🔥അരുന്ധതി [ 2 ] 🔥 : ഭാഗം 36

എഴുത്തുകാരി: ദിവ്യ സാജൻ  

കുളത്തിലെ വെളളത്തിൽ കാലുകളിളക്കി കൊണ്ട് പുഞ്ചിരിയോടിരാക്കുന്നവളെ കൊച്ചുവും ലച്ചുവും പുഞ്ചിരിയോടെ മാറി നിന്ന് നോക്കി നിക്കാരുന്നു ..... ടീ.....കൊച്ചു..... പെണ്ണ് മാറിപ്പോയി....ഒറ്റയ്ക്കിരുന്ന് പുഞ്ചിരിക്കുന്നത് എന്തിന്റ ലക്ഷണവാന്നറിയോ....കുസൃതിച്ചിരിയോടെ ലച്ചു അവളെ നോക്കി..... മ്മ് ഹം....എന്നതാ ലച്ചേച്ചി.....ശബ്ദം താഴ്ത്തി ചോദിച്ചു.... ഓഹ് എന്റെ പൊട്ടിക്കാളി.....നിന്റിച്ഛായനവളുടെ മനസ്സിൽ കേറി പറ്റീന്നാ..... ശരിക്കും......അമ്പരപ്പും സന്തോഷവും നിറഞ്ഞ ഭാവത്തോടെ കൊച്ചു ചോദിച്ചു.... പിന്നില്ലേ.....നീ വാ നമുക്കവളെയൊന്ന് വട്ടാക്കാം....പറഞ്ഞു കൊണ്ട് ലച്ചു അവളുടെ അടുത്തേക്ക് പോയി....അവരടുത്ത് വന്നതൊന്നുമറിയാതെ ഇരുന്ന ഇരുപ്പ് തന്നെ തുടർന്നു അവൾ..... ഠോ🔥🔥 വലിയ ശബ്ദത്തിൽ കയ്യടിച്ചു കൊണ്ട് ലച്ചു ഒച്ചയെടുത്തതും....ഞെട്ടി പിടച്ചു കൊണ്ട് തിരിഞ്ഞു നോക്കി..... അതേ കൊച്ചു ചിലരുടെ മനസ്സ് തറവാട്ടിലല്ല അങ്ങ് ഫിനാൻസിലാ......കേട്ടോ കൊച്ചു ഇക്കണക്കിന് പോവാണെ ആദത്തോട് പറഞ്ഞ് ഇവൾക്കും അവിടെ എന്തേലും ജോലി ഒപ്പിച്ച് കൊടുക്കുന്നതാ നല്ലത് ......അതാവുമ്പോ രണ്ടാൾക്കും കണ്ണിൽ കണ്ണ് നോക്കി യിരിക്കാം അല്യോ ജാനി..... ചിരിയോടെ പറയുന്നത് കേട്ട് ജാനി ചമ്മലോടെ മുഖം കുനിച്ച് നിന്നു......

അതേ വല്യമ്മച്ചീ എത്ര നേരായിട്ട് അന്വേഷിച്ചു നടക്കാന്നറിയോ..... കൊച്ചു മോന്റെ പെണ്ണിനെ ....കൊച്ചു അവളെ കളിയാക്കിക്കൊണ്ട് പറഞ്ഞു ...... മറുപടിയായി അവളൊന്ന് പുഞ്ചിരിച്ചു കൊണ്ട് മുന്നോട്ട് നടന്നു.....പിന്നാലെ അവരുഉം ...... ❤❤ ദിവസങ്ങൾ ഓരോന്നായി കൊഴിഞ്ഞു വീണു കൊണ്ടിരുന്നു.......ഓരോ ദിവസം ചെല്ലുന്തോറും ആദിയുടെ ഓർമ്മകൾ അവളിൽ ഉണ്ടാക്കിയിരുന്ന നോവ് ശമിച്ചു തുടങ്ങി....പക്ഷെ ആദിയെ പൂർണ്ണമായും മറക്കാൻ അവൾക്ക് കഴിയില്ലെന്ന സത്യം അവളറിയുന്നുണ്ടായിരുന്നു..... പതിയെ പതിയെ ആദത്തിന്റെ കരുതലോടെയുളള ചേർത്ത് പിടിക്കലും കുസൃതികളും ജാനിയുടെ നെഞ്ചിലെ നെരിപ്പോട് ശമിപ്പിക്കാൻ തുടങ്ങിയിരുന്നു.....ആദം അവളുടെ ഹൃദയത്തിൽ ഇടം പിടിച്ചു തുടങ്ങിയിരുന്നു..... ഒരാഴ്ച കൂടി കഴിഞ്ഞ് ജോയലും ലച്ചുവും തിരികെ ഡൽഹിയിലേക്ക് പോയി.....കണ്ണാപ്പീയുടെ കല്യാണം കൂടാൻ വരുമെന്ന് ഉറപ്പ് പറഞ്ഞിട്ടാണ് രണ്ടാളും പോയത്..... ❤❤ രണ്ടാഴ്ചകൾക്ക് ശേഷം..... ഇന്നാണ് ആദത്തിന്റെയും ജാനിയുടെയും രജിസ്റ്റർ മാരീജ്.....

അതിനു വേണ്ടി രണ്ടാളും റെഡിയാവുകയായിരുന്നു...... വൈകാതെ പറഞ്ഞ സമയത്ത് തന്നെ അവർ രജിസ്റ്റർ ഓഫീസിൽ എത്തി....ആദത്തിന്റെയും ജാനിയുടെയും പേര് വിളിച്ചതും രണ്ടാളും അകത്തേക്ക് ചെന്ന് രജിസ്റ്റാർ ചൂണ്ടി കാട്ടിയ രേഖകളിൽ ഒപ്പിട്ടു......കണ്ണാപ്പീയും ജോഷുവുമാണ് സാക്ഷികളായി ഒപ്പ് വച്ചത്.....തിരികെയുളള യാത്രയിൽ ആദം അവളെ തന്നെ ശ്രദ്ധിക്കുന്നുണ്ടായിരുന്നു പക്ഷെ ജാനി പുറത്തേക്ക് നോക്കി ഇരിക്കുകയായിരുന്നു...... ❤❤ ആദം റൂമിലേക്ക് വരുമ്പോൾ കാണുന്നത് ജനലഴിയിൽ പിടിച്ചു കൊണ്ട് ദൂരേക്ക് നോട്ടം പായിച്ചു നിൽക്കുന്ന ജാനിയെയാണ്......ചുണ്ടുകളിൽ കുസൃതി ച്ചിരിയോടെ അവനവളുടെ അടുത്തേക്ക് നടന്നു...... ആദത്തിന്റെ ചുടു നിശ്വാസം പിൻ ചെവിയിൽ തട്ടിയതും ഞെട്ടലോടവൾ തിരിഞ്ഞു നോക്കി......തന്റെ മുന്നിൽ നിൽക്കുന്നവന്റെ നോട്ടം താങ്ങാനാവാതെ മിഴികൾ താഴ്ത്തി അവനിൽ നിന്നും അകന്നു മാറാൻ തുടങ്ങി....... ഉടനെ ആദം അവളെ അരയിൽ കൈചുറ്റി അവന്റെ ദേഹത്തേക്ക് ചേർത്ത് പിടിച്ചു.....

പെട്ടെന്നുളള അവന്റെ പ്രവൃത്തിയിൽ അവളൊന്ന് മിഴികളുയർത്തി അവനെ നോക്കി....... ഹാ....എന്നതാ ജാനുമ്മ ഇത് നീയിങ്ങനെ തുടങ്ങിയാലെങ്ങനാ.......ഹേ......ഇതിപ്പോ ഞാനടുത്ത് വരുമ്പോഴേക്കും നീ ഓടിയൊളിക്കുവാണല്ലോ കൊച്ചേ......ദേ ഇത്രയും നാൾ ഞാൻ നിന്നെ നിന്നെ നിന്റെ വഴിക്ക് വിട്ടു.....ഇനി അത് പറ്റുകേല......അറിയാല്ലോ ഇന്ന് ലീഗലി നമ്മുടെ വിവാഹം കഴിഞ്ഞ സ്ഥിതിക്ക് ...ഫസ്റ്റ് നൈറ്റ് ഗംഭീരമാക്കണ്ടേ നമുക്ക് കളളച്ചിരിയോടെ മീശത്തുമ് കടിച്ചു പിടിച്ചു പറഞ്ഞു കൊണ്ട് അവളെയൊന്നുഴിഞ്ഞ് നോക്കി..... അവൻ പറയുന്ന കേട്ട് ഉമിനീരക്കി കൊണ്ട് അവനെ തന്നെ നോക്കി നിപ്പുണ്ടായിരുന്നവൾ.....അവന്റെ നോട്ടം കണ്ട് ജാള്യത തോന്നി അവൾക്ക്..... അപ്പോ എന്റെ കൊച്ച് ഹാപ്പിയായിട്ടിരുന്നോ .....ഇച്ഛായൻ പോയേച്ചും വരാം പറഞ്ഞു കൊണ്ട് ചിരിയോടെ അവൻ റൂം വിട്ട് പുറത്ത് പോയി.....അപ്പോഴും ആദം പറഞ്ഞ കാര്യങ്ങളിൽ കുടുങ്ങിക്കിടക്കുകയായിരുന്നവൾ..... ❤❤ വൈകുന്നേരം ജാനി കൊച്ചുവിനൊപ്പം കുരിശ്ശടിയിലേക്ക് പോയി.....മാതാവിന്റെ മുന്നിൽ മെഴുകുതിരി കത്തിച്ച് വച്ച് കണ്ണുകളടച്ച് പ്രാർത്ഥിച്ചു......ഇന്ന് കൈയിൽ വച്ച് തന്നെ ഈ ജീവിതം ഒരിക്കലും കൈമോശം വരാനിടവരുത്തരുതേയെന്ന് ആത്മാർഥമായി പ്രാർത്ഥിച്ചു ജാനി...... ❤❤

റൂമിലെ സകല സാധനങ്ങളും വാരി നിലത്തടിക്കുകയായിന്നു നാരായണർ......ശിവ ഒരു മൂലയ്ക്ക് തല കുനിച്ച് നിപ്പുണ്ടായിരുന്നു ഇന്നാണ് വിഷ്ണുവിന്റെ കേസിന്റെ വിധി വന്നത് ....ദത്തനെ കുത്തിപരിക്കേൽപ്പിച്ചതീനും കളളനോട്ട് ഇടപാടിനും കൂടി ചേർത്ത് പത്ത് മാസം തടവ് ശിക്ഷയ്ക്ക് വിധിച്ചു......അതിന്റെ ദേഷ്യത്തിലായിരുന്നു അയാൾ...... ശിവാ ആ ദത്തൻ അവനെ വെറുതെ വിടാൻ പാടില്ല....എന്റെ മോനെ അഴിക്കുളളീലാക്കിയതിന് അവനോട് കണക്ക് ചോദിക്കും ഞാൻ.... പക്ഷേ അങ്കിൾ ഇപ്പൊ നമ്മളായിട്ട് ഒന്നിനും പോണ്ട......കാത്തിരിക്കാം....ശിവപറഞ്ഞു നിർത്തി..... ❤❤ രാത്രി അത്താഴം കഴിക്കേണ്ട സമയമായിട്ടും ആദം തിരികെ വന്നിട്ടില്ലായിരുന്നു......ജാനിയ്ക്ക് ആകെ ഭയം തോന്നി.....അവൾ വഴി കണ്ണുമായി ജനാലയുടെ വാതിലിലൂടെ പുറത്തേക്ക് നോക്കിയിരുന്നു.....ഈ സമയം കൊച്ചു അവിടേക്ക് വന്നു...... എന്റെ ജാനീക്കുട്ടി നി ഇവിടെ ഇരിക്കുവാ ദേ താഴേക്ക് വരുന്നില്ലേ....അത്താഴം കഴിക്കേണ്ട സമയമായി കൊച്ചേ....

അവിടെ എല്ലാവരും നിന്നെ കാത്ത് നിക്കാ വന്നേ വേഗം കൊച്ചു അവളെ തളളി ഉന്തി പുറത്തേക്ക് കൊണ്ട് വന്നു..... കൊച്ചു ഞാൻ പിന്നെ കഴിച്ചോളാം ഇച്ഛായൻ വന്നില്ല......ചമ്മലോടെ അവൾ പറഞ്ഞു..... മ്മ് ഹം അപ്പോ അതാണ് കാര്യം......അപ്പോ ഇച്ഛായൻ കൂടി വന്നാലെ കഴിക്കത്തൊളളല്ലേ......മ്മ് അപ്പോ ഞങ്ങൾ കഴിക്കണ്ടാന്നല്ലേ....കപട ദേഷ്യത്തോടെ ചോദിച്ചു.... അയ്യോ അങ്ങനെ അല്ല കൊച്ചു ഞാൻ ......ജാനി മുഖം കുനിച്ച് നിന്നു.....അത് കണ്ടു കൊച്ചു ചിരിയോടെ അവളെ ചേർത്ത് പിടിച്ചു......ഞാൻ വെറുതെ പറഞ്ഞതാ ഇച്ഛായൻ കുറച്ചു മുന്നേ വിളിച്ചിരുന്നു.....വരാൻ വൈകും നിന്നോട് പറയാൻ പറഞ്ഞു......നീ വാ ഇച്ഛായൻ കഴിച്ചിട്ടേ വരുളളൂ......പറഞ്ഞു കൊണ്ട് അവളുടെ കൈയും പിടിച്ച് താഴേക്ക് പോയി..... ❤❤ മതിയാക്ക് ബെന്നിച്ചാ എന്നതാ ഇതൊക്കെ നിങ്ങളിതും വലിച്ച് കേറ്റി വീട്ടിലേക്ക് ചെന്നാലേ ചേടത്തിയും മോളും വിഷമിക്കത്തേയുളളൂ........ലക്ക് കെട്ട് തുടങ്ങിയിട്ടും വീണ്ടും വീണ്ടും മദ്യം ഗ്ലാസിലേക്ക് ഒഴിച്ച് കുടിക്കുന്ന ബെന്നിയോടായ് ആദം പറഞ്ഞു...... ഹാ.....ഒന്ന് മിണ്ടാതിരിക്കടാ കൊച്ച് മോനേ.....ദേ ഇന്നെനിക്ക് കുടിക്കണം എന്റെ മോള് എണീറ്റ് നിക്കാൻ തുടങ്ങിയ ദിവസവല്യൊ......എത്ര നാളത്തെ കാത്തിരിപ്പായിരുന്നെടാ.....

പറഞ്ഞു കൊണ്ട്.....വീണ്ടും മദ്യം വായിലേക്ക് കമിഴ്ത്തി...... ഇങ്ങേരിങ്ങനെ കുടിച്ചിട്ട് വീട്ടിലേക്ക് ചെല്ലുവാണേ ജോയ്സി ചേടത്തി മിക്കവാറും ഓപ്പറേഷൻ എ.വി നടത്തും......മൊബൈലിൽ കുത്തികൊണ്ട് ഒരു മൂലയ്ക്കിരുന്ന ജോഷു ബെന്നിയെ നോക്കി പുച്ഛിച്ച് കൊണ്ട് പറഞ്ഞു.... ഓപ്പറേഷൻ എ.വി.യോ അതെന്നാടാ ആദം അവനെ ചെരിഞ്ഞു നോക്കി..... ഹാ ഇച്ഛായന് മനസ്സിലായില്ലായോ അടിച്ചു പുറത്താക്കുവെന്ന്.....🤨🤨🤨 ടാ.....കൊച്ചു മോനേ നീ കുടിക്കുന്നില്ലേടാ.....ബെന്നിയ്ക്ക് നാക്ക് നന്നായി കുഴയുന്നുണ്ടായിരുന്നു.... അയ്യോ വേണ്ട ബെന്നിച്ചാ....ദേ ഇപ്പൊ തന്നെ വൈകി .....ഇനി നമുക്ക് വീട്ടിലേക്ക് പോവാം വന്നേ ആദം ബെന്നിയെ പിടിച്ചെഴുന്നേൽപിച്ചു..... ഇല്ല ഞാൻ വരണമെങ്കിൽ നീയും കൂടി ഇതിൽ നിന്നും ലേശം കുടിക്കണം....പറഞ്ഞു കൊണ്ട് കുപ്പി അവന് നേരെ നീട്ടി..... ഓഹ് .....ഇനി ഇങ്ങേരെ കൂടി നാൽക്കാലിയാക്കത്തിന്റെ കുറവേ ഉളളൂ.....ദേ ഇച്ഛായാ മാമ്മൻ വീട്ടിലെത്തിയിട്ടുണ്ടാവും ഇതും അടിച്ചിട്ട് അതിയാന്റെ മുന്നിൽ ചെന്ന് വീണു കൊടുത്തേക്കല്ല്.....ജോഷു കെറുവിച്ചു..... ഹാ നീ കുടിക്കെടാ അവൻ പലതും പറയും നീയത് കാര്യവാക്കണ്ട.....ബെന്നി നിർബന്ധിച്ചു...... അവസാനം അയാൾക്ക് വേണ്ടി അവൻ ഒരു ഗ്ലാസ് മദ്യം അകത്താക്കി.....

ടാ ജോഷൂ നീ ഇതിയാനേ വീട്ടിലാക്കിയേരെ ഒറ്റയ്ക്ക് വിടടണ്ട....ഇപ്പൊ തന്നെ പത്ത് കഴിഞ്ഞു അവളൊറ്റയ്ക്കല്യോ....ആദം ഇളിച്ചോണ്ട് പറഞ്ഞു..... അയ്യാ ഇപ്പഴാന്നോ ആ ബോധോദയം ഉണ്ടായത്.....ഞഞ്ഞായി പോയി അവനെ പുച്ഛിച്ച് പറഞ്ഞു കൊണ്ട് ബെന്നിയെ താങ്ങിയെടുത്തു ..... ഹോ എന്റെ കർത്താവേ എന്നാ നാറ്റവാന്നേ.....ഇതിയാനെ ഞാനിനീ വീട് വരെ സഹിക്കണ്ടായോ......ശ്വോ ഈ കുടിയന്മാരുമായിട്ടുളള കൂട്ട് കെട്ട് എന്നവസാനിപ്പിക്കുവോ അന്നേ ഞാൻ നന്നാവൂ....മൂക്ക് പൊത്തി പിറു പിറുപിറുത്തു ക്കൊണ്ട് ബെന്നിയെയും താങ്ങി താഴേക്ക് പോകുന്നവനെ നോക്കി ചിരിച്ചു പോയി ആദം.... ❤❤ അത്താഴം കഴിഞ്ഞ ശേഷം കുളിച്ചു തലതുവർത്തിക്കൊണ്ട് നിന്നപ്പോഴാണ് ബാൽക്കണിയുടെ വാതിലിൽ തുടരെ തുടരെയുളള കൊട്ട് കേട്ടത്......ജാനി പെട്ടെന്ന് ഭയന്നു പോയി..... ഈശ്വരാ ഇതിപ്പോ ആരാവും പറഞ്ഞു കൊണ്ട് അവൾ വാതിലിനടുത്തേക്ക് പോയി..... ആ.....ആരാ .....ആരാ അത്.....ഇടർച്ചയോടെ ചോദിച്ചു..... നിന്റെ കെട്ട്യോനാടീ പെണ്ണേ.....ഇച്ഛായനാ കൊച്ചേ ......ദേ വെറുതെ ഒച്ചയെടുത്തു ആളെ കൂട്ടല്ലേ......വേഗം വാതിൽ തുറന്നേ......നീ പറഞ്ഞു കഴിഞ്ഞതും ജാനി വാതിൽ തുറന്നു...... ഇച്ഛായാ എവിടാരുന്നു ഇത്രയും നേരം.....എന്തെങ്കിലും കഴിച്ചോ???

അവനെ കണ്ട വെപ്രാളത്തോടെ ചോദിച്ചു..... ആഹ് എന്റെ ജാനുമ്മ നീയൊന്ന് നിർത്തി നിർത്തി ചോദിക്ക് ഞാൻ കഴിച്ചതാ.....ആദം സംസാരിച്ചു തുടങ്ങിയതും മദ്യത്തിന്റെ മണം പുറത്തേക്ക് വമിച്ചു......ജാനി മുഖം ചുളുക്കിക്കൊണ്ട് മൂക്ക് പൊത്തിക്കൊണ്ട് അവനെ നോക്കി ..... ഹാ....ഞാനിച്ചിരി കളള് കുടിച്ചെടി കൊച്ചേ.....നിനക്ക് കള്ളിന്റെ സ്മെല്ലിഷ്ടവല്ലേ .......അവളെ അലസമായി നോക്കി ക്കൊണ്ട് ചോദിച്ചു.... മ്മ് ഹം.....ഇല്ലെന്ന് തലയാട്ടി...... എന്നാലെ ഇനി അതൊക്കെ ശീലവായിക്കോളും......ഞാൻ വല്ലപ്പോഴുമൊക്കെ കുടിക്കതൊളളൂ...........പറഞ്ഞു കൊണ്ട് വശ്യമായ ചിരിയോടെ അവളുടെ അടുത്തേക്കവൻ നടന്നടുത്തു..... ജാനി പെട്ടെന്ന് പേടിയോടെ അവനിൽ നിന്നും നോട്ടം മാറ്റി...... അവനടുത്തേക്ക് വരുന്നതിനനുസരിച്ച് ജാനി പിന്നിലേക്ക് പോവാൻ തുടങ്ങി ....ആദം ഇടുപ്പിലൂടെ വലിച്ചു അവന്റെ നെഞ്ചോരം ചേർത്ത് നിർത്തി..... ഹാ.....എന്നാടി കൊച്ചേ ഇത് ഞാനടുത്ത് വരുമ്പോഴേക്കും ഇങ്ങനെ ഓടാൻ നിന്നാ പിന്നെങ്ങനാടീ.....ഇതെന്നാ ടോം ആൻ ജെറി ഗെയിം ആന്നോ.....ഇനിഎന്റെ കൊച്ചൊന്നടങ്ങി നിന്നേരെ പറഞ്ഞു കൊണ്ട് അവളിലേക്ക് മുഖമടുപ്പിച്ചു...... ജാനിയുടെ ഹൃദയം പെരുമ്പറ കൊട്ടാൻ തുടങ്ങി......ഭയത്തോടെ അവളവനെ തന്നെ നോക്കി .....വേണ്ട എന്ന തലചലിപ്പിച്ചു...... ജാനിമോളെ .....ജാനി.....ആരുവിന്റെ ശബ്ദം അവിടെ ഉയർന്നു ഒപ്പം വാതിലിൽ തട്ടുന്നുമുണ്ടായിരുന്നു...... ഉയ്യോ അമ്മ.......തമ്പുരാനേ ഒറ്റക്കൊമ്പനും ഉണ്ടാവും....ടീ കൊച്ചേ ഞാൻ കുളിക്കുവാന്ന് പറഞ്ഞേരെ പറഞ്ഞു കൊണ്ട് അവനോടി ബാത്ത്റൂമിലേക്ക് കയറി..... ജാനി നെഞ്ചിൽ കൈവച്ചു കൊണ്ട് ദീർഘമായി നിശ്വസിച്ചു........ തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...