🔥അരുന്ധതി [ 2 ] 🔥 : ഭാഗം 45

എഴുത്തുകാരി: ദിവ്യ സാജൻ  

ജാനി താഴെ ചെന്നപ്പോൾ ഉമ്മറത്ത് എല്ലാവരും ഇരുപ്പുണ്ടായിരുന്നു.....അവളെ കണ്ടതും . കഴിഞ്ഞ രാത്രിയിലെ കാര്യങ്ങൾ ഓർത്തു എല്ലാവരും കളിയാക്കി ചിരിക്കുന്നുണ്ടായിരുന്നു....ജാനി ഒന്നും മനസ്സിലാവാതെ അവരെ നോക്കി.....പക്ഷേ ഇന്നലെ കാര്യമായിട്ടെന്തൊക്കെയോ ഉണ്ടായിട്ടുണ്ടെന്ന് അവൾക്ക് മനസ്സിലായി......ജാനി വേഗം കൊച്ചുവിന്റെ കൈയും പിടിച്ച് കുളപ്പടവിലേക്ക് നടന്നു...... ഹാ.....എന്താ ജാനി.....നമ്മളെന്തിനാ ഇവിടേക്ക് വന്നത്.......കൊച്ചു ജാനിയെ നോക്കി കണ്ണുരുട്ടി..... ദേ കൊച്ചു.....എന്തിനാ എല്ലാവരും എന്നെ കാണുമ്പോ ചിരിക്കുന്നേ.....ശരിക്കും ഇന്നലെ എന്താ ഉണ്ടായേ..... ഹാ.....ഇച്ഛായനൊന്നും പറഞ്ഞില്ലായോ ജാനി ക്കൊച്ചേ....അവളെ കളിയാക്കിക്കൊണ്ട് പ്രത്യേക താളത്തിൽ പറഞ്ഞു..... ഇച്ഛായൻ രാവിലെ വാലും തുമ്പും പോയ പോലെന്തൊക്കെയോ പറഞ്ഞു എനിക്കെങ്ങും മനസ്സിലായില്ല...... ആന്നോ.....ഇന്നലെ രാത്രി എന്റെ കൊച്ച് പെപ്സി കുടിച്ചാരുന്നോ..... മ്മ് ഹം.....അതിനിപ്പോ എന്താ ഇച്ഛായനും ഇതൊക്കെ തന്നെയാ ചോദിച്ചേ.....കുടിച്ചത് മാത്രേ എനിക്ക് ഓർമ്മയുളളൂ......പിന്നെ എന്നതാ നടന്നേ..... അതോ.....കൊച്ചു നടന്നതെല്ലാം ജാനിയോട് പറഞ്ഞു..... എല്ലാം കേട്ട് കഴിഞ്ഞതും ജാനി ചമ്മലോടെ ചുണ്ടു ചുളുക്കി..... അയ്യേ.....ആകെ നാണക്കേടായല്ലോ.....

ഇതിപ്പോ എങ്ങനാ മറ്റുള്ളവരുടെ മുഖത്ത് നോക്കാ.....ശ്ശേ....മോശം ജാനി പിറുപിറുത്തു.... എന്നാലും എന്റെ ജാനി ഇന്നലെത്യോടെ ഒരു കാര്യം മനസ്സിലായി ഈ നെഞ്ചിനകത്ത് മുഴുവൻ ഇച്ഛായനാന്ന്.....എന്നാ ആയിരുന്നു.....ഇച്ഛായാ....ഐ...ലവ് ....യു.....ഇച്ഛായാ....ലവ് യൂ....അവളെ ഇടം കണ്ണാലെ നോക്കി കൊച്ചു.... ജാനി ചമ്മലോടെ മുഖം കുനിച്ച് നിന്നു..... ശ്ശോ......ജാനി തലയ്ക്ക് കൈ കൊടുത്തു...... ❤❤ രാവിലെ റൂമിൽ നിന്നും പുറത്തേക്ക് പോയ ജാനി അന്ന് മുഴുവനും ആദത്തിന് മുഖം കൊടുക്കാതെ നടന്നു.....ആദം ഇടക്കിടെ അവളെ വിളിച്ചു സംസാരിക്കാൻ തുനിഞ്ഞെങ്കിലും അവൾ അവന് മുന്നിൽ പെടാതെ കഴിച്ചു കൂട്ടുകയായിരുന്നു.....ആദത്തിനൊന്ന് മുഖം കാണിക്കാൻ കൂടി കിട്ടിയില്ല.....അവളുടെ പരിഭവം അവനെ വല്ലാതെ നോവിച്ചു..... ❤❤ അന്ന് വൈകുന്നേരം കല്യാണം പ്രമാണിച്ച് ജോയലും ലച്ചുവും ലാൻഡായിരുന്നു.... അത്താഴം കഴിഞ്ഞു എല്ലാവരും കൂടി കൊച്ചുവിന്റെ റൂമിൽ ഒരുമിച്ചിരുന്ന് ഒരുപാട് നേരം സംസാരിച്ചിരുന്നു .....കുറച്ചു കഴിഞ്ഞു ജാനി റൂമിലേക്ക് തിരികെ പോയി.....

ആദം രാത്രി റൂമിലേക്ക് ചെല്ലുമ്പോൾ ജാനകി റൂമീന് പുറത്ത് ബാൽക്കണിയിൽ നിപ്പുണ്ടായിരുന്നു........ആദം അവളുടെ അടുത്തേക്ക് ചെന്നപ്പോൾ തന്നെ ജാനി അകത്തേക്ക് പോവാൻ തുടങ്ങി ഉടനെ ആദം അവളുടെ കൈയിൽ പിടുത്തമിട്ടൂ.. ജാനി അവനെ മുഖമുയർത്തി നോക്കി..... ഹാ.....ജാനുമ്മ......എന്നാടി ഇത് എന്തൊരു വാശിയാ പെണ്ണേ നിനക്ക്......പറഞ്ഞു കൊണ്ട് അവളെ അരയിലൂടെ കൈചേർത്ത് തന്നോട് ചേർത്ത് നിർത്തി....... ജാനി മുഖം കൂർപ്പിച്ചു അവനെ നോക്കി..... ഹോ.....മതിയാക്കടീ പൂച്ചക്കണ്ണീ......ഞാൻ രാവിലെ അങ്ങനെ ചെയ്തത് നിന്നെ അത്രമാത്രം നോവിച്ചോടീ......അവളുടെ മുഖം കൈകുമ്പിളിൽ എടുത്ത് കൊണ്ട് ചോദിച്ചു മറുപടിയായി മുഖം താഴ്ത്തി അവൾ ...... ഹാ.....ജാനുമ്മ പോട്ടേടീ......ഞാൻ അപ്പോഴത്തെ ആവേശത്തില് ചെയ്ത് പോയതാടീ.... പൊറുത്തേരെ......ദേ ഇപ്പൊ പറയാ ഇനി അങ്ങനൊന്നും ഉണ്ടാവുകേലാ..... എന്നൊന്നും ഞാൻ പറയുകേല.....ദേ കാന്താരീ......ഒന്ന് ഉമ്മിച്ചതിന് വെറുതെ പിണങ്ങി നടന്നാലുണ്ടല്ലോ.....അവൻ കളളച്ചിരിയോടെ അവളെ നോക്കി ജാനി മുഖം കൂർപ്പിച്ചു വീണ്ടും അവനെ നോക്കി...... അതേ.....ഞാൻ നിന്റെ കെട്ടിയോനല്യോ.....അപ്പോ പിന്നെ ഒന്നുമ്മിക്കാനുളള സ്വാതന്ത്ര്യം പോലുവില്ലേടീ.....ഹേ......അവളെ നോക്കി പിരികമുയർത്തി.....

ഉമ്മിക്കുമ്പോ ഒരു മയത്തിലുമ്മിക്കണ്ടേടോ താന്തോന്നി ചെക്കാ.....ഇതൊരുമാതിരി പട്ടിണി കിടന്നിട്ട് ചിക്കൻ കാല് കടിച്ചു പറിക്കുന്ന പോലെ......അവനെ നോക്കി ചുണ്ട് ചുളുക്കിക്കൊണ്ട് പറയുന്നവളെ കണ്ണ് മിഴിച്ച് നോക്കി നിന്നു പോയി ആദം...... അപ്പോ നീ പിണങ്ങി നടന്നത് ഉമ്മിച്ചോണ്ടല്ലേ..... മ്മ് ഹം.....ഇല്ലെന്ന് തലയാട്ടി....... ശ്ശോ ഇതൊന്ന് നേരത്തെ പറയാൻ മേലാരുന്നോ നിനക്ക്.....മനുഷ്യനെ വെറുതെ തീ തീറ്റിച്ചല്ലോടീ പെണ്ണേ നീ ..........അത് സാരവില്ല അതിനുളളത് ഞാൻ ഇപ്പൊ തന്നെ തന്നേക്കാം പറഞ്ഞു കൊണ്ട് അവളുടെ അധരത്തിൽ അധരം പതിപ്പിച്ചു .... ❤❤ ദിവസങ്ങൾ ആരെയും കാത്ത് നിൽക്കാതെ മുന്നോട്ട് പാഞ്ഞു.......നാളെയാണ് കണ്ണാപ്പീയുടെയും അനുവിന്റെയും കല്യാണം.....ഒരാഴ്ചക്ക് മുന്നെ തന്നെ താമരയ്ക്കലെ എല്ലാ ബന്ധുക്കളും അവിടെ എത്തിയിരുന്നു.....അത് കൊണ്ട് തന്നെ വീട്ടിലെ പെണ്ണുങ്ങൾക്ക് നിന്ന് തിരിയാൻ നേരം ഉണ്ടായില്ല.......അലക്സ് കല്യാണാവശ്യങ്ങൾക്കായി ഓടി നടക്കുന്നത് കാരണം എസ്റ്റേറ്റിലെ കാര്യം കൂടി ആദമിന്റെ ചുമലിലായി......

അത് കൊണ്ട് തന്നെ ആദം നല്ല തിരക്കിലായിരുന്നു........രാവിലെ എസ്റ്റേറ്റിലേക്ക് പോയി അവിടത്തെ കാര്യങ്ങളെല്ലാം ചെയ്തു കഴിഞ്ഞാണ് ഫിനാൻസിലേക്ക് പോവുന്നത്.....പിന്നെ വീട്ടിലെ ആവശ്യങ്ങൾക്ക് വേറെയും ഒരാഴ്ചയായിട്ട് ജാനകിയോടൊന്ന് സംസാരിക്കാനോ ഒന്ന് കാണാൻ കൂടി കഴിഞ്ഞില്ല.... ജാനിയുടെ കാര്യും മറിച്ചായിരുന്നില്ല......അടുക്കളയിൽ നിന്നും പുറത്ത് വരാൻ നേരം കിട്ടിയില്ല.....ആദം ഉണരുന്നതിന് മുന്നേ അവൾ അടുക്കളയിലേക്ക് പോയാൽ പിന്നെ തിരിച്ചു വരുന്നത് രാത്രിയിലാണ്.....അപ്പോഴേക്കും ആദം ഉറക്കം പിടിച്ചിരിക്കും....പരസ്പരം മിണ്ടാതെയും പറയാതെയും വീർപ്പുമുട്ടുന്നുണ്ടായിരുന്നു രണ്ടു പേരും.... ❤❤ രാവിലെ കൊച്ചു ചെടിയ്ക്ക് വെളളമൊഴിച്ച് കൊണ്ട് മുറ്റത്ത് നിക്കാരുന്നു....... ഈ സമയം തന്റെ മുന്നിലായ് ഒരു കാർ വന്നു നിന്നു.....അതിൽ നിന്നും ഇറങ്ങി വരുന്ന താമരയ്ക്കലച്ഛനെ കണ്ട് അവൾ പുഞ്ചിരിച്ചു കൊണ്ട് അടുത്തേക്ക് പോയി......പക്ഷേ ഈ സമയം കാറിന്റെ ഡ്രൈവിങ്ങ് സീറ്റ് തുറന്ന് ഇറങ്ങി വരുന്ന ആളെ കണ്ട് അമ്പരന്ന് നിക്കാരുന്നു അവൾ............. തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...