🔥അരുന്ധതി [ 2 ] 🔥 : ഭാഗം 38

എഴുത്തുകാരി: ദിവ്യ സാജൻ  

ജാനിയെയും ചേർത്ത് പിടിച്ചു കൊണ്ട് ആ നിൽപ്പ് തുടർന്നു ആദം.....അവന്റെ ഇടനെഞ്ചിന്റെ താളം കേട്ട് ആ തണലിൽ അവൾക്ക് വല്ലാത്ത സംരക്ഷണവും സമാധാനവും തോന്നി...... ജാനുമ്മ എന്റെ കൊച്ച് ഇന്ന് മുഴുവനും ഇങ്ങനെ നിക്കാമ്പോവാ......കുസൃതിയോടെ ചോദിച്ചു കൊണ്ട് അവളെ തന്നിൽ നിന്നും അടർത്തി മാറ്റി ആദം..... മറുപടിയായി ഒന്ന് പുഞ്ചിരിച്ചു ജാനി.....അവളെയും ചേർത്ത് പിടിച്ചു അവനകത്തെക്ക് നടന്നു.....കട്ടിലിൽ ചാരി ഇരുന്ന് കൊണ്ട് ആദം ജാനിയെ നോക്കി.....ജാനി അവനടുത്തേക്ക് വന്നിരുന്ന് കൊണ്ട് ആ നെഞ്ചിലേക്ക് ചാഞ്ഞു....... ❤❤ രാവിലെ ഭാരമുള്ള എന്തോ വന്ന് പുറത്തേക്ക് ചാഞ്ഞതും കണ്ണാപ്പീ കണ്ണുകൾ തുറന്നു......കമിഴ്ന്നു കിടന്നുറങ്ങിയത് കാരണം മുതുകത്താണ് ഭാരം തോന്നിയത്.....വേഗം കൈ കൊണ്ട് പരതിയതും ആരോ ആണെന്ന് മനസ്സിലായി.....പെട്ടെന്ന് ചാടി പിടച്ചെഴുന്നേറ്റ് നോക്കിയതും തന്റെ മുന്നിൽ നിൽക്കുന്നവളെ കണ്ട് അവന്റെ കണ്ണുകൾ മിഴിഞ്ഞു വന്നു..... ടീ.....അനു നീയോ......ഈശോയേ ......നീയിതെപ്പൊ വന്നു.....അമ്പരപ്പോടെ കണ്ണുകൾ തിരുമി കൊണ്ട് ചോദിച്ചു...... ദേ കൃത്യമായി പറഞ്ഞാൽ ആറുമണിക്ക് ഞാനിവിടെ ലാൻഡ് ആയി....ഇന്നലെ രാത്രി നിങ്ങളെ വിളിച്ചപ്പോ ഫോൺ സ്വിച്ച്ഡ് ഓഫ് അതാ നേരം പുലർന്നതും ഓടി പിടച്ചിങ്ങോട്ട് പോന്നത് അവന്റെ തോളിലേക്ക് ചാഞ്ഞു കൊണ്ട് പറഞ്ഞു....... ആന്നോ.....ഇന്നലെ എനിക്കൊരർജന്റ് മീറ്റിംഗ് ഉണ്ടായിരുന്നേ......

അത് കഴിഞ്ഞപ്പോ ഒത്തിരി വൈകി......ആ സമയത്ത് ഫോൺ സ്വിച്ച് ഓഫ് ആക്കി വച്ചതാ വീട്ടിലെത്തിയിട്ടും ഓൺ ചെയ്തില്ല ക്ഷീണം കാരണം ഉറങ്ങിപ്പോവേം ചെയ്തു......കോട്ടുവായിട്ട് കൊണ്ട് ഒന്ന് മൂരി നിവർത്തി കണ്ണാപ്പീ...... അതല്ല ഇത്ര രാവിലെ ഇവിടേക്ക് വരാൻ എന്തത്യാവശ്യാ ഒണ്ടായിരുന്നേ......അവനവളെ നോക്കി നെറ്റിചുളുച്ചു..... അതോ .....അത് പിന്നെ ഇച്ചായനെ കാണാൻ തോന്നി അതാ പറഞ്ഞ് കൊണ്ട് അവന്റെ കവിളിൽ അമർത്തി ചുമ്പിച്ചു..... ടീ......രാവിലെ തന്നെ എന്റെ കൺട്രോൾ കളയല്ലേ നീ......പല്ല് തേച്ചീട്ട് കൂടി ഇല്ല......പറഞ്ഞു കൊണ്ട് കളളച്ചിരിയോടെ അവളെ നോക്കി...... ആന്നോ......ഇച്ഛായൻ പല്ലു തെച്ചിട്ട് വാ.....ഞാൻ താഴെയുണ്ടാവും....ജാനിയെ ഒന്നു കൂടി ഒന്ന് പരിജയപ്പെടാനുണ്ടേ.....ചിരിയോടെ പറഞ്ഞു.... മ്മ് ഹം ........അപ്പോ ഇന്ന് ഉടനെയൊന്നും വീട്ടിൽ പോവാൻ ഉദ്ദേശവില്ലല്ല്യോ..... ആഹ് അപ്പോ ഞാൻ വന്നത് നിങ്ങൾക്ക് ഇഷ്ടവായില്ലല്ലേ.....അവൾ ചുണ്ട് പിളർത്തി.... ഓഹ്.....ഞാനൊന്നു പറഞ്ഞില്ലേ.....തൊഴുത് പറഞ്ഞു കൊണ്ട് അവൻ ബാത്ത്റൂമിലേക്ക് നടന്നു ..... ❤❤

ജാനി രാവിലെ ചായയുമായി വരുമ്പോൾ ആദം റൂമിൽ ഇല്ലായിരുന്നു...... നോക്കുമ്പോൾ ബാൽക്കണിയിലെ വാതിൽ തുറന്നു കിടക്കുന്നുണ്ട്.....അവിടേക്ക് ചെല്ലുമ്പോൾ ആദം ആരോടോ ഫോണിൽ സംസാരിച്ചു കൊണ്ടിരിക്കുന്നെന്ന് മനസ്സിലായി.....അവൾ അവിടേക്ക് ചെന്ന് ഡോറിനടുത്തായി നിന്നു..... ആദം ഫോൺ കട്ട് ചെയ്തതും അവൾ അവനടുത്തേക്ക് നടന്നു...... ഇച്ഛായാ.......പതിഞ്ഞ സ്വരത്തിൽ വിളിച്ചു.... അവളുടെ ശബ്ദം കേട്ടതും ആദത്തിന്റെ ചുണ്ടുകളിൽ പുഞ്ചിരി മൊട്ടിട്ടു..... അവൻ പതിയെ തിരിഞ്ഞ് നോക്കി...... ജാനി അപ്പോഴേക്കും അവന്റെ അടുത്തെത്തിയിരുന്നു പുഞ്ചിരിയോടെ ചായ അവന് നേരെ നീട്ടി...... ആദം ചായ ചുണ്ടുകളിൽ ചേർത്ത് കൊണ്ട് കുടിക്കാൻ തുടങ്ങിയതും കണ്ണുകളുയർത്തി അവളെയൊന്ന് നോക്കി.... മ്മ് ഹം....എന്താന്ന് അവൾ തലയനക്കി ചോദിച്ചു..... ഒന്നുമില്ലെന്ന് കണ്ണുകൾ ചിമ്മി കാട്ടി...... ചായ കുടിച്ച് കഴിഞ്ഞു ഗ്ലാസ് അവളുടെ നേരെ നീട്ടി.....ഗ്ലാസ് വാങ്ങാൻ കൈ നീട്ടിയവളെ വലിച്ചു നെഞ്ചിലേക്കിട്ടിരുന്നു ആദം.... ഇച്ഛായാ......എന്താ ഇത് വിട്ടേ ആരേലും കാണും പറഞ്ഞു കൊണ്ട് അവന്റെ നെഞ്ചിൽ വിരലൂന്നി..... ഒന്ന് പോ പെണ്ണേ നമ്മുടെ ബെഡ്റൂമിലേക്ക് ആര് വരാനാ പറഞ്ഞു കൊണ്ട് അവളിലേക്ക് മുഖമടുപ്പിച്ചതും.....

. ഇച്ഛായാ..... ഞാ.....നെ....ത്തി......ജോഷു അവിടേക്ക് ലാൻഡായതും ഒരുമിച്ചായിരുന്നു..... ജോഷുവിന്റെ ശബ്ദം കേട്ടതും ഞെട്ടി പിടച്ച് കൊണ്ട് ജാനി ആദത്തിൽ നിന്നും വിട്ടുമാറി..... എന്നതാ......രണ്ടിന്റെയും മുഖത്തൊരു കളള ലക്ഷണം.....രണ്ടിന്റെയും മുഖത്തെ പരുങ്ങല് കണ്ട് ചോദിച്ചു...... നിന്നോടാരാടാ തെണ്ടീ ഇപ്പൊ ഇങ്ങോട്ട് കെട്ടിയെടുക്കാൻ പറഞ്ഞെ......ആദം പല്ല് ഞെരിച്ച് കൊണ്ട് ഒച്ചയെടുത്തു..... അത് കൊളളാം നിങ്ങളല്യോ കൊച്ചു വെളുപ്പിന് ഉറങ്ങി കിടന്ന എന്നെ ഫോണിൽ വിളിച്ചിട്ട് ഇന്ന് നേരത്തെ ഫിനാൻസ് തുറക്കണം അത് കൊണ്ട് എന്നോട് ഇവിടേക്ക് വരാൻ പറഞ്ഞത്......അവൻ ആദത്തെ കൂർപ്പിച്ചു നോക്കി ക്കൊണ്ട് ചോദിച്ചു....... ഓഹ്......ഞാനതങ്ങ് മറന്ന്.....ടേബിളിനുളളിലുണ്ട് ചാവി നീ പോയി എടുക്ക് അലസമായി പറഞ്ഞു കൊണ്ട് ജാനിയെ നോക്കി.....ജാനി അപ്പോഴേക്കും അകത്തേക്ക് കയറിരുന്നു..... ഒന്ന് ഉമ്മിക്കാനും സമ്മതിച്ചില്ല ......തെണ്ടീ.....മൂളിപാട്ടും പാടീ അകത്തേക്ക് കയറി പോയ ജോഷുവിനെ നോക്കി പിറുപിറുത്തു ആദം...... ❤❤

ജാനിയെ കണ്ടതും അനു അവളുടെ അടുത്തേക്ക് വന്നു...... ഹായ് ജാനിസ് സുഖവാണോ....അവളുടെ കവിളിൽ പിച്ചി കൊണ്ട് അനു ചോദിച്ചു...... സുഖവാ ചേച്ചി.....ചേച്ചി എപ്പോ എത്തി..... ഞാൻ വന്നിട്ട് കുറച്ചു നേരായി.....അതൊക്കെ പോട്ടെ നീ ആദത്തെ കുപ്പിയിലാക്കിയെന്നൊക്കെ കൊച്ചു പറഞ്ഞു......നേരാന്നോടീ.....പുഞ്ചിരിയോടെ ചോദിച്ചു..... അതിനു മറുപടിയായി അവളൊന്ന് ചിരിച്ചു..... ഹാ .....ഇതു കൊളളാം താമരയ്ക്കലെ മരുമക്കൾ രണ്ടു പേരുംഎന്ത് ഗൂഢാലോചനയിലാവോ......കൊച്ചു അവരുടെ അടുത്തേക്ക് വന്നു കൊണ്ട് ചോദിച്ചു...... നിന്നെ ഇവിടെ നിന്നും എങ്ങനെ കെട്ട് കെട്ടാന്ന് ആലോടിക്കുവാരുന്നു കൊച്ചൂസേ.....അനു അവളുടെ തലയിൽ പതിയെ തട്ടീ...... അതേ ജാനി നിങ്ങളുടെ കോളേജിൽ ഇവൾക്ക് പറ്റീയ നസ്രാണി ചെക്കന്മാര് വല്ലോം ഉണ്ടോ....പുഞ്ചിരിയോടെ ചോദിച്ചു..... ഈ സമയം കൊച്ചുവിന്റെ മനസ്സിൽ ടോണിയുടെ മുഖം തെളിഞ്ഞു വന്നതും മുഖം ചുവന്നു.....ഇത് വരെ ആരോടും പറയാതെ താൻ കാത്ത്സൂക്ഷിക്കുന്ന തന്റെ പ്രണയം.....നിഴല് പോലെ കൂടെ നടക്കുന്ന ജാനിയോട് പോലും പറഞ്ഞിട്ടില്ലിതു വരെ പുഞ്ചിരിയോടവളോർത്തു..... ദേ നോക്ക് ജാനീ.....ഇവൾക്കെന്തോ ചുറ്റിക്കളിയുണ്ടേ......കണ്ടോ അവളുടെ മുഖം ചുവന്ന് തുടുത്തത്......

അതേ.....എനിക്ക് ഇപ്പൊ നിങ്ങൾ രണ്ടാളും കല്യാണം ആലോചിക്കണ്ട....എന്റിച്ഛായനേ എന്റെ ചെക്കനെ കണ്ട് പിടിച്ചോളും പറഞ്ഞു കൊണ്ട് അവൾ അനുവിനെയും ജാനിയെയും വലിച്ചു കൊണ്ട് അകത്ത് പോയി..... ❤❤ ആദത്തിനുളള പാല്മായി ജാനി റൂമിലേക്ക് വരുമ്പോൾ......എസ്റ്റേറ്റിലേക്ക് പോവാൻ റെഡിയാവുകയായിരുന്നവൻ..... ജാനി പാല് അവന് മുന്നിലായി ടേബിളിനു മുകളിൽ വച്ചിട്ട് പോവാൻ തുടങ്ങി..... ആദം അവളെ വയറിലൂടെ കൈചേർത്ത് അവനോട് ചേർത്ത് നിർത്തി...... ജാനി പുഞ്ചിരിയോടെ അവന്റെ മുഖത്തേക്ക് ഉറ്റുനോക്കി..... ആദത്തിന്റെ കണ്ണുകൾ വല്ലാത്ത വശ്യതയിൽ അവളുടെ മുഖത്താകമാനം ഓടി നടന്നു.....ആദം അവളെ ചുമരിലേക്ക് ചേർത്ത് നിർത്തി ക്കൊണ്ട് നിറുകിൽ ചുണ്ടുകളണച്ചതും വാതിൽ തുറന്നു കൊച്ചു അകത്തേക്ക് വന്നതും ഒരുമിച്ചായിരുന്നു......രണ്ടു പേരെയും ഇത്ര അടുത്ത് വല്ലാത്തൊരു മുഖഭാവത്തിൽ കണ്ടതും ചമ്മലോടെ കൊച്ചു ആദത്തെ നോക്കി..... ആദം അവളെ നോക്കി ഇളിച്ചു 😁😁😁

എന്നാടീ.....നീയെന്നാ ഇപ്പോ.....ചമ്മലോടവൻ ചോദിച്ചു...... ഏയ് ഒന്നൂല്ല ഇച്ഛായാ ഞാൻ.....ജാനിയെ വിളിക്കാൻ വന്നതാ.....അവൾ ജാനിയെ നോക്കി ആക്കി ചിരിച്ചു..... ആന്നോ .....എന്നാ നിങ്ങള് സംസാരിക്ക് ഞാനിറങ്ങാ....പറഞ്ഞു കൊണ്ട് ബാഗുമെടുത്ത് അവൻ പുറത്തേക്ക് പോയി..... മ്മ്ഹം.....അപ്പോ വീണല്ലേ രണ്ടും....മൂക്കും കുത്തി വീണു.....പറഞ്ഞു കൊണ്ട് കൊച്ചു അവളെ കെട്ടിപിടിച്ച് കവിളിൽ ചുമ്പിച്ചു..... താങ്ക്സ് ജാനി.....എന്റിച്ഛായനെ മനസ്സിലാക്കുന്നതിനും സ്നേഹിക്കുന്നതിനും ഒക്കെ.......എന്റിച്ഛായനെന്ന് വച്ചാ എനിക്ക് പ്രാണനാ.....ആ ഇച്ഛായൻ സന്തോഷത്തോടിരിക്കണമെന്നാ ജാനി എന്റെ ആഗ്രഹം.....പുഞ്ചിരിയോടെ പറഞ്ഞു.... ഞാനല്ലേ കൊച്ചു നന്ദി പറയേണ്ടത്.....എല്ലാവരും ഉപേക്ഷിച്ച എന്നെ ചേർത്ത് പിടിച്ചതിന് .....ഞാൻ പോലും പ്രതീക്ഷിക്കാതെ ഈ ജീവിതം എന്റെ കൈവെളളയിലേക്ക് വച്ച് തന്നതിന്....നിന്നോടും ഇച്ഛായനോടും ഈ കുടുംബത്തിലെ ഓരോരുത്തരോടും എനിക്ക് കടപ്പാടുണ്ട് നിറ കണ്ണുകളോടെ പറഞ്ഞു...... കൊച്ചു അവളെ ചേർത്ത് പിടിച്ചു കൊണ്ട് താഴേക്ക് പോയി..... ❤❤ ജോഷു ഓഫീസ് റൂമിലേക്ക് വരുമ്പോൾ.....ആദം ചെയറിൽ ചാരിയിരുപ്പുണ്ടായിരുന്നു......കണ്ണുകൾക്ക് മീതെ കൈത്തണ്ട വച്ച് മറച്ചിരുന്നു.... ഇച്ഛായാ..... അവൻ പതിയെ വിളിച്ചു.....

ഹാം.... ജോഷു ഇരിക്കടാ.....പറഞ്ഞു കൊണ്ട് മൂന്നെലെ ചെയർ കാണിച്ചു...... ജോഷു അതിലിരുന്നു.....എന്നത്തിനാ ഇച്ഛായാ.....വരാൻ പറഞ്ഞേ.....എന്തോ അത്യാവശ്യ കാര്യം പറയാനുണ്ടെന്ന് പറഞ്ഞു....അവൻ ആദത്തെ നോക്കി ആഹ്....അത്.....രാവിലെ ആ എസ്.ഐ വിളിച്ചിരുന്നെന്നെ.....അന്ന് പാലക്കാട് വച്ച് നമ്മൾ പരാജയപ്പെട്ട.....പറഞ്ഞു നിർത്തി ക്കൊണ്ട് അവനെ മുഖമുയർത്തി നോക്കി.... അറിയാം ഇച്ഛായാ.....അയാളെന്നാ പറഞ്ഞത്.... ആ വിഷ്ണുനാരായണന്റെ കാര്യം പറയാൻ വിളിച്ചതാടാവേ....അവനിപ്പോ ജയിലിലാ.... ജയിലിലോ!!!! അമ്പരപ്പോടെ ജോഷു ചോദിച്ചു..... ആഹ്....അന്ന് വിഷ്ണു കുത്തി പരിക്കേൽപ്പിച്ച ഒരാളെ ജാനകി രക്ഷിച്ചില്ലായോ....ഒരു ദത്തൻ...... ആഹ് അതിന്റെ പേരിലല്യോ ആ വിഷ്ണുനാരായണൻ ജാനിയെ ശല്യം ചെയ്തത്.....അയാൾക്കിപ്പോ എന്നാ....ജോഷു ഇടയ്ക്ക് കയറി പറഞ്ഞു.... അതാടാവേ ഞാൻ പറഞ്ഞു വരുന്നേ.....

അയാളൊരു ഐ.പി.എസ് റാങ്കിലുളള ഓഫീസറാ....ഈയിടയ്ക്ക് ദത്തൻ വിഷ്ണു നാരായണന്റെ ഗോഡൗണിൽ നിന്നും കണ്ടമാനം ഈളള നോട്ടുകള് പിടിച്ചെടുത്തിരുന്നു......അതിനൊപ്പം അയാളെ കൊല്ലാൻ ശ്രമിച്ച കേസും കൂടി കുത്തി പൊക്കി ആ വിഷ്ണുനാരായണനെ അയാള് അറസ്റ്റു ചെയ്തു.......ഇനിപ്പോ അവന്റെ ശല്യം ഇല്ലാത്തേക്കൊണ്ട് വെറുതെ വീട്ടിൽ നിന്ന് കൊച്ചുവിന്റെ പഠിപ്പ് കളയണ്ട.....അവളെയങ്ങ് തിരികെ കൊണ്ട് ചെന്നാക്കാനാ അയാള് പറയുന്നേ......നെറ്റിയുഴിഞ്ഞു കൊണ്ട് ആദം ജോഷുവിനെ നോക്കി.... അയാള് പറയുന്നതില് കാര്യമുണ്ടിച്ഛായ ഇവിടെ നിക്കുന്തോറും കൊച്ചുവിന് ക്ലാസ് നഷ്ടപ്പെടുവല്യോ..... പക്ഷെ.....വിഷ്ണു മാത്രവല്ലേ ജയിലിൽ ആയുളളൂ.....അവനോ ആ ശിവൻ??? സംശയത്തോടെ ആദത്തെ നോക്കി അവൻ.............. തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...