🔥അരുന്ധതി [ 2 ] 🔥 : ഭാഗം 60

എഴുത്തുകാരി: ദിവ്യ സാജൻ  

അന്ന് നടന്നതൊക്കെ ജാനി ശോശാമ്മയോട് പറഞ്ഞത് ആദമിനോട് പറയാൻ തുടങ്ങി..... തറവാട്ടിൽ ചെല്ലുമ്പോൾ ഗൗരി പറഞ്ഞത് പോലെ ആരും ഉണ്ടായിരുന്നില്ല.....ചെടിച്ചട്ടിക്കുളളിൽ നിന്നും താക്കോലെടുത്ത് ഗൗരി വാതിൽ തുറന്നകത്തേക്ക് കയറി...... ചേച്ചിയ്ക്ക് കുടിക്കാൻ എന്താ കുടിക്കാൻ വേണ്ടത് .......ഗൗരി അവളോട് ചോദിച്ചു..... ഒന്നും വേണ്ടെന്റെ ഗൗരി കുട്ടിയേ......ഇച്ഛായനൊന്ന് വേഗം വന്നാ മതിയായിരുന്നു.....ഇപ്പൊ അമ്മാവനെങ്ങാനും വന്നാൽ ഞാൻ എങ്ങോട്ടാ ഓടേണ്ടത് ദേവീ....നെഞ്ചിൽ കൈവച്ച് മുകളിലേക്ക് നോക്കി കൈ മലർത്തുന്നവളെ കണ്ട് ഗൗരിയ്ക്ക് ചിരി പൊട്ടി.....എന്റെ ജാനിയേച്ചീ.....ഇങ്ങനെ തൊട്ടാവാടി ആവല്ലേ......അച്ഛൻ ഇപ്പോഴൊന്നും വരില്ല അതോർത്ത് പേടിക്കേ വേണ്ട......ചേച്ചി പോയീ റൂമിലിരിക്ക് ഞാൻ കുടിക്കാനുളളതുമായി ഇപ്പൊ അങ്ങോട്ടെത്തിയേക്കാം പുഞ്ചിരിയോടെ പറഞ്ഞു കൊണ്ട് അവൾ അടുക്കളയിലേക്ക് പോയി.... ജാനി ഗൗരിയുടെ റൂമിലേക്ക് ചെന്നു....ബാത്ത്റൂമിലേക്ക് കയറി മുഖം കഴുകി...തിരിച്ചു വന്ന ശേഷം കണ്ണാടി നോക്കി ക്കൊണ്ട് സാരിത്തുമ്പാൽ മുഖത്തെ വെളളം ഒപ്പിക്കൊണ്ട് നിന്നു...... ഈ സമയം വാതിൽ ചേർത്തടയ്ക്കുന്ന ശബ്ദം കേട്ടു.....

.ഗൗരിയായിരിക്കുമെന്നുറപ്പിച്ച് തിരിഞ്ഞു നോക്കിയില്ല...... ഇത്ര പെട്ടെന്ന് റെഡിയാക്കിയോ ഗൗരി......നിനക്ക് നല്ല സ്പീഡ് ആണല്ലോ പെണ്ണേ പറഞ്ഞു കൊണ്ട് തിരിഞ്ഞതും കണ്ടു.....രണ്ടു കൈയും മാറിൽ പിണഞ്ഞു കെട്ടി വാതിലിൽ ചാരി നിൽക്കുന്ന കാശിയെ.... പ്രതീക്ഷിക്കാതെ കാശിയെ അവിടെ കണ്ട് വിറങ്ങലിച്ചു നിന്നു പോയി ജാനകി...... കാശീയേട്ടാ.....എ.....എന്താ.....ഇ....ഇവിടെ....വിറയോടവൾ ചോദിച്ചു..... വെറുതെ ഇത് വഴി വന്നപ്പോൾ ജാനകിയെ കണ്ടു അപ്പോ പിന്നെ ഒന്ന് കണ്ടു സംസാരിച്ചു പോവാന്ന് കരുതി അതാ വന്നത്.....പറഞ്ഞു കൊണ്ട് വശ്യതയോടെ അവളുടെ അടുത്തേക്ക് നടന്നു....ജാനി ഭയന്ന് പിന്നിലേക്ക് നടന്നു...... കാശിയേട്ടാ.....വേണ്ട....എന്റെ അടുത്ത് വരരുത്......ഞാൻ പൊയ്ക്കോളാം ഇടർച്ചയോടെ പറഞ്ഞു..... ഹാ....അങ്ങനെ പോയാലെങ്ങനാ ജാനകി....അന്ന് അമ്പലത്തിൽ വച്ച് കണ്ടപ്പോഴുണ്ടായിരുന്ന വീറും ധൈര്യവുമൊക്കെ എവിടെ പോയി......ഓഹ്.....അന്ന് നിന്റെ ഭർത്താവ് കൂടെയുണ്ടെന്നുളള ധൈര്യമായിരുന്നോ?? ഇന്നിപ്പോ നീ ഒറ്റയ്ക്ക് അതും ഈ കാശിയുടെ കൈവെളളയിലാ....

വന്യമായ ചിരിയോടെ അവനത് പറയുമ്പോൾ അവിടെ നിന്നു പുറത്തേക്ക് കടന്നു രക്ഷപ്പെടാൻ ശ്രമിക്കുകയായിരുന്നു ജാനി...... എവിടെ പോയെടി നിന്റെ മറ്റവൻ ആദം......ഒന്നോർത്തോ അവനിനി അധികം ആയുസ്സില്ല അത് കേട്ടതും മുഖമുയർത്തി അവനെ രൂക്ഷമായി നോക്കി ജാനി..... ഹാ .....ഇങ്ങനെ നോക്കി പേടിപ്പിക്കല്ലേ ജാനകി.....ഞാൻ പറഞ്ഞത് സത്യാ....മൂന്നു മാസം കൂടി കഴിഞ്ഞ് അവൻ ജയിലീന്നിറങ്ങും നിന്റെ ശത്രു വിഷ്ണു നാരായണൻ......ഇത്രയും കാലം നിന്നെ തിരഞ്ഞ് വെറി പിടിച്ചു നടക്കാരുന്നവൻ.....പക്ഷെ ഇപ്പൊ അവനറിയാം നീ എവിടെയുണ്ടെന്നും.....ആർക്കൊപ്പവാണെന്നും......വന്യമായ ചിരിയോടെ പറഞ്ഞു..... കാശി പറയുന്ന ഓരോ കാര്യങ്ങളും കേട്ട് നടുങ്ങി നിക്കാരുന്നു ജാനി തിരിച്ചെന്തെങ്കിലും പറയാൻ കൂടി നാവൂയർന്നില്ല..... നിന്റെ മറ്റവനില്ലേ ആദിത്യൻ അവൻ മരിച്ചത് ആക്സിഡന്റിലാണെന്നല്ലേ നിങ്ങളോക്കെ കരുതിയത് എന്നാൽ അതല്ല സത്യം കൊന്നതാ അവനെ വിഷ്ണു നാരായണൻ നിനക്ക് വേണ്ടി ......പുച്ഛത്തോടെ ചിരിച്ചു ..... കാശി അത് പറയുമ്പോൾ ശ്വാസം എടുക്കാൻ പോലും മറന്ന് നിന്നു പോയി ജാനി..... അപ്പോ ആദിയേട്ടൻ......ഇല്ല....ഞാൻ....വിശ്വാസിക്കില്ല....കേട്ടത് സത്യമല്ലെന്ന് മനസ്സിനെ പറഞ്ഞു പഠിപ്പിക്കുകയായിരുന്നു ജാനി.....

ഒരു കാര്യം സത്യാ......അവന്റെ അതേ വിധി തന്നാ ആദത്തിനും ...........നിന്റെ ഒരു കാര്യവേ ജാനി .....യോഗവില്ല നിനക്ക് താലി കഴുത്തിലണിയാനും സുമംഗലിയായി തുടരാനും... ആദ്യം നിന്റെ മറ്റവൻ ആദിത്യ വർമ്മ ഇനി ദേ താമരയ്ക്കലെ ആദം.....ഒന്നോർത്തോ നീ....ആദിയെ പോലെ തന്നെ ചത്ത് മലയ്ക്കാനാവും ആദമിന്റെയും വിധി..... ആരുടെയൊക്കെ താലി നിന്റെ കഴുത്തിൽ വീഴുന്നുവോ അവരുടെയൊക്കെ ജീവിതം അവസാനിപ്പിക്കും ആ വിഷ്ണു നാരായണൻ......ആദമിനെയും അവൻ കൊല്ലും നിന്റെ കഴുത്തിൽ താലി കെട്ടി എന്ന ഒരു തെറ്റ് മാത്രം ചെയ്തതിനാ അവനീ ശിക്ഷ ..... എന്തായാലും ഇന്ന് നീ ഇവിടെ നിന്നും ജീവനോടെ പോവില്ല......അതിനു മുന്നേ എനിക്ക് വേണം നിന്നെ......ആ ആദം ചവച്ച് തുപ്പിയതാണെന്നറിയാം എങ്കിലും ഒരിക്കൽ മോഹിച്ചതല്ലേ .......കാശിയുടെ ശബ്ദം കാതിൽ പതിയവേ........മിന്നിൽ പിടി മുറുക്കി ക്കൊണ്ട് പിന്നിലേക്ക് നടക്കാൻ തുടങ്ങി...... എങ്ങനെയെങ്കിലും അവന്റെ കൈയിൽ നിന്നും രക്ഷപ്പെടണമെന്ന് തോന്നിയ നിമിഷം മനഃ സാന്നിധ്യം കൈവരിച്ച് അവനെ തളളി മാറ്റി പുറത്തേക്ക് ഓടിയിരുന്നൂ .....

അത് തടയാനെന്നോണം പിന്നാലെ വന്ന കാശിയുടെ അലർച്ച കേട്ട് തിരിഞ്ഞു നോക്കുമ്പോൾ കാണുന്നത്....നിലത്ത് ചോരയിൽ കിടന്നു പിടയുന്ന കാശിയെ.....തൊട്ടടുത്തായി വലിയ നില വിളക്ക് കൈയിൽ പിടിച്ച് നിൽക്കുന്ന ഗൗരിയെയും നിലവിളിന്റെ കൂർത്ത അഗ്രത്തിൽ നിന്നും ഇറ്റിറ്റ് വീഴുന്ന ചോരതുളളികളും..... കാശിയുടെ വയറിൽ നിന്ന് പായുന്ന രക്തപുഴയും കണ്ട നിമിഷം നിലത്തേക്ക് ഊർന്നിരുന്നു പോയവൾ...... ഗൗരി തന്നെ ഫോൺ ചെയ്ത് പോലീസിനെ അറിയിച്ചാണ് അവരെത്തിയതും അറസ്റ്റു ചെയ്തതും...... ആദിയുടെ മരണ വാർത്ത ജാനിയെ വല്ലാതെ തളർത്തിയിരുന്നു.......അത് വരെയും ലോകത്തിന്റെ ഏതോ ഒരു കോണിൽ ആദി സന്തോഷമായി ജീവിച്ചിരിക്കുന്നെന്നാണ് അവൾ വിശ്വസിച്ചിരുന്നത്......ഒരു നിമിഷം അവനില്ലെന്ന സത്യം ഉൾക്കൊള്ളാൻ അവൾക്ക് കഴിഞ്ഞില്ല.........മാത്രമല്ല......അവൾ ജീവനെ പോലെ സ്നേഹിക്കുന്ന നിനക്ക് അവളുടെ കഴുത്തിൽ താലി ചാർത്തിയത് കൊണ്ട് മാത്രം എന്തെങ്കിലും പറ്റുമോന്നുളള ആധിയും ഉണ്ടായി........

നീ അവളിൽ നിന്നും അകന്നു മാറിയാൽ നിന്നെ വിഷ്ണു ഒന്നും ചെയ്യില്ലെന്നവൾ ചിന്തിച്ചു......അതു കോണ്ടാ നീ അവളെ വെറുക്കാനും അവളിൽ നിന്നും അകലാനുമായി അവൾ അന്നങ്ങനൊക്കെ പറഞ്ഞത്......നിന്നെ വിഷ്ണു ഉപദ്രവിക്കുമോ എന്ന ഭയം കാരണം ഉറക്കം പോലും നഷ്ടപ്പെട്ട് പാതി രാത്രികളിൽ ഉറക്കെ അലമുറയിട്ട് കരഞ്ഞ ജാനിയെ ഞങ്ങൾ മാത്രേ കണ്ടിട്ടുളളൂ.....വായ തുറക്കുന്നതേ അവളുടെ ഇച്ഛായനെ കുറിച്ചു സംസാരിക്കാൻ മാത്രമായിരുന്നാ പെണ്ണ് ...... ഊണിലും ഉറക്കത്തിലും നിന്നെ കുറിച്ചു വാതോരാതെ സംസാരിക്കുന്നതിൽ നിന്നും ഒന്ന് ഞങ്ങളറിഞ്ഞു.....അവളുടെ ഹൃദയമിടിപ്പ് പോലും നീയാണെന്ന് .......അവളുടെ ലോകം തന്നെ ഇപ്പോ നീയാ കൊച്ചു മോനേ...... എത്രയോ നാളത്തെ കൗൺസിലിംഗീന് ശേഷവാന്നറിയോ ജാനി മോള് നേരെ ഒന്നുറങ്ങാനും സംസാരിക്കാനുമൊക്കെ തുടങ്ങിയത്.....അവളുടെ ഈ അവസ്ഥ നിങ്ങളെ കൂടി അറിയിക്കണ്ടാന്ന് കരുതിയാ അവൾ നിങ്ങളുടെ മുന്നിൽ വരാതെ വാശിപിടിച്ചിരുന്നപ്പോൾ ഞങ്ങൾ അവളെ തടയാത്തത്.....പറഞ്ഞു കഴിഞ്ഞു കണ്ണുകൾ തുടച്ചു ശോശാമ്മ...... കൊച്ചു മോനേ.....അവളൊരു പാവാ.....ചേർത്ത് പിടിച്ചോണം......ഒരിക്കലും നോവിക്കല്ലോ...... മ്മ്ഹം......ആദത്തിന്റെ കണ്ണുകൾ നിറഞ്ഞിരുന്നപ്പോൾ കണ്ണുകൾ തുടച്ചു കൊണ്ട് അവളുടെ റൂമിലേക്ക് നടന്നു.......

നോക്കുമ്പോൾ ബെഡിൽ ചരിഞ്ഞ് കിടപ്പുണ്ട് ജാനി.....തൊട്ടടുത്തായി ദേവി ഇരുന്നൂ നിറുകിൽ തലോടുന്നുണ്ട്......ആദത്തെ കണ്ടതും ദേവി പുറത്തേക്ക് എഴുന്നേറ്റ് മാറി.....ആദം പതിയെ അവളുടെ അടുത്തേക്ക് നടന്നു.......അവളുടെ അടുത്തായി ചെയറിൽ ഇരുന്നു......ഇതൊന്നുമറിയാതെ മയക്കത്തിലൃയിരുന്നവൾ.... ധാവണിക്കിടയിലൂടെ അനാവൃതമായ അവളുടെ ഒട്ടിയ വയറിൽ കണ്ണുകളുടക്കിയതും വാത്സല്യത്തോടെ കൈകൾ ചേർത്തു...... അവന്റെ സ്പർശനം അറിഞ്ഞെന്ന പോൽ അവൾ പതിയെ കണ്ണുകൾ തുറന്നു......തൊട്ട് മുന്നിൽ അവനെ കണ്ടതും പുഞ്ചിരിയോടെ എഴുന്നേൽക്കാൻ തുടങ്ങിയവളെ തടഞ്ഞു ആദം....... കിടന്നോ.....നിന്റെ ക്ഷീണം മാറിക്കോട്ടേ......അത് കഴിഞ്ഞു നമുക്കൊരുമിച്ച് തറവാട്ടിലേക്ക് പോവാം.....പുഞ്ചിരിയോടെ പറഞ്ഞു... ദേ പെണ്ണേ എന്നാത്തിനാ വെറുതെ ആവശ്യ മില്ലാത്തതൊക്കെ ചിന്തിച്ച് മനസ് വേദനിപ്പിച്ചത്......എന്റെ കുഞ്ഞിനെയും നോവിച്ചില്ലേ നീ.....അവനത് പറയുമ്പോൾ ജാനി പൊട്ടി കരയാൻ തുടങ്ങിയിരുന്നു...... ആഹ്.....മതിയാക്കെന്റെ ജാനി ഇനിയും വെറുതെ മനസ് നീറ്റല്ലേ നീയ്......എന്നെ ആരും ഒന്നും ചെയ്യുകേലടി.....എന്റെ ജാനുമ്മ അതോർത്ത് വിഷമിക്കല്ലേ....അവനവളെ നെഞ്ചിലേക്ക് ചേർത്ത് പിടിച്ചു കൊണ്ട് നിറുകിൽ ചുമ്പിച്ചു............ തുടരും.......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...