🔥അരുന്ധതി [ 2 ] 🔥 : ഭാഗം 22

എഴുത്തുകാരി: ദിവ്യ സാജൻ  

ആദത്തിന്റെ നോട്ടം കണ്ട് ഭയത്തോടെ ജാനി മുഖം താഴ്ത്തി..... ടീ ......പന്ന പുന്നാര മോളെ നിനക്കെന്നാ കണ്ണ് കാണാൻ മേലേടി അലറിക്കൊണ്ട് അവളുടെ കവിളിൽ കുത്തി പിടിച്ചു..... ജാനി വിറയലോടെ അവനെ മിഴികളുയർത്തി നോക്കി..... അറിയാതെ.....പ...പറ്റി....പറ്റിപ്പോയതാ....സോറി....അവൾ പതിയെ പറഞ്ഞു..... അല്ല....എന്നോടുളള ദേഷ്യം തീർക്കാൻ നീ മനപൂർവം ചെയ്തത് തന്നാ....അതല്ലാതെ ചൂടു പാലുമായിട്ട് ഇവിടേക്ക് വരേണ്ട കാര്യമെന്നാ.....അലറിക്കൊണ്ട് ചോദിച്ചു... അമ്മ പറഞ്ഞു ഇച്ഛായന് പാല് കൊണ്ട് കൊടുക്കാൻ.....പറഞ്ഞു നിർത്തി ക്കൊണ്ട് അവനെ വീണ്ടും നോക്കി...... അമ്മ അങ്ങനെ പലതും പറയും അത് കേട്ട് എന്റെ കെട്ടിയോള് ചമയാൻ വരണ്ടാ നീ....

ആലത്തറയിലെ വിഷവിത്തിനെ എടുത്ത് തലമേലെ കേറ്റേണ്ട ഗതി കേടൊന്നും എനിക്കില്ല.....ദേ മര്യാദയ്ക്ക് പറയാ.....തിരികെ പൊയ്ക്കോണം.....ഞാനിന്ന് തിരികെ വരുമ്പോ നീ യിവിടെ ഉണ്ടാവാൻ പാടില്ല.....മനസ്സിലായാടീ......രൂക്ഷമായി അവളെ നോക്കി ആദം.... ജാനി മറുപടി പറയാതെ മുഖം കുനിച്ച് തന്നെ നിന്നു.....അത് കാണേ അവന്റെ ദേഷ്യം ഇരട്ടിച്ചു.... എന്നാടീ നിന്റെ നാവിറങ്ങിപ്പോയോ ......പറഞ്ഞു കൊണ്ട് അവളെ പിന്നിലേക്ക് പിടിച്ചു തളളി.....പെട്ടെന്ന് ആയതുകൊണ്ട് അവൾ നിലത്തേക്ക് വീണു..... ഇച്ഛായാ.....എന്നതാ ഇതൊക്കെ.....ആദത്തിന്റെ ഒച്ചപ്പാടും ബഹളവും കേട്ട് അവിടേക്ക് വന്ന കൊച്ചു ഓടിവന്ന് ജാനിയെ എണീപ്പിച്ചു...... എന്നാന്നോ.......ദേ നോക്കിയേ ചൂട് പാല് എന്റെ മേത്തോട്ടൊഴിച്ചത് കണ്ടില്യോ.......അവൻ ഷർട്ട് കുടഞ്ഞ് കൊണ്ട് ജാനിയെ നോക്കി...... എന്നാടീ ജാനി......എന്നാ ഉണ്ടായേ...കൊച്ചു ജാനിയെ നോക്കി ... കൊച്ചു.....ഞാൻ.....ഞാൻ മനപൂർവം ചെയ്തതല്ല......

അറിയാതെ പറ്റിപ്പോയതാ....ജാനി നടന്നതൊക്കെ നിറ കണ്ണുകളോടെ പറഞ്ഞു...... പോട്ടേ ഇച്ഛായാ.....അവളറിയാതെ പറ്റിയതല്ലേ....ഇച്ഛായൻ വരുന്നത് അവള് കണ്ടില്ലല്ലോ.....ക്ഷമിച്ചേക്ക്.....ഒന്നുവല്ലേലും ഇച്ഛായന്റെ കെട്ടിയോളല്യോ.....അല്ലേടീ ജാനൂട്ടി......കുറുമ്പോടെ പറഞ്ഞു..... ജാനി മുഖം കുനിച്ച് തന്നെ നിന്നു...... കൊച്ചു പറയുന്നത് കേട്ട് അവന് ദേഷ്യം അരിച്ചു കയറി...... ദേ കൊച്ചൂ.....ഒരു കാര്യം ഞാൻ പറഞ്ഞേക്കാം.....ആലത്തറയിലെ ഈ വിഷമുള്ളിനെ ആദത്തിന്റെ ഭാര്യയായി ജീവിതകാലം മുഴുവൻ വാഴിക്കാമെന്ന് ആരും മനക്കോട്ട കെട്ടണ്ട......വെറുപ്പാ എനിക്കിവളെയും ആ ആലത്തറക്കാരെയും......നിനക്കെല്ലാം ഓർമ്മയുണ്ടല്ലോ അല്ലേ അതോ എല്ലാം ഇവളെ കണ്ടപ്പോൾ മറന്നു പോയോ നീയും ......പക്ഷെ ഞാൻ മറന്നിട്ടില്ല ഒന്നും.....

ഇടർച്ചയോടെ പറഞ്ഞു കൊണ്ട് അകത്തേക്ക് കയറി പോവാൻ തുടങ്ങി ... ഇച്ഛായാ ഒന്ന് നിന്നേ.....ഇച്ഛായൻ പറഞ്ഞതൊക്കെ ശരി തന്നാ ആലത്തറക്കാര് ചെയ്തു കൂട്ടിയതൊക്കെ മറക്കാൻ പറ്റാത്ത കാര്യങ്ങളാ.....പക്ഷേ ജാനി യെന്നാ തെറ്റാ ചെയ്തേ.....അവളോടെന്തിനാ ഇച്ഛായൻ വെറുപ്പ് കാട്ടുന്നേ......ഒന്നോർത്തോ എന്നതാന്നൊക്കെ പറഞ്ഞാലും ഇവളിന്ന് ഇച്ഛായന്റെ ഭാര്യയാ....ഇച്ഛായൻ മിന്ന് കെട്ടിയ പെണ്ണാ....അവനെ രൂക്ഷമായി നോക്കി ക്കൊണ്ട് പറഞ്ഞു.... ഒന്ന് നിർത്തുന്നുണ്ടോ കൊച്ചൂ.....അമ്മയെ ധിക്കരിക്കാൻ മടിച്ചാ ഞാനന്ന് എല്ലാവരുടെയും മുന്നിൽ വച്ച് ഇവളുടെ കഴുത്തിൽ മിന്ന് കെട്ടിയത് അല്ലാതെ ഇവളോട് പ്രേമം മൂത്തിട്ടോ....സഹതാപം കൊണ്ടോ ....ഇവളുടെ സൗന്ദര്യം കണ്ടു മതിമറന്നിട്ടോ അല്ല.........ഈ താലി കെട്ടീന്നുളള ബന്ധം മാത്രല്ലേ നമ്മൾ തമ്മിലുള്ളൂ.....അതിനി വേണ്ട.....പറഞ്ഞു കൊണ്ട് ആദം ജാനിയുടെ കഴുത്തിലെ മിന്നിൽ പിടിത്തമിട്ടു... വേണ്ട.....വേണ്ട.....പ്ലീസ്....മിന്ന് പൊട്ടിക്കല്ലേ......

പറഞ്ഞു കൊണ്ട് ജാനി അവന്റെ കൈയിൽ മുറുകെ പിടിച്ചു.... കൈയെടൂക്കടീ ഒരുമ്പെട്ടോളെ.....ഈ മിന്ന് നീ അണിയണ്ട.......ഇത് നിനക്കിനി വേണ്ട.....പറഞ്ഞു കൊണ്ട് മിന്നിൽ പിടിച്ചു വലിച്ചു .... ആദത്തെ പിടിച്ചു മാറ്റാൻ പോലും മറന്ന് അവന്റെ പ്രവൃത്തി കണ്ട് സ്തബ്ദയായി നിൽക്കുകയായിരുന്നു കൊച്ചു..... ടാ.....കൊച്ച് മോനേ.....എന്നാടാ ഇത് നിനക്കെന്നാ ഭ്രാന്ത് പിടിച്ചോ?? അബ്രഹാം അവിടേക്ക് വന്ന് അവനെ പിടിച്ചു മാറ്റി...... ഭ്രാന്ത് പിടിച്ചതല്ല എല്ലാവരും കൂടി പിടിപ്പിച്ചതല്യോ....ദേ കൊച്ചു ഒരു കാര്യം ഞാൻ പറഞ്ഞേക്കാം ഇവളെ ഇവിടേക്ക് വിളിച്ച് കൊണ്ട് വന്നതേ നീയാ അത് പോലെ തന്നെ തിരികെ കൊണ്ട് വിട്ടേക്കണം.....എന്റെ കൺമുന്നിൽ കണ്ടു പോകരുതിവളെ.......ജാനിയെ തുറിച്ച് നോക്കി പറഞ്ഞു കൊണ്ട് അവൻ അകത്തേക്ക് കയറി പോയി..... അബ്രഹാം ജാനിയെ ദയനീയമായി നോക്കി..... ഹാ...നീ വിഷമിക്കേണ്ട കൊച്ചേ......അവനിച്ചിരി എടുത്ത് ചാട്ടം കൂടുതലാ......

കുറച്ചു കഴിയുമ്പോ ഇതൊക്കെ അങ്ങ് മാറിക്കോളും..... ടീ കൊച്ചൂ നീയീ കൊച്ചിനെയും വിളിച്ചോണ്ട് താഴേക്ക് പോയെടീ.....അബ്രഹാം കൊച്ചുവിന്റെ തലയിൽ തട്ടിക്കൊണ്ടു പറഞ്ഞു...... കൊച്ചു ജാനിയുടെ അടുത്തേക്ക് പോയി അവളെ ചേർത്ത് പിടിച്ചു..... എന്റിച്ഛായനോട് ദേഷ്യമുണ്ടോ ജാനി......എന്റെ ഇച്ഛായൻ കാരണവല്ലേ നിനക്ക് ഇങ്ങനെയൊക്കെ.......(പറഞ്ഞു പൂർത്തിയാക്കിയാക്കാതെ നിർത്തി) വെറുക്കല്ലേ എന്റെ ഇച്ഛായനെ ........അവൾ ജാനിയുടെ കണ്ണുകൾ തുടച്ചു കൊണ്ട് പറഞ്ഞു ..... എന്തിനാ കൊച്ചൂ....... എനിക്ക് ഇച്ഛായനോട് ഒരു ദേഷ്യം ഇല്ല..... വെറുപ്പും ഇല്ല.....സ്നേഹവും ഇല്ല.......പിന്നെ ഇതൊക്കെ എന്റെ വിധിയാ......സന്തോഷം.....അതെന്റെ ജീവിതത്തിൽ വിധിച്ചിട്ടില്ലാന്നാ തോന്നണത്....പിന്നെ ഈ താലി.....അതെനിക്ക് വേണം.....നിന്റിച്ഛായന്റെ ഈ താലിയുടെ ബലത്തിലാ ഞാനിപ്പോ ജീവിച്ചിരിക്കണത്.....നിന്റെ അമ്മ പറഞ്ഞത് പോലെ ഇതെന്റെ കഴുത്തിലുളളടുത്തോളം കാലം ആരും എന്റെ മടിക്കുത്തഴിക്കാൻ വരില്ല.......നിർജീവമായി ചിരിച്ചു കൊണ്ട് പറഞ്ഞു .... ആഹ്......

അങ്ങനെ പറയല്ലേ ജാനിക്കൊച്ചേ.....ഞാൻ നേരത്തെ പറഞ്ഞില്ലായോ അവന്റെ എടുത്ത് ചാട്ടവാ ഇതോക്കെ......നിന്നോട് അവന് ഒരു ദേഷ്വുമില്ല പിന്നെ ആ ആലത്തറയിലെ ആ നാഥനോടും മക്കളോടുമുളള ദേഷ്യാ നിന്നോട് തീർക്കുന്നേ...... ഞാൻ ഇന്നലെ മുതലേ ചോദിക്കണമെന്ന് വിചാരിച്ചതാ.....എന്റെ അമ്മാവന്മാരും ഇച്ഛായാനും തമ്മിലുള്ള പ്രശ്നം എന്താ......അവൾ കണ്ണാപ്പീയെ തന്നെ ഉറ്റുനോക്കി...... ഹാ.....എന്നതാ പിളളാരേ രാവിലെ തന്നെ ഇവിടൊരു കൂടിയാലോചന.....ഏലിയാമ്മ അവിടേക്ക് വന്നു കൊണ്ട് ചോദിച്ചു.... ടീ ജാനി ഇപ്പൊ നടന്നതൊന്നും വല്യമ്മച്ചിയോട് പറയണ്ട.....വെറുതെ വല്യമ്മച്ചീയെക്കൂടി വിഷമിപ്പിക്കണ്ടാ......കൊച്ചു അവൾക്ക് കേൾക്കാൻ പാകത്തിന് പറഞ്ഞു...... ഏയ് ഞങ്ങൾ വെറുതെ ഓരോന്നും സംസാരിച്ചു നിന്നതാ വല്യമ്മച്ചീ....(അബ്രഹാം) ആന്നോ ......കൊച്ചു മോനെന്തിയേ ജാനി മോളെ......അപ്പോഴാണ് നിലത്തു ഗ്ലാസ് ചില്ലുകൾ ചിതറി വീണു കിടക്കുന്നത് അവർ കണ്ടത്.....

അല്ല ഇതെന്നാ......പാല് നിലത്തു വീണോ?? ജാനിയെ നോക്കി ചോദിച്ചു..... അതമ്മച്ചി ജാനി ഇച്ഛായനുളള പാല്മായി വരാരുന്നേ കാല് സ്ലിപ്പായി വീഴാൻ പോയപ്പോ ഗ്ലാസ് താഴേക്ക് വീണതാ.....കൊച്ചു പറഞ്ഞൊപ്പിച്ചു.... ഓഹ് അത്രേ ഉള്ളോ....ഞാൻ കരുതി ആ ചെറുക്കനെന്നേലും കുരുത്തക്കേടൊപ്പിച്ചിട്ടുണ്ടാവുമെന്ന്.... പുഞ്ചിരി യോടെ പറഞ്ഞു ഏലിയാമ്മ.... ഈ സമയം ആദം വേറേ ഷർട്ടും മുണ്ടും മാറ്റിയുടുത്ത് അവിടേക്ക് വന്നു..... ഹാ....നീ ഫിനാൻസിലേക്കാണോടാ കൊച്ചു മോനേ..... മ്മ്......എന്നാ വല്യമ്മച്ചീ അങ്ങനെ ചോദിച്ചേ.....ജാനിയെ ഒന്നിരുത്തി നോക്കിയ ശേഷം ഏലിയാമ്മയോടായ് പറഞ്ഞു..... എടാ നിന്നോടിന്ന് തന്നെ രജിസ്റ്റർ ഓഫീസിൽ പോവാനല്ലേ അലക്സ് പറഞ്ഞത് എന്നിട്ട് പോവുന്നില്ലായോ...... ഇന്ന് പറ്റില്ല വല്യമ്മച്ചീ.....എനിക്ക് പിടിപ്പത് പണിയുളളതാ.....പിന്നെപ്പോഴേലും നോക്കാം....അലസമായി പറഞ്ഞു കൊണ്ട് മുന്നോട്ട് പോയി... ടാ.....

കണ്ണാപ്പീ അങ്ങനെ പറഞ്ഞ് നീട്ടി വിട്ടാലൊക്കത്തില്ല....നീ ഇന്ന് തന്നെ ചെന്നന്വേഷിച്ച് രജിസ്റ്റർ ചെയ്തിട് അവനും ഈ കൊച്ചും ചെന്ന് പിന്നെ ഒപ്പിട്ടാ മതിയാവില്ലേ.......ആദം പോകുന്നതും നോക്കി അബ്രാഹമീനോട് പറഞ്ഞു..... മ്ഹം.....വല്യമ്മച്ചീ പറഞ്ഞത് നേരാ ഇതങ്ങനെ നീട്ടി വിടണ്ട.....വിട്ടാ ശരിയാവുകേല....ഞാനിന്ന് തന്നെ പോയി അന്വേഷിച്ച് വേണ്ടത് ചെയ്തോളാം......എന്തൊക്കെയോ തീരുമാനിച്ചുറപ്പിച്ച പോലെ അബ്രഹാം പറഞ്ഞു..... ❤❤ രാവിലെ കുരിശടിക്ക് മുന്നിൽ മെഴുകുതിരി കത്തിച്ചു വച്ച് പ്രാർത്ഥിക്കുകയായിരുന്നു ഹെലൻ..... ജോഷു ആ വഴി ഫിനാൻസിലേക്ക് വരികയായിരുന്നു.....കൈകൾ കൂപ്പി പ്രാർത്ഥനയോടെ നിൽക്കുന്നവളെ കണ്ടതും ബുളളറ്റ് ഒരു സൈഡിലേക്ക് മാറ്റി പാർക്ക് ചെയ്തിട്ട് അവളുടെ അടുത്തേക്ക് നടന്നു.... പ്രാർത്ഥനയിൽ മുഴുകി നിൽക്കുന്നത് കാരണം അവളവൻ വന്നതറിഞ്ഞില്ല.....കുറച്ചു സമയം അവളെ ത കണ്ണെടുക്കാതെ നോക്കി നിന്നു....അവൾ കണ്ണുകൾ തുറന്നതും നോട്ടം മാറ്റി ഉച്ചത്തിൽ പ്രാർത്ഥന തുടങ്ങി.....

എത്രയും ദയയുളള മാതാവേ നിന്റെ സങ്കേതത്തിൽ ഓടിവന്ന് നിന്റെ സഹായം അഭ്യർഥിച്ചു വരുന്നവരെ ഒരിക്കലും നീ കൈവിടാറില്ലല്ലോ.....ദേ ഈ മാലാഖ ക്കൊച്ചിനെ എനിക്ക് തന്നെ തന്നേക്കണേ.....പറഞ്ഞു കൊണ്ട് പതിയെ ഒരൂ കണ്ണ് തുറന്ന് അവളെ നോക്കി.....അവൾ അവനെ തന്നെ കൂർപ്പിച്ചു നോക്കി നിന്നു.... ഹോ ഇവളുടെ ഈ വാശിയൊക്കെ മാറ്റി വച്ച്....എന്നെയൊന്ന് ആത്മാർഥമായി സ്നേഹിച്ചേക്കാൻ പറഞ്ഞേക്കണേ മാതാവേ.....വീണ്ടും ഒരു കണ്ണ് തുറന്നു അവളെ നോക്കി.....പക്ഷെ അവളവിടില്ലായിരുന്നു.....നോക്കുമ്പോൾ അവൾ കുറച്ചു ദൂരം മുന്നോട്ട് പോയിരുന്നു..... അവൻ വേഗം കുരിശ് വരച്ച് കൊണ്ട് മുന്നോട്ട് നടന്ന് അവളുടെ അടുത്തെത്തി..... ദേ കൊച്ചേ ഇനിയെങ്കിലും പറഞ്ഞൂടായോ നിനക്ക് എന്നെ ഇഷ്ടവാന്ന് .....എത്ര നാളായി പിന്നാലെ നടക്കുവാടീ.....ദേ നിന്റെ ഇച്ഛായന്മാരുടെ തല്ല് കൊണ്ടിട്ടും കൂടീ വീണ്ടും വീണ്ടും പിന്നാലെ നടക്കുന്നത് നിന്നെ അത്രമാത്രം ഇഷ്ടവായോണ്ടാടീ....പ്ലീസ് പറ കൊച്ചേ.....എന്നെ ഇഷ്ടവാന്ന് അവൻ കെഞ്ചി..... ദേ ജോഷിച്ചാ....

വെറുതെ എന്റെ പിന്നാലെ നടന്ന് സമയം കളയണ്ടാന്ന് ഞാൻ എപ്പോഴും പറയുന്നതാ....നമ്മുടെ രണ്ടു പേരുടെയും കുടുംബക്കാരു തമ്മിലുള്ള പ്രശ്നങ്ങളൊക്കെ ഇച്ചനറിയാവുന്നതല്ലേ......അലോഷിച്ചായന് നമ്മുടെ ഈ ബന്ധത്തിന് ഇഷ്ടവല്ല.....അറിഞ്ഞു വച്ചോണ്ട് എന്നാത്തിനാ വെറുതെ.....അവൾ പറഞ്ഞു നിർത്തി..... നിന്റെ അലോഷിച്ചായനല്ലേ ഇഷ്ടവല്ലാതുളളൂ .....നിനക്കിഷ്ടവാ....അല്ലേ.....അതല്ലേ നീ പറഞ്ഞു വരുന്നത്......അപൊ നിനക്കെന്നെ ഇഷ്ടവാ അല്യോ..... ഇച്ഛാ...ഞാൻ പറഞ്ഞു വന്നത്.... അത്..... നീയിനി ഒന്നും പറയണ്ട.....ഈ മനസ്സിൽ ഞാനാന്ന് എനിക്കറിയാം ഇനി അതൊന്ന് തുറന്നു പറഞ്ഞാലെന്നാ .....അവളെ പറഞ്ഞു പൂർത്തിയാക്കാൻ വിടാതെ പറഞ്ഞവൻ........

ദേ ഇച്ചാ ഞാൻ പോവാ ഇനിയും നിന്നാലേ ഫിനാൻസിലെത്താൻ വൈകും.....നിങ്ങളോട് സംസാരിച്ചു വെറുതെ സമയം കളയാൻ ഞാനില്ല.....കണ്ടാലും കൊണ്ടാലും മനസ്സിലാവില്ലാന്ന് വച്ചാ എന്നാ ചെയ്യാനാ..... പിറുപിറുത്തു കൊണ്ട് മുന്നോട്ട് നടക്കാൻ തുടങ്ങിയതും ജോഷു അവളുടെ കൈയിൽ പിടിത്തമിട്ടു..... ദേ ഇച്ഛായാ വിട്ടേ.....ആരേലും കാണും വെറുതെ തമാശ കളിക്കല്ലേ....അവന്റെ പിടി വിടുവിക്കാൻ നോക്കിയവൾ.... ജോഷു ചെറുചിരിയോടെ അവളെ വലിച്ചു അവനോട് ചേർത്ത് നിർത്തി..... അവൾ അവനിൽ നിന്നും കുതറിമാറാൻ ശ്രമിച്ചു കൊണ്ടിരുന്നു....പക്ഷെ അവനവളിലെ പിടി ഒന്നു കൂടി മുറുക്കി ക്കൊണ്ട് കുസൃതിയോടെ അവളെ നോക്കി.... ഈ സമയം അവരുടെ മുന്നിലായ് ഒരു കാർ വന്നു നിന്നു............ തുടരും......