🔥അരുന്ധതി [ 2 ] 🔥 : ഭാഗം 24

എഴുത്തുകാരി: ദിവ്യ സാജൻ  

ആദം ജാനിയെയും പിടിച്ചിറക്കി കൊണ്ട് പോകുന്നത് കണ്ട് അവന് പിന്നാലെ തന്നെ മറ്റുള്ളവരും അവിടേക്ക് വന്നിരുന്നു...... അലക്സ് ആദത്തെ രൂക്ഷമായി നോക്കി.....ജാനിയെ ഒരു വശത്തേക്ക് മാറ്റി നിർത്തി ക്കൊണ്ട് ആരുവിനെ നോക്കി..... ടീ.....അന്നക്കൊച്ചേ ദേ ഈ കൊച്ചിനെ അകത്തേക്ക് കൊണ്ട് പോ......ഉച്ചത്തിൽ പറഞ്ഞു...... ആരു വേഗം അവളുടെ അടുത്തേക്ക് വന്ന് അവളെ ചേർത്ത് പിടിച്ചു......ജാനി ആകെ ഭയത്തോടെ ആദത്തെ നോക്കി......ആരു അവളെയും കൊണ്ട് പടി കയറി വന്നതും ആദം അവളെ തടഞ്ഞു...... അമ്മ അവിടെ ഒന്ന് നിന്നേ.......ഒന്നുകിൽ ഞാൻ അല്ലെങ്കിൽ ഇവൾ ആരെങ്കിലും ഒരാള് മതിയിനിയിവിടെ.....അവൻ അലക്സിനെ ഒന്നിരുത്തി നോക്കി..... ടീ അന്നക്കൊച്ചേ നിന്നോട് പറഞ്ഞതനുസരിക്ക്.....കൊച്ചൂ.....ആലീസിനേയും ലച്ചുവിനെയും കൊണ്ട് അകത്തേക്ക് പോയേ......അലക്സ് ഒച്ചയെടുത്തു.... ആരുവും ആലീസും കൊച്ചുവും ലക്ഷ്മിയും ജാനിയെയും കൊണ്ട് അകത്തേക്ക് പോയി..... അലക്സ് ആദത്തിനടുത്തേക്ക് വന്ന് അവന്റെ ഷർട്ടിന്റെ കോളറിൽ പിടിച്ചു......ടാ പന്ന..... മോനേ.....നിനക്കെന്തിന്റെ കേടാടാ.....നിന്നോട് ഞാൻ പറഞ്ഞതല്ലേ.....അവളെ ദണ്ഡിപ്പീക്കരുതെന്ന്.... ആലത്തറയിലെ ആ വിഷ ജന്തുവിനെ തിരികെ കൊണ്ട് പോയി വിടുമെന്ന് ഞാൻ തീരുമാനിച്ചിട്ടുണ്ടെങ്കിൽ കൊണ്ട് വീട്ടിരിക്കും അപ്പന്റെ മോൻ തന്നാ ഞാൻ .....ഈ വാശി കുറച്ചൊക്കെ എനിക്കും ഉണ്ട്....

.അലക്സിൽ നിന്നും നോട്ടം മാറ്റി കൊണ്ട് പറഞ്ഞു..... .......മോനേ നിനക്കത്രയ്ക്ക് അഹങ്കാരവാണോ പറഞ്ഞു കൊണ്ട് അവനെ അടിക്കാനായി കൈയുയർത്തിയതും കണ്ണാപ്പീയും ജോയലും കൂടി അലക്സിനെ പിടിച്ചു മാറ്റി...... അപ്പാ.....വേണ്ടപ്പാ.....അവനെന്തോ.....വിവരക്കേട് വിളിച്ചു പറഞ്ഞതാ.....അല്ലാതെ ഒന്നുവല്ല അപ്പാ..ഇനി ഇങ്ങനൊന്നും ഉണ്ടാവില്ല........കണ്ണാപ്പീ അലക്സിനെ മാറ്റി നിർത്തി ക്കൊണ്ട് പറഞ്ഞു..... ടാ......പന്ന മോനേ ആ പെങ്കൊച്ചിനെ ഇങ്ങനെ ഒരവസ്ഥയിലെത്തിച്ചതേ നീയാ എന്നിട്ട് ആ കൊച്ചിനെ വീണ്ടും വീണ്ടും ദ്രോഹിച്ചാലുണ്ടല്ലേ.....അലക്സ് അലറി.... ആ ആലത്തറയിലുളളവൻ അല്ലി മോളോട് കാണിച്ച ക്രൂരതയുടെ ഒരംശം പോലുമായില്ലല്ലോ അപ്പാ ഇത്.....ആ പന്ന&&& മോൻ ഋഷി പിന്നി കീറിയ ആ പിഞ്ചു കുഞ്ഞിന്റെ മുഖം ഓർക്കുമ്പോ ഈ പന്ന മോളെ കൊന്ന് തളളാനാ തോന്നുന്നേ.....പിന്നെ അവനെ പോലെ തരം താഴ്ന്നു ചിന്തിക്കാൻ എനിക്കാവൂകേല.....ഒരു കാര്യം അപ്പനോർത്തോ ഈ ജന്മം ആലത്തറയിലെ ആ വിഷത്തെ സ്നേഹിക്കാൻ എനിക്ക് കഴിയുകേല .......അലക്സിനെ രൂക്ഷമായി നോക്കി ക്കൊണ്ട് പറഞ്ഞു..... ടാ അവൻ ചെയ്തത് പൊറുക്കാനാവാത്ത തെറ്റ് തന്നാ അതിനീ കൊച്ചെന്നാ പിഴച്ചെടാ.....അവള് നീ മിന്ന് കെട്ടിയ പെണ്ണാ.....

അവളുടെ എല്ലാ കാര്യങ്ങളും കൊച്ചു പറഞ്ഞതല്യോ നിന്നോട്......അവളെ ആലത്തറയിലുളളവര് ദ്രോഹിക്കാൻ തുടങ്ങിയപ്പോഴാ അവളവിടെ നിന്നും ഇറങ്ങി പോന്നത്...... മതിയപ്പാ ഞാൻ ഇന്നലെയും പറഞ്ഞതാ അവളെ എനിക്കിഷ്ടവല്ലാന്ന് ......ആലത്തറയിലെ ചോരയല്ലേ അവളുടെ ദേഹത്തൂടി ഒഴുകുന്നേ അപ്പോ അവന്റെയൊക്കെ ദുഷിച്ച സ്വഭാവവും അവളുടെ രക്തത്തിലുണ്ടാവും ഇനി ഇതിന്റെ പേരും പറഞ്ഞ് ആരും എന്നെ ഉപദേശിക്കാൻ വരണ്ട....അവളെ ഇവിടെ കയറ്റി പൊറുപ്പിക്കുകയോ ഉറക്കുകയോ ഊട്ടുകയോ എന്നതാന്ന് വച്ചാ ആയിക്കോ പക്ഷെ എന്റെ കൺമുന്നിൽ അവള് വരാൻ പാടില്ല.....പറഞ്ഞു കൊണ്ട് ആദം അവിടെ നിന്നും പാഞ്ഞു പോയി..... അവൻ പറയുന്നതൊക്കെ കേട്ട് മറുപടി പോലും പറയാനാവാതെ അലക്സ് അടുത്ത് കണ്ട ചെയറിൽ ഇരുന്നു...... അപ്പാ അപ്പനിങ്ങനെ മനസ് നീറ്റല്ലേ.....ഇപ്പോഴുളള അവന്റെ ഈ ദേഷ്യവും വാശിയൊക്കെ പോകേ പോകേ മാറി വരും അവൻ ജാനിയെ സ്നേഹിച്ചു തുടങ്ങും കണ്ണാപ്പീ അലക്സിനടൂത്തായി മുട്ടിലിരുന്നു കൊണ്ട് പറഞ്ഞു...... ❤❤

കൊച്ചുവിനെ മുറുകെ പുണർന്നു കരയുകയായിരുന്നു ജാനി.....എല്ലാവരും ചുറ്റും കൂടി നിന്ന് അവളെ ആശ്വസിപ്പിക്കാൻ നോക്കുന്നെങ്കിലും അവൾ കരച്ചിൽ നിർത്തുന്നുണ്ടായിരുന്നില്ല...... ഹാ.....എന്റെ മോളെ മതി കരഞ്ഞത്......അവനീ കാട്ടുന്നതൊക്കെ നിന്നോടുളള വെറുപ്പു കൊണ്ടോ ദേഷ്യം കൊണ്ടോ അല്ല......ആ ഋഷിയും നാഥനും ചെയ്തു കൂട്ടിയതിനൊക്കെ മനസ്സിൽ കരടായിട്ട് കിടക്കുന്നോണ്ടാ.....ഏലിയാമ്മ അവളെ സമാധാനിപ്പിക്കാനായി പറഞ്ഞു.... ഉടനെ ജാനി കൊച്ചുവിൽ നിന്നും മാറി ഇരുന്നു കൊണ്ട് ഏലിയാമ്മയെ നോക്കി.....എന്നോട് ഇത്രയ്ക്ക് പക തോന്നാൻ മാത്രം അമ്മാവനും ഋഷിയേട്ടനും എന്ത് ദ്രോഹവാ ചെയ്തത് വല്യമ്മച്ചീ......അവൾ ഏലിയാമ്മയെ ഉറ്റ് നോക്കി..... എന്ത് ചെയ്തെന്നോ??? മ്മ്ഹം.....ആലത്തറയിലുളളവര് ചെയ്ത് കൂട്ടിയതൊക്കെ പറയാനൊരുപാടുണ്ട് മോളെ......ഇന്നും ഇന്നലെയും തുടങ്ങിയതല്ല.....വർഷങ്ങൾക്ക് മുന്നേ തുടങ്ങിയതാ.......അന്നൊക്കെ ആന്റണിയുടെ കൂപ്പിലേക്ക് തടിയിറക്കിയിരുന്നത് നാഥന്റെ ഏർപ്പാടിലായിരുന്നു......

ആദ്യമാദ്യം എല്ലാ കണ്ക്കുകളും കാര്യങ്ങളും കൃത്യമായി തന്നെ മുന്നോട്ട് കൊണ്ട് പോയി.....പക്ഷെ പോകെ പോകെ എന്തൊക്കെയോ ക്രമക്കേടുകൾ ആന്റണിയുടെ ശ്രദ്ധയിൽ പെട്ടു.....അതിനെ കുറിച്ച് നാഥനോട് ചോദിച്ചപ്പോൾ ഒന്നും രണ്ടും പറഞ്ഞു വഴക്കായി പിന്നെ അത് കൈയാങ്കളിയിലാ അവസാനിച്ചത്......ആന്റണിയെ മഹിയും നാഥനും കൂടി തല്ലിച്ചതച്ചു....ആരൊക്കെയോ ചേർന്ന് അവനെ ഹോസ്പിറ്റലിൽ എത്തിച്ചു....അത് ചോദിച്ചു അലക്സ് ആലത്തറയിലേക്ക് ചെന്ന് നാഥനെയും മഹിയെയും വീടുകേറി തല്ലി.....അതിനവന്മാർ കൊണ്ട് പോയി കേസ് കൊടുത്തു..... അന്നത്തെ എസ്.ഐ ആയിരുന്ന ഒരു കുര്യൻ മാമ്മൻ...... മാമച്ചനെന്നാ അയാളെ എല്ലാവരും വിളിക്കാറുളളത്....അയാൾ അവനെ അറസ്റ്റ് ചെയ്തു....മാമച്ചന് അവനോട് നേരത്തെ വൈരാഗ്യം ഉണ്ടായിരുന്നതാ പണ്ട് ചാണ്ടിച്ചന്റെ കൂടെ കൂടി അലക്സിനെയും ആരുവിനെയും കളളക്കേസിൽ കുടുക്കിയിട്ടുളളതാ ഇവൻ....അന്നൊക്കെ വലിയ തട്ട് കേട് വരുത്താതെ ഞങ്ങളവനെ പുറത്തിറക്കി....ഇതൊക്കെ കഴിഞ്ഞിട്ടും അവനൊക്കെ അടങ്ങിയില്ല......പിന്നൊരീക്കെ ആലത്തറയിലെ നാഥന്റെ വീട്ടിലെ ജോലിക്കാരിയുടെ ഭർത്താവ് ഒരു വാസു.....അവൻ അലക്സിന്റെ എസ്റ്റേറ്റിലെ ജോലിക്കാരനായിരുന്ധു.....

ഒരു മുഴു കുടിയൻ......ഒരിക്കൽ ഈ നാഥൻ അവന് മൂക്കറ്റം കളളും വാങ്ങി കൊടുത്ത് അവന്റെ കൈവശം കുറച്ചു കഞ്ചാവ് കൊടുത്തയച്ചു ......അവനത് നാഥൻ പറഞ്ഞത് പോലെ അലക്സറിയാതെ അവന്റെ ഓഫീസിൽ കൊണ്ട് പോയി വച്ചു.....ഒരു വൈകിട്ടോടടുത്ത് കുറച്ചു പോലീസുകാർ ഓഫീസിലേക്ക് കയറി വന്നു......എന്റെ ചെറുക്കൻ ഇതൊന്നുമറിയാതെ അവരോട് പരിശോധിച്ചോളാനും പറഞ്ഞു ....വാസു കഞ്ചാവ് എവിടാ വച്ചതെന്നൊക്കെ ആ എസ്.ഐ യോട് പറഞ്ഞിരുന്നു......അവസാനം പോലീസ് അത് മേശയ്ക്കകത്ത് നിന്നും കണ്ടെത്തി.....കഞ്ചാവ് സൂക്ഷിച്ചെന്ന കുറ്റത്തിന് അവനെ അറസ്റ്റ് ചെയ്തു.....അന്നേരം തെളിവുകളെല്ലാം എന്റെ ചെറുക്കനെതിരായിരുന്നു.....വിധി വന്നപ്പോ അവനെ ആറുമാസത്തേക്ക് ശിക്ഷിച്ചു.....ഒരു തെറ്റും ചെയ്യാത്ത എന്റെ കുഞ്ഞ് ആറുമാസം ജയിലിൽ കിടന്നു നരകിച്ചു......ആ സമയത്ത് ആദമിന് അഞ്ചു വയസ്സ്.... ആരുവാണേ കൊച്ചു റാണിയെ വയറ്റിലുണ്ടായിരുന്ന സമയം.....എന്റെ കൊച്ച് ഒരുപാട് കരയുവേം പേടിക്കുവൊക്കേം ചെയ്തു..........ആ മനോവിഷമവും പേടിയും എല്ലാം കൂടി ആയപ്പോ ഇരുന്ന ഇരുപ്പിന് ബി.പി പെട്ടെന്ന് കൂടീ.... അങ്ങനെ മാസം തികയാതെ ഏഴാം മാസത്തില് സിസേറിയൻ ചെയ്യേണ്ടി വന്നു.....കൊച്ചുവിന് തീരെ ആരോഗ്യം കുറവായിരുന്നു......

നഴ്സറിയിലൊക്കെ വച്ചിരുന്നു.....അലക്സ് കൂടെയില്ലാതെ ഞങ്ങൾ ഒരുപാട് വേദന തിന്നു.....അന്ന് എന്തിനും ഏതിനും ആന്റണി കൂടെയുണ്ടായിരുന്നു.......അത് ഞങ്ങൾക്കും ഒരാശ്വാസമായിരുന്നു.......ആന്റെണീ ഇടക്കിടെ അവനെ പോയ് കാണാറുണ്ടായിരുന്നെങ്കിലും ഇവിടത്തെ വിവരങ്ങളൊന്നും അവനെ അറിയിച്ചില്ല.....ഒരു മോള് പിറന്നെന്ന് മാത്രം അവനോട് പറഞ്ഞു...... കുഞ്ഞിനെയൊന്ന് കാണാനോ കൈയിലെടുക്കാനോ കൂടി എന്റെ ചെറുക്കന് കഴിഞ്ഞില്ല........ജയിലിലായതോടെ അവന്റെ കൃഷിയൊക്കെ നഷ്ടം വന്നു.....പിന്നെ അവൻ ജയിലിൽ നിന്നും തിരികെ വന്ന ശേഷം ഒരുപാട് കഷ്ടപ്പെട്ടാ എല്ലാം പഴയപടി ആക്കിയെടുത്തത്..... കുറച്ചു നാളത്തേക്ക് നാഥനൊന്നടങ്ങി ഇരിക്കുകയായിരുന്നു......പക്ഷെ ഇടക്കിടെ ഇത് പോലെ എന്തെങ്കിലുമൊക്കെ കുഴപ്പങ്ങൾ ഉണ്ടാക്കാറുണ്ടെങ്കിലും വലിയ പ്ര ശ്നങ്ങളൊന്നുമില്ലാതെ മുന്നോട്ട് പോയി.......ഇവിടെ പുറം പണിക്കും അകം പണിക്കുമായി വന്നിരുന്ന സാറയുടെ മോൻ ബെന്നി ......ബെന്നിയും ഭാര്യ ജോയ്സിയും എസ്റ്റേറ്റിലാ പണിക്ക് വരുവായിരുന്നതേ....

അവർക്ക് രണ്ടു മക്കളാ ഒരു മോനും ഒരു മോളും......മോള് അലീന.......ഒരു വായാടികുറുമ്പി.....അല്ലിയെന്നാ കൊച്ചുമോനവളെ വിളിച്ചിരുന്നേ .....ബെന്നിയും ജോയ്സിയും എസ്റ്റേറ്റിലേക്ക് വരുമ്പോ കുഞ്ഞിനെ കൂടി കൊണ്ട് വരും......അവൾക്ക് ആറുമാസം പ്രായമുള്ളപ്പോൾ തൊട്ട് അവർ അവളെ കൂടെ കൂട്ടുമായിരുന്നു...... അപ്പോഴൊക്കെ അല്ലി മോളെ കൊച്ചു മൊനാ കൊണ്ട് നടക്കുവായിരുന്നത്.....ആ കൊച്ചിന് അവനെന്നാ ജീവനായിരുന്നു.......രണ്ട് വർഷം മുന്നേ ഒരു ദിവസം അയലത്തെ വീട്ടിൽ കളിക്കാൻ പോയ കുഞ്ഞ് എന്നും തിരികെ വരുന്ന സമയമായിട്ടും തിരികെ വന്നില്ല......ജോയ്സി കുഞ്ഞ് സാധാരണ പോവാറുളള എല്ലായിടത്തും അന്വേഷിച്ചു പക്ഷെ കണ്ടെത്താൻ കഴിഞ്ഞില്ല.....രാത്രി മുഴുവൻ എല്ലായിടത്തും തിരഞ്ഞു.....പക്ഷെ കുഞ്ഞിനെ കണ്ടു കിട്ടിയില്ല.....പിറ്റേന്ന് അവരുടെ വീടിനു താഴെയുള്ള കുറ്റിക്കാട്ടീന്ന് ചോരയിൽ കുളിച്ചു കിടക്കാരുന്നു ആ പൊന്ന് മോള്......കണ്ടപ്പോ തന്നെ അതിനെ ആശുപത്രിയിൽ എത്തിച്ചു.....ആ പിഞ്ച് ശരീരത്തെ പിച്ചി ചീന്തിക്കളഞ്ഞില്ലായോ.....കണ്ണുകൾ തുടച്ചു കൊണ്ട് ഏലിയാമ്മ പറഞ്ഞു.....

എട്ട് വയസ്സേ ഉളളായിരുന്നുളളൂ ആ കുഞ്ഞിനപ്പോൾ.......ഏതാണ്ട് ഒരു മാസത്തോളം അല്ലിമോള് ഐ.സി.യുവിലായിരുന്നു......തിരിച്ചു കിട്ടത്തില്ലാന്ന് പലതവണ ഡോക്ടർമാർ വിധിയെഴുതി.....എല്ലാവരുടെയും പ്രാർത്ഥനയുടെയും കണ്ണുനീരിന്റയും ഫലമെന്നോണം അവൾ സുഖപ്പെടാൻ തുടങ്ങി.....തലയ്ക്കു നട്ടെല്ലിനു മേറ്റ പരിക്ക് കാരണം കുഞ്ഞിന് ഇടുപ്പിന് കീഴ്പോട്ട് തളർന്നു പോയി.....അതിനിടയിൽ രക്തത്തിൽ അണുബാധയുണ്ടായ കാരണം ഹൃദയത്തിന്റെ വാൽവിന് തകരാറൂണ്ടായി.....അത് കാരണം ആ കുഞ്ഞിന് അടിക്കടി ശ്വാസം മുട്ടൽ ഉണ്ടാവാറുണ്ട്.......ഒരുമാസം കഴിഞ്ഞു കുഞ്ഞ് നേരെയിരുന്ന് സംസാരിക്കാൻ തുടങ്ങിയപ്പോഴാ ഋഷീടെ പേര് പറഞ്ഞത്.....ഈ ഋഷി കുഞ്ഞ് കളിക്കാൻ പോകുന്ന വീട്ടിലെ ആന്റോയുടെ കൂട്ടുകാരനാ ഇടക്കിടെ അവിടെ വരാറുണ്ടായിരുന്നു.....അങ്ങനെ അവനെ നല്ല പരിജയവായിരുന്നു അല്ലിമോൾക്ക്..... ആന്റോ ചേട്ടായീടെ കൂടെ വരുന്ന ചേട്ടനാന്ന് കുഞ്ഞ് കൊച്ചു മോനും ബെന്നിയും ഇരിക്കെ പറഞ്ഞു.......പിന്നെ അവനെ തിരഞ്ഞ് പിടിച്ചു ചോദിക്കേണ്ട പോലെ ചോദിച്ചപ്പോ നടന്നതൊക്കെ പറഞ്ഞു......കുഞ്ഞിന്റെ അവസ്ഥ കണ്ട് നീറി പ്പുകഞ്ഞ് നിക്കാരുന്നു കൊച്ചു മോനും ബെന്നിയും......പേ പിടിച്ച പട്ടിയെ തല്ലുന്ന പോലെ തല്ലിച്ചതച്ചു.....

.ചതയാൻ ഒരിടം ബാക്കിവച്ചില്ല....നടുവിന് നല്ലൊരു തട്ടും കൊടുത്തു അവന്മാര് തന്നെ അവനെ ആശുപത്രിയിൽ എത്തിച്ചു......പിന്നെ മാസങ്ങളോളം ചികിത്സിച്ചെങ്കിലും ആ കിടത്ത തന്നാ ഇപ്പോഴും ആ ഋഷി .....എന്നാലും ആലത്തറയിലെ ആണുങ്ങൾക്കിപ്പോഴും ഒരു മാറ്റവുമില്ല......ദീർഘമായി നിശ്വസിച്ചു കൊണ്ട് ഏലിയാമ്മ പറഞ്ഞു നിർത്തി..... അവർ പറയുന്നത് ഒരു ഞെട്ടലോടെയാണ് ജാനി കേട്ടിരുന്നത്...... ഋഷിയേട്ടന് ഒരു ആക്സിഡന്റിലാ അരയ്ക്ക് കീഴ്പോട്ട് തളർന്നു പോയതെന്നാണ് അമ്മായി പറഞ്ഞത്.....എന്നാലും ഒരു പിഞ്ചുകുഞ്ഞിനോടിങ്ങനെ കാട്ടാൻ......ഇത്രയ്ക്ക് ദുഷ്ടനായിരുന്നോ അയാൾ.....അവളോർത്തു..... അല്ലിമോളിപ്പോ?? പെട്ടന്ന് ഓർത്ത പോലെ ജാനി ആകാംക്ഷയോടെ അവരെ നോക്കി...... ഇപ്പോഴും ട്രീറ്റ്മെന്റിൽ തന്നയാ അല്ലി.....പത്ത് വയസ്സുണ്ടിപ്പോ.....ഫിസിയോ തെറാപ്പിയൊക്കെ ചെയ്യുന്നുണ്ട് മാറ്റ മുണ്ട്.....ഇപ്പൊ പതിയെ എഴുന്നേറ്റിരിക്കും...പക്ഷെ അടിക്കടി വരുന്ന ശ്വസം മുട്ടലാ കുഞ്ഞിനെ വലയ്ക്കുന്നേ....ഇനിയും വലിയൊരു ഓപ്പറേഷൻ ഉണ്ട്...

.പത്ത് വയസ് കഴിഞ്ഞേ ചെയ്യാൻ ഒക്കത്തൊളളെന്നാ ഡോക്ടർമാർ പറയുന്നതെന്നാ കൊച്ചു മോൻ പറഞ്ഞത്......ഇപ്പോഴും ചികിത്സയ്ക്ക് ഒരുപാട് കാശ് വേണ്ടി വരാറുണ്ട്.......ദിവസക്കൂലിയ്ക്ക് ജോലി ചെയ്യുന്നവരുടെ കൈയിലെവിടെന്നാ അത്രയും കാശ്.....കൊച്ചു മോനും കണ്ണാപ്പീയും അലക്സുവാ ചികിത്സയ്ക്ക് വേണ്ട കാശ് കൊടുക്കുന്നത്......ആ കുഞ്ഞിനെ ഇങ്ങനെ ആക്കിയ ഋഷിയോടും ആലത്തറയിലുളളവരോടും അടങ്ങാത്ത കലിയാ കൊച്ചു മോന്......അവരോടുളള ദേഷ്യവാ മോളോട് തീർക്കുന്നത്.....അല്ലാതെ.....നിന്നോട് അവന് പിണക്കവൊന്നുമില്ല...... അവർ പറയുന്നതെല്ലാം ശ്രദ്ധയോടെ കേട്ടിരിക്കുകയായിരുന്നു ജാനി..... മോള് വിചാരിച്ചാൽ അവൻ മാറും.....നിന്റെ വീട്ടുകാരെപ്പോലെയല്ല നീയെന്ന് അവന് ബോദ്ധ്യമാകുമ്പോൾ അവൻ നിന്നെ സ്നേഹിച്ച് തുടങ്ങും......ഇച്ചിരി മുൻശുണ്ഠിയും എടുത്ത് ചാട്ടവുമുണ്ടെന്നുളള നേരാ പക്ഷെ പാവവാ അവൻ.....ജാനിയുടെ നിറുകിൽ തലോടി ക്കൊണ്ട് ഏലിയാമ്മ പറഞ്ഞു...... പക്ഷേ ജാനി നീയിങ്ങനെ ഇച്ഛായനെ പേടിക്കുന്നേക്കൊണ്ടാ നിന്നോട് ഇങ്ങനെ വഴക്കിടുന്നേ.....കുറച്ചു കൂടി ബോൾഡ് ആയി നിക്കണം നീയും .....

ഇങ്ങോട്ട് ഒന്നെങ്കിൽ അങ്ങോട്ട് നാല് അങ്ങനെ നിക്കണം അല്ലാതെ എന്റിച്ഛായനെ അടക്കി നിർത്താൻ പറ്റുകേല....അല്യോ വല്യമ്മച്ചീ.....കൊച്ചു ഏലിയാമ്മയെ നോക്കി...... അത് നേരാ മോളെ.....ഇവന്റെ അപ്പൻ ഒറ്റക്കൊമ്പനും ഇതേ കണക്കായിരുന്നതാ.....എന്റെ കൊച്ചിനെയും ഇതേമാതിരി കുറേ ദ്രോഹിച്ചതാ ആ കഴുവേറി......ദേ ഇപ്പൊ കണ്ടില്ലേ വാലുമടക്കി അവളുടെ കീശയിലായത്....അത് മാതിരി മോളുടെ സ്നേഹം അറിഞ്ഞു തുടങ്ങുമ്പോ അവനും മാറും.....പുഞ്ചിരിയോടെ പറഞ്ഞു ഏലിയാമ്മ.... അന്ന് നിന്നെ കൈയ്യേറ്റം ചെയ്യാൻ നോക്കിയവനെ വെട്ട് കത്തിയ്ക്ക് വരയാൻ നീ കാട്ടിയ ചങ്കുറപ്പിന്റെ ഒരംശം പുറത്ത് കാട്ടെന്റെ ജാനി......കണ്ണിറുക്കി കൊണ്ട് ലച്ചു പറഞ്ഞു...... ആഹാ....അപ്പോ കൊച്ചുമോനിട്ട് പണിയാനുളള ഗൂഢാലോചനയിലാണല്ല്യോ എല്ലാവരും.....കണ്ണാപ്പീയും ജോഷുവും അവിടേക്ക് വന്നു...... അതേ......ഇച്ഛായനെ അങ്ങനങ്ങ് തോൽപ്പിച്ച് കളയാമെന്ന് വ്യാമോഹിക്കണ്ട.....അങ്ങേരിച്ചിരി മുറ്റിയ ഇനവാ.....ജോഷു ഇളിച്ചു കൊണ്ട് പറഞ്ഞു...... അതേ ഇച്ഛായനെ മെരൂക്കാൻ പറ്റുവോന്ന് ഞങ്ങളൊന്ന് നോക്കട്ടേ.....അല്ലേ ജാനീ കൊച്ചു പുഞ്ചിരിയോടെ ജാനിയെ ചേർത്ത് പിടിച്ചു...... മ്മ്....മ്മ്.....നീയൊക്കെ കുറച്ചു വെളളം കുടിക്കും.....ജോഷു ആക്കി പറഞ്ഞു.....

ആരാ വെളളം കുടിക്കാൻ പോവുന്നേന്ന് നമുക്ക് കാണാം ....അല്ലേ ജാനി.....പറഞ്ഞു കൊണ്ട് ലച്ചു അവളുടെ അടുത്തേക്ക് വന്നു..... ഹാ....നിങ്ങളുടെ കൂടിയാലോചന കഴിഞ്ഞില്ലായോ പിളളാരേ.....അത്താഴം കഴിക്കാൻ വന്നേ......ഇപ്പൊ തന്നെ ഒത്തിരി വൈകി......ആരു അവിടേക്ക് വന്നു..... ടാ ജോഷൂ പോയി കൊച്ചു മോനെക്കൂടി വിളിച്ചേച്ച് വാടാ.....കണ്ണാപ്പീ അവന്റെ തലക്ക് കൊട്ടിക്കൊണ്ട് പറഞ്ഞു..... മ്മ്ഹം.....ഞാൻ ദേ പോയി ദാ വന്നു....പറഞ്ഞു കൊണ്ട് ജോഷു മുകളിലേക്ക് പോയി..... എല്ലാവരും അത്താഴം കഴിക്കാൻ ഇരുന്നു....ആരുവും ജാനിയും ആലീസും കൂടിയാണ് വിളമ്പിക്കൊടുത്തത് ......ഈ സമയം ആദം അവളെ കൂർപ്പിച്ചു നോക്കുന്നുണ്ടായിരുന്നു ജാനി അവനെ മൈൻഡ് ചെയ്യാതെ ചെയ്യുന്നത് തുടർന്നു..... ❤❤ അത്താഴം കഴിഞ്ഞു എല്ലാവരും അവരവരുടെ റൂമിലേക്ക് പോയി....

.ജാനി കൊച്ചുവിനൊപ്പം അവളുടെ റൂമിൽ കുറേ സമയം സംസാരിച്ചിരുന്നു...... കൊച്ചു ഞാൻ പോവാണേ....നല്ല ഉറക്കം വരാ.....കണ്ണുകൾ തിരുമിക്കൊണ്ട് ജാനി പറഞ്ഞു...... നിനക്ക് പേടിയില്ലേ ജാനി.....ഇന്ന് എന്നോടൊപ്പം ഇവിടെ കിടന്നാ പോരേ.....കൊച്ചു അവളെ നോക്കി..... എന്തിന്.....ഞാനെന്തിനാ പേടിക്കുന്നേ.....നിന്റിച്ഛായനെന്നെ പിടിച്ചു തിന്നത്തൊന്നുമില്ലല്ലോ.....പറഞ്ഞു കൊണ്ട് പുറത്തേക്കിറങ്ങി...... കൊച്ചു അവളെ തന്നെ അത്ഭുതത്തോടെ നോക്കി ഇരുന്നു..... ജാനി നേരെ അടുക്കളയിലേക്ക് പോയി ഒരു കറികത്തി കൈയിലെടുത്ത് വച്ച് തിരിച്ചും മറിച്ചും നോക്കി ......ആ കത്തിയെടുത്ത് പതിയെ അരയിൽ തിരുകി വച്ചു.....എന്തൊക്കെയോ മനസ്സിലുറപ്പിച്ച് കൊണ്ട് അവൾ ആദമിന്റെ റൂമിലേക്ക് നടന്നു......... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...