🔥അരുന്ധതി [ 2 ] 🔥 : ഭാഗം 27

എഴുത്തുകാരി: ദിവ്യ സാജൻ  

പളളിയിൽ നിന്നും വീട്ടിലെത്തിയിട്ടും റൂമിൽ തന്നെ ചടഞ്ഞിരുന്നു ആദം......അന്ന് എസ്റ്റേറ്റിലേക്കോ ഫിനാൻസിലേക്കോ പോവാൻ മനസ്സ് വന്നില്ല.....ജാനി ആലത്തറയിലെ അല്ലെന്നറിഞ്ഞപ്പോൾ മുതൽ അവളോടുണ്ടായിരുന്നു വെറുപ്പെല്ലാം മാറിയിരുന്നു.....പകരം അവളെ തന്നിലേക്ക് കൂടുതൽ ചേർത്ത് പിടിക്കാൻ അവന്റെ ഉളളം തുടിച്ചു.....അപ്പോഴും അവന്റെ മനസ്സിലേക്ക് ആദി എന്ന പേര് ചോദ്യ ചിഹ്നമായിമാറിയിരുന്നു.....അവനിൽ നിന്നും അവളൊരുപാടകലയാണെന്ന് മനസ് മന്ത്രിച്ചു കൊണ്ടിരുന്നു......മിന്ന് കെട്ടിയ ബന്ധം മാത്രമേ ഉളളെങ്കിലും കൈവിട്ട് കളയാൻ മനസ് വന്നില്ലവന്.....പക്ഷെ അപ്പോഴും അവളുടെ മനസ്സിൽ താനല്ലെന്ന സത്യം അവനെ നൊമ്പരപ്പെടുത്തുന്നത് അവനറിഞ്ഞു..... കുറച്ചു നേരം കണ്ണുകളടച്ച് കിടന്നു ആദം .....നെറ്റിയിൽ ആരുടെയോ കരസ്പർശം അറിഞ്ഞതും അവൻ കണ്ണുകൾ തുറന്നു......തന്റെ മുന്നിൽ നിൽക്കുന്ന കൊച്ചുവിനെ നോക്കി പുഞ്ചിരിച്ചു ആദം.... എന്നാടീ.....എന്തോ കാര്യസാധ്യത്തിനാണല്ലോ ഇപ്പൊ ഇവിടേയ്ക്ക് വന്നത് .....നെറ്റിചുളുച്ചു കൊണ്ട് ചോദിച്ചു..... ഓഹ് കണ്ട് പിടിച്ച് കളഞ്ഞല്ലോ......ചിരിയോടെ പറഞ്ഞു കൊണ്ട് അവന്റെ തലമുടിയിലൂടെ മസാജ് ചെയ്യാൻ തുടങ്ങി.... ഇച്ഛായാ......അവൾ പതിയെ വിളിച്ചു.....

എന്നാടീ എന്നതേലും പറയാനുണ്ടേ പറഞ്ഞേരെ വെറുതെ എന്റെ തലമുടി പിഞ്ഞി കളിക്കണ്ടാ.....കുസൃതിയോടെ പറഞ്ഞു കൊണ്ട് അവളെ നോക്കി...... ഇച്ഛായാ.....ഇച്ഛായന് ജാനിയെ ഇഷ്ടവാണോ....നിറുകിൽ തലോടിക്കൊണ്ട് ചോദിച്ചു...... അവനവളെ ഒന്ന് കൂർപ്പിച്ചു നോക്കി..... അതെന്നാടീ അങ്ങനെ ചോദിച്ചേ....... അതല്ല.....ഒരു രാത്രി ഇരുട്ടി വെളുത്തപ്പോൾ പല അത്ഭുതങ്ങളും നടന്നേ അത് കൊണ്ട് ചോദിച്ചതാ.....ഇന്നലെ രാത്രി എന്നതായിരുന്നു ഷോ ഓഫ് ......ഇന്നിതേ അവളെയും കൊണ്ട് പളളിയിലൊക്കെ പോയി....മെഴുകുതിരി കത്തിച്ചേച്ചും വന്നിരിക്കുവല്ലേ അത് കൊണ്ട് ചോദിച്ചതാ..... കുസൃതിയോടവൾ പറഞ്ഞു..... നീ പറഞ്ഞത് നേരാടീ കൊച്ചു.....ഇന്നലെ വരെ എനിക്കവളെ വെറുപ്പായിരുന്നു.....പക്ഷെ ഇന്നതങ്ങനല്ല....പറഞ്ഞു നിർത്തി ക്കൊണ്ട് അവളെ നോക്കി.... അപ്പോ ഈ നെഞ്ചിൽ ജാനി ഇടംപിടിച്ചല്യോ.....കൊച്ചു കളളാ.....പറഞ്ഞു കൊണ്ട് അവന്റെ കവിളിൽ പിച്ചി...... കൊച്ചു നിനക്ക് ആദിയെ അറിയാവോ.....ജാനകിയുടെ ആദീയെ അവനവളെ തന്നെ ഉറ്റുനോക്കി ചോദിച്ചു..... പെട്ടന്ന് അവനിൽ നിന്നും അത് കേട്ടതും അവളുടെ മുഖം മങ്ങി..... ഇച്ഛായനോട് അവൾ ആദി സർനെ കുറിച്ചു പറഞ്ഞോ.....മങ്ങിയ ചിരിയോടവൾ ചോദിച്ചു.....

അവൾക്ക് അയാളെ ഒരിക്കലും മറക്കാൻ പറ്റില്ലാന്ന് പറഞ്ഞു.....ആരാ കൊച്ചു അയാള്....അവളുടെ മറുപടിയ്ക്കായി അവൻ കാത്തു..... ജാനിയുടെ പ്രണയം ആദിത്യ വർമ്മ... അവളുടെ മാത്രം ആദിയേട്ടൻ......എം ബി ബി എസിന് രണ്ടാം വർഷം ക്ലാസ് തുടങ്ങിയ സമയത്താണ് ആദിത്യ സർ കോളേജിലേക്ക് ആദ്മായി വന്നത് .......ഞങ്ങളുടെ പ്രൊഫസർ മോഹൻ ദാസ് സർന് പകരക്കാരനായി വന്ന ഗസ്റ്റ് ലക്ചറർ ആയിരുന്നു ആദിത്യൻ സർ....കാണാൻ നല്ലൊരു ചുളളൻ ചെക്കൻ......ആദ്യമായി ക്ലാസിൽ വന്നപ്പോൾ തന്നെ സകല പെമ്പിളളാരും മൂക്ക് കുത്തി വീണിരുന്നു......പുറമേ ചൂടനാണെങ്കിലും അടുത്തിടപഴകീ വരുമ്പോൾ എല്ലാവരും ഒരുപാട് ഇഷ്ടപ്പെടുന്ന കാരക്ടർ ആയിരുന്നു ആദി സർ..........ക്ലാസ്സെടുക്കുന്ന സമയത്തൊക്കെ അത്യാവശ്യം എല്ലാ പെമ്പിളളാരുടെയും നോട്ടം സർനെ തന്നെയായിരിക്കും.....സർന്റെ ശ്രദ്ധ പിടിച്ചു പറ്റാനുളള തത്രപാടിലായിരിക്കും മിക്കവാറും എല്ലാ പെമ്പിളളാരും...അതിനു വേണ്ടി സിലബസിലെങ്ങുമില്ലാത്ത കുറെ കൊനഷട് സൗശയങ്ങളുമായി വരും കുറേയെണ്ണം....

പക്ഷെ സർന്റെ കണ്ണുകൾ തേടിപ്പോയത് ഇതിലൊന്നും പെടാതെ മിണ്ടാപൂച്ചയായി ഒതുങ്ങി കൂടിയ ഞങ്ങളുടെ ജാനിയെയായിരുന്നു.....ആദ്യമാദ്യം അവൾക്ക് സർനോട് സംസാരിക്കാൻ പോലും മടിയായിരുന്നു..... പക്ഷെ ക്ലാസ്സെടുക്കുമ്പോഴും ചോദ്യം ചോദിക്കുമ്പോഴും സർന്റെ കണ്ണുകൾ ജാനിയിലെത്തിയിരുന്നു.....ഞങ്ങൾ അവളെ കളിയാക്കുമ്പോഴും അവളതിനെ തമാശയായി കണ്ടു.....പക്ഷെ അവളെയും ഞങ്ങളെയും ഞെരിച്ച് കൊണ്ട് ഒരു ദിവസം സർ അമ്മയെയും കൂട്ടി അവളുടെ വീട്ടിലേക്ക് പെണ്ണാലോചിച്ച് വന്നു..... ആദിത്യൻ സർന് അമ്മ മാത്രേ ഉണ്ടായിരുന്നുളളൂ....അച്ഛൻ ലൈൻമാൻ ആയിരുന്നു......ആദിത്യൻ സർന് ഏഴ് വയസ്സുള്ളപ്പോൾ പോസ്റ്റിൽ നിന്നും വീണ് മരിച്ചു പോയി.....ആ ജോലി അമ്മയ്ക്ക് ലഭിച്ചു.....അങ്ങനെയാണ്.....സർനെ പഠിപ്പിച്ച് നല്ല നിലയിലാക്കിയത്.... ജാനിയുടെ കാര്യങ്ങൾ എല്ലാം അറിഞ്ഞിട്ടും സന്തോഷത്തോടെ അവർ ഈ വിവാഹത്തിന് സമ്മതിച്ചു.....ജാനിയെ അവർക്കും ഒരുപാടിഷ്ടമായി.....പിന്നീടുളള ദിവസങ്ങളിൽ ആ ക്യാമ്പസിനകത്ത് അവരുടെ പ്രണയം തളിർക്കുകയായിരുന്നു.....പരസ്പരം സംസാരിക്കാനും ഒരുമിച്ചു ചിലവഴിക്കാനും കിട്ടുന്ന സന്ദർഭങ്ങളിൽ അവർ പരസ്പരം മനസ്സിലാക്കുകയും ഹൃദയം കൊണ്ട് ഒന്നാവുകയുമായിരുന്നു......

വൈകാതെ തന്നെ ജാനിയുടെ ഹൃദയത്തിൽ നിന്നും പറിച്ചെടുക്കാനാവാതെ വണ്ണം ആദിത്യ വർമ്മ വേരുറപ്പിച്ചിരുന്നു..... ആ സെമസ്റ്റർ എക്സാം കഴിഞ്ഞ് അവരുടെ വിവാഹം നടത്താനായി വീട്ടുകാർ തീരുമാനിച്ചു .... ആയിടയ്ക്കാണ് വിഷ്ണു നാരായണനുമായുളള പ്രശ്നം ഉണ്ടായത്....ജാനിയെ അയാൾ ശല്യം ചെയ്യാൻ തുടങ്ങിയപ്പോഴൊക്കെ പലപ്പോഴും അവളെ അയാളിൽ നിന്നും രക്ഷപ്പെടുത്തിയത് ആദി സർ ആയിരുന്നു.......അത് കൊണ്ട് വിഷ്ണുനാരായണന് ആദി സർനോട് വല്ലാത്ത ഒരു തരം പകയായിരുന്നു.......ജാനിയെ അയാളിൽ നിന്നും രക്ഷിക്കാനായാണ് ക്ഷേത്രത്തിൽ വച്ച് അവളുടെ കഴുത്തിൽ താലി ചാർത്തിയത്.....ജാനി ആദിത്യൻ സർന്റെ ഭാര്യ ആയി കഴിഞ്ഞാൽ അയാൾ അവളെ ശല്യം ചെയ്യുന്നത് അവസാനിപ്പിച്ചാലോ എന്ന് കരുതിയിട്ടാവും അങ്ങനെയൊരു തീരുമാനത്തിലെത്തിയത്......പക്ഷെ അന്നത്തെ ദിവസം രാത്രിയാ ജാനി വിഷ്ണുനാരായണനെ വെട്ടി പരിക്കേൽപ്പിച്ച് ജയിലായത്.....അതിനു ശേഷം ജാനി ആദി സർനെ കണ്ടിട്ടേയില്ല.....കൊച്ചു പറഞ്ഞു നിർത്തി....

ആദം എല്ലാം ശ്രദ്ധയോടെ കേട്ടിരുന്നു..... മ്മ്ഹം......അപ്പോ അവളുടെ മനസ്സിൽ ആദിയ്ക്ക് മാത്രേ സ്ഥാനമുളളൂ....അല്ലേ....സാരവില്ല ഞാനായിട്ട് അവർക്കിടയിൽ കരടായി മാറില്ല.....എന്തായാലും നിയമ പരമായി ഞങ്ങളുടെ മിന്ന് കെട്ട് നടന്നിട്ടില്ലല്ലോ.....അത് കൊണ്ട് പ്രത്യേകിച്ച് പൊല്ലാപ്പൊന്നും ഇല്ലാതെ തന്നെ അവളെ അവളുടെ വഴിയ്ക്ക് വിടാം അല്യോ......അവളുടെ ആദി വന്ന് അവളെ കൊണ്ട് പൊയ്ക്കോട്ടേ......ഉളളിലെ വേദന മറച്ച് വെച്ച് കൊണ്ട് അവൻ പറഞ്ഞു.... ഇച്ഛായാ......ഇത് മാത്രമല്ല ഇച്ഛായനറിയേണ്ട മറ്റൊരു കാര്യം കൂടിയുണ്ട്.... ഇനിയെന്താടീ..... പറയാം.....ശേഷം കൊച്ചു പറഞ്ഞതൊക്കെ കേട്ട് അവന്റെ മുഖത്ത് പല പല ഭാവങ്ങൾ മിന്നി മറഞ്ഞു..... ❤❤ കുളപ്പടവിൽ ഒറ്റയ്ക്കായിരുന്നു ജാനി.....ഈ സമയം ആദം അവിടേക്ക് വന്നു.... ഹാ.....ആലത്തറയിലെ കൊച്ച് തമ്പുരാട്ടി ഇവിടെ വന്നൊറ്റയ്ക്കിരിക്കുവാന്നോ..... അവന്റെ ശബ്ദം കേട്ട് ഞെട്ടലോടെ അവൾ തിരിഞ്ഞു നോക്കി......പതിയെ എഴുന്നേറ്റു.... അപ്പോഴേക്കും......ആദം അവളെ വലിച്ച് അവനോട് ചേർത്ത് നിർത്തിയിരുന്നു.......

പെട്ടെന്നുളള അവന്റെ പ്രവൃത്തിയിൽ അവളൊന്ന് വിറകൊണ്ടു.....പിടയ്ക്കുന്ന മിഴികളുയർത്തി അവനെ നോക്കി...... നീ യിന്നലെ എന്നാ പറഞ്ഞേ.....നിന്റെ മനസ്സിൽ ഏതവനോ ആണ് അത് കൊണ്ട് എന്നെ അംഗീകരിക്കാൻ പറ്റുകേലന്നോ.....എന്നാലേ.....ഇനി മുതൽ അത് വേണ്ട......ഈ ഇടനെഞ്ചിൽ ഇച്ഛായൻ മാത്രം മതി കേട്ടോടീ കൊച്ചേ.....പിന്നെ.....ഞാനിന്നലെ പറഞ്ഞില്ലാരുന്നോ നീ ആലത്തറയിലേതല്ലായിരുന്നു വെങ്കിൽ രണ്ടു കൈയും നീട്ടി സ്വീകരിച്ചേനെ എന്ന്.....ഇന്നലെ നീ ആലത്തറയിലെ ചോര അല്ലാ യെന്നറിഞ്ഞ നിമിഷം മുതൽ ഒരു തീരുമാനം ഞാനങ്ങെടുത്തു.....ഇനി എന്തൊക്കെ വന്നാലും വിട്ട് കളയുകേലാന്ന്.....ദേ ചേർത്ത് പിടിക്കാൻ പോവാ ഇങ്ങനെ.....പറഞ്ഞു കൊണ്ട് അവളെ ഒന്ന് കൂടി മുറുകെ പിടിച്ചു ആദം.............. തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...