🔥അരുന്ധതി [ 2 ] 🔥 : ഭാഗം 40

എഴുത്തുകാരി: ദിവ്യ സാജൻ  

ശിവാ.....കാശി അവൻ നിന്നെ വിളിച്ചോ......ജയിലഴിക്കുളളിൽ നിന്ന് അഴികളിൽ പിടിമുറുക്കി കൊണ്ട് ചോദിച്ചു വിഷ്ണു...... ആഹ്......പകുതിയോളം കാശ് അയാൾ മാറ്റിയെടുത്തുന്നാ പറഞ്ഞത്......അത് വൈകാതെ എന്നെ ഏൽപ്പിക്കാന്നാ പറഞ്ഞത്...... മ്മ്ഹം......അവൻ ആ ദത്തൻ അവനാ.....അന്നേ തീരുമായിരുന്നു ആ @@@#മോൻ പക്ഷെ അവളാ ആ ജാനകി.....അവൾ കാരണവല്ലേ....ആ പന്നനിന്ന് ജീവനോടിരിക്കുന്നത്.....വിടില്ല ഞാനൊന്നിനെയും.....കലിയോടെ മുഷ്ടി ചുരുട്ടി ചുമരിലിടിച്ചു വിഷ്ണു.... നീ വിഷമിക്കേണ്ട വിഷ്ണു.....നമ്മളെ ചതിച്ച ഒന്നിനേയും വെറുതെ വിടില്ല......കൊന്നൂ തളളും.....ആദ്യം ആ ജാനകി......പിന്നെ ദത്തൻ.....അതിനിടയിൽ ഒരു ആദം പുച്ഛത്തോടെ ചിറികോട്ടി പറഞ്ഞു കൊണ്ട് അവനെ നോക്കി ശിവൻ....... ആ ആൻമരിയ ഇതുവരെ തിരികെ വരുന്നില്ലല്ലോ ശിവാ.....വിഷ്ണു പല്ലു ഞെരിച്ച് കൊണ്ട് ചോദിച്ചു..... അവൾ വരാൻ കാത്തിരിക്കുവാ ഞാനും......അവളിലൂടെ മാത്രേ ആദത്തിനെയും ജാനകിയെയും പൂട്ടാൻ പറ്റൂ.....

മീശ മുറുക്കി ക്കൊണ്ട് ശിവൻ മുരണ്ടു..... നീ നോക്കിക്കോ വിഷ്ണു......നീ ഇവിടെ നിന്നും ഇറങ്ങുന്നതിന് മുന്നേ ഞാനെല്ലാത്തിനെയും പൂട്ടിക്കും......ദൃഡമായ ശബ്ദത്തോടെ പറഞ്ഞു..... സൂക്ഷിക്കണം ശിവാ.....ആ ദത്തൻ നമ്മൾ വിചാരിച്ച പോലെ നിസാരക്കാരനല്ല സൂക്ഷിച്ചു കൈകാര്യ ചെയ്യണം.....വിഷ്ണു ശബ്ദം താഴ്ത്തി പറഞ്ഞു കൊണ്ട് ചുറ്റും കണ്ണോടിച്ചു..... മ്മ്ഹം.......ശിവനൊന്നിരുത്തി മൂളി...... ❤❤ കാശി റൂമിലിരുന്നു കുറേ നോട്ട് കെട്ടുകൾ ഒരു സ്യൂട്ട്കേസിൽ അടുക്കി വയ്ക്കുകയായിരുന്നു..... എന്തിനാ മോനേ ഇത്രയും കാശ്.......ആർക്കെങ്കിലും കൊടുക്കാനാണോ.....ദത്തൻ അവിടേക്ക് കയറി വന്നു കൊണ്ട് ചോദിച്ചു..... മ്മ് ഹം......കൊടുക്കാൻ തന്നാ അച്ഛാ......ആ ആദത്തിന്.....വന്യമായ ചിരിയോടെ പറഞ്ഞു..... നീ.....എന്തൊക്കെയോടാ ഈ പറയുന്നേ......നീയവന് കടം കൊടുക്കാനൊന്നുമില്ലല്ലോ........പിന്നെ ഇത്രേം കാശ് അവന് കൊടുക്കുന്നത് എന്തിനാ......അയാൾ ആകാംക്ഷയോടെ ചോദിച്ചു.... അതിനു മറുപടിയായി അവനൊന്ന് ചിരിച്ചു.....

ഇത് പത്ത് ലക്ഷം രൂപയുണ്ടച്ഛാ......മൊത്തം വ്യാജനാ.....യഥാർത്ഥ നോട്ട് കെട്ടുകളെ വെല്ലുന്ന കളള നോട്ടുകൾ......ഇത് ആദത്തിന്റെ ഫിനാൻസിലെത്തിച്ചിട്ടേ പ്രയോജനമൊളളൂ.....കാത്തിരിക്കാം ഒരവസരം കിട്ടാതിരിക്കില്ല......ഗാഢമായി ചിരിച്ചു കൊണ്ട് കാശി നാഥനെ നോക്കി..... പണ്ട് ഇത് പോലെ ഞാനാ ഒറ്റക്കൊമ്പനെ ഒന്ന് തളച്ചതാ.....അന്ന് കുറച്ചു കഞ്ചാവിന്റെ ചിലവേ വേണ്ടി വന്നുളളൂ......കുറേ നാളങ്ങകത്ത് കിടന്നവൻ.....അവൻ മുടിഞ്ഞ് കുത്തു പാളയെടുത്തതാ.....പക്ഷെ വെട്ടിയിട്ടാലും ചേർന്ന് വരുന്നവനാ അവൻ......നഷ്ടപ്പെട്ടതിന്റെ ഏഴിരട്ടി നേടിയെടുത്തു......ചിറികോട്ടി നാഥനത് പറയുമ്പോൾ അലക്സിനോടുളള പക കണ്ണുകളിൽ തെളിഞ്ഞു നിന്നു..... ഇത് കളളനോട്ടാ.....രാജ്യദ്രോഹ കുറ്റവാ.....നമ്മുടെ പ്ലാൻ വിജയിച്ചാൽ പെട്ടെന്ന് പുറത്ത് വരില്ലവൻ ആദം.....പുച്ഛത്തോടെ പറഞ്ഞു കാശി..... ❤❤ അടുക്കളയിൽ ആരുവിനെ സഹായിക്കുകയായിരുന്നു ജാനി...... എടീ അന്നക്കൊച്ചേ ഒന്ന് വന്നേടീ.....അലക്സ് ആരുവിനെ അടുത്തേക്ക് വിളിച്ചു...... ആരു വേഗം കറിക്കരിഞ്ഞു കൊണ്ടിരുന്ന പച്ചക്കറി ഒരു ഭാഗത്തേക്ക് മാറ്റി വച്ച് സാരി തുമ്പിൽ കൈ തുടച്ചു കൊണ്ട് അവന്റെ അടുത്തേക്ക് പാഞ്ഞു പോയി.....

എടീ ഇത് കുറച്ചു മട്ടനാ.....നീ ഇതൊന്ന് പെരട്ടി വയ്ക്ക് .......കൈയിലിരുന്ന പൊതി അവളെ ഏൽപ്പിച്ച് കളളച്ചിരിയോടെ അവളെ നോക്കി..... മ്മ്ഹം.....എന്താ ഒരു കളളച്ചിരി എന്റിച്ഛായന്.....നെറ്റിചുളുച്ചു കൊണ്ട് ചോദിച്ചു ഏയ് ഒന്നൂല്ലടി അന്നക്കൊച്ചേ.....ആന്റണി വൈകിട്ട് വരും ഒന്ന് കൂടീട്ട് കുറച്ചായില്യോ ......അവളെ നോക്കി കണ്ണ് ചിമ്മി കാണിച്ചു അലക്സ്..... ദേ ഇച്ഛായാ......പിളളാര് വലുതായിട്ടും നിങ്ങൾക്കിതൊന്നു നിർത്തിക്കൂടേ അവൾ കെറുവിച്ചു..... ഹാ.....ചൂടാവതെടീ അന്ന ക്കൊച്ചേ .....വല്ലപ്പോഴുവല്യോ.....പിന്നെ പിളളാരിതൊക്കെ അറിഞ്ഞാലെന്നാ.....നിന്റെ രണ്ടാമത്തെ സന്തതി കുടിക്കുകേലന്നാണോ നീ കരുതിയിരിക്കുന്നേ.....പിന്നെ ഇടക്കിടെ അവനീ ബാൽക്കണി വഴി കേറുന്നതെന്നാത്തിനാ.....അവൻ കളള് കുടിച്ചത് നമ്മളറിയാതിരിക്കാനാ.....അവൻ പറയുന്നത് കേട്ട് മൂക്കത്ത് വിരൽ വച്ച് നിക്കാരുന്നു ആരു..... ആഹാ......ആ തെമ്മാടീയ്ക്ക് ഞാൻ വെച്ചിട്ടുണ്ട്......ആരു പല്ലു കടിച്ചു കൊണ്ട് പറഞ്ഞു..... ടീ......നീ സമാധാനപ്പെടെന്റെ അന്നക്കൊച്ചേ.....

നമുക്കവനെ പിടിക്കാം.....നല്ല ഒന്നാന്തരം വലയിട്ട് തന്നെ പിടിക്കാം.....അപ്പോ നീ ഇത് റെഡിയാക്കി വെച്ചേരെ.....ചിരിയോടെ പറഞ്ഞു അലക്സ്.... മ്മ്ഹം.....എന്തിനാ പിളളാരെ കുറ്റം പറയുന്നേ.....ഈ അപ്പനെ കണ്ടല്ലേ അവര് വളർന്നു വരുന്നത്.....കളള് കുടിയൻ നസ്രാണി....ആരു പിറുപിറുത്തു...... നിന്റെ തന്തയാടി ഒരുമ്പെട്ടോളെ......പറഞ്ഞു കൊണ്ട് തിരിഞ്ഞു നടന്നു പോയി അലക്സ്..... കളള നസ്രാണി......പുഞ്ചിരിയോടെ പറഞ്ഞു കൊണ്ട് അകത്തേക്ക് വന്നു ആരു..... ❤❤❤ വൈകുന്നേരം ആദം പറഞ്ഞത് പോലെ റെഡിയാവുകയായിരുന്നു ജാനി......ലൈറ്റ് പിങ്ക് സാരിയായിരുന്നു വേഷം......അതിനുമാച്ചായ ഒരു കുഞ്ഞ് സ്റ്റഡും അണിഞ്ഞു.....സിംപിൾ ആണെങ്കിലും അതീവ സുന്ദരിയായിരുന്നു അവളാ വേഷത്തിൽ.....കണ്ണെഴുതി ഒരു കുഞ്ഞ് പൊട്ട് വച്ചു......അപ്പോഴേക്കും ആദം അവിടേക്ക് വന്നു..... ഇച്ഛായന്റെ കൊച്ച് റെഡിയായോ.....മ്മ്ഹം.....കൊളളാലോടീ പെണ്ണേ.....ഇങ്ങനെ കാണുമ്പോ ഇച്ഛായന് കട്ട് തിന്നാൻ തോന്നാടീ കൊച്ചേ......

അവളെ മൊത്തത്തിലൊന്നുഴിഞ്ഞ് നോക്കി ക്കൊണ്ട് ആദം പറഞ്ഞു..... ടോ .......താന്തോന്നി ച്ചെക്കാ...... കൂടുതലിവിടെ നിന്ന് കൊളളിക്കല്ലേ ......ചെന്ന് ഫ്രഷ് ആയേ..... പുഞ്ചിരിയോടെ പറഞ്ഞു കൊണ്ട് അവനെ തോളിൽ പിടിച്ചു തിരച്ച് നിർത്തി ..... നമ്മളെവിടേക്കാ ഇച്ഛായാ പോണത്......ഇടയ്ക്കൊന്ന് അവനെ പാളി നോക്കി ചോദിച്ചു ..... ഹാ....ഒന്നടങ്ങടീ ജാനൂമ്മാ....നമ്മളവിടേക്ക് തന്നല്യോ പോവുന്നേ പിന്നെ എന്നാ....അവിടെ ചെല്ലുമ്പോ നീയറിഞ്ഞാ മതി കേട്ടോടീ പൂച്ചക്കണ്ണീ .....പറഞ്ഞു കൊണ്ട് ടൗവ്വലുമെടുത്ത് ബാത്ത്റൂമിലേക്ക് പോയി..... ജാനി ചുണ്ട് ചുളുക്കിക്കൊണ്ട് അവനെ തന്നെ നോക്കി നിന്നു..... ❤❤ ആദമിന്റെ ബുളളറ്റ് ഒരു ഇടവഴിയിലൂടെ പോയി ചെന്നൂ നിന്നത്......കുഞ്ഞൊരു ഓടിട്ട വീടിനടുത്തായാണ്.....ജാനി പിന്നിൽ നിന്നും പതിയെ ഇറങ്ങി.....ആദം കൈയിൽ കരുതിയ കിറ്റൂകളിൽ കുറേയെണ്ണം ജാനിയെ ഏൽപ്പിച്ചു.....അപ്പോഴും ജാനി സംശയത്തോടെ ആദത്തെ നോക്കി.....അവനവളെ നോക്കി കണ്ണ് ചിമ്മി കാണിച്ചു...... ടീ ......

ജാനുമ്മ മിഴിച്ചു നിൽക്കാതെ വന്നേടി.....പറഞ്ഞു കൊണ്ട് അവൻ വീടിനടുത്തേക്ക് നടന്നു...... ഈ സമയം ആ വീട്ടിനുളളിൽ നിന്നും പത്ത് വയസ്സ് തോന്നിക്കുന്ന നല്ല വെളുത്ത് മെലിഞ്ഞ സുന്ദരിയായൊരു പെൺകുട്ടി പുറത്തേക്ക് വന്നു..... ആദത്തെ കണ്ടതും അവൾ പുഞ്ചിരിയോടെ ഒറ്റടി വച്ച് നടന്ന് അവന് നേരെ ചെന്നു .....ഹാ.....ഇച്ചേടെ അല്ലിമോളെ.....വിളിച്ചു കൊണ്ട് അവളുടെ അടുത്തേക്ക് ചെല്ലുന്നവനെയും ആ കുട്ടിയെയും മാറി മാറി നോക്കുന്നുണ്ടായിരുന്നു ജാനി..... *അല്ലി മോള്*അവളുടെ ചൂണ്ടുകൾ മന്ത്രിച്ചു......ഏലിയാമ്മ പറഞ്ഞ കാര്യങ്ങളൊക്കെ അവളുടെ മനസ്സിലേക്ക് വന്നു......ഋഷിയുടെ സ്വഭാവ വൈകൃതത്തിന് ഇരയാകേണ്ടി വന്ന കുഞ്ഞ് 🔥🔥 അവളെ വീണ്ടും നോക്കവേ അവളുടെ ഉളളൊന്ന് പൊളളി...... ടീ.....ജാനുമ്മ എന്നാടീ അവിടെ തന്നെ നിന്നു കളഞ്ഞേ.....പോരടി കൊച്ചെ.....ചിരിയോടെ പറഞ്ഞു കൊണ്ട് ആ കുഞ്ഞിനെ അവൻ കൈകളിലെടുത്തു...... ഹാ......കൊച്ചു മോനേ നീയെത്തിയോ.....

ഇന്ന് ഇവിടേയ്ക്ക് വരുമെന്ന് ഞങ്ങൾക്ക് ഉറപ്പായിരുന്നു.....ഇത് വരെ പതിവ് തെറ്റിച്ചിട്ടില്ലല്ലോ നീ.....അല്ലിമോളും കാത്തിരിക്കുവാരുന്നു നിന്നെ......ബെന്നി ചിരിയോടെ പുറത്തേക്കിറങ്ങി വന്നു..... ഹാ.....ടാ.....ജാനിക്കൊച്ചിനെയും കൊണ്ടാന്നോ നീ വന്നത്......പുറത്തേക്ക് ഇറങ്ങിയ ശേഷമാണ് കുറച്ച് മാറി നിൽക്കുന്ന ജാനിയെ അയാൾ കണ്ടത്......അമ്പരപ്പോടെ അയാൾ അവളെ നോക്കി പിന്നെ പുഞ്ചിരിച്ചു..... അവളും അയാൾക്കായൊരു പുഞ്ചിരി കൊടുത്തു..... എടീ.....ജോയ്സേ.....ദേ ആരൊക്കെയോ വന്നിരിക്കുന്നതെന്ന് നോക്കിയേടി അകത്തേക്ക് നോക്കി ക്കൊണ്ട് അയാൾ ഉച്ചത്തിൽ വിളിച്ചു..... ഹാ.....കൊച്ചു മോനേ.....നീ വന്ന കാലിൽ നിൽക്കാതെ അകത്തു കയറി വാടാ ചെറൂക്കാ.....ജോയ്സി അകത്തു നിന്നു കൊണ്ട് പറഞ്ഞു...... ഈ സമയം ജാനി പുഞ്ചിരിയോടെ ആദത്തിന്റെ അടുത്തേക്ക് നടന്നടുത്തു...... ഹാ.....ജാനിമോളും ഉണ്ടായിരുന്നോ.....ജോയ്സി തെല്ലമ്പരപ്പോടെ ചോദിച്ചു..... മറുപടിയായി അവളൊന്ന് പുഞ്ചിരിച്ചു..... ടീ നീ നോക്കി നിൽക്കാതെ കൊച്ചിനെ അകത്തേക്ക് കൊണ്ട് പോടീ.... ആഹ്.....മോള് വാ.....അവളുടെ അടുത്തേക്ക് വന്ന് ജാനിയുടെ കൈയും പിടിച്ചു ജോയ്സി അവളെ അകത്തേക്ക് കൊണ്ട് പോയി.....

പിന്നാലെ ബെന്നിയും ആദവും അകത്തു കയറി.... കൈയിൽ കരുതിയ കിറ്റുകളൊക്കെ ടേബിളിനു ചോട്ടിൽ വച്ചു അതിൽ നിന്നും വലിയൊരു കിറ്റെടുത്ത് ആദം ആ കുഞ്ഞിനെ ഏൽപ്പിച്ചു...... മെനി മെനി ഹാപ്പി റിട്ടേൺസ് ഓഫ് ദ ഡേയ് അല്ലിമോളേ......പറഞ്ഞു കൊണ്ട് നിറുകിൽ ചുമ്പിച്ചു..... ഹാ.....എന്നാത്തിനാടാ ഇതൊക്കെ വാങ്ങി വെറുതെ കാശ് കളയുന്നേ.......അലസമായി പറഞ്ഞു ബെന്നി.... ഒന്ന് മിണ്ടാതിരുന്നേ ബെന്നിച്ചാ.....ഇത് കുറച്ചു ഛായങ്ങളാ.....അവൾക്ക് ചിത്രം വരയ്ക്കാൻ വാങ്ങിയതാ.....അല്യോ മോളെ.....അവളുടെ താടിത്തുമ്പിൽ പിടിച്ചു കൊഞ്ചിച്ച് കൊണ്ട് പറഞ്ഞു ആദം.... ഈ സമയം ആറ് വയസ് തോന്നിക്കുന്ന ഒരാൺകുട്ടി കണ്ണുകൾ തിരുമി തിരുമി ഉറക്കച്ചടവോടെ പുറത്തേക്കിറങ്ങി വന്നു .... ഹാ.....അലൻ വന്നല്ലോ.....എവിടാരുന്നെടാവേ ഇത്രേം നേരം ആദം അവന്റെ തോളിൽ തട്ടി ക്കൊണ്ട് ചോദിച്ചു....... ഉറങ്ങാൻ പോയതാ ഇച്ചേ .....ചിരിയോടവൻ പറഞ്ഞു....... ഈ സമയം അവിടെ നടക്കുന്നതെല്ലാം നോക്കി പുഞ്ചിരിയോടെ നിക്കാരുന്നു ജാനി.....ആദത്തോട് വല്ലത്തൊരിഷ്ടം അവളുടെ ഹൃദയത്തി നിന്നുയർന്നു വന്നതവളറിയുന്നുണ്ടായിരുന്നു............... തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...