🔥അരുന്ധതി [ 2 ] 🔥 : ഭാഗം 18

എഴുത്തുകാരി: ദിവ്യ സാജൻ  

ടാ....അതാ ആലത്തറയിലെ തബ്രാക്കന്മാരല്ലേ.....അബ്രഹാം.....ആദത്തെ നോക്കി... മ്മ്......അവനൊന്ന് അമർത്തി മൂളി..... മ്മ് ഹം....അപ്പോ ഇനി ആ പെണ്ണിന്റെ കാല് പിടിക്കേണ്ടി വരുകേല.....അറിയേണ്ടതെല്ലാം താഴെ നിക്കുന്നവന്മാരറിയിച്ചോളും ......ജോഷു പിറുപിറുത്തു.... എന്നായാലും നമുക്ക് താഴേക്ക് പോവാം ഇച്ഛായൻ വാ.....ആദം അബ്രഹാമിനെ നോക്കി..... അത് വേണോടാ കൊച്ച് മോനെ....അബ്രഹാം ഇടർച്ചയോടെ ചോദിച്ചു..... ഞാൻ പോവുവാ ഇച്ഛായൻ വരുവാണേ വന്നാ മതി ......മുണ്ട് മടക്കി കുത്തി കൊണ്ട് അവൻ താഴേക്കിറങ്ങാൻ തുടങ്ങി..... ❤❤ പുറത്ത് മഹിയുടെയും നാഥന്റെയും അലർച്ച കേട്ട് അലക്സും ആരുവും ഏലിയാമ്മയും പരസ്പരം മുഖത്തോട് മുഖം നോക്കി..... അലക്സ് വേഗം ഉമ്മറത്തേക്കിറങ്ങീ..... മീശമുറുക്കി മുണ്ട് മടക്കി കുത്തി കൊണ്ട് വരുന്നവനെ മഹിയും നാഥനും കാശിയും പുച്ഛത്തോടെ നോക്കി.... ഹാ ....

.ഇതാരൊക്കയാ....ആലത്തറയിലെ തമ്പുരാക്കന്മാരോ എന്നാ പറ്റി ആകെ കലിപ്പിലാണല്ലോ.....അവൻ കളിയാക്കി ചോദിച്ചു.... നിന്റെ കളിയാക്കല് കേട്ട് നിക്കാനല്ല അലക്സേ ഞങ്ങളിപ്പോ വന്നത്.....ഞങ്ങളുടെ കുട്ടിയെ കൊണ്ട് പോകാനാ......അവളെ നിന്റെ മകൾ ഇവിടേക്ക് കൊണ്ട് വന്നിട്ടുണ്ടെന്ന് ഞങ്ങൾക്കറിയാം അവളെ കൊണ്ട് പോവാനാ ഞങ്ങൾ വന്നത്.... അലക്സ് നെറ്റിചുളുച്ചു കൊണ്ട് അവരെ നോക്കി..... ഞങ്ങൾ പറഞ്ഞത് മനസ്സിലായില്ലേ അലക്സേ.....ജാനകി അവൾ ഞങ്ങളുടെ ദേവീടെ മോളാ അവളെ ഇങ്ങോട്ട് ഇറക്കി വിടുന്ന കാര്യാ ഏട്ടൻ പറഞ്ഞത് മഹി ചിറി കോട്ടി കൊണ്ട് അലക്സിനെ നോക്കി..... മഹി പറഞ്ഞത് കേട്ട് തറഞ്ഞു നിക്കാരുന്നു അലക്സ് ......അലക്സിന്റെ പിന്നാലെ വന്ന ആരുവിന്റെയും ഏലിയാമ്മയുടെയും അവസ്ഥയും മറിച്ചായിരുന്നില്ല...... ഈ സമയം പുറത്തെ ബഹളം കേട്ട് കൊച്ചുവിനൊപ്പം പുറത്തേക്ക് വന്നതായിരുന്നു......ജാനി....

മുറ്റത്ത് നിക്കുന്നവരെ കണ്ട് ഭയത്തോടെ കൊച്ചുവിനെ മുറുകെ പിടിച്ചു.....ഒന്നുമുണ്ടാവില്ലെന്നുളള അർത്ഥത്തിൽ കൊച്ചു അവളെ നോക്കി കണ്ണുകളടച്ച് കാണിച്ചു....... ദേ വന്നൂലോ.....നാഥനും മഹിയും കാശിയും അവളെ നോക്കി..... ഈ സമയം കാശിയുടെ മുഖത്ത് വശ്യതയാർന്നൊരു പുഞ്ചിരി വിരിഞ്ഞു.... ജാനി കാശിയുടെ നോട്ടം കണ്ട് തല കുനിച്ച് നിന്നു..... നാളെ നിന്റെ വിവാഹമായിട്ട് ഞങ്ങളെ മനപൂർവം നാണം കെടുത്താൻ വേണ്ടിയാണോടീ ഇവിടേക്ക് വന്നത്......നാഥൻ അലറിക്കൊണ്ട് ചോദിച്ചു ..... ജാനി മറുപടി പറയാതെ തന്നെ നിന്നു..... എന്താടീ നീ വരുന്നില്ലേ.....ഇറങ്ങി വരുന്നതാ നിനക്ക് നല്ലത് അല്ലെങ്കിൽ വലിച്ചിഴച്ച് കൊണ്ട് പോവും ഞങ്ങൾ.....കാശി അവളെ രൂക്ഷമായി നോക്കി.... ഇല്ല....ഞാ....ഞാ...ഞാൻ വ....വരില്ല.....എനിക്ക്.....ഈ.....വിവാഹം....വേ....വേണ്ട.....വിറയോടേ പറഞ്ഞു.... അത് നീയാണോ തീരുമാനിക്കേണ്ടത്.....ഇറങ്ങി വാടീ ഇവിടേക്ക് പറഞ്ഞു കൊണ്ട് കാശി വീടിനകത്തേക്ക് കയറാൻ തുടങ്ങിയതും അലക്സ് അവനെ കൈവച്ചു തടഞ്ഞു.... ടോ....മാറി നിക്കടോ വെറുതെ വയസ്സ് കാലത്ത് തല്ല് വാങ്ങി കൂട്ടെണ്ട...... അതിനു മറുപടിയായി അവനൊന്ന് പുച്ഛിച്ച് ചിരിച്ചു......പിന്നെ തുടർന്നു നിങ്ങൾക്ക് അവളെ ഇവിടെ നിന്നും കൊണ്ട് പോവാം....

പക്ഷെ അത് അവളുടെ ഇഷ്ടത്തോടെ മാത്രം അല്ലാതെ പിടിച്ചു വലിച്ചു കൊണ്ട് പോവാന്ന് കരുതണ്ട..... തന്നോട് പറഞ്ഞാൽ മനസ്സിലാവില്ലേടോ പറഞ്ഞു കൊണ്ട് കാശി അലക്സിനെ തല്ലാനായി കൈയുയർത്തിയതും അലക്സ് അവനെ കൈവച്ചു തടഞ്ഞു കൊണ്ട് പിടിച്ചു തിരിച്ചു നിർത്തി മുതുകിൽ ആഞ്ഞ് ചവിട്ടി....കാശി മുഖമടിച്ചു നിലത്തേക്ക് വീണു.... ഇത് കണ്ട് നിന്ന ജാനകി അമ്പരപ്പോടെ അലക്സിനെ തന്നെ നോക്കി..... മഹി വേഗം കാശിയെ എണീപ്പിച്ച് നിർത്തി..... ദേ ചെളള് ചെറുക്കാ.....വെറുതെ ഈ അലക്സിനോട് ഇടയാൻ നിക്കണ്ട....കൊച്ചൻ താങ്ങുകേല....പറഞ്ഞു കൊണ്ട് പുച്ഛത്തോടെ അവനെ നോക്കി..... ഈ സമയം ആദം ഉമ്മറത്ത് എത്തിയിരുന്നു....അവനെ കണ്ടതും മൂന്നു പേരുടെയും മുഖം വലിഞ്ഞു മുറുകി..... ഓഹ്....നീയും ഇവിടെ ഉണ്ടായിരുന്നോ.....അപ്പോ ഇവനെ കണ്ടിട്ടാ അല്ലേടീ പിഴച്ചവളെ ഞങ്ങളുടെ നേരെ നീ എതിർത്ത് സംസാരിച്ചത്.....മഹി ജാനകിയെ നോക്കി പല്ലു കടിച്ചു....

ജാനി അപമാനം താങ്ങാനാവാതെ മൂഖം കുനിച്ച് നിന്നു....ആദമും ജോഷുവും അബ്രഹാമുമൊഴിച്ച് മറ്റുള്ളവർ സംശയത്തോടെ അയാളെ നോക്കി... . ഇവന് അവിടെ പായ വിരിച്ചു മതിയാവാത്തോണ്ടാണോടീ നീ അവന്റെ ചൂട് തേടി ഇവിടേക്ക് വന്നത് കാശി പുച്ഛത്തോടെ പറഞ്ഞു കൊണ്ട് ജാനിയെയും ആദത്തെയും നോക്കി..... എല്ലാവരുടെയും മുന്നേ ഉരുകി ഒലിച്ചു നിന്നു പോയി ജാനി.... ചെയ്യാത്ത തെറ്റിന്റെ പേരിൽ അപമാനിതയാകേണ്ടി വന്ന പെണ്ണ് 🔥🔥 കാശി പറയുന്നത് കേട്ട് വിറങ്ങലിച്ചു നിക്കാരുന്നു അലക്സും ഏലിയാമ്മയും ആരുവും കൊച്ചുവും.....മറ്റുള്ളവരുടെ മുഖത്ത് ഒരു ഞെട്ടൽ മാത്രം.....മൂന്നു പേരും അലക്സിനെ തന്നെ നോക്കി നിന്നു.... അവൻ എങ്ങനെ പ്രതികരിക്കുമെന്നറിയാതെ..... ജാനി ഈ സമയം വിറയോടെ നിന്നു..... നീ എന്നതാ പറഞ്ഞത് അലക്സ് കാശിയെ രൂക്ഷമായി നോക്കി .... ഹാ നിനക്ക് മനസ്സിലായില്ലേടാ അലക്സേ.....നിന്റെ ഈ നിൽക്കുന്ന മോൻ ഇവളെ തേടി അവിടേക്ക് വന്നിരുന്നു....

ഞങ്ങളത് കൈയോടെ പിടി കൂടുകയും ചെയ്തു.... അല്ലെങ്കിൽ ചോദിച്ചു നോക്ക് നിന്റെ പുന്നാര മോനോട്....അവജ്ഞയോടെ പറഞ്ഞു നാഥൻ..... അലക്സിന്റെ മനസ്സിൽ ജാനകി രാവിലെ പറഞ്ഞതൊക്കെ മനസ്സിൽ തെളിഞ്ഞു വന്നു.... അവൻ ആദത്തെ രൂക്ഷമായി നോക്കി..... അമ്പ്രഹാമും ജോഷുവും ഉമിനീരക്കി കൊണ്ട് രണ്ടു പേരെയും മാറി മാറി നോക്കി..... ആദമാവട്ടെ ഒരു കൂസലുമില്ലാതെ ചുമരിൽ ചാരി നിപ്പുണ്ടായിരുന്നു..... അലക്സ് ജാനിയെ തിരിഞ്ഞു നോക്കി..... ഇവനീ പറഞ്ഞത് നേരാന്നോടീ മോളെ.... അവൾ മറുപടി പറയാതെ കുനിഞ്ഞ് നിന്നു.... ഹാ....നിന്നോടല്യോടീ കൊച്ചേ ചോദിച്ചത്.....നീ രാവിലെ പറഞ്ഞത് ഇവനെ കുറിച്ചായിരുന്നോ....അന്ന് നിനക്ക് ചീത്യപ്പേരുണ്ടാക്കിയത് ഇവനായിരുന്നോ....അലറി ക്കൊണ്ട് ചോദിച്ചു അലക്സ്..... അവന്റെ ആ അലർച്ചയിൽ ഭയത്തോടെ അതെ എന്ന് തലയാട്ടി ജാനി.... അലക്സ് പല്ല് ഞെരിച്ച് കൊണ്ട് ആദമിന് നേരെ തിരിഞ്ഞതും ആരു അവനെ തടഞ്ഞു....

വേണ്ടിച്ഛായ ഇവനോട് ഞാൻ ചോദിച്ചോളാം പറഞ്ഞു കൊണ്ട് അവൾ ആദമിന്റെ അടുത്തേക്ക് നടന്നു.... ടാ....കൊച്ച് മോനേ.. ജാനകി പറഞ്ഞത് നേരാണോ.... അത് അമ്മ ....ഞാൻ അന്ന്.....ആദം പരുങ്ങലോടെ പറയാൻ തുടങ്ങി.... നിർത്ത്....ആരു കൈയുയർത്തി കൊണ്ട് അവനെ തടഞ്ഞു...... നീയാണോ അന്ന് ജാനിയുടെ മുറിയിൽ കയറി അവൾക്ക് പേര് ദോഷം ഉണ്ടാക്കിയത്..... മ്മ് ഹം....അതെ അമ്മ...പറഞ്ഞു തീരുന്നതിന് മുന്നേ അവളുടെ വലത് കൈ അവന്റെ ഇടതു കവിളിൽ ആഞ്ഞു പതിച്ചിരുന്നു.....പെട്ടെന്ന് ആരുവിൽ നിന്നും അങ്ങനൊരു പ്രതികരണം അവൻ പ്രതീക്ഷിച്ചില്ല.....അമ്പരപ്പോടെ ആരുവിനെ ഉറ്റുനോക്കി.....അറിയാതെ കവിളിലേക്ക് അവന്റെ കൈ ചലിച്ചു..... കൊച്ചുവും ജാനിയും ഒരു പകപ്പോടെ എല്ലാം കണ്ടു നിന്നു.... ഈ ലോകത്ത് ഒരു പെണ്ണിന് ഏറ്റവും വലുത് മാനവും അഭിമാനവുമൊക്കെയാ.....ചെയ്യാത്ത തെറ്റിന്റെ പേരിൽ മറ്റുള്ളവർക്ക് മുന്നിൽ പിഴച്ചെന്ന് മുദ്ര കുത്തപ്പെട്ട് നിൽക്കുന്നതിന്റെ വേദന നിനക്കറിയില്ല....

പക്ഷെ എനിക്കും ദേ ആ നിൽക്കുന്ന മനുഷ്യനും നന്നായറിയാം അലക്സിന്റെ ചൂണ്ടിക്കൊണ്ട് ആരു പറഞ്ഞു....പണ്ടൊരിക്കൽ ഞങ്ങൾ അതനുഭവിച്ചതാ.....പക്ഷെ അന്ന് ഞങ്ങളെ രണ്ടു പേരെയും ചതിയിൽപ്പെടുത്തിയതായിരുന്നു.....ഇന്ന് നീ മനപൂർവം ആ കുട്ടിയെ മറ്റുള്ളവർക്ക് മുന്നിൽ അപമാനിച്ചു .....അതിന് പ്രായശ്ചിത്തമായി നീ എന്താ ചെയ്യാൻ പോവുന്നത്.....അവന്റെ മുഖത്ത് നോക്കി തെല്ലും പരിഭ്രമമില്ലാതെ ചോദിച്ചു ആരു.... മറുപടി പറയാൻ അവനായില്ല.....ചുറ്റും നിൽക്കുന്ന സഹോദരങ്ങൾ അവനെ തന്നെ ദയനീയമായ നോക്കി നിപ്പുണ്ടായിരുന്നു..... അമ്മ എന്ത് ശിക്ഷ വിധിച്ചാലും ഞാനനുഭവിച്ചോളാം......തെല്ലൊരു മൗനത്തിനു ശേഷം ആദം പറഞ്ഞു..... ഈ സമയം ആരു അലക്സിനെ ഒന്ന് നോക്കി....അലക്സ് അകത്തേക്ക് കയറി പോയി....കുറച്ചു കഴിഞ്ഞ് തിരികെ വരികയും ചെയ്തു....പിന്നെ ചെറിയൊരു ബോക്സ് അവളുടെ കൈയിൽ വച്ച് കൊടുത്തു.....

എല്ലാവരും ഒന്നും മനസ്സിലാവാതെ അവരെ തന്നെ നോക്കി നിന്നു..... നീ കാരണവല്ലേ അവൾക്കിന്നീ അവസ്ഥ വന്നത്.....അതിന് പരിഹാരവും നീ തന്നെ കാണണം.....പറഞ്ഞു കൊണ്ട് ആ ബോക്സ് തുറന്നു അതിൽ നിന്നും മിന്നു കോർത്തൊരു ചെയ്ൻ ആരു പുറത്തേക്കെടുത്തു......എല്ലാവരും അമ്പരപ്പ് വിട്ടു മാറാതെ അതിൽ തന്നെ നോക്കി ...... ഇത് കണ്ണാപ്പീടെ മിന്ന് കെട്ടിന് വേണ്ടി ഇച്ഛായൻ വാങ്ങി വെച്ചതാ....ഈ നിമിഷം ഈ മിന്ന് നീ അവളുടെ കഴുത്തിൽ അണിയണം.....ആദം ഞെട്ടി ക്കൊണ്ട് ആരുവിനെ തന്നെ ഉറ്റുനോക്കി.....അവിടെ കൂടി നിന്നവരുടെ അവസ്ഥയും മറിച്ചായിരുന്നില്ല..... തങ്ങളുടെ മുന്നിൽ അരങ്ങേറിയ കാഴ്ചകൾ കണ്ടു കോപത്തോടെ നിക്കാരുന്നു ആലത്തറക്കാർ......കാശിയുടെ കണ്ണുകളിലെരിയുന്ന പക ആദത്തെ നശിപ്പിക്കാൻ പാകത്തിന് ആയിരുന്നു...... അത് നടക്കില്ല....ഞങ്ങളുടെ കുട്ടിയെ ഞങ്ങൾ കൊണ്ട് പോവുവാ.....

നാഥൻ ഒച്ചയെടുത്തു കൊണ്ട് അകത്തേക്ക് കയറി വരാനായി തുടങ്ങി......ഈ സമയം ജോഷുവും അബ്രഹാമും അവരെ തടഞ്ഞു കൊണ്ട് അവർക്കിടർച്ചയായി നിന്നും......ഏതെങ്കിലും പന്ന ...... മോൻ ഇതിനകത്തേക്ക് കാലെടുത്ത് വച്ചാൽ.....ആ കാലിൽ തന്നെ തിരികെ പോവുമെന്ന് കരുതണ്ട....ഷർട്ടിന്റെ സ്ലീവ് തിരുകി മുകളിലേക്ക് കയറ്റിക്കൊണ്ട് തീക്ഷ്ണമായ നോട്ടത്തോടെ അബ്രഹാം പറഞ്ഞു..... നാഥന്റെ കാലുകൾ അവന്റെ നോട്ടത്തിൽ അറിയാതെ നിലച്ചു പോയി.....അയാൾ പിന്നിലേക്ക് നടന്നു..... ഈ സമയം തന്റെ മുന്നിൽ നടക്കുന്നതൊക്കെ നിർവികാരതയോടെ നോക്കി നിൽക്കുന്നുണ്ടായിരുന്നു ജാനി.....കൊച്ചുവിന്റെയും ഏലിയാമ്മയുടെയും മുഖത്ത് പുഞ്ചിരി വിടർന്നു വന്നു..... അമ്മ ഞാൻ....എനിക്ക് പറ്റില്ല....

.അവൻ തീർത്തു പറഞ്ഞു.... നീ താമരയ്ക്കലെ അലക്സിന്റെ മോനാണേ ഈ മിന്നു അവളുടെ കഴുത്തിലണിയണം.....നീ കാരണം ഒരു പെൺകുട്ടിയുടെ ശാപം ഈ കുടുംബത്തിന് വരാൻ പാടില്ല ഉറച്ച ശബ്ദത്തോടെ പറഞ്ഞു കൊണ്ട് ആരു ആ മിന്ന് ആദത്തെ ഏൽപ്പിച്ചു....അവൻ മിന്നിലേക്കും ജാനിയെയും മാറി മാറി നോക്കി....അവന്റെ മുന്നിൽ ദൃഡചിത്തയായി നിൽക്കുന്നവളെ ധിക്കരിക്കാനവനായില്ല......അവന്റെ കാലുകൾ അവളുടെ അരികിലേക്ക് ചലിച്ചു.....ജാനി അരുതെന്ന് തലയാട്ടി കൊണ്ട് കണ്ണുകൾ അടച്ചു പിടിച്ചു....കണ്ണുനീർ ധാര ധാരയായി ഒഴുകി തുടങ്ങി.....അവന്റെ ചുടു നിശ്വാസം മുഖത്ത് പതിച്ചപ്പോൾ അവൾ കണ്ണുകൾ തുറന്നു നോക്കി..... കത്തിച്ചു വച്ച മെഴുകുതിരികളോ....രൂപക്കൂടോ....അൽത്താരയോ......മന്ത്രകോടിയോ.....തിങ്ങി നിറഞ്ഞ ജന സാനിധ്യമോ ഇല്ലാതെ ആദം ജാനകിയെ തന്റെ മിന്നിനാൽ പാതിയാക്കി കഴിഞ്ഞിരുന്നപ്പോൾ.................. തുടരും......