🔥അരുന്ധതി [ 2 ] 🔥 : ഭാഗം 30

എഴുത്തുകാരി: ദിവ്യ സാജൻ  

ജനാലയിലൂടെ നേർത്ത ചൂടുള്ള സൂര്യപ്രകാശം കണ്ണുകളിൽ പതിക്കവേ....ഉറക്കം വിട്ടുണരാൻ തുടങ്ങി ജാനി....പക്ഷെ കണ്ണുകൾ തുറക്കാൻ കഴിയാതെ അവൾ വീണ്ടും ആ കിടത്തം തന്നെ തുടർന്നു......ആരുടെയോ ഹൃദയത്തുടിപ്പ് അവളുടെ കാതുകളിൽ തറഞ്ഞതും ഞെട്ടലോടെ കണ്ണുകൾ തുറന്നു നോക്കി.......ആദത്തിന്റെ നെഞ്ചിൽ തലവെച്ചാണ് താനിത്രയും നേരം ഉറങ്ങിയതെന്ന് കാണേ പിടച്ചിലോടെ എഴുന്നേറ്റ് ചുറ്റും കണ്ണോടിച്ചു.....തന്റെ അടുത്തായി ശാന്തമായി ഉറങ്ങുന്നവനെ ഒന്ന് നോക്കി..... ഞാൻ.....ഞാനിന്നലെ നിലത്തല്ലേ കിടന്നേ....പിന്നെ .....പിന്നെങ്ങനെ ഇവിടെ??? സ്വയം പിറുപിറുത്തു കൊണ്ട് തലയ്ക്ക് കൈകൊടുത്തിരുന്നു...... പറന്നു വന്നതാടീ പെമ്പ്രന്നോളെ.......കളളച്ചിരിയോടെ ഒരു കണ്ണ് മാത്രം തുറന്നു പിടിച്ചു കൊണ്ട് പറയുന്നവനെ ഞെട്ടലോടവൾ തിരിഞ്ഞു നോക്കി...... അവന്റെ മുഖത്ത് മിന്നിമായുന്ന കുസൃതിച്ചിരിയും അതിനൊപ്പം തെളിഞ്ഞു വന്ന കവിളിലെ നുണക്കുഴികളിലും അറിയാതവളുടെ കണ്ണുകൾ പതിഞ്ഞു..... ഹാവ്.....ഇങ്ങനെ നോക്കല്ലേ ജാനുമ്മ .....

ഇച്ഛായന്റെ കൈവിട്ട് പോവത്തേയുളളൂ കൊച്ചേ......നെഞ്ചിൽ തല്ലിക്കൊണ്ട് പറയുന്നവനെ കൂർപ്പിച്ചൊന്ന് നോക്കി ക്കൊണ്ട് ബെഡിൽ നിന്നും എണീറ്റ് കബോഡിനടുത്തേക്ക് പോയി.....കൊച്ചുവിന്റെ റൂമിൽ നിന്നും കൊണ്ട് വന്ന ജാനിയുടെ വസ്ത്രങ്ങൾ കൊച്ചു തന്നെ കബോഡിൽ അടുക്കി വച്ചിരുന്നു......അതിൽ നിന്നും ഉടുത്ത് മാറാനുളളതും കൈയിലെടുത്ത് കൊണ്ട് ബാത്ത്റൂമിലേക്ക് പോയി ജാനീ....ജാനി പോവുന്നതും നോക്കി തലയ്ക്ക് കൈയും കൊടുത്തു ചെരിഞ്ഞു കിടന്നു ആദം....പിന്നെ പതിയെ എഴുന്നേറ്റ് ബാൽക്കണിയിലേക്ക് നടന്നു..... ജാനി കുളി കഴിഞ്ഞ് തിരികെ വരുമ്പോൾ ആദം റൂമിൽ ഇല്ലെന്ന് കണ്ട് പുറത്തേക്ക് പോവാൻ തുടങ്ങി.....അപ്പോഴാണ് ആരുമായോ ഫോണിൽ സംസാരിച്ചു കൊണ്ട് ബാൽക്കണിയിൽ നിൽക്കുന്നവനെ കാണുന്നത്.....പിന്നെ തിരിഞ്ഞു നിക്കാതെ താഴേക്ക് പോയി......നേരെ അടുക്കളയിലേക്കാണ് പോയത് .....ആരുവും ആലീസും അവിടെ തന്നെയുണ്ടായിരുന്നു..... ആഹ്....മോളെണീറ്റോ.....പുഞ്ചിരിയോടെ ചോദിച്ചു കൊണ്ട് ആലീസ് ഒരു കപ്പ് ചായ അവളുടെ കൈയിൽ വച്ച് കൊടുത്തു..... മോളിത് കൊണ്ട് പോയി കൊച്ചു മോന് കൊടുക്ക് അവനെണീറ്റയുടനെ ചായ പതിവാ....ആലീസ് അവളുടെ കവിളിൽ തഴുകി....

മ്മ്ഹം.....പുഞ്ചിരിയോടെ പറഞ്ഞു കൊണ്ട് അവൾ മുകളിലേക്ക് നടന്നു...... ആരു.....കൊച്ചു മോനാകെ മാറിയല്യോടീ കൊച്ചേ......മിനിഞ്ഞാന്ന് അവനവളോട് ചെയ്തതൊക്കെ കണ്ടപ്പോ ഞാനൂമൊന്നു വിരണ്ടു പോയതാ.....പക്ഷേ ഇന്നലെ കണ്ടില്ലേ അവളെയും കൊണ്ട് പളളിയിലൊക്കെ പോയത്......ആലീസ് പറഞ്ഞു നിർത്തി..... നേരാ ആലീസേ.....അവനിതെന്നാ പറ്റീന്ന് അറിയാമ്പാടില്ല പുഞ്ചിരി യോടെ പറഞ്ഞു കൊണ്ട് അലക്സിനുളള ചായയുമായി ഉമ്മറത്തേക്ക് നടന്നു ...... ഉമ്മറത്തിരുന്ന് പത്രം വായിക്കുകയായിരുന്നു അലക്സ്..... ഇച്ഛായാ.....ചായ......ആരു ചായ അവന് നേരെ നീട്ടിക്കൊണ്ടു വിളിച്ചു..... അവനത് അവളുടെ കൈയിൽ നിന്നും വാങ്ങി.....കുറച്ചു കഴിഞ്ഞു തിരിഞ്ഞു നോക്കുമ്പോൾ ആരു അവിടെ തന്നെ നിന്നു......... എന്നാടീ അന്നക്കൊച്ചേ നീയെന്നാത്തിനാ നിന്നു താളം ചവിട്ടുന്നേ....നിനക്കെന്നാടീ പറയാനുളളേ അവൾ അവിടെ നിന്നും പോവാതെ നിൽക്കുന്നത കണ്ട് ചോദിച്ചു അവൻ...... ഇച്ഛായാ അത് ശോശാമ്മ ചേടത്തി വിളിച്ചിരുന്നു...... മ്മ്ഹം.....അതിനിപ്പോ എന്നാ.....അവനവളെ മുഖമുയർത്തി നോക്കി.....

അത് കണ്ണാപ്പീയെയും അനന്യയെയും ഒന്ന് കാണണമെന്ന് പറഞ്ഞു.....പകപ്പോടവൾ പറഞ്ഞു..... അതിനിപ്പോ എന്നാടീ ആയിക്കോട്ടേ......പിളളാരോട് പറഞ്ഞേരേ.....അവര് പൊയ് കണ്ടോട്ടേ..... അല്ലിച്ഛയാ.....അത് പിന്നെ......ചാണ്ടിച്ചൻ ......ചാണ്ടിച്ചൻ ശിക്ഷ കഴിഞ്ഞു സ്നേഹാലയത്തിൽ കഴിയുവാ.......കിടപ്പിലാ.....ചാണ്ടിച്ചനാ മോനെ കാണണമെന്ന് പറഞ്ഞത്......പരിഭ്രമത്തോടെ പറഞ്ഞു കൊണ്ട് അവനെ നോക്കി.... കുറച്ചു നേരം അലക്സ് ഒന്നും പറഞ്ഞില്ല...... ആം......പിളളാരോട് ചെന്ന് കാണാൻ പറഞ്ഞേരെ വയ്യാണ്ട് കിടക്കുവല്യോ.....ദണ്ഡിപ്പിക്കണ്ട......പറഞ്ഞു കൊണ്ട് എഴുന്നേറ്റ് പോകുന്നവനെ തന്നെ ഒരുപാടിഷ്ടത്തോടെ നോക്കി നിന്നവൾ....... ❤❤ ആദം രാവിലെ തന്നെ ഫിനാൻസിലേക്ക് പോവാനായി റെഡിയായി താഴേക്ക് വരികയായിരുന്നു...... സെറ്റ് സാരിയുടുത്തു ഉമ്മറത്ത് നിൽക്കുന്നവളിൽ കണ്ണുകളുടക്കിയതും അറിയാതവന്റെ നോട്ടം അവളിൽ തടഞ്ഞു....ഒരു നിമിഷം അവളെ തന്നെ മതി മറന്ന് നോക്കി നിന്നു ആദം...... സ്വന്തം കീശേന്നൂ തന്നെ കട്ട് തിന്നാൻ നാണമുണ്ടോ മനുഷ്യാ നിങ്ങക്ക്......

ഒറ്റക്കൊമ്പന്റെ മോനാണു പോലും.....ഒരു ലോഡ് പുച്ഛം വാരി വിതറി ക്കൊണ്ട് ജോഷു അവനെ ഒന്നിരുത്തി നോക്കി...... പോടാ......പന്ന .... മോനെ......ഞാനെന്റെ മൊതലല്യോ കട്ട് തിന്നുന്നേ അല്ലാതെ നിന്നെ പോലെ കണ്ടവന്റെ ഷോ കേസിലിരിക്കുന്ന മുതലിനെ അല്ലല്ലോ......പല്ലു ഞെരിച്ച് കൊണ്ട് അവനെ നോക്കി..... ജോഷു അതിനു മറുപടി പറയാൻ തുടങ്ങിയതും ആരു അവിടേക്ക് വന്നു...... ആ കൊച്ചു മോനേ നീ ഫിനാൻസിലേക്ക് പോവാ അല്ലേ..... ആഹ്....എന്നതാ അമ്മ...... ഏയ് ഒന്നൂല്ല അപ്പോ ജാനിയെ ജോഷു അമ്പലത്തിൽ കൊണ്ട് പോയി വിടുവല്ലോ അല്ലേ.....ആദത്തെയൊന്ന് ഇടം കണ്ണിട്ട് നോക്കി ക്കൊണ്ട് ജോഷുവിനോടായീ പറഞ്ഞു....... ആഹ്.....ഞാൻ ഫ്രീയാ.....ആദത്തെ നോക്കി ഇളിച്ചോണ്ട് ജോഷു പറഞ്ഞു....😁😁😁 ആരു പറഞ്ഞു നീ ഫ്രീയാന്ന്.....ഇന്നലെ നിന്നോട് ഞാൻ പറഞ്ഞ ടാക്സിന്റെ കാര്യം എന്നായി.......ആദം ഇടയ്ക്ക് കയറി പറഞ്ഞു..... ടാക്സോ....ഏത്.....ടാക്സ്.....ജോഷു അവനെ നോക്കി കണ്ണുമിഴിച്ചു .... ഹാ ഇന്നലത്തെ ടാക്സേടാ പുല്ലേ.....പല്ല് ഞെരിച്ച് കൊണ്ട് അവനെ നോക്കി കണ്ണുരുട്ടി.....

ഓഹ്.....ഇപ്പൊ മനസ്സിലായി......നിങ്ങക്ക് അവളുടെ കൂടെ പോണവെങ്കീ അതങ്ങ് പറഞ്ഞാലെന്നാ വെറുതെ ഇല്ലാത്ത ടാക്സിന്റെ കാര്യം പറഞ്ഞ് എന്നെ ഞെട്ടിക്കാൻ നടക്കുവാ.....കെറുവിച്ചു കൊണ്ട് ആദം കേൾക്കാൻ പാകത്തിന് പറഞ്ഞു ജോഷൂ..... എന്നാടാ നിനക്ക് പോവാൻ പറ്റുകേലേ.....അലക്സ് ഒച്ചയെടുത്തു ചോദിച്ചു..... ഓഹ് എനിക്ക് പോവാൻ കുഴപ്പവൊന്നുമില്ല നിങ്ങടെ മോനെന്നെ പിടിച്ചു തിന്നാൻ കണക്കിന് നിക്കുവല്യോ എന്നാ ചെയ്യാനാ.....വളച്ചു വളച്ച് ഇങ്ങേരൊടിക്കുവോ ആവോ......ആദത്തിന് കേൾക്കാൻ പാകത്തിന് പറഞ്ഞു...... ഇച്ഛായൻ പറഞ്ഞത് നേരാ മാമാ എനിക്ക് ടാക്സിന്റെ കാര്യം റെഡിയാക്കാനുണ്ട്.....ഞാൻ ഫിനാൻസിലേക്ക് ചെല്ലട്ടേ......പറഞ്ഞു കൊണ്ട് ആദത്തെ ഒന്ന് ഇരുത്തി നോക്കി ക്കൊണ്ട് മുന്നോട്ട് നടന്നു ജോഷു..... അപ്പോ പിന്നെ കണ്ണാപ്പീയോട് പറയ് അന്നക്കൊച്ചേ .....ഈ കൊച്ചിനെ അമ്പലത്തിൽ കൊണ്ട് പോവാൻ..... ഓഹ്.....ഈ ഒറ്റക്കൊമ്പൻ എല്ലാം കുളവാക്കും ആദം ആത്മ..... അമ്മാ ഞാനിന്ന് താമരയ്ക്കലച്ചനെ കാണാൻ സ്നേഹാലയത്തിലേക്ക് പോവാ.....

വേണോങ്കീ കോച്ചിനെ ഞാൻ അമ്പലത്തിൽ ഡ്രോപ് ചെയ്തോളാം......ജാനിയെ ഒന്ന് പാളി നോക്കി ക്കൊണ്ട് പറഞ്ഞു ആദം...... അതിന് നിനക്കീ കൊച്ചിനെ വെറുപ്പല്ലേ.....ആലത്തറയിൽ തിരികെ കൊണ്ട് പോയി വിടാനല്ലേ നീ പറഞ്ഞത്...... ആ വൈരാഗ്യത്തിന് അവളെ കൊണ്ട് നീ ആലത്തറയിലാക്കിയാലോ .....അല്യോ ഇച്ഛായാ.....ആരു അലക്സിനെ നോക്കി ചിരിയോടെ പറഞ്ഞു..... അലക്സ് രണ്ടു പേരെയും ചിരിയോടെ മാറി മാറി നോക്കി...... ടീ ......കൊച്ചേ നീ വരുന്നുണ്ടെങ്കീ വാ.....അല്ലേൽ ഇവിടെ നിന്നോ......ജാനിയെ നോക്കി കലിപ്പിൽ പറഞ്ഞു കൊണ്ട് മുണ്ടും മടക്കി കുത്തി മുന്നോട്ട് നടക്കുന്നവനെ കണ്ട് ചിരിപൊട്ടി നിക്കാരുന്നു ആരു ...... ജാനി അവളെ നോക്കി.....ആരു ജാനിയോട് അവനോടൊപ്പം പോവാൻ കണ്ണ് കാണിച്ചു ....ജാനി ആദത്തിന്റെ പിന്നാലെ പോയി..... ടീ.....അന്നക്കൊച്ചേ നമ്മുടെ മോനിതെന്നാ പറ്റി.....ഒന്നിരുട്ടി വെളുത്തപ്പോഴേക്കും എന്നാ മാറ്റവാന്നേ .........അവൻ പോകുന്നതും നോക്കി പറഞ്ഞു...... ഈ അപ്പന്റെ അല്ലേ മോൻ ഇരുന്ന ഇരുപ്പിനല്യോ....സ്വഭാവം മാറുന്നത്.....പറഞ്ഞീട്ടെന്നാ.....

അവനെയൊന്നിരുത്തി നോക്കിക്കൊണ്ട് അവൾ പറഞ്ഞിട്ട് അകത്തേക്ക് കയറി പോയി..... ഓഹ് ഇപ്പൊ അതും എന്റെ കുറ്റവായോ.....പണ്ട് അപ്പന്റെ കൊളളരുതായ്മയുടെ കാര്യം പറഞ്ഞ് അമ്മച്ചിടെ നാവീന്ന് കേക്കണവായിരുന്നു....ഇന്നിപ്പോ മോന്റെ കൈയിലിരുപ്പിനും ഞാനാണല്ലൊ കർത്താവേ പഴി കേൾക്കുന്നേ....പിറുപിറുത്തു കൊണ്ട് അലക്സ് പുറത്തേക്കിറങ്ങി.... ❤❤ ജാനുമ്മ നീ പോയ് തൊഴുതേച്ച് വാ.....ഞാനിവിടെ നിന്നോളാം അമ്പല നടയിൽ അവളെ കൊണ്ട് ഇറക്കി വിട്ട ശേഷം അവളോട് പറഞ്ഞു..... മ്മ്ഹം.....പുഞ്ചിരിയോടെ പറഞ്ഞു കൊണ്ട് ജാനി പടികളോരോന്നും കടന്ന് അമ്പലത്തിലേക്ക് കയറി പോയി..... കുറച്ചു സമയം കണ്ണുകളടച്ച് തൊഴുത് പ്രാർത്ഥിച്ചു.....മനസ്സിൽ പല ചിന്തകൾ ഉയർന്നു വന്നെങ്കിലും അവയെല്ലാം അടിച്ചമർത്തി വച്ച് കൊണ്ട് എല്ലാവരുടെ നന്മയ്ക്കായി പ്രാർത്ഥിച്ചു ....തിരികെ സ്റ്റെപ്പിറങ്ങി വരുമ്പോൾ തനിക്കെതിരായ് നടന്നു വരുന്നവളെ കാണേ കണ്ണുകൾ വിടർന്നു ചുണ്ടുകളിൽ പുഞ്ചിരി മൊട്ടിട്ടു..... ജാനിയേച്ചീ......ഗൗരി വേഗം അവളുടെ അടുത്തേക്ക് വന്നു.....

ഗൗരി മോളെ നിനക്ക് സുഖാണോ.....അവളെ ചേർത്ത് പിടിച്ചു കൊണ്ട് ചോദിച്ചു ജാനി.... സുഖവാ ചേച്ചി......ചേച്ചിയ്ക്ക് സുഖവല്ലേ..... മ്മ്ഹം സുഖവാ മോളെ.....അമ്മ??? നിറ കണ്ണുകളോടെ ചോദിച്ചു..... അപ്പച്ചി സുഖവായിരിക്കുന്നു ജാനിയേച്ചീ......ചേച്ചിടെ കാര്യം പറയാനേ അപ്പച്ചിയ്ക്ക് നേരമുളളൂ..... അമ്മയ്ക്ക് എന്നോട് ദേഷ്യം ഉണ്ടോ മോളെ.....അവൾ തെല്ലൊരു പരിഭ്രമത്തോടെ ചോദിച്ചു..... ദേഷ്യോ......ചേച്ചി അവിടെ നിന്നും രക്ഷപ്പെട്ടതോർത്ത് സന്തോഷം മാത്രേ ഉളളൂ പുഞ്ചിരിയോടെ പറഞ്ഞു...... ടീ......കണ്ട @@@ കളോട് വർത്തമാനം പറഞ്ഞു നിക്കാനാണോടി നീ ഇവിടേയ്ക്ക് വന്നത് കാശിയുടെ ശബ്ദം കേട്ടതും ഞെട്ടലോടെ അവൾ തിരിഞ്ഞു നോക്കി..... കാശിയേട്ടാ ഞാൻ......പേടിയോടെ ഗൗരി അവനെ മുഖമുയർത്തി നോക്കി..... മിണ്ടരുത്.....തൊഴാൻ വന്നാൽ തൊഴുതിട്ട് പോണം കേട്ടോടീ പറഞ്ഞു കൊണ്ട് ഗൗരിയെ കടുപ്പിച്ച് നോക്കി കാശി ......അവൾ ഭയത്തോടെ മുഖം താഴ്ത്തി കൊണ്ട് മുകളിലേക്ക് കയറി പോയി..... ഈ സമയം അവന്റെ നോട്ടം ജാനിയിലെത്തി.....

ടീ....പന്ന മോളെ എന്നെ പറ്റിച്ച് ജീവിക്കാന്ന് വ്യാമോഹിക്കുന്നുണ്ടെങ്കി അതങ്ങ് മനസ്സിൽ നിന്നും കളഞ്ഞേക്ക് .....ഈ കാശി മോഹിച്ചിട്ടുളളതെല്ലാം സ്വന്തമാക്കി യിട്ടേയുളളൂ അതിപ്പോ നീയായാലും .....പറഞ്ഞു കൊണ്ട് അവളെ അടിമുടി നോക്കി .....അവന്റെ നോട്ടവും സംസാരവും കേട്ട് ജാനിയ്ക്ക് ദേഷ്യവും സങ്കടവും തോന്നി....അവനവളോട് ആലത്തറയിൽ വച്ച് ചെയ്തതൊക്കെ ഓർക്കെ ദേഷ്യം നുരഞ്ഞ് കയറി.......അവളവനെ കടുപ്പിച്ച് നോക്കി .... തന്റെ വീട്ടിലെ അഭയാർത്ഥിയായി കഴിഞ്ഞ ജാനിയല്ല ഞാനിപ്പോ.....താമരയ്ക്കലെ ആദത്തിന്റെ ഭാര്യയാ.....താൻ ഈ പറഞ്ഞത് എന്റെ ഭർത്താവ് കേൾക്കാനിടയായാൽ എന്താ സംഭവിക്കാ എന്ന് ഞാൻ പറയാതെ തന്നെ അറിയാല്ലോ....വാക്കുകൾ സൂക്ഷിച്ചു പ്രയോഗിക്കണം.....അവന് നേരെ വിരൽ ചൂണ്ടിക്കൊണ്ട് അവൾ പറഞ്ഞു..... ആ നസ്രാണി കണ്ടിട്ടാണോടി .... നീ ഈ തിളയ്ക്കുന്നത്.....അധികം ഞെളിയണ്ട.....തീർക്കും ഞാൻ അവനെ നിന്റെ മുന്നിലിട്ട്.... ഓർത്തോ .....പിന്നെ എനിക്ക് നേരെ ഉയർന്ന നിന്റെ നാവ് ഞാൻ അരിഞ്ഞു വീഴ്ത്തും കേട്ടോടീ @@@@ പറഞ്ഞു കൊണ്ട് അവളെ പിന്നിലേക്ക് ആഞ്ഞ് തളളി.....പെട്ടന്ന് കാല് തെറ്റി വീഴാൻ പോയവളെ ആദത്തിന്റെ കൈകൾ താങ്ങിയിരുന്നു.................. തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...