💕ഐഷ 💕: ഭാഗം 3

രചന: HAYA

അവന്റെ മുഖത്തേക്ക് ഉറ്റുനോക്കി കൊണ്ടിരുന്ന എന്റെ മിഴികൾ ഉയർത്തി ഞാൻ ആ വെന്റിലേറ്ററിലേക്കായി നോക്കി... ആ കായിച്ച കണ്ടതും എന്റെ കയ്യിലുണ്ടായിരുന്ന ഗിഫ്റ്റ് ബോക്സ്‌ നിലം പതിക്കുന്ന ശബ്ദം എന്റെ കാതുകളിൽ ഞാൻ കേട്ടു. എന്തെന്നില്ലാത്ത ഒരു മരവിപ്പ് പോലെ കണ്ണിൽ നിന്നും കണ്ണീർ തുള്ളികൾ ഓരോന്നായി ഉതിർന്ന് വീഴുന്നുണ്ടായിരുന്നു.ഞാൻ അവിടെ മുട്ടുകുത്തി ഇരുന്നു... വാക്കുകൾ ഇടറി കൊണ്ടാണേലും എന്റെ ചുണ്ടുകൾ ആ പേര് പതിയെ ഉച്ചരിച്ചു.. 'അ... ഐ... ഐഷ ' "ദേ.. ദീതി.... ആരാ വന്നേക്കണേ എന്ന് നോക്കിയേ... ഞാൻ പറഞ്ഞില്ലേ ഇവിടെ എനിക്ക് ഒരു ഡോക്ടർ ഫ്രണ്ട് ആയിട്ടുണ്ട്ന്ന് ദേ ഞാൻ ഇന്ന് ഇങ്ങോട്ട് കൂട്ടി കൊണ്ട് വന്നിട്ടുണ്ട്... എന്തേലും ഒന്ന് പറയ് ഇത്താ പ്ലീസ്... സഹൽ അതും പറഞ് റൂമിൽ നിന്നും കണ്ണുനീർ തുടച്ചു ഇറങ്ങിപ്പോയി.. ഞാൻ അവിടെ നിന്നും എണീറ്റ് മെല്ലെ അവള്ടെ അടുത്തെക്കായി ചെന്നു.... എനിക്ക് പിടിച്ചു നിർത്താൻ കഴിയാത്ത വിധം കണ്ണുനീർ ധാര ദാരെയായി ഒഴികുന്നുണ്ടായിരുന്നു.ജീവക്ഷവം പോലെ കിടക്കുന്ന അവളെ കണ്ടപ്പോ എന്റെ ഹൃദയം നുറുങ്ങുന്ന വേദനയായിരുന്നു.. പതിഞ്ഞ സ്വരത്തിൽ ഞാൻ വിളിച്ചു...

"ഐഷ.... എനിക്ക് അറിയാം നീ എല്ലാം കേക്കുന്നുണ്ടെന്ന് അറിയുന്നുണ്ടെന്ന്..... എന്റെ തൊട്ടടുത്ത് എന്റെ കണ്ണെത്തും ദൂരത്ത് നീ ഉണ്ടായിരുന്നിട്ടും ഞാൻ നിന്നെയും നോക്കി എങ്ങോട്ടെല്ലാം അലഞ്ഞു എന്നറിയോ നിനക്ക്... ഇന്ന് നിന്നെ ഈ ഒരവസ്ഥയിൽ കാണേണ്ടി വരും എന്ന് ഞാൻ ഒരിക്കൽ പോലും ചിന്തിച്ചു നോക്കിയില്ല.. അതും പറഞ് അവളുടെ മുടിയിയകളിലൂടെ ഞാൻ മെല്ലെ തലോടി.. ഇന്ന് നിന്റെ ബർത്ത്ഡേ ആയിരുന്നല്ലേ..ഹാപ്പി ബർത്ത്ഡേ... ഐഷ.. എന്നും പറഞ്ഞു ഞാൻ റൂമിന്റെ വെളിയിലേക്കിറങ്ങി കാറും എടുത്തു ഒരുപാട്‌ ദൂരം ഡ്രൈവ് ചെയ്തു. ഞാൻ നിന്നോട്‌ അവളെ കാണിച്ചു തരാൻ പറഞ്ഞപ്പോ ഇത്രയും പെട്ടന്ന് കാണിച്ചു തരും എന്ന് ഞാൻ കരുതിയില്ല. കൂടാതെ ഈ ഒരവസ്ഥയിലും.. എന്നാലും ഈ സമൂഹത്തിൽ കാമുകിമാരെ വെട്ടിയും ആസിഡ് ഒഴിച്ചും ഒക്കെ പരിക്കേല്പിക്കുവാൻ ഒക്കെ പലർക്കും എങ്ങനെ കഴിയുന്നു ആവോ.. ആ ഒരു നിമിഷത്തിൽ അങ്ങനെ പല ചിന്തകളും എന്റെ മനസ്സിലേക്ക് വന്നു. നേരം ഇരുട്ടിയപ്പോ ഞാൻ നേരെ അങ്കിളിന്റെ വീട്ടിലേക്ക് വിട്ടു... ഇന്ന് ഞാൻ വളരെ ഹാപ്പിയാണ്.. എങ്ങനെ ആയിരുന്നാലും എനിക്ക് അവളെ കാണാൻ കഴിഞ്ഞല്ലോ 🙂....

രാത്രി ഭക്ഷണവും കഴിച്ചു ഞാൻ ഉറങ്ങാൻ കിടന്നു. പിന്നെ ഏകദേശം 4.00ഒക്കെ ആയപ്പോ എന്തൊക്കെയോ സ്വപ്നം കണ്ട് ഞെട്ടിയാണ് ഞാൻ എണീച്ചത്.. എന്തൊക്കെയാ കർത്താവെ എനിക്ക് സംഭവിക്കുന്നെ.. ഐഷയെയും പിന്നെ ഏതൊക്കയോ അപരിചിതരായ മുഖങ്ങളെയും ഞാൻ കണ്ടു.. ഇതൊക്കെ എന്നതാ.. നാട്ടിൽ വന്നേ പിന്നെ ഇങ്ങനെ ഒക്കെയാ.. എന്തൊക്കെ എന്നെ അലട്ടുന്ന മാതിരി... ഇനി ഒരുപക്ഷെ ജോലി തിരക്ക് കൊണ്ടൊക്കെ ഉള്ള സ്‌ട്രെസ് കൊണ്ടായിരിക്കാം ഇങ്ങനൊക്ക... പിറ്റേന്ന് ഞാൻ നേരത്തെ തന്നെ ഹോസ്പിറ്റലിലേക്ക് വിട്ടു.. ഏകദേശം patients നെയും നോക്കിക്കഴിഞ് ഞാൻ ഐഷയെ കാണാൻ പോയി.. സഹലിനെ അവിടെ എങ്ങും കാണാൻ കഴിഞ്ഞില്ല.. വേണേൽ ടീ എങ്ങാൻ കുടിക്കാൻ പോയിക്കാണും... എന്തിരുന്നാലും ഞാൻ അവളുടെ അടുത്ത് പോയി നിന്നു..എന്തിനെന്നില്ലാതെ അപ്പോഴും എന്റെ കണ്ണുകൾ നിറയുന്നുണ്ടായിരുന്നു. ഐഷ.... ഈ ഒരവസ്ഥയിൽ നിനക്ക് സുഖവല്ലേ.. എന്ന് ഞാൻ ചോദിക്കുന്നത് ശരിയല്ല.. നിനക്ക് മടുത്തു കാണും അല്ലെ പുറം ലോകം ഒന്നും കാണാതെ ഈ നാലു ചുവരുകൾക്കിടയിലെ ഈ ജീവിതം.. നിനക്കറിയോ...

പണ്ട് നീ സ്കൂളിൽ വരാതെ ഇരിക്കുമ്പോ ഞാൻ എത്ര കാത്തിരുന്നെന്ന് ..ഒരു ദിവസം എങ്കിലും നീ ഒന്ന് വന്നിരുന്നെങ്കിൽ... എന്ന് വിചാരിച്ചു.🥺...ഒന്നാമത്തെ പിരീഡ് മുഴുവൻ ആ ഡോറിന്റെ അടുത്തായി നീ വൈകി ആണേലും എപ്പോളെലും വന്ന് നിക്കും എന്ന പ്രതീക്ഷയിൽ.. പക്ഷെ നീ വന്നില്ല.... ക്ലാസ്സ്‌ ടൈം ഇൽ നീയും നിന്റെ ടീംസ് ഒക്കെ കൂടി S O S,ഉം BINGO ഒക്കെ കളിക്കുന്നതും മിട്ടായി ഒക്കെ കഴിക്കുന്നത് ആരും കാണാറില്ലെന്നാ നിന്റെ വിജാരം. എന്റെ കണ്ണുകൾ എന്നും നിന്നെ നിരീക്ഷിക്കുന്നുണ്ടായിരുന്നു നീ പോലും അറിയാതെ.... അന്ന് നിനക്ക് ഓർമ്മയുണ്ടോ എന്ന് അറിയില്ല... ആന്റണി സാർ ഒരിക്കെ എന്നെ ആദ്യായിട്ട് ക്ലാസ്സിന്ന് പുറത്താക്കിയത് ... അത് എന്തിനാണ് എന്ന് അറിയോ നിനക്ക്.. നിനക്ക് എങ്ങനെ അറിയാനാലെ... മ്മ്ഹ് നിന്നേം നോക്കി നിന്നിട്ട് ക്ലാസ്സ്‌ ശ്രദ്ധിക്കാഞ്ഞിട്ടാ.. ഹാ അതൊക്കെ ഒരു കാലം.. പക്ഷെ അങ്ങേര് കരുതിയെ ഞാൻ നിന്റെ തൊട്ടപ്പുറത്ത് ഇരിക്കണ ജോവിയെയാ നോക്കുന്നെന്നാ..

അത് ആരായാലും ആ വഴിക്കെ ചിന്തിക്കത്തുള്ളു.. പിന്നെ നമ്മടെ കെമിസ്ട്രി ലാബിൽ ഓരോ എക്സ്പീരിമെന്റ് ചെയ്യുമ്പോ ഞാൻ ഓരോ മണ്ടത്തരം കാണിച്ചുകൂട്ടുമ്പോ നീ എന്നെ ചീത്ത പറയുന്നതൊക്കെ ഞാൻ എത്ര ആസ്വദിച്ചിട്ടുണ്ടെന്നോ.. ആദ്യായിരിട്ടായിരിക്കും വഴക്ക് പറയുന്നേ വരെ ഒരാള് ഇത്രേം ആസ്വതിച്ചു കാണാ 😂....... അപ്പൊ ശെരി ഡീ... ഞാൻ പോട്ടെ.. ബാക്കി ഇനി നാളെ വന്നിട്ട് പറയാട്ടോ എല്ലാം ഇന്നെന്നെ പറഞ് തീർത്താൽ നാളെ നിന്നോട് പറയാൻ എനിക്ക് ഒരു ടോപ്പിക്ക് വേണ്ടേ.. എന്നും പറഞ് ഞാൻ ചുറ്റും കണ്ണോടിച്ചു നോക്കി നേഴ്സ് മാരോന്നും ഇപ്പൊ അവിടെ ഉണ്ടായിരുന്നില്ല.ആ ടൈം നോക്കി ഞാൻ അവളുടെ നെറ്റിയിൽ ഒരു ഉമ്മയും കൊടുത്തു പുറത്തേക്കിറങ്ങി. ഏകദേശം ആഫ്റ്റർനൂൺ ആയപ്പോ നോയൽ എന്നെ കാണാൻ വേണ്ടി ഹോസ്പിറ്റലിൽ വന്നിരുന്നു. അവൻ ഐഷയെ കുറിച്ച് വല്ല വിവരവും കിട്ടിയോന്നൊക്കെ ചോദിച്ചു പക്ഷെ ഞാൻ ഇല്ലാ എന്ന് കള്ളം പറഞ്ഞു.. തത്കാലം അവള് ഇവിടെ ഉള്ളത് ആരും അറിയണ്ട.

അത് പിന്നെ അവൾക്ക് ബുദ്ധിമുട്ടാവും.. ഫ്രണ്ട്‌സൊക്കെ കാണാൻ വരും പിന്നെ അവരുടെ ഒക്കെ സെന്റിമെന്റ്സ് നിറഞ്ഞ ആ സംസാരവും നോട്ടവും ഒക്കെ വേണ്ടാ... അവളെ ഒരു ചെറിയ കാരണം കൊണ്ട് പോലും നോവിക്കാൻ ഞാൻ ആഗ്രഹിക്കുന്നില്ല.... അങ്ങനെ ഞാൻ നോയലിന്റെ കൂടെ എന്റെ സ്വന്തം വീട്ടിലേക്ക് തിരിച്ചു... ഇന്ന് മമ്മിടേം പപ്പയുടേം വെഡിങ് അണിവേഴ്സറി ആണ്.. ഞങ്ങൾ കേക്ക് ഒക്കെ വാങ്ങി വീട്ടിലേക്ക് വന്നു.. ഞങ്ങൾ ചെറിയ രീതിയിൽ കഴിക്കാൻ പ്ലാൻ ചെയ്തേ ആണേലും.. വീട്ടിൽ എത്തി നോക്കുമ്പോ ഒരുവിധപ്പെട്ട എല്ലാ ഫാമിലിമെമ്പർസും അവിടെ ഹാജർ ആയിട്ടുണ്ട്. അങ്ങനെ നല്ല ഗ്രാൻഡ് ആയിട്ട് തന്നെ പരുപാടി കഴിക്കേണ്ടി വന്നു.... കസിൻസ് ഒക്കെ ഇന്ന് എന്റെ വീട്ടിൽ തന്നെയായിരുന്നു... സത്യം പറഞ്ഞ നമ്മടെ അതെ ഒരു പ്രായം ഉള്ള കസിൻസ് ഒക്കെ ഉള്ളത് ഒരുതരത്തിൽ ഭാഗ്യന്ന്.. അന്ന് മമ്മിനോടും ആന്റിമാരെ ഒക്കെ ചലഞ്ച് ചെയ്ത് ഞങ്ങള് ആണ്പിള്ളേര് ഒക്കെ കിച്ചണിൽ കേറി.. സത്യം പറയാലോ ഈ കുക്കിംങ്ങിന്റെ എബിസിഡി ഞങ്ങളിൽ ഒരുത്തന് എങ്കിലും അറിയാവുന്നാണേൽ എന്നതായിരുന്നു.. തിന്നാനല്ലാതെ പാചകം ചെയ്യനായിട്ട് ആദ്യായിട്ടാ ഇങ്ങോട്ട് വരണേ.....

"എടാ ഇനി എന്തുവാ... ചെയ്യണ്ടേ... മര്യാദക്ക് അമ്മച്ചി ഒക്കെ ഉണ്ടാക്കുന്ന ഭക്ഷണം കയിച്ചാ പോരായിരുന്നോ ദുഷ്ടൻമാരെ.. ചുമ്മ അവരോട് വല്യ വാർത്താനം ഒക്കെ പറഞ്ഞു വന്നിട്ട് ഇനി അങ്ങോട്ട്‌ പോയി അവരുടെ കാലുപിടിക്കാൻ എനിക്ക് വയ്യാ... (ആൽബിയാണ് ). "അത് പോയിന്റ്.. ഇനി എന്നാ ചെയ്യും.. സത്യായിട്ടും ഒരു ചായ ഇടാൻ പോലും എനിക്ക് നേരെ ചുവെ അറിയാൻ മേല🥴... (നോയൽ ആണ് ) സെയിം ടു ബ്രോഹ്😌... "ഈ പോളച്ചായൻ ഉള്ളപ്പോ മക്കള് എന്നാത്തിനാ പേടിക്കുന്നെ... നമ്മക്ക് ശെരിയാക്കാന്നെ.. (പോളാണ് ) അയ്യടാ ഈ പോളച്ചായൻ എന്നാ ഉണ്ടാക്കുംന്നാ ഏഹ്.. എടാ ഉവ്വേ നിനക്ക് ഈ മൈദ പൊടിയും അരിപൊടിയും കണ്ടാൽ തിരിച്ചറിയാൻ പറ്റുവോ ഏഹ്.... "അത് പിന്നെ... അത് പറ്റില്ലായിരിക്കും.. പക്ഷെ ഇപ്പൊ നമ്മക്ക് വല്ലതും ഉണ്ടാക്കണ്ടേ ഡായ്.. "നമ്മക്ക് യൂട്യൂബിൽ നോക്കി വല്ലോം ട്രൈ ചെയ്താലോ... (അജോ ആണ് ) എടാ അജോ അത് കൊള്ളാവല്ലോ.. നമ്മടെ കൂട്ടത്തിൽ അല്പം കാര്യപ്രാപ്തി ഒക്കെ ഉള്ളത് നിനക്ക് മാത്രണ്....

നിന്നെ ഓർത്ത് ഞാൻ അഭിമാനിക്കുന്നെടാ അഭിമാനിക്കുന്നു.... "ഒഹ് പിന്നെ ഒരു യൂട്യൂബ് എന്ന് പറഞ്ഞയിനാണ്.. ഇതേ ഇവൻ പറയണേലും മുന്നേ എന്റെ മനസ്സിൽ ഉണ്ടായിരുന്നു.. (ആൽബിയാണ് ) എന്നിട്ട് എന്തെ മോനെ ആൽബി നീ അത് പുറത്ത് പറയാഞ്ഞേ.. "അത് പിന്നെ... നിങ്ങൾക്ക് അറിയില്ലേ പണ്ടേ എനിക്ക് പബ്ലിസിറ്റി ഇഷ്ടല്ലന്ന് അതോണ്ടാ.. നീ ഇനി നിന്റെ തൊള്ള അടച്ചു വച്ചില്ലേൽ നിന്റെ മരണം ദേ.. എന്റെ കൈ കൊണ്ടായിരിക്കും... അങ്ങനെ ഓരോ ചളിയടിയും ഒക്കെയായി ഞങ്ങൾ പാചകം ചെയ്യാൻ തുടങ്ങി. ഏകദേശം എന്തൊക്കെയോ തട്ടി കൂട്ടി ഉണ്ടാക്കി ഞങ്ങൾ ഡെയിനിങ് ടേബിളിൽ കൊണ്ടുവച്ചു.മമ്മിനേം ആന്റിമാരെ ഒക്കെ വിളിച്ചു. "നിങ്ങള് എന്നതാ പറഞ്ഞെ ഞങ്ങളെ കൊണ്ട് ഇതൊന്നും പറ്റില്ലന്നല്ലേ.. നോക്ക് നോക്ക് എന്തൊക്ക ഞങ്ങള് ഉണ്ടാക്കി കൊണ്ട് വന്നേക്കുന്നെന്ന്😏... മ്മ്ഹ് കാണാനൊക്കെ കൊള്ളാം ഞങ്ങൾ ഒന്ന് ടേസ്റ്റ് ചെയ്ത് നോക്കട്ടെ .... (ആന്റിയാണ് ). "നീ നോക്കിക്കോ ജോണേ അവരത് കഴിച്ചതും നമ്മളെ അപ്പറേഷ്യറ്റ് ചെയ്യും...ഉറപ്പാ.. (പോൾ ആണ് )

. "എടാ മക്കളെ എന്തുവാടേ നീയൊക്കെ ഉണ്ടാക്കി വച്ചേക്കുന്നെ.. ഭക്ഷണം തന്ന് കൊല്ലാൻ നോക്കുവാണോ.. ദേ ജീവനിൽ കൊതി ഉണ്ടേൽ ആരും ഇത് കഴിക്കരുത്. (മമ്മിയാണ് ) അവരുടെ ഒക്കെ മുന്നിൽ ശരിക്കും ഞങ്ങൾ നാറി എന്ന് പറയാലോ... ഒന്നും വേണ്ടായിരുന്നു.. വെറുതെ സാധങ്ങൾ വേസ്റ്റ് ആക്കിയത് മാത്രം... പിന്നെ ഹോട്ടലിൽ പോയി ഭക്ഷണം വാങ്ങിച്ചു കൊണ്ട് വന്നതിനു ശേഷാ ഞങൾ ഭക്ഷണം കഴിച്ചേ.. ഏകദേശം ഒരു രാത്രി 12.00ഒക്കെ ആയപ്പോ പിന്നെ ഞങ്ങടെ കസിൻസ് ഒക്കെ കൂടി വിശേഷങ്ങൾ പങ്കുവെക്കലായിരുന്നു... അതിനിടയിൽ അവര് ഐഷയെ കുറിച്ച് തിരക്കിയായിരുന്നു... ഞാൻ അവളെ കുറിച്ച് അന്വേഷിക്കുന്നുണ്ട് പക്ഷെ വിവരവൊന്നും കിട്ടില്ലന്ന് പറഞ്ഞു . "എടാ ജോണേ.. നീ ഞങ്ങള് ഒരു കാര്യം പറഞ്ഞ കേക്കുവോ.... നീ ഐഷയെ മറക്കണം. നിനക്ക് എല്ലാം കൊണ്ടും ചേരുന്നേ ദിയയാടാ.... അവൾക് നിന്നെ ഇഷ്ടാവാ... അപ്പൊ നീ കൂടി സമ്മതിച്ചാൽ... ഇനി എത്ര നാള് എന്നുവെച്ചാ നീ ഇങ്ങനെ... ഐഷ എന്ന പേരും പറഞ് നിന്റെ ജീവിതം കൂടി കളയുന്നെ... എടാ നിനക്ക് അവള് വേണ്ടെടാ... നോയലെ.. നീ ഇതെന്തൊക്കെയാടാ പറയുന്നേ..

നിങ്ങൾക്ക് അറിയാവുന്നല്ലേ അവളെ ഞാൻ എത്ര ഇഷ്ടപ്പെടുന്നുണ്ടെന്ന് ❤️🥺. എന്നിട്ടിപ്പോ.... നോക്കടാ ആൽബി ഇവൻ പറയുന്നത് കേട്ടോ നീ..ഇനി ഒരുപക്ഷെ അവളുടെ മതം ആണോ നിങ്ങടെ ഒക്കെ പ്രശ്നം....ഏഹ് "ജോണേ ഞങ്ങളും അവന്റെ ഭാഗത്താടാ.. മതം.. ഏയ്‌.. ഛെ..അതൊന്നും അല്ലഡാ .. എന്തിരുന്നാലും നീ ഇത് ഇവിടെ മറന്നേക്ക്.. പ്ലീസ്.. നിന്റെ നന്മക്കാടാ ഞങ്ങളി പറയണേ നീ ഒന്ന് മനസ്സിലാക്ക്.. ഡാ.. നിങ്ങള് എന്റെ അരികിൽ നിന്നും എന്തോ ഒളിക്കുന്ന മാതിരി എങ്ങാൻ എനിക്ക് തോന്നുന്നു.. എന്താടാ പറ... "ഏയ്‌ അതൊന്നുല്ലടാ... ഞങ്ങള് ചുമ്മാ നിന്റെ സ്നേഹം സീരിയസ് ആണോന്ന് ഒന്ന് പരീക്ഷിച്ചതാ.... (നോയൽ ആണ് ). ഒഹ് അതായിരുന്നോ ഞാൻ ഒരു നിമിഷം അങ്ങ് പകച്ചുപോയി. ഇത്രയും കാലം കൂടെ നിന്ന നിങ്ങള് തന്നെ ഇത് പറഞ്ഞപ്പോ ശെരിക്കും എന്റെ ഹാർട്ട്‌ ബ്രേക്ക്‌ ആവണമാതിരി തോന്നിയെടാ... "നീ ആ കാര്യം വിടെടാ.. ചുമ്മാ ജസ്റ്റ്‌ ഫൺ..... യാ 😇..... അങ്ങനെ ഞങ്ങൾ ഒരു 1.00ഒക്കെ ആയപ്പോ ഉറങ്ങാൻ കിടന്നു. _________

"എടാ നോയലെ നിനക്ക് അവന്റെ അടുത്ത് ആ കാര്യം പറഞ്ഞൂടായിരുന്നോ.. എന്തിനാ അത് മറച്ചു വെച്ചേ....അവൻ അങ്ങനെലും ആ സത്യം അറിയട്ടെടാ.. എന്തായാലും ഏതെങ്കിലും കാലത്ത് അവനത് അറിയണ്ടതല്ലേ.... (ആൽബിയാണ് ) വേണ്ടെടാ.. നീ കണ്ടതല്ലേ അവനു അവളോടുള്ള സ്നേഹം.. എങ്ങനെ ആണേലും അവനിത് ഒരിക്കലും താങ്ങാൻ കയിയില്ലെടാ.. അവസരം വരട്ടെ നമ്മക്ക് എപ്പോളെലും പതിയെ അവനെ പറഞ്ഞു മനസ്സിലാക്കാലോ... "മ്മ്ഹ്... ___________ അങ്ങനെ രാവിലെ തന്നെ ലവൻമാരെയും കൂട്ടി ജോഗിങ്ങിനു പോയി. കൊറേ ദൂരം പോയി തളർന്നപ്പോയാ വിശ്രമിക്കാൻ താക്കോണം ഒരു സ്ഥലത്തു ഇരുന്നത്. "ദേ ജോണേ... ആരാ വരണേ എന്ന് നോക്കിയേ.... 'അന്ന... ഒഹ് സോറി അന്നയെ നിങ്ങക്ക് പരിജയപ്പെടുത്തിയില്ലല്ലേ... സത്യം പറയാലോ ഒരു പുലിവാല് പിടിച്ച കക്ഷിയാണ് ദേ ഈ അന്ന കുര്യൻ.ആ ദിയയെ വരെ സഹിക്ക ബട്ട്‌ ഇതിനെ അൺസഹിക്കബിൾ ആണ് 😬.

ആ സ്റ്റോറി ഞാൻ പറഞ്ഞന്നില്ലല്ലേ.. ഞാൻ ഒരു 7th സ്റ്റാൻഡേർഡിൽ ഒക്കെ പഠിക്കുമ്പോ എനിക്ക് ഒരു എനിമി ഇണ്ടായിരുന്നു തൊമ്മിച്ചൻ..ശരിക്കും പേര് തോമസ് ചാക്കോ എന്നാണ്.ഞങ്ങൾ തമ്മിൽ കണ്ട കീരിയും പാമ്പും മാതിരിയാ.. ഒരുദിവസം തല്ലുകൂടിയില്ലച്ച ഉറക്കം വരൂല. അതിന് മുന്നേ ലെവൻ എനിക്കിട്ട് ഒന്ന് പണിതായിരുന്നു.. അതിന് റിവേൻജ് എടുക്കാൻ കരുതി നിക്കുമ്പോഴാ... ദേ ഈ അന്നയുടെ ടെക്സ്റ്റ്‌ ബുക്കിലെ പേജ് എങ്ങാൻ അവൻ എടുത്തു കീറി കളഞ്ഞു.. ഒഹ് അങ്ങനെ ആ സംഭവം റീസൺ ആയിട്ടെടുത് ഞാൻ ചെക്കനെ പോയി തല്ലി. അവന്റെ കയ്യിൽന്ന് മതിയാവോളം എനിക്കും കിട്ടിയായിരുന്നു.. മമ്മിനെ ഒക്കെ വിളിപ്പിച്ചു സ്കൂളിന്ന് എന്നിട്ടാണ് ഒടുക്കം ക്ലാസ്സിൽ കേറ്റിയത് ..വീട്ടില് ചെന്ന് പപ്പയുടെ കയ്യിന്നും നല്ലണം കിട്ടിയായിരുന്നു. പക്ഷെ ഇതിൽ കോമഡി എന്തെന്ന് വെച്ചാ പുള്ളിക്കാരി വിജാരിച്ചേ ഞാൻ അവളോടുള്ള ഇഷ്ടം കൊണ്ടാണ് അവനെ പോയി തല്ലിയത് എന്നല്ലേ... പിന്നീട് ആ സംഭവം ഓർത്തിട്ട് ഞാൻ ഒരുപാട് പ്രാവശ്യം സ്വയം തന്നെ കുറ്റപ്പെടുത്തിയിട്ടുണ്ട്. വഴിയെ പോയ വയ്യാ വേലി എടുത്തു തലയിൽ വെച്ചല്ലോ എന്നും വിചാരിച്ചു..എന്റെ ഭാഗത്തും തെറ്റുണ്ട് ഒരു പേജ് കീറിന്നൊക്കെ പറഞ് ഞാൻ അവനെ തല്ലാൻ പാടില്ലായിരുന്നു... ഹാ.. ഇനി പറഞ്ഞിട്ടെന്താ.. എന്റെ കർത്താവെ.. ദേ.. കുരിശ്.. എടാ.. ഇത് നമ്മടെ അടുത്തേകാണല്ലോ വരവ്..

അത് ഇങ് എത്തണേലും മുന്നേ നമ്മക്ക് വിട്ടാലോ.... "നീ അവടെ ഇരിയെടാ...ജോണേ.. പോടാ... നിങ്ങക്ക് ഇവിടെ ഇരുന്ന് കോണച്ച മതി അവള്ടെ ഈ ഒലിപ്പീരു ടോക്ക് ഒക്കെ കേക്കണ്ടത് ഈ ഞാനല്ലേ എനിക്കൊന്നും വയ്യ അത് കേക്കാൻ... __________ "ഹേയ് ജോൺ.. നിന്നെ കണ്ടിട്ട് എത്ര നാളെയെടാ.. നമ്പർ ഇല്ലാത്തോണ്ട് ഒന്ന് വിളിച്ചു നോക്കാൻ പോലും സാധിച്ചില്ല.. ശേ.. എന്നതായാലും ജോണേ നിനക്ക് നാട്ടില് വന്നെനു ശേഷം എന്റെ അപ്പച്ചനെ കാണാൻ ഒന്ന് വരായിരുന്നു. നമ്മള് നേരിട്ട് കണ്ടിട്ടിട്ട് ഒരൊന്നൊന്നര വർഷം ഒക്കെ ആയി കാണുംലെ... എങ്ങനെയാണേലും നീ കുറച്ചൊക്കെ ഗ്ലാമർ ആയിട്ടുണ്ട് ട്ടോ... എന്റെ ഭാഗ്യം എന്ന് പറയാലോ അവൾക്ക് പെട്ടന്നൊരു കാൾ വന്നൊണ്ട് ഞങ്ങളോട് ബൈ പറഞ്ഞു അവൾ പോയി.. ഡായ് .. ഇവൾക്ക് വന്ന് വന്ന് ഒരു വെളിവും വെള്ളിയാഴ്ചയും ഇല്ലാത്ത അവസ്ഥയായിട്ടുണ്ടോ.. എന്തൊക്കെയാ ഈ വിളിച്ചു പറയുന്നേ.. ഒരൊന്നൊന്നര വർഷം ആയിപോലും കണ്ടിട്ട്.. ഏകദേശം ഫൈവ് ഇയർ ന് ശേഷം നാട്ടിൽ വന്ന എന്നോട്.. ഇതിനൊക്കെ എന്താ പറയാ...

"സ്നേഹം മൂത്ത് ഭ്രാന്തായി കാണും അതാ.. (പോളാണ് ). ആയിരിക്കും 😂. _________ ജോഗിങ് ഒക്കെ കയിഞ്ഞ് ഏകദേശം ഒരു ഉച്ച ടൈം ആവുമ്പോ ഞാൻ വീട്ടില് നിന്നും ഹോസ്പിറ്റലിലേക്ക് തിരിച്ചു. ഏകദേശം patients ഇനെ ഒക്കെ നോക്കി കയിഞ്ഞ് ഞാൻ സഹലിനെ കാണാൻ പോയി...ഐഷയെ കുറിച്ച് സുഖവിവരങ്ങൾ ഒക്കെ അന്വേഷിച്ചു. പക്ഷെ അവളെ കാണാൻ പോവാൻ ടൈം കിട്ടില്ല. ഞാൻ അവനോട് സംസാരിച്ചു കയിഞ്ഞ് എന്റെ കൺസള്റ്റിംഗ് റൂമിലേക്ക് തിരിച്ചു പോയി.കുറച്ചു സമയം കയിഞ്ഞ് ആരൊക്കെയോ ഐഷയുടെ റൂമിലേക്ക് കയറി പോണത് കണ്ടത് അവരോട് സംസാരിച്ചു കൊണ്ട് സഹലും അകത്തേക്ക് കയറി പോയി.. ഇവരൊക്കെ ആരാ... ഐഷയുടെ ബന്ധുക്കൾ മറ്റോ ആണോ... എന്തായാലും അറിയണല്ലോ ഞാൻ നേരെ ടീ കുടിക്കാൻ പോണം എന്നും പറഞ്ഞു കുറച്ചു ടൈം ബ്രേക്ക്‌ എടുത്തു..

എന്നിട്ട് നേരെ ഐഷയുടെ റൂം ലക്ഷ്യമാക്കി നടന്നു..ഞാൻ റൂമിലേക്ക് കയറാൻ നോക്കിയതും പെട്ടന്ന് എന്നെ കണ്ട ഉടനെ സഹലിന്റെ മുഖ ഭാവം മാറി..അവൻ ഒന്നും പറയാതെ എന്റെ അടുത്ത് ഓടി വന്നു.. "ജോണേട്ടാ പ്ലീസ്.. ഇപ്പൊ ഇവിടുന്ന് പോണം ഇതെന്റെ റിക്വസ്റ്റ് ആണ്.പ്ലീസ്... വേഗം പൊക്കോ... ഡാ... ഞാൻ എന്നാ ചെയ്തിട്ടാ എന്നോട് പോകാൻ പറയുന്നേ... എന്താടാ എന്താ പറ്റിയെ.... "ജോണേട്ടാ നിങ്ങൾ പോയിക്കോ.. ഞാൻ പറഞ്ഞില്ലേ.. ഞാൻ നിങ്ങടെ കാലുപിടിക്കാം... പ്ലീസ്.. പോയിക്കോ... ഇതെന്താ ഇവിടെ സംഭവിക്കുന്നെ.. സഹൽ ഇവനെന്തിനാ ഇപ്പൊ എന്നോടിവിടുന്ന് പോവാൻ പറഞ്ഞെ... ഞാൻ ഒരു ഡോക്ടർ അല്ലെ എന്നിട്ടും... ആരാ അവരൊക്കെ.. അങ്ങനെ ഉത്തരങ്ങൾ ഇല്ലാത്ത പല ചോദ്യങ്ങളും എന്റെ മനസ്സിൽ ഉയർന്നു. .... 【തുടരും】

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...