🔥അരുന്ധതി [ 2 ] 🔥 : ഭാഗം 17

എഴുത്തുകാരി: ദിവ്യ സാജൻ  

 എന്റെ കൊച്ചേ നീയാരുന്നോ ജാനകി.....തമ്പുരാനേ.... പറഞ്ഞു കൊണ്ട് തലയ്ക്ക് കൈവച്ചു പോയി ആദം.....എന്റെ പൊന്ന് കൊച്ചേ ഈ ഒറ്റ തവണത്തേക്ക് എന്നോട് ക്ഷമിച്ചേക്ക്......പെട്ടെന്ന് വന്ന ദേഷ്യത്തിന് ചെയ്തു പോയതാ.....സോറീ...അവൻ അവളെയൊന്ന് പാളി നോക്കി.....ജാനി അവനെ കൂർപ്പിച്ചു നോക്കി ക്കൊണ്ട് നിന്നു..... സത്യവായിട്ടും എനിക്കറിയാമ്മേലായിരുന്നു കൊച്ചാ ജാനകി എന്ന്....അറിഞ്ഞിരുന്നേ തമ്പുരാനാണേ ഞാൻ തന്നോട് അങ്ങനൊന്നും....പറഞ്ഞു നിർത്തി ക്കൊണ്ട് അവളുടെ മുഖത്തേക്ക് നോക്കി..... കഴിഞ്ഞോ.....മാപ്പ് പറഞ്ഞാൽ തീരുന്നതാണോ താനെന്നോട് ചെയ്തത്.....അന്നത്തെ ആ ഒറ്റ രാത്രി കൊണ്ട് ഞാൻ എല്ലാവരുടെയും മുന്നിൽ പിഴച്ചവളായി .....എന്റെ അമ്മാവനെന്നെ തല്ലി....നിങ്ങളെ ഞാനാ വീട്ടിലേക്ക് വിളിച്ചു കയറ്റിയതെന്ന് പറഞ്ഞ് ഋഷിയേട്ടനുമായുളള എന്റെ വിവാഹം നാളെ നടത്താൻ പോവുവാ....എന്റെ കഴുത്തിൽ ഒരാളുടെ താലി ഒരിക്കൽ വീണതാ.....

നിയമപരമായി അല്ലാന്നേളളൂ....പക്ഷെ മനസ്സ് കൊണ്ട് ഞാൻ എന്റെ ആദിയേട്ടന്റെ ഭാര്യയാ.....അത് മറുത്ത് ഋഷിയേട്ടന്റെ താലി സ്വീകരിക്കേണ്ടി വന്നാൽ പിന്നെ ഞാൻ ജീവനോടുണ്ടാവില്ല..... എന്റെ മരണത്തിനുത്തരവാദി താനാണെന്ന് എഴുതി വച്ചിട്ട് ഞാനെന്റെ ജീവനൊടുക്കും ഓർത്തോ.....പറഞ്ഞു കൊണ്ട് കണ്ണുകൾ തുടച്ചു..... ദേ കൊച്ചേ ഞാൻ പറഞ്ഞില്ലായോ പറ്റിപ്പോയി.....നിന്റെ അമ്മാവന്മാർ ചേർന്ന് ഇച്ഛായൻ നിന്നെ കയറി പിടിച്ചുന്ന് കളളം പറഞ്ഞ് എല്ലാവരുടെയും മുന്നിലിട്ട് തല്ലിച്ചതച്ചെന്ന് കേട്ടപ്പോൾ നിയന്ത്രണം വിട്ടു പോയി.....അവറ്റകൾക്കിട്ടൊരു പണി അത്രേ ഞാൻ കരുതിയൊളളൂ....അത് കാരണം കൊച്ചിനിങ്ങനൊക്കെ സഹിക്കേണ്ടി വരുമെന്ന് എനിക്കറിയാമ്മേലാരുന്നു......ദയവ് ചെയ്ത് നടന്നതൊന്നും ഇവിടെ ആരോടും പറയരുതേ കൊച്ചേ പ്ലീസ്......അവൻ കെഞ്ചി... ഞാൻ പറയും എല്ലാവരും അറിയട്ടേ തന്റെ ശരിക്കുള്ള സ്വഭാവം.....

താനൊരാഭാസനാ....പോക്കിരിയാ എന്നൊക്കെ എല്ലാവരും അറിയട്ടേ.....അവൾ ദേഷ്യത്തോടെ പറഞ്ഞു.... ടീ...ടീ...പന്ന@@@ മോളെ ആരാടീ ആഭാസൻ....നിന്റെ തന്ത ആ കളളൻ ഗരുഡൻ രാഘവനോ.....കുറച്ചു താണൂന്ന് കരുതി തോളത്തിരുന്ന് ചെവി തിന്നാ നീ.....ദേ മനുഷ്യന്റെ ക്ഷമ പരീക്ഷിച്ചാലുണ്ടല്ലോ....വലിച്ചു പറിച്ച് ഭിത്തിയേലൊട്ടിക്കും കേട്ടോടീ പൂച്ചക്കണ്ണീ....അവനലറി..... ഈ സമയം ആദത്തിന്റെ ഒച്ച കേട്ട് ജോഷു അവിടേക്ക് വന്നു... ഹാ....എന്നതാ ഇച്ഛായാ ഇത് നിങ്ങളെന്നാത്തിനാ പാവം പിടിച്ച കൊച്ചിന്റെ മണ്ടയ്ക്ക് കേറുന്നേ....അല്ലേലെ ഒരു പന്ന ......മോൻ കാരണം അവൾക്കീ ഗതി വന്നതോർത്ത് രാവിലെ ആ പുഴേന്ന് ചാടി ചാവമ്പോയപ്പോഴാ കൊച്ചുവിന്റെ കണ്ണിൽ പെട്ട് ഇവിടേക്ക് കൊണ്ട് വന്നത്.....ഇനി നിങ്ങളും കൂടി അതിനെ ദണ്ഡിപ്പീക്കല്ലേ..... സത്യം പറയാല്ലോ കൊച്ചേ.....അന്ന് നിന്റെ റൂമിൽ കയറിവനെ എന്റെ കൈയിലെങ്ങാനും കിട്ടിയാ ചവിട്ടി കൂട്ടും ഞാൻ ......

പല്ലു ഞെരിച്ച് കൊണ്ട് പറഞ്ഞു നിർത്തി.... ജോഷു പറയുന്നതൊക്കെ ആദത്തിന് നന്നായിട്ട് കൊളളുന്നുണ്ടായിരുന്നു.... അമ്മയെയും പെങ്ങളെയും തിരിച്ചറിയാത്ത പന്ന മോൻ ജോഷു കലിയടങ്ങാതെ പറഞ്ഞു... ജോഷൂ.....മതീയെടാ....മതി.....ഇനിയും പറഞ്ഞാ താങ്ങുകേലടാ....ആദം ദയനീയമായി അവനെ നോക്കി..... അതിന് ഇച്ഛായനെന്നാ ഞാനാ നാറിയേയല്യോ തെറി വിളിച്ചത്..... ടാ.....പുല്ലേ നീ പറഞ്ഞ ആ നാറി ...ഞാ....ഞാനാടാ.....ആദം അവനെ നോക്കാതെ പറഞ്ഞു... ഹേ......എന്നാന്ന് !!!! നിങ്ങളെന്നാ പറഞ്ഞേ......ജോഷു കേട്ടതിന്റെ ഷോക്കിലായിരുന്നു..... ആ....ടാ....പറ്റിപ്പോയി...... ഈ സമയം അബ്രഹാം അവിടേക്ക് വന്നു.....ജാനിയെ കണ്ടതും അവനും ഞെട്ടലോടെ നിന്നു പോയി.....അവൻ ആദത്തെ നോക്കി..... ടാ കൊച്ച് മോനേ ഇത് മറ്റേ ലവളല്ലേടാ.....ആലത്തറയിലെ കൊച്ച്.....ഉമിനീരക്കികൊണ്ട് ആദത്തിന് കേൾക്കാൻ പാകത്തിന് ശബ്ദം താഴ്ത്തി ചോദിച്ചു..... മ്മ് ഹം.....

.ആദം ദയനീയതയോടെ തലയാട്ടി.... ഇച്ഛായനും അറിയോ ഈ കൊച്ചിനെ ജോഷു വീണ്ടും ഞെട്ടി.... പിന്നേ......അറിയോന്നോ??? ഹോ അന്നത്തെ ആ തല്ലിന്റെ വേദന ഇത് വരെ മാറിട്ടില്ല.....അവൻ പിറുപിറുത്തു.... തല്ലോ.....സത്യം പറ എന്നാ ഉണ്ടായത്.....എന്നതാ നടന്നത്.....എനിക്കിപ്പോ അറിയണം......ജോഷു വിത്ത് കലിപ്പ്.... നീ വാ....ഞാനെല്ലാം പറയാം.....ആദം അവനെയും വലിച്ചു കൊണ്ട് നേരെ റൂമിലേക്ക് പോയി പിന്നാലെ അബ്രഹാമും.... ജാനി അവർ പോകുന്നതും നോക്കി നിന്നു..... റൂമിൽ എത്തീയതും മൂന്നു പേരും അകത്തേക്ക് കയറി......ആദം റൂം അടച്ചു കുറ്റിയിട്ടു.... എന്നതാ ഉണ്ടായതിച്ഛായാ....അവൻ ആദത്തെ നോക്കി.... ടാ....ജോഷൂ....അത്....അന്ന് കണ്ണാപ്പിയെ ആലത്തറയിലെ നാഥനും മഹിയും തല്ലിയതും .....അന്ന് രാത്രി ആദം ജാനകിയുടെ റൂമിൽ കയറിയതും പിന്നെ നടന്നതെല്ലാം അവരോട് തുറന്നു പറഞ്ഞു.... ജോഷുവും അബ്രഹാമും ഞെട്ടലോടെ എല്ലാം കേട്ട് നിന്നു......

എന്നാടാ കൊച്ച് മോനേ ഇത്.....ഒരു പെണ്ണിന്റെ റൂമിനകത്ത്.....കേറിന്നൊക്കെ പറയുമ്പോ.....അതും ഒറ്റയ്ക്കേ.....അബ്രഹാം അവനെയൊന്നിരുത്തി നോക്കി..... എന്നാലും എന്റിച്ഛായ നിങ്ങളെന്നാ പണിയാ കാട്ടിയേ...... ഇച്ചിരി കടുത്ത് പോയി.....ഇതിപ്പോ അവരുടെ എല്ലാം മുന്നില് അവള് മോശക്കാരിയായില്യോ......നടന്നതൊക്കെ മാമനെങ്ങാനുമറിഞ്ഞാ.....ഔഹ്.....ഓർക്കാമേല....ജോഷു താടിയ്ക്ക് കൈവച്ചു..... ഇവന്റെ ഒടുക്കത്തെ എടുത്ത് ചാട്ടവാ.....ഇതിനൊക്കെ വഴിവച്ചത്.....ഇവനോട് ഞാനന്നേ പറഞ്ഞതാ ഒന്നിനും പോവണ്ടാന്ന്......കേക്കുകേല....ഇച്ഛായനെ മൂട്ടിവീട്ട് തല്ലുകൂടിക്കാൻ പുന്നാര പെങ്ങളും....മതിയായല്ലോ.....എന്നാലും എന്റെ കൊച്ചു മോനേ ആ പെണ്ണിനിട്ട് നീയൊരു പണി കൊടുത്തു ന്ന് പറഞ്ഞപ്പോ ഇത്രേം പ്രതീക്ഷിച്ചില്ലെടാ.....ഇതിപ്പോ ഒരൊന്നൊന്നര പണിയായിപ്പോയില്ലായോ.....ഈശോയെ അപ്പനും അമ്മയും അറിയുമ്പോഴുളള പുകിലോർത്ത് കൈയും കാലും വിറയ്ക്കുവാടാ കൊച്ചു മോനേ.....

ഇന്നേ വരെ ഇച്ഛായന്റെ പേരിൽ പെണ്ണ് കേസ് മാത്രം ഇല്ലായിരുന്നു....ഇപ്പൊ അതും ആയി..... കോളം പൂർത്തിയായി.....ജോഷു അവനെ കടുപ്പിച്ച് നോക്കി..... ശവത്തീ കുത്താതെടാ ജോഷൂ....പറ്റിപ്പോയി....ഇനിപ്പോ ഇതീന്ന് എങ്ങനാ ഒന്ന് ഊരി പ്പോരുന്നേ....ആരും ഇതൊന്നും അറിയാമ്പാടില്ല....നെറ്റിയുഴിഞ്ഞു കൊണ്ട് ആദം പറഞ്ഞു..... അതിനിനി അവള് തന്നെ കനിയണം ആ ജാനകി.....അവള് പറഞ്ഞാലല്ലേ എല്ലാവരും അറിയത്തൊളളൂ....പറയാതിരുന്നാ പോരേ.....അബ്രഹാം അവനെ നോക്കി..... ഇച്ഛായാ അവളോട് ഞാൻ മാപ്പ് പറഞ്ഞതാ....പക്ഷ ആ ഒരുമ്പെട്ടോള് വലിയ വാശീലാ എല്ലാവരോടും പറയുവെന്നാ പറയുന്നേ.....അതിനാ ഞാനിപ്പോ അവളോട് ഒന്നെടഞ്ഞത്.... ഓഹ് .....ഇത്രയൊക്കെ ഉണ്ടാക്കി വച്ചിട്ടും നാണമുണ്ടോന്ന് നോക്കിയേ.....അവളുടെ കാല് പിടിച്ചായാലും അവളുടെ തീരുമാനം മാറ്റിക്കണോ....അതോ അവളെ വെറുതെ വാശി പിടിപ്പിക്കണോ....ടാ കൊച്ച് മോനേ നിന്റെ എടുത്ത് ചാട്ടം എന്നവസാനിപ്പിക്കുന്നോ അന്നേ നീ നന്നാവൂ....

ഇതിപ്പോ വല്യമ്മച്ചീ അപ്പനെ പറയുന്ന കൂട്ട്....കാള പെറ്റൂന്ന് കേട്ടാ അപ്പോ കയറെടുത്തോണം......മുന്നും പിന്നും നോക്കല്ല് അവനെ കൂർപ്പിച്ചു നോക്കി ക്കൊണ്ട് പറഞ്ഞു അബ്രഹാം...... ടാ.....ജോഷു നീ ആ ലീനേച്ചിയോട് പറഞ്ഞു നമ്മുടെ വല്യപ്പച്ചന്റെ ആ പഴയ ഒറ്റമുറി വീടൊന്നിന് അടിച്ചു വാരിയിടാൻ പറഞ്ഞേക്ക്.... ഇതിനിടയിലോ.....ജോഷു അവനെയൊന്നിരുത്തി നോക്കി..... ഓഹ്....ടാ പുല്ലേ...എന്നതായാലും അപ്പനിതെല്ലാം അറിയും എന്നെ ചവിട്ടി പുറത്താക്കുവേം ചെയ്യും......അപ്പോ എനിക്ക് പോവാനൊരിടം വേണ്ടേ....ആദം ചെയറിലേക്ക് ഇരുന്നു കൊണ്ട് പറഞ്ഞു..... ടാ കൊച്ച് മോനേ....വീടിന്റെ കാര്യമൊക്കെ നമുക്ക് പിന്നെ തീരുമാനിക്കാം ഇപ്പൊ ഒരു കാര്യം ചെയ്യാം....ആ കൊച്ചിനെ ചെന്നൊന്ന് കാണാം.....അവളുടെ കാല് പിടിച്ചിട്ടായാലും ആരോടും ഒന്നും പറയരുതെന്ന് പറയാം വാ...എണീക്ക്.....അബ്രഹാം....ആദത്തെ വലിച്ചെണീപ്പിച്ചു.....

എനിക്കെങ്ങും മേലാ ആ പൂച്ചകണ്ണീടെ കാലേ വീഴാൻ.....അഹങ്കാരി.....അവൻ കെറുവിച്ചു കൊണ്ട് പറഞ്ഞു..... ദേ .....കൊച്ച് മോനേ കോപ്പിലെ വർത്തമാനം പറയല്ലേ....മൂട്ടീല് തീ പിടിച്ചു നിക്കുമ്പോഴാ അവന്റ ഒരു ഒടുക്കലത്തെ ജാഡ......ദേ....കൊച്ചുവോ അപ്പനോ അമ്മയോ ഒക്കെ അറിയുന്നേന് മുന്നേ.....ഇതൊന്ന് സോൾവ് ചെയ്യാൻ നോക്കാം നീ വന്നേ....പറഞ്ഞു കൊണ്ട് അവനെയും വലിച്ചു വാതിലിനടുത്തേക്ക് നടന്നു.... ഈ സമയം താഴെ ...... ടാ.....അലക്സേ......ഇറങ്ങി വാടാ പുറത്തേക്ക്.....ആലത്തറയിലെ പെണ്ണിന് നീ എവിടാടാ ഒളിപ്പിച്ച് വച്ചിരിക്കുന്നത്.....നാഥന്റെയും മഹിയുടെയും ഉറച്ച ശബ്ദം കേട്ട് മൂന്നു പേരും നിന്ന നിൽപ്പ് തന്നെ തുടർന്നു അമ്പരപ്പോടെ ................ തുടരും......