🔥അരുന്ധതി [ 2 ] 🔥 : ഭാഗം 34

എഴുത്തുകാരി: ദിവ്യ സാജൻ  

ആദം ജാനകിയുടെ അടുത്തേക്ക് വരുന്നത് കണ്ട് അവൾ മുഖമുയർത്തി അവനെയൊന്ന് നോക്കി......പതിവ് കുസൃതിച്ചിരിയോടെയാണ് അവന്റെ വരവ്....കണ്ണുകൾ തമ്മിലുടക്കിയതും ജാനി മുഖം തിരിച്ചു.....ആദം വേഗം അവളുടെ അടുത്തേക്ക് ചെന്നു.... ടേബിളിനു മുകളിൽ വച്ചിരുന്ന കുങ്കുമ ചെപ്പിൽ കണ്ണുകളെത്തിയതും വലതു കൈയിൽ അതെടുത്ത് മൂടി തുറന്നു ഒരു നുളള് സിന്ദൂരം നുളളിയെടുത്ത് അവളുടെ നിറുകിൽ ചാർത്തി.....ജാനി അമ്പരപ്പോടെ അവന്റെ പ്രവൃത്തി കണ്ട് നിന്നു...... അപ്പൻ അമ്മയുടെ നിറുകിൽ ചാർത്തി കൊടുക്കുന്നത് കണ്ടിട്ടുണ്ട്.....പുഞ്ചിരിയോടെ പറഞ്ഞു കൊണ്ട് കണ്ണ് ചിമ്മി കാണിച്ചു..... ഓരോ തവണയും ആദത്തെ കൂടുതലറിയുമ്പോഴും തന്റെ മനസ്സിൽ അവനുളള സ്ഥാനം ഒരു പടി ഉയരുന്നതവളറിഞ്ഞു..... ❤❤ ആദവും ജാനിയും പടികളിറങ്ങി വരുന്നത് കണ്ട് അലക്സ് നെറ്റിചുളുച്ചു കൊണ്ട് ആരുവീനെ നോക്കി..... അവര് ആലത്തറയിലേക്ക് പോവാ ഇച്ഛായാ.....അവന്റെ മുഖത്തെ സംശയം കണ്ടെന്നവണ്ണം ആരു പറഞ്ഞു.....

ടാ കൊച്ച് മോനേ ആ നാഥനും മഹിയും എന്തേലും പറഞ്ഞ് ചെറിയാൻ വന്നാലും നീ സമാധാനപ്പെടണം.....അറിയാല്ലോ ജാനിമോളുടെ അമ്മ അവിടെ കഴിയണതാ......ആരു ഓർമിപ്പിച്ചു..... അത് കേട്ടതും ജാനിയുടെ മുഖത്തും ചെറിയൊരു ഭയം മിന്നി മാഞ്ഞു..... ടാ .....കൊച്ച് മോനേ നീയായിട്ട് വെറുതെ പ്രശ്നത്തിനൊന്നും പോയേക്കരുത്.......അവരെന്നതേലും പറയുവോ മറ്റോ ചെയ്താൽ നീ നാവടക്കി മിണ്ടാതിരുന്നേക്കണം.....ഒരു കൈയിട്ടടിച്ചാൽ ഒച്ചവരികേലല്ലോ......രണ്ടു കൈയും വേണ്ടേ ഒച്ചയുണ്ടാവാൻ.....അലക്സ് അവനെ നോക്കി പറഞ്ഞു.... മ്മ്ഹം ശരിയപ്പാ ഞാനായിട്ട് പ്രശ്നമൊന്നും ഉണ്ടാക്കുകേല പറഞ്ഞു കൊണ്ട് അവൻ പോർച്ചിലേക്ക് നടന്നു.......രണ്ടാളും കാറിൽ കയറി പോകുന്നതും നോക്കി അലക്സും ആരുവും അവിടെ തന്നെ നിന്നു..... ടീ....അന്നക്കൊച്ചേ.....നമ്മുടെ ചെറുക്കന് മുൻകോപവിച്ചിരി കൂടുതലാ.....ആലത്തറയിലെ തമ്പുരാക്കന്മാരുടെ നാവ് ചൊറിയുവാണേ.....അവനടങ്ങിയിരിക്കുകേല.....എന്തൊക്കെ ഒപ്പീച്ചേച്ച് വരുവോ ആവോ....

ദീർഘമായി നിശ്വസിച്ചു കൊണ്ട് നെഞ്ചിൽ കൈവച്ചു പറയുന്നവനെ ആരു ഒന്ന് കൂർപ്പിച്ചു നോക്കി.... അതേ.....ഈ അപ്പന്റെ എല്ലാ തല്ലുകൊളളിത്തനവും ആ ചെക്കനും കിട്ടീട്ടുണ്ട്.....കാള പെറ്റൂന്ന് കേക്കണ്ട അതിനു മുന്നേ കയറെടുത്തോളും തല്ലു കൊളളി അപ്പനും തല്ലുകൊളളി മോനും.....ആരു പുച്ഛിച്ച് പറഞ്ഞു കൊണ്ട് അലക്സിനെ നോക്കി..... തല്ലു കൊളളി നിന്റെ തന്തയാടി ഒരുമ്പെട്ടോളെ......കെറുവിച്ചു പറഞ്ഞു കൊണ്ട് മുണ്ട് മടക്കി കുത്തി അകത്തേക്ക് കയറി പോകുന്നവനെ ചിരി കടിച്ചു പിടിച്ചു നോക്കി നിക്കാരുന്നു ആരു..... ഹാ.....എന്നാത്തിനാടി കൊച്ചേ വെറുതെ അവനെ ദേഷ്യം പിടിപ്പിച്ച് തന്തയ്ക്ക് വിളിപ്പിക്കുന്നേ....ഏലിയാമ്മ അവിടേക്ക് വന്നു കൊണ്ട് ചോദിച്ചു.... എത്രയൊക്കെ പ്രായം ചെന്നാലും അമ്മച്ചിടെ മോൻ തന്തയ്ക്ക് വിളിക്കുന്നത് മാറ്റില്ലാന്നാ തോന്നുന്നേ.....പുഞ്ചിരിയോടെ പറഞ്ഞു കൊണ്ട് അവൾ അകത്തേക്ക് നടന്നു..... ഈ പെണ്ണിന്റെ കാര്യം വയസ്സിത്രയൊക്കെയായിട്ടും രണ്ടിനും ഒരു മാറ്റവുമില്ല.....ഏലിയാമ്മ പുഞ്ചിരിയോടെ പിറുപിറുത്തു.... ❤❤

ആദത്തിന്റെ കാർ ആലത്തറയുടെ വലിയ ഗേറ്റിന് പുറത്ത് വന്ന് നിന്നു.....കൊച്ച് പോയി അമ്മയെ കണ്ടേച്ച് വാ.....ഞാനിവിടെ നിക്കാം.... ജാനി വിറയാർന്ന മിഴികളുയർത്തി അവനെ നോക്കി..... അത് വേണോ ഇച്ഛായാ.....നിക്ക് പേടി തോന്നാ.....അമ്മാവന്മാര്.....ഭയത്തോടെ അവനെ നോക്കി.... ഓഹ്.....എന്റെ കൊച്ചേ നീയിങ്ങനെ പേടിക്കല്ലേ.....അവറ്റകളൊക്കെ എപ്പോഴേ തടിമില്ലിലെത്തിയിട്ടുണ്ടാവും.....നീ ചെന്ന് അമ്മയെ കണ്ടേച്ച് വാ....ദേ പിന്നെ വേഗം വന്നേക്കണേ ......നിന്നെ തിരികെ വീട്ടിലേക്ക് കൊണ്ടു ചെന്നാക്കിച്ച് വേണം എനിക്ക് ഫിനാൻസിലേക്ക് പോവാൻ..... ജാനി പേടിയോടെ പുറത്തേക്കിറങ്ങി....തിരിഞ്ഞു നോക്കി തിരിഞ്ഞു നോക്കി അകത്തേക്ക് ചെന്നു.....ആദം കാറിൽ തന്നെ ഇരുന്നു..... ❤❤ ജാനി ഗേറ്റ് തുറന്നു വരുന്നത് മുകളിലത്തെ റൂമിൽ നിന്നും ഗൗരി കണ്ടിരുന്നു.....അവൾ വേഗം താഴേക്ക് വന്ന് വാതിൽ തുറന്നു...... ജാനിയെ കണ്ടതും അവൾക്ക് വലിയ സന്തോഷം തോന്നി.....ജാനിയെ അകത്തേക്ക് ക്ഷണിച്ചിരുത്തിയ ശേഷം അവൾ വേഗം ഗിരിജയെയും ദേവിയെയും സീതയെയും വിളിച്ചു കൊണ്ട് വന്നു.....

അവളെ കണ്ടതും മൂന്നു പേരും സന്തോഷത്തോടെ അവളുടെ അടുത്തേക്ക് വന്നു അവളെ ചേർത്ത് പിടിച്ചു..... സുഖവാണോ മോളെ നിനക്ക്.....ദേവി അവളുടെ മുഖം കൈയിലെടുത്തു കൊണ്ട് ചോദിച്ചു.... മ്മ്ഹം സുഖാ അമ്മ....അമ്മയ്ക്ക് ന്നോട് വിഷമംണ്ടോ.....തെല്ലൊരു പരിഭ്രമത്തോടെ അവൾ ചോദിച്ചു..... ഇല്ലെടാ.....എനിക്ക് ഒരു വിഷമവുവില്ല.....സന്തോഷം മാത്രേളളൂ......പുഞ്ചിരിയോടെ പറഞ്ഞു..... താമരയ്ക്കലുളളവരൊക്കെ നല്ലവരാ മോളെ അവര് നിന്നെ പൊന്ന് പോലെ നോക്കുവല്ലേ.....സീത പുഞ്ചിരിയോടെ അവളുടെ നിറുകിൽ തലോടി.... അതിന് മറുപടിയ്യി അതേയെന്ന് തലയാട്ടിയവൾ..... അല്ല......ആദം വന്നില്ലെ മോളെ.....ഗിരിജ പുറത്തേക്ക് നോക്കി ക്കൊണ്ട് ചോദിച്ചു..... വന്നപ്പച്ചീ പുറത്ത് നിക്കാ..... ഹാ അതെന്താ മോളവനെ വിളിച്ചു കൊണ്ട് വരാത്തെന്തേ.....പരാഭവത്തോടെ പറഞ്ഞു..... ഇച്ഛായൻ പുറത്ത് നിന്നോളാന്ന് പറഞ്ഞു അതാ.....പറഞ്ഞു കൊണ്ട് മുഖം കുനിച്ച് നിന്നു..... ദേവി നീ മോളോട് സംസാരിച്ചിരിക്ക്......ഞാൻ കുടിക്കാനെടുക്കാം....

പറഞ്ഞു പറഞ്ഞു കൊണ്ട് തിരിഞ്ഞു നടക്കാൻ തുടങ്ങിയതും ജാനി അവരെ തടഞ്ഞു.... വേണ്ട അപ്പച്ചി ഇച്ഛായൻ പുറത്ത് നിക്കുവല്ലേ.....എനിക്ക് വേഗം പോണം... ആഹ്......എന്നാ ശരി നിങ്ങൾ സംസാരിക്ക് പറഞ്ഞു കൊണ്ട് അവർ മൂന്നു പേരും അകത്തേക്ക് പോയി.... ദേവി ജാനിയെ മുറുകെ പുണർന്നു നിറുകിൽ ചുമ്പിച്ചു.... എന്റെ മോളെ നിനക്കിവിടെ നിന്നും രക്ഷപ്പെടാൻ തോന്നിയത് നന്നായി അല്ലെങ്കിൽ എന്റെ കുഞ്ഞ് ഇവിടെ കിടന്ന് നരകിച്ചേനേ.....ഭയവായിരുന്നു മോളെ അമ്മയ്ക്ക് രാഘവേട്ടൻ കാരണം ഞാനനുഭവിച്ചതൊക്കെ എനിക്കേ അറിയൂ....അവസാന കാലത്ത് ഒരുപാട് കഷ്ടപ്പെട്ടാണ് പോയത്......ഇവിടെ നിന്നും എന്റെ മോള് രക്ഷപ്പെട്ടില്ലായിരുന്നെങ്കിൽ എന്റെ കുഞ്ഞിന്റെ ദുരിത പൂർണ്ണമായ ജീവിതം കൂടി ഞാൻ കാണേണ്ടി വന്നെനെ.....അത് കൂടി ഈ അമ്മയ്ക്ക് താങ്ങാൻ കഴിയില്ലായിരുന്നു മോളെ ....അത് ഉണ്ടായില്ലല്ലോ....അതിനു ഞാൻ ഈശ്വരന് നന്ദി പറയാ....... ദേവി പറയുന്നത് കേട്ട് ജാനി അവരുടെ നെഞ്ചിൽ ചാഞ്ഞു കിടന്നു . ....അവർ അവളെ തലോടിക്കൊണ്ട് പറഞ്ഞു..... മോളേ......ഇപ്പോഴും എന്റെ കുഞ്ഞിന്റെ മനസ്സിൽ അദിയുണ്ടോന്ന് അമ്മയ്ക്കറിയില്ല....ഇനി അഥവാ ഉണ്ടെങ്കിൽ എന്റെ കുഞ്ഞ് പഴയതെല്ലാ മറക്കണം....

ആദം നിന്റെ കഴുത്തിൽ മിന്നു കെട്ടിയ ആളാ.....അതോരിക്കലും മറക്കരുത്.....കഴുത്തിൽ ആദത്തിന്റെ താലി വീണതു മുതൽ അവനാ നിനക്കെല്ലാം ....ആദി ഇനി നീനക്കാരുവല്ല......കഴുത്തിൽ ആദത്തിന്റെ താലി പേറുന്നത് പോലെ മനസ്സു കൊണ്ടും അവനെ അംഗീകരിക്കാൻ തയ്യാറാവണം നീ....ആദി ഇപ്പൊ അന്യ പുരുഷനാ....ഞാൻ പറഞ്ഞു വന്നത് ആദിയുടെ ഓർമ്മകൾ ഒരിക്കലും ആദത്തിന് മുറിവുണ്ടാക്കരുത്......ആദത്തെ പൂർണ്ണ മനസ്സോടെ സ്നേഹിക്കണം.....ജീവിതാവസാനം നിന്നോടൊപ്പം ഉണ്ടാവേണ്ടത് ആദമാണ്.....ഒരിക്കലും നിന്റെ പഴയ ഓർമ്മകൾ ആദവും നീയും തമ്മിലുള്ള ദൂരം കൂട്ടാൻ ഇടതാക്കരുത് ഞാൻ പറഞ്ഞതെന്താന്ന് മോൾക്ക് മനസ്സിലാക്കാൻ കഴിയുന്നുണ്ടോ...... മ്മ് ഹം ......മൂളി കൊണ്ട് തലയാട്ടിയവൾ...... ആദിയുടെ ഓർമ്മകൾ പൂർണ്ണമായും നിന്നിൽ നിന്നും വിട്ട് പോവില്ലാന്നറിയാം.....ആദ്യ പ്രണയം എന്നും ഒരു നോവായി തന്നെ അവശേഷിക്കും നിന്റെ ശ്വാസം നിലയ്ക്കുന്ന കാലം വരെയും ........പക്ഷെ അത് കാരണം ആദത്തിന് വേദനയുണ്ടാക്കരുത്....

ദേവി അവളുടെ നിറുകിൽ വാത്സല്യത്തോടെ തലോടി നീ ഇനിയും നിക്കണ്ട മോളെ പൊയ്ക്കോ ഇനീം നിന്നാ ഒരുപാട് വൈകില്ലേ....ദേവീ ഓർമിപ്പിച്ചു..... മ്മ് ഹം......ഇച്ഛായന് ഫിനാൻസിലേക്ക് പോണേന്ന് പറഞ്ഞു ഞാനിറങ്ങാമ്മാ.....വെപ്രാളത്തോടെ പറഞ്ഞു കൊണ്ട് പുറത്തേക്കിറങ്ങി ..... ഈ സമയം അവിടേക്ക് ഒരു കാർ വന്നു നിന്നു.....അതിൽ നിന്നും ഇറങ്ങി വരുന്ന നാഥനെയും മഹിയെയും ജാനി ഉമിനീരിക്കി നോക്കി.... കാറിൽ നിന്നിറങ്ങിയ നാഥൻ വർദ്ധിച്ച ദേഷ്യത്തോടെ ജാനകിയുടെ അടുത്തേക്ക് പാഞ്ഞു വന്നു.....എന്തെങ്കിലും പറയാൻ തുടങ്ങുന്നതിന് മുന്നെ തന്നെ അവളുടെ കൈയിൽ പിടിച്ചു വലിച്ചു കൊണ്ട് ഗേറ്റിനടുത്തേക്ക് നടന്നു...... വല്യേട്ടാ ....അവളെ ഒന്നും ചെയ്യല്ലേ.......മോള് പോവാൻ തുടങ്ങാരുന്നു....എന്നെ കാണാൻ വന്നതാ എന്റെ കുഞ്ഞ്......പിന്നാലെ പോയ ദേവിയെ മഹി തടഞ്ഞു വച്ചു.... ഗേറ്റ് തുറന്നു ജാനിയെ പുറത്തേക്ക് വലിച്ചെറിഞ്ഞതും അവൾ ആദത്തിന്റെ നെഞ്ചിലേക്ക് വീണിരുന്നു.....മുഖമുയർത്തി നോക്കാതെ തന്നെ അവൾ ആ മാറിൽ പേടിച്ചരണ്ട് മുഖമമർത്തി നിന്നു....

.ആദം അവളെ ഒരു കൈയാൽ പൊതിഞ്ഞു പിടിച്ചു...... അത് കാണേ നാഥന് ദേഷ്യം അരിച്ചു കയറി.... കണ്ട @@@@ കൾക്ക് കേറി നിരങ്ങാനായി ആലത്തറയുടെ വാതിൽ തുറന്നിട്ടില്ല.....എന്റെ മോനേ തല്ലിച്ചതച്ചവനെയും കൂട്ടി ഇവിടേക്ക് കയറി വരാൻ നിനക്ക് എങ്ങനെ തോന്നിയെടീ പിഴച്ചവളെ......ഇനി പുണ്യതീർത്ഥം കൊണ്ട് ശുദ്ധീകലശം നടത്തേണ്ടി വരുവല്ലോ ഈശ്വരാ ഈ തറവാട്.....അല്ലെങ്കിൽ മുടിയും ഇവിടം.... പുച്ഛത്തോടെ പറഞ്ഞു നാഥൻ..... അയാൾ പറയുന്നത് കേട്ട് മുഷ്ടി ചുരുട്ടി കോപമടക്കി പിടിച്ചു നിക്കാരുന്നു ആദം.... ഇനി നീയോ ദേ ഈ നസ്രാണി ചെക്കനോ ഈ പടി ചവിട്ടരുത്......ചവിട്ടിയാ..... പ്ഫാ......പന്ന @@@@@നിർത്തടോ....കുറേ നേരവായല്ലോ കുരയ്ക്കാൻ തുടങ്ങിയിട്ട്....ആദം ഒച്ചയെടുത്തു.... എടാ .....നിന്നെ നാഥൻ അവനെ രൂക്ഷമായി നോക്കി..... ടോ തന്റെ പുഴുത്ത നാവ് കൊണ്ട് എന്റെ പെണ്ണിനെ എന്നതേലും പറഞ്ഞാൽ പിഴുതെടുക്കും ഞാനാ പിഴച്ച നാവ്.....പിന്നെ തന്റെ തറവാട്ട് മഹിമയൊന്നും എന്നെക്കൊണ്ട് വിളമ്പിക്കരുത്....ദേ ഇപ്പൊ ഞാൻ പോവാ......ഇനിയും ഞാനിവിടെ നിന്നാൽ തന്റെ ശരീരത്തിനാ കേട് പറഞ്ഞു കൊണ്ട് ജാനിയെയും ചേർത്ത് പിടിച്ചു കാറിനടുത്തേക്ക് നടന്നു പോകുന്നവനെ പകയോടെ നോക്കി നിന്നു നാഥൻ..... വിടില്ലടാ....നിന്നെ......മുടിപ്പിക്കും മുച്ചൂടും മുടുപ്പിക്കും പല്ല് കടിച്ചു കൊണ്ട് അവർ പോകുന്നതും നോക്കി നിന്നു നാഥൻ.................... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...