അവളെഴുന്നേറ്റു.... കൊച്ചുവിനെയും ചേർത്ത് പിടിച്ചു നിൽക്കുന്ന ആദമും അബ്രഹാമും ആയിരുന്നു അത്....രണ്ടു പേരുടെയും മുഖം ഒരിക്കലും മറക്കാത്ത രീതിയിൽ ജാനിയുടെ മനസ്സിൽ പതിഞ്ഞിരുന്നു.....താനിന്നനുഭവിക്കേണ്ടി വന്നതിനൊക്കെ ഒരു പരിധിവരെ ഇവരും കാരണക്കാർ ആണല്ലോ.... കുറച്ചു കഴിഞ്ഞ് കൈയിൽ ഒരു ഫോണുമായി റൂമിലേക്ക് വന്നതായിരുന്നു കൊച്ചു....ജാനിയുടെ ഇരിപ്പു കണ്ട് അവൾ നെറ്റിചുളുച്ചു കൊണ്ട് അവളെ നോക്കി.... എന്താ ജാനി... എന്താ പറ്റിയേ....എന്തേലും വയ്യായ്ക തോന്നണുണ്ടോ.....പരിഭ്രമത്തോടെ കൊച്ചു ചോദിച്ചു.... മ്മ് ഹം....ഇല്ലെന്ന് തലയാട്ടി.... പിന്നെ എന്താടീ നിനക്ക്....ആകെ വിയർത്തിരിക്കുവാണല്ലോ.....പറഞ്ഞു കൊണ്ട് ജാനിയുടെ നെറ്റിയിൽ കൈവച്ചു ചൂട് നോക്കി..... കൊച്ചു.....ഇത് ???

ചുമരിൽ തൂക്കിയിട്ടിരുന്ന ഫോട്ടോ വിരൽ ചൂണ്ടി ആരാന്നുളള അർത്ഥത്തിൽ അവളെ നോക്കി.... ആഹ്.....ഇതോ ഇവരാ എന്റെ ഇച്ഛായന്മാർ ആദവും അബ്രഹാമും....ഓരോരുത്തരുടെ ഫോട്ടോയിലുമായ് തൊട്ട് കാണിച്ചു കൊണ്ട് പറഞ്ഞു ..... അത് കേട്ടതും വിറങ്ങലിച്ചിരുന്നു പോയി ജാനി....താനിതുവരെ ഒരു നോക്കെങിലും കാണാൻ ആഗ്രഹിച്ചിരുന്ന കൊച്ചുവിന്റെ ഇച്ഛായനാണ് തന്റെ ഈ വിധിയ്ക്ക് കാരണമെന്നോർക്കെ ശരീരത്തിലുടനീളം ഒരു വിറയൽ തോന്നി.... ജാനി നീ....വീട്ടിലേക്ക് വിളിച്ച് അമ്മയോട് എല്ലാം പറയ്....അന്നേരം കൊണ്ട് ഞാനെന്റെ ഇച്ഛായനെ വിളിച്ചിട്ട് വരാം.....ഫോൺ അവളെ ഏൽപ്പിച്ചു കഴിഞ്ഞു റൂമിൽ നിന്നും പുറത്തേക്കിറങ്ങി കൊച്ചു.... വല്ലാത്തൊരു മാനസികാവസ്ഥയിൽ ആയി ജാനി..... അവൾ വേഗം ദേവിയുടെ ഫോണിലേക്ക് കോൾ ചെയ്തു.... ❤❤

ഫിനാൻസിലേക്ക് പോവാൻ റെഡിയായി ഇറങ്ങിയതായിരുന്നു ആദം..... ഈ സമയം കൊച്ചു നിറഞ്ഞ ചിരിയോടെ അവന്റെ അടുത്തേക്ക് ചെന്നു..... എന്നതാടീ കൊച്ചൂ നീ ഇന്ന് വല്യ സന്തോഷത്തിലാന്നല്ലോ....എന്നാടി മോളെ....വല്ല ലോട്ടറിയും അടിച്ചാ.....ചിരിയോടെ ചോദിച്ചു കൊണ്ട് ടേബിളിനു മുകളിൽ വച്ചിരുന്ന വാച്ച് കൈ തണ്ടയിൽ കെട്ടി....കൈത്തണ്ടയിൽ പച്ച ച കുത്തിയ കുരിശ് രൂപം പൂർണ്ണമായും ആ വാച്ചിനാൽ മറഞ്ഞു.... ആഹ് വലിയൊരു ലോട്ടറി അടിച്ചന്റിച്ഛായോ....പറഞ്ഞു കൊണ്ട് അവന്റെ കവിളിൽ പിച്ചി.... മ്മ്.....എന്ത് ലോട്ടറിയാടി....കുസൃതിയോടെ ചോദിച്ചു.... ഞാനെപ്പോഴും പറയാറില്ലേ എന്റെ ഒരു ഫ്രണ്ടിനെ പറ്റി.....ജാനകി....ഹാ....ഞാനന്ന് സ്റ്റേഷനിൽ വച്ച് പറഞ്ഞ കുട്ടീ....അവന്റെ മുഖത്ത് വിരിഞ്ഞ സംശയ ഭാവം കണ്ട് പറഞ്ഞു.... ആഹ്.... ഒരുത്തനെ വെട്ടി ജയിലിൽ കിടന്നെന്ന് പറഞ്ഞ കൊച്ച്.....അതാന്നോ....അവൻ വേഗം ചോദിച്ചു.... മ്മ് ഹം.....

അവൾ തന്നെ...മാസങ്ങൾക്ക് ശേഷം അവളെ ഞാൻ കണ്ടു പിടിച്ചു......ഇപ്പോ എന്റെ റൂമിൽ റെസ്റ്റെടുക്കുവാ അവൾ.......ഇച്ഛായൻ വാ അവളെ പരിജയപ്പെടാം.....അവന്റെ കൈയിൽ പിടിച്ചു കൊണ്ട് മുന്നോട്ട് നടന്നു.... ഹാ.....അവളിവിടെ നിക്കുവല്ലേ.....പിന്നെയായാലും കാണാല്ലോ.....പറഞ്ഞു കൊണ്ട് ആദം അവളുടെ കൈ വിടുവിച്ചു.... അതൊന്നും പറഞ്ഞാൽ പറ്റില്ല.....ഇപ്പൊ തന്നെ പരിജയപ്പെടണം പറഞ്ഞു കൊണ്ട് അവനെ വലിച്ചു അവളുടെ റൂമിലേക്ക് കൊണ്ട് പോയി. ....വാതിൽക്കൽ നിന്നു കൊണ്ട് അകത്തേക്ക് നോക്കുമ്പോൾ ആദമും കൊച്ചുവും കാണുന്നത് ജനാലയ്ക്കരികിലായ് പിന്തിരിഞ്ഞ് നിന്നു പുറത്തേക്ക് നോക്കി നിൽക്കുന്നവളെയാണ്.... ജാനീ.....ദേ നോക്കിയേ ഇതാരാന്ന്....കൊച്ചു പുഞ്ചിരിയോടെ വിളിച്ചു പറഞ്ഞു.... ജാനി പതിയെ തിരിഞ്ഞ് ആദത്തെ നോക്കി....

ഒരു തവണ ഞെട്ടിയത് കൊണ്ടും അവനെ അവിടെ പ്രതീക്ഷിച്ചത് കൊണ്ടും അവളുടെ മുഖത്ത് പ്രത്യേകിച്ച് ഭാവ മാറ്റമൊന്നുമില്ലായിരുന്നു.... പക്ഷേ.....ആദത്തിന്റെ അവസ്ഥ മറിച്ചായിരുന്നു....തന്റെ മുന്നിൽ നിൽക്കുന്ന പെണ്ണിനെ കണ്ട് അടിമുടി സ്തംഭിച്ചു നിന്നു പോയവൻ.... പെട്ടന്ന് അങ്ങോട്ടോടണോ ഇങ്ങോട്ടോടണോ ന്ന് ചിന്തിച്ചു പോയി ആദം ......അവളുടെ മുഖത്ത് നോക്കാൻ പോലും വല്ലായ്മ തോന്നി.... കൊച്ചുവേ.....കൊച്ചുവേ.....അപ്പോഴേക്കും ഏലിയാമ്മ നീട്ടിയുളള വിളി വന്നു.... ആ....വല്യമ്മച്ചീ ഞാൻ ദേ വരുന്നു... ആഹ്....ജാനകി നിങ്ങൾ സംസാരിക്ക് ഞാനിപ്പോ വരാം വല്യമ്മച്ചീ എന്തിനാ വിളിച്ചതെന്ന് ചോദിച്ചേച്ച് വരാം പറഞ്ഞു കൊണ്ട് കൊച്ചു പുറത്തേക്ക് പോയി.... ഈ സമയം ആദത്തെ തന്നെ ഉറ്റുനോക്കി നിന്നു ജാനി........... തുടരും......