🔥അരുന്ധതി [ 2 ] 🔥 : ഭാഗം 54

എഴുത്തുകാരി: ദിവ്യ സാജൻ  

പിറ്റേന്ന് രാത്രി അത്താഴം കഴിഞ്ഞ് ഉറങ്ങാൻ കിടന്നതായിരുന്നു ജാനി.....തൊട്ട് മുന്നേ ആദത്തെ ഫോണിൽ വിളിച്ചു സംസാരിച്ചെങ്കിലും വരുന്ന കാര്യം സൂചിപ്പിച്ചിട്ട് കൂടി ഇല്ലായിരുന്നു......അത് കൊണ്ട് തന്നെ ആദം വരുമെന്ന് ജാനി ഒട്ടും പ്രതീക്ഷിച്ചില്ല....രാത്രി ഏതാണ്ട് പതിനൊന്ന് മണിയോടടുത്ത് ആദമും ജോഷുവും താമരയ്ക്കൽ എത്തിയിരുന്നു..... ഇച്ഛായാ ഞാൻ തറവാട്ടിലേക്ക് വരുന്നില്ല.....ജോഷു ശബദം താഴ്ത്തി പറഞ്ഞു..... മ്മ്ഹം.....എന്നാടാ.....നാളെ പോയാ പോരെ നിനക്കേ ..... മ്മ്ഹം എന്നിട്ട് വേണം ആ ഒറ്റക്കൊമ്പൻ എന്റെ തെറി വിളിച്ചു കുമ്പസരിപ്പിക്കാൻ.....നിങ്ങൾക്ക് അതിയാന്റെ നാവീന്ന് തെറി കേൾക്കാൻ അത്രയ്ക്കിഷ്ടവാണോ ഇച്ഛായാ.....അവനെയൊന്ന് പാളി നോക്കി ജോഷു..... ഒന്ന് പോടാ....നീ പോവുവാണേ ശബ്ദമുണ്ടാക്കാതെ പോയേക്ക്.....ഇല്ലേൽ അതിയാനിപ്പോ ഇങ്ങോട്ട് ഇറങ്ങി വരും പറഞ്ഞു കൊണ്ട് ആദം ബാഗും തോളിലിട്ട് മുൻ വശത്തെ വാതിലിനടുത്തേക്ക് നടന്നു....ഈ സമയം ജോഷു ബുളളറ്റ് പോർച്ചിൽ നിന്നിറക്കി ഉരുട്ടി ഉരുട്ടി പുറത്തേക്ക് കൊണ്ട് പോയി വച്ചു.....സ്റ്റാർട്ടാക്കി പോവുകേം ചെയ്യതു..... ആദം നോക്കുമ്പോൾ ലൈറ്റൊക്കെ ഓഫാക്കിയിരുന്നു.....എല്ലാവരും ഉറങ്ങിയെന്ന് മനസ്സിലായതും പതിയെ ഏണി വച്ച് മുകളിൽ കയറി ബാൽക്കണിയിലെത്തി......

വാതിലിൽ തട്ടാൻ തുടങ്ങി..... വാതിലിൽ മുട്ടുന്ന ശബ്ദം കേട്ട് ജാനി ഞെട്ടി ക്കൊണ്ട് എണീറ്റു.....പുറത്തേക്ക് നോക്കി.. ..... നല്ല ഇരുട്ട് ....അത് കണ്ടപ്പോൾ തന്നെ അവളുടെ നല്ല ജീവനങ്ങ് പോയി....ഈ സമയവും തട്ടുന്നത് തുടർന്നു..... എന്റെ ദേവി രാത്രി ഇപ്പോ ഇതാരാവും???ഇച്ഛായനിന്ന് വരില്ലാന്നല്ലേ പറഞ്ഞത്......ഇനിപ്പോ എന്താ ചെയ്യാ....പോയി നോക്കണോ.....നെഞ്ചിൽ കൈവച്ചു കൊണ്ട് പിറുപിറുത്തു ജാനി.... വീണ്ടും വീണ്ടും വാതിൽ തട്ടുന്നത് കേട്ട് പതിയെ വാതിലിനടുത്തേക്ക് നടന്നു.... ആ....ആരാ......ഉമിനീരക്കി കൊണ്ട് ഭയത്തോടെ ചോദിച്ചു...... ചത്തുപോയ നിന്റെ തന്ത ഗരുഢൻ രാഘവനാടീ ......വാതിൽ തുടക്കടീ കെട്ടിയോളെ........ആദമിന്റെ ശബ്ദം കേട്ടതും ജാനിയ്ക്ക് ആദ്യം അമ്പരപ്പ് തോന്നി പിന്നെ നെഞ്ചിൽ കൈവച്ചു ദീർഘമായി നിശ്വസിച്ചു കൊണ്ട് പുഞ്ചിരിയോടെ അവൾ ചെന്ന് വാതിൽ തുറന്നു.....തന്റെ മുന്നിൽ ബാഗുമായി നിൽക്കുന്നവനെ ഓടിച്ചെന്ന് ഇറുകെ പുണർന്നു..... ടോ..... താന്തോന്നി ചെക്കാ താനിന്ന് വരുന്നില്ലാന്ന് പറഞ്ഞിട്ട് ....ചിരിയോടെ പറഞ്ഞു കൊണ്ട് ആദത്തെ കൂർപ്പിച്ചു നോക്കി..... നിനക്കൊരു സർപ്രൈസ് തരാന്ന് കരുതിയെടി കെട്ടിയോളെ ചിരിയോടെ പറഞ്ഞു കൊണ്ട് അവളെയും കൊണ്ട് അകത്തേക്ക് കയറി..... ഇച്ഛായാ എന്തെങ്കിലും കഴിച്ചോ.....

വേവലാതിയോടെ ചോദിക്കുന്നവളെ കുസൃതിയോടെ നോക്കി ആദം..... ഒരിക്കൽ ഞാൻ കഴിച്ചതാ കെട്ട് കല്യാണവേ.....എന്റെ പിഴ ......എന്റെ പിഴ...... എന്റെ വലിയ പിഴ സ്വയം നെഞ്ചിൽ തല്ലിക്കൊണ്ട് മുകളിൽ നോക്കി പിഴയടിച്ചു.... ജാനി അവന്റെ നെഞ്ചിലേക്ക് ഇടിച്ചു വീണു.... ടോ.... താന്തോന്നി ചെക്കാ എന്നെ കല്ലാണം കഴിച്ചത് നിങ്ങക്ക് പിഴച്ചു പോയല്ലേ പറഞ്ഞു കൊണ്ട് അവന്റെ നെഞ്ചിലേക്ക് ചാഞ്ഞു തല്ലാൻ തുടങ്ങി..... ഹാ മതിയെടീ ജാനുമ്മ ഇച്ഛായന്റെ നെഞ്ചാങ്കൂട് തല്ലി തകർത്തു കളയുവോ നീ.....കുസൃതിയോടെ പറഞ്ഞു കൊണ്ട് അവളെ നോക്കി...... ഇച്ഛായാ ശരിക്കും എന്തെങ്കിലും കഴിച്ചതാണോ.... മ്മ്ഹം.....കഴിച്ചതാടീ പെണ്ണേ.........ഞാനൊന്ന് പോയി ഫ്രഷ് ആയി വരാം..അത് കഴിഞ്ഞ്.......പറഞ്ഞു പൂർത്തിയാക്കാതെ കളളച്ചിരിയോടെ മീശമുറുക്കി കൊണ്ട് ഉടുത്ത് മാറാനുളളതു മെടുത്ത് ബാത്ത്റൂമിലേക്ക് നടന്നു ആദം....... ആദം ഫ്രഷ് ആയി തിരികെ വരുമ്പോൾ ജാനി കട്ടിലിൽ ഇരിക്കാരുന്നു അവനെ കണ്ടതും എഴുന്നേറ്റ് നിന്നു.... പോയ കാര്യമൊക്കെ നന്നായി നടന്നോ.....പുഞ്ചിരിയൊടെ ചോദിച്ചു.....

പിന്നേ.....എല്ലാം വളരെ ....വളരെ....നന്നായി നടന്നെടീ പെണ്ണേ......ജാനിയെ ചേർത്ത് പിടിച്ചു നിന്നു ആദം........ഈ സമയം ആദമിന്റെ കൈത്തണ്ടയിൽ അത്യാവശ്യം വലിപ്പത്തിലൊരു മുറിവ് ജാനിയുടെ ശ്രദ്ധയിൽ പെട്ടു.....ഇന്നലത്തെ തല്ലിനിടയിൽ പറ്റിയതായിരുന്നു.....ആദം അത് കാര്യമാക്കിയിരുന്നില്ല..... ഇച്ഛായാ......ഇത് .......ഇതെങ്ങനെ പറ്റിയതാ.....മുറിവിൽ തൊട്ട് കാണിച്ചു കൊണ്ട് ചോദിച്ചു.... ഓഹ് അതൊന്നുവില്ലെടീ പെണ്ണേ.....എപ്പോ പറ്റിയാതാന്ന് കൂടി ഓർക്കുന്നില്ല......അലസമായി പറയുന്നവനെ തന്നെ ഉറ്റുനോക്കി ജാനി.... നുണ......നിങ്ങളുടെ മുഖം കണ്ടാലറിയാം നുണ പറയാന്ന് എന്താണ്ടായതെന്ന് പറയിച്ഛായ ആരുമായിട്ടാ തല്ലു കൂടിയേ.....പറഞ്ഞു കഴിഞ്ഞതും കണ്ണുകൾ തുളുമ്പിയിരുന്നു...... തല്ലോ....ഏയ്....ഇ....ഇല്ലെടീ.....പതർച്ചയൊടെ പറയുന്നവനെ രൂക്ഷമായി നോക്കി ജാനകി..... ഇച്ഛായാ എന്താ ഇണ്ടായതെന്ന് പറഞ്ഞില്ലേൽ സത്യായിട്ടും ഞാൻ അപ്പനോടും അമ്മയോടും ഇതേ പറ്റി പറയും....ഭീഷണിയുടെ സ്വരത്തിൽ പറഞ്ഞു..... ഓഹ്.....പിന്നെ അപ്പനോടും അമ്മയോടും പറഞ്ഞാൽ ഞാനങ്ങ് പേടിച്ച് മുളളും ഒന്ന് പോയേടീ പൂച്ചക്കണ്ണീ.....പുച്ഛത്തോടെ പറഞ്ഞു കൊണ്ട് തിരിഞ്ഞു നടന്നു..... നിങ്ങൾ പറയില്ലേ.....അവൾ വീണ്ടും ചോദിച്ചു..... എനിക്ക് സൗകര്യവില്ല നീയാ ഒറ്റക്കൊമ്പനെയും അന്നക്കൊച്ചിനെയും വിളിച്ചു പറഞ്ഞേരെ.....തിരിഞ്ഞു നോക്കാതെ അലസമായി പറഞ്ഞു .....

അപ്പാ....അമ്മാ......ജാനി അവിടെ നിന്ന് ഉറക്കെ അലറി വിളിച്ചു...... അയ്യോ.....എടീ ഒരുമ്പെട്ടോളെ......ആദം ഞെട്ടിക്കൊണ്ട് അവളുടെ അടുത്തേക്ക് പാഞ്ഞു വന്നു വായ പൊത്തി പിടിച്ചു..... ടീ..... പുല്ലേ നീ എന്റെ പുക കണ്ടേ അടങ്ങത്തൊള്ളൊ.....എന്നാ കാറലാടീ ......നിന്റെ നാവിന് ഇത്രയൊക്കെ പവറുണ്ടായിരുന്നോ.....അവളെ നോക്കി പല്ല് ഞെരിച്ച് കൊണ്ട് പറഞ്ഞു .... പിന്നെ നിങ്ങളെന്താ കരുതിയെ നിങ്ങൾക്ക് മാത്രേ കാറാനറിയൂന്നോ.....അവനെ പുച്ഛിച്ച് ചിറി കോട്ടി ജാനി..... ഇപ്പൊ ഇച്ചിരി അഹങ്കാരം കൂടീട്ടുണ്ട് പെണ്ണിന് അല്ലേൽ എന്നാ ആയിരുന്നു.....എപ്പോഴും കരഞ്ഞ് മൂക്ക് പിഴിഞ്ഞ് അവളെ പാളി നോക്കി ആദം.... അതേ.....താമരയ്ക്കലെ ഈ താന്നോന്നി ച്ചെക്കൻ കൂടെയുണ്ടെന്നുളള അഹങ്കാരവാട്ടോ.....കുറുമ്പോടെ പറഞ്ഞു കൊണ്ട് അവന്റെ കവിളിൽ അമർത്തി ചുമ്പിച്ചു..... ഡീ....ജാനുമ്മ......കാര്യം ഉണ്ടെടീ......പക്ഷെ നീയൊന്നും അറിയേണ്ടതല്ല....അത്രയും അറിഞ്ഞാ മതിയിപ്പോ കേട്ടോടീ.....അവളുടെ നിറുകിൽ തലോടി ക്കൊണ്ട് പറഞ്ഞു..... മ്മ്ഹം എന്നാ ശരി....ഞാനറിണ്ടാ എങ്കിൽ അറിയണ്ട.....

കുറുമ്പോടെ പറഞ്ഞു..... അതേ ഇങ്ങനെ നിന്നാ മതിയോ.....നമുക്ക് കിടക്കണ്ടായോ .....കളളച്ചിരിയോടെ അവളെയൊന്നുഴിഞ്ഞ് നോക്കി ആദം.... മ്മ്ഹം......ആകെ കൂടെ ഒരു കളളലക്ഷണം ....അവന്റെ തോളിൽ കൈയിട്ട് തൂങ്ങിക്കൊണ്ട് പറഞ്ഞു..... അത് പിന്നെ കട്ട് തിന്നാൻ പോവല്യോ അത് കൊണ്ടാ......പറഞ്ഞു കഴിഞ്ഞതും ജാനിയെയും കൊണ്ട് ബെഡിലേക്ക് മറിഞ്ഞിരുന്നവൻ........ ❤❤ ഒരാഴ്ച കഴിഞ്ഞു ശിവയെ റൂമിലേക്ക് മാറ്റി....തലയ്ക്കും നട്ടെല്ലിനും നല്ല ക്ഷതമേറ്റത് കാരണം കഴുത്തിന് കീഴ്പോട്ട് തളർന്നു പോയി........ചുരുക്കം പറഞ്ഞാൽ ശരീരത്തിനകത്തും പുറത്തും നല്ല പരിക്കുണ്ടായിരുന്നു.....ഈ അടുത്ത കാലത്തോന്നും എഴുന്നേറ്റ് ഇരിക്കാനോ നടക്കാനോ കഴിയില്ലെന്ന് ഡോക്ടർ വിധിയെഴുതി കഴിഞ്ഞു.....അഥവാ ഇനി ഇപ്പോഴത്തെ അവസ്ഥയ്ക്ക് മാറ്റം വന്നാലും പഴയ പോലെ ആരോഗ്യം വീണ്ടെടുക്കാനാവില്ലെന്ന് ഡോക്ടർമാർ പറഞ്ഞു കഴിഞ്ഞു..... ശിവന് ആക്സിഡന്റ് ആയെന്നറിഞ്ഞാണ് കാശി അവനെ കാണാൻ ഹോസ്പിറ്റലിൽ എത്തിയത്.....ഹോസ്പിറ്റലിൽ വന്നപ്പോഴാണ് നടന്നതൊക്കെ കാശി അറിഞ്ഞത്.....നാല് പേരൊരുമിച്ച് വന്നാലും നിസാരമായി അവരെ തല്ലി തോൽപ്പിക്കുന്ന ശിവയുടെ അവസ്ഥ കണ്ട് നടുങ്ങി നിക്കാരുന്നു കാശി.....ഈ സമയം ആദം ഋഷിയെ തല്ലിച്ചതച്ചതാണ് കാശിയുടെ ഓർമ്മയിലേക്കെത്തിയത്..... ശിവാ.....ആ.....ആരാ ഇത് ചെയ്തത്......അവൻ ശിവയുടെ ബെഡിനടുത്തുളള ചെയറിലായി ഇരുന്നു കൊണ്ട് പറഞ്ഞു.......

ആദം.....അവനാ.... ആദമോ....ആരാ അയാൾ.....എന്താ അയാൾക്ക് നിന്നോടിത്ര ശത്രുത.....കാശി അവനെ നോക്കി...... ശിവൻ വിഷ്ണുവും ജാനിയുമായുളള പ്രശ്നങ്ങൾ മുതൽ അന്ന് നടന്നത് വരെയുളള എല്ലാ കാര്യങ്ങളും കാശിയോട് പറഞ്ഞു.....കാശി എവ്ലാം ശ്രദ്ധയോടെ കേട്ടിരുന്നു...... ശിവാ..... വിഷ്ണു ഇപ്പൊ ജയിലിലാ ഇതൊക്കെ കേട്ടിട്ട് നിനക്ക് വേണ്ടി എന്തെങ്കിലും ചെയ്യണമെന്നുണ്ട് പക്ഷെ ....ഇവയൊക്കെ ആരാന്ന് കൂടി എനിക്കറിയില്ല.....ഇവരിലാരുടെയെങ്കിലും ഫോട്ടോ എങ്കിലും നിന്റെ കൈയിലുണ്ടോ.....കാശി തിരക്കി ..... മ്മ്ഹം.....ഉണ്ട്.....ജാനകിയുടെയും ആൻ മരിയയുടെയും ..... ടാ......ദിനേശാ......ആ ഫോണിൽ സേവ് ചെയ്തിരിക്കുന്ന അവളു മാരുടെ ഫോട്ടോ കാണിച്ചു കൊടുക്കടാ.....ശിവൻ അടുത്ത് നിന്ന അവന്റെ സഹായിയെ നോക്കി.... ദിനേശ് വേഗം ഫോൺ ഓപ്പൺ ചെയ്ത് ഫോട്ടോ സൂം ചെയ്ത കാശിയെ ഏൽപ്പിച്ചു.....ഒ ഫോണിലേക്ക് നോക്കിയ കാശി ഒരു നിമിഷം സ്തബ്ദനായി......പതിയെ അയാളുടെ മുഖത്ത് ഒരു പുച്ഛ ച്ചിരി വിരിഞ്ഞു...... ഇതാണോ ജാനകിയും ആൻമരിയയും.....വൈകിപ്പോയല്ലോ ശിവ...

.ഈ ഫോട്ടോ കുറച്ചു മുൻപ് എന്നെ കാണിച്ചിരിക്കുന്നെങ്കിൽ ഇവരൊക്കെ എന്നേ നിന്റെ കൈകളിലെത്തിയേനേ......പുച്ഛ ചിരിയോടെ പറഞ്ഞു..... നിനക്കറിയോ ഇവരെ ......ശിവ കാശിയെ തന്നെ നോക്കി ..... അറിയോന്നോ......വീണ്ടും ചിരിച്ചു......ഈ ജാനകിയില്ലേ അവളെന്റെ അപ്പച്ചീടെ മോളാ.....എന്റെ മുറപെണ്ണ്.....പിന്നെ ഈ ആൻമരിയ അവളില്ലേ ഞങ്ങളുടെ ശത്രുവാ....ഇവളുടെ ആങ്ങളയല്ലേ നീ പറഞ്ഞ ആദം....പല്ല് ഞെരിച്ച് കൊണ്ട് ചോദിച്ചു മ്മ്ഹം അതേ കാശി..... എന്റെ ഏട്ടനെയും ജീവഛവമാക്കിയവനാ ഇവൻ.....ഒറ്റക്കൊമ്പന്റെ ഈ അസുരവിത്ത്.....അതിലും വലിയൊരു വിശേഷം കൂടിയുണ്ട് അതെന്താന്ന് നിനക്കറിയേണ്ടേ......ആദമാണ് ജാനകിയുടെ കഴുത്തിൽ താലി കെട്ടിയവൻ......അവളുടെ പ്രിയപ്പെട്ട ഭർത്താവ്.......അത് പറയുമ്പോൾ കാശിയുടെ മുഖം വലിഞ്ഞു മുറുകിയിരുന്നു..... കാശി പറയുന്നതൊക്കെ ഞെട്ടലോടെ കേട്ട് കിടക്കാരുന്നു ശിവൻ............... തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...