🔥അരുന്ധതി [ 2 ] 🔥 : ഭാഗം 35

എഴുത്തുകാരി: ദിവ്യ സാജൻ  

കാറിൽ കയറിയ ശേഷവും ജാനി കരയുന്നുണ്ടായിരുന്നു.....ആദം അത് കണ്ടതും അവളെയൊന്ന് കൂർപ്പിച്ചു നോക്കി.... ടീ.....പന്ന മോളെ നീ എന്നാത്തിനാ ഇരുന്ന് മോങ്ങുന്നേ......നിന്റെ അമ്മാവന്മാരുടെ നാവീന്ന് ഇതൊക്കെ വരുളളുന്ന് നിനക്ക് നല്ലോണം അറിയാവുന്നതല്യോ....പിന്നെ എന്നാടീ കോപ്പേ.....ആദം ഒച്ചയെടുത്തു.... ജാനി ഭയത്തോടെ അവനെ നോക്കി......അവളുടെ നിറഞ്ഞ കണ്ണുകളും വിറയാർന്ന അധരങ്ങളും കാണേ വല്ലായ്മ തോന്നി അവന്..... ഹാ ഇനി ഇതും ഓർത്ത് കരയണ്ട.....അവറ്റകളുടെ നാവീന്ന് രണ്ടു കേട്ടാലെന്നാ നിന്റെ അമ്മയെ കണ്ടില്യോ.....അലസമായി പറഞ്ഞു കൊണ്ട് കാർ സ്റ്റാർട്ടാക്കി മുന്നോട്ട് പാഞ്ഞു..... ❤❤ കൊച്ചു നാട്ടിലേക്ക് പോയതോടെ ആകെ വിരസത തോന്നിയത് കൊണ്ട് രണ്ടാഴ്ച ലീവിന് അപ്ലൈ ചെയ്തിട്ട് കാഞ്ഞിരപ്പളളിയിലേക്ക് മടങ്ങുകയാതിരുന്നു ടോണീ..... മൊബൈൽ ഫോണിൽ കണക്ട് ചെയ്ത ഹെഡ്സെറ്റ് കാതിൽ തിരുകി പാട്ടാസ്വദിച്ച് കൊണ്ട് കട്ടിലിൽ ചാരി കണ്ണുകളടച്ചിരുപ്പുണ്ടായിരുന്നു ടോണി.....

ഈ സമയം മാമച്ചനും ഭാര്യ ലില്ലിയും അവിടേക്ക് വന്നു..... അവർ വന്നതറിയാതെ ടോണി കണ്ണുകളടച്ച് തന്നെ ഇരുന്നു.... ടാ......ടോണി.....ഒന്ന് കണ്ണ് തുറക്കെടാ മോനേ....ലില്ലി അവനെ തട്ടി വിളിക്കാൻ തുടങ്ങി.....അനക്കം തട്ടിയപ്പോൾ അവൻ വേഗം കണ്ണുകൾ തുറന്നു നോക്കി..... എന്നതാ മമ്മി....എന്നതാ കാര്യം.....അവൻ അലോസരത്തോടെ തല ചൊറിഞ്ഞ് കൊണ്ട് ചോദിച്ചു ഒപ്പം ചെവിയിൽ നിന്നും ഹെഡ് സെറ്റ് എടുത്ത് മാറ്റി ..... എടാ മോനേ.....കഴിഞ്ഞ തവണ വന്നപ്പോൾ ഞാൻ പറഞ്ഞ കാര്യം നീയെന്നാ തീരുമാനിച്ചു....ആ ഡേവിഡും റീത്തയും ഇന്നലെയും വിളിച്ചിരുന്നെടാ.....നിനക്ക് ലയ മോളെ ഇഷ്ടവാണെന്ന് പറഞ്ഞോട്ടേ......അവനടുത്തേക്ക് വന്നിരുന്നുകൊണ്ട് ചോദിച്ചു.... വേണ്ട മമ്മി....എനിക്ക് ഇപ്പൊ ഉടനെയൊരു കല്യാണം വേണ്ട.....പറഞ്ഞു കൊണ്ട് കട്ടിലിൽ നിന്നും എണീറ്റു .... ഹാ.....അങ്ങനെ പറഞ്ഞാലെങ്ങനാടാവേ...വയസ് ദേ ഇരുപത്തിയെട്ടായിരിക്കുവാ ഇനിയും നീട്ടിക്കൊണ്ടുപോവാനൊക്കുകേല.....ഇത്രയും നാളും ജോലിയായില്ലാന്നും പറഞ്ഞ് ഒഴിഞ്ഞു മാറി.....

ഇപ്പൊ ജോലിയുണ്ടല്ലോ പിന്നെ എന്നാടാ...മാമ്മച്ചൻ അവനെയൊന്ന് ഇരുത്തി നോക്കി...... പപ്പാ അത്.....നിങ്ങളോട് പറയാനുളള മടി കൊണ്ട് പറയാത്തതാ കാരണം വേറെയാ .....എനിക്ക് കോളേജിലെ ഒരു കുട്ടിയെ ഇഷ്ടവാ.....ചെറിയ ചമ്മലോടെ അവൻ പറഞ്ഞു..... അത് കേട്ടതും മാമ്മച്ചൻ മുഖം കനപ്പിച്ച് അവനെ നോക്കി പിന്നെ ചിരിച്ചു..... ടാ....ചെറുക്കാ നിനക്ക് ആരെയെങ്കിലും ഇഷ്ടവാണെങ്കീൽ അതങ്ങ് തുറന്നു പറഞ്ഞാലെന്നാ.......ഞങ്ങളെന്നാ നിന്നെ പിടിച്ചു തിന്നുവോ......അല്യോടീ ഹന്നേ.... അതിന് മറുപടി യായി അവരൊന്ന് ചിരിച്ചു .... ഏതാടാ കൊച്ച്.....ഞങ്ങൾക്ക് അറിയാവുന്ന കൊച്ച് തന്നെയാന്നോടാ.....അയാൾ അവനെ തന്നെ ഉറ്റുനോക്കി. അപ്പാ അവളും കോട്ടയത്തുളളതാ....പേര് ആൻമരിയ.....തറവാട്ട് പേര് താമരയ്ക്കലെന്നാ.....ആ കൊച്ചിന് രണ്ട് ആങ്ങളമാരുണ്ട്......ഒരാളുടെ കല്യാണം കഴിഞ്ഞു.....മറ്റെയാളിന്റെത് ഉറപ്പിച്ചു വച്ചിരിക്കുവാ..... താമരയ്ക്കൽ എന്ന പേര് കേട്ടതും മാമ്മച്ചൻ ഞെട്ടി ഇരിക്കുകയായിരുന്നു.....പിന്നെ അവൻ പറഞ്ഞതൊന്നും അയാൾ ശ്രദ്ധിച്ചില്ല.....

നീ പറഞ്ഞു വരുന്ന കൊച്ചിന്റെ അപ്പൻ അലക്സ് ആന്നോടാ..... ആഹ്.....അലക്സ്......ഒരു ഒറ്റക്കൊമ്പൻ.....പപ്പയ്ക്കറിയോ അതിയാനേ.....അമ്പരപ്പോടെ അവൻ ചോദിച്ചു..... അറിയോന്നോ.....മ്മ്ഹം......എന്റെ മോൻ ആ കൊച്ചിനെ മറക്കുന്നതാ നല്ലത്.....ഈ കല്യാണം നടക്കില്ല..... അടുത്ത് കണ്ട ചെയറിൽ ഇരുന്നു കൊണ്ട് അയാൾ പറഞ്ഞു. .... എന്നാ പറ്റിയപ്പാ.....അപ്പന് ഇഷ്ടവല്ലേ.... എനിക്ക് ഇഷ്ടക്കേടൊന്നുവില്ല.....പക്ഷെ അലക്സ് ഒരിക്കലും ഇത് സമ്മതിച്ചു തരത്തില്ല...... അതെന്നാ പപ്പാ.....നിങ്ങൾ തമ്മിലെന്തെങ്കിലും .....നെറ്റിചുളുച്ചു കൊണ്ട് അയാളെ നോക്കി..... മ്മ്ഹം..... കുറേക്കാലം ഞാനവിടെ എസ്.ഐ ആയിരുന്ന സമയത്ത് അന്നത്തെ ചോരത്തിളപ്പിലും കാശിനോടുളള ആർത്തി കൊണ്ടും കുറേ നെറികേട് കാണിച്ചു കൂട്ടീട്ടുണ്ട്......അതിന്റെ പേരിൽ അലക്സിനെ ഞാൻ കുറേയേറെ ദ്രോഹിച്ചിട്ടുളളതാ.....അതാ ഞാൻ പറഞ്ഞത് ഈ വിവാഹം നടക്കില്ലാന്ന്....കിതപ്പോടെ അയാൾ പറഞ്ഞു നിർത്തി.... ടോണി അയാളെ തന്നെഉറ്റുനോക്കി നിക്കാരുന്നു..... പപ്പാ.....

പറഞ്ഞു തീർത്താൽ തീരാവുന്ന പ്രശ്നവല്ലെ ഇതൊക്കെ നമുക്കൊന്നു സംസാരിച്ചു നോക്കിയാലോ.....ടോണി വീണ്ടും ചോദിച്ചു..... അറിയില്ല മോനേ....ഞാനൊന്നാലോചിക്കട്ടേ....അയാൾ നെറ്റിയിലെ വിയർപ്പ് തുടച്ചു കൊണ്ട് പറഞ്ഞു.... മ്മ് ഹം......ഉടനെ വേണ്ട പപ്പാ എന്നതായാലും അവളുടെ കോഴ്സ് പൂർത്തിയായിട്ടില്ല അത് കഴിഞ്ഞിട്ട് മതി..... മ്മ് ഹം.....ശരി.....അയാളൊന്നമർത്തി മൂളി..... ❤❤ ടീ.....ജാനുമ്മ അവിടെ നടന്നതൊന്നും ഇവിടെ ആരോടും പറയാൻ നിക്കണ്ട.....വെറുതെ എന്നാത്തിനാ അവരെക്കൂടി ദണ്ഡിപ്പിക്കുന്നേ....താമരയ്ക്കലെ ഗേറ്റീന് മുന്നിൽ കാർ നിർത്തി ക്കൊണ്ട് ആദം ജാനിയോട് പറഞ്ഞു.... മ്മ് ഹം......ഞാനാരോടും ഒന്നും പറയില്ലിചഛായാ......അവൾ പതിയെ പറഞ്ഞു..... അപ്പോ എന്റെ കൊച്ച് ഇറങ്ങിക്കൊ....ഇപ്പൊ തന്നെ വൈകി ഇച്ഛായന് ഫിനാൻസിൽ പോയിട്ട് പിടിപ്പത് പണിയുളളതാ....പുഞ്ചിരിയോടെ അവളെ നോക്കി ആദം..... ജാനി കാറിൽ നിന്നിറങ്ങി ഗേറ്റ് തുറന്നു അവനെ ഒന്ന് തിരിഞ്ഞു നോക്കി ക്കൊണ്ട് അകത്തേക്ക് കയറി പോയി..... ആദം അവൾ കയറി പോയതിനു ശേഷം ഫിനാൻസിലേക്ക് തിരിച്ചു.... ❤❤ വിഷ്ണുവും ശിവയും ഫ്ലൈറ്റ് ബുക്ക് ചെയ്ത് വൈകിട്ടോടെ പാലക്കാട് എത്തിയിരുന്നു.....

അവർ നേരെ ഗോഡൗണിലേക്കാണ് പോയത് .....അവിടെ ചെന്നതും അവിടത്തെ കാഴ്ച കണ്ട് നടുങ്ങി നിന്നു രണ്ടാളും..... ഗോഡൗണിൽ പോലീസ് റെയ്ഡ് നടത്തുകയായിരുന്നു.....ദത്തൻ.....എന്ന ദത്തൻ വിശ്വജിത്ത് ഐ.പി.എസ്.....ഒരു ചെയറിൽ ഗോഡൗണിന്റെ ഒരു വശത്തിരുപ്പുണ്ട്.....അവന് മുന്നിലായി കളള നോട്ടുകളുടെ ഒരു വലിയ കൂമ്പാരം കൂട്ടിയിട്ടിരുന്നു..... ആ കാഴ്ച കണ്ട് വിറങ്ങലിച്ചു നിൽക്കുന്ന വിഷ്ണുവിനെയൂം ശിവനെയും അയാൾ പുച്ഛത്തോടെ നോക്കി..... ഹാ.....വെൽകം.....വിഷ്ണു നാരായണൻ...... എന്താ അവിടെ തന്നെ നിന്നു കളഞ്ഞത്.....ദേ നോക്കിയേ തന്റെ ഗോഡൗണിൽ പണം കായ്ക്കുന്ന മരമെങ്ങാനു മുണ്ടോടോ.....ഇരുനൂറു കോടിയുടെ നോട്ടു കെട്ടുകളാ കിട്ടിയത്.....ദേ നോക്കിയേ....പണത്തിലേക്ക് ചൂണ്ടിക്കൊണ്ട് അയാൾ പറഞ്ഞു..... ടാ....നിന്നെ......അന്നേ തീർക്കേണ്ടതായിരുന്നു.....വിഷ്ണു മുരണ്ടു... പ്ഫാ ....ചെറ്റേ.....നിന്നെ പോലൊരു ഗുണ്ട വിചാരിച്ചാൽ ഈ ദത്തനെ ഒരു ചുക്കും ചെയ്യാൻ കഴിയില്ല......കേട്ടോടാ.....പന്ന@@@ മോനേ...... സർ എല്ലായിടവും സെർച്ച് ചെയ്തു കഴിഞ്ഞു .....

ഫോർമാലിറ്റീസ് കംപ്റ്റ് ചെയ്ത് കഴിഞ്ഞ പേപ്പേസ് ആണിത്....സർ ഒന്ന് സൈൻ ചെയ്താൽ ഇവരെ നമുക്ക് ഇപ്പൊ തന്നെ അറസ്റ്റ് ചെയ്യാം.....അവിടത്തെ ലോക്കൽ .എസ്.ഐ.ഒരു ഫയൽ അയാൾക്ക് നേരെ നീട്ടി..... ദത്തൻ അതിൽ ഒപ്പ് വച്ചു.....അധികം വൈകാതെ തൊണ്ടി മുതലോട് കൂടി അയാൾ വിഷ്ണുവിനെ അറസ്റ്റ് ചെയ്തു..... ടാ....ദത്താ നീ കാത്തിരുന്നോ ഞാൻ വരും....അന്ന് നിന്റെ അവസാനമായിരിക്കും.... ഓഹ്.....ആയിക്കോട്ടേ ഞാൻ കാത്തിരിക്കുവാടാ ......പറഞ്ഞു കൊണ്ട് അവനെ തളളി ജീപ്പിലേക്ക് കയറ്റി...... ശിവൻ ഇതെല്ലാം കണ്ട് പരിഭ്രമത്തോടെ വിഷ്ണുവിനെ നോക്കി നിന്നു.... ❤❤ വൈകുന്നേരം കുളപ്പടവിൽ തനിച്ചിരിക്കുകയായിരുന്നു ജാനി.....രാവിലെ നടന്നതൊക്കെ ഓരോന്നും ഓർത്ത് അവളുടെ ചുണ്ടുകളിൽ ചെറു പുഞ്ചിരി മൊട്ടിട്ടു...... ആദ്യ പ്രണയം ഒരു നോവായി തന്നെ അവശേഷിക്കും നിന്റെ ജീവശ്വാസം നിലയ്ക്കുന്ന വരെ.....ദേവിയുടെ വാക്കുകൾ അവളുടെ കാതുകളിൽ അലയടിച്ചതും.....ആദത്തിന്റെ മുഖം മനസ്സിൽ തെളിഞ്ഞു വന്നു ......

ചിരിക്കുമ്പോൾ കുറുകുന്ന കുഞ്ഞി കണ്ണുകളും നുണക്കുഴി തെളിഞ്ഞു വരുന്ന കവിളുകളും ഓർത്ത് പോയവൾ.....എന്റെ ആദ്യത്തെ പ്രണയം ഇച്ഛായനാ.....മുഖം പോലുമറിയാതെ ഞാൻ പ്രണയിച്ചത് ആ നെഞ്ചിലെ തണലായിരുന്നു.....അവൾ ഓർത്തു......അന്ന് എന്നെ മരണത്തിൽ നിന്നും ചേർത്ത് പിടിച്ച അതേ കരങ്ങൾ തന്നെയാ ഇന്നും എന്നെ ജീവിതത്തീലും ചേർത്ത് പിടിക്കുന്നത്......അമ്മ പറഞ്ഞത് പോലെ ആദിയേട്ടന്റെ ഓർമ്മ ഇച്ഛായനെ നൊമ്പരപ്പെടുത്താൻ പാടില്ല.....ആദിയേട്ടൻ ഈ ലോകത്ത് ഏതോ ഒരു കോണിൽ സുഖമായി ജീവിക്കുന്നുണ്ടല്ലോ......അത് മതി എനിക്ക്......അവളോർത്തു.... തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...