🔥അരുന്ധതി [ 2 ] 🔥 : ഭാഗം 4

എഴുത്തുകാരി: ദിവ്യ സാജൻ

പാലപ്പത്തിന്റെ നിറവും വെളളാരം കണ്ണുകളുമുളള അവളുടെ മുഖം അവന്റെ ഓർമ്മയിൽ വീണ്ടും തെളിഞ്ഞു വന്നു.... ആ ഒരൊറ്റ ദിവസവേ കണ്ടിട്ടൊളളൂ.... കണ്ട മാത്രയിൽ തന്നെ അവളെന്റെ ഹൃദയത്തിൽ സ്ഥാനം പിടിച്ചു.....പേരറിയില്ല....ഊരറിയില്ല....ആരാന്ന് അറിയില്ല.....പക്ഷെ അവളെന്റെ ഹൃദയത്തിന്റെ കോണിൽ കയറി പറ്റി.....വെളളത്തിൽ നിന്നു കരയ്ക്കു കയറ്റുന്നേരം തണ്ടൊടിഞ്ഞ താമര പോലെ എന്റെ നെഞ്ചിൽ തലചായ്ച് കിടക്കുകയായിരുന്നവൾ.....ഇന്നും അവളുടെ ദേഹത്തെ തണുപ്പ് എന്റെ ഇടനെഞ്ചിൽ ഞാനറിയുന്നു....പുഞ്ചിരിയോടെ ചെയറിലേക്ക് ചാഞ്ഞു കൊണ്ട് അവനോർത്തു..... പിന്നെ എഴുന്നേറ്റ് ടേബിളിനു മുകളിൽ വച്ചിരുന്ന ഫയലുകൾ എടുത്ത് ചെക്ക് ചെയ്ത സൈൻ ചെയ്യാൻ തുടങ്ങി..... ഈ സമയം ഒരു റൗണ്ട് ചോരയൂറ്റല് കഴിഞ്ഞ് ജോഷു അവിടേക്ക് വന്നു..... ഫയലുകൾ പരിശോദിക്കുന്നവനെയൊന്ന് പാളി നോക്കി....പതിയെ അടുത്ത് കണ്ട ചെയറിൽ ഇരുന്ന്.....ഫോണിൽ കുത്താൻ തുടങ്ങി...... ഇച്ഛായാ.......ഇടയ്ക്കൊന്ന് മുഖമുയർത്തി ആദത്തെ നോക്കി.... എന്നാടാ????

അവനെ നോക്കാതെ അലസമായി ചോദിച്ചു..... ഇന്ന് വൈകുന്നേരവല്യോ കൊച്ചുവിനെ കാണാൻ പോവാന്ന് പറഞ്ഞത്..... മ്മ്......അതിനിപ്പോ എന്നാ നീ വരുന്നില്ലായോ??? വരുന്നില്ലെങ്കി.....കുസൃതിയോടെ ചോദിച്ചു ജോഷൂ...... വന്നില്ലേ ചവിട്ടി കൂട്ടും പന്നി.....ആദം അലറി.... ഓഹ് നിങ്ങള് വിളിച്ചാൽ കൂടെ വരാൻ ഞാനാര് നിങ്ങടെ കെട്ടിയോളോ...മ്മ് ഹം....ജോഷൂ കെറുവിച്ചു.... ആദം അവനെയൊന്നിരുത്തി നോക്കി...... അല്ലേലും നിങ്ങളെവിടെ വിളിച്ചാലും ഞാൻ കൂടവരണവല്ല്യോ......എന്നിട്ട് ആ പെങ്കൊച്ചിനെ വളയ്ക്കാൻ ഞാനൊന്ന് സപ്പോർട്ട് ചോദിച്ചപ്പോ അവളുടെ മുന്നിലിട്ട് തെറിവിളിച്ചെന്നെ നാണം കെടുത്തിയല്ലേ..... പിന്നെ ഞാനെന്നാ വേണമായിരുന്നെടാ നിനക്ക് വേണ്ടി ബ്രോക്കർ പണി ചെയ്യണാരുന്നോ....നിനക്കിന്നലേ ആ അലോഷീടേന്ന് കിട്ടിയത് അത്രയ്ക്കങ്ങ് ഏറ്റില്ലല്ലേ.....അതിന്റെയാ ഈ ഏനക്കേട്.....അവനെയൊന്ന് പാളി നോക്കി ആദം.... നിങ്ങളിങ്ങനെ മൂത്ത് മുരടിച്ച് നിന്നാ മതി വയസ് ഇരുപത്തെട്ടായിട്ട് പെണ്ണ് കെട്ടണമെന്നില്ല തൈ കിളവന്.....അവനെ നോക്കി പുച്ഛിച്ചു ജോഷു.... മോനേ ജോഷൂ....

.ആ നെറ്റിയിലൊട്ടിച്ചിരിക്കുന്ന സ്റ്റിക്കുറെടുത്ത് നീന്റെ വായിലൊട്ടിക്കുന്നതാ നിനക്ക് നല്ലത്.....അല്ലെങ്കീ ആ മുന്നിലുള്ള തേറ്റപല്ലിന്റെ എണ്ണം ഞാനങ്ങ് കുറയ്ക്കും ചെയ്ത് കൊണ്ടിരുന്നത് തുടർന്നു കൊണ്ട് ആദം പറഞ്ഞു..... ഓഹ്.....അല്ലേലും ഞാൻ പോവാ.....അപ്പോ വൈകുന്നേരം കാണാം....പറഞ്ഞു കൊണ്ട് എഴുന്നേറ്റ് പുറത്തേക്ക് പോവാൻ തുടങ്ങി..... അതാ നിനക്ക് നല്ലത്.....വെറുതെ എന്റെ കൈയ്ക്ക് പണിയുണ്ടാക്കണ്ട.....ആദം പിറുപിറുത്തു... മ്മ്ഹം വെറുതെ ഞാനായിട്ട് എന്തിനാ ഇങ്ങേരെ കൈയ്ക്ക് പണി കൊടുത്ത് എന്റെ ജിം ബോഡി കലക്കുന്നേ .....കൈയിലെ മസിൽ പെരുപ്പിച്ചു കൊണ്ട് പറഞ്ഞ് മുന്നോട്ട് നടന്നു ..... ❤❤ ആലത്തറയിലെ ഉമ്മറത്ത് ചാരു കസേരയിൽ കണ്ണുകളടച്ച് നീണ്ടു നിവർന്നു കിടക്കുകയായിരുന്നു നാഥൻ....ഈ സമയം മഹി അയാൾക്കരികിലേക്ക് വന്നു...... ഏട്ടാ.....അയാൾ ശബ്ദം താഴ്ത്തി വിളിച്ചു.... ന്താടാ മഹീ.....കണ്ണുകൾ തുറന്നു ശേഷം പതിയെ എഴുന്നേറ്റിരുന്നു കൊണ്ട് ചോദിച്ചു.... എന്തിനാ ഏട്ടാ ആ ദേവിയെയും മോളെയും വീണ്ടും ഇവിടേക്ക് ക്ഷണിച്ചത്....

കണ്ടടം നിരങ്ങി ജീവിച്ച ആ അസത്ത്ക്കളെ തറവാട്ടിൽ കേറ്റി താമസിപ്പിക്കണവായിരുന്നോ....അവജ്ഞയോടെ പറഞ്ഞു...... ഹാ.....നീയൊന്നടങ്ങ് മഹീ.....ഒന്നും കാണാതെ ഞാനങ്ങനെ ഒരു തീരുമാനം എടുക്കുംന്ന് തോന്നണുണ്ടോ നിനക്ക്.....കുടിലതയോടെ പറഞ്ഞു അയാൾ അതില്ല.....പക്ഷെ അവറ്റകളെ ഇവിടെ കയറ്റി താമസിപ്പിച്ചത് കൊണ്ട് നമുക്കെന്ത് ഗുണാ ഏട്ടാ..... ഗുണമേയുളളൂ.....നിനക്കറിയോ ആ അമ്പലത്തിനടുത്തുളള 60 ഏക്കർ പുരയിടവും പഴയ തറവാടും അച്ഛൻ ജാനിടെ പേർക്ക് പ്രമാണം ചെയ്തീരിക്കാ.....തറവാടിന്റെ വരവിന്റെ 70% കിട്ടുന്നത് ആ പുയിടത്തിൽ നാന്നാണ്......ഞാൻ പറഞ്ഞു വരുന്നത്.....അത് അന്യനായ ഒരുത്തൻ അനുഭവിക്കണോ മഹീ..... മ്മ്ഹം....ഏട്ടൻ പറഞ്ഞതിനർത്ഥം അവളെ ഏട്ടന്റെ മരുമകളാക്കാൻ പോകുന്നുന്നല്ലേ.....ചിരിയോടെ ചോദിച്ചു മഹീ.... പക്ഷെ രണ്ടാൺമക്കളിൽ ആരാ??കാശിനാഥനോ.....അതോ ഋഷി നാഥനോ??? ഹാ .......അതിലിത്ര സംശയയിക്കാനെന്താടാ.....ഋഷിയ്ക്ക് വേണ്ടി തന്നാ.......

ആ ഒറ്റക്കൊമ്പന്റെ മകൻ തല്ലി തകർത്തതല്ലേ എന്റെ കുഞ്ഞിന്റെ ജീവീതം.....രണ്ട് കൊല്ലവായിട്ട് അരയ്ക്ക് കീഴ്പോട്ട് തളർന്നു കിടക്കുന്ന അവന് ഒരു കൂട്ട് വേണ്ടേ....മഹി......അതിനീ ജാനി മതി......ഇവളാവുമ്പോ ജീവിത കാലം മുഴുവൻ എന്റെ മകന്റെ കാൽചുവട്ടിൽ കഴിഞ്ഞോളും....ചാരു കസേരയിലേക്ക് വീണ്ടും ചാഞ്ഞു കൊണ്ട് അയാൾ പറഞ്ഞു..... (നാഥന്റെ ഭാര്യ സീത രണ്ടാൺമക്കൾ: ഋഷിനാഥൻ.....കാശി നാഥൻ......കാശി നാഥൻ ബാംഗ്ലൂരിൽ ഒരു വലിയ ഐ റ്റി കമ്പനിയിൽ വർക്ക് ചെയ്യുന്നു.......മഹീയുടെ ഭാര്യ ഗിരിജ ഒരേയൊരു മകൾ ഗൗരി..... ഡിഗ്രിയ്ക്ക് പഠിക്കൂന്നു) അതിന് ദേവി സമ്മതിക്കുമെന്ന് തോന്നണുണ്ടോ ഏട്ടാ......മഹി സംശയത്തോടെ ചോദിച്ചു..... അവൾക്ക് സമ്മതിക്കാതെ വേറെ തരമില്ല മഹി......പോകാൻ വേറെ ഇടമില്ലാത്തത് കൊണ്ടല്ലേ പ്രായ പൂർത്തിയായ മകളെയും കൂട്ടി ഒരിക്കൽ അപമാനിച്ചിറക്കി വിട്ടിടുത്തേക്ക് തന്നെ വീണ്ടും വരാൻ മനസ് കാട്ടിയത്.....സമ്മതിക്കുമവൾ......

അല്ലെങ്കിൽ മകളെയും കൊണ്ട് തെരുവിലേക്ക് ഇറങ്ങേണ്ടി വരുമവൾക്ക് പുച്ഛത്തോടെ പറഞ്ഞു കൊണ്ട് കോളാമ്പി കൈയിലെടുത്തു അതിലേക്ക് നീട്ടി തുപ്പി അയാൾ....... ❤❤ വൈകുന്നേരം പാലക്കാട് പോവാനുള്ള തൈയ്യാറെടുപ്പിലായിരുന്നു ആദം......ഈ സമയം ആരു വലിയ രണ്ടു കുപ്പികളിൽ അച്ചാറുമായി അവിടേക്ക് വന്നു..... ടാ കൊച്ച് മോനേ പോവുന്നേരം ഇത് കൂടി എടുത്തേക്കണേ......കണ്ണീമാങ്ങ അച്ചാറും കല്ലുമ്മക്കായ അച്ചാറുവാ.....ആ കുപ്പികൾ ടേബിളിനു മുകളിൽ വച്ചു കൊണ്ട് അവന്റെ അടുത്തേക്ക് വന്നിരുന്നു...... ഇതിപ്പോ...... ഈ വീട്ടിലെ മൊത്തം സാധനങ്ങളും ഹോസ്റ്റലിലേക്ക് കെട്ടി ചുമന്ന് കൊണ്ട് പോവാണല്ലോ അന്ന കൊച്ചേ.....കുസൃതിയോടെ പറഞ്ഞു കൊണ്ട് ബാഗ് പാക്ക് ചെയ്തു...... ഹാ..... ഇതൊക്കെ അവൾക്ക് വല്യ ഇഷ്ടവാടാ.... ഹോസ്റ്റലിലെ കറികളൊന്നും അവൾക്ക് പിടിക്കില്ല.....ഇതൊക്കെ ഇല്ലാത്ത എങ്ങനാടാ അവളെന്തേലും കഴിക്കുന്നേ...... ഞാനന്നേ പറഞ്ഞതല്ല്യോ.....കൊച്ചൂനെ ദൂരേക്ക് വിടണ്ടാന്ന്......ഇവിടെ അടുത്തെവിടേലും നോക്കിയാ മതിയെന്ന്.....

അപ്പോ ഒറ്റക്കൊമ്പന്റെ ഒരു വാശിയെ .....അവൾക്ക് അവിടെയാ സീറ്റ് കിട്ടിയത് അതുകൊണ്ട് അവിടെ ചെന്ന് പഠിക്കട്ടേന്ന്.......പിന്നെ ഒരു നെടിയൻ ഡയലോഗും പെൺകുട്ടികൾ ഒരു ദിവസം അന്യവീട്ടിലേക്ക് പോവേണ്ടൈല്ല്യോ അപ്പോ നമുക്ക് പിരിയണ്ടായോന്ന്......അത് കോണ്ടേ ഇങ്ങനൊക്കെ മതി.....പറഞ്ഞു കൊണ്ട് അച്ചാറുകൾ ബാഗിൽ പെറുക്കി വച്ച ശേഷം ബാഗും തോളിലിട്ട് ആരു വിനൊപ്പം താഴേക്ക് നടന്നു..... താഴേക്ക് ചെല്ലുമ്പോൾ അലക്സ് അവിടെ നിപ്പുണ്ടായിരുന്നു...... ഇറങ്ങാറായോടാ നീ......അവനെ ഒന്ന് പാളി നോക്കി ഗൗരവത്തോടെ ചോദിച്ചു അലക്സ്.... മ്മ്ഹം.....ഇറങ്ങാ അപ്പാ..... അവനെന്ത്യേ ജോഷൂ...... ഇപ്പൊ എത്തും...... മ്മ്ഹം......സൂക്ഷിച്ചു പോയേച്ചും വാ......അന്നത്തെ പോലെ ആരോടും തല്ലുണ്ടാക്കാനൊന്നും നിന്നേക്കല്ല്..... ഈ സമയം ജോഷു അവിടേക്ക് വന്നു....ബുളളറ്റ് പോർച്ചിൽ പാർക്ക് ചെയ്തിട്ട് വരുന്നവനെ ആദം കലിപ്പിൽ നോക്കി..... ടാ....പരനാറി നിന്നോട് ഞാൻ എപ്പോഴാടാ വരാൻ പറഞ്ഞേ......അര മണിക്കൂർ വൈകിയിരിക്കുവാ......ആദം കെറുവിച്ചു.....

ഓഹ് ഇപ്പൊ വൈകിയാലെന്നാ എങ്ങനെ പോയാലും നാളെ രാവിലെ അല്യോ എത്തത്തൊളളൂ...... രാവിലെ എത്തത്തൊളളുവെങ്കീലും അവള് കോളേജിൽ പോണതിന് മുന്നേ എത്തണ്ടായോടാ.....കുറച്ചു നേരം കൊച്ചിനോട് വർത്തമാനം പറയാൻ കൂടി പറ്റുകേല ആദം അവനെ രൂക്ഷമായി നോക്കി.... അപ്പോ ദിവസവും ഫോണിൽ സംസാരിച്ച് സമയം കളയുന്നത് ആരോടാ ഓ....അവളുടെ കൂട്ടുകാരത്തികളോടായിരിക്കുവല്ലേ.....അയ് ശരീ...മ്മ്.....അവനെ ഒന്ന് പാളി നോക്കി ജോഷൂ..... ആദം അവനെ നോക്കി പല്ലു കടിക്കുന്നുണ്ടാതിരുന്നു...... ടാ നാലും മൂന്നും പറഞ്ഞു സമയം കളയാതെ വേഗം ഇറങ്ങാൻ നോക്കടാ.....അലക്സ് അലറി..... ആഹ്.....ഒറ്റക്കൊമ്പൻ ഫോമായല്ലോ ഇനി ഇവിടേ നിന്നാ തന്തേടേം മോന്റെയും തെറി കേട്ട് എന്റെ ചെവി എന്നെ തന്നെ തെറി വിളിക്കും ആദത്തെ നോക്കിയൊന്നിളിച്ചു കൊണ്ട് അവൻ കേൾക്കാൻ പാകത്തിന് പറഞ്ഞു..... ടാ ജോഷുവേ.....അലക്സ് നീട്ടി വിളിച്ചു..... എന്നാ മാമാ.....ഞാനൊരു കാര്യം പറഞ്ഞേക്കാം ഈ പോവുന്ന പോലെ തന്നെ തിരിച്ചെത്തിയേക്കണം.....

അല്ലെങ്കിൽ മാതാവാണേ താമസിക്കാൻ വേറെ വീടന്വേഷിച്ച് വച്ചിട്ടേ ഇവിടേക്ക് വരാവൂ പറഞ്ഞേക്കാം..... ഓഹ് ഈ മാമന്റെ ഒരു തമാശ.... പ്ഫാ.....തെമ്മാടീ.....പിളളാരൊരു വഴിക്കിറങ്ങുമ്പോഴാന്നോടാ ഇങ്ങനൊക്കെ പറയുന്നേ.....അങ്ങനവനെ അടിച്ചു നീ പുറത്താക്കുവോ.....നീ പണ്ട് കാണിച്ചു കൂട്ടിയതിനൊക്കെ ഞാനും നിന്നെ പുറത്താക്കിയിരുന്നേലേ നിനക്ക് പുതിയ കൂര പണിത് മാറേണ്ടി വന്നേനേ.....അത്രയ്ക്കുണ്ടായിരുന്നല്ലോ കൈയിലിരുപ്പ്.......അവനെ നോക്കി ചിറികോട്ടി പറഞ്ഞു ഏലിയാമ്മ..... ദേ അമ്മച്ചി ......അമ്മച്ചി ഒരാളാ ഇവനൊക്കെ വളം വെച്ച് കൊടുക്കുന്നത്.....അലക്സ് കെറുവിച്ചു..... ഹാ മാമൻ വെറുതെ ടെൻഷൻ ആവണ്ട....ഇച്ഛായനെ ഒരു പോറലു പോലുമേൽപിക്കാതെ ഇവിടെ കൊണ്ടെത്തിക്കുന്ന കാര്യം ഞാനേറ്റു......ജോഷൂ വലിയ ഗമയിൽ പറഞ്ഞു..... അവന്റെ കാര്യം നോക്കാൻ അവന് നല്ലോണം അറിയാം....ഞാൻ പറഞ്ഞത് നിന്റെ കാര്യവാ....വെറുതെ ആരുടേയും അടി വാങ്ങി നൂരരുതെന്ന്.....പറഞ്ഞു കൊണ്ട് അലക്സ് അകത്തേക്ക് പോയി..... ഇപ്പൊ ഞാനാരായി....ശശി....നിങ്ങളെ കുറിച്ചു ഒറ്റക്കൊമ്പന് നല്ല മതിപ്പാല്യോ ഇച്ഛായാ.....

ആദം കാറിൽ കയറിയതിന് പിന്നാലെ കയറി കൊണ്ട് ചോദിച്ചു..... വല്ല പെൺപിളളാരുടെയും പിന്നാലെ നടന്ന് ആങ്ങളമാരുടെ തല്ല് വാങ്ങിക്കൂട്ടുമ്പോ ആലോചിക്കണം..... ടാ.... അത് പിന്നെ നിങ്ങള് കേട്ടിട്ടില്ലേ പ്രേമത്തിന് കണ്ണില്ലാ മൂക്കില്ലാന്ന് ..... ഉവ്വ....ഉവ്വ...പക്ഷെ അപാര തൊലിക്കട്ടിയാ ഈ കാണ്ടാമൃഗത്തീന്റെ കൂട്ടേ......അതല്ലേ ഒരുളുപ്പുമില്ലാതെ നേർച്ച കോഴിയെ കൂട്ട് അവളുടെ ആങ്ങളമാരുടെ തല്ല് വാങ്ങി കൂട്ടുന്നേ....അവനെ പറഞ്ഞു മുഴുവനാക്കാൻ വിടാതെ ആദം പറഞ്ഞു...... ജോഷൂ പിന്നൊന്നും മിണ്ടിയില്ല പുറത്തേക്ക് നോക്കി കോണ്ട് സീറ്റിലേയ്ക്ക് ചാരിയിരുന്നു.....ഈ സമയം ആദത്തിന്റെ കാർ താമരയ്ക്കലെ ഗേറ്റ് കടന്നു പുറത്തേക്ക് പോയിരുന്നു..... ❤❤ കാളിയാർ മഠം എന്ന് സ്വർണ ലിപികളാൽ പതിച്ചു വച്ച ഗേറ്റ് കടന്നൊരു ബെൻസ് തറവാട്ട് മുറ്റത്തേക്ക് പാഞ്ഞു വന്നു നിന്നു......കൊട്ടാര സമാനമായ .....പഴമയുടെ പ്രൗഡി വിളിച്ചോതുന്ന ഒരു എട്ട് കെട്ട് തറവാട്ട്.....കാളിയാർ മഠം ആ ബെൻസ് കാറിൽ നിന്നും ഏതാണ്ട് മുപ്പതോളം പ്രായം തോന്നിക്കുന്ന ഒരു യുവാവ് ഇറങ്ങി വന്നു.....നല്ല പൊക്കം അതിനൊത്ത തടി.....ട്രിം ചെയ്തൊതുക്കിയ താടി ......വലത് കൈയിലെ ഇടി വള മുകളിലേക്ക് ഞെരിച്ച് വച്ച് കൊണ്ട് അവൻ നേരെ വീടിനുള്ളിലേക്ക് കയറി.....

അവിടെ പൂജാ മുറിയിൽ ഇരുന്ന അറുപതു വയസ്സോളം പ്രായമുള്ള നാരായണന്റെ അരികിലായി ഇരുന്നവൻ..... അച്ഛാ.......നേർമ്മയായി വിളിച്ചു...... പോയ കാര്യം എന്തായി വിഷ്ണു.....അയാൾ മുഖമുയർത്തി അവനെ നോക്കി..... കേട്ടതൊക്കെ സത്യാണച്ഛാ....... ആ ജാനകിയുടെ ശിക്ഷയുടെ കാലാവധി കഴിഞ്ഞ് അവൾ പുറത്തിറങ്ങി......പക്ഷെ വീട്ടിലെത്തിയിട്ടില്ല....പാലക്കാട് വിട്ട് പോയിന്നാ കേട്ടത്...... മ്മ്ഹം.....നമുക്കന്വേഷിക്കാം അയാൾ ദീർഘമായി നിശ്വസിച്ചു...... വിടില്ല ഞാനാ പന്ന മോളെ......ഈ വിഷ്ണുനാരായണന്റെ ശരീരത്തിൽ നിന്നും പൊടിഞ്ഞ ഓരോ തുളളി ചോരയ്ക്കും ഞാനവളെ കൊണ്ട് കണക്ക് പറയിപ്പിക്കും നുരഞ്ഞ് കയറിയ ദേഷ്യം പല്ലുകൾ കടിച്ചു ഞെരിച്ച് അടക്കി വിഷ്ണു..... മ്മ്ഹം....സംയമനം പാലിക്ക് വിഷ്ണു......എല്ലാത്തിലും ഒരു സമയം ഉണ്ട്...പറഞ്ഞു കൊണ്ട് നിലത്തു നിന്നും എഴുന്നേറ്റ് പുറത്തേക്ക് പോയി അയാൾ..... ❤❤ ഈ സമയം ജാനകിയും ദേവിയും ആലത്തറയിലേക്ക് പോവാനായി ടാക്സിയിൽ കയറിയിരുന്നു................. തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...