🔥അരുന്ധതി [ 2 ] 🔥 : ഭാഗം 31

എഴുത്തുകാരി: ദിവ്യ സാജൻ  

ആദം ജാനിയെ തന്നോട് ചേർത്ത് നിർത്തിക്കൊണ്ട് കാശിയെ രൂക്ഷമായി നോക്കി ..... അവനെ നോക്കി പുച്ഛത്തോടെ ചിരിച്ചു കൊണ്ട് കാശി അവനടുത്തേക്ക് നടന്നടുത്തു...... ഹാ.....നീയും ഇവൾക്കൊപ്പം ഉണ്ടായിരുന്നോ.......ഇവള് പറയാ.....ഇപ്പോ ഇവള് പഴയ ജാനകിയല്ല.....താമരയ്ക്കലെ ആദത്തിന്റെ പെണ്ണാന്ന്.....ഞാനവളോട് മോശവായിട്ട് പെരുമാറിയാൽ നീ എന്നെയങ്ങ് ഉണ്ടാക്കുവെന്ന്.....പുച്ഛത്തോടെ പറഞ്ഞു നിർത്തി...... അവൻ പറയുന്നത് കേട്ട് ചെറു പുഞ്ചിരിയോട് ആദം അവളെ നോക്കി.....അവളെ അവനിലേക്ക് ഒന്നു കൂടി ചേർത്ത് നിർത്തി.... ആടാ....താമരയ്ക്കലെ ആദത്തിന്റെ പെണ്ണ് തന്നാ ഇവള്.......അത് ഞാനങ്ങുറപ്പിച്ചത് മുതൽ.......ഇവളെ നീ ദ്രോഹിക്കാൻ നോക്കിയതിനൊക്കെ ചേർത്തൊന്ന് കാണണമെന്ന് കുറിച്ചിട്ടതാ.....പക്ഷെ ഇപ്പൊ വേണ്ട ഇവളുടെ മുന്നിൽ വച്ച് എന്തിനാ വെറുതെ അല്ലെ.....ജാനിയെ കുറച്ചു മാറ്റി നിർത്തി ക്കൊണ്ട് അലസമായി പറഞ്ഞു..... അത് ശരിയാ ഭാര്യയുടെ മുന്നിൽ വച്ച് തല്ല് വാങ്ങി കൂട്ടുന്നത് കുറച്ചു ക്ഷീണമുളള കാര്യം തന്നെയാ.....

ചിറികോട്ടി കൊണ്ട് കാശി അവനെ നോക്കി...... അതിന് മറുപടിയായി അവനൊന്ന് ചിരിച്ചു.....നിന്റെ ആത്മവിശ്വാസം കൊളളാം....പക്ഷെ ഈ അമ്പല നടയിൽ വച്ച് അതും നിന്നെ അറിയുന്നവർക്ക് മുന്നിൽ വച്ച്....വേണ്ട....നീ പോ.....അവൻ കടുപ്പിച്ച് പറഞ്ഞു.... നീ എന്താടാ കരുതുന്നേ എന്റെ ഏട്ടനെ പോലെ നിന്റെ തല്ല് നിന്ന് കൊളളാൻ പോവാണെന്നോ ഞാൻ.....നീയിന്നിവിടെ നിന്നും മുട്ടിലിഴഞ്ഞേ പോവുളളൂ......പറഞ്ഞു കൊണ്ട് ആദത്തിന് നേരെ പാഞ്ഞു വന്ന് കാലുയർത്തി അവനെ ചവിട്ടാനാഞ്ഞതും ആദം ചെരിഞ്ഞു മാറി.......പെട്ടന്ന് മുന്നോട്ട് ആഞ്ഞ് കാശി നിലത്തേക്ക് വീണു...... ടാ ചെളള് ചെക്കാ എണീറ്റ് പോവാൻ നോക്ക് .....ഞാൻ പറഞ്ഞില്ലായോ.....വേണ്ട....മുടി പിന്നിലേക്ക് മാടിയൊതുക്കി കൊണ്ട് മുന്നോട്ട് നടന്നതും കാശി വലത് വശത്തൂടെ പാഞ്ഞു വന്നവന്റെ മുഖത്തേക്ക് മുഷ്ടി ചുരുട്ടി ഇടിച്ചു പെട്ടെന്ന് ആയത് കൊണ്ട് ആദത്തിന് ഒഴിഞ്ഞു മാറാൻ കഴിഞ്ഞില്ല.....കൃത്യമായി ചുണ്ടിന്റെ കോണിൽ വന്നിടിച്ചു.....ചുണ്ട് പൊട്ടി.....ജാനി പേടിയോടെ അവനെ നോക്കി......

ഹാ.....ജാനുമ്മ... നീ പേടിക്കണ്ടാ എന്റെ കൊച്ച് പോയി കാറിലിരുന്നോ......ഇച്ഛായൻ ഇപ്പൊ അങ്ങെത്തിയേക്കാം.......ഇരന്ന് വാങ്ങാൻ നിന്നാൽ പിന്നെ എന്നാ ചെയ്യാനാടീ കൊച്ചേ.....പറഞ്ഞു കൊണ്ട് കാശിയുടെ നേരെ പാഞ്ഞു ചെന്ന് നെഞ്ചിൽ ആഞ്ഞ് ചവിട്ടി ........ഈ നേരം കൊണ്ട് ജാനി വേഗം കാറിനടുത്തേക്ക് ചെന്നു.... ചവിട്ടോട് കൂടി അവൻ നിലത്തേക്ക് വീണു.....ഒരു നിമിഷം എന്താ സംഭവിച്ചതെന്ന് ഓർത്തെടുത്ത് കൊണ്ട് എണീക്കാൻ തുടങ്ങിയതും ആദം അവനെ കോളറിൽ തൂക്കി വലിച്ചെണീപ്പിച്ച് അമ്പലത്തിന് പുറത്തെ മതിലിൽ ചേർത്ത് നിർത്തി.....മുട്ടുകാല് മടക്കി വയറിൽ ഇടിച്ചു....പിന്നെ തലങ്ങും വിലങ്ങും തല്ലാൻ തുടങ്ങി.....കാശിയുടെ വായിൽ നിന്നും ചോരചീറ്റാൻ തുടങ്ങിയതും ആദം അവനെ നിലത്തേക്ക് വലിച്ചെറിഞ്ഞു...... പ്ഫ.....പന്ന @@@@ മോനേ വേണ്ട....വേണ്ടാന്ന് വച്ചപ്പോ.....ചൊറിഞ്ഞ് മേടിച്ചോണം.....ദേ ഇവിടെ വച്ച് നിർത്തിക്കോ.....ഇനി അവളുടെ നിഴൽ വെട്ടത്ത് നീ വരരുത് വന്നാൽ......വേണ്ട....വെറുതെ വീട്ടിലെ കിടപ്പ് രോഗികളുടെ എണ്ണം കൂട്ടണ്ട......

താക്കീതോടെ പറഞ്ഞു കൊണ്ട് കാറിനടുത്തേക്ക് മുണ്ടും മടക്കി കുത്തി നടന്നു പോകുന്നവനെ പകയോടെ നോക്കി കിടന്നു കാശി..... ❤❤ ആദം കാറിനുള്ളിൽ കയറിയതും പേടിച്ച് വിറയോടിരിക്കുകയായിരുന്നു ജാനി.....ആദം വന്നിട്ടും മുഖം കുനിച്ച് തന്നെ ഇരുന്നു...... ജാനുമ്മ......വിളിച്ചു കൊണ്ട് അവളുടെ തോളിൽ കൈവച്ചതും ഞെട്ടിക്കൊണ്ട് മുഖമുയർത്തി അവനെ നോക്കി....... ഹാ.....എന്നാടീ കൊച്ചേയിത്....ഒരുത്തനെ വെട്ടുകത്തിയ്ക്ക് വരഞ്ഞവളല്ല്യോ.....നീ.....അത് പോട്ടെ എന്റെ കിടപ്പു മുറിയിലേക്ക് കത്തിയുമായിട്ട് കേറി വന്നവളാ ഇരിക്കുന്ന ഇരിപ്പ് കണ്ടില്യോ പറഞ്ഞു കൊണ്ട് അവളുടെ മുഖം കൈകുമ്പിളിൽ കോരിയെടുത്തു.....ജാനി വേഗം അവന്റെ നെഞ്ചിലേക്ക് ചാഞ്ഞു..... പെട്ടെന്നുളള അവളുടെ പ്രവൃത്തിയിൽ അവൻ സ്തബ്ദയായി ഇരുന്നു ......താൻ ചെയ്തതെന്താന്ന് ഒരു നിമിഷം ചിന്തിച്ചതും അവനിൽ നിന്നും അകന്നു മാറി പുറത്തേക്ക് നോട്ടം മാറ്റി....... ചെറുചിരിയോടെ ആദം അവളെ തന്നെ നോക്കി ഇരുന്നു...... ജാനുമ്മ......അവൻ മൃദുവായി വിളിച്ചു..... അവൾ മുഖമുയർത്തി നോക്കി....

.ഈ സമയം അവന്റെ ചുണ്ടിന്റെ കോണിലെ മുറിവിൽ അവളുടെ നോട്ടമെത്തി ......അവൾ വേഗം സാരിത്തുമ്പിനാൽ അവന്റെ ചുണ്ടുകളിൽ പറ്റിയിരുന്ന ചോര ഒപ്പിയെടുക്കാൻ തുടങ്ങി..... സ്സ്.......ആദം വേദനയോടെ എരിവാറ്റിയതും വേഗം കൈ പിൻവലിച്ചു കൊണ്ട് അവനെ നോക്കി..... അപ്പോഴും ഒരു കുസൃതിച്ചിരി അവന്റെ ചൊടികളിൽ വിരിഞ്ഞു...... ജാനി വേഗം തിരിഞ്ഞിരുന്നു..... കളളച്ചിരിയോടെ മീശമുറുക്കി കൊണ്ട് അവളെ ചെരിഞ്ഞു നോക്കി.....കാർ സ്റ്റാർട്ടാക്കി മുന്നോട്ട് പാഞ്ഞു.... ❤❤ കണ്ണാപ്പീയും അനന്യയും കാറിൽ നിന്നുമിറങ്ങി സ്നേഹാലയത്തിലേക്കുളള മെയിൻ ഡോർ ലക്ഷ്യം വച്ച് നടന്നു......കൈയിൽ കുഞ്ഞുങ്ങൾക്കുളള കുറേ സമ്മാനങ്ങളും സ്വീറ്റ്സുമായാണ് രണ്ടാളുടെയും വരവ്...... അവർ അകത്തേക്ക് വന്നതും ശോശാമ്മ അവിടേക്ക് വന്ന് രണ്ടു പേരെയും അകത്തേക്ക് കൊണ്ട് പോയി.....കൈയിൽ കരുതിയ കിറ്റുകൾ ടേബിളിനു പുറത്ത് വച്ചിട്ടുണ്ടായിരുന്നു.......ശോശാമ്മ രണ്ടു പേരെയും കൊണ്ട് ചാണ്ടിച്ചൻ കിടക്കുന്ന റൂമിലേക്ക് പോയി.....

ഡോർ തുറന്നു രണ്ടു പേരും അകത്തേക്ക് വന്നതും ചാണ്ടിച്ചൻ അവരെ തന്നെ ഉറ്റുനോക്കി...... പണ്ടത്തെ തലയെടുപ്പും ആരോഗ്യവും നഷ്ടപ്പെട്ടിരുന്നു......ശരീരമെല്ലാം ശോഷിച്ച് .....രോമ കൂപങ്ങളിൽ ഒന്ന് പോലും ബാക്കി വെയ്ക്കാതെ നര കൈയേറിയിരുന്നു .....പണത്തിന് വേണ്ടി പരക്കം പാഞ്ഞു കൊല്ലും കൊലവിളിയുമായി നടന്ന മനുഷ്യൻ.... ഇന്ന് ഒന്നനങ്ങണമെങ്കിൽ കൂടി പരസഹിയം വേണം.....കർമ ഫലം🔥🔥🔥 അച്ഛായനിതാരെന്ന് മനസ്സിലായോ.....ശോശാമ്മ അയാളെ കട്ടിലിലേക്ക് ചായൂച്ചിരുത്തി..... അവരെ ഒന്ന് സൂക്ഷിച്ചു നോക്കിയിട്ട് ഇല്ലെന്ന് തലയാട്ടി അയാൾ..... ഇതാ സോഫീടെ മോൻ അബ്രഹാം.....പിന്നെ ഇത് അവന് കല്യാണം പറഞ്ഞു വച്ചിരിക്കുന്ന മോളാ അനന്യ...... അത് കേട്ടതും അയാൾ ഒന്ന് പുഞ്ചിരിച്ചു.... നിങ്ങളിരിക്ക് മക്കളെ രണ്ടു ചെയറുകൾ അവർക്കരികിലേക്ക് നീക്കിയിട്ട് കൊണ്ട് ശോശാമ്മ പറഞ്ഞു..... രണ്ടു പേരും ചെയറിലിരുന്നു.....കണ്ണാപ്പീ ചാണ്ടിയുടെ കൈകളിൽ കൈകൾ വച്ചതും നിറ മിഴികളോടെ അയാളവനെ നോക്കി.....കണ്ണുകളാൽ ആ വൃദ്ധൻ മാപ്പിരക്കുകയായിരുന്നു.....

തനിക്ക് അനാഥത്വം സമ്മാനിച്ചവനെന്നറിഞ്ഞിട്ട് കൂടി ആ അവസ്ഥയിലെ അയാളെ മനസ്സിൽ ഒന്ന് വെറുക്കാൻ പോലും കണ്ണാപ്പീ മുതിർന്നില്ല.... മോ....നേ.....മാ....പ്പ് .....തരി.....ല്ലേ.....വല്യ.....പ്പച്ച.....ന്.....അക്ഷരങ്ങൾ കൂട്ടി പെറുക്കി പറയാൻ തുടങ്ങി... വല്യപ്പച്ചനോട് ക്ഷമിക്കേണ്ടവരൊക്കെ ക്ഷമിച്ചു കഴിഞ്ഞതാ അത് കൊണ്ടല്യോ കാണണം എന്ന് ആവശ്യപ്പെട്ടപ്പോൾ തന്നെ ഞങ്ങൾ എത്തിയത്.....പുഞ്ചിരിയോടെ പറഞ്ഞു...... അയാൾ വേഗം ശോശാമ്മയെ നോക്കി....കൈകൾ കൊണ്ട് ആംഗ്യം കാണിച്ചു...... മോനേ.....അച്ഛായൻ നിന്നോട് ഒരു കാര്യം ആവശ്യപ്പെടാൻ എന്നെ ഏൽപ്പിച്ചിരുന്നു.....അവർ തെല്ലൊരു മടിയോടെ പറഞ്ഞു..... എന്നതാ വല്യമ്മച്ചീ.....എന്നതാന്ന് പറയാവോ..... മോനേ അത് സോഫീടെ പേരിലുണ്ടായിരുന്ന വസ്തു വകകളും തുണിമില്ലും ഇപ്പോഴും നിന്റെ പേരിൽ തന്നാ.....അത് നീ ഏറ്റെടുത്ത് നടത്തണമെന്നാ ഇച്ഛായൻ പറയുന്നത്.... വല്യമ്മച്ചീ......മമ്മിടെ പേരിലുളള ഒരു സമ്പാദ്യവും എനിക്ക് വേണ്ട വല്യമ്മച്ചീ......അതിനു വേണ്ടിയല്ല്യോ....എന്റെ മമ്മിയേയും ചാച്ചനേയും.....

പറഞ്ഞു പൂർത്തിയാക്കാതെ ഒന്ന് നിർത്തിയവൻ.....അവരുടെ ചോരയുടെ മണമുളള ഒന്നും എനിക്ക് വേണ്ട......ഞാൻ ഇപ്പൊ നന്നായി കഷ്ടപ്പെട്ട് നേടിയെടുത്ത എന്റെ ചാച്ചന്റെ കമ്പനിയുണ്ട് എനിക്കതു മതി.....എന്റെ അപ്പൻ ഒരുപാട് കഷ്ടപ്പെടേണ്ടി വന്നപ്പോൾ പോലും നഷ്ടപ്പെടുത്താതെ എനിക്ക് വേണ്ടി സ്വരുക്കൂട്ടിയ സമ്പത്ത്.....അതിലും വലുതായി എനിക്കൊന്നൂം വേണ്ട.....പുഞ്ചിരിയോടെ പറഞ്ഞു.... അവന്റെ മറുപടി കേട്ടതും ചാണ്ടിച്ചന്റെ മുഖം മങ്ങി..... ഞാൻ പറഞ്ഞത് കേട്ട് വിഷമിക്കേണ്ട......ആ വസ്തുവകകളും കൂടി ട്രസ്റ്റിലേക്ക് മാറ്റിയാ മതി.....അതിനു വേണ്ടിയുളള സമ്മതപത്രത്തിൽ ഞാൻ ഒപ്പിട്ടു തന്നേക്കാം .....അത് പോരെ പുഞ്ചിരിയോടെ പറഞ്ഞു..... അയാളും മൃദുവായി പുഞ്ചിരിച്ചു.....വീണ്ടും കുറേ സമയം അവർ അവിടെ തന്നെ ചിലവഴിച്ചു..... ❤❤ ആദം പോർച്ചിനുളളിൽ കാർ നിർത്തിയ ശേഷം ജാനിയെയൊന്ന് നോക്കി.... ജാനുമ്മ.....തല്ല് കൂടിയ കാര്യം നീ ആരോടും പറഞ്ഞേക്കല്ലേ......ദേ പെണ്ണേ കൊച്ചുവിനോട് പോലും പറഞ്ഞേക്കല്ലേ.....

ഇതെങ്ങാനും ആ ഒറ്റക്കൊമ്പന്റെ ചെവിയിലെങ്ങാനുമെത്തിയാ പിന്നെ പൂരപ്പാട്ടാ..... ജാനി അവനെ നോക്കി തലയാട്ടി..... ആദം പതിയെ പുറത്തേക്കിറങ്ങി വീട്ടിലേക്ക് ഒന്ന് നോക്കി..... ഭാഗ്യം.....ആരുമില്ല.....കൊച്ച് വാ.....പറഞ്ഞു കൊണ്ട് മുന്നോട്ട് നടന്നു....ജാനി പിന്നാലെയും.... അകത്ത് കയറി ചുറ്റും നോക്കിയപ്പോൾ കൊച്ചുവിന്റെ മുറിയിൽ നിന്ന് പെൺപടകളുടെ ഒച്ച ഉയർന്നു കേട്ടപ്പോൾ എല്ലാം അവിടെയാണെന്ന് മനസ്സിലായി.....സ്റെപ്പിനടുത്താണ് കൊച്ചുവിന്റെ മുറി......അവൻ പതിയെ ശബ്ദമുണ്ടാക്കാതെ പമ്മി പമ്മി......മുകളിലേക്കുളള ഓരോ പടികളും കയറി..... ജാനി അവന്റെ പ്രവൃത്തികളൊക്കെ അത്ഭുതത്തോടെ നോക്കി കാണുകയായിരുന്നപ്പോൾ....ഈ സമയം ഒരു കുഞ്ഞു പുഞ്ചിരി അവളുടെ ചുണ്ടുകളിൽ ഇടം പിടിച്ചു...... പടികൾ കടന്ന് മുകളിലെത്തി റൂമിനടുത്തെത്തിയപ്പോഴാണ് അവന് ശ്വാസം നേരെ വീണത് ......ദീർഘമായി ഒന്ന് നിശ്വസിച്ചു കൊണ്ട് റൂം തുറക്കാൻ തുടങ്ങിയതും.... ടാ.....തെമ്മാടീ നിക്കടാ അവിടെ......ഏലിയാമ്മയൂടെ അലർച്ച കേട്ട് ഞെട്ടലോടെ രണ്ടു പേരും തിരിഞ്ഞു നോക്കി..... എളിക്ക് കൈയും കുത്തി കലിപ്പിൽ നിക്കാരുന്നു മൂപ്പത്തി.....തൊട്ടടുത്ത് തന്നെ ഇളിച്ചോണ്ട് ജോഷുവും.................. തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...