🔥അരുന്ധതി [ 2 ] 🔥 : ഭാഗം 41

എഴുത്തുകാരി: ദിവ്യ സാജൻ  

ഈ നേരത്താന്നോടാ ചെക്കാ ഉറങ്ങുന്നേ.....ശ്ശോ മോശം അലനെ ആദം കളിയാക്കി പറഞ്ഞു..... ഇച്ചേ.....കളിയാക്കണ്ട.....ഞാൻ സ്കൂളിൽ നിന്നും വന്നേച്ച് എന്നും ഉറങ്ങാറുളളത്.....ജാനിയെ നോക്കി നാണിച്ചു നാണിച്ചു പറഞ്ഞു അലൻ..... അതവന്റെ ഒരു പതിവാടാ കൊച്ചു മോനേ .....എന്നും ഒളളതാ ഈ ഉറക്കം....അല്യോടാ.....കുഞ്ഞൂട്ടാ.....ബെന്നി ചിരിയോടെ പറഞ്ഞു കൊണ്ട് അവനെ ഉയർത്തി എടുത്ത് കവിളിൽ മുത്തി..... ആരാ ചാച്ചാ ഈ ചേച്ചി.....ജാനിയെ ചൂണ്ടിക്കൊണ്ട് അലൻ ചോദിച്ചു..... അതോ....അതാ നിന്റെ ഇച്ചേടെ പെണ്ണ്.....ബെന്നി ചിരിയോടെ പറഞ്ഞു..... ഇച്ചേ.......ഇച്ചേടെ കല്യാണത്തിന് ഞങ്ങളെ വിളിക്കാത്തതെന്തേ......കുഞ്ഞ് ചിണുങ്ങലോടെ ചോദിച്ചത് കേട്ട് ആദമും ജാനിയും പരസ്പരം നോക്കി.....എന്തു പറയണമെന്നറിയാതെ കുഴങ്ങി നിന്നു ആദം.... അത് കേട്ടതും ബെന്നിക്ക് ചിരി പൊട്ടി.... ബെന്നിച്ചാ.......കൊലച്ചിരി ചിരിക്കുവാണല്ലേ നിങ്ങള്.....ബെന്നിയെ ഒന്ന് കൂർപ്പിച്ചു നോക്കി ആദം..... ടാ....നിന്റെ ഇച്ചന് ആരെയും വിളിക്കാനുളള സാവകാശമൊന്നും കിട്ടീലടാ.....എല്ലാം പെട്ടന്നായിരുന്നു.....അല്യോടാ കൊച്ചു മോനേ.....

അവനെ നോക്കി ആക്കി ചിരിച്ചു കൊണ്ട് ബെന്നി പറഞ്ഞു..... അത് കേട്ടതും ജാനി ചിരിയോടെ അലനെ നോക്കി.....അവളുടെ അടുത്തേക്ക് കൈ കാട്ടി വിളിച്ചു....അവനവളുടെ അടുത്തേക്ക് ചെന്നു...... മോന്റെ പേരെന്താ......അവന്റെ കവിളിൽ തഴുകി കൊണ്ട് ചോദിച്ചു..... അലൻ ......ചേച്ചീടെ പേരെന്നാ..... ജാനകി.....പറഞ്ഞു കൊണ്ട് അവളെ ചേർത്ത് പിടിച്ചു..... ഹാ......ഇനിയും വൈകിക്കണ്ട നമുക്ക് കേയ്ക്ക് മുറിക്കണ്ടെ.....ആദം അല്ലിയെ പതിയെ താഴെ നിർത്തിക്കൊണ്ട് എഴുന്നേറ്റു....കൊണ്ട് വന്ന കിറ്റുകളിലൊന്നിൽ നിന്നും ഒരു ബോക്സ് കൈയിലെടുത്തു തുറന്നു.....ടേബിളിനു മുകളിൽ വച്ചു....ഒരു റെഡ് വെൽവറ്റ് കേക്കായിരുന്നത്....[മൈ ഫേവ്😋😋] അതിനു മുകളിൽ ഒരു മെഴുകുതിരി കത്തിച്ചു വച്ചു കൊണ്ട് ആദം അല്ലിയെ നോക്കി...... അല്ലിക്കുട്ടി വന്നേ......കൈ നീട്ടി അവളെ വിളിച്ചു.....അവൾ പതിയെ പതിയെ നടന്ന് അവന്റെ അടുത്തേക്ക് പോയി.....അല്ലി മെഴുകുതിരി ഊതി അണച്ച്.....കേക്ക് കട്ട് ചെയ്തു.....

ആദ്യത്തെ പീസെടുത്ത് ആദത്തിന് കൊടുത്തു.....പിന്നെ ബെന്നിക്കും ജോയ്സിനും കുഞ്ഞൂട്ടനും അവസാനം ജാനിക്കും കൊടുത്തു.....ആദം ഒരു കുഞ്ഞ് പീസെടുത്ത് ജാനിയ്ക്ക് നേരെ നീട്ടി അവൾ ചമ്മലോടെ ചുറ്റും നിന്നവരെ നോക്കി.... ഹാ....വാങ്ങടി കൊച്ചേ....നിങ്ങടെ കല്യാണം കൂടാനുളള അവസരവോ ഇവൻ തന്നില്ല.....അപ്പോ മധുരം പങ്ക് വയ്ക്കുന്നതെങ്കിലും കാണാലോ.....ചിരിയോടെ ബെന്നി പറഞ്ഞു പിന്നെ ചെറിയ ചമ്മലോടെ അവൾ വായ തുറന്നു...... ജാനി മോള് വാ നമുക്ക് പിന്നാമ്പുറത്തേക്ക് പോവാം.....ഞങ്ങളുടെ കോഷിയൊക്കെ കാട്ടിത്തരാം.....ജോയ്സി അവളുടെ കൈയിൽ പിടിച്ചു..... ചേച്ചീക്ക് ഞങ്ങളുടെ മുയൽ കുഞ്ഞിനെ കാണിച്ചു തരാട്ടോ.....പറഞ്ഞു കൊണ്ട് കുഞ്ഞൂട്ടനും അവർക്കൊപ്പം കൂടി..... കുഞ്ഞൂട്ടനാണോ മുയലിനെ വളർത്തുന്നേ...ജാനി കുറുമ്പോടെ ചോദിച്ചു.... മ്മ്ഹം.....ഞാനും ചേച്ചിയുവാ.....അവൻ ഗമയിൽ പറഞ്ഞു..... ആണോ.....താടിയ്ക്ക് കൈകൊടുത്ത് മുഖം ചുളുക്കി കൊണ്ട് പറഞ്ഞു......

ചേച്ചി വാ നമുക്ക് പോവാം..... പറഞ്ഞു കൊണ്ട് അല്ലി ജാനകിയുടെ കൈയിൽ പിടിച്ചു.....ജാനകി അവളുടെ കവിളിൽ ചുമ്പിച്ചു.....പീന്നെ നാലാളും കൂടി പുറത്തേക്ക് പോയി....പോകാൻ നേരം ജാനി ആദത്തെ ഒന്ന് നോക്കാനും മറന്നില്ല..... അവർ പോയി കഴിഞ്ഞതും ബെന്നി അവന്റെ അടുത്തേക്ക് വന്നിരുന്നു..... ഒരു പാവം കൊച്ചാ അല്യോടാ അത്.....ആലത്തറയിലെ ആണെങ്കിലും അതിന്റെ ഒരഹങ്കാരവും അതിനില്ല.....പുഞ്ചിരിയോടെ ബെന്നി പറഞ്ഞു..... അതിനു മറുപടിയായി അവനും ഒന്നൂ പുഞ്ചിരിച്ചു..... ടാ കൊച്ച് മോനേ ആലത്തറയിലെ കാര്യം പറഞ്ഞുപ്പോഴാ ഞാനൊരു കാര്യം ഓർത്തേ......രണ്ടു ദിവസം മുന്നേ ഞാനൊരു കാര്യം അറിഞ്ഞു..... എന്നതാ ഇച്ഛായാ ആദം അരമതിലിൽ ഇരുന്നു കൊണ്ട് ചോദിച്ചു..... ആലത്തറയിലെ ആ നാഥന്റെ മോനില്ലേ കാശി.....അവന് കളളനോട്ടിന്റെ ഇടപാടുണ്ടെന്ന്.... പനയ്ക്കലെ ജോസഫാ പറഞ്ഞതേ.....അവന്റെ മോൻ സെബിൻ ഇവനൊപ്പം ബാംഗ്ലൂരിലാ ജോലി ചെയ്യുന്നത് ....

ബെന്നി പറയുന്നതൊക്കെ ഒരമ്പരപ്പോടെ കേട്ടിരുന്നു ആദം..... ആന്നോ......ഇവനൊക്കെ എന്നാത്തിന്റെ കേടാന്നാ.....നല്ലൊരു ജോലിയുളളതല്ലേ അതിനു പുറമേ പത്ത് തലമുറകൾക്കുളളത്....അപ്പനപ്പാപ്പന്മാരായിട്ട് കരുതിയിട്ടുമുണ്ട്.....പിന്നെയും പണത്തിനാർത്തി കേറി നടക്കുവാ..... മ്മ് ഹം.....നിന്റെ ഫിനാൻസില് അവന് ഇടപാടൊന്നുമില്ലല്ലോ അല്ലേ..... ഒയ്യോ.....ആലത്തറക്കാരോ...അതും എന്റെ ഫിനാൻസിലെ ചിരിയോടവൻ പറഞ്ഞു...... അതേതായാലും നന്നായി.....അല്ലേ നിനക്കിട്ട് പണിതേനവൻ.....പിന്നെ ഇവനെയൊന്നും വിശ്വസിക്കാൻ പറ്റുകേല പണി തരുന്ന വഴി അറിയുകേല.....പണ്ട് ഇവന്റെ തന്ത ആ നാഥൻ അലക്സിച്ഛായനിട്ടൊരു പണി കൊടുത്തതോർമ്മയുണ്ടോ നീനക്ക്.....ഒരു കഞ്ചാവ് കേസ്.....ആറുമാസവാ അതിയാൻ ചെയ്യാത്ത തെറ്റിനകത്ത് കിടന്നത്....ദീർഘമായി നിശ്വസിച്ചു കൊണ്ട് പറഞ്ഞു.... അതിനു മറുപടിയായി ആദം ഒന്നമർത്തി മൂളി..... ❤❤❤ ദേ നോക്ക് ചേച്ചി.....ഇതാ മിട്ടു....ഇവൻ കുട്ടു....മുയലുകളെ കൈയിലെടുത്ത് പിടിച്ചു കൊണ്ട് ജാനിയ്ക്ക് പരീജയപ്പെടുത്തുകയായിരുന്നു കുഞ്ഞൂട്ടനും അല്ലിയും അവരുടെ കളിയിലും ചിരിയിലും പങ്കു ചേരുകയായിന്നു ജാനിയും.....

മോള് ദേവിയേച്ചിയെ കാണാൻ പോയാരുന്നോ.....ജോയ്സി അവളുടെ അടുത്തേക്ക് വന്നു..... ആഹ്...ഒരു ദിവസം ഇച്ഛായൻ കൊണ്ട് പോയാരുന്നു.....അമ്മയെ കണ്ടപ്പോഴാ നിക്ക് ശ്വാസം നേരെ വീണത്.....പുഞ്ചിരിയോടവൾ പറഞ്ഞു..... മ്മ്ഹം കൊച്ചിന്റെ അമ്മാവന്മാര് ദുഷ്ടന്മാരാ....താമരയ്ക്കലെ അലക്സിച്ഛായനോട് കാണിച്ചിട്ടുളള നെറി കേടുകൾക്ക് കണക്കില്ല.....പിന്നെ അല്ലി മോളെ.....വിതുമ്പലോടവർ പറഞ്ഞു കൊണ്ട് നിറകണ്ണുകൾ തുടച്ചു...... അറിയാം ചേച്ചി.....വല്യമ്മച്ചീ എന്നോട് അതേ പറ്റിയെല്ലാം പറഞ്ഞതാ.....ചേച്ചി അതൊന്നും ഓർത്തു വിഷമിക്കല്ലേ.....അല്ലി മോളുടെ മുന്നിൽ വച്ച് അതേ പറ്റി ഒരിക്കലും സംസാരിക്കരുത്.....പാവം എല്ലാം മറന്ന് സന്തോഷത്തോടെ വളരട്ടേ.....മുയലുകളെ കൊഞ്ചീക്കുന്ന അല്ലിയെ നോക്കി ക്കൊണ്ട് ജാനി പറഞ്ഞു...... മ്മ് ഹം.....കൊച്ചു മോനും ഇതൊക്കെ തന്നാ പറയുന്നത്.....എന്റെ മോളിന്ന് ജീവനോടിരിക്കുന്നത് താമരയ്ക്കലുളളവരുടെ കാരുണ്യം കൊണ്ടാ....കൊച്ചു മോൻ നല്ലവനാ.....

ജാനി മോളുടെ എല്ലാ ചികിത്സക്കും മുന്നിലുണ്ടാവും.....ബെന്നിച്ചായന്റെ അമ്മച്ചി അവിടത്തെ അടുക്കള പണിക്കാരിയായിരുന്നു.....ആ ബന്ധം മാത്രേ ഞങ്ങളുടെ കുടുംബവുമായി അവർക്കുളളൂ......എന്നിട്ടും സ്വന്തം പോലെയാ ഞങ്ങളെ കൊച്ചു മോൻ കരുതുന്നത് ......അല്ലി മോളുടെ എല്ലാ പിറന്നാളും ഓർത്ത് വച്ച് ഇന്നത്തെ പോലെ കുറേ സമ്മാനങ്ങളുമായി വരും.....എല്ലാ വർഷവും പതിവാ....ഇതുവരെ മുടക്കീട്ടില്ല.....ജാനി അവർ പറയുഅന്നതെല്ലാം ശ്രദ്ധയോടെ കേട്ടിരുന്നു..... ഓരോ നിമിഷവും ആദം കൂടുതൽ അവളുടെ ഹൃദയത്തിൽ ആഴ്ന്നിറങ്ങുന്നത് അവളറിയുകയായിരുന്നു..... ❤❤ കുഞ്ഞൂട്ടാ ഇച്ചനേയും ചാച്ചനേയും പോയി അത്താഴം കഴിക്കാൻ വിളിച്ചേച്ച് വായോ.....തീൻ മേശയിലേക്ക് അപ്പവും ചിക്കൻ കറിയും പായസവുമൊക്കെ കൊണ്ട് വയ്ക്കുകയായിരുന്നു ജാനിയും ജോയ്സും.... ഈ സമയം കുഞ്ഞൂട്ടൻ അവരെ അവിടേക്ക് വിളിച്ചു കൊണ്ട് വന്നു.... .... ആദം കുഞ്ഞൂട്ടനെയും മടിയിലിരുത്തി കഴിക്കാൻ തുടങ്ങി.....തൊട്ടടുത്തായി തന്നെ ജാനിയും അല്ലി മോളും ഇരുന്നു..... ടാ.....നിന്റെ കല്യാണവായിട്ട് വിരുന്നിനു വിളിച്ചില്ലാന്ന് ഇനി പരാതി വേണ്ട കേട്ടോടാ കൊച്ച് മോനേ......ബെന്നി ചിരിയോടെ പറഞ്ഞു......

അതിതിൽ പെടുകേല.....അത് വേറൊരു ദിവസം അല്യോ ചേടത്തി.....അന്ന് ചേച്ചിടെ വക സ്പെഷ്യൽ മലമ്പാറി മട്ടൻ ബിരിയാണി.....എന്നാ....ആദം ജോയ്സിയെ നോക്കി..... ഞങ്ങൾക്ക് സന്തോഷവേ ഉളളൂ......നിന്നെ കിട്ടണ്ടേ.....തിരക്കാന്ന് പറഞ്ഞു ഓടാൻ നിന്നാൽ പിന്നെ എന്നാ ചെയ്യും....ചിക്കൻ ഫ്ര പ്ലേറ്റിലേക്ക് വിളമ്പിക്കൊണ്ട് അവർ പറഞ്ഞു.... തിരക്കൊഴിഞ്ഞൊരു ദിവസം ഞങ്ങൾ എത്തിയേക്കാം അല്യോടീ ജാനി ക്കൊച്ചേ.....ആദം ജാനിയെ നോക്കി..... മറുപടിയായി പുഞ്ചിരിച്ചു.... അത്താഴം കഴിഞ്ഞു കുറച്ചു സമയം അവരവിടിരുന്ന ശേഷം താമരയ്ക്കലേക്ക് തിരിച്ചു.....ആദം ഫ്രഷ് ആയി താഴേക്ക് പോയി അവിടെ കണ്ണാപ്പീടെ കെട്ട് കല്യാണത്തിന് റിച്ചാർഡിനെ വിളിക്കണോ വേണ്ടായോ എന്ന് തീരുമാനിക്കുകയായിരുന്നു എല്ലാവരും.....ജാനി ഈ സമയം റൂമിലിരുന്നു ആദത്തിന്റെ ഡ്രസ് അയൺ ചെയ്യുകയായിരുന്നു..... അപ്പാ എന്നതാ അപ്പന്റെ അഭിപ്രായം......കൊച്ചപ്പനെ വിളിക്കണ്ടായോ.....ആദം അലക്സിനെ നോക്കി......

അമ്മച്ചി എന്നാ പറയുന്നു.....വിളിക്കണോ....അലക്സ് ഏലിയാമ്മയെ നോക്കി..... നമ്മുടെ കുടുംബത്തിലെ ആദ്യത്തെ കല്യാണവല്യോ.....എന്നതൊക്കെ പറഞ്ഞാലും നിന്റെ അപ്പന്റെ ചോരയല്ലേ അലക്സേ....നിന്റെ കൂടപിറപ്പ്.....വിളിച്ചോടാ മോനേ.....സഹോദരനോട് ഏഴെഴുപത് തവണ ക്ഷമിക്കാനല്ലേ കർത്താവ് പറഞ്ഞിരിക്കുന്നെ.... മ്മ്.....അപ്പോ അതിനു തീരുമാനവായി......ഇച്ഛായാ കല്യാണക്കുറി കൊടുക്കാൻ ഇച്ഛായൻ പോയാ മതി....ഞാനും അലോഷിയും അത്ര നല്ല ബോണ്ടിലല്ല....ആദം കണ്ണാപ്പീയെ നോക്കി... ആഹ്.....അതൊക്കെ ഞാനേറ്റു മാമനും കൂടി വരികേലേ കുറി കൊടുക്കാൻ .....കണ്ണാപ്പീ ആന്റണിയെ നോക്കി .... ആഹ്.....ഞാനും വരാടാവേ....നമുക്ക് നാളെ തന്നെ പോയേക്കാം എന്നാ ..... മ്മ്......പോവാം....കണ്ണാപ്പീ പുഞ്ചിരിയോടൃ പറഞ്ഞു.... ഈ സമയം ജോഷു അവിടേക്ക് വന്നു....ആദത്തോട് പുറത്തേക്ക് വരാൻ കണ്ണും കൈയും കാണിച്ചു...... ഹാ....എന്നാടാ ജോഷൂ.....ആദം പുറത്തേക്കിറങ്ങി വന്നു....

ഇച്ഛായാ ഞാൻ രണ്ടു ബോട്ടിൽ പെപ്സിയിൽ ഒരു ഫുൾ ബോട്ടിൽ റം മിക്സ് ചെയ്ത് നിങ്ങളുടെ കെട്ടിയോളെ ഏൽപ്പിച്ചിട്ടുണ്ടേ.... പെപ്സിയാന്നാ ആ കൊച്ചിനോട് പറഞ്ഞേക്കുന്നേ......ഇവിടത്തെ ചർച്ച കഴിഞ്ഞങ്കീ അങ്ങോട്ട് വിട്ടോ.....പിന്നെ നിങ്ങളടെ ജീപ്പിന്റെ ചാവി ഒന്ന് തരണേ..... അത് റൂമിലാടാ .....ടേബിളിനു അകത്തണ്ട് ചെന്നെടുത്തോ.....ആദം അലസമായി പറഞ്ഞു കൊണ്ട് തിരിഞ്ഞു നടക്കാൻ തുടങ്ങി.... അത് ഞാൻ പിന്നെ വന്നെടുത്തോളാം ഇപ്പൊ എനിക്കിച്ചിരി പണിയുണ്ടേ....പറഞ്ഞു കൊണ്ട് പോർച്ചീലേക്ക് പോയി..... ❤❤ ചർച്ചയൊക്കെ കഴിഞ്ഞു ആദം റൂമിലേക്ക് പോയി.....വാതിൽ തുറന്നു നോക്കുമ്പോൾ കാണുന്നത്....പാതി കാലിയാക്കിയ പെപ്സി ബോട്ടിൽ വായിലേക്ക് കമിഴ്ത്തി കൊണ്ട് നിക്കുന്ന ജാനിയെയാണ്............ തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...