🔥അരുന്ധതി [ 2 ] 🔥 : ഭാഗം 6

എഴുത്തുകാരി: ദിവ്യ സാജൻ

മുണ്ടും മടക്കി കുത്തി ദഹിപ്പിക്കുന്ന നോട്ടമെറിഞ്ഞ് തന്റെ നേർക്ക് നടന്നടുക്കുന്നവനെ തെല്ലൊരു അമ്പരപ്പോടെ ശിവൻ നോക്കി നിൽക്കുന്നുണ്ടായിരുന്നു...... പ്ഫാ....പന്ന .... മോനേ ആദത്തിന്റെ പെങ്ങടെ മേത്ത് കൈവയ്ക്കാൻ മാത്രം ചങ്കുറപ്പായോടാ നിനക്ക് പറഞ്ഞു കൊണ്ട് കാലുയർത്തി ആഞ്ഞൊന്ന് ചവിട്ടി ശിവന്റെ നെഞ്ചത്ത്.......ചവിട്ടിന്റെ ആക്കത്തിൽ ദൂരേക്ക് തെറിച്ചു വീണു ശിവൻ.....പതിയെ നെഞ്ചിൽ കൈവച്ച് തപ്പി തടഞ്ഞെണീറ്റപ്പോഴേക്കും കൈയൊന്ന് കുടഞ്ഞ് ഇടിവള മുകളിലേക്ക് തിരുകി വച്ച് വർദ്ധിച്ച കോപത്തോടെ ആദം അവന് നേരെ നടന്നെത്തിയിരുന്നു.......നേരെ നിൽക്കാൻ കഴിഞ്ഞില്ലെങ്കിലൂം അവന്റെ അടുത്ത നീക്കം പ്രതിരോധിക്കാനെന്ന പോലെ കൈമുഷ്ടി ചുരുട്ടി ആദത്തിന്റെ മുഖത്തിന് നേരെ ആഞ്ഞൊന്ന് വീശി......വലത് കൈയാൽ ശിവന്റെ കൈയിൽ പിടുത്തമിട്ട് കോണ്ട് ഇടത് കൈയാൽ അവനെ തിരിച്ചു നിർത്തി ആദം ......

ശിവന്റെ കൈ പിന്നിലേക്ക് വലിച്ച് ഒടിച്ചു..... ആ.....ആ....ആ.....അസ്ഥി നുറുങ്ങുന്ന ശബ്ദത്തോടെ ശിവൻ അലറി വിളിച്ചു.....അവന്റെ പിടിയൊന്നയഞ്ഞപ്പോൾ നിലത്തേക്ക് വീഴാനാഞ്ഞതും ആദം ശിവന്റെ ഷർട്ടിൽ പിടിച്ചു എണീപ്പിച്ച് നിർത്തി കലിയടങ്ങാതെ വീണ്ടും വീണ്ടും തല്ലാൻ തുടങ്ങി.....അടികൊണ്ട് അവശനായി നിലത്തേക്ക് വീണിട്ടും ഭ്രാന്ത് പിടിച്ചത് പോലെ ആദം ശിവനെ തല്ലുന്നുണ്ടായിരുന്നു .... ഈ സമയം ജോഷുവും കൊച്ചും കൂടി പരസ്പരം നോക്കി പിന്നെ രണ്ടാളും കൂടി ഓടി വന്ന് അവനെ വട്ടം പിടിച്ച് പിന്നിലേക്ക് വലിച്ച് മാറ്റി..... കൊച്ചു....മാറി നിക്കടീ....അലറിക്കൊണ്ട് അവളെ രൂക്ഷമായി നോക്കി ....കൊച്ചു അവന്റെ ദേഷ്യത്താൽ കുറുകിയ കണ്ണുകൾ കാണേ ഭയത്തോടെ പിടിവിട്ട് മാറി നിന്നു..... ഈ സമയം ജോഷുവിന്റെ പിടി ഒന്ന് കൂടി മുറുകിയിരുന്നു..... ടാ....പന്ന .......... മോനേ വിടടാ എന്നെ പറഞ്ഞു കൊണ്ട് അവനിൽ നിന്നും കുതറാൻ തുടങ്ങി ആദം..... മതീ....ഇച്ഛായാ....മതി.....ഇനി....ഇനിയും തല്ലിയാൽ അവൻ ചാവും......ആദം അവന്റെ കൈ പിടിയിൽ ഒതുങ്ങുന്നില്ലെന്നതിന് തെളിവെന്നോണം ഇടർച്ചയോടെ പറഞ്ഞു......

ദേ....ഈ പന്ന .......മോനെന്റെ കൊച്ചിനെ എന്നാ ചെയ്തേന്ന് കണ്ടോ....ഒരു ഈർക്കിലി കോല് കൊണ്ട് പോലും നോവിക്കാത്ത കൊച്ചിനെയാ അവനിന്ന്.....വിടടാ....കൊല്ലും ഞാനിന്നീ പന്നനെ.....അലറി വിളിച്ചു കൊണ്ട് ജോഷുവിന്റെ കൈ പിടിച്ച് മാറ്റാൻ നോക്കി.... ഈ സമയം ഹോസ്റ്റൽ വാർഡൻ വിളിച്ചു പറഞ്ഞ് ഒരു ജീപ്പിൽ രണ്ടു പോലീസുകാർ അവിടേക്ക് എത്തിയിരുന്നു.....ജീപ്പിൽ നിന്നും ഇറങ്ങി വരുന്ന പോലീസുകാരെ കണ്ട് കൊച്ചുവും ജോഷുവും ഭയത്തോടെ പരസ്പരം നോക്കി......ആദത്തെ നോക്കുമ്പോൾ ഒരു കൂസലുമില്ലാതെ കുത്തഴിഞ്ഞ മുണ്ടും മടക്കി കുത്തി....അലസമായി കുലഞ്ഞ് കിടന്ന മുടി കൈകൊണ്ട് പിന്നിലേക്ക് മാടിയൊതുക്കി വയ്ക്കുകയായിരുന്നു...... ടാ....പന്ന.......മോനേ നിനക്കൊക്കെ ഈ ലേഡീസ് ഹോസ്റ്റലിൽ എന്താടാ കാര്യം.....പോലീസുകാരിലൊരാൾ ആദത്തിന് നേരെ കൈയോങ്ങി......

കയ്യാങ്കളി വേണ്ട സാറേ.....കാര്യമറിയാതെ കൈയോങ്ങിയാ സാറിൻറെ തടി കേടാവും....അയാളെ തടഞ്ഞു കൊണ്ട് ആദം പറഞ്ഞു.... പ്ഫാ.....പോലീസിനാണോടാ നിന്റെ വിരട്ടൽ അയാൾ അവന്റെ കോളറിൽ പിടിച്ചു..... അയ്യോ .....സാറേ ഇതെന്റെ ബ്രദറാ.....എന്നെ കാണാൻ വന്നതാ.....അപ്പോ ഇയാളെന്നെ കടന്നു പിടിച്ചത് കണ്ടോണ്ടാ ഇച്ഛായൻ.....ശിവനെ ചൂണ്ടി പറഞ്ഞു നിർത്തി ക്കൊണ്ട് അയാളെ ദയനീയമായി നോക്കി.... അവൾ പറയുന്നത് കേട്ട് കണ്ണ് തളളി നിക്കാരുന്നു ജോഷൂ.... ഹാ....എന്തായാലും വന്ന് വണ്ടീല് കേറ് സ്റ്റേഷൻ വരെ ഒന്ന് പോയിട്ട് വരാം പറഞ്ഞു കൊണ്ട് ആദത്തെ നോക്കി...... ജോഷു കൊച്ചുവിനെ നോക്കി ചുണ്ടു പിളർത്തി..... ആഹ് .....മനോജേ ഒരു ഓട്ടോ പിടിച്ച് ഇവനെ ഹോസ്പിറ്റലിൽ എത്തിച്ചേക്ക് ഇനി ഇവിടെ കിടന്ന് ചാവണ്ട....നിലത്ത് കിടന്ന് നിരങ്ങുന്ന ശിവനെ നോക്കി ക്കൊണ്ട് കൂടെ വന്ന കോൺസ്റ്റബിൾനോട് അയാൾ പറഞ്ഞു.....

ആദത്തെയും കൊണ്ടയാൾ പോകുന്നതും നോക്കി കണ്ണുകൾ തുടച്ചു കൊച്ചു.... ടീ....കൊച്ചേ ഇനിപ്പോ എന്നാ ചെയ്യും ഇച്ഛായനെ പുറത്തിറക്കണ്ടായോ......ജോഷു ആധിയോടെ ചോദിച്ചു..... മ്മ്ഹം.....ഒരു കാര്യം ചെയ്യാം ഞാനെന്റെ സർനെ ഒന്ന് വിളിക്കട്ടെ പറഞ്ഞു കൊണ്ട് കൊച്ചു ഫോണെടുത്ത് ഇസഹാക്ക് എന്ന് സേവ് ചെയ്തിരുന്ന നമ്പറിലേക്ക് ഡയൽ ചെയ്തു..... (ഇസഹാക്ക് ടോണി കുര്യൻ കുരിശിങ്കൻ....കുരിശിങ്കലെ കുര്യൻ മാമ്മൻ എന്ന മാമച്ചന്റയും ലില്ലി കുര്യന്റെയും ഒരേയൊരു മകൻ.....ആള് കൊച്ചുവിന്റെ പ്രൊഫസ്സർ ആണെങ്കിലും കൊച്ചുവിനെ മിന്ന് കെട്ടി കുരിശിങ്കലേക്ക് കൊണ്ട് പോവണമെന്നാണ് ടോണിയുടെ ആത്മാർഥമായ ആഗ്രഹം പക്ഷെ അത് ഇതേവരെ അവളോട് തുറന്നു പറഞ്ഞിട്ടില്ല ....പഠിത്തം കഴിഞ്ഞു താമരയ്ക്കൽ ചെന്ന് പെണ്ണ് ചോദിക്കാനിരിക്കുവാണ് കക്ഷി..) കൊച്ചുവിന്റെ കോൾ കണ്ടതും മുന്നു പിന്നും നോക്കാതെ ചാടി വീണെടുത്തു....

ഹലോ....ആൻ..... ഹലോ ടോണിച്ചാ......എനാക്കൊരത്യാവശ്യ കാര്യം പറയാനുണ്ട്....എന്നെ ഒന്ന് ഹെൽപ് ചെയ്യണേ.... ഹാ നീ എന്നതാ കാര്യം എന്ന് ആദ്യം പറയ്..... അത് ടോണിച്ചാ.....എന്റിച്ഛായനെ പോലീസ് അറസ്റ്റ് ചെയ്തു..... എന്നാന്ന്!!!!! കേട്ടത് വിശ്വസിക്കാനാവാതെ അമ്പരപ്പോടെ ചോദിച്ചു....നിന്റെ ഇച്ഛായനിതെന്തിന്റെ കേടാടോ....ഓരോ തവണവരുമ്പോഴും എന്നതേലും ഒപ്പിച്ച് വചക്കുവല്ലോ.....ഇതിപ്പോ പോലീസ് ഇടപെടാൻ മാത്രം എന്നതാ.... അത്......പിന്നെ....അവൾ നടന്നതൊക്കെ ടോണിയോട് പറഞ്ഞു...... ഹാ......നീയൊരു കാര്യം ചെയ്യ് പോലീസ് സ്റ്റേഷനിലേക്ക് ചെല്ല് ഞാൻ വക്കീലുമായി അവിടെ എത്തിക്കോളാം...... മ്മ്ഹം....ശരി.... ❤❤ ടോണി വക്കീലുമായി സ്റ്റഷന്റെ മുറ്റത്തത്തിയപ്പോൾ....കൊച്ചുവും ജോഷുവും നിപ്പുണ്ടായിരുന്നു...... അവൻ അവരെയും കൂട്ടി അകത്തേക്ക് കയറി പോയി......

അവരെ എസ്.ഐ യുടെ റൂമിലേക്ക് വിളിച്ചു.... അമ്പതോളം പ്രായം ചെന്നൊരാളായിരുന്നു എസ്.ഐ.....അകത്തേക്ക് ചെല്ലുമ്പോൾ ആദം അവിടെ നിപ്പുണ്ടായിരുന്നു..... അവരെ നോക്കി ചെറുതായൊന്ന് ചിരിച്ചു.... ആഹ്.....ഇതാണോടാ തന്റെ പെങ്ങൾ....അയാൾ ആദത്തെ നോക്കി.... മ്മ്ഹം.....മോള് എം.ബി.ബി.എസിന് എത്രാമത്തെ വർഷവാ....അയാൾ അവളെ പുഞ്ചിരിയോടെ നോക്കി.... നാലാം വർഷം.... മ്മ്ഹം....വക്കിലുമായാണല്ലോ വന്നത് .....അതിന്റെ ആവശ്യമൊന്നുമില്ലാരുന്നല്ലോ....അയാൾ അലസമായി പറഞ്ഞു.... അത് .....സർ....പെട്ടെന്ന്.....കൊച്ചു ഒന്ന് പരുങ്ങി..... ടോ .....ആദം ഭാഗത്ത് തെറ്റുണ്ടെന്ന് ഞാൻ പറയില്ല.....കാരണം ഇങ്ങനെ ഒരു സിറ്റുവേഷനിൽ തന്റെ സ്ഥാനത്ത് നട്ടെല്ലുളള ഏതാങ്ങള ആയാലും ഇതൊക്കെ തന്നെ ചെയ്തു പോവും .....പക്ഷെ താനിന്ന് തല്ലി വിട്ടവൻ അത്ര നിസ്സാരക്കാരനല്ല....

ആരെ വേണമെങ്കിലും തല്ലാനും കൊല്ലാനും മടിയില്ലാത്ത കാളിയാർ വിഷ്ണുനാരായണന്റെ വലം കൈയ്യ് ശിവൻ .....അവനിനി വെറുതെ ഇരിക്കുമെന്ന് തോന്നുന്നുണ്ടോ തനിക്ക്.....പാമ്പിനെ പോലെ പകയുളളവനാ അവൻ..... എനിക്കാരെയും പേടിയില്ല സാറേ....അലസമായി പറഞ്ഞു കൊണ്ട് താടിയുഴിഞ്ഞു..... തനിക്ക് പേടിയില്ലായിരിക്കാം പക്ഷെ തന്റെ പെങ്ങൾ ഇവിടെ നിന്നല്ലേ പഠിക്കുന്നേ അവളെ അവൻ വിടുവെന്ന് തോന്നുന്നുണ്ടോ.... അയാളുടെ ചോദ്യം കേട്ട് ചെറിയൊരു പരിഭ്രമം അവന്റെ കുഞ്ഞി കണ്ണുകളിൽ നിറഞ്ഞു..... ഞാൻ പറഞ്ഞു വരുന്നത് തത്കാലം താൻ തിരികെ പോവുമ്പോ ഈ കൊച്ചിനെ കൂടി കൊണ്ട് പോ.....ഈ അന്തരീക്ഷം ഒന്ന് തണുത്തിട്ട് ഇവിടേക്ക് വന്നാ മതി..... മ്മ്ഹം.....ആദം കൊച്ചുവിനെ ഒന്ന് നോക്കി..... അല്ലാ....മോളും ആ ശിവനും തമ്മിൽ എന്താ പ്രശ്നം.....അയാളുടെ പെട്ടെന്നുളള ചോദ്യം കേട്ട് അവൾ ഞെട്ടി ക്കൊണ്ട് ടോണിയെ നോക്കി..... അരുന്ധതി [2] ഭാഗം 7 സർ.....ശിവനും ഞാനും തമ്മിൽ ഒരു പ്രശ്നവുമില്ല.....പക്ഷെ കാളിയാർ മഠത്തിലെ വിഷ്ണു നാരായണനും ഞങ്ങടെ ജാനിയുമായാ പ്രശ്നം......

അവൾ പറഞ്ഞത് എന്തെന്ന് മനസ്സിലാവാത്ത പോലെ അയാൾ നെറ്റിചുളുച്ചു..... ജാനകി.... എന്റെ കൂട്ടുകാരിയെന്ന് പറയാനാവില്ല കൂടപിടപ്പിനെ പോലെ തന്നായിരുന്നവൾ......എന്തിനും ഏതിനും എന്നോടൊപ്പം ഉണ്ടാവും....എന്റെ വാതോരാതെയുളള സംസാരമെല്ലാം ഒരു വിരസതയും കാട്ടാതെ കേട്ടിരിക്കുമായിരുന്നവൾ......ഈ കോളെജിൽ ആദ്യമായി ഞാൻ പരിജയപ്പെട്ടത് അവളെയാണ്.....ആരെങ്കിലും വഴക്ക് പറയുകയോ ചീത്ത പറയുകയോ ചെയ്താൽ കൂടി തിരിച്ചു ഒന്ന് ദേഷ്യപ്പെടുക പോലും ചെയ്യില്ലായിരുന്നവൾ.......എത്ര വലിയ ദുഃഖവും ഉളളിലൊതുക്കി പുഞ്ചിരിക്കുമായിരുന്നവൾ.....ആരെയും ഒരു വാക്ക് കൊണ്ടോ പ്രവൃത്തി കൊണ്ടോ എന്തിന് ഒരു നോട്ടം കൊണ്ട് പോലും വേദനിപ്പിക്കാൻ എന്റെ ജാനിക്ക് കഴിയുമായിരുന്നില്ല.....അത്രയ്ക്ക് പാവവായിരുന്നവൾ.....ഒരമ്മ മാത്രേ അവൾക്കുണ്ടായിരുന്നുളളൂ .....അച്ഛൻ മരിച്ചു പോയി.....വലിയ പേരു കേട്ടൊരു തറവാട്ടിലുളളതാ അവളുടെ അമ്മയെന്ന് ഇടക്കിടെ പറയാറുണ്ട്......അവരൊന്നും വരാറോ ബന്ധം പുതുക്കാറോ ഇല്ലായിരുന്നു.....

ഞങ്ങളോടും അവരെ കുറച്ചു കൂടുതലൊന്നും പറഞ്ഞിട്ടില്ല..... അവളുടെ അമ്മ ഇവിടത്തെ മെഡിക്കൽ കോളേജിൽ നഴ്സ് ആയിരുന്നു......അമ്മയും മോളും മാത്രമാണെങ്കിലും വലിയ സന്തോഷത്തിലായിരുന്നവർ..... അങ്ങനെയിരിക്കെ ഒരു ദിവസം വിഷ്ണുനാരായണൻ എന്ന കരിനിഴൽ അവരുടെ ജീവിതത്തിലെ വെളിച്ചത്തെ കെടുത്തി കൊണ്ട് കടന്നു വന്നു..... ദേവിയാന്റി നൈറ്റ് ഡ്യൂട്ടിയ്ക്ക് പോയിരുന്ന കാരണം ജാനി വീട്ടിൽ തനിച്ചായിരുന്ന ഒരു ദിവസം അവളുടെ ജീവിതം തന്നെ മാറ്റി മറിച്ച ആ ദിവസം......കുറച്ചു പേർ ചേർത്ത് നെഞ്ചിൽ കുത്തേറ്റ നിലയിൽ ഒരാളെ അവളുടെ വീട്ടിലേക്ക് കൊണ്ട് വന്നു....ദേവിയാന്റിയുണ്ടാവുമെന്ന് കരുതി ചോര വാർന്ന് വേദന കൊണ്ട് പുളയുന്ന അയാളെ പെട്ടെന്ന് ഫസ്റ്റ് എയ്ഡ് കൊടുക്കാനെന്നോണം അവിടേക്ക് കൊണ്ട് വന്നത്......അപ്പോഴേക്കും അയാളുടെ ശരീരത്ത് നിന്നും ഒരുപാട് ചോര നഷ്ടപ്പെട്ടിരുന്നു.....ഇത് കണ്ട് ജാനി വേഗം കഴിയുന്ന വിധം മുറിവ് വച്ചു കെട്ടി....ഉടനെ തന്നെ അയാളെ ഹോസ്പിറ്റലിൽ കൊണ്ട് പോവാൻ അവരോട് പറയുകയും ചെയ്തു .....

വിഷ്ണു നാരായണന്റെ ശത്രുവായിരുന്ന ദത്തൻ ആയിരുന്നയാൾ അയാളെ കുത്തി പരിക്കേൽപിച്ചതും വിഷ്ണുനാരായണനായിരുന്നു....കൊല്ലാൻ വേണ്ടിയാണത് ചെയ്തത് പക്ഷെ ജാനി കാരണം അയാൾ രക്ഷപെട്ടു.....ജാനിയാണ് അയാളെ രക്ഷിച്ചതെന്നറിഞ്ഞ വിഷ്ണു നാരായണൻ ഒരു ദിവസം അവളെ തിരിക്കി ഞങ്ങളുടെ കോളേജിലേക്ക് വന്നു.....അവളെ ഭീഷണിപ്പെടുത്തി.....ആദ്യം അവളത് കാര്യമാക്കിയില്ല...... പക്ഷെ പിന്നെ പിന്നെ അവളുടെ പിന്നലെ കൂടി അയാൾ.....എവിടെ പോയാലും പിന്നാലെ തന്നെയുണ്ടാവും......ഒരു ദിവസം അവളെ വഴിയിൽ തടഞ്ഞു വച്ച് സംസാരിച്ചു...അവള് അയാളോട് ചെയ്ത തെറ്റിന് പരിഹാരമായി.....ദത്തനെ ജാനിയുടെ കൈകൾ കൊണ്ട് തന്നെ കൊല്ലണമെന്ന് ഭ്രാന്തമായ പകയോടെ അവളോട് ആവശ്യപ്പെട്ടു.....അതിനു സമ്മതമല്ലെങ്കിൽ......ഒരു ദിവസം അയാൾക്കൊപ്പം....

പറഞ്ഞു മുഴുവനാക്കാതെ നിർത്തിക്കൊണ്ട് മുഖം തിരിച്ചു കണ്ണുകൾ തുടച്ചു കൊച്ചു.... അവൾ അന്ന് ഒരുപാട് കരഞ്ഞു.....പിന്നെയും പിന്നെയും അവന്റെ ശല്യം കൂടി കൂടി വന്നു.....അങ്ങനെ ഗതി ഇല്ലാന്ന് കണ്ട് അവൾ പോലീസിന് പരാതി നൽകി.....സ്റ്റേഷനിൽ നിന്നും അയാളെ വിളിപ്പിച്ച ദിവസം രാത്രി അയാൾ വീട്ടിലേക്ക് കയറി വന്നു.....ഒപ്പം ആ ശിവനും ഉണ്ടായിരുന്നു......രണ്ടാളും പുറത്ത് നിൽക്കുന്നത് കണ്ട് ജാനി വാതിൽ തുറന്നില്ല.....വാതിൽ തുറക്കുന്നില്ലാന്ന് കണ്ട് രണ്ടാളും ചേർന്ന് ചവിട്ടി പൊളിച്ച് അകത്തേക്ക് കയറി...... ഭയന്ന് വിറച്ച് നിന്ന അവളുടെ ശരീരത്തിലായിരുന്നു അവരുടെ കണ്ണുകൾ........ദേവിയാന്റിടെ മുന്നിൽ വച്ച് അവൻ അവളെ .....പറഞ്ഞു മുഴുവനാക്കാൻ കഴിഞ്ഞില്ലവൾക്ക്...... അവളെ ഉപദ്രവിക്കരുതെന്ന് ദേവിയാന്റി അവരുടെ കാല് പിടിച്ചു കരഞ്ഞ് പറഞ്ഞു.....ജാനകി അവനിൽ നിന്നും രക്ഷപ്പെടാൻ പരമാവധി ശ്രമിച്ചു......

പക്ഷെ അവളുടെ കണ്ണുനീർ അയാളുടെ മനസ്സ് മാറ്റിയില്ല.....ഇടയ്ക്കെപ്പോഴോ അവന്റെ കൈയിലെ പിടിയൊന്ന് അയഞ്ഞു....ഈ നേരം കൊണ്ട് പുറത്തേക്ക് ഇറങ്ങി ഓടാൻ തുടങ്ങിയവളുടെ മുടിക്കുത്തിൽ വിഷ്ണു പീടിത്തമിട്ട് കൊണ്ട് ചുമരിൽ ബലമായി ഇടിച്ചു.....നെറ്റി പൊട്ടി ചോര പായാൻ തുടങ്ങിയിരുന്നു....എന്നിട്ടും അവളെ വിട്ടില്ല......അവളുടെ ശരീരം തളരുന്നതിനനുസരിച്ച് എതിർത്ത് നിൽക്കാനുള്ള ശക്തിയും കുറഞ്ഞ് വന്നു ....അവസാനം കീഴ്പ്പെടുത്തുമെന്നായപ്പോൾ കൈവാക്കിന് കിട്ടിയ വെട്ട് കത്തി കൈയിലെടുത്ത് വിഷ്ണുവിനെ ആഞ്ഞ് വെട്ടുകയായിരുന്നവൾ......അവിടത്തെ ബഹളം കേട്ട് ചുറ്റും കൂടിയവർ വേഗം വിഷ്ണുവിനെ ഹോസ്പിറ്റലിൽ എത്തിച്ചു.....അവന്റെ അച്ഛന്റെ പരാതിയെ തുടർന്നു ജാനകിയെ പോലീസ് അറസ്റ്റ് ചെയ്തു.....ആറുമാസം അവൾക്ക് തടവ് ശിക്ഷ വിധിച്ചു......അവളുടെ ശിക്ഷ കഴിഞ്ഞു ജാനകി ഇന്നലെയാ പുറത്തിറങ്ങിയത്.....

അവൾ പുറത്തു വരുന്നതും കാത്ത് വിഷ്ണു ഉളളത് കൊണ്ട് അവളുടെ അമ്മ അവളെ അവരുടെ നാട്ടിലേക്ക് കൊണ്ട് പോയി......അവളെവിടാന്ന് അറിയാനാ ഇന്ന് അയാൾ എന്നെ അന്വേഷിച്ചു ഹോസ്റ്റലിൽ വന്നത്.... മ്മ്ഹം.....അപ്പോ ഈ നാട്ടീന്ന് പോയതിൽ പിന്നെ ആ കുട്ടി മോളെ വിളിച്ചില്ല..... അവളുടെ കൈയിൽ ഫോണില്ല സർ അതൊക്കെ അയാൾ നശിപ്പിച്ചു ആ വിഷ്ണുനാരായണൻ.....രണ്ടാഴ്ച മുന്നേ ആ വിഷ്ണുനാരായണൻ ശിവനുമായി വീണ്ടും അവളുടെ വീട്ടിലേക്ക് കയറി ചെന്നു......അവളുടെ അമ്മയെ ബലമായി പിടിച്ചു പുറത്തേക്ക് തളളിയ ശേഷം അവരുടെ വീടും അതിനകത്തുളള സകലതും പെട്രോൾ ഒഴിച്ച് കത്തിച്ചു.....അവളുടെ മാർക് ലിസ്റ്റ് ഉൾപ്പെടെ ആ വീട്ടിൽ ഒന്നും അവശേഷിച്ചില്ല......ഇത്രയും നാൾ സീതാന്റി ആന്റിടെ കൂടെ വർക്ക് ചെയ്യുന്ന ഒരു ചേച്ചിക്കൊപ്പം അവരുടെ വീട്ടിൽ താമസിക്കുകയായിരുന്നു......

.ഇതിനിടയിൽ നേരിട്ട് കണ്ടു സംസാരിച്ചിരുന്നതല്ലാതെ ഫോണിൽ സംസാരിച്ചിരുന്നില്ല........ഇപ്പൊ ജാനി ശിക്ഷ കഴിഞ്ഞു തിരികെ വന്നപ്പോൾ ആ വിഷ്ണുനാരായണന്റെ ആൾക്കാർ അവളെ എന്തെങ്കിലും ചെയ്യുമോന്നുളള ഭയം കൊണ്ടാണ് അവർ ആന്റീടെ നാട്ടിലേക്ക് പോയത്....നെടുവീർപ്പോടവൾ പറഞ്ഞു നിർത്തി..... മ്മ്ഹം......അപ്പോ ആ കുട്ടിയ്ക്ക് വേണ്ടിയാണ് അവൻ മോളെ തിരിഞ്ഞു വന്നത്.....പക്ഷെ അവൻ അടങ്ങിയിരിക്കില്ല....ദുഷ്ടനാ....എത്ര പേരുടെ ജീവിതം നശിപ്പിച്ചിട്ടുണ്ടെന്നറിയോ ഈ തന്തയും മോനും കൂടി ചേർന്ന്......ഇവനെതിരെ ഒരു ചെറുവിരലനക്കാൻ പേടിയാ എല്ലാവർക്കും.....എതിരാളി എത്ര ശക്തനായാലും അരിഞ്ഞു വീഴ്ത്തുമവൻ.....അയാൾ ദീർഘമായി നിശ്വസിച്ചു കൊണ്ട് പറഞ്ഞു നിർത്തി..... ആദം....അവൻ നിങ്ങളെ തിരഞ്ഞിറങ്ങുന്നതിന് മുന്നേ ഇവിടെ നിന്നും പോവുന്നതാ നല്ലത്....ഇപ്പൊ ശിവൻ നിങ്ങളുടെ തല്ല് കൊണ്ട് ഹോസ്പിറ്റലിൽ ആയ വിവരം അയാൾ അറിഞ്ഞിട്ടുണ്ടാവും താൻ ഇപ്പൊ തന്നെ പെങ്ങളെയും കൂട്ടി വീട് പിടിക്കാൻ നോക്ക്..... എനിക്കവനെ പേടിയില്ല സാറേ....

ഞാൻ ജീവനോടെ ഉള്ളപ്പോൾ ഇവളുടെ ദേഹത്തൊരു നുളള് പൂഴി വീഴ്ത്താൻ ഒരുത്തനും കൈയുയർത്തുകേല.....മീശ മുറുക്കി ക്കൊണ്ട് ആദം പറഞ്ഞു.... ശരിയായിരിക്കാം.....പക്ഷെ താനും അവനും നേർക്ക് നേർ വന്നാൽ നിങ്ങൾ രണ്ടു പേരിൽ ഒരാളേ ജീവനോടുണ്ടാവൂകയുളളൂ.....അതാരായാലും നഷ്ടം നിനക്കു തന്നാ.....നിന്റെ കൈകൊണ്ട് അവൻ മരിച്ചാൽ ശിഷ്ട ജീവിതം ജയിലിൽ കിടന്ന് ഗോതമ്പുണ്ട തിന്നാം.......ഇനി മറിച്ചായാലും നിന്റെ വീട്ടുകാർക്കല്ലേ നഷ്ടം.....അത് വേണോ ആദം....എന്തിനാ വെറുതെ എടുത്ത് ചാടി അവനെ പോലൊരു ക്രിമിനലിനു വേണ്ടി നിന്റെ നല്ല ജീവിതം നശിപ്പിച്ചു കളയുന്നത്.....എന്റെ മകന്റെ പ്രായം മാത്രേ ഉളളൂ ആദം നിനക്ക് അതുകൊണ്ട് പറയാ താൻ തന്റെ പെങ്ങളെയും കൊണ്ട് ഇന്ന് ഇപ്പൊ തന്നെ തിരികെ പോണം.... മ്മ്ഹം....

.അതിനു മറുപടിയായി ആദം ഒന്നമർത്തി മൂളി..... ഇനി ഇവിടെ പ്രത്യേകിച്ച് ഫോർമാലിറ്റീസ് ഒന്നുമില്ല നിങ്ങൾക്ക് പോവാം..... മ്മ്ഹം.....ശരി സാർ താങ്ക്യൂ സോ മച്ച്......ടോണി തൊഴു കൈയോടെ പറഞ്ഞു.... മറുപടിയായി അയാൾ പുഞ്ചിരിച്ചു... പിന്നെ വൈകിയില്ല.....അവർ നേരെ ഹോസ്റ്റലിൽ ചെന്ന് വേഗം കൊച്ചുവിന്റെ ബാഗ് പാക്ക് ചെയ്ത് നേരെ താമരയ്ക്കലേക്ക് തിരിച്ചു..... ❤❤ ഈ സമയം ആലത്തറയിൽ തറവാടിന്റെ ഉമ്മറത്ത് എല്ലാവരും ഒത്തു കൂടി ഇരുന്നു....ഋഷിയുമായുളള ജാനിയുടെ വിവാഹ കാര്യമായിരുന്നു അവിടത്തെ ചർച്ച.... മ്മ്ഹം.....ദേവി......അപ്പോ ഇക്കാര്യത്തിൽ നിനക്ക് എന്താ പറയാനുളളത് .....കൈയിലിരുന്ന വെറ്റിലയിലേക്ക് ചുണ്ണാമ്പ് പുരട്ടിക്കൊണ്ട് വായിലേക്ക് വച്ചു നാഥൻ അവർ മുഖം താഴ്ത്തി ഒരറ്റത്ത് നിൽക്കുന്ന ജാനിയെ ദയനീയമായി നോക്കി.................... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...