🔥അരുന്ധതി [ 2 ] 🔥 : ഭാഗം 43

എഴുത്തുകാരി: ദിവ്യ സാജൻ  

അയ്യോ.....ഒറ്റക്കൊമ്പൻ......അല്ല മാമൻ.....ജോഷു അറിയാതെ പറഞ്ഞു പോയത് തിരുത്തി ക്കൊണ്ട് ഇളിച്ചു കാണിച്ചു..... അലക്സ് അവനെ രൂക്ഷമായി നോക്കി..... ഈ സമയം ആദം എറിഞ്ഞ ആ കാലിയാവാത്ത പെപ്സി ബോട്ടിൽ കൃത്യമായി അലക്സിന്റെ മുന്നിൽ വീണു കിടപ്പുണ്ടായിരുന്നു...... അലക്സിന്റെ നോട്ടം അതിലെത്തിയതും ജോഷു പതിയെ കുനിഞ്ഞ് അത് കൈയിലെടുത്ത് പരുങ്ങലോടെ അവനെ നോക്കി..... ഈ നേരം കൊണ്ട് ആദം പുറത്തേക്കിറങ്ങി വന്നിരുന്നു..... അലക്സിനെ കണ്ടതും ഞെട്ടി കൊണ്ട് അവിടെ തന്നെ നിന്നു..... ആദവും ജോഷും പരസ്പരം മുഖത്തോട് മുഖം നോക്കി കണ്ണ് കാണിക്കുന്നുണ്ടായിരുന്നു..... അവരുടെ പരുങ്ങൽ കണ്ടപ്പോൾ തന്നെ എന്തോ കാര്യമായിട്ടുണ്ടെന്ന് അലക്സിന് മനസിലായി..... ടാ.....ജോഷൂ എന്നാടാ....എന്നാത്തിനാ നീയൊക്കെ കഥകളി കാണിക്കുന്നെ അലക്സ് അലറി..... മ്മ്ച്ചും ഒന്നൂല്ല മാമാ.....ജോഷു ചുമലനക്കി..... ടാ....ജോഷൂ സത്യം പറഞ്ഞോ എന്നാടാ ഉണ്ടായേ......

അവൻ ഒച്ചയെടുത്തു ഈ സമയം ജോഷുവിന്റെ കൈയിലിരുന്ന കുപ്പിയിൽ അലക്സിന്റെ നോട്ടമെത്തി..... എന്നാടാ അത്...... ആദം ഞെട്ടിക്കൊണ്ട് നെഞ്ചിൽ കൈവച്ചു കൊണ്ട് ജോഷുവിനെ നോക്കി പറയല്ലേന്ന് തലയാട്ടി..... ഇത് പെപ്സിയാ മാമാ.....ജോഷു കൂളായി പറഞ്ഞു..... അലക്സ് വിശ്വാസം വരാതെ അവനെ വീണ്ടും നോക്കി......എന്നാ അതിങ്ങ് തന്നേ.....അവന് നേരെ കൈ നീട്ടി അലക്സ്.... മാമാ അത്.....അവന്റെ കൈയിൽ ഏൽപ്പിക്കാൻ വിസമ്മതിച്ചു താളം ചവിട്ടി ജോഷു..... ആദം ഉമിനീരക്കി കൊണ്ട് രണ്ടു പേരെയും മാറി മാറി നോക്കി..... ഇങ്ങോട്ട് താടാ അത്....പറഞ്ഞു കൊണ്ട് അലക്സ് അവന്റെ കൈയിൽ നിന്നും അത് പിടിച്ചു വാങ്ങി....തുറന്നു മണപ്പിച്ച് നോക്കി.....മൂക്ക് ചുളുക്കി കോണ്ട് മുഖം തിരിച്ചു.... എന്നാടാ ഇത്.....സത്യം പറയെടാ ജോഷൂ.....അലക്സ് ജോഷുവിനെ രൂക്ഷമായി നോക്കി..... ഏയ് .....അത് പെപ്സി തന്നാ അപ്പാ......ആദം ഇടയ്ക്ക് കയറി പറഞ്ഞു.... പ്ഫാ പന്ന.......മോനേ എന്നാടാ ഇത്....ജോഷുവിനെ കലിപ്പിൽ നോക്കി അലക്സ്..... ഇത് റം മിക്സ് ചെയ്ത കോളയാ മാമാ.....ആ ജാനിക്കൊച്ച് കുടിച്ചേന്റെ ബാക്കിയാ.....വന്ന ഫ്ലോയിൽ അറിയാതങ്ങ് പറഞ്ഞു പോയി ജോഷു....

തെണ്ടീ....ആദം അവനെ നോക്കി ചുണ്ടനക്കി..... അലക്സ് ആദത്തെ നോക്കി......ആദം തലകുമ്പിട്ട് നിന്നു..... നീയെന്നതാ പറഞ്ഞേ.....ആ പെങ്കൊച്ചിനെ കൊണ്ട് ഇത് കുടിപ്പിച്ചോടാ നീയൊക്കെ ......അമ്പരപ്പോടെ അലക്സ് ചോദിച്ചു..... കൊടുത്തതല്ലപ്പാ.....കോളയാന്ന് കരുതി അവളറിയാതെ കുടിച്ചതാ.....ആദം വിയർത്തു പോയി... അപ്പോ നിനക്കൊക്കെ ഇതാണ് പരിപാടി....മ്മ്ഹം.....ഇത് ഞാനറിഞ്ഞിട്ട് നാള് കൂറച്ചായി പിന്നെ തൊണ്ടിയോടെ പൊക്കാൻ കാത്തിരിക്കവാരുന്നു....അലക്സ് രണ്ടിനെയും ഒന്നിരുത്തി നോക്കി.... എടീ.....അന്നക്കൊച്ചേ.....അലക്സ് താഴേക്ക് നോക്കി ക്കൊണ്ട് വിളിച്ചു..... എന്നതാ ഇച്ഛായാ..... എല്ലാവരെയും വിളിച്ചോണ്ട് മേളിലോട്ടൊന്ന് വന്നേ.....ആദത്തെ ഒന്നിരുത്തി നോക്കി ക്കൊണ്ട് പറഞ്ഞു..... യ്യോ.....തമ്പുരാനെ.....എല്ലാ കൈവിട്ട് പോവാണല്ലോ....ആദം പിറുപിറുത്തു കൊണ്ട് ജോഷുവിനെ നോക്കി.....ജോഷു അവനെ നോക്കി നന്നായൊന്നിളിച്ചു..... ഈ നേരം കൊണ്ട് മറ്റുള്ളവർ മുകളിലേക്ക് കയറി വന്നു..... എന്നതാ ഇച്ഛായാ എന്നതാ കാര്യം.....ആന്റണി സ്റ്റെപ്പ് കയറി വന്ന് കൊണ്ട് ചോദിച്ചു..... ദേ നോക്കിയേ ഇവന്മാര് രണ്ടും കൂടി കാട്ടി കൂട്ടിയതെന്നതാന്ന്......

ദേ ഈ കുപ്പീല് റം മിക്സ് ചെയ്ത കോളയാ....കൊച്ചുമോന് കുടിക്കാൻ ജോഷു കൊണ്ട് കൊടുത്തതാ....പക്ഷെ കുടിച്ചതോ .....ജാനിക്കൊച്ചും..... അവൻ പറയുന്നത് കേട്ട് എല്ലാവരും അമ്പരപ്പോടെ രണ്ടിനെയും മാറി മാറി നോക്കി....ആരു വേഗം അകത്തേക്ക് ഓടി പോയി പിന്നാലെ മറ്റുളളവരും.... ജാനി ഈ സമയം നല്ല മയക്കത്തിലായിരുന്നു....അത് കണ്ടതും ആരുവിന് ഭയം തോന്നി.....ഇച്ഛായാ മോളെ ഹോസ്പിറ്റലിൽ കൊണ്ട് പോണ്ടേ.....പരിഭ്രമത്തോടെ ചോദിച്ചു..... അതൊന്നും വേണ്ടടീ അന്നക്കൊച്ചേ കെട്ട് വിടുമ്പോ താനേ എണീറ്റോളും ആദത്തെ ഒന്നിരുത്തി നോക്കി അലക്സ്..... കൊച്ചു ജാനിയെ തട്ടി വിളിച്ചെങ്കിലും ഞെരങ്ങി കൊണ്ട് തിരിഞ്ഞു കിടന്നു..... ഇച്ഛായാ.....ഐ.ലവ് .യു ഇച്ഛായാ.....ഇടക്കിടെ പുലമ്പുന്നുണ്ടായിരുന്നു......അത് കേട്ടതും അവിടെ കൂടിയവരുടെ മുഖത്ത് ചിരി തെളിഞ്ഞു.....ആദം ചമ്മലോടെ നെറ്റിയുഴിഞ്ഞു കൊണ്ട് തിരിഞ്ഞു നിന്നു..... ടാ......കഴുവേറി....എന്ത് പണിയാടാ നീ കാട്ടിയേ.....ഏലിയാമ്മ പാഞ്ഞു വന്നു ആദത്തിന്റെ കൈയിൽ ആഞ്ഞൊരടി വച്ച് കൊടുത്തു.... പറ്റിപ്പോയതാ വല്യമ്മച്ചീ.....

ദേ ഈ പര നാറിയാ അതവളുടെ കൈയിൽ കൊണ്ട് പോയി കൊടുത്തതേ....ജോഷുവിനെ നോക്കി കൈയിൽ തടവിക്കൊണ്ട് ആദം പറഞ്ഞു..... ഏലിയാമ്മ ജോഷുവിനെ ഒന്നിരുത്തി നോക്കി... ജോഷു അതിനു മറുപടിയായി ഒന്നിളിച്ചു...... രണ്ടിനെയും തല്ലി പുറത്താക്കുവാ വേണ്ടത്.....ഏലിയാമ്മ ഒച്ചയെടുത്തു..... രണ്ടും തല കുമ്പിട്ട് നിപ്പുണ്ടായിരുന്നു..... ഇതൊക്കെ കേട്ടും കണ്ടും ചിരി പൊട്ടി നിക്കാരുന്നു കണ്ണാപ്പീയും കൊച്ചുവും.... ഒരു കാര്യം ചെയ്യാം അമ്മച്ചി ഇവനൊക്കെ ഇതിനുള്ള പനിഷ്മെന്റ് കൊടുക്കണ്ടായോ.....ആന്റണി ജോഷുവിനെ കലിപ്പിൽ നോക്കി ക്കൊണ്ട് പറഞ്ഞു..... ഓ.....ഈ നാണം കെടുത്തിയതൊന്നും പോരായിരിക്കും ജോഷു പിറുപിറുത്തു..... എന്നതാടാ....പറഞ്ഞേ ആന്റണി അവന് നേരെ കൈയുയർത്തി..... ഞാനൊന്നും പറഞ്ഞില്ലേ......ജോഷു കെറുവിച്ചു.... ഒരു കാര്യം ചെയ്യാം.....കുളപ്പടവും പരിസരവും പുല്ല് പിടിച്ചു കിടക്കുവല്യോ....രണ്ടും കൂടി നാളെ അതൊക്കെ വെട്ടി തെളിച്ച് വൃത്തിയാക്കി ഇടട്ടേ......

തിന്നതൊക്കെ എല്ലിന്റെ ഇടേല് കേറുമ്പോഴല്ലേ ഇങ്ങനൊക്കെ തോന്നുന്നേ......ജോലിയെടുക്കുമ്പോ ആ കുത്തലങ്ങ് മാറി കിട്ടും അലക്സ് ആദത്തെ കടുപ്പിച്ച് നോക്കി...... ഞങ്ങള് റെഡിയാ അല്യോ ഇച്ഛായാ.....ജോഷു അതെങ്ങ് ഏറ്റുപിടിച്ചു.... ആദം അവനെ നോക്കി പല്ല് ഞെരിച്ചു..... ഇനി ഒരു കാര്യം കൂടി ഇനി ഇവനൊക്കെ ഈ തെറ്റ് ആവർത്തിക്കാതിരിക്കാൻ ഒരു കാര്യം കൂടി ചെയ്യണ്ടായോ.......കണ്ണാപ്പീ രണ്ടിനെയും നോക്കി...... ഓഹ് ഇങ്ങേരുടെ ഒരു കുറവ് കൂടേ ഒളളാരുന്നുളളൂ.....അതും ആയി.....അടുത്തിനി ചാട്ടക്കടിയായിരിക്കും......ജോഷു പിറുപിറുത്തു കൊണ്ട് ആദത്തെ നോക്കി..... അത് നേരാ......ടീ ആരുവേ നീ പോയി ആ ബൈബിൾ ഇങ്ങെടുത്തേച്ച് വന്നേ.....ഏലിയാമ്മ ആരുവിനെ നോക്കി..... ശരിയമ്മച്ചീ.....ആരു വേഗം താഴേക്ക് പോയി ബൈബിളുമായി തിരികെ വന്നു.............. തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...