🔥അരുന്ധതി [ 2 ] 🔥 : ഭാഗം 20

എഴുത്തുകാരി: ദിവ്യ സാജൻ  

ആദം ഉമ്മറത്ത് എത്തിയപ്പോൾ ജാനിയും കൊച്ചുവുമൊഴികേ എല്ലാവരും അവിടെ തന്നെ ഇരിപ്പുണ്ടായിരുന്നു....... അവൻ ആരെയും നോക്കാതെ നേരെ മുന്നോട്ട് നടന്നു പോവാൻ തുടങ്ങി...... ഡാ കൊച്ചുമോനേ അവിടെ നിന്നേ.....ആരുവിന്റെ വിളി കേട്ട് അവൻ തിരിഞ്ഞു നോക്കി ...... എന്നതാ അമ്മാ??? ഇനിയെന്താ നിന്റെ തീരുമാനം???അലക്സായിരുന്നു ചോദിച്ചിച്ചത്..... എന്നതാ അപ്പാ.....എനിക്ക് മനസ്സിലായില്ല.....പിരികമുയർത്തി കൊണ്ട് അവൻ ചോദിച്ചു.... ഹാ ജാനിടെ കാര്യവാടാ......വെറുതെ ഒരു മിന്ന് കെട്ടിന്ന് വച്ച് ഇവിടെ കേറ്റി താമസിപ്പിക്കുന്നത് ശരിയല്ല.....ആൾക്കാരോരോന്നും പറയും.....അലക്സ് മുഖമുയർത്തി അവനെ നോക്കി..... അതിനിപ്പോ എന്നാ നാളെ തന്നെ ആലത്തറയില് കൊണ്ട് ചെന്നാക്കിയാ പോരായോ.....പെട്ടന്നൂളള അവന്റെ മറുപടി കേട്ട് അലക്സിന് ദേഷ്യം വന്നു...... പ്ഫാ......പന്ന മോനേ.....മിന്ന് കെട്ടിയ പെണ്ണിനെ കൊണ്ട് കളയാനാന്നോടാ നിന്നോട് പറഞ്ഞത്......എടാ നിയമപരമായി നിങ്ങളുടെ വിവാഹം രജിസ്റ്റർ ചെയ്യേണ്ടേ അതിന്റെ കാര്യവാടാ കോപ്പേ ഞാൻ പറഞ്ഞു വന്നത്.....

അലക്സ് അവനെ നോക്കി പല്ലിറുമി...... നാളെ തന്നെ നീ രജിസ്റ്റർ ഓഫീസിൽ പോയി എന്നന്ന് വെച്ചാ ചെയ്തോണം.....രണ്ടാഴ്ച കഴിഞ്ഞാവും രജിസ്റ്റർ ചെയ്യാൻ പറ്റുന്നേ.....പറഞ്ഞു കൊണ്ട് അലക്സ് അവനെ നോക്കി..... മ്ഹം.....താത്പര്യമില്ലാത്ത മട്ടിൽ മൂളി ക്കൊണ്ട് ആദം മുകളിലേക്ക് കയറി പോയി...... ❤❤ കുളിച്ച് കഴിഞ്ഞു തലതുവർത്തി നിൽക്കുകയായീരുന്നു ജാനി......ഒരു ലൈറ്റ് ബ്ലൂ കളർ ലോങ്ങ് കുർത്തിയും വൈറ്റ് പാലസ്സോയുമായിരുന്നു വേഷം......തല തലതുവർത്തി കഴിഞ്ഞ് നോക്കുമ്പോൾ കൈയിൽ ഒരു സിന്ദൂര ചെപ്പുമായി വരുന്ന ആരുവിനെയാണ് കാണുന്നത്.....ആരുവിനെ കണ്ടതും ജാനിയൊന്ന് പുഞ്ചിരിച്ചു..... മോള് കുളിച്ച് കഴിഞ്ഞല്ലേ...ദേ ഇതൂടി നെറ്റിയിലിട്ടേയ്ക്ക് പറഞ്ഞു കൊണ്ട് ആ സിന്ദൂര ചെപ്പ് തുറന്ന് അവൾക്ക് നേരെ നീട്ടി.....അവൾ ആരുവിനെയും സിന്ദൂരത്തിലും മാറി മാറി നോക്കി..... ആദീയേട്ടന്റെ കൈകൾ കൊണ്ട് അന്നാ അമ്പല നടയിൽ വച്ചാണ് ആദ്യമായും അവസാനമായും താൻ ഈ സിന്ദൂരം നിറുകിൽ അണിഞ്ഞത്.....അന്ന് രാത്രി തന്നെയായിരുന്നു.....തന്റെ ജീവീതത്തെ തന്നെ മാറ്റി മറിച്ച ആ സംഭവം ഉണ്ടായതും .....അന്ന് തന്നെയാണ് അവസാനമായി ആദിയേട്ടനെ കണ്ടതും .... അതിനുശേഷം ഒരിക്കൽ പോലും ആദിയേട്ടനെ കാണാനോ ആ താലി കഴുത്തിലണിയാനോ.....

സിന്ദൂരം നിറുകിൽ ചാർത്താനോ തനിക്ക് ഭാഗ്യം ഉണ്ടായില്ല.....ഇന്ന് ആദിയേട്ടന്റെ സ്ഥാനത്ത് താൻ കേട്ട് മാത്രം പരിജയമുണ്ടായിരുന്ന മറ്റൊരാൾ.....ഇന്ന് താൻ പോലും പ്രതീക്ഷിക്കാതെയാ അയാളുടെ മിന്നണിയേണ്ടി വന്നത് ......എന്തൊക്കെയായാലും കാശിയേട്ടനിൽ നിന്നും എന്നെ എന്നെന്നേക്കുമായി രക്ഷപ്പെടുത്താൻ ഈ മിന്നിനു മാത്രേ കഴിയൂ.....ഓർത്തു കൊണ്ട് മിന്നിൽ പിടി മുറുക്കി..... മോളെ വിവാഹം കഴിഞ്ഞ പെൺകുട്ടികള് ഇതണിയണം ....ആരുവിന്റെ ഒച്ചയാണ് അവളെ ചിന്തയിൽ നിന്നും ഉണർത്തിയത്....പിന്നെ വേഗം ഒരു നുള്ള് സിന്ദൂരം അവളതിതീൽ നിന്നുമെടുത്ത് നിറുകിൽ ചാർത്തി.....അപ്പോഴും അവളറിഞ്ഞില്ല ഒരു മിന്നിനാൽ പെട്ടൊന്നൊരു നിമിഷം കൊണ്ട് തന്നെ സ്വന്തമാക്കിയവൻ ഒരിക്കലും വേർപിരിയാനാവാത്ത വിധം അവളുടെ ഹൃദയത്തിലേക്ക് ആഴ്ന്നിറങ്ങുമെന്ന്...... ആരു റൂമിൽ നിന്നും പുറത്തേക്ക് പോയി കഴിഞ്ഞതും കൊച്ചു അവിടേക്ക് വന്നു..... അവൾ അവളെയൊന്ന് അടിമുടി നോക്കിക്കൊണ്ട് സൂപ്പർ എന്ന് കാണിച്ചു 👌👌👌👌

ഹാ ഇനി ഇവിടെ നിന്ന് താളം ചവിട്ടണ്ടാ...ഇച്ഛായൻ വന്നിട്ടുണ്ട് അവിടേക്ക് പോവാം. പറഞ്ഞു കൊണ്ട് അവളുടെ കൈയും പിടിച്ച് മുന്നോട്ട് നടന്നു..... അത് വേണോ കൊച്ചു.....ഞാൻ ഞാൻ നിന്നോടൊപ്പം ഇവിടെ തന്നെ കൂടാം.....അവൾ ഇടർച്ചയോടെ പറഞ്ഞു...... ദേ ജാനീ നീയെനിക്ക് വാക്ക് തന്നതാന്നേ......എന്റിച്ഛായനൊപ്പം എപ്പോഴും ഉണ്ടാവുമെന്ന്.........വന്നേ.....പറഞ്ഞു കൊണ്ട് അവളെ വലിച്ചു ആദത്തിന്റെ റൂമിലേക്ക് കൊണ്ട് പോവാൻ തുടങ്ങി.....അവളുടെ മുന്നോട്ടോരോ അടി വയ്ക്കുന്തോറും അവളുടെ ഹൃദയമിടിപ്പും ഉയർന്നു വന്നു..... ❤❤ കുളിച്ച് കഴിഞ്ഞു തലതുവർത്തിക്കൊണ്ട് നിക്കാരുന്നു ആദം.....ഒരു മുണ്ടു മാത്രമായിരുന്നു വേഷം ........ വാതിലിൽ തുടരെ തുടരെയുളള തട്ട് കേട്ട് അവൻ വേഗം ചെന്ന് വാതിൽ തുറന്നു......കൊച്ചുവിനൊപ്പം ജാനിയെ കണ്ടതും അവൻ നെറ്റിചുളുച്ചു കൊണ്ട് കൊച്ചുവിനെ നോക്കി..... എന്നാടീ .... എന്നാത്തിനാ നീ ഇവളെയും കൂട്ടി ഇവിടേക്ക് വന്നത്.....അവന്റെ ചോദ്യം കേട്ടതും ജാനി ഭയത്തോടെ കൊച്ചുവിന്റെ കൈകളിൽ പിടിത്തം മുറുക്കി.....

ദേ ഇച്ഛായാ വെറുതെ തമാശിക്കല്ലേ....ഇപ്പൊ തന്നെ പത്ത് മണി കഴിഞ്ഞു.......ഇനിയും എത്ര നേരാ അവളവിടെ ഇരിക്കാ.....ജാനിക്ക് ഉറക്കം വരാന്ന്.....അവൾ അവനെയൊന്ന് പാളി നോക്കി..... അതിനിപ്പോ ഞാനെന്നാ വേണം താരാട്ട് പാടിയുറക്കണോ.....എടുത്തടിച്ച പോലുളള അവന്റെ മറുപടി കേട്ട് ജാനി കൊച്ചുവിനെ ദയനീയമായി നോക്കി.... ജാനി അകത്തേക്ക് പോ.....പറഞ്ഞു കൊണ്ട് അവളെ ഉന്തി അകത്തേക്ക് വിടാൻ തുടങ്ങി... ടീ....ടീ.....അവിടെ നിന്നേ.....എങ്ങോട്ട് പോവാ......നീ.....ഇവിടെ കിടക്കാനൊന്നും പറ്റുകേല.....ടീ കൊച്ചു ദേ മര്യാദയ്ക്ക് ഇവളെ വിളിച്ചേച്ച് പോ.....അവൻ അവളെ കൂർപ്പിച്ചു നോക്കി..... ഇച്ഛായാ......ഇവളിവിടെയാ കിടക്കേണ്ടത് ......ദേ വെറുതെ പ്രശ്നം ഉണ്ടാക്കിയ ഞാൻ അപ്പനെ വിളിക്കും .....അവനെയൊന്ന് തറഞ്ഞു നോക്കി...... ഓഹ് ഒറ്റക്കൊമ്പൻ വന്നിട്ടെന്നെ പിടിച്ചു തിന്നുവോ....ഒന്ന് പോടീ......അവളെ പുച്ഛിച്ച് പറഞ്ഞു കൊണ്ട് വാതിൽ ചാരാൻ തുടങ്ങിയതും.... അപ്പാ......അപ്പാ.....അപ്പാ......കൊച്ചു ഉച്ചത്തിൽ അലക്സിനെ വിളിച്ചു ആദം വേഗം വാതിൽ തുറന്ന് അവളുടെ വായ പൊത്തിപിടിച്ചു.......

ചതിക്കല്ലേടീ മോളെ......അതിയാനിപ്പോ ഇങ്ങോട്ട് വരുവാണേ രാവിലത്തേതും ചേർത്താവും തരാൻ പോവുന്നേ.... എന്നാടീ കൊച്ചു നീ യെന്നാത്തിനാ അപ്പനെ വിളിച്ചേ.....കൊച്ചുവിന്റെ അലർച്ച കേട്ട് അബ്രഹാം അവിടേക്ക് വന്നു..... ദേ വല്ലിച്ചായാ നോക്കിയേ ഇവളെ റൂമിലേക്ക് കയറ്റുന്നില്ല ഈ ഇച്ഛായൻ......അവൾ ചുണ്ട് കൂർപ്പിച്ചു..... ടാ കൊച്ച് മോനേ നിനക്കെന്തിന്റെ കേടാടാ എല്ലാം ഒപ്പിച്ചേച്ച് ഇമ്മാതിരി പന്ന സ്വഭാവം കാണിക്കല്ലേ.....ജാനി നീ അകത്തേക്ക് കയറി പോടീ കൊച്ചേ....അബ്രഹാം ജാനിയെ നോക്കി..... അവൾ പതിയെ മിഴികളുയർത്തി ആദത്തെ നോക്കി.... ആഹാ.....നീ ഇതിനകത്തേക്ക് കേറുവോ.....ദേ കൊച്ചേ.....മര്യാദയ്ക്ക് കൊച്ചുവിനൊപ്പം അവിടെ നിന്റെ റൂമിലേക്ക് പോവുന്നതാ നിനക്ക് നല്ലത് അല്ലേൽ അവൾക്ക് നേരെ താക്കീതോടെ ചൂണ്ട് വിരലനക്കി പറഞ്ഞു..... ജാനിയ്ക്ക് ആകെ വിഷമം തോന്നി.....അവൾ കരഞ്ഞ് കൊണ്ട് താഴേക്ക് പോവാൻ തുടങ്ങി.....കൊച്ചു പിന്നിൽ നിന്നും വിളിച്ചിട്ടും തിരിഞ്ഞു നോക്കിയില്ല..... ഈ സമയം അലക്സും ആരുവും സ്റ്റെപ്പ് കയറി മുകളിലേക്ക് വരികയായിരുന്നു......

ജാനി കരഞ്ഞ് കൊണ്ട് ഓടി വരുന്നത് കണ്ട് ആരു അവളെ തടഞ്ഞു..... എന്താ മോളെ......നീ എന്തിനാ കരയുന്നേ.....അവളെ തടഞ്ഞു.....കൊണ്ട് ചോദിച്ചു..... അവൾ മറുപടി പറയാതെ ആരുവിന്റെ നെഞ്ചിൽ തലചായ്ച് കരയുകയായിരുന്നു..... ആദത്തിന്റെ റൂമിനു മുന്നിൽ കൊച്ചുവിനെ കണ്ടതും അവർ ജാനിയെയും കൊണ്ട് മുന്നോട്ട് നടന്നു..... വേണ്ട......അമ്മ.....ഞാ...ഞാനില്ല.....ഇ......ഇച്ഛായനിഷ്ടവല്ല.....ഇടർച്ചയോടെ പറഞ്ഞു.... മ്ഹം അപ്പോ അതാണ് കാര്യം നീ വാടീ മോളെ....അവന്റെ ഏനക്കേട് ഞാനിന്ന് തീർക്കുന്നുണ്ട് പറഞ്ഞു കൊണ്ട് ആരു അവിടേക്ക് ചെന്നു.......പിന്നാലെ തന്നെ അലക്സും..... എന്നാടീ കൊച്ചു ഇവിടെ നീയെന്നാത്തിനാ അപ്പനെ വിളിച്ചു കാറിയേ.....ആരു അവളെ നോക്കി.... അത് അമ്മാ ഈ ഇച്ഛായൻ...... ഓഹ് ഒന്നുവില്ല അമ്മ.....ആ കൊച്ചിനിവിടെ കിടക്കാൻ മേല അവള് കൊച്ചു വിനൊപ്പം കിടന്നോട്ടേ ന്ന് ചോദിച്ചേ അതിനാ.....അല്ലേ കൊച്ചേ.....ജാനിയെ നോക്കി പേടിപ്പിച്ചു കൊണ്ട് ആദം പറഞ്ഞു..... ആന്നോ മോളെ..... ഇല്ലെന്ന് തലയാട്ടി ജാനി..... എന്നാടാ ഇതൊക്കെ അലക്സ് അലറി.....

ആദം ജാനിയെ കടുപ്പിച്ച് നോക്കി..... ഹാ നീയെന്നാത്തിനാടാ അവളെ നോക്കി പേടിപ്പിക്കുന്നേ.......ദേ കൊച്ചു മോനെ വെറുതെ അവളെ ദണ്ഡിപ്പീക്കല്ലേ നീ.....ഇനി ഈ പെങ്കൊച്ചിന്റെ കണ്ണുനീരിവിടെ വീഴിപ്പിക്കരുത്.......അറിയാല്ലോ നീ കാരണവാ അത് ഒരുപാട് വേദനപ്പെട്ടതും എല്ലാവരുടെ മുന്നില് മോശക്കാരിയായതും......അലക്സ് അവനെ നോക്കി താക്കീത് പോലെ പറഞ്ഞു ഹാ.....എന്റിച്ഛായ മതി.....അവനെ ഉപദേശിച്ചത്....ഇനി ഇതു പോലൊന്നുമുണ്ടാവില്ല.....അവനീ കുട്ടിയെ വേദനിപ്പിക്കില്ല......അല്ലേടാ കൊച്ചു മോനെ.....ആരു അവനെ നോക്കി..... ദേ അമ്മ ആലത്തറയിലെ ഈ പന്ന മോളെ ഇവിടെ കേറ്റി പൊറുപ്പീക്കാൻ പോവാണോ.... മര്യാദയ്ക്ക് ഈ വിഷ ജന്തുവിനെ പറഞ്ഞു വിടാൻ നോക്ക്.....ആലത്തറയിലെ കൊച്ചു തമ്പ്രാട്ടിയെ ഞാൻ ഭാര്യയായിട്ട് അംഗീകരിക്കുമെന്നാരും കരുതണ്ട.....വെറുപ്പാ എനിക്കിവളെ.....ആദം ജാനിയെ നോക്കി പല്ലു കടിച്ചു...... പ്ഫാ പന്ന @@@@ മോനേ അവളുടെ കിടപ്പ് മുറിയിൽ കയറി......കൊളളരുതായ്മ കാണിക്കാൻ നിനക്ക് ഒരുളുപ്പുമില്ലായിരുന്നോ......

എന്നിട്ടും മതിയാവാതെയല്ലേ അവളെ മറ്റുള്ളവരുടെ മുന്നിലിട്ട് നാണം കെടുത്തിയത്.......പറഞ്ഞു കൊണ്ട് അവന് നേരെ കൈ ഉയർത്തി അലക്സ്..... ഇച്ഛായാ.....വേണ്ട....അവനെന്തോ ചിന്തിക്കാതെ ഓരോന്നും പറ്റയുന്നതിന്.....അവന്റെ സ്വഭാവം അറിയാല്ലോ.....ആരു ആദത്തെ കൂർപ്പിച്ചു നോക്കി ക്കൊണ്ട് പറഞ്ഞു.... മോള് അകത്തേക്ക് പൊയ്ക്കോ.....ഇനി ഇവനെന്തേലും പ്രശ്നം ഉണ്ടാക്കുവാണേ പറഞ്ഞാ മതി ആരു അവനെ വീണ്ടും കടുപ്പിച്ച് നോക്കി..... ആരു അലക്സിനെയും കൂട്ടി താഴേക്ക് പോയി ..... കൊച്ചു നീ വരുന്നില്ലേ പെണ്ണേ കുറച്ചു മുന്നോട്ട് പോയ ശേഷം ആരു തിരിഞ്ഞു അവളെ നോക്കി.... ദേ വരുന്നമ്മാ പറഞ്ഞു കൊണ്ട് ആദത്തെ ഒന്നിരുത്തി നോക്കി...... ടാ....കൊച്ചു മോനേ.....വെറുതെ അപ്പന്റെ കൈയ്ക്ക് പണിയുണ്ടാക്കാതെ കിടന്നുറങ്ങാൻ നോക്ക്....ഗുഡ് നൈറ്റ്....പറഞ്ഞു കൊണ്ട് കണ്ണാപ്പീ റൂമിലേക്ക് പോയി..... അവർ പൊയ്ക്കഴിഞ്ഞതും ജാനി പേടിച്ച് പേടിച്ച് അവനെ നോക്കി ........ ജാനിയെ നോക്കി പല്ലുകടിച്ചു കൊണ്ട് നിക്കാരുന്നു ആദം..... ഓ.....നിലവിളക്കും താലവുമായിട്ട് വന്നാലേ തമ്പുരാട്ടി എഴുന്നളളുവായിരിക്കും.....

നോക്കി നിക്കാതെ കേറിപ്പോരടീ പൂച്ചക്കണ്ണീ......അവനലറി..... ജാനി വേഗം റൂമിലേക്ക് കയറിയതും അവൻ വാതിൽ വലിച്ചടച്ചു......ജാനി പേടിച്ച് തിരിഞ്ഞു നോക്കി.....അവളെ നോക്കി പുച്ഛിച്ച് കൊണ്ട്......കട്ടിലിനടുത്തേക്ക് നടന്നു.... ആദം ഒരു ബെഡ്ഷീറ്റും തലയിണയും എടുത്ത് നിലത്തേക്കെറിഞ്ഞു..... ടീ......പൂച്ചക്കണ്ണീ ......നിലത്തു കിടന്നാ മതി.....അവിടാ നിന്നെ പോലുള്ളവരുടെ സ്ഥാനം.....പറഞ്ഞു കൊണ്ട് ബെഡിൽ കയറി കിടന്നു ലൈറ്റ് ഓഫ് ചെയ്തു ആദം..... ജാനി നിലത്തു ബെഡ്ഷീറ്റ് വിരിച്ചു ചുരുണ്ടു കിടന്നു.....കണ്ണുകൾ അപ്പോഴേക്കും ഈറനണിഞ്ഞ് തുടങ്ങിയിരുന്നു..... ജാനിയുടെ മനസ്സിൽ ആദിത്യനുമൊത്തുളള നല്ല നിമിഷങ്ങൾ കടന്നു വരവേ വല്ലാത്തൊരു നോവ് പടരുന്നതവളറിഞ്ഞു..... ❤❤ അലക്സ് കട്ടിലിൽ ചാരി ഇരിപ്പുണ്ടായിരുന്നു.....നെറ്റിയിൽ കൈവച്ചു തടവിക്കൊണ്ടിരുന്നു..... എന്താ ഇച്ഛായാ തലവേദനിക്കുവാണോ.....ആരു അരികിലേക്ക് വന്ന് കൊണ്ട് നെറ്റിയിൽ പതിയെ കൈ വച്ചു..... ഇല്ലടീ.....അന്നക്കൊച്ചേ....ഞാൻ പിളളാരുടെ കാര്യമാലോചിക്കാരുന്നെടീ.....അതൊരു പാവം കൊച്ചാ.....

അവനതിനെ ദ്രോഹിക്കുന്നത് കാണുമ്പോ ഒന്നും വേണ്ടിയിരുന്നില്ലെന്ന് തോന്നി പോവാടീ....ദീർഘമായി നിശ്വസിച്ചു കൊണ്ട് പറഞ്ഞു..... അതേ ഈ അപ്പനെക്കാളും ഭേതവാ മോൻ.....അല്ലാ....ആരാ ഈ പറയുന്നേ....പണ്ട് നമ്മുടെ കല്യാണ ദിവസം രാത്രി എന്നതായിരുന്നു ....... നാല് കാലിൽ കേറി വന്ന് എന്നോട് കാട്ടി കൂട്ടിയ കോപ്രായങ്ങൾ വല്ലോം ഓർമ്മയുണ്ടോ ഇച്ഛായാ....നിങ്ങളന്നെന്നേ പിടിച്ചു പുറത്താക്കാൻ തുടങ്ങിയപ്പോഴാ അമ്മച്ചി വന്നത്.....അത് കൊണ്ട് നിങ്ങളപ്പോഴൊന്നടങ്ങി .....അമ്മച്ചി പോയ് കഴിഞ്ഞതും...... മതി....മതി..മതി....എനിക്കൊന്നും കേക്കണ്ടായേ......അവളെ ചേർത്ത് പിടിച്ചു കൊണ്ട് അലക്സ് ചിരിയോടെ പറഞ്ഞു..... കളള് കുടിയൻ നസ്രാണി.....അവന്റെ നെഞ്ചിലേക്ക് ചാഞ്ഞു കൊണ്ട് ആരു പിറുപിറുത്തു..... നിന്റെ തന്തയാടീ ഒരുമ്പെട്ടോളെ പറഞ്ഞു കൊണ്ട് അവളുടെ നിറുകിൽ ചുമ്പിച്ചു................ തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...