🔥അരുന്ധതി [ 2 ] 🔥 : ഭാഗം 8

എഴുത്തുകാരി: ദിവ്യ സാജൻ

നിറകണ്ണുകളോടെ നിസ്സഹായയായി ദേവിയെ മുഖമുയർത്തി നോക്കിക്കൊണ്ട് അരുതെന്നർത്ഥത്തിൽ തലയാട്ടി ജാനി....... നാഥേട്ടാ......അവള് കുഞ്ഞല്ലേ......ഇപ്പൊ ഇതേ പറ്റി സംസാരിക്കണോ.....തെല്ലു നേരം ആ അമ്മയെയും മകളെയും നോക്കി നിന്ന ശേഷം സീത പറഞ്ഞു....... സീതേ നീയിതിലിടപെടണ്ട ഇരുപത്തിയൊന്ന് വയസ്സ് കഴിഞ്ഞില്ലേ അവൾക്ക് ആ ഇവളാണോ ചെറിയ കുട്ടി.....ഈ പ്രായത്തിൽ നീ രണ്ടു കുട്ടികൾക്ക് അമ്മയായില്ലേ......പറയുന്നതിനൊപ്പം പല്ലു കടിക്കുന്നുണ്ടാതിരുന്നയാൾ......സീതയ്ക്കുളള താക്കീതെന്നോണം.....അവർ മുഖം കുനിച്ച് നിന്നു.... ദേവീ......നീയെന്ത് പറയുന്നു.......അയാളുടെ നോട്ടം ദേവിയിലെത്തി.... ഞാൻ.......ഇപ്പൊ എന്താ പറയാ ഏട്ടാ....ഉടനെ ഒരു വിവാഹം അവൾക്ക് വേണ്ടെന്നാ അവളുടെ തീരുമാനം കുറച്ചു നാൾ കൂടി കഴിഞ്ഞിട്ട്......പറഞ്ഞു നിർത്തി ക്കൊണ്ട് അയാളുടെ മുഖത്ത് നോക്കി..... ഹാ......മതി.....അപ്പോ ഋഷിയുമായുളള വിവാഹത്തിന് നിങ്ങൾക്ക് സമ്മതമാണല്ലോ......നറു ചിരിയോടെ അയാൾ ചോദിച്ചു.... ഏട്ടാ.....അത് മോളോട് കൂടി ആലോചിച്ചിട്ട് ഞാൻ മറുപടി പറയാം....

.എടുത്തടിച്ച പോലെ സമ്മതമല്ലന്ന് പറഞ്ഞാൽ ആകെയുളള തണലും നഷ്ടപ്പെടുമെന്ന് തോന്നിയത് കൊണ്ട് അവർ പറഞ്ഞു..... ഈ സമയം നാഥൻ മഹിയെ കണ്ണ് കാണിച്ചു...... അതെന്ത് പറച്ചിലാ ദേവീ.....നിന്റെ മകൾക്ക് ഇതിലും വലിയൊരു സൗഭാഗ്യം കിട്ടുവോ....ഇതാവുമ്പോ ഇനിയുള്ള കാലം നിനക്ക് ഇവൾക്കൊപ്പം ഇവിടെ കഴായാം മറിച്ചായാൽ .....അവളെയൊന്നിരുത്തി നോക്കി ക്കൊണ്ട് പറഞ്ഞു നിർത്തി..... മഹിയേട്ടാ.....എന്തായാലും ഇതൊക്കെ വിവാഹക്കാര്യല്ലേ പെട്ടെന്ന് എടു പിടീന്നൊരു തീരുമാനമെടുക്കാൻ കഴിയില്ല.....ദേവി പറഞ്ഞത് പോലെ അവരാലോചിക്കട്ടേ......ഗിരിജ മഹിയെ നോക്കി ....... മ്മ്ഹം......ശരി ന്നാ ആലോചിച്ചീട്ട് മതി പറഞ്ഞു കൊണ്ട് രണ്ടു പേരും എഴുന്നേറ്റ് പുറത്തേക്ക് പോയി......ഈ സമയം ജാനി നേരെ റൂമിലേക്ക് പോയി......കട്ടിലിൽ വീണു കിടന്നു കരയാൻ തുടങ്ങി.....ദേവി അവളുടെ പിന്നാലെ വന്നിരുന്നു.....

.ദേവി ജാനിയുടെ അടുത്ത് കട്ടിലിൽ ഇരുന്ന് കൊണ്ട് അവളുടെ തലയിൽ തഴുകി..... മോളേ കരയല്ലേടാ......എനിക്കറിയാം എന്റെ കുഞ്ഞിന്റെ മനസ്.....പക്ഷെ ഏട്ടന്മാരെ എതിർത്ത് സംസാരിക്കാൻ അമ്മയ്ക്ക് കഴിയില്ല മോളെ......അറിയാല്ലോ ഇവിടം വിട്ടാൽ നമുക്ക് പോവാൻ വേറൊരിടമില്ല....ഋഷീ അരയ്ക്ക് കീഴ്പോട്ട് തളർന്നു കിടക്കാ....അവന്റെ കാര്യം നോക്കാൻ ശമ്പളമില്ലാതൊരു വേലക്കാരി അതാ ഏട്ടന്മാരുടെ ഉദ്ദേശം അത് മറ്റുള്ളവർ അറിയാതിരിക്കാനാണ് ഈ വിവാഹം.....പോകാനൊരിടമില്ലാത്ത നമ്മുടെ നിസ്സഹായവസ്ഥയെ അവർ മുതലെടുക്കുകയാ......സാരിത്തലപ്പാൽ കണ്ണുകളിൽ നിന്നും ഊർന്നിറങ്ങിയ തുളളികൾ തുടച്ചു ദേവി..... ജാനകി പതിയെ മുഖമുയർത്തി അവരെ നോക്കി..... കരയല്ലേ അമ്മ.....അമ്മ കൂടി തളർന്നു പോയാൽ......എനിക്ക് പിന്നെ ആരാ പറഞ്ഞു കൊണ്ട് അവരുടെ നെഞ്ചിൽ ചേർന്നിരുന്നു....

ഈശ്വരൻ എന്നൊരു ശക്തി ഉണ്ടെങ്കിൽ എന്റെ മോളെ ഈ നരകത്തിൽ നിന്നും രക്ഷിക്കാൻ ആരെങ്കിലും വരും.....വെറുതെ ജാനിയെ സമാധാനെപ്പിക്കാനെന്നോണം പറഞ്ഞു.... എന്റെ ആദിയേട്ടൻ വരും നിക്കുറപ്പാ വിതുമ്പലോടെ ജാനി പറഞ്ഞു..... ഇനിയൊരിക്കലും തിരിച്ചു വരാൻ കഴിയാത്തത്ര ദൂരേക്ക് പോയവനെ ഓർത്തു കണ്ണുനീരോടെ കാത്തിരിക്കുന്ന തന്റെ മകളുടെ വിധിയെയോർത്ത് നീറുകയായിരുന്നു ദേവിയപ്പോൾ..... ❤❤ ശിവന് ബോധം തെളിഞ്ഞതും വിഷ്ണു അവനെ കാണാൻ അകത്തേക്ക് കയറി...... ബെഡിൽ നിവർന്നു കിടപ്പുണ്ട് ശിവൻ.....കവിൾത്തടവും ചുണ്ടുകളും താടിയിലുമെല്ലാം ഇടി കൊണ്ടതിന് തെളിവായി രക്തം കല്ലിച്ച് കിടപ്പുണ്ട്..... കഴുത്തിലും രണ്ടു കൈകളിലും കാലുകളിലും നടുവിനും പ്ലാസ്റ്റർ ഇട്ടിട്ടുണ്ട്.....മൂത്രം പോകാനായി യൂറിൻ ബാഗ് കണക്ട് ചെയ്തീരിക്കുന്നു.....മുഖമാകെ നീരു കൂടിയിരുന്നു...

വേദന കൊണ്ട് ഇടക്കിടെ നിരങ്ങുകയും മുരളുകയും ഒക്കെ ചെയ്യുന്നുണ്ട്......[ഒറ്റ നോട്ടത്തിൽ ആന കരിമ്പിൽ തോട്ടത്തിൽ കയറി മേഞ്ഞ പോലുണ്ട്.....വാങ്ങി കൂട്ടിയതല്ലേ ഇരുന്നോട്ടേ....😏😏😏ലെ ഞാൻ ].... അവന്റെ അവസ്ഥ കണ്ട് തലയ്ക്ക് കയറിയ കോപം സ്വയം നിയന്ത്രിക്കാൻ ശ്രമിക്കുകയായിരുന്നു വിഷ്ണു.... ശിവാ.... അവൻ പതിയെ വിളിച്ചു ..... വിഷ്ണുവിന്റെ ശബ്ദം കേട്ടപ്പോൾ തന്നെ ശിവൻ കണ്ണു തുറന്നു നോക്കി...... എന്താടാ നിനക്ക് പറ്റിയത്.......ആർക്കും തോൽപിക്കാൻ പറ്റാത്തവനല്ലേ നീ പിന്നെ ഇന്നെന്താ.....ഏത് പന്ന@@@@ മോനാ നിന്നെ ഇങ്ങനെ ചെയ്തത്.... ആ....ആ....ആ..ൻ.....മ....രി...സംസാരിക്കാൻ ശ്രമിച്ചെങ്കിലും കഴിയുന്നില്ലായിരുന്നു.... നോക്കൂ പേഷ്യന്റിനെ കോണ്ട് അധികം സ്ട്രെയ്ൻ ചെയ്യിപ്പിക്കരുത്.....അയാൾ റെസ്റ്റെടുക്കട്ടേ.....രണ്ടു ദിവസം കഴിഞ്ഞ് അയാൾ സംസാരിച്ചു തുടങ്ങും....

പറഞ്ഞു കൊണ്ട് അവർ കാനുലയിലൂടെ ശിവന് ഇഞ്ചക്ഷൻ കൊടുത്തു കൊണ്ട് നഴ്സ് പറഞ്ഞു ......വേദന തോന്നിയത് കൊണ്ടാവണം അവൻ മുഖം ചുളിക്കുന്നുണ്ടായിരുന്നു..... അവന്റെ അവസ്ഥ കണ്ട് നിൽക്കാനാവില്ലെന്ന് തോന്നിയതും വിഷ്ണു പുറത്തേക്ക് പോയി.....ചുമരിൽ കൈ ചുരുട്ടി വലിച്ചിടിച്ച് തന്റെ കോപം അടക്കാൻ ശ്രമിച്ചു.... വിടില്ല ഞാൻ ....... അവനാരായാലും പല്ലു കടിച്ചു കൊണ്ട് പറഞ്ഞു...... ❤❤ പിറ്റേന്ന് രാവിലെയാണ് ആദമും കൊച്ചുവും ജോഷുവും താമരയ്ക്കലെത്തിയത്.....ഗേറ്റ് കടന്ന് അവരുടെ കാർ അകത്തേക്ക് കയറി വരുമ്പോൾ കാണുന്നത് ഉമ്മറത്ത് അരമതീലിൽ ഇരുന്നു സംസാരിക്കുന്ന ആന്റണിയെയും അലക്സിനെയുമാണ്..... ഈശോയെ ചാച്ചൻ......ജോഷു അറിയാതെ വിളിച്ചു പോയി.... ആദം അവനെയൊന്ന് കടുപ്പിച്ച് നോക്കി ക്കൊണ്ട് കാർ പോർച്ചിൽ കൊണ്ട് പോയി നിർത്തി..... ഡാ....ജോഷു....

അവിടെ നടന്നതൊന്നും ചെന്ന് അപ്പനോട് വിളമ്പിയേക്കല്ലേടാ.....അറിയാല്ലോ പോലീസ് പിടിച്ച കാര്യംമെങ്ങാനും ഒറ്റക്കൊമ്പനറിയുവാണേ തമ്പുരാനാണേ അതിയാൻ നമ്മളെയിന്ന് ചവിട്ടി പുറത്താക്കും....എടീ കൊച്ചു.....ചതിക്കല്ലേടീ മോളെ....കൊച്ചുവിനെയൊന്ന് പാളി നോക്കി ആദം.... 😁😁😁😁 കൊച്ചു.... എന്നാന്നറിയാമ്മേല.....മാമനോ ചാച്ചനോ കടുപ്പിച്ച് ചോദിക്കുവാണേ ഞാൻ പോലും അറിയാതെയാ നാവ് ചതിക്കുന്നതേ.....ഇന്നിപ്പോ എന്താവുവൊ എന്തോ.....ജോഷു ഇളിച്ചു കൊണ്ട് ആദത്തെ നോക്കി.... ഓഹ്.....ആദം അവനെ നോക്കി പുച്ഛിച്ചു ഡാ ....നാറി കാലു വാരുവാണേ പിന്നെ നിന്നെ ഞാനെന്റെ ഫിനാൻസിന്റെ ഏഴയലത്തടുപ്പിക്കുകേല ഓർത്തോ..... ഓഹ് ഇങ്ങനെ ചങ്കീ കൊളളിച്ചൊന്നും പറയല്ലേ ഇച്ഛായാ....അവൻ ദയനീയമായി ആദത്തെ നോക്കി..... ജോഷു പറയുന്നത് കേട്ട് ചിരി കടിച്ചു പിടിച്ചിരിക്കുവാരുന്നു കൊച്ചു... മ്മ്ഹം....ചിരീക്കെടി ചിരിക്ക് അല്ലേലും റോം കത്തുമ്പോ തന്നെ വാഴ വെട്ടണം.... എന്നാന്ന്....അവൾ കണ്ണു മിഴിച്ച് കൊണ്ടവൾ ചോദിച്ചു..... ഓഹ് പുര കത്തുന്നതേ പറഞ്ഞു പറഞ്ഞു മടുത്ത് അത് ഞാനൊന്ന് മാറ്റി പിടിച്ചതാ...

.വിട്ടേര്...... ഡാ.....അപ്പനൊന്ന് വിരട്ടുമ്പോഴേക്കും മുളളിക്കൊണ്ട് എല്ലാത്തവണത്തേയും പോലെ ഈ തിരുവാ കൊണ്ട് എന്നതേലും മൊഴിഞ്ഞാ ....... നിന്റെ എല്ല് ഞാനൂരും ഓർത്തോ.....അവനെ കൂർപ്പിച്ചു നോക്കി ക്കൊണ്ട് പറഞ്ഞു എന്റീശോയേ എന്റെ നാവിന് കടിഞ്ഞിട്ടേക്കണേ.......ഞാനെത്ര കടിങ്ങാണിട്ടാലും ഒറ്റക്കൊമ്പന്റെ ഒരൊറ്റ തെറിവിളിയില് എല്ലാ കടിഞ്ഞാണും പൊട്ടി താറുമാറാവുവല്ലോ ഈശോയേ.....ജോഷു പിറുപിറുത്തു.... ടാ തെണ്ടീ.....മതിയെടാ വേഗന്ന് ഇറങ്ങിയേര് ഇല്ലേൽ അപ്പന് സംശയം തോന്നും....പറഞ്ഞു കൊണ്ട് ആദം പുറത്തേക്കിറങ്ങി....പിന്നാലെ കൊച്ചുവും ജോഷുവും ഉണ്ടായിരുന്നു ..... ❤❤

ഡാ....ആന്റണി പിളളാര് വന്നിട്ട് കുറച്ചായല്ലോടാ.....ഇവമ്മാരിതെന്നായെടുക്കുവാ അവിടെ.....പോർച്ചിലേക്ക് നോക്കി ക്കൊണ്ട് അലക്സ് പറഞ്ഞു..... എന്തോ കുരുത്തക്കേടൊപ്പിച്ച മട്ടാ ഇച്ഛായാ....ഇവിടെ വന്ന് എന്ത് പറയുമെന്നൊക്കെ പ്ലാൻ ചെയ്യുന്നതാവും....ആന്റണി ചിരിയോടെ പറഞ്ഞു.... മ്മ്ഹം......ദേ വരണുണ്ട്......ടാ കൊച്ചുവും അവന്മാരുടെ കൂടെ ഉണ്ടല്ലോ.....അവളിവിടേക്ക് ഉടനെ വരുന്നില്ലാന്നല്ല്യോ പറഞ്ഞത് പിന്നെ ഇതെന്നാ പറ്റി ......നെറ്റിചുളുച്ചു കൊണ്ട് അലക്സ് പിറുപിറുത്തു.................... തുടരും......

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...