🔥അരുന്ധതി [ 2 ] 🔥 : ഭാഗം 48

എഴുത്തുകാരി: ദിവ്യ സാജൻ  

കിടന്നു കാറാതെന്റെ ജാനൂമ്മാ.....ഇച്ഛായനാടീ പെണ്ണേ.....അവളെ ഉയർത്തിയെടുത്ത് നിലത്തേക്ക് നിർത്തി ആദം.... ജാനി പെട്ടെന്ന് തിരിഞ്ഞു നോക്കി കളളച്ചിരിയോടെ നിൽക്കുന്നവനെ കൂർപ്പിച്ചു നോക്കി...... ഹാ.....ഇങ്ങനെ നോക്കല്ലേ പെണ്ണേ......ചിരിയോടെ പറഞ്ഞു കൊണ്ട് നെഞ്ചിൽ കൈവച്ചു കിതപ്പാറ്റുന്നവളെ ചേർത്ത് പിടിച്ചു..... ഹാ നീ എന്നാത്തിനാടീ ഇങ്ങനെ കിതയ്ക്കുന്നേ.....കുറുമ്പോടെ ചോദിച്ചു ആദം.... ദേ ഇച്ഛായാ പേടിച്ചു പോയീട്ടോ ഞാൻ......അവന്റെ നെഞ്ചിൽ തല്ലിക്കൊണ്ട് പറഞ്ഞു..... എടീ കെട്ടിയോളെ നിന്നെ കേറി പിടിക്കാൻ ഈ വീട്ടീന്ന് ഞാനല്ലാതെ വേറെ ആരും വരുകേല പിന്നെ എന്നാത്തിനാ നീ പേടിക്കുന്നേ.... രാത്രി.....അതും ഒറ്റയ്ക്ക് പുറത്തേക്കിറങ്ങി വരാൻ പറഞ്ഞിട്ട് പേടിപ്പിച്ചതും പോരാ ഓരോന്ന് പറയുന്നത് കേട്ടില്ലേ.....

.താന്തോന്നി ചെക്കൻ....കെറുവിച്ചു കോണ്ട് പറയുന്നവളെ പുഞ്ചിരിയോടെ നോക്കി ആദം.... വാ.....നമുക്ക് ഒരിടം വരെ പോവാം.....പറഞ്ഞു കൊണ്ട് അവളെയും ചേർത്ത് പിടിച്ചു നടന്നു.....ഒരു ചെറിയ ഇടവഴിയിലൂടെ നടന്നു..... ഇച്ഛായാ നമ്മളെവിടേക്കാ പോണത്....അവന്റെ കൈയിൽ മുറുകെ പിടിച്ചു കൊണ്ട് ചോദിച്ചു..... ഹാ.....ഒന്നടങ്ങെന്റെ കൊച്ചേ.....ഇച്ചിരൂടെ പോയാ മതി.....പറഞ്ഞു കൊണ്ട് വീണ്ടും നടന്നു....അധികം വൈകാതെ അവർ കായലിനോട് ചേർന്ന് ഒരു കുഞ്ഞ് വീടിനടുത്തെത്തി..... ആദം അവളെയും ചേർത്ത് പിടിച്ചു മുന്നോട്ട് നടന്നു....മുറ്റത്തെയപ്പോളാണ് ആദമിന്റെ ബുളളറ്റ് അവിടെ പാർക്ക് ചെയ്തിരിക്കുന്നത് ജാനി കണ്ടത്...... ഇച്ഛായാ......

ദേ ഇച്ഛായന്റെ ബുളളറ്റ് ഇരിക്കുവാണല്ലോ ഇവിടെ.....ജാനി അമ്പരപ്പോടെ ചോദിച്ചു ഞാൻ അത് നേരത്തെ കൊണ്ട് വച്ചതാടി കൊച്ചേ......ഇതോടിച്ച് വരാന്ന് വെച്ചാ വീട്ടിലുളളവരും നാട്ടിലുളളവരും അറിയും.....അതാ....കളളച്ചിരിയോടെ പറഞ്ഞു..... മ്മ്......ആള് കൊളളാലോ.....പിരികമുയർത്തി കൊണ്ട് പറഞ്ഞു..... പിന്നേ.....കുറുമ്പോടെ അവളെ നോക്കി..... പടി കടന്നകത്തേക്ക് ചെന്ന് വീടിന്റെ വാതിൽ തുറന്ന് അകത്തേക്ക് കയറി രണ്ടു പേരും ......ഒരൊറ്റ മുറി വീടായിരുന്നത്....അകത്ത് ഒരു ബെഡും ചെറിയൊരു കബോഡും ഒരു ചെയറും മാത്രേ ഉണ്ടായിരുന്നുളളൂ ഇച്ഛായാ.....ഇത്....ഇതാരുടെ വീടാ ന...നമ്മളെന്താ ഇവിടെ......ചെറിയൊരു പരിഭ്രമത്തോടെ ചോദിച്ചു..... ഇത് വല്യപ്പച്ചന്റെ വീടാ.....ഭാഗം വച്ചപ്പോ അപ്പന് കിട്ടിയതാ....

ഞാനും ജോഷുവും കൂടി ഇടയ്ക്കിടെ ഇവിടേക്ക് വരാറുണ്ട് രണ്ടെണ്ണം വീശാൻ തോന്നമ്പോഴെ......കുടിക്കുന്നതായി ആംഗ്യം കാട്ടി കണ്ണിറുക്കി കൊണ്ട് പറഞ്ഞു ..... നീ വാ നമുക്ക് കുറച്ചു നേരം പുറത്തിരിക്കാം പറഞ്ഞു കൊണ്ട് ആദം അവളെയും കൊണ്ട് പുറത്തേക്ക് പോയി.......ചെറിയൊരു മുറ്റം.......മുറ്റത്തോട് ചേർന്നാണ് കായൽ..... രണ്ടാളും മുറ്റത്തുളള മാവിൻ ചോട്ടിലായി ഇരുന്നു.....നിലാ വെട്ടത്തിലെ കായൽക്കാഴ്ച വളരെ മനോഹരമായി തോന്നി ജാനിക്ക്.......തണുത്ത കാറ്റ് അവരെ വന്ന് പൊതിഞ്ഞു കൊണ്ടിരുന്നു.....കാറ്റിലൂടെത്തുന്ന താഴാമ്പൂവിന്റെ സുഗന്ധം അവരെ മത്ത് പിടിപ്പിക്കുന്നുണ്ടായിരുന്നു ......കുറച്ചു നേരം അങ്ങിനിരിക്കെ നല്ല തണുപ്പ് തോന്നിയവൾക്ക്.....ചെറുതായി വിറ കൊണ്ടതും ആദം അവളെ ചേർത്ത് പിടിച്ചിരുന്നു....

.ജാനി അവന്റെ നെഞ്ചിൽ ചേർന്നിരുന്നു......ആദമിന്റെ നോട്ടം അവളെയടിമുടി തഴുകി കൊണ്ടിരുന്നു....ജാനിയക്ക് ചെറിയൊരു പിടപ്പ് തോന്നി...... ഇച്ഛായാ നമുക്കു തിരിച്ചു പോണ്ടേ.....വീട്ടില് അന്വേഷിക്കില്ലേ.....പരിഭ്രമത്തോടെ ചോദിച്ചു..... നമ്മളിന്നിവിടെയാ തങ്ങുന്നേ.....പറഞ്ഞു കൊണ്ട് ആദം എഴുന്നേറ്റു.... ഇ....ഇവിടെയോ.....ഇടർച്ചയോടവൾ ചോദിച്ചു.... മ്മ്.....വാ പറഞ്ഞു കൊണ്ട് തിരിഞ്ഞു നടക്കാൻ തുടങ്ങിയപ്പോഴാണ് കഴുത്തിലണിഞ്ഞിരുന്ന മിന്ന് നിലത്തേക്ക് വീണതവൾ ശ്രദ്ധിച്ചത്..... അയ്യോ ഇച്ഛായാ .....ദേ മിന്ന് നിലത്ത് വീണു കിടക്കാ.....പറഞ്ഞു കൊണ്ട് കുനിഞ്ഞ് നിലത്ത് നിന്നും മിന്ന് കൈയിടുത്ത്.....അതിൽ പറ്റീയ മണ്ണ് തട്ടിക്കളഞ്ഞു.....

അതിങ്ങ് തന്നേ......ആദം മിന്ന് കൈയിൽ വാങ്ങി നിവർത്തി നോക്കി .....ഇത് പൊട്ടീട്ടില്ല....ലോക്ക് തുറന്നു പോയതാ.....പറഞ്ഞു കൊണ്ട് അവളെ നോക്കി..... പതിയെ അവളെ തന്നോട് ചേർത്ത് നിർത്തി കൊണ്ട് മിന്ന് അവളുടെ കഴുത്തിൽ അണിഞ്ഞു കൊടുത്തു...... ഇച്ഛായാ..... ഈ മിന്ന് എന്നും എന്റെ കഴുത്തിലുണ്ടാവണം.....ഒരിക്കലും എന്നെ ഉപേക്ഷിച്ചു പോവല്ലേ ഇച്ഛായാ.....പറഞ്ഞു കൊണ്ട് അവന്റെ നെഞ്ചിലേക്ക് ചാഞ്ഞു..... നീ കേട്ടിട്ടില്ലേ വിവാഹ ഉടമ്പടിയെ കുറിച്ച് പറഞ്ഞു കൊണ്ട് ആദം മിന്ന് കൈയിലെടുത്തു..... ആദം എന്ന ഞാൻ ജാനകി എന്ന നിങ്ങളെ ഇനിയുള്ള കാലം നന്മയിലും തിന്മയിലും സമ്പത്തിലും ദരിദ്രതയിലും .....

ദീനത്തിലും സുഖത്തിലും മരണം നമ്മെ വേർപ്പെടുത്തുന്നതൂ വരെ വിശുദ്ധ നിയമ പ്രകാരം സ്നേഹിക്കാനും സംരക്ഷിക്കാനും എന്റെ ഭാര്യയായി ഏറ്റ് കൊളളുന്നു.....പുഞ്ചിരിയോടെ പറഞ്ഞു നിർത്തി ക്കൊണ്ട് അവളെ നോക്കി.... ജാനി അവന്റെ നെഞ്ചിലേക്ക് ചാഞ്ഞു..... അപ്പോ കെട്ടിയോളേ നിനക്ക് സമാധാനവായില്ലേ.....എന്റെ അവസാനത്തെ ഹൃദയമിടിപ്പ് എന്നിൽ നിന്നകലുന്നത വരെ എന്റെ പെണ്ണ് നീയായിരിക്കും.....പറഞ്ഞു കൊണ്ട് അവളുടെ നിറുകിൽ ചുമ്പിച്ചു..... ദേ പെണ്ണേ പിന്നൊരു ഒരു കാര്യം കൂടി കർത്താവ് പറയുന്നുണ്ട് .....പുരുഷൻ തന്റെ അപ്പനേയും അമ്മയേയും വിട്ട് ഭാര്യയോട് പറ്റിച്ചേരും അവർ രണ്ടു പേരും ഒരേ ശരീരമായിത്തീരും.....

നമുക്കും ഒന്നായിത്തീരണ്ടേടി.....മീശമുറുക്കി കളളച്ചിരിയോടെ അവളെ നോക്കി ആദം..... എന്താ ഉദ്ദേശം.....നെറ്റിചുളുച്ചു കൊണ്ട് ജാനി ചോദിച്ചു.... കട്ട് തിന്നാമ്പോവാ പറഞ്ഞു കഴിഞ്ഞു അവളെ വലിച്ചു നെഞ്ചിലേക്കിട്ടിരുന്നു ആദം..... തെല്ലൊരു പരിഭ്രമത്തോടെ അവളവനെ നോക്കി..... എന്നാടീ പേടിയുണ്ടോ നിനക്ക്.....കുറുമ്പോടെ ചോദിച്ചു കൊണ്ട് അവളുടെ അധരം പെരു വിരലാൽ തഴുകി..... മറുപടി പറയാതെ മുഖം കുനിച്ച് നിന്നു ജാനി..... ആലത്തറയിലെ ഈ തമ്പുരാട്ടിയെ ഈ താന്തോന്നിയുടേതാക്കിക്കോട്ടേടീ...... ജാനി ആ നിൽപ്പ് തന്നെ തുടർന്നു..... ഇനിയും എന്നെ ഉൾകൊള്ളാൻ കഴിഞ്ഞില്ലേടീ ജാനുമ്മ .....

മുഖം കുനിച്ച് നിക്കാരുന്നവളുടെ മുഖം പിടിച്ചുയർത്തി കൊണ്ട് ചോദിച്ചു ആദം..... മറുപടി പറയാതെ നിന്നു ജാനി....അത് കാണേ വല്ലാതൊരു നോവ് തോന്നിയവന്....അതിനു തെളിവെന്നോണം അവന്റെ മുഖത്തെ പ്രസരിപ്പ് മങ്ങി ... സാരവില്ല ഞാൻ കാത്തിരുന്നോളാം.....എത്ര നാൾ വേണമെങ്കിലും......ഒരു ദീർഘ നിശ്വാസത്തോടെ പറഞ്ഞു കൊണ്ട് ആദം മുന്നോട്ട് നടന്നു.... ഇച്ഛായാ......ജാനി അവന്റെ കൈയിൽ പിടിമുറുക്കി.... ആദം തിരിഞ്ഞു നോക്കിയതും അവളവനെ മുറുകെ പുണർന്നു.....പെട്ടെന്ന് ആയത് കൊണ്ട് അവൻ പിന്നിലേക്കൊന്ന് വേച്ച് പോയി.... എനിക്ക് ഈ നസ്രാണി ചെക്കന്റെ മാത്രാവണം....

.ഈ താന്തോടീ മാത്രം ജാനി ക്കൊച്ചാവണം.....മുഖമൂയർത്തി ക്കൊണ്ട് അത് പറയുമ്പോൾ ജാനിയുടെ മുഖം ചുവപ്പണിഞ്ഞു..... അത് കണ്ടതും ആദത്തിന്റെ മുഖം തെളിഞ്ഞു.... അവളെ തന്നിലേക്ക് ചേർത്ത് കൊണ്ട് ചുമ്പനങ്ങളാൽ മൂടി......അവളെയും കൈകളിൽ കോരിയെടുത്തു കൊണ്ട് റൂമിലേക്ക് നടന്നു ആദം....അതു വരെ കാത്ത് സൂക്ഷിച്ച പ്രണയം ഒട്ടും ചോരാതെ അവളിലേക്ക് പകരാൻ അവനുളളം വെമ്പി.....തന്റെ പ്രണനായവന്റെ നല്ല പാതിയാവാൻ അവളും കൊതിച്ചു............ തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...