🔥അരുന്ധതി [ 2 ] 🔥 : ഭാഗം 50

എഴുത്തുകാരി: ദിവ്യ സാജൻ  

ആദം അവളുടെ മുഖം ചൂണ്ട് വിരലാൽ ഉയർത്തികൊണ്ട് വശ്യതയോടെ അവളെ നോക്കി......അവന്റെ കണ്ണുകളുടെ ഭാവം കാണേ നെഞ്ചിടിപ്പ് വല്ലാതെ ഉയർന്നു വരുന്നതവളറിഞ്ഞു..... അവന്റെ നോട്ടം താങ്ങാനാവാതെ മിഴികൾ താഴ്ത്തി വീണ്ടും ..... ആദം അവളുടെ മുഖം കൈകുമ്പിളിൽ കോരിയെടുത്തു കൊണ്ട് അധരം കവർന്നു.....ശ്വാസം തടസ്സമായതും രണ്ടു പേരും പരസ്പരം അകന്ന് മാറി...... നെഞ്ചിൽ കൈവച്ചു കിതപ്പോടെ അവളവനെ തന്നെ നോക്കി നിന്നു...... ജാനുമ്മ.....താങ്ക്സ്......മീശമുറുക്കികൊണ്ട് അവൻ പറഞ്ഞു..... മ്മ്ഹം......എന്തിനാ ഇച്ഛായാ.....സംശയത്തോടെ അവനെ നോക്കി.... അതോ......എന്റേത് മാത്രമായതിന്.....കുസൃതിയോടെ പറഞ്ഞു കൊണ്ട് അവളെ നെഞ്ചോരം ചേർത്ത് പിടിച്ചു..... അവന്റെ സ്നേഹത്തണലിൽ ആ നെഞ്ചിൽ ചൂടേറ്റ് കണ്ണുകൾ കൂമ്പിയടച്ചു ജാനി..... പതിയെ അവളെ ബെഡിലേക്ക് കിടത്തികൊണ്ട് അവളിലേക്കമർന്നു ആദം....വീണ്ടും അവളെ അറിയാനായി..... ❤❤ ദേവി അടുക്കളയിൽ ഇരുന്ന് കറിയ്ക്ക് വേണ്ട പച്ചക്കറി നുറുക്കുകയായിരുന്നു..... ഈ സമയം നാഥൻ ഒരു സ്യൂട്ട്കേസുമായി അവിടേക്ക് വന്നു.....

അയാളെ കണ്ടതും ദേവി എഴുന്നേറ്റ് നിന്നു...... ആഹ്.....ദേവി നീ ഒറ്റയ്ക്കേ ഉളളോ ഇവിടുത്തെ ജോലിയൊക്കെ ചെയ്തു തീർക്കാൻ അവളുമ്മാരെവിടെ പോയി.....കപട സ്നേഹം നടിച്ച് അവളോട് ചോദിച്ചു..... അയാളിലെ മാറ്റം കണ്ട് അമ്പരപ്പോടെ നിക്കാരുന്നു ദേവി..... ആഹ് ദേവി ജാനി മോള് വിളിക്കാറുണ്ടോ നിന്നെ......അയാൾ ഉളളിലെ പക പുറത്ത് കാട്ടാതെ ചോദിച്ചു..... ഇല്ല....ഏട്ടാ.....എന്തേ.....ചോദിച്ചത്.... ഞാൻ വെറുതെ ചോദിച്ചതാ.....അവള് ഡോക്ടറാവാൻ പഠിക്കുവാരുന്നതല്ലേ ....പഠനം വഴിയിൽ വച്ച് മുടങ്ങി അല്ലേ...... മ്മ് ഹം....മൂളിക്കൊണ്ട് അയാളെ നോക്കി.... ഇനിപ്പോ ആ താമരയ്ക്കലെ ചെക്കൻ അവളെ പഠിപ്പിക്കോ.... അറിയില്ല ഏട്ടാ.....മുഖം കുനിച്ച് കൊണ്ട് പറഞ്ഞു.... ആഹ് ഒരുപാട് കാശു വേണ്ടി വരുവല്ലോ പഠിപ്പിക്കാൻ അല്ലേ..... മ്മ്ഹം...... ദാ ഇതില് പത്ത് ലക്ഷം രൂപയുണ്ട് നീയിത് കൊണ്ട് പോയി ആ ചെക്കനെ ഏൽപ്പിച്ചിട്ട് അവളെ പഠിപ്പിക്കാൻ പറയ്.....അവളെങ്കിലൂം പഠിച്ച് രക്ഷപെടട്ടേ....സ്യൂട്ട്കേസ് അവർക്ക് നേരെ നീട്ടി ക്കൊണ്ട് അയാൾ പറഞ്ഞു.... ഏട്ടാ അത്.....ഞാൻ......അത്ഭുതത്തോടെ അയാളെ നോക്കി അവൾ..... വാങ്ങിച്ചോ ദേവീ.....ഇത് അവൾക്ക് വേണ്ടി അച്ഛൻ കരുതിയ പണവാ.....

ബാങ്കിൽ ഡെപ്പോസിറ്റ് ചെയ്തിരുന്നത്.....വർഷങ്ങളായില്ലേ.....ഇപ്പോ അത് പെരുകി പത്ത് ലക്ഷത്തോളം ആയി.....പിന്നെ സ്ത്രീധനമായും അവൾക്കൊന്നും കൊടുത്തില്ലല്ലോ....നീ ഇത് കൊണ്ട് പോയി ആ ചെക്കനെ ഏൽപിക്ക് അവനിപ്പോ ഫിനാൻസിലുണ്ടാവും.....ഇവിടെ ജംഗ്ഷന്റെ അടുത്ത് തന്നാ....ഇനി ഇവിടെ വച്ച് അനാവശ്യമായി ചിലവാക്കണ്ട..... നമ്മുടെ കുടുംബത്തിൽ നിന്നൊരു ഡോക്ടർ എന്ന് പറഞ്ഞാൽ അന്തസ്സല്ലേ....ചതി ഉളളിലൊളിപ്പിച്ച് അയാൾ പറഞ്ഞു...... നാഥൻ പറയുന്നതൊക്കെ വിശ്വസിക്കാനാവാതെ നോക്കി നിന്നു ദേവി.... അയാൾ നിർബന്ധപൂർവ്വം കാശ് അവരെ ഏൽപ്പിച്ചു.....ദേവി അത് കൈയിൽ വാങ്ങി.....നാഥന്റെ പെട്ടെന്നുളള മാറ്റം അവരെ ഒരുപാട് സന്തോഷിപ്പിച്ചു....പക്ഷെ അതീനു പീന്നീലെ ചതി അവരറിയാതെ പോയി..... ദേവി നീ വേഗം റെഡിയായി വാ ഞാനും ഇപ്പൊ ജംഗ്ഷനിലേക്ക് പോവാ നിന്നെ അവിടെ കൊണ്ട് ചെന്നാക്കാം....അയാൾ വീണ്ടും പറഞ്ഞു..... കാശ് ഞാൻ നാളെ ഏൽപ്പിക്കാം ഏട്ടാ...പറഞ്ഞു കൊണ്ട് അവൾ പെട്ടി തുറന്നതും....അയാൾ അവളെ തടഞ്ഞു.....എണ്ണി തിട്ടപ്പെടുത്തി വച്ചിരിക്കയാ....നീ അതിങ്ങ് താ.....

നിനക്ക് മടിയാണെങ്കിൽ സീതയോട് പറഞ്ഞു കൊടുപ്പിക്കാം....പറഞ്ഞു കൊണ്ട് മുന്നോട്ട് നടന്നു..... വല്യേട്ടാ....ഞാ....ഞാൻ തന്നെ കൊണ്ട് കൊടുക്കാം.....പറഞ്ഞു കൊണ്ട് അവൾ വേഗം റെഡിയാവാനായി പോയി..... അവർ പോകുന്നത് നോക്കി ഗൂഢമായി ചിരിക്കുകയായിരുന്നയാൾ..... അയാൾ വേഗം കാശിയെ ഫോണിൽ വിളിച്ചു..... കോൾ കണ്ടതും കാശി അറ്റണ്ട് ചെയ്തു..... ഹലോ.....കാശി ഞാൻ പണം ദേവിയെ ഏൽപ്പിച്ചിട്ടുണ്ട് അധികം വൈകാതെ ഫിനാൻസിലേക്ക് തിരിക്കും.....നീ അറിയിക്കേണ്ടവരെയൊക്കെ അറിയിച്ചോ.....ചിരിയോടെ അയാൾ പറഞ്ഞു.... ആ പണം ഫിനാൻസിലെത്തി നിമിഷങ്ങൾക്കകം പോലീസ് അവിടെ എത്തും.....അതോർത്ത് അച്ഛൻ ടെൻഷനാവണ്ട..... കാശി പറയുന്നത് കേട്ട് അയാൾ ചിരിച്ചു .... എനിക്ക് ടെൻഷനൊന്നുമില്ല മോനേ....ആ ഒറ്റക്കൊമ്പന്റെ മോൻ നരകിക്കണം.....മുടിഞ്ഞ് കുത്തു പാളയെടുക്കണം അത് കണ്ടാൽ മതിയെനിക്ക്......പല്ലു ഞെരിച്ച് കൊണ്ട് പറഞ്ഞു..... ❤❤ ആദത്തിന്റെ നഗ്നമായ വിരിമാറിൽ തലചായ്ച് കിടക്കുകയായിരുന്നു ജാനി.....അവന്റെ ശരീരത്തിലെ വിയർപ്പുതുളളികളെ ചുണ്ടുകളാൽ ഒപ്പിയെടുക്കുകയായിരുന്നവൾ.....ജാനിയുടെ നിറുകിലെ മാഞ്ഞു കിടക്കുന്ന സിന്ദൂരത്തിലും ചുവപ്പണിഞ്ഞ കവിൾത്തടങ്ങളും ചുമ്പനങ്ങളാൽ പൊതിഞ്ഞു ആദം..... ജാനുമ്മാ.....

എന്റെ പ്രിയേ നീ അതീവ സുന്ദരിയാണ്.....മൂടുപടത്തിനുളളിൽ നിന്റെ കണ്ണുകൾ ഇണപ്രാവുകളെ പോലെയാണ്.....നിന്റെ അധരം ചെന്നൂലു പോലെയാണ് .....നിന്റെ മൊഴികൾ മധു ഊറുന്നതാണ്....മൂടുപ്പടത്തിനുളളിൽ നിന്റെ കവിൾത്തടങ്ങൾ മാതളപ്പഴ പകുതി പോലെയാണ്.....നീ എന്റെ ഹൃദയം കവർന്നിരിക്കുന്നു....[കടപ്പാട്:ഉത്തമ ഗീതം] ജാനി അവന്റെ അധരം കൈകളാൽ പൊതിഞ്ഞു പിടിച്ചു ......മതി....മതി....ഇനി കൂടുതൽ കേൾക്കാനുളള ശേഷിയെനിക്കില്ലിച്ഛായ....കുറുമ്പോടവൾ പറഞ്ഞു കൊണ്ട് അവന്റെ കവിളിൽ പിച്ചി ....... ഭ്രാന്ത് പിടിപ്പിക്കുവാ പെണ്ണേ നീയെന്നെ.... ഓരോ നിമിഷവും അവളുടെ കഴുത്തിടുക്കിലേക്ക് മുഖമമർത്തി കൊണ്ട് അവൻ പറഞ്ഞു ഈ സമയം പുറത്ത് വാതിലിൽ ആരോ മുട്ടുന്നുണ്ടായിരുന്നു..... ജാനി വേഗം ചാടി പിടച്ചെഴുന്നേറ്റ് ബെഡ്ഷീറ്റു പുതച്ചു കൊണ്ട് ബാത്ത്റൂമിലേക്ക് ഓടി..... ആദം പതിയെ എഴുന്നേറ്റു മുണ്ട് മുറുക്കിയുടുത്ത് കൊണ്ട് ഹാങ്ങറിൽ നിന്നും ഒരു ടീ ഷർട്ടും എടുത്തിട്ടു....വാതിലിൽ തുറന്നു നോക്കുമ്പോൾ ജോഷുവായിരുന്നു.... എന്നാടാ മൂരി നിവർത്തിക്കൊണ്ട് അവൻ ജോഷുവിനെ നോക്കി.....

നിങ്ങളിന്ന് ഫിനാൻസിലേക്ക് വരുന്നില്ലേ......അവനെ മൊത്തത്തിലൊന്ന് നോക്കി ക്കൊണ്ട് ചോദിച്ചു..... നീ ചെല്ല് ഞാൻ പിന്നാലെ വന്നോളാം.....ആദം....അവനെയൊന്ന് പാളി നോക്കി..... മ്മ്ഹം.....ഇന്നലെ കല്യാണം കഴിഞ്ഞത് മുതല് നിങ്ങക്കിതെന്നാ പറ്റി.....ആകെ ഒരു വശപിശക്.....അവനെ മൊത്തത്തിലൊന്നുഴിഞ്ഞു നോക്കി ജോഷൂ..... ടാ..... പുല്ലേ വേഗം ഫിനാൻസിലേക്ക് പോടാ....അവന്റെ കോപ്പിലെ കിന്നാരം .....പറഞ്ഞു കൊണ്ട് ആദം വാതിൽ പൂട്ടി..... ഇത് നല്ല കൂത്ത് ഇങ്ങേരെന്താ ഇങ്ങനെ.....പിറുപിറുത്തു കൊണ്ട് ജോഷു താഴേക്ക് പോയി...... അവൻ പൊയ് കഴിഞ്ഞതും ആദം ഉടുത്ത് മാറാനുളളതുമായി കുളത്തിലേക്ക് പോയി.... ❤❤ ജോഷു ഓഫീസ് റൂമിലിരുന്നു ഫയലുകൾ നോക്കുകയായിരുന്നു ......ഈ സമയം നാഥൻ കോടുത്ത കാശൂമായി ദേവി അവിടേക്ക് വന്നു.....ജാനിയുടെ പേരിൽ ഡെപ്പോസിറ്റ് ചെയ്യാൻ ആദത്തെ പറഞ്ഞേൽപിക്കാനാവശ്യപ്പെട്ട് കാശ് ജോഷുവിനെ ഏൽപ്പിച്ച് ദേവി മടങ്ങി..... ജോഷു ക്യാഷ് കബോഡിനുളളിൽ വച്ചു..... ❤❤ ജാനി കുളിച്ചു കഴിഞ്ഞ് പുറത്തേക്ക് വരുമ്പോൾ കുളി കഴിഞ്ഞ് ആദവും എത്തിയിരുന്നു..... ആദം ജാനിയുടെ അടുത്തേക്ക് ചെന്ന് അവളെ വട്ടം പിടിച്ചു തന്നിലേക്ക് ചേർത്ത് നിർത്തി.....

സിന്ദൂരം ഒഴിഞ്ഞ നെറ്റിയിൽ അവൻ ചുണ്ടുകൾ ചേർത്തു.....ടേബിളിനു മുകളിൽ നിന്നും സിന്ദൂരച്ചെപ്പ് കൈയത്തിയെടുത്ത ശേഷം ഒരു നുളളെടുത്ത് അവളുടെ നിറുകിൽ ചാർത്തി.....ജാനി പുഞ്ചിരിയോടെ അവന്റെ നെഞ്ചിലേക്ക് ചാഞ്ഞു..... ഈ സമയം ആദത്തിന്റെ ഫോണിലേക്ക് ജോഷുവിന്റെ കോൾ വന്നു.....ആദം എല്ലാം ശ്രദ്ധയോടെ കേട്ട ശേഷം അവനോട് എന്തൊക്കെയോ പറയുന്നുണ്ടായിരുന്നു.... കോൾ കട്ട് ചെയ്ത ശേഷം ആദം റൂമിലേക്ക് വന്ന് പെട്ടെന്ന് ഡ്രസ് മാറി പുറത്തേക്കിറങ്ങാൻ തുടങ്ങി....... ഇച്ഛായാ എന്താ.....എന്താ പറ്റിയെ.....എന്തേലും പ്രശ്നമുണ്ടോ....അവന്റെ മുഖത്തെ വെപ്രാളം കണ്ട് അവൾ പരിഭ്രമത്തോടെ ചോദിച്ചു..... ഒന്നുവില്ലെന്റെ ജാനുമ്മ......ഞാനൊന്ന് ഫിനാൻസ് വരെ പോട്ടെ ഒരത്യാവശ്യം ഉണ്ട്....പറഞ്ഞു കഴിയുന്നതിന് മുന്നേ അവൻ പുറത്തേക്കിറങ്ങി താഴേക്ക് വേഗം പോയി..... ❤❤ ആദം ഫിനാൻസിന്റെ ഗേറ്റ് കടന്നതും കണ്ടു ...ഫിനാൻസിലേക്ക് കയറി പോകുന്ന പോലീസു കാരെ....ഒരു പിടപ്പോടെ അവൻ കാർ പോർച്ചിൽ കൊണ്ട് പോയി പാർക്ക് ചെയ്ത ശേഷം അകത്തേക്ക് പാഞ്ഞു................. തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...