🔥 ചെകുത്താൻ 🔥 : ഭാഗം 18

രചന: ആമി

“ നീർക്കോലി ” ഞാൻ പോലുമറിയാതെ എന്റെ ചുണ്ടുകൾ ആ പേര് മന്ത്രിച്ചു എന്നാലും ഇതെങ്ങനെ 😱😱 എന്തായാലും ഇതെന്റെ കയ്യിലിരിക്കട്ടെ മനസ്സിൽ പലതും കണക്കുകൂട്ടിക്കൊണ്ട് ഞാൻ ആ പേപ്പർ മടക്കി എന്റെ ഷർട്ടിന്റെ പോക്കറ്റിലേക്ക് വച്ച് ഫോണും എടുത്ത് താഴേക്ക് പോയി ഞാൻ താഴെ എത്തുമ്പോൾ എല്ലാവരും ഡെെനിംങ് ടേബിളിനു മുന്നിൽ എനിക്ക് വേണ്ടി വെയിറ്റിംഗ് ആയിരുന്നു എല്ലാവരുടെയും നേരെ നോക്കി ഒന്ന് ചിരിച്ച് കാണിച്ച ശേഷം ഞാൻ ഒരു ചെയറിൽ കയറി ഇരുന്നു .. ചിറ്റ ഫുഡ് വിളമ്പിത്തന്നു ,,, കഴിക്കുന്നതിനിടയിൽ അച്ഛമ്മയോടും മാമനോടും അച്ഛച്ഛനോടും സംസാരിച്ചു ഫുഡ് കഴിച്ച് കഴിഞ്ഞ ഉടനെ തന്നെ ഞാൻ പോരാനിറങ്ങി . കുറച്ചൂടെ കഴിഞ്ഞ് പോയാൽ പോരേ എന്ന് എല്ലാവരും മാറി മാറി ചോദിക്കുന്നുണ്ട് . പിന്നെ കുട്ടന്റെ അടുത്ത് പോകണമെന്ന് പറഞ്ഞ് എല്ലാവരോടും യാത്ര പറഞ്ഞ് ഞാൻ അവിടുന്നിറങ്ങി കാറിൽ കയറി ഫോൺ എടുത്ത് ടെെം നോക്കിയപ്പോൾ മൂന്ന് മണിയാകാറായിട്ടുണ്ട് ... പിന്നെ ഒന്നും ചിന്തിച്ച് നിൽക്കാതെ വേഗം തന്നെ ഹോസ്പിറ്റൽ ലക്ഷ്യമാക്കി എന്റെ കാർ കുതിച്ചു ...

ഹോസ്പിറ്റലിൽ എത്തി ചെറിയമ്മയെ വിളിച്ച് ഏതാ റൂം എന്നന്വേഷിച്ച് അങ്ങോട്ട് വിട്ടു .. അവനെ അഡ്മിറ്റ് ചെയ്തേക്കുന്ന റൂമിലേക്ക് കയറി ചെല്ലുമ്പോൾ ആ തെമ്മാടി ഇരുന്ന് ഓറഞ്ച് തിന്നാണ് ... ഞാൻ ഓടിച്ചെന്ന് അവൻ വായിലേക്ക് വക്കാൻ പോയ ഓറഞ്ചിന്റെ അല്ലി തട്ടിപ്പറിച്ച് വാങ്ങിച്ച് എന്റെ വായിലേക്കിട്ടു 😉 “ ഡാ തെണ്ടീീ ,,, എന്റെ ഓറഞ്ച് .. ” “ ദേ ,,, എന്തോരം ഓറഞ്ചാ ഇവിടെ ഇരിക്കുന്നെ ,,, നിനക്ക് അതെടുത്ത് കഴിച്ചൂടേ ... ഇതിപ്പോ ഞാൻ തിന്നത് തന്നെ വേണംന്ന് പറഞ്ഞാ മോശാണ് ട്ടാ കുട്ടാ ” ഞാൻ ചിരിച്ചു കൊണ്ട് പറഞ്ഞു “ പോടാ ..... ” നല്ല അസ്സൽ തെറിയും വിളിച്ച് അവൻ ഓറഞ്ച് തീറ്റയിലേക്ക് തന്നെ ശ്രദ്ധ തിരിച്ചു “ മോനേ ,,, നീ ഇവിടെ ഉണ്ടാകില്ലേ ,, ഞങ്ങളൊന്ന് വീട്ടില് പോയിട്ട് വരട്ടേ ” ചെറിയമ്മയാണ് “ ആഹ് ചെറിയമ്മേ ,,, പൊയ്ക്കോ ,,, രാത്രി വന്നാമതി ” “ ഞാനിവിടെ നിന്നോളാം ” പ്രിയയാണ് “ ഏയ് ,, അതൊന്നും ശരിയാവൂല ,,, മര്യാദക്ക് വീട്ടില് പൊയ്ക്കോ 😠 ” കുട്ടൻ അവളുടെ നേരെ കണ്ണുരുട്ടിക്കൊണ്ട് പറഞ്ഞു അവള് എന്തൊക്കെയോ പിറുപിറുത്തുകൊണ്ട് ചെറിയച്ഛന്റെ കൂടെ പുറത്തേക്കിറങ്ങി 😂

അമ്മയും അച്ഛനും ചെറിയമ്മയും ചെറിയച്ഛനും പ്രിയയും വീട്ടിലേക്ക് പോയി ... ഞാനും കുട്ടനും തനിച്ചായി ആ റൂമില് . ആ തെമ്മാടി എന്നെ മെെന്റ് പോലും ചെയ്യാതെ ഇരുന്ന് ഓറഞ്ച് മിണുങ്ങുവാണ് . ഞാൻ ഫോൺ എടുത്ത് അതിൽ തോണ്ടിക്കളിക്കാൻ തുടങ്ങി ✨✨✨✨✨✨✨✨✨✨✨✨✨✨✨✨ [ ശ്രീ ] അമ്മയും അച്ഛനും വല്യമ്മയും വല്യച്ഛനും പ്രിയയും വീട്ടിലേക്ക് പോയി .... ഞാൻ ഓറഞ്ച് കഴിച്ചു കൊണ്ടിരുന്നു ,,, വല്യമ്മയും വല്യച്ഛനും വന്നപ്പോ കൊണ്ടുവന്നതാണ് 😉 ആദി ഫോണിൽ നോക്കിക്കൊണ്ടിരിപ്പുണ്ട് ഒരു കഷ്ണം ഓറഞ്ച് വായിലേക്കിട്ട് അവനെ നോക്കിയപ്പോ അവന്റെ മുഖത്ത് എന്തൊക്കെയോ ഭാവങ്ങൾ മിന്നിമറയുന്നു ... അതെന്താണെന്നറിയാൻ വേണ്ടി ഞാൻ തല പൊന്തിച്ച് അവന്റെ ഫോണിലേക്ക് നോക്കി ,,,, അവൻ ഓഫീസിലെ സി.സി.ടി.വി ഫൂട്ടേജ്സ് ചെക്ക് ചെയ്യുന്നതാണെന്ന് ഒറ്റ നോട്ടത്തിൽ തന്നെ എനിക്ക് മനസ്സിലായി ... “ എന്താടാ നീ ഇത്ര എക്സ്പ്രഷൻ ഇടുന്നെ ,,, ഓഫീസില് വല്ല കള്ളനും കയറിയോ ” ഫോണിൽ നിന്ന് നോട്ടം തെറ്റിച്ചു കൊണ്ട് ഞാനവനോട് ചോദിച്ചു “ കള്ളനല്ല ,, കള്ളി ” അവൻ ഫോണിൽ നിന്ന് നോട്ടം തെറ്റിക്കാതെ തന്നെ പറഞ്ഞു “ കള്ളിയോ ,,,, എവടെ ” ഞാനത് ചോദിച്ചതും അവൻ ഫോൺ എന്റെ നേർക്ക് നീട്ടി ,,,

അതിലതാ ആ ഇഷാന ആദിയുടെ ക്യാബിനിൽ നിന്ന് അവന്റെ ടേബിളിനടുത്തായി വന്ന് നിൽക്കുന്നു . പെട്ടെന്ന് തന്നെ അവള് ഓടിപ്പോയി ഡോറിന്റെ അടുത്ത് ചെന്ന് പുറത്തേക്ക് തലയിട്ട് നോക്കി ,,, ആരെങ്കിലും വരുന്നുണ്ടോ എന്ന് നോക്കുന്നതായിരിക്കും ... പിന്നെ തിരിച്ച് വന്ന് അവന്റെ ടേബിളിനെ ഒന്ന് വലയം വച്ച ശേഷം അവന്റെ ചെയറിൽ ഇരിക്കാൻ പോകുന്നു ... പക്ഷേ ഇരിക്കുന്നതിന് മുൻപ് തന്നെ സി.സി.ടി.വി ക്യാമറ കണ്ടതു കൊണ്ട് ഇരിക്കാതെ എഴുന്നേറ്റ് പോകുന്നു “ ഹോ ,,, പാവം !! അവള് നിന്റെ ചെയറിൽ ഒന്ന് ഇരുന്ന് നോക്കാൻ വന്നതാടാ ,,, വെറുതെ അവളെ തെറ്റിദ്ധരിച്ചു ” ഞാൻ ഫോൺ അവനു നേരെ നീട്ടിക്കൊണ്ട് പറഞ്ഞു അവൻ പുഞ്ചിരിച്ചു കൊണ്ട് ഫോൺ വാങ്ങിച്ചു സാധാരണ അവന്റെ എന്തെങ്കിലും ഒരു സാധനത്തില് വേറെ ആരെങ്കിലും ഒരാൾ തൊട്ടാല് അവടെ ഒരു യുദ്ധം തന്നെ നടത്തണ മൊതലാണ് ,,, ഇപ്പോ നോക്കിയേ 😇😉 എവിടെയോ എന്തോ ഒരു സ്പെല്ലിംഗ് മിസ്റ്റേക്ക് പോലെ തോന്നുന്നു ,,, നിങ്ങൾക്കും തോന്നണില്ലേ ... പെട്ടെന്നാണ് അവനിന്ന് തറവാട്ടിലേക്ക് പോയ കാര്യം ഓർമ്മ വന്നത് “ നീ എന്തിനാ ഇന്ന് തറവാട്ടില് പോയെ ” “ ദേവൂട്ടിയെ കാണണംന്ന് തോന്നി ,,, പോയി ” “ അതേതായാലും നന്നായി ,,, ഞാൻ എന്നും നിന്നോട് പറയണമെന്ന് കരുതിയിരുന്ന കാര്യമാണത് ,,

പിന്നെ നീയെന്നെ കൊല്ലുമല്ലോ എന്നോർത്ത് മാത്രം പറയാതിരുന്നതാ 😉 ” ഞാൻ ചിരിച്ചു കൊണ്ട് പറഞ്ഞതും അവനെന്റെ നേരെ നോക്കി ഒന്ന് സെെറ്റടിച്ചു കാണിച്ചു “ അല്ല ,,, ഇന്നെന്തോ വല്ലാത്ത സന്തോഷത്തിലാണല്ലോ ” ഞാനവനെ ഒന്ന് അർത്ഥം വച്ചു നോക്കിക്കൊണ്ട് ചോദിച്ചു “ അതെ ,,,, ” അവൻ മുഖത്തെ പുഞ്ചിരി മായാതെ തന്നെ പറഞ്ഞു “ എന്താണാവോ കാരണം ” അതിന് മറുപടിയായി അവനൊന്ന് ഇളിച്ചു കാണിച്ച് തന്നു എന്തായാലും ഇവന് എന്തോ കാര്യമായി സംഭവിച്ചിട്ടുണ്ട് ,,, കുഴപ്പോല്ല ,,, ഞാൻ കണ്ടുപിടിച്ചോളാം അപ്പോഴാണ് ഫോൺ വെെബ്രേറ്റ് ചെയ്യുന്നത് കേട്ടത് .... ‘ ഇതാരുടെ ഫോണാ ഇപ്പോ വെെബ്രേഷനില് ’ എന്ന് ഞാൻ ചിന്തിച്ചതും ആദി ഇളിച്ച് കാണിച്ചു കൊണ്ട് അവന്റെ ഫോൺ കാണിച്ച് തന്നു ‘ ഇവൻ ഒരിക്കലും ഫോൺ വെെബ്രേഷനിലിടാറില്ലല്ലോ ... ഇപ്പോ ഇതെന്തു പറ്റി ’ “ നോ വേ ” ഞാൻ ആ കാര്യം ഗഹനമായി ചിന്തിച്ചു കൊണ്ടിരുന്നപ്പോഴാണ് അവന്റെ ശബ്ദം ഉയർന്നത് പെട്ടെന്ന് തന്നെ അവൻ കോൾ കട്ട് ചെയ്ത് ഫോൺ പോക്കറ്റിലേക്ക് എടുത്ത് വച്ചു “ എന്താടാ ” ഞാൻ ബെഡിൽ എഴുന്നേറ്റിരുന്ന് ചോദിച്ചു

“ നാളെ സ്റ്റാഫ്സിന് എല്ലാവർക്കും ലീവ് വേണമത്രെ ” അവൻ മുഷ്ടി ചുരുട്ടി കലിപ്പിൽ പറഞ്ഞു “ ലീവ് ,,, ഫോർ വാട് ” “ നാളെ എല്ലാവർക്കും നിത്യയുടെ മാരേജിന് പോകണമെന്ന് ” “ ഓഹ് ,,, പറഞ്ഞ പോലെ നാളെയാണല്ലേ അത് ... നീ പോകുന്നുണ്ടോ ” അതിനവന്റെ മറുപടി ഒരു തുറിച്ചുനോട്ടമായിരുന്നു 😂 “ അല്ല ,,, ആരാ ഇപ്പോ വിളിച്ചെ ” ഞാൻ നെെസായിട്ട് വിഷയം മാറ്റി 😉 അല്ലെങ്കി ആ തെണ്ടി എന്നെ ഇവിടെ തന്നെ കുഴിച്ചിടും ,,, അമ്മാതിരി കലിപ്പിലാണ് 😂 “ ആകാശ് ” “ എന്നിട്ട് നീയെന്താ പറഞ്ഞെ ” “ മാരേജിന് പോകണമെന്നുള്ളവർക്ക് ലീവെടുക്കാം ,, ബട്ട് ഈ മന്ത് സാലറി കട്ട് 😎 ” “ എടാ മഹാപാപീ ,,, എന്ത് പണിയാടാ നീ കാണിച്ചെ ” ഞാനവനോട് കലിപ്പായി ചോദിച്ചു അവൻ എന്നെ തുറുക്കനെ ഒന്ന് നോക്കി .... ഞാൻ തിരിച്ചും നോക്കി ,,,, അപ്പോ അവൻ എന്നെ പുച്ഛിച്ച് ചിരിച്ചോണ്ട് തല തിരിച്ചു “ എന്നാലും ഹാഫ് ഡേ എങ്കിലും ലീവ് കൊടുക്കായിരുന്നു ” ഞാൻ ഒരു ആത്മഗതമെന്നോണം പറഞ്ഞു “ നാളെ ഫങ്ഷൻ നമ്മുടെ ഹോളില് വച്ചാണ് ... അവളെയും ഹസ്സിനെയും കാണണമെന്നുള്ളവർക്ക് അവിടുന്ന് കണ്ടാ പോരേ ,,, അതിന് ലീവെടുക്കേണ്ട ആവശ്യമെന്താ ”

അവൻ ചുണ്ട് കോട്ടിക്കൊണ്ട് പറഞ്ഞു ✨✨✨✨✨✨✨✨✨✨✨✨✨✨✨✨ [ ആദി ] ആകെക്കൂടെ ഏതോ ഒരു മൂഡില് നിൽക്കുമ്പോഴാണ് ആകാശ് വിളിച്ചിട്ട് സ്റ്റാഫ്സിന് എല്ലാവർക്കും ലീവ് വേണമെന്ന് പറയാൻ .... എങ്ങനെ തോന്നി അവനിതെന്നോട് പറയാൻ 😬 ഞാൻ ദേഷ്യം അണപ്പല്ലിൽ കടിച്ചമർത്തി പിടിച്ച് നിന്നു ,,, അതിന്റെടേലാണ് കുട്ടന്റെ ഓരോരോ കൊനിഷ്ട് പിടിച്ച ചോദ്യങ്ങള് 😬 മാരേജിന് പോകുന്നതെന്തിനാ ,,, പെണ്ണിനെയും ചെക്കനെയും കാണാനല്ലേ ,,, അവരെന്തായാലും നാളെ ഓഫീസില് വരും ,,,, ഓഫീസ് ഹോളില് വച്ചാണ് ഫങ്ഷൻ അറേഞ്ച് ചെയ്തിരിക്കുന്നത് ,,,, ഇൻക്ലൂഡിംങ് താലി കെട്ടല് ... അപ്പോ കണ്ടാ പോരേ 😬😬 അല്ലാതെ ഒരു ദിവസം അതിന് വേണ്ടി ലീവെടുക്കുകാന്നൊക്കെ പറഞ്ഞാല് 😬😬😬😡 കൃഷ്ണാ ,,, കലിപ്പടങ്ങണില്ലല്ലോ 😡 ഓഹ് ....!! ഒന്ന് സ്മോക്ക് ചെയ്യണമെങ്കി എന്ത് ചെയ്യും നാശം 😬 ഞാൻ ചുറ്റിനും ഒന്ന് നോക്കി ,,,,, “ നീ ഇങ്ങനെ നോക്കി കഷ്ടപ്പെടണ്ട ,, ഇവിടെ സ്മോക്കിംങ് അലോവ്ഡ് അല്ല ” എന്റെ മനസ്സ് വായിച്ചെന്ന പോലെ കുട്ടൻ പറഞ്ഞു ഞാൻ അവനെ തുറുക്കനെ ഒന്ന് നോക്കിയിട്ട് പുറത്തേക്ക് ഇറങ്ങിപ്പോയി ..... ✨✨✨✨✨✨✨✨✨✨✨✨✨✨✨✨ [ ഇഷു ] ഡ്രസ്സ് ഒക്കെ എടുത്ത് ബസ് കയറി വീട്ടിലെത്തിയപ്പോഴേക്കും ആകെ ടയേഴ്ഡ് ആയിരുന്നു .

പിന്നെ ആരെയും ഒന്നിനെയും മെെന്റ് ചെയ്യാതെ റൂമിൽ കയറി ഡോർ ക്ലോസ് ചെയ്ത് ബെഡിലേക്ക് മറിഞ്ഞു .... . . . . . ഫോൺ ബെല്ലടിക്കുന്നത് കേട്ടാണ് കണ്ണ് തുറന്നത് .... കെെയെത്തിച്ച് ടേബിളിൽ ഇരുന്ന ഫോൺ എടുത്ത് ആരാ വിളിക്കുന്നതെന്ന് നോക്കി ,,,, അമിയാണ് “ ആഹ് എന്താടാ ” ഞാൻ കോൾ അറ്റൻഡ് ചെയ്തു കൊണ്ട് ചോദിച്ചു “ നീ വീട്ടിലെത്തിയോ ” “ ആഹ് ടാ എത്തി ” “ ആഹ് ശരി എന്നാ ,,, അതറിയാൻ വേണ്ടി വിളിച്ചതാണ് ” എന്നും പറഞ്ഞ് അവൻ കോൾ കട്ട് ചെയ്തു ഞാൻ പിന്നെയും കുറച്ച് സമയം കൂടി കിടന്നു ... എന്നിട്ട് എഴുന്നേറ്റ് പോയി ഫ്രഷായി താഴേക്ക് ഇറങ്ങിച്ചെന്നു ഉമ്മി അടുക്കളയിലായിരുന്നു ,,, അബ്ബി ഓഫീസിൽ നിന്ന് വരാൻ ടെെം ആയിട്ടില്ല ... അല്ലാ ,, അബ്ബിയെ കുറിച്ച് ഞാൻ പറഞ്ഞിട്ടില്ലല്ലേ ,,,,, ഷമീർ ഫെെസൽ ,, അതായത് എന്റെ അബ്ബി ,, ഇന്ത്യയിലെ എന്നല്ല ,, വേൾഡിലെ തന്നെ ഒരു വെൽനോൺ കമ്പനിയായ ഹമദ് ഇന്റർനാഷ്ണൽ ഗ്രൂപ്പ് ഓഫ് കമ്പനീസ്ന്റെ മാനേജിംഗ് ഡയറക്ടറാണ് . അബ്ബി വർക്ക് ചെയ്യുന്നത് എറണാകുളം ബ്രാഞ്ചിലാണ് . ഉമ്മി ഒരു പാവം ഹൗസ് വെെഫ് ആണ് ഞാൻ നേരെ കിച്ചൺ ലക്ഷ്യം വച്ച് നടന്നു .... ഉമ്മി എന്തൊക്കെയോ ഉണ്ടാക്കുന്ന തിരക്കിലാണ് .. ഞാൻ ചെന്ന് കിച്ചണിലെ സ്ലാബിൽ കയറി ഇരുന്നു കുറച്ച് നേരം ഉമ്മിയോട് കത്തിയടിച്ചടിച്ചിരുന്ന് പിന്നെ എഴുന്നേറ്റ് റൂമിലേക്ക് പോയി ..

റൂമിലെത്തി ആദ്യം തന്നെ ചെയ്തത് ഫോൺ എടുത്ത് റിനീഷിക്കാനെ വിളിക്കലായിരുന്നു . ഫസ്റ്റ് റിംങിൽ തന്നെ ഇക്ക കോൾ അറ്റൻഡ് ചെയ്തു ഇക്ക ഹലോ പറഞ്ഞിട്ടും എനിക്കെന്തോ സംസാരിക്കാൻ കഴിയാത്ത പോലെയായിരുന്നു ,,, നാവ് ചലിക്കുന്നില്ല ... “ ഇഷൂൂ ” ഇക്ക പിന്നെയും വിളിച്ചു “ ആഹ് ഇക്കാ ” ഞാൻ എങ്ങനെയൊക്കെയോ പറഞ്ഞൊപ്പിച്ചു “ എന്തേ വിളിച്ചെ ” ഇക്ക കുറച്ച് ഗൗരവത്തിൽ ചോദിച്ചു . നേരത്തെ കോൾ കട്ട് ചെയ്ത് ഫോൺ സ്വിച്ച്ട് ഓഫ് ചെയ്തതിന്റെ പരിഭവമായിരിക്കുവോളൂ “ വെറുതെ ” ഞാൻ ബാൽക്കണിയിലേക്ക് നടന്നു കൊണ്ട് പറഞ്ഞു “ വെറുതെയോ ” “ മ്മ് ” “ ഇക്ക ഒരു കാര്യം ചോദിക്കട്ടെ നിന്നോട് ” “ എന്തിനാ ഇങ്ങനെ മുഖവുരയൊക്കെ ,,, ചോദിച്ചൂടേ ” ഞാൻ കുറച്ച് കുറുമ്പോടെ പറഞ്ഞു “ നിനക്കെന്നെ കാണാൻ തോന്നണില്ലേ ഇപ്പോ ” “ എങ്ങനെ മനസ്സിലായി 😵😳 ” ഞാനൊന്ന് ഞെട്ടിക്കൊണ്ട് ചോദിച്ചു “ നിന്നെ ഞാനിന്നും ഇന്നലെയും ഒന്നും കാണാൻ തുടങ്ങിയതല്ലല്ലോ ,,,, കുറെയായില്ലേ ... നീ ഇങ്ങനെ ഉരുണ്ട് തുടങ്ങുമ്പോഴേ എനിക്കറിയാലോ അത് നിനക്കെന്നെ കാണാൻ തോന്നിയിട്ടാണെന്ന് ” ഇക്ക അത്രയും പറഞ്ഞു നിർത്തി ,,,

ഞാൻ തിരിച്ച് മറുപടിയൊന്നും പറഞ്ഞില്ല “ എന്തേ മിണ്ടാത്തെ ... കാണണോ ” “ മ്മ് ” ഞാനൊന്ന് മൂളുക മാത്രമേ ചെയ്തുള്ളൂ ... എന്തിനെന്നറിയില്ല ,, എന്റെ കണ്ണുകൾ നിറഞ്ഞ് വന്നു . ഞാൻ കരച്ചിൽ അടക്കിപ്പിടിച്ചു “ ഇപ്പോ കാണണോ ” “ മോൻ വരൂലല്ലോ ,,, പിന്നെ എന്തിനാ ഇങ്ങനെ ചോദിക്കണെ ” അത്രയും ചോദിച്ചപ്പോഴേക്കും അടക്കിവച്ചിരുന്ന കരച്ചിൽ ഒരു തേങ്ങലായി പുറത്തേക്ക് വന്നു “ അയ്യേ ,,,, നീ കരയാണോ ” ഇക്ക ചോദിച്ചു “ ....... ” “ ഇഷൂൂ ... ” “ മ്മ് ” “ കരയല്ലേ ,,, പ്ലീസ് ... ” “ മ്മ് ” “ കണ്ണ് തുടച്ചേ ” “ മ്മ് ” ഞാൻ കെെ കൊണ്ട് കണ്ണ് രണ്ടും തുടച്ചു പിന്നെയും ഇക്കാനോട് കുറെ എന്തൊക്കെയോ സംസാരിച്ചു . കുറച്ച് കഴിഞ്ഞപ്പോ ഇക്കാക്ക് അർജന്റായിട്ട് എവിടെയോ പോകാനുണ്ടെന്ന് പറഞ്ഞിട്ട് ഇക്ക കോൾ കട്ട് ചെയ്തു . ഞാൻ ബാൽക്കണിയിൽ തന്നെ ഇരുന്നു ,,,, മെെന്റ് ഫുൾ റിനീഷിക്ക ആയിരുന്നു 💓 പിന്നെ രാത്രി അബ്ബി വന്നപ്പോഴാണ് ഞാൻ താഴേക്ക് പോയത് ✨✨✨✨✨✨✨✨✨✨✨✨✨✨✨✨ [ ശ്രീ ]

ആദി കലിതുള്ളി ഡോർ തുറന്ന് പുറത്തേക്ക് പോയതും ഒരു നഴ്സ് അകത്തേക്ക് കയറി വന്നതും ഒപ്പമായിരുന്നു . ആദി ആ നഴ്സിനെ അടിമുടി നോക്കിക്കൊണ്ട് പോകുന്നുണ്ടായിരുന്നു ആ നഴ്സ് വന്ന് എന്റെ ബെഡിന്റെ അടുത്തായി ഇട്ടിരുന്ന സ്റ്റൂളിൽ ഇരിപ്പുറപ്പിച്ചു . നഴ്സ് എന്ന് പറഞ്ഞാ നിങ്ങള് വിചാരിക്കും പോലെ വയസ്സായ സ്ത്രീയൊന്നുമല്ല ,,, നല്ല അസ്സലൊരു കിളി 😉🐓 “ ശ്രീജിത് ,, റെെറ്റ് ?? ” അവളെന്റെ നേരെ ഒരു സംശയഭാവത്തോടു കൂടി ചോദിച്ചു “ യെസ് ” “ ഇഫ് യു ഡോൺഡ് മെെന്റ് ,, ഐ വാണ്ട് ടു ടോക്ക് ടു യു ” “ യാ ഷുവർ ... ടെൽ മീ ” അവള് ഭയങ്കര ഇംഗ്ലീഷ് ഉണ്ടാക്കിയതോണ്ടാണ് ഞാനും ഇംഗ്ലീഷ് തന്നെ പറഞ്ഞത് ,,, അല്ലാതെ ഞാനൊരു സായിപ്പാണെന്നോ ജാഡക്കാരനാണെന്നോ നിങ്ങ വിചാരിക്കല്ലേട്ടാ 😉 “ എന്റെ പേര് അനുപമ ,,, യു ക്യാൻ കോൾ മീ അനു ” അവളെന്റെ നേരെ അവളുടെ വലതു കെെ നീട്ടിക്കൊണ്ട് പറഞ്ഞു “ അതിന് ?? ” ഞാൻ തെല്ലൊരു അമ്പരപ്പോടു കൂടി ചോദിച്ചു .... അല്ലെങ്കി തന്നെ ഈ പെണ്ണിനിതെന്തിന്റെ കേടാ ,,,, വെറുതെ കിടക്കുന്ന എന്റടുത്ത് വന്ന് ഇതെഴുന്നള്ളിക്കാൻ 😬 “ എനിക്ക് ചേട്ടനോട് ഒരു കാര്യം പറയാനുണ്ടായിരുന്നു ”

അവള് കെെവിരലുകൾ പൊട്ടിച്ചു കൊണ്ട് പറഞ്ഞു “ മതി പറഞ്ഞത് ,,, ബാക്കി പിന്നെ പറയാ ” ഞാനവളോട് എന്തെങ്കിലും പറയുന്നതിന് മുന്നേ ഒരു സൗണ്ട് കേട്ടു ,,, ഡോറിന്റെ അടുത്തേക്ക് നോക്കിയപ്പോ ആദി അവളും പെട്ടെന്ന് തന്നെ തിരിഞ്ഞ് നോക്കി . അവനെ കണ്ടതും അവള് എന്റെ നേരെ നോക്കി ഒന്ന് പുഞ്ചിരിക്കാൻ ശ്രമിച്ചു കൊണ്ട് എഴുന്നേറ്റ് റൂം വിട്ട് പോയി “ നീ എന്തിനാടാ ..... അവളോട് അങ്ങനെ പറഞ്ഞെ ,,, അവളെന്തോ പറയാൻ വന്നതായിരുന്നു 😬 ” അവള് പോയിക്കഴിഞ്ഞതും ഞാനവനോട് കലിപ്പായി ചോദിച്ചു “ അവൾക്ക് പറയാനുള്ളത് നീ കേൾക്കണ്ട ,,, അതുകൊണ്ട് ” ഒരു ഭാവവ്യത്യാസവുമില്ലാതെ അകത്തേക്ക് നടന്നു കൊണ്ട് അവൻ പറയുന്നത് കേട്ടപ്പോ എനിക്ക് നല്ല ദേഷ്യം വന്നു . പക്ഷേ അവന്റെ മുഖം കണ്ടപ്പോ ആ ദേഷ്യം ഇല്ലാതായി ,, കാരണം നല്ല ടെൻഷൻ ഉണ്ടായിരുന്നു അവന്റെ മുഖത്ത് “ എന്താടാ ആദീ ” ഞാനവനോട് മയത്തില് ചോദിച്ചു അവനെനിക്ക് മുഖം തരാതെ ഫോൺ എടുത്ത് അതിൽ നോക്കിക്കൊണ്ട് സ്റ്റൂളിൽ ഇരുന്നു “ ആദീീ ” ഞാനവനെ ദയനീയമായി ഒന്ന് വിളിച്ചു “ കുട്ടാ ,,,, പ്ലീസ് ... ”

അവൻ ഫോണിൽ നിന്ന് കണ്ണെടുക്കാതെ തന്നെ പറഞ്ഞു അവന്റെ മെെന്റ് ആകെ ഡിസ്റ്റർബ്ഡ് ആണെന്ന് എനിക്ക് മനസ്സിലായി ,, അതുകൊണ്ട് തന്നെ ഞാൻ പിന്നെ അവനെ ശല്യപ്പെടുത്താൻ പോയില്ല ... ഞാൻ പതിയെ കണ്ണുകൾ അടച്ച് കിടന്നു . . . കുറെ കഴിഞ്ഞ് അവനെന്റെ കയ്യിൽ അവന്റെ കെെ വച്ചു ... ആ സാമീപ്യമറിഞ്ഞ ഞാൻ പെട്ടെന്ന് തന്നെ കണ്ണ് തുറന്ന് അവനെ നോക്കി ,,, അവന്റെ കൺകോണിൽ നനവ് പടർന്നിരിക്കുന്നത് ഞാൻ കണ്ടു “ എന്താടാ ” മറ്റേ കെെ കൊണ്ട് അവന്റെ കയ്യിൽ അമർത്തിപ്പിടിച്ചു കൊണ്ട് ഞാൻ ചോദിച്ചു എനിക്ക് മുഖം തരാതെ അവനെന്നോട് ആവശ്യപ്പെട്ട കാര്യം കേട്ടതും ഞാൻ നെറ്റി ചുളിച്ച് അവനെ നോക്കി .... ✨✨✨✨✨✨✨✨✨✨✨✨✨✨✨✨ [ ഇഷു ] രാത്രി ഫുഡിംഗ് കഴിഞ്ഞ് അബ്ബിയോടും ഉമ്മിയോടും ഗുഡ്നെെറ്റ് പറഞ്ഞ് ഞാൻ മുകളിലേക്ക് വന്നു ... ബാത്റൂമിൽ കയറി ഫ്രഷായി ഒരു ഹാഫ്സ്ലീവ് ടീഷർട്ടും ബെനിയൻ ക്ലോത്തിന്റെ ഒരു ത്രീഫോർത്തും എടുത്തിട്ട് നേരെ ബാൽക്കണിയിൽ പോയിരുന്നു

ഉറക്കം എന്ന് പറയുന്ന ആ സാധനം എന്റെ ഏഴയൽവക്കത്തേക്ക് പോലും വരുന്നില്ല .... കുറെ നേരം ബാൽക്കണിയിലുള്ള ചൂരലിന്റെ ഊഞ്ഞാലിൽ ഇരുന്നു ... മെെന്റ് മുഴുവൻ റിനീഷിക്ക ആണ് ,,,, ഒന്ന് കാണാൻ പറ്റിയിരുന്നെങ്കില് .... 😔 പിന്നെ അധികം ഇരുന്ന് ആലോചിച്ച് കൂട്ടാതെ റൂമിലേക്ക് കയറി .... ബെഡിൽ കിടന്നിട്ടും ഉറക്കം വന്നതേയില്ല ,,,, തിരിഞ്ഞും മറിഞ്ഞും ഒക്കെ കിടന്ന് നോക്കി ,,, നോ രക്ഷ ഈ കോപ്പ് പ്രേമത്തിനൊക്കെ ഇത്രയും ഫീലിംഗ്സൊക്കെ ഉണ്ടോ 😬 ഞാൻ ഫോൺ എടുത്ത് റിനീഷിക്കാടെ ഒരു പിക് എടുത്ത് അത് നോക്കി കിടന്നു .... കുറെ സമയം അങ്ങനെ കിടന്നു ..... പെട്ടെന്നാണ് ഫോൺ ബെല്ലടിച്ചത് ,,,, ഞാൻ സമയം നോക്കി ,,, ഒരു മണി .... ഈ സമയത്ത് ഇതാരാ ഈ വിളിക്കുന്നതെന്ന് കരുതി നോക്കിയപ്പോ സ്ക്രീനിൽ തെളിഞ്ഞ മുഖം കണ്ട് ഞാനൊന്ന് ഞെട്ടി ...........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...