🔥അരുന്ധതി [ 2 ] 🔥 : ഭാഗം 29

എഴുത്തുകാരി: ദിവ്യ സാജൻ  

നിനക്ക് അതൊക്കെ ഇപ്പോഴും ഓർമ്മയുണ്ടോ കൊച്ചേ.....അമ്പരപ്പോടെ പുഞ്ചിരിച്ച് കൊണ്ട് തലമുടി വിരലുകളാൽ പിന്നിലേക്ക് മാടിയൊതുക്കി ആദം...... എങ്ങനെ മറക്കാനാ അന്നിച്ഛായൻ വന്നില്ലായിരുന്നെങ്കിൽ ഞാനിന്ന് ജീവനോടെ ഉണ്ടാവില്ലായിരുന്നു.....പറഞ്ഞു കൊണ്ട് അവനെ തന്നെ നോക്കി..... അപ്പോഴും ആദിത്യനു മുന്നേ തന്റെ ഹൃദയത്തിനവകാശിയായവൻ തന്റെ മുന്നിൽ നിൽക്കുന്നവനാണെന്ന് പറയാതെ പറയുന്നുണ്ടായിരുന്നു അവളുടെ വിടർന്ന കണ്ണുകൾ...... ആദം അവളെ കണ്ണെടുക്കാതെ നോക്കി നിൽക്കുന്നുണ്ടായിരുന്നു.....ഒരിക്കലും പ്രതീക്ഷിക്കാതെ തന്നിലേക്ക് തന്നെ വന്ന് ചേർന്ന തന്റെ പ്രണയത്തെ എത്ര നോക്കി നിന്നിട്ടും മതിയായില്ലവന്...... ആദം അവളുടെ അടുത്തേക്ക് നടന്നു.....അവളുടെ കൈയിൽ പിടിച്ച് തന്നോടടുപ്പിച്ചു.....മതിവരാത്ത പോലെ അവളുടെ മുഖത്താകമാനം അവന്റെ കണ്ണുകൾ ഓടി നടന്നു......ജാനകി മുഖംകുനിച്ച് നിന്നു...... നിനക്കറിയോ പെണ്ണേ എത്രയോ വർഷത്തെ എന്റെ കാത്തിരിപ്പാ നീയെന്ന്.....

ഞാൻ പോലുമറിയാതെ എന്റെ ഇടനെഞ്ചിൽ ചേക്കേറിയ എന്റെ പ്രണയമാ നീ......പക്ഷെ ഞാനിപ്പോ തുറന്നു പറഞ്ഞാലും നീ വിശ്വസിച്ചെന്ന് വരില്ല.....പക്ഷെ ഒരു ദിവസം നീയറിയും എന്റെ പ്രണയത്തിന്റെ തീവ്രത എത്രയെന്ന് .....അവനോർത്തു..... ജാനീ.....അവൻ മൃദുവായി വിളിച്ചു കൊണ്ട് അവളുടെ മുഖം കൈയിലെടുത്തു ..... ഞാൻ മുന്നേ പറഞ്ഞൊക്കെ നെഞ്ചിൽ തട്ടി തന്നെ പറഞ്ഞതാ.....ദേ ഇനി ഈ നെഞ്ചിൽ ഞാൻ മാത്രം മതി.....ആദി ഇപ്പൊ വേറൊരു പെണ്ണിന് സ്വന്തവാ.....ദൂരേക്ക് ഒരു മാത്ര അവന്റെ നോട്ടം മാറ്റി...... ബൈബിളിലെ പത്ത് കൽപനകളെ കുറിച്ച് കേട്ടിട്ടില്ലേ കൊച്ച്.....അന്യന്റെ ഭാര്യയെയോ അന്യന്റെ വസ്തു വകകളോ മോഹിക്കരുതെന്നാ....ഞങ്ങളുടെ കർത്താവ് പറയുന്നതേ....അപ്പോ ഞാൻ പറഞ്ഞു വന്നത്....നിന്റേതല്ലാത്ത ഒന്നും ഈ മനസ്സിൽ പേറണ്ട നീ.....മനസ്സിലായോടീ പൂച്ചക്കണ്ണീ....കുറുമ്പോടെ പറഞ്ഞു കൊണ്ട് അവളുടെ നിറുകിൽ ചുണ്ടുകൾ ചേർത്തു.... ജാനി പരിഭ്രമത്തോടെ കണ്ണുകളുയർത്തി അവനെ നോക്കി ക്കൊണ്ട് അവനിൽ നിന്നും അകന്നു മാറി...... അവന്റെ ചുണ്ടുകൾ ചേർന്നിടം പൊളളുന്നുണ്ടായിരുന്നവൾക്ക്.......അവളുടെ മനസ്സിൽ ആദിയുടെ മുഖം തെളിഞ്ഞു വന്നതും കണ്ണുകൾ നിറഞ്ഞു.......

നിറകണ്ണുകളോടെ അവനെ നോക്കി ക്കൊണ്ട് അവിടെ നിന്നും ഇറങ്ങി പുറത്തേക്കോടീ...... ആദം ചെറു ചിരിയോടെ മീശമുറുക്കികൊണ്ട് അവൾ പോകുന്നതും നോക്കി നിന്നു..... ❤❤ ജാനിയുടെ ഓട്ടം നിലച്ചത് താഴെ നിന്നും മുകളിലേക്ക് പടികൾ കയറി വരുന്ന കൊച്ചുവിന് മുന്നിലാണ്..... കൊച്ചു അവളെ കൂർപ്പിച്ചു നോക്കി..... ജാനി സംശയത്തോടെ അവളെ നോക്കി.... എന്താ കൊച്ചു.....നീയെന്താ ഇങ്ങനെ നോക്കുന്നേ ..... ഒന്നും പറയാതെ മുഖം വെട്ടി തിരിച്ചു കൊണ്ട് മുന്നോട്ട് പോവാൻ തുടങ്ങി കൊച്ചു.... അവളുടെ ഭാവമാറ്റം ജാനിക്കെന്തോ വല്ലായ്മ യുണ്ടാക്കി.....അവളുടെ ഈ പരിഭവം എന്തെന്ന് മനസ്സിലാവാതെ ജാനി ഒരു നിമിഷം പകപ്പോടെ അവളെ നോക്കി കൊണ്ട് അവളുടെ കൈയിൽ പിടിച്ച്...... കൊച്ചു അവളെ തിരിഞ്ഞു നോക്കി...... മ്മ്ഹം എന്താ ??? കൊച്ചു ഗൗരവത്തോടെ ചോദിച്ചു..... നിനക്കിതെന്താ പറ്റിയേ കൊച്ചു.....എന്നോട് പിണങ്ങിയോ നീ....എന്തിന്???.....അമ്പരപ്പോടെ ചോദിച്ചു.... വേണ്ട......നീയിനി എന്നോടൊരക്ഷരം മിണ്ടരുത് ......എനിക്ക് നിന്നോടൊന്നും സംസാരിക്കാനുമില്ല..... അവളുടെ വാക്കുകൾ ജാനിയെ തെല്ലൊന്ന് വേദനിപ്പിച്ചു......അപ്പോഴും അവളുടെ പരിഭവത്തിന് കാരണമെന്തെന്ന് മനസ്സിലാവാതെ കുഴങ്ങി ജാനി.....

കൊച്ചു നീയെന്തിനാ ഇങ്ങനൊക്കെ പറയുന്നേ.....എന്തെങ്കിലും ഉണ്ടെങ്കിൽ പറ കൊച്ചൂ......അവളുടെ കൈവിടുവിച്ച് കൊണ്ട് ജാനി ചോദിച്ചു...... നിനക്കൊന്നും അറിയത്തില്ലല്ലേ....ഞാൻ തന്നെ പറയാം.....നീ വാ.....പറയുന്നതിനൊപ്പം ജാനകിയുടെ കൈയിൽ പിടിച്ചു വലിച്ചു കൊണ്ട് അവളുടെ റൂമിലേക്ക് പോയി.....രണ്ടാളും അകത്തേക്ക് കയറിയ ശേഷം വാതിലടച്ചു കുറ്റിയിട്ടു ....... ജാനി .....നീ എനിക്ക് വാക്ക് തന്നതല്ലേ......എന്നും എന്റെ ഇച്ഛായനൊപ്പം ഉണ്ടാവുമെന്ന്......എന്നിട്ട് നീയെന്റിച്ഛായനോട് എന്തൊക്കെയാ വിളിച്ചു പറഞ്ഞത്...... നിന്റെ മനസ്സിൽ ഇപ്പോഴും ആദി സാർ മാത്രേ ഉളളൂ അല്ലേ.....ഇച്ഛായനെ ഒരിക്കലും അംഗീകരിക്കാൻ കഴിയില്ലെന്ന് അല്ലേ...... മറുപടി പറയാതെ ജാനി മുഖം കുനിച്ച് നിന്നു..... ഞാൻ നിന്നോട് എത്ര തവണ പറഞ്ഞതാ ജാനി ആദി സർനെ മറക്കണമെന്ന്......ഇനി ഒരിക്കലും ആദി സർ നിന്റെ ജീവിതത്തിലേക്ക് വരില്ല.....എന്നിട്ടും എന്തിനാ നിന്റെ മനസ്സിൽ അയാൾക്ക് സ്ഥാനം കൊടുക്കുന്നത്.....നീ പറഞ്ഞതൊക്കെ ഇച്ഛായനെ നോവിച്ചു അതെനിക്കറിയാം.....

ഇച്ഛായന്റെ മനസ് വേദനിച്ചാൽ ആരെക്കാളും നന്നായിട്ട് എനിക്ക് മനസ്സിലാക്കാൻ കഴിയും..... കൊച്ചു ഞാൻ...... വേണ്ട എനിക്കൊന്നും കേൾക്കണ്ട കൊച്ചു ജാനിയെ പറയാനനുവദിക്കാതെ തുടർന്നു..... ഇച്ഛായന്റെ മിന്നും കഴുത്തിലണിഞ്ഞിട്ട് ......മറ്റൊരു പുരുഷനെ മനസ്സിൽ കൊണ്ടു നടക്കുന്നത് ശരിയാണോ.....ജാനി....പറയ്.....മറ്റൊരു പെണ്ണിനൊപ്പം സന്തോഷത്തോടെ ജീവിക്കുന്ന അയാളെ ഇനിയെങ്കിലും മനസ്സിൽ നിന്നും മായ്ച്ചു കളഞ്ഞൂടെ ജാനി ......ഇടർച്ചയോടെ അവൾ ചോദിച്ചു..... അവളുടെ ആ ചോദ്യം ജാനിയുടെ നെഞ്ചിൽ തറഞ്ഞു കയറിയ പോലെ തോന്നി...... ഞെട്ടലോടെ അവളെ തന്നെ നോക്കി നിന്നു..... ഇന്നലെ വരെ ഇച്ഛായൻ നിന്നോട് ചെയ്തതൊക്കെ ക്രൂരത തന്നാ....ഞാനും നിഷേധിക്കുന്നില്ല.....പക്ഷെ ഇപ്പൊ ആ മനസ്സിൽ നീ മാത്രേ ഉളളൂ......നോവിക്കല്ലേടീ എന്റിച്ഛായനെ.....പറഞ്ഞു കൊണ്ട് ഏറു കണ്ണാലെ അവളെ നോക്കി കൊച്ചു...... അവൾ പറയുന്നതെല്ലാം കേട്ട് ജാനിയ്ക്ക് വല്ലാത്ത ദുഃഖം തോന്നി..... കൊച്ചു......ഞാൻ.....ഞാൻ നിന്നോടെന്താ പറയേണ്ടത്......

എനിക്ക് സമയം വേണം.....ഇച്ഛായനെ പൂർണ്ണമായും ഉൾക്കൊളളനുളള സമയം അതെങ്കിലും എനിക്ക് തന്നൂടേ...... എത്ര സമയം വേണമെങ്കിലും എടുത്തോ നീ.....പക്ഷെ എന്റിച്ഛായനെ ഉപേക്ഷിച്ച് പോയ്ക്കളയരുത്.....പ്ലീസ്...... മ്മ്ഹം ഞാൻ.....ഞാൻ.....എങ്ങും പോവില്ല.....ഇനി ഇത് പോലെ എന്നോട് പിണങ്ങല്ലേ പ്ലീസ്..... ഇല്ല.....പറഞ്ഞു കൊണ്ട് അവൾ ജാനിയെ പുണർന്നു...... ദേ വല്യമ്മച്ചി നിന്നെ അന്വേഷിച്ചു അങ്ങോട്ട് ചെല്ലാൻ പറഞ്ഞു.....അത് പറയാനും കൂടിയായിരുന്നു ഞാൻ മുകളിലേക്ക് വന്നത്.... മ്മ്ഹം....ഞാൻ വല്യമ്മച്ചീയെ പോയി കണ്ടിട്ട് വരാം.....പറഞ്ഞു കൊണ്ട് ജാനി പുറത്തേക്ക് പോയി.....ജാനി പുറത്തേക്ക് പോയതും ലച്ചു അവിടേക്ക് കയറി വന്നു...... വാഹ്.....എന്നാ അഭിനയമായിരുന്നു പെണ്ണേ....ജാനി പോയെന്ന് വാതിലിലൂടെ പുറത്തേക്ക് നോക്കി ഒന്നു കൂടി ഉറപ്പിച്ചു കൊണ്ട് അവൾ പറഞ്ഞു..... പിന്നെ ഈ കൊച്ചുവിനെ കുറിച്ചു എന്നതാ വിചാരിച്ചേ.....ഏഹ്......ചിരിയോടവൾ പറഞ്ഞു..... അവളൊരു പാവവാ അല്ലേ കൊച്ചു..... മ്മ്ഹം..... ഒരു കണക്കിന് ചതിക്കാ ചേച്ചി ഞാനവളെ .........

ആദിസർ ഈ ലോകത്ത് ജീവിച്ചിരിപ്പില്ലെന്ന് അറിയുന്ന ആ നിമിഷം......എന്റെ ജാനിയെ നഷ്ടപ്പെടും.....അതുണ്ടാവാതിരിക്കാനാ ഞാനിതൊക്കെ ചെയ്യുന്നത്....അവളുടെ ലോകം ഇച്ഛായൻ മാത്രം ആകുമ്പോൾ അവൾ എല്ലാം മറക്കാൻ തുടങ്ങുമെന്നാ ഞാൻ വിശ്വസിക്കുന്നത്.....അങ്ങനെ വിശ്വസിക്കാനാ എനിക്കിഷ്ടം ദീർഘമായി നിശ്വസിച്ചു കൊണ്ട് പറഞ്ഞു കൊച്ചു..... സാരവില്ല കൊച്ചു.....അവള് മാറും ആദം അവളെ മാറ്റിയെടുക്കും .....നീ വിഷമിക്കല്ലേ പറഞ്ഞു കൊണ്ട് അവളെ ചേർത്ത് പിടിച്ചു.... ❤❤ വൈകുന്നേരം കട്ടിലിൽ നിവർന്ന് കിടക്കുകയായിരുന്നു ആദം.....രാവിലെ നടന്ന ഒരോന്നും ഓർക്കേ അവന്റെ ചുണ്ടുകളിൽ ചെറു പുഞ്ചിരി സ്ഥാനം പിടിച്ചിരുന്നു .......ജോഷു അകത്തേക്ക് വരുമ്പോൾ......മുകളിലേക്ക് നോക്കി പുഞ്ചിരിയോടെ കിടക്കുന്നവനെയാണ് കാണുന്നത്.....അത് കണ്ടതും അമ്പരപ്പോടെ അവനെ നോക്കി..... മ്മ്ഹം......ഇളക്കമുണ്ട്.....ഇളക്കമുണ്ട്......ഒരു പെണ്ണ് വന്ന് കേറീല്ല അതിനു മുന്നേ വാരി നോക്കി ചിരിക്കാൻ തുടങ്ങിയല്ലേ ഇച്ഛായാ.....അവനെ ആക്കി പറഞ്ഞു കൊണ്ട് അടുത്തേക്ക് വന്നു.....

പക്ഷേ അവൻ വന്നതോ സംസാരിച്ചതോ ഒന്നും ആദം അറിഞ്ഞില്ല..... ആഹാ.....പ്രേമകുമാരൻ സ്വപ്ന ലോകത്തായിരുന്നോ ഇപ്പൊ ശരിയാക്കിത്തരാം പറഞ്ഞു കൊണ്ട് ടേബിളിനു മുകളിൽ വച്ചിരുന്ന സ്റ്റീൽ ഗ്ലാസ് കൈയിലെടുത്തു നിലത്തേക്കിട്ടു.....ശബ്ദം കേട്ടതും ആദം ഞെട്ടി ക്കൊണ്ട് ചാടി എണീറ്റു......അവനെ കലിപ്പിൽ നോക്കി..... എന്നാടാ പന്ന.... മോനേ .....നീ എന്നാത്തിനാ ഗ്ലാസ് നിലത്തേക്കടിച്ചേ..... ഓഹ്.....അതെങ്കിലും അറിഞ്ഞല്ലോ.....ഞാൻ വന്നപ്പോൾ മുകളിലേക്ക് നോക്കി ഇളിച്ചോണ്ട് കിടക്കാരുന്നേ......ഞാനകത്തേക്ക് വന്നിട്ടും ഒരനക്കവുമില്ലാരുന്നേ.....ജീവനുണ്ടോന്ന് നോക്കിയതാ....😀😀 അയ്യാ......അവന്റെ ഒരോഞ്ഞ കോമഡീ.....ടാ പുല്ലേ.....എന്റെ നാവീന്ന് നല്ല തെറി കേക്കണ്ടാങ്കി ഇറങ്ങി പോടാ..... അതേ......ഇപ്പൊ തെറി കേൾക്കാൻ ഒരുത്തി കൂടി വന്നിട്ടുണ്ടല്ലോ......നമ്മളെ വിട്ടേരെ.... അവനെ ഏറു കണ്ണാലെ നോക്കി ക്കൊണ്ട് പറഞ്ഞു..... ഒന്ന് പോടാ.....പറഞ്ഞു കൊണ്ട് ടൗവ്വലുമെടുത്ത് ബാത്ത്റൂമിലേക്ക് പോവാൻ തുടങ്ങി..... ഓഹ് ഇന്നലെ രാത്രി എന്നായിരുന്നു.....അവളെ അടിച്ചു പുറത്തേക്ക് തളളിയതാ.....

എന്നിട്ട് ഇന്നവളെയും ഓർത്ത് ഇളിച്ചോണ്ട് കിടക്കുവാ.....നാണമുണ്ടോന്ന് നോക്കിയേ.....ഇതാ പറയുന്നത്....പെണ്ണൊരുമ്പെട്ടാൽ ഏത് ഒറ്റക്കൊമ്പന്റെ മോനും വീഴുമെന്ന്.....ഇതിപ്പോ മൂക്കും കുത്തിയല്ല്യോ വീണത്.....അവനെ നോക്കി പുച്ഛിച്ച് കൊണ്ട് ജോഷു പറഞ്ഞു.... അതിനു മറുപടിയായി അവനൊന്ന് പുഞ്ചിരിച്ചു..... ടാ.....ജാനകി അവളാടാ ആ നീലത്താമര....... നീയെപ്പോഴും പറയാറില്ലായിരുന്നോ.....അവളെന്നെ മറന്നിട്ടുണ്ടാവുമെന്ന്......ഇല്ലെടാ.....അവളെന്നെ മറന്നിട്ടില്ല....നിറഞ്ഞ പുഞ്ചിരിയോടെ അവനത് പറയുമ്പോൾ അത് വരെ മനസ്സിലൊളിപ്പിച്ച പ്രണയം അവന്റെ കുഞ്ഞീ കണ്ണുകളിൽ തെളിഞ്ഞു...... ഇട്ഛായനെന്നെതാ ഈ പറയുന്നേ.....അമ്പരപ്പോടെ അവൻ ചോദിച്ചു.... ആദം രാവിലെ നടന്നതൊക്കെ അവനോട് പറഞ്ഞു......അത് കേട്ടതും ജോഷുവിന്റെ കണ്ണൊക്കെ പുറത്തേക്ക് വന്നു.....എന്നാലും എന്റിച്ഛായ......

എല്ലാം ഒരു കോ- ഇൻസിഡന്റായി വന്നത് നോക്കിയേ...എന്നാലും അവൾ ഇച്ഛായനൊന്ന് തേടി നടക്ക പോലും ചെയ്യാതെ കൈകളിൽ എത്തിപ്പെട്ടത് നോക്കിയേ.....താടിയ്ക്ക് കൈ വച്ച് കൊണ്ട് അവൻ പറഞ്ഞു..... പ്രണയം സത്യമാണെങ്കിലും നമുക്ക് വിധിച്ചതാണെങ്കിലും എത്ര അകലെയാണെങ്കിലും നമ്മുടെ കൈകളിൽ തന്നെ എത്തിച്ചേരും......നേർത്ത പുഞ്ചിരിയോടെ പറഞ്ഞു..... ❤❤ രാത്രി ആദം റൂമിലേക്ക് വരുമ്പോൾ കാണുന്നത് നിലത്തു ബെഡ്ഷീറ്റ് വിരിച്ചു ചുരുണ്ടു കിടന്നുറങ്ങുന്ന ജാനിയെയാണ്.....അവനവളെയൊന്ന് നോക്കിയ ശേഷം പതിയെ കുനിഞ്ഞ് അവളെ കൈകളിൽ കോരിയെടുത്ത് കട്ടിലിൽ കൊണ്ട് പോയി കിടത്തി.....ജാനി നന്നായി ഉറങ്ങിയത് കാരണം ഒന്ന് ഞെരങ്ങി ക്കൊണ്ട് തിരിഞ്ഞു കിടന്നതല്ലാതെ ഉണർന്നില്ല......മിഴികളിൽ നിദ്ര വന്ന് പുൽകുന്നത് വരെ ആദം ജാനിയെ തന്നെ നോക്കി കിടന്നു............... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...