🔥അരുന്ധതി [ 2 ] 🔥 : ഭാഗം 2

എഴുത്തുകാരി: ദിവ്യ സാജൻ

 അബ്രഹാം (കണ്ണാപ്പീ )  ആദം (കൊച്ചു മോൻ)  ജോഷ്വാ (ജോഷു)  ജോയൽ (ജോ മോൻ.... ജോയിച്ചൻ )  ആൻ മരിയ (കൊച്ചു റാണി )  അനന്യ (അനു)  ജാനകി (ജാനി)  ശ്രീ ലക്ഷ്മി (ശ്രീ ) തത്കാലം ഇത്രയും പേരെ പരിജയപ്പെട്ടോളു ...ഇവരെ കുറിച്ചു പറയാം.....ബാക്കിയുളളവർ പിന്നാലെ വരും....😃😃😃 ❤❤❤❤ ജാനകി പതിയെ എഴുന്നേറ്റു അഴികളുടെ അടുത്തേക്ക് വന്നു..... ജാനകി തന്റെ ശിക്ഷയുടെ കാലാവധി ഇന്ന് കഴിഞ്ഞു.....തന്നെ കൊണ്ട് പോകാൻ തന്റെ അമ്മ വന്ന് പുറത്ത് നിപ്പുണ്ട്......പറഞ്ഞു കൊണ്ട് സെല്ലിന്റെ വാതിൽ തുറന്നു കൊടുത്തു......ജാനകി തെല്ലൊരു പരിഭ്രമത്തോടെ അവരെ നോക്കി...... പേടിക്കണ്ട.....പുറത്ത് അമ്മ മാത്രേ ഉളളൂ....മറ്റാരും ഇല്ല.....എത്രയും വേഗം ഈ നാട് വിടാൻ നോക്കൂട്ടോ.....കഴിയുമെങ്കിൽ ഇന്ന് തന്നെ......ആ വിഷ്ണു നാരായണൻ ഒരു ദുഷ്ടനാ.... തത്കാലം പത്തി താഴ്ത്തി ഇരിക്കുവാ....മോള് പുറത്തിറങ്ങിയതറിഞ്ഞാൽ അടങ്ങിയിരിക്കില്ല.....ദീർഘമായി നിശ്വസിച്ചു കൊണ്ട് അവർ പറഞ്ഞു..... മ്മ്ഹം....മറുപടി ഒരു മൂളലിലൊതുക്കിയവൾ.....

കണ്ണുകളിലപ്പോഴും ഭയം നിഴലിച്ചു.... സൂപ്രണ്ടിന്റെ റൂമിനു മുന്നിലെത്തിയപ്പോഴും ഹൃദയം വല്ലാതെ മിടിക്കാൻ തുടങ്ങിയിരുന്നു പുഞ്ചിരിയോടെ സൂപ്രണ്ട് മാഡം രജിസ്റ്റർ അവൾക്ക് നേരെ നീട്ടുമ്പോൾ ഭയം തെല്ലൊന്നകന്നു......അവരുടെ കണ്ണുകളിൽ അവളോട് സഹതാപമാണോ വാത്സല്യമാണോന്ന് തിരിച്ചറിയാൻ അവൾക്ക് കഴിഞ്ഞില്ല...... മോള് പൊയ്ക്കോ അമ്മ പുറത്ത് കാത്ത് നിപ്പുണ്ട്.....അവർ വീണ്ടും പുഞ്ചിരിച്ചു.... തിരിച്ചും നിർജീവമായൊന്ന് പുഞ്ചിരിച്ചു കൊണ്ട് തന്റെ പേരിന് നേരെ ഒപ്പിട്ടു....പിന്നെ കണ്ണുകളാൽ അവരോടൊക്കെ യാത്ര പറഞ്ഞു പുറത്തേക്കിറങ്ങി.... കവാടം കടന്നു ചെന്നപ്പോൾ അമ്മ പുറത്ത് കാത്ത് നിപ്പുണ്ടായിരുന്നു......പുതിയൊരു ലോകത്തെത്തിയ പ്രതീതിയായിരുന്നു ജാനിക്കപ്പോൾ..... അവളെ കണ്ടതും ദേവിയുടെ മുഖം തെളിഞ്ഞു.... ജാനി മോളെ....രണ്ടു കൈകളും നീട്ടി അടുത്തേക്ക് ചെല്ലാനായി തലയാട്ടി.... ജാനകി നിറകണ്ണുകളോടെ അവരുടെ അടുത്തേക്ക് ഓടി പോയി അവരുടെ മാറിൽ പതിഞ്ഞു കിടന്നു കരയാൻ തുടങ്ങി....ഇരു കൈയാലും ആ അമ്മ അവളെ ചേർത്ത് പിടിച്ചു....

ഈ സമയം അവിടേക്ക് ഒരു കാർ വന്നു നിന്നു.....ജാനകി ഭയത്തോടെ മുഖമുയർത്തി നോക്കി..... കാറിന്റെ മുൻ വശത്തെ ഡോർ തുറന്നിറങ്ങീ വരുന്നവനെ കണ്ട് ജാനിയുടെ ചുണ്ടുകളിൽ പുഞ്ചിരി മൊട്ടിട്ടു..... ജാനീ.....ഉച്ചത്തിൽ നീട്ടി വിളീച്ചു കൊണ്ട് അവൻ ജാനകിയുടെ അടുത്തേക്ക് വന്നു ....ജാനിയുടെ പ്രൊഫസർ ടോണി ഇസഹാക്ക്... അതേ നമുക്ക് പോണ്ടായോ.....ജാനീ അരമണിക്കൂറിനുളളിൽ ട്രെയിൻ വരും.....നിങ്ങളെ ട്രെയിനിൽ കയറ്റി വിട്ടിട്ട് എനിക്ക് ക്ലാസിന് കേറേണ്ടതാ..... അവൻ പറയുന്നത് കേട്ട് ജാനി സംശയത്തോടെ ദേവിയെ നോക്കി...... നമ്മൾ ഇവിടം വിടുവാ മോളെ തറവാട്ടിലേക്ക് തിരികെ പോവാ.....ഏട്ടന്മാരോട് ഞാൻ സംസാരിച്ചു.....നമ്മൾ ചെല്ലുന്നത് അവർക്ക് താത്പര്യമില്ല പക്ഷെ നാഥേട്ടന്റെ ഭാര്യ സീതേട്ടത്തി ഏറെ നിർബന്ധിച്ചപ്പോ ഏട്ടന്മാര് സമ്മതിച്ചു....നിർവികാരതയോടെ പറഞ്ഞു.... ഇനിയും അവിടേക്ക് പോണോ അമ്മാ.....

അന്നെല്ലാവരും കൂടി അച്ഛനെ കളളനാക്കിയത് കണ്ട് നമ്മളെ അവിടന്ന് ഒരു ദാക്ഷിണ്യവുമില്ലാതെ അടിച്ചിറക്കിയതല്ലേ അമ്മാവന്മാർ .....വീണ്ടും അവരുടെ കാൽചുവട്ടിൽ അഭയാർത്ഥികളായി പോണോ ......നിസ്സംഗതയോടെ അവൾ ചോദിച്ചു..... പോയേ പറ്റു മോളെ.....കുറച്ചു നാളെങ്കിലും ഇവിടെ നിന്നൊന്ന് മാറി നിക്കണമെന്നെയുളളൂ.....ആ വിഷ്ണു നാരായണൻ നീ പുറത്തിറങ്ങിയ വിവരം അറിഞ്ഞാൽ തേടി വരും.... നിന്നെയും കൂടി നഷ്ടപ്പെടുത്താൻ അമ്മയ്ക്ക് കഴിയില്ല മോളെ കരഞ്ഞ് കൊണ്ട് അവർ പറഞ്ഞു..... ഹാ....എന്നതാ ഇത് നേരം വൈകുവാ വേഗം വന്ന് കാറേല് കേറിയേ....ഇപ്പൊ തന്നെ ലേറ്റാ പറഞ്ഞു കൊണ്ട് ടോണി ഡോർ തുറന്നു കൊടുത്തു..... കൊച്ചു വന്നില്ലേ ടോണിച്ചാ.....കാറിൽ കയറാൻ നേരം ജാനി ടോണിയോടായ് ചോദിച്ചു .... ആ കൊച്ചിന് പനിയാടി.....അതിനതിന്റെ ഇച്ഛായനെ കാണാഞ്ഞ് ഇടയ്ക്കിടെ വരാറുളള തുളള പനിയാന്നേ....ചിരിയോടെ ടോണി പറഞ്ഞു..... കളിയാക്കുകയൊന്നും വേണ്ട അവൾക്ക് ഇച്ഛായനെന്ന് വച്ചാ പ്രാണനാ..

..അല്ലെങ്കിലും അവളുടെ ഭാഗ്യവാ അതു പോലൊരാങ്ങള കൈ വെളളയിൽ അല്ലേ കൊണ്ട് നടക്കുന്നതവളെ.....പുഞ്ചിരിയോടെ ജാനി പറഞ്ഞു..... മ്മ്ഹം....നീ പറഞ്ഞത് നേരാ ഇച്ചിരി താന്തോന്നിത്തരം കൈയ്യിലുണ്ടെന്നേയൊളളൂ....മനുഷ്യപെറ്റുളളവനാ.....സ്നേഹിക്കുന്നവർക്ക് വേണ്ടി ചങ്ക് പറിച്ച് കൊടുക്കാനും മടിക്കുകേല.....പറഞ്ഞു കൊണ്ട് കാർ സ്റ്റാർട്ടാക്കിയിരുന്നവൻ.... ❤❤❤ ആദം കുളി കഴിഞ്ഞ് താഴേക്ക് വരുമ്പോൾ അലക്സ് ഉമ്മറത്ത് നിപ്പുണ്ടായിരുന്നു.....പഴയ തലയെടുപ്പും ശൗര്യും ഒപ്പം കലിപ്പും ഒട്ടും മാറീട്ടില്ല.... ആരുവിനെ അവനൊന്ന് പാളി നോക്കി....അവളുടെ കൂർപ്പിച്ചുളള നോട്ടം കണ്ടപ്പോഴേ ആദം കൈകൂപ്പി തലയ്ക്ക് മുകളിൽ വച്ചു കൊണ്ട് തലയാട്ടി.... ടാ....പന്ന%%%%% മോനേ ഇന്നലെ എന്നാടാ ഉണ്ടായേ.....ആദത്തെ കണ്ടപ്പോ തന്നെ എടുത്ത വായിൽ തെറി വിളിയോടെ ചോദിച്ചു അലക്സ്.... അപ്പാ....അത്...ഞങ്ങൾ ഇന്നലെ ജോച്ഛായന് ഇഷ്ടവായോണ്ട്....ആദം നിന്ന് പരുങ്ങി ജോമോന്റെ കാര്യവല്ല ഞാൻ ചോദിച്ചത്.....ഇന്നലെ നീയും ആ റിച്ചാർഡിന്റെ മോനും കൂടി കവലേല് എന്നായിരുന്നൂന്ന്......

അവനെ കലിപ്പിൽ നോക്കി അലക്സ്.... ഉയ്യൊ.....ആ അലോഷിയുവായിട്ട് തല്ലു കൂടിയത് ഒറ്റക്കൊമ്പൻ അറിഞ്ഞാരുന്നോ.....ആദം ആത്മ എന്നാടാ നിന്റെ അണ്ണാക്കില് പഴം ഇരിക്കുവാണോടാ.....അലക്സ് അലറി.... അപ്പാ....അത് അവൻ വെറുതെ ചൊറിയാൻ വന്നപ്പോ ഞാൻ..... ടാ....പന്ന മോനെ നിന്നോട് ഞാൻ പലയാവർത്തി പറഞ്ഞതല്ല്യോ അവനെത്ര ചൊറിഞ്ഞാലും തല്ലു കൂടാൻ നിക്കല്ലെന്ന് ആദത്തെ പറഞ്ഞു പൂർത്തിയാക്കൻ വിടാതെ അലക്സ് പറഞ്ഞു..... പ്ഫാ.....നിർത്തെടാ തെമ്മാടീ..... ആദ്യം നീ നന്നാവ് എന്നിട്ട് അവനെ ചീത്ത പറഞ്ഞ് നന്നാക്കാം....അതെങ്ങനാ തന്തേടെ അല്ലേ മോൻ .....നിന്നെ കണ്ടല്ലേടാ അവൻ വളർന്നത്....ഏലിയാമ്മ അവിടേക്ക് വന്നു.... അത് കേട്ടതും ആദത്തിന് ചിരിപൊട്ടി.....അലക്സ് അവനെയൊന്ന് രൂക്ഷമായി നോക്കിയപ്പോഴേക്കും ചിരിമാഞ്ഞു....അവനൊന്നിളിച്ചു .... ദേ അമ്മച്ചി വെറുതെ എന്നെ വെറി പിടിപ്പിക്കല്ലേ.....ദേ രാവിലെ ആന്റണി വിളിച്ചാരുന്നു...ജോഷുവിന് (ആന്റണിയുടെ രണ്ടാമത്തെ മകൻ )നെറ്റിയില് പരിക്കുണ്ടെന്ന്.....

ഇവൻ തല്ലു കൂടാൻ പോവുന്നേരം അവനേം കൂടി കൂട്ടുന്നതെന്നാത്തിനാ.....അലക്സ് ആദത്തെ വീണ്ടും കലിപ്പിൽ നോക്കി..... ആന്നോടാ കൊച്ച് മോനേ....അവനെയും കൂട്ടിയോ നീ.....ഏലിയാമ്മ ആദത്തെ നോക്കി കണ്ണു കാണിച്ചു.... എന്റെ വല്യമ്മച്ചി ആ അലോഷിയാ ഇന്നലെ കവലേലിട്ട് അവനെ തല്ലിയത്....അത് കണ്ട് മൊബൈൽ ഷോപ്പ് നടത്തുന്ന ടോണിച്ചനെന്നെ വിളിച്ചു പറഞ്ഞപ്പോഴാ ഞാൻ അങ്ങോട്ടേക്ക് പോയത് അവിടെ ചെല്ലുമ്പോ ജോഷൂനെ ചവിട്ടി ഉരുട്ടുവല്ലാരുന്നോ പിന്നെ മുന്നും പിന്നും നോക്കില്ല....ആ പന്ന @@@@ മോന് കൈനിറയെ കൊടുത്തു.....ആദം പറഞ്ഞു നിർത്തിക്കൊണ്ട് അലക്സിനെ നോക്കി.... അപ്പോഴേക്കും അലക്സ് ഒന്നടങ്ങിയിരുന്നു.... കണ്ടോടാ അലക്സേ ഇപ്പൊ കേട്ടില്ലേ അവൻ പറഞ്ഞത്.....നിന്നെയും ആന്റണിയേയും പോലെയാ ഇവനും ജോഷുവും നിന്നെയൊക്കെ കണ്ടല്ലേ ഇവന്മാര് പഠിക്കുന്നേ....ഏലിയാമ്മ കെറുവിച്ചു.... മ്മ്....ഒന്നമർത്തി മൂളിക്കൊണ്ട് അലക്സ് അകത്തേക്ക് കയറി പോയി....ആരു ആദത്തിനടുത്തേക്ക് വന്നു കൂർപ്പിച്ചു നോക്കി.... ആദം അവളെ നോക്കി കണ്ണുകൾ ചിമ്മി കാണിച്ചു....

എന്റെ ഏലിക്കുട്ടീ.....ഒറ്റക്കൊമ്പൻ അടക്കി നിർത്താൻ ഏലിക്കുട്ടീയോളം കഴിവീ അമ്മക്കില്ലാട്ടോ.....ആരുവിനെ ഏറു കണ്ണാലെ നോക്കി ആദം.... ടാ തല്ലു കൊളളീ.....നിനക്ക് നാണമുണ്ടോടാ ഇച്ഛായന്റെ നാവീന്ന് തെറി കേൾക്കാൻ.....ഞാനേ നിനക്ക് വക്കാലത്തും കൊണ്ട് അങ്ങോട്ട് ചെല്ലുന്ന പണി നിർത്തി....ഇനി തല്ലുണ്ടാക്കി വരുമ്പോ....അപ്പന്റെ കൈയിൽ നിന്നും കിട്ടുന്നതൊക്കെ വാങ്ങിക്കൂട്ടാനും റെഡിയായി നിന്നോണം കേട്ടാടാ തല്ലു കൊളളി....ആരു അവന്റെ ചെവിക്ക് പിടിച്ചു..... എന്റെ അന്നക്കൊച്ചേ മതി.....രാവിലെ ഏലിക്കുട്ടീടെ വക കഴിഞ്ഞതാ..ഇനിയും വേണ്ടാഞ്ഞിട്ടാ....പറഞ്ഞു കൊണ്ട് ആരുവിന്റെ കൈ പിടിച്ച് മാറ്റി.... അവനെ കൂർപ്പിച്ചു നോക്കി ക്കൊണ്ട് ആരു അകത്തേക്ക് കയറി പോയി..... എന്റിച്ഛായ നിങ്ങൾക്ക് മാത്രാ അപ്പന്റെ തെറിവിളി കിട്ടാത്തത്....എന്നാ തെറിയാന്നേ ചെവിയും കൂടി നാറിപ്പോയി ഹോ....തല കുടഞ്ഞ് കൊണ്ട് പറഞ്ഞു .... അതേ നിന്റെ തല്ലു കൊളളിത്തരവും എടുത്ത് ചാട്ടവുമൊന്ന് കുറച്ചാ മതി തെറിവിളി കേൾക്കുന്നതും താനെ കുറയും...

. ഉവ്വ....ഉവ്വേ....തലയാട്ടി പറഞ്ഞു കൊണ്ട് ആദം അവനെ നോക്കി..... ടാ കൊച്ചുമോനെ കൊച്ചു വിളിച്ചാരുന്നോടാ നിന്നെ കണ്ണാപ്പീ അവനോട് തിരക്കി... ആ....രാവിലെ ഞാൻ വിളിച്ചാരുന്നിച്ഛായാ പെണ്ണിന് പനിയാന്ന് പറഞ്ഞു.....പുഞ്ചിരിയോടെ പറഞ്ഞു ആദം..... അതേ നിന്നെ കാണാഞ്ഞിട്ടുളള പനിയാ കഴിഞ്ഞയാഴ്ച അവളെ ചെന്ന് മുഖം കാണിക്കാമെന്ന് പറഞ്ഞിട്ട് നീ പോയാരുന്നോ ഇല്ലല്ലോ അതിന്റെയാ.... ഓഹ്....ഞാനിന്ന് വൈകുന്നേരം അങ്ങോട്ടേയ്ക്ക് പോവാ.....ജോഷും കൂടാ വരാന്ന് പറഞ്ഞേക്കുവാ..... ആഹ് ബെസറ്റ് രണ്ടും കൂടി പോവുന്ന പോലെ തിരിച്ചു വന്നേച്ചാ മതി....എന്റെ കർത്താവേ ഇന്നിനി ആരുടെ നെഞ്ചാങ്കൂട് കലക്കാനാണാവോ പുറപ്പെട്ട് പോവുന്നേ. ..ചിരിയോടെ കണ്ണാപ്പീ പറഞ്ഞു കൊണ്ട് അകത്തേക്ക് കയറി പോയി.... ആദം ചിരിയോടെ കാറിന്റെ ചാവിയുമെടുത്ത് പുറത്തേക്ക് പോയി..... ❤❤ ഈ സമയം ജാനകിയും ദേവിയും ടോണിയോട് യാത്ര പറഞ്ഞു കൊണ്ട് ട്രയിനിൽ കയറി....ആദ്യം കണ്ട കംപാർട്ട മെന്റിൽ തന്നെയായിരുന്നു അവർക്ക് സീറ്റ് ബുക്ക് ചെയ്തിരുന്നത്.....ട്രയിൻ മുന്നോട്ടെടുത്തപ്പോഴാണ് അവൾക്ക് ജീവൻ തിരികെ വന്നത് അത് വരെ കണ്ണുകൾ ഭയത്തോടെ ആരെയോ തിരിഞ്ഞു കൊണ്ടിരുന്നു.......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...