🔥അരുന്ധതി [ 2 ] 🔥 : ഭാഗം 51

എഴുത്തുകാരി: ദിവ്യ സാജൻ  

ആദം വേഗം ഫിനാൻസിനുളളിലേക്ക് കയറി.....ഓഫീസിലേക്ക് കയറാൻ തുടങ്ങിയതും എസ്.ഐ അവനെ തടഞ്ഞു.... ആദം അല്ലേ..... ആഹ്.....എന്താ സാറേ പ്രശ്നം.... ഏയ് .....പ്രത്യേകിച്ച് ഒന്നുമില്ല ഒരു ചെറിയ ഡൗട്ട് ക്ലിയർ ചെയ്യാനാ ഞങ്ങൾ വന്നത്.... എന്താ സാറേ.....അവൻ ആവലാതിയോടെ ചോദിച്ചു...... തനിക്ക് കളള നോട്ടിന്റെ ഇടപാടുണ്ടെന്ന് കേട്ടു..... നിങ്ങളുടെ ഈ സ്ഥാപനത്തിൽ കളളനോട്ട് സൂക്ഷിച്ചിരിക്കുന്നെന്ന് ഞങ്ങൾക്കൊരു ഇൻഫർമേഷൻ കിട്ടി..... അയ്യോ.....ഇല്ല സാറേ.....ഞാനീ സ്ഥാപനം സത്യസന്ധമായി നോക്കി നടത്തുന്നതാ.....ആദം പുഞ്ചിരിയോടെ പറഞ്ഞു...... താൻ പറയുന്നത് സത്യം ആണോയെന്ന് ഞങ്ങൾക്കൊന്ന് സെർച്ച് ചെയ്ത് നോക്കണം.....താൻ ഒന്ന് സഹകരിക്കണം.....കുറച്ചു നേരത്തേക്ക് ഈ സ്ഥാപനത്തിന്റെ പ്രവർത്തനം ഒന്ന് നിർത്തി വയ്ക്കണം.....പറഞ്ഞു കഴിഞ്ഞ് എല്ലാ സ്റ്റാഫുകളെയും വിളിച്ചു വരുത്താൻ ഓഡർ കൊടുത്തു......ജോഷു ഒഴിച്ച് ബാക്കി എല്ലാവരും അവിടെ എത്തിയിരുന്നു......ആദം ഒരു മൂലയ്ക്ക് നിന്ന് അവർ ചെയ്യുന്നതൊക്കെ കൈയ് കെട്ടി നോക്കി നിന്നു.... ഓരോ ഓരോ സെക്ഷനായി പരിശോധിച്ചു പക്ഷെ ഫലമുണ്ടായില്ല.......അവസാനം ഓഫീസ് റൂം പരിശോധിക്കാൻ തുടങ്ങി...

.കബോഡിൽ ഇരുന്ന സ്യൂട്ട്കേസ് ഒരു കോൺസ്റ്റബിൾ എടുത്ത് ടേബിളിനു മുകളിൽ വച്ചു...... ആവേശത്തോടെ അവരത് തുറന്നു നോക്കി....അതിനകത്ത് കൂറേ ഫയലുകളായിരുന്നു..... പിന്നെയും ഫിനാൻസും പരിസരവും അരിച്ചുപെറുക്കിയെങ്കിലും ഒന്നും കണ്ടെത്താൻ കഴിഞ്ഞില്ല..... സോറി....മിസ്റ്റർ.ആദം...ബുദ്ധിമുട്ടിച്ചതിൽ ക്ഷമിക്കുക.......ഞങ്ങൾക്ക് ഞങ്ങളുടെ ജോലി ചെയ്തല്ലേ പറ്റൂ....നിങ്ങളുടെ സഹകരണത്തിന് നന്ദി.....ആദത്തിന് കൈ കൊടുത്തു കൊണ്ട് അയാൾ പറഞ്ഞു..... ഓഹ്.....അത് സാരവില്ല സാറേ......സർ പറഞ്ഞത് പോലെ സർ സർന്റെ ജോലിയല്ലേ ചെയ്തത്.....മീശമുറുക്കി കൊണ്ട് പറഞ്ഞു ആദം...... പോലീസുകാർ പുറത്തേക്ക് പോകുന്നതും നോക്കി ആദം ദീർഘമായി നിശ്വസിച്ചു....പിന്നെ സ്റ്റാഫുകളെല്ലാം അവരവരുടെ ജോലി ഏൽപ്പിച്ച് ആദം പുറത്തേക്കിറങ്ങി.....ഈ സമയം കുറച്ചു മുന്നേ നടന്നതൊക്കെ ആദമിന്റെ ഓർമ്മയിൽ തെളിഞ്ഞു വന്നു..... ദേവി പോയ ഉടനെ ക്യാഷിന്റെ കാര്യം പറയാനായി ജോഷു ആദമിനെ വിളിച്ചു.... ഹലോ....ഇച്ഛായാ...... എന്നാടാ കോപ്പേ......ഞാനെത്തിക്കോളാന്ന് പറഞ്ഞാരുന്നല്ലോ പിന്നെ നീ എന്നാത്തിനാടാ വിളിച്ചു ശല്യം ചെയ്യുന്നേ....ആദം കെറുവിച്ചു.... എന്റിച്ഛായ ഞാനതിനല്ല വിളിച്ചേ..... പിന്നെ എന്നാടാ....

നിങ്ങൾക്ക് ഒരു പത്ത് ലക്ഷം രൂപ വെറുതെ കിട്ടിയാൽ നിങ്ങൾ എന്നാ ചെയ്യും..... ടാ എന്നാടാ പിച്ചും പേയും പറയുന്നേ ആ അലോഷിടേന്ന് തട്ട് വല്ലോം കിട്ടിയോടാ രാവിലെ തന്നെ....ആദം അവനെ കളിയാക്കി..... ദേ....ഇച്ഛായാ ഞാൻ പറഞ്ഞത് സത്യാ.....നിങ്ങൾക്ക് സ്ത്രീ ധനവായിട്ടൊരു പത്ത് ലക്ഷം രൂപ നിങ്ങളുടെ അമ്മായിയമ്മ കൊണ്ട് വന്ന് തന്നിട്ട് പോയി.....നിങ്ങളുടെ കെട്ടിയോളുടെ പേരിൽ ഡെപോസിറ്റ് ചെയ്യാൻ പറഞ്ഞിട്ടാ അവര് പോയത് ..... അവൻ പറയുന്നത് അമ്പരപ്പോടെ കേട്ട് നിക്കാരുന്നു ആദം..... നീയെന്നാത്തിനാ അത് വാങ്ങാൻ പോയത്.....തിരികെ കൊടുക്കാൻ മേലാരുന്നോ നിനക്ക്......ആദം ഒച്ചയെടുത്തു.... ആഹ്....അത് കൊളളാം......നിങ്ങളുടെ അമ്മായിയമ്മ നിങ്ങൾക്ക് തരുന്ന കാശ് ഞാനാന്നോ വേണ്ടാന്ന് പറയേണ്ടത്..... ഈ സമയം കാശിയ്ക്ക് കളള നോട്ടിന്റെ ഏർപ്പാടുണ്ടന്ന് ബെന്നി പറഞ്ഞത് അവന്റെ ഓർമ്മയിൽ വന്നു.....അവന്റെ നെഞ്ചിലൂടൊരു കൊളളിയാൻ മിന്നി.... ടാ ജോഷൂ നീ ആ കാശുമെടുത്ത് വല്യപ്പച്ചന്റെ വീട്ടിലേക്ക് പോര്.....ഞാൻ പറയാതെ അവിടെ നിന്നും എവിടേയ്ക്കും പോവരുത്.....അവിടെ തന്നെ നിന്നേക്കണം.....ആദം നെറ്റിയുഴിഞ്ഞു.... എന്നാ ഇച്ഛായാ എന്നാ പറ്റി.....അവന്റെ ശബ്ദത്തിലെ തിടുക്കം കേട്ട് ജോഷു പരിഭ്രമത്തോടെ ചോദിച്ചു.....

ആ കാശ് കളളനോട്ടാണോന്നൊരു സംശയം.....അവൻ ശബ്ദം താഴ്ത്തി പറഞ്ഞു.... ക....ക..കളള....നോട്ടോ.....ഇച്ഛായനെന്നതാ ഈ പറയുന്നേ......ജോഷു പരിഭ്രമത്തോടെ ചോദിച്ചു.... സംശയവാ......ഒരു ചതി മണക്കുന്നുണ്ട്.....എന്റെ ഊഹം ശരിയാണെങ്കിൽ ഉടനെ അവിടേക്ക് പോലീസെത്തും ......നീ ഇപ്പൊ തന്നെ പണവുമായി പുറത്തേക്കിറങ്ങ് പറഞ്ഞു കൊണ്ട് ആദം കോൾ കട്ട് ചെയ്തു..... ഈ സമയം ആദത്തിന്റെ ചുണ്ടുകളിൽ ഒരു പുച്ഛ ചിരി സ്ഥാനം പിടിച്ചു.....ആദം പുറത്തേക്കിറങ്ങിയതും ജോഷുവിന്റെ കോൾ വന്നു...... ഇച്ഛായാ.....ഇത്രയും നേരം ഫോണെടുക്കാത്തതെന്നാ.....എത്ര നേരവായി ഞാൻ വിളിക്കാന്നറിയോ.....അവൻ വെപ്രാളത്തോടെ പറഞ്ഞു.... ഇവിടെ റെയ്ഡ് നടക്കാരുന്നു.....എല്ലാ കലാപരിപാടികളും കഴിഞ്ഞ് വന്ന പോലീസേമാൻമാര് ഇപ്പൊ തിരികെ പോയതേയുളളൂ......അവരുടെ മുന്നിൽ വച്ച് ഫോൺ വിളിക്കാൻ പാടില്ലല്ലോ അതാ ഞാൻ ഫോൺ സൈലന്റ് ചെയ്തേ.....എന്നാത്തിനാ നീ വിളിച്ചേ..... ഇച്ഛായാ .....ഇച്ഛായന്റെ ഊഹം ശരിയാ....ഇത് മൊത്തം കളളനോട്ടാ.....ഞാനിനി എന്നാ ചെയ്യണം..... നീ അതുമായി ആലത്തറയിലേക്ക് വിട്ടോ ഞാൻ അവിടെ ഉണ്ടാവും.....പറഞ്ഞു കൊണ്ട് കോൾ കട്ട് ചെയ്തു ആദം..... ❤❤ ജോഷു കാശുമായി ആലത്തറയിലെത്തിയതും ഗേറ്റിന് പുറത്ത് ആദം നിന്നിരുന്നു....

.അവന്റെ കൈയിൽ നിന്നും കാശും വാങ്ങി ആദം നേരെ ആലത്തറയിലേക്ക് നടന്നു..... ❤❤ വാതിലിൽ തുടരെ തുടരെയുളള മുട്ട് കേട്ടാണ് ദേവി വന്നത് വാതിൽ തുറന്നു മുന്നിൽ അലസമായി നിൽക്കുന്നവനെ അമ്പരപ്പോടെ നോക്കി ദേവി.... അവനെ കണ്ടതും ദേവിയുടെ മുഖം സന്തോഷം കൊണ്ട് നിറത്തു.....പക്ഷേ അതേ സമയം അവന്റെ കൈകളിൽ ഇരിക്കുന്ന സ്യൂട്ട്കേസ് കാണേ അവളുടെ മുഖം മങ്ങി..... അവനത് കൊണ്ട് പോയി നിലത്ത് വച്ചു..... ഹാ.....അമ്മാ......ഈ പണം ഞാൻ തിരികെ ഇവിടെ ഏൽപിക്കാൻ വന്നതാ.....എന്റെ പെണ്ണിനെ നോക്കാനുളള തണ്ടും തടിയുമൊക്കെ തമ്പുരാനെനിക്ക് തന്നിട്ടുണ്ട്....അവൾക്ക് ഒരു കുറവും കൂടാതെ തന്നാ നോക്കുന്നതും...... മോനേ അവൾക്ക് പഠിക്കാൻ വേണ്ടി വല്യേട്ടൻ തന്നതാ ഈ കാശ്......ഇത് മോൻ വാങ്ങണം അവർ സ്നേഹത്തോടെ പറഞ്ഞു.... അമ്മയുടെ ആങ്ങള തന്ന ആ കാശൊന്ന് എടുത്ത് നോക്കിയേ അമ്മ .....മൊത്തം കളളനോട്ടാ......എന്നെ ചതിക്കാൻ വേണ്ടി അമ്മയെ അയാള് കരുവാക്കിയതാ.....തമ്പുരാന്റെ കാരുണ്യം കൊണ്ടാ ആ പോലീസ് കാരുടെ കൈയിൽ നിന്നും രക്ഷപ്പെട്ടത്.....അമ്മ കാശ് അവിടെ ഏൽപ്പിച്ച് തിരികെ പോയതും പോലീസ് റെയ്ഡ്നൂ വന്നിരുന്നു.....ഇത്രയും കാലത്തിനിടെ അവിടേക്ക് റെയ്ഡിനെന്നും പറഞ്ഞു ഇത് വരെ ആരും കയറി വന്നിട്ടില്ല.....

ഇന്ന് പെട്ടെന്ന് അവിടേക്ക് ഒരു റെയ്ഡ് ഉണ്ടായാൽ ഊഹിച്ചൂടെ.... അവൻ പറയുന്നത് കേട്ട് തറഞ്ഞു നിക്കാരുന്നു ദേവി..... മോനേ ഞാൻ......അ.....അറിഞ്ഞില്ല ചതി....ചതിക്കാൻ വേണ്ടിയാ.....വാക്കുകൾ മുറിഞ്ഞു കണ്ണുകൾ നിറഞ്ഞു......തൊണ്ടയിടറി .....കരയാൻ തുടങ്ങി ദേവി..... അമ്മ വിഷമിക്കേണ്ട......ജാനിടെ അമ്മ മനപൂർവം ഞങ്ങളെ ദ്രോഹിക്കില്ലാന്നറിയാം ഇതോർത്ത് കരയണ്ട അവരെ ആശ്വസിപ്പിച്ച ആദം...... ഈ സമയം നാഥൻ അവിടേക്ക് വന്നു..... ടാ .......... മോനേ നിനക്ക് ഞങ്ങളുടെ തറവാട്ടിലേക്ക് കയറി വരാൻ മാത്രം ചങ്കുറപ്പായോടാ....പറഞ്ഞു കൊണ്ട് ഓടി വന്ന് അവന്റെ കോളറിൽ പിടുത്തമിട്ടു....... ടോ കോപ്പേ വെറുതെ എന്റെ നാവീന്ന് നല്ല പുളിച്ച തെറി കേൾക്കണോ തനിക്ക്......ഞാനിവിടെ കേറി താമസിക്കാൻ വന്നതൊന്നുവല്ല.....താനെനിക്ക് തന്ന പണി എട്ടായീ മടക്കി തിരികെ തരാൻ വന്നതാ.....ദേ ഈ സ്യൂട്ട്കേസിൽ ഉണ്ട് താൻ എന്നെ കുരുക്കാൻ തന്നു വിട്ട കളളനോട്ട്......എടുത്ത് സൂക്ഷിച്ചു വച്ചോ എന്നിട്ട് താൻ കാത്തിരുന്നോ.....തനിക്കുളള പണി പിന്നാലെ വരും......അപ്പോ ശരി ഞാനിറങ്ങാ തന്റെ മോനുണ്ടല്ലോ കാശി.....അവനുളളത് അക്കമിട്ട് ഞാൻ കൊടുത്തോളാം പറഞ്ഞു കൊണ്ട് മുണ്ടും മടക്കി കുത്തി പുറത്തേക്കിറങ്ങുന്നവനെ കോപത്തോടെ നോക്കി ആദം.....

ആദം ആലത്തറയുടെ ഗേറ്റ് കടന്നു പുറത്തേക്കിറങ്ങിയതും ദേവി രൂക്ഷമായി അയാളെ നോക്കി..... എന്നോടിത് വേണ്ടായിരുന്നു വല്യേട്ടാ....ഞാൻ നിങ്ങളുടെ സ്വന്തം ചോരയല്ലേ....കൂടപിറപ്പല്ലേ നിറ കണ്ണുകളോടെ അവർ ചോദിച്ചു...... നീയെന്താടി കരുതിയത് ഞങ്ങളെ ചതിച്ചിട്ട് പോയ നിന്റെ ആ വഴി പിഴച്ച സന്തതിയോടുളള വാത്സല്യം കൊണ്ടാ ഞാനീ കാശ് തന്നതെന്നോ ......ഇല്ലടീ....ഇപ്പൊ ഇവിടെ നിന്ന് ഇറങ്ങി പോയവനില്ലേ അവനെ കുടുക്കാൻ വേണ്ടി ചെയ്തതാ ഞാനിതൊക്കെ.....പുച്ഛത്തോടെ ചിറികോട്ടി പറഞ്ഞു അയാൾ.... ഇനി ഒരു നിമിഷം ഞാനിവിടെ നിൽക്കില്ല ഏട്ടാ......ഇറങ്ങാ..... പറഞ്ഞു ശേഷം കണ്ണുകൾ വാശിയോടെ അമർത്തി തുടച്ചു കൊണ്ട് അകത്തേക്ക് കയറി പോയി ദേവി....... വൈകാതെ അവരുടെതായത് മാത്രം ബാഗിലാക്കി പുറത്തേക്കിറങ്ങി...... ഈ സമയം സീതയും ഗിരിജയും അവരെ തടയാൻ ശ്രമിച്ചെങ്കിലും അത് കാര്യമാക്കാതെ മുന്നോട്ട് നടന്നു ദേവി.....എങ്ങോട്ടെന്നറിയാതെ.... ദേവി ആലത്തറയിലെ ഗേറ്റ് കടന്നു പുറത്തേക്കിറങ്ങിയതും കുറച്ചു പോലീസുകാരുമായി ഒരു ജീപ്പ് ആലത്തറയിലെ മുറ്റത്ത് വന്നു നിന്നു..... ❤❤ ദേവി എവിടേയ്ക്ക് പോണമെന്നറിയാതെ മുന്നോട്ട് നടന്നു.....ഈ സമയം അവരുടെ മുന്നിലായ് ഒരു കാർ വന്നു നിന്നു.....

അവർ മുഖമുയർത്തി നോക്കുമ്പോൾ ആദം ആയിരുന്നത്..... അമ്മ ഇതെങ്ങോട്ടാ ബാഗൊക്കെയായീ.....പുഞ്ചിരിയോടെ ചോദിച്ചു ആദം..... അറിയില്ല മോനേ എങ്ങോട്ടെങ്കിലും .....തനിക്ക് പോകാനൊരിടം ബാക്കിയില്ലെന്നറിഞ്ഞ് കൊണ്ടവർ പറഞ്ഞു..... അമ്മ കാറിൽ കയറിയാട്ടേ.....നമുക്ക് താമരയ്ക്കലേക്ക് പോവാം ഇനിയുള്ള കാലം അവിടെ കഴിയാം..... മോൻ നല്ല മനസ്സുളളവനാ.....അത് കൊണ്ടല്ലേ എന്റെ ജാനി മോളെ സംരക്ഷിക്കുന്നേ.....നിങ്ങൾക്ക് ശല്യമാവാൻ ഞാനൊരിക്കലും വരില്ല.....ഏങ്ങലടിച്ചു കൊണ്ട് പറഞ്ഞു നിർത്തി..... അമ്മ ഞങ്ങൾക്ക് ഒരിക്കലും ശല്യം ആവില്ല...അതോർത്ത് വിഷമിക്കേണ്ട....ജാനീടെ അമ്മ എന്റെയും അമ്മ തന്നാ.....ആരോരുമില്ലാത്ത അവളെ വളർത്തി വലുതാക്കിയ ഈ അമ്മയെ ഞങ്ങൾ ഒരിക്കലും ഉപേക്ഷിക്കില്ല.....അവന്റെ വാക്കുകൾ അത്ഭുതത്തോടെ അവർ കേട്ട് നിന്നു....വീണ്ടും തുടരെ തുടരെയുളമ്പ അവന്റെ ക്ഷണം സ്നേഹം പൂർവം നിരസിച്ചു.... എന്നാ ശരി താമരയ്ക്കലേക്ക് വരണ്ട.....

അമ്മ ഒരു നഴ്സ് അല്ല്യോ....ആരോരുമില്ലാത്ത കുറച്ചു കുഞ്ഞ്മക്കളുടെ അമ്മയാവാനും കുറച്ചു പ്രായം ചെന്ന അമ്മയപ്പന്മാർക്ക് തണലാകുവാനും താത്പര്യമുണ്ടോ അമ്മയ്ക്ക്.....മാസം അതിനുളള ശബളവും കിട്ടും പുഞ്ചിരി യോടെ പറഞ്ഞു നിർത്തി ആദം.... മോൻ പറഞ്ഞത് എനിക്ക് മനസ്സിലായില്ല..... ദേവി അവനെ നെറ്റിചുളുച്ചു നോക്കി...... ഞാൻ സ്നേഹാലയത്തിന്റെ കാര്യാ പറഞ്ഞതമ്മ അവിടെയുളള ആരോരുമില്ലാത്ത കുഞ്ഞ് മക്കളെ ചേർത്ത് പിടിക്കാനും അവരുടെ അമ്മയാവാനും താത്പര്യം ഉണ്ടോന്നാ ഞാൻ ചോദിച്ചത്... അവൻ അവരുടെ മുഖത്ത് ഉറ്റുനോക്കി.... സമ്മതവാ മോനേ ഞാൻ വരാം നിറഞ്ഞ പുഞ്ചിരി യോടെ അവർ പറഞ്ഞു..... ആദം അവരെ സ്നേഹാലയത്തിൽ കൊണ്ട് ചെന്നാക്കി......ശോശാമ്മ അവരെ സ്നേഹ പൂവ്വം അകത്തേക്ക് ക്ഷണിച്ചു......ശോശാമ്മ തന്നെ അവരെ എല്ലാവർക്കും പരിജയപ്പെടുത്തി......ജനിപ്പിച്ച മാതാപിതാക്കന്മാരാൽ ഉപേക്ഷിക്കപ്പെട്ട കുറേ പിഞ്ചു ബാല്യങ്ങളും......ജന്മം കൊടുത്ത മക്കളാൽ ഉപേക്ഷിക്കപ്പെട്ട കുറച്ചു മാതാ പിതാക്കളും.......

അവിടെ ചെന്ന് എല്ലാവരെയും കാണുകയും പരിജയപ്പെടുകയും ചെയ്തപ്പോൾ വല്ലാത്ത മനസ്സമാധാനം തോന്നി ദേവിയ്ക്ക്......സ്വന്തം കൂടപിറപ്പിന്റെ വീട്ടിൽ അന്യയെ പോലെ അവരുടെ അവഗണ കേട്ട് ജീവിക്കുന്നതിലും ഭേദം ഇനിയുളള തന്റെ ജീവിതവും ആരോഗ്യവും ആരോരുമില്ലാത്ത ഈ കുഞ്ഞ് മക്കൾക്കും മാതാപിതാക്കൾക്കും വേണ്ടി ചെലവഴിക്കാൻ അവർ തീരുമാനിച്ചുറപ്പിച്ചു...... ❤❤ ഈ സമയം ആലത്തറയിൽ പോലീസുകാർ വീട് മൊത്തവും സെർച്ച് ചെയ്തു കഴിഞ്ഞിരുന്നു......ഏതാണ്ട് പതിനഞ്ച് ലക്ഷത്തോളം രൂപയുടെ കളളനോട്ട് പിടിച്ചെടുത്തു..........കളള നോട്ട് ആര് കൊണ്ട് വച്ചെന്ന് എത്ര ചോദിച്ചിട്ടും നാഥൻ പറഞ്ഞില്ല.....കൂടുതൽ ചോദ്യം ചെയ്യാനായി അയാളെ പോലീസ് കസ്റ്റഡിയിൽ എടുത്തു................. തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...