🔥അരുന്ധതി [ 2 ] 🔥 : ഭാഗം 56

എഴുത്തുകാരി: ദിവ്യ സാജൻ  

ആദമിനോട് സംസാരിച്ചു കഴിഞ്ഞ് ജോഷു പുറത്തേക്കിറങ്ങിയതും ഹെലൻ അവിടേക്ക് വന്നു.......പതിവിന് വിപരീതമായി അവളെ കണ്ട ഭാവം പോലും കാണിക്കാതെ ജോഷു മുന്നോട്ട് നടന്നു.....അത് അവളെ വല്ലാതെ നോവിച്ചു..... ജോഷിച്ചാ.......അവൾ പതിയെ വിളിച്ചു....പക്ഷെ ജോഷു കേൾക്കാത്തത് പോലെ തിരിഞ്ഞു പോയി .....അവന്റെ അവഗണന അവളെ വേദനിപ്പിക്കാൻ തുടങ്ങി .... അന്നത്തെ ദിവസം ഹെലൻ ജോഷുവിനോട് സംസാരിക്കാൻ പലതവണ ശ്രമിച്ചെങ്കിലും അവൻ അവളെ മനപൂർവം അവഗണിച്ചു.....ഇതെല്ലാം ആദം ശ്രദ്ധിച്ചിരുന്നു.....വൈകുന്നേരം ജോഷു ഓഫീസിൽ ഇരിക്കെ ആദം ഹെലനെ അവിടേക്ക് വിളിപ്പിച്ചിരുന്നു......ഹെലൻ അകത്തേക്ക് കയറി വന്നതും ജോഷു എഴുന്നേറ്റ് പുറത്തേക്ക് പോവാനൊരുങ്ങി..... ടാ......ജോഷൂ അവിടൊന്ന് നിന്നേ.....ആദം അവനെ പിന്നിൽ നിന്നും വിളിച്ചു...... എന്നാ ഇച്ഛായാ...... ടാ......നിനക്കിതെന്നാ പറ്റീ.....നീയെന്നാത്തിനാ അവളെ കാണുമ്പോ ഒഴിഞ്ഞു നടക്കുന്നേ.....ആദം ഒച്ചയെടുത്തു... പിന്നെ ഞാൻ എന്നാ വേണം.....

പണ്ടത്തെ പോലെ അവളുടെ പിന്നാലെ നടന്ന് ശല്യം ചെയ്യണോ..... ഇവളുടെ പിന്നാലെ പട്ടിയെ പോലെ ചെന്ന് ഇവളുടെ ആങ്ങളയുടെ തല്ല് മേടിക്കേണ്ട ഗതി കേടൊന്നും എനിക്കില്ല പറഞ്ഞു കൊണ്ട് മുന്നോട്ട് നടക്കാനാഞ്ഞവനെ ആദം വീണ്ടും തടഞ്ഞു.... ടാ.... കോപ്പേ....നിന്റെയൊക്കെ രണ്ടിന്റെയും പ്രശ്നം എന്നതാ.....ടീ കൊച്ചേ നിനക്കിവനെ ഇഷ്ടവാന്നോ....ആദം അവളെയൊന്ന് ഇരുത്തി നോക്കി..... മറുപടി പറയാതെ മുഖം കുനിഞ്ഞ് നിന്നു..... ടീ .....പെണ്ണേ ദേ നിനക്കെന്നതേലും ഇവനോട് പറയാനുണ്ടേൽ ഇപ്പൊ പറഞ്ഞോണം........പറഞ്ഞു തീർത്തേച്ച് നീയൊക്കെ പുറത്തേക്ക് വന്നാ മതി..... പറഞ്ഞു കൊണ്ട് ആദം മുന്നോട്ട് നടന്നു ...... ഇച്ഛായാ......എന്നെ ഇവൾക്ക് ഇഷ്ടവല്ല.......പിന്നാലെ നടന്ന് ശല്യം ചെയ്യരുതെന്ന് പറഞ്ഞു കഴിഞ്ഞതാ....അത് കൊണ്ട് എനിക്കൊന്നും പറയാനില്ല......ജോഷു പുറത്തേക്ക് പോവാനാഞ്ഞതും.... പ്ഫാ........പന്ന....... ഇപ്പൊ നീയൊക്കെ ഇവിടിരുന്ന് ഒരു തീരുമാനം എടുത്തില്ലേൽ തമ്പുരാനാണേ ജോഷുവേ നിന്നെ ഞാനീ ഫിനാൻസിന്റെ ഏഴയലത്തടുപ്പിക്കുകേല പറഞ്ഞു കൊണ്ട് ആദം പുറത്തേക്കിറങ്ങി വാതിൽ ചാരി......

ഹെലൻ മുഖം കുനിച്ച് തന്നെ നിന്നു......ജോഷുവും അടുത്ത് കണ്ട ചെയറിൽ ഇരുന്നു.......കുറച്ചു കഴിഞ്ഞു പതിയെ മുഖമുയർത്തി അവളെ നോക്കി...... ദേ പെണ്ണേ ഉളളത് ഉളളത് പോലെ പറഞ്ഞേരെ....നിനക്കെന്നെ ഇഷ്ടവാന്നോ..... ഹെലൻ മറുപടി പറയാതെ നിന്നു..... ടീ പുല്ലേ നിന്നോടാ ചോദിച്ചത് വല്ലതുമുണ്ടേൽ വായ തുറന്നു പറയടീ കോപ്പേ അവളുടെ ഒടൂക്കത്തെ മിണ്ടാവൃതം.....മൂങ്ങ.....അവളെ കനപ്പിച്ച് നോക്കി ജോഷു..... ഇച്ചാ......എനിക്ക്.......എനിക്ക് നിങ്ങളെ ഇഷ്ടാ.....പക്ഷെ അലോഷിച്ചായൻ നമ്മുടെ കെട്ട് കല്യാണം ഒരിക്കലും നടത്താൻ സമ്മതിക്കുകേല.....അത് പലതവണ പറഞ്ഞിട്ടുളളതാ.........ചെറിയൊരു പകപ്പോടെ പറഞ്ഞു..... ആ പന്ന ......മോന് ബിയറില് വല്ല എലിവിഷം കലക്കി കൊടുത്ത് കൊന്നേക്കടീ.....വെറുതെ എന്നാത്തിനാ.....മറ്റുള്ളവർക്ക് പണിയാനായിട്ടൊരു ജന്മം......അവൻ പറഞ്ഞത് കേട്ട് അമ്പരന്ന് നോക്കി നിന്നു ഹെലൻ...... അല്ലേലും നിന്റെ കല്യാണക്കാര്യം തീരുമാനിക്കേണ്ടത് നീയല്ലേ......പിന്നെ എന്നാത്തിനാ അവന്റെ ചമ്മതം.....ജോഷു പുച്ഛത്തോടെ ചോദിച്ചു......

ഇച്ചാ.....ഞങ്ങൾ ഇപ്പൊ താമസിക്കുന്ന വീട് അലോഷിച്ചായന്റെയാ...... എന്തെങ്കിലും പൊരുത്തക്കേടുണ്ടായാൽ ഇറങ്ങി പോവാൻ പറയും.....ഞങ്ങൾക്ക് പോവാൻ വേറൊരിടം ഇല്ലിച്ചാ.....ഇവിടന്ന് കിട്ടുന്ന വരുമാനം കൊണ്ടാ അമ്മയുടെ മരുന്നും ഹന്നേടെ പഠിപ്പും പിന്നെ വീട്ടിലെ മറ്റ് ചിലവുകളും നടന്നു പോകുന്നത്......അവിടെ നിന്നും ഇറങ്ങി കൊടുക്കാനെങ്ങാനും പറഞ്ഞാലെന്നാ ചെയ്യും......അതോർത്താ ഞാൻ .....നിറ കണ്ണുകൾ തുടച്ചു കൊണ്ട് വിതുമ്പലോടവൾ പറഞ്ഞു...... അതിന് ഞാനില്ലേടീ കോപ്പേ.....പിന്നെ ഞാനെന്നിത്തിനാ ഈ സമ്പാദിക്കുന്നേ.....ദേ ഞാനിന്ന് നമ്മുടെ കാര്യം ഒരിക്കൽ കൂടി ചാച്ചനോട് പറയാം......ചാച്ചൻ ആരേലും വിട്ടു പെണ്ണ് ചോദിക്കുവാണേൽ......അങ്ങ് സമ്മതിച്ചേക്കണം വെറുതെ എന്നെ ഇനിയും തല്ലു കൊളളിക്കരുത്......കേട്ടല്ലോ പറഞ്ഞു കൊണ്ട് അവളെ വലിച്ചു നെഞ്ചിലേക്കിട്ട് കൊണ്ട് നിറുകിൽ അമർത്തി ചുമ്പിച്ചു...... ഈ സമയം ആദം അവിടേക്ക് കയറി വന്നു......ഹെലൻ വേഗം അവനിൽ നിന്നും അകന്നു മാറി...... എടാ ജോഷുവേ ഇതിപ്പോ ഞാനൊന്ന് മാറി തന്നെന്ന് വച്ച് നീയൊക്കെ കൂടെ എനിക്ക് ചീത്തപ്പേരുണ്ടാക്കുവോ......ആദം കളിയാക്കി..... അതേ....ചീത്തപ്പേരിന്റെ കാര്യം നിങ്ങള് പണയണ്ട.....

ആലത്തറയിലെ പെണ്ണ് താമരയ്ക്കലെ ആദത്തിന്റെ കെട്ടിയോളായ കഥയൊക്കെ നാട്ടിൽ പാട്ടാ......അതോർമ്മ വേണം .....പറഞ്ഞു കൊണ്ട് ആദത്തെ ഒന്ന് കടുപ്പിച്ച് നോക്കി പ്ഫാ പന്ന മോനെ.......ഇറങ്ങി പോടാ തെണ്ടീ ഇവിടെ നിന്ന് ......ആദം ഒച്ചയെടുത്തു...... അല്ലേലും ഉത്തരം മുട്ടുമ്പോ നിങ്ങളിങ്ങനെ തെറി വിളിച്ചാ മതി പറഞ്ഞു കൊണ്ട് അവനടുത്ത് നിന്നും ദൂരേക്ക് മാറി...... ❤❤ വിഷുണു......കാര്യങ്ങളോക്കെ ഞാനിപ്പോഴാ അറിയുന്നത്.........എന്തായാലും താൻ വിഷമിക്കേണ്ട ജാനകി.......അവളെ ഞാൻ തന്റെ വരുധിയിലാക്കി തന്നോളാം......എത്രയും വേഗം ഇവിടെ നിന്നും പുറത്തിറങ്ങാനുളള കാര്യം ആലോചിക്ക് .....വന്യമായ ചിരിയോടെ വിഷ്ണുവെനോടായ് പറഞ്ഞു കാശി..... മ്മ്ഹം.....വിടരുത് ആ പന്ന മോളെയും അവനെയും...അന്നെന്റെ ശീവനെ നോവിച്ചപ്പോഴേ കൈയോങ്ങി വച്ചതാ ഞാൻ അവനെ ഒരു തവണ ഒരൊറ്റ തവണ അവനെ ആ ആദത്തെ എന്റെ കൈയിലൊന്നു കീട്ടിയാൽ പിന്നെ അവഴ ജീവനോടുണ്ടാവില്ല .....പല്ലു ഞെരിച്ച് കൊണ്ട് പറഞ്ഞു അയാൾ.....

വിഷ്ണു എന്ന് പുറത്തേക്ക് വരൂന്നോ അന്ന് ജാനകി തന്റെ കൈയിൽ വന്നു ചേരും ഇതെന്റെ വാക്ക്.......താടിയുഴിഞ്ഞു കൊണ്ട് പുച്ഛത്തോടെ പറഞ്ഞു കാശി..... ❤❤ വൈകിട്ട് ജോഷുവിന് ആക്സിഡന്റായതറിഞ്ഞ് ആന്റണിയുടെ വീട്ടിൽ കൂടിയതായിരുന്നു താമരയ്ക്കൽ ഉളളവർ..... ടാ......എന്നാലും ആ അലൗഷി എന്നാ ഇടിയാടാ ഇടിച്ചത് എന്റെ ചെറുക്കനെ പാവം എന്റെ കൊച്ച്.......ഏലിയാമ്മ താടിയ്ക്ക് കൈവച്ചു കൊണ്ട് പറഞ്ഞു...... എന്റെ വല്യമ്മച്ചീ വല്യമ്മച്ചിയിതെന്നാ അറിഞ്ഞിട്ടാ.....ഇതൊക്കെ അവനൊരു ലഡ്ഡു സാപ്പിടണമാതിരി......ജുജുബീ.......അല്യോടാ......ആദം അവനെ കളിയാക്കി..... ലഡുവും ജിലേബിയുവോ അതെന്നാടാ നീ അങ്ങനെ പറഞ്ഞേ...... അതോ ഇതിടയ്ക്കിടെയുളള പതിവാന്ന് പറയാരുന്നു......ചിരിയോടെ ആദം ജോഷുവിനെ നോക്കി ജോഷു അവനെ നോക്കി പല്ലു ഞെരിച്ചു.... അത് നേരാ......തൊലിക്കട്ടീടെ കാര്യത്തിൽ കണ്ടാമൃഗത്തിനെ വെല്ലും ഇവൻ അല്യോടാ ജോഷുവേ കണ്ണാപ്പീ പറയുന്നത് കേട്ട് അവനെ കൂർപ്പിച്ചു നോക്കി ...... രണ്ടും കൂടി രണ്ടു വശത്ത് നിന്ന് ട്രോളി രസിക്കുവാ.....ന്യൂ ജനറേഷൻ യൂദാസുകൾ......പിറുപിറുത്തു ക്കൊണ്ട് പുറത്തേക്ക് പോയി ജോഷൂ.....

അവന്റെ പോക്ക് കണ്ടു ചിരി കടിച്ചു പിടിച്ചു നിക്കാരുന്നു ആദമും കണ്ണാപ്പീയും.... ടാ.....ആന്റണി ഇതിങ്ങനെ വിട്ടാലൊക്കത്തില്ല .....പണ്ടെങ്ങാണ്ടോ അപ്പൻ ചെയ്ത് വച്ച തോന്ന്യാസത്തിന്റെ പേരിൽ നമ്മളൊക്കെ തല്ല് കൂടിയത് പോലെ ദേ നമ്മുടെ തലമുറകളും ഇതോക്കെ തന്നെ ആവർത്തിച്ചോണ്ടിരിക്കാ.....ഇതീനൊരവസാനം കുറിച്ചില്ലേൽ വീണ്ടും ഈ ശത്രുത തലമുറകളോളം നീണ്ടു പോവും.......ഞാൻ പറഞ്ഞു വന്നത് എന്നതായാലും പിളളാര് തമ്മിലിഷ്ടത്തിലല്യോ.....നമുക്കൊന്ന് ഇടമറ്റം വരെ ചെന്ന് ഇതിനൊരു തീരുമാനമുണ്ടാക്കണം ഒപ്പം നമ്മളൊക്കെയായിട്ട് ഉണ്ടാക്കിയ ശത്രുത മാറ്റിയെടുക്കേം വേണം......എന്നാടാ നിന്റെ അഭിപ്രായം..... മ്മ്ഹം.....ഞാനും അതേ പറ്റി ആലോചിക്കുവാരുന്നിച്ഛായ നാളെ തന്നെ നമുക്ക് അവിടേക്ക് പോവാം എന്നാ അത് പോരേ...... മ്മ്ഹം....മതിയെടാവേ.....അലക്സ് നീട്ടി മൂളിക്കൊണ്ട് പറഞ്ഞു...... ❤❤ രാത്രി ബാൽക്കണിയിൽ നിക്കാരുന്നു ജാനി ....ആദം അവളെ പിന്നിലൂടെ വട്ടം പിടിച്ചു തന്നിലേക്കടുപ്പിച്ചു..... എന്നാടീ പെണ്ണേ വല്യ ആലോചനയിലാന്നല്ലോ....എന്നതാ....

.അവളുടെ കവിളിൽ പിച്ചി കൊണ്ട് ചോദിച്ചു..... ഇച്ഛായാ അത്.....ഞാനേ....പിന്നെ ഏയ്.....ഒന്നുമില്ല......എന്തോ പറയാൻ തുടങ്ങിട്ട് മറച്ച് വച്ചു..... ഹാ.....എന്നാടീ.....ആദം അവളെ കനപ്പിച്ച് നോക്കി...... അത് പിന്നെ ഞാൻ.....ഞാൻ ........വാവേടെ കാ.....ര്യം ആലോചിക്കാരുന്നേ.....അവനെ ഇടം കണ്ണാലേ നോക്കി ജാനി.... വാവയോ.....നീ എന്നാടീ ഈ പറയുന്നേ......അവൻ നെറ്റിചുളുച്ചു..... ഞാ.....ഞാൻ.....ജൂനിയർ ആദത്തിന്റെ ......കാര്യാ പറഞ്ഞത് ചമ്മലോടെ പറഞ്ഞു കൊണ്ട് മുഖം താഴ്ത്തി.... അവൾ പറയുന്നത് കേട്ട് തറഞ്ഞു നിക്കാരുന്നു ആദം.....അവനവളെയൊന്നിരുത്തി നോക്കി.... അയ്യടാ....അവളുടെ ഒരു പൂതിയേ......ദേ പെണ്ണേ അതൊക്കെ പഠീപ്പ് കഴിഞ്ഞിട്ടാലോചിച്ചാ മതി മനസ്സിലായോടീ പൂച്ച കണ്ണീ.....അവളെയൊന്നിരുത്തി നോക്കി ക്കൊണ്ട് പറഞ്ഞു..... അതും ഇതും തമ്മിലെന്താ ഇച്ഛായാ....പഠിത്തമൊക്കെ ഇതിനൊപ്പമങ്ങ് പോവില്ലേ......ചുണ്ടുകൾചുളുക്കീ കൊണ്ട് പറയുന്നവളെ പുഞ്ചിരിയോടെ നോക്കി ആദം അവളുടെ മുഖം കൈയിലെടുത്തു...... ആഹ് .......

അതൊക്കെ നിന്റെ തോന്നലാടീ... ജാനുമ്മ എല്ലാം കൂടി ഒരുമിച്ചു താങ്ങുകേലെന്റെ കൊച്ച് .........കുഞ്ഞിന്റെ കാര്യം നമുക്ക് പിന്നെ ആലോചിക്കാം.....ആദ്യം നിന്റെ പഠിപ്പ് നടക്കട്ടേ.....വലിയ അമ്മച്ചി ആയി കഴിയമ്പോഴേ നീ ചിലപ്പോ പഠിക്കാനുഴപ്പും......അങ്ങനെ വന്നാൽ നിന്റെ അമ്മ ഇത്രയും നാൾ കഷ്ടപ്പെട്ടത് വെറുതെ ആവില്ലേടീ..... പറഞ്ഞു കൊണ്ട് അവളെ ചേർത്ത് പിടിച്ചു ആദം...... വാവ വന്നാലും ഞാൻ പഠിച്ചോളാം ഇച്ഛായാ......കൊഞ്ചലോടവൾ പറഞ്ഞു..... അതെന്നാടീ ഇപ്പൊ അങ്ങനെ തോന്നാൻ.....അവൻ മീശ മുറുക്കി ക്കൊണ്ട് ചോദിച്ചു..... വെറുതെ..... ഈ താന്തോന്നിച്ചെക്കന് ഞാൻ വാക്ക് തന്നതല്ലേ നിങ്ങളുടെ കുഞ്ഞിന് ഈ കൈയിലേക്ക് വെച്ച് തരാന്ന് പുഞ്ചിരിയോടെ അവന്റെ കൈയിൽ പിടിച്ചു..... ഓഹ്.....അങ്ങനെ......എന്നതായാലും ഇപ്പൊ അതേ പറ്റി ആലോടചിക്കണ്ട..അതിനൊക്കെ ഇനിയും ഒരുപാട് സമയം ഉണ്ട്......കേട്ടോടീ ജാനുമ്മ......അവളുടെ നിറുകിൽ ചുമ്പിച്ചു ആദം.... ❤❤ അലക്സ് പറഞ്ഞത് പോലെ പിറ്റേന്ന് തന്നെ ആന്റണിയും അലക്സും ഇടമറ്റത്തേക്ക് പുറപ്പെട്ടു..... അവർ ഗേറ്റ് കടന്നകത്തേക്ക് വന്നതും ഒരു പുഞ്ചിരിയോടെ റിച്ചാർഡ് പുറത്തേക്ക് വന്നു..... അവനെ തെല്ലൊത്ഭുതത്തോടെ നോക്കി അലക്സ്.......

കാരണം അന്ന് അവനെ തല്ലി പരിക്കേൽപ്പിച്ച ശേഷം നേരിട്ട് ഈ വീട്ടിലേക്ക് വരുന്നത്.......അവനെങ്ങനെ അവരെ സ്വീകരിക്കുമെന്ന് ചെറിയൊരു അങ്കലാപ്പിൽ ആയിരുന്നു അലക്സ്........ ടാ.....നിനക്ക് സുഖവാണോടാ റിച്ചാർഡേ......അലക്സ് ചോദിച്ചു..... മ്മ്ഹം.....സുഖവാ ഇച്ഛായാ.....നിങ്ങൾക്കും സുഖവല്ലേ......റിച്ചാർഡ് രണ്ട് പേരെയും അകത്തേക്ക് ക്ഷണിച്ചു കൊണ്ട് ചോദിച്ചു ..... മ്മ്ഹം......ടാ ഞങ്ങൾ അലോഷിയെ ഒന്ന് കാണാനാ വന്നത്.....അലക്സ് മുഖവരയേതുമില്ലാതെ പറഞ്ഞു... എന്നായിച്ഛായ എന്നതാ കാര്യം.....അവൻ ആധിയോടെ ചോദിച്ചു... . അത് പിന്നെ നിനക്കറിയാല്ലോ പിളളാര് തമ്മിൽ വഴക്കുകളെ കുറിച്ചു......അന്ന് നമ്മളായിട്ട് തുടങ്ങി വച്ചതാ ഇപ്പൊ അവന്മാരും അതേ പാതയിൽ തന്നെയാ പോവുന്നതേ.....ഇനിയും കൂടപിറപ്പുകൾ തമ്മി ലുളള ഈ കുടുംബ വഴക്ക് നീട്ടിക്കൊണ്ടു പോണോടാ റിച്ചീ.... അതൊന്ന് പറഞ്ഞവസാനിപ്പിക്കണ്ടേ..... പിന്നെ ഹെലനെ ദേ ഈ ആന്റണിടെ ഇളയ മോന് കൊടുക്കുവോന്ന് കൂടി ചോദിക്കാൻ വേണ്ടി വന്നതാ..... ഈ സമയം പുറത്ത് നിന്നും അലോഷി അവിടേക്ക് വന്നു............... തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...