CRAZY PARTNERS😎💞: ഭാഗം 23

രചന: ദേവാഗ്നി

ഡാർക്ക്‌ റെഡ്കളർ വിവാഹസാരി അണിഞ്ഞു സർവാപരണവിഭൂഷിതയായി രാധു ക്ഷേത്രത്തിൽ നിന്ന് ഭഗവാനെ കൈകൂപ്പി തൊഴുതു. വരാനിരിക്കുന്ന നാളുകൾ സന്തോഷം നിറഞ്ഞതാണോ ദുഃഖം നിറഞ്ഞതാണോ എന്നറിയാതെ അവളുടെ മനസ് കെട്ടുപൊട്ടിയ പട്ടംപോലെ പറന്നു. മനസ്സ് ശൂന്യമാണ് എങ്കിലും അതുപുറമെ കാണിക്കാതെ നറുപുഞ്ചിരിയോടെ അവൾ എല്ലാവർക്കും മുൻപിലും നിന്നു എന്നാൽ അവൾക്കുള്ളിൽ ആളികത്തുന്ന അഗ്നി ആ അച്ഛന് മാത്രമേ കാണാൻ സാധിച്ചുള്ളൂ ഒരുപക്ഷെ അതിനിരട്ടി മാനസികസങ്കർഷം ആ അച്ഛൻ അനുഭവിക്കുന്നുണ്ടാവണം. വിവാഹം വളരെ ലളിതമായി നടത്താൻ ആണ് എല്ലാവരും ചേർന്ന് തീരുമാനിച്ചത്. അതിനായി തൊട്ടടുത്തായി ഉള്ള ഒരു ശിവക്ഷേത്രത്തിൽ വെച്ച് വിവാഹം നടത്താൻ ഒരുക്കങ്ങൾ പൂർത്തിയാക്കി.വിവാഹത്തിന് അടുത്ത ബന്ധത്തിൽ ഉള്ളവരെ മാത്രം ക്ഷണിച്ചു മറ്റുള്ളവർക്കായി ഒരു പാർട്ടി നടത്താനും തീരുമാനിച്ചു.

കല്യാണത്തിന് ഒരു സഹോദരന്റെ സ്ഥാനത്തു നിന്ന് എല്ലാം ചെയ്യുന്നത് ശിവ ആയിരുന്നു അവനോടൊപ്പം എല്ലാത്തിനും കൂട്ടായി അജുവും ഉണ്ടായിരുന്നു "മുഹൂർത്തം ആയി പെൺകുട്ടിയെ വിളിച്ചോളൂ"കൂട്ടത്തിൽ പ്രായംചെന്ന ഒരാൾ വിളിച്ചുപറഞ്ഞതും ദേവിയും ലക്ഷ്മിയും ചേർന്ന് രാധുവിനെ ശ്രീരാഗിന്റെ അടുത്തേക്ക് കൊണ്ടുവന്ന് നിർത്തി. തനിക്ക് മുന്നിൽ നിൽക്കുന്നവനെ രാധു പതിയെ തലയുയർത്തി നോക്കി, ഒരു ഗോൾഡൻ കളർ ഷോർട് കുർത്തയും കസവ് മുണ്ടുമായിരുന്നു ശ്രീരാഗിന്റെ വേഷം മുഖത്ത്‌ തെളിഞ്ഞു കാണുന്ന അവന്റെ ചിരിയിലേക്ക് അവൾ സൂക്ഷിച്ചുനോക്കി എന്നാൽ അവന്റെ ഉള്ളിൽ എന്താണെന്ന് അവൾക്ക് മനസ്സിലായില്ല. പലതരം ചിന്തകളിൽ കുരുങ്ങികിടന്ന രാധു കഴുത്തിൽ ഒരു തണുപ്പ് പടർന്നതും അവിടേക്ക് നോക്കി മഞ്ഞചരടിൽ ശ്രീരാഗ് എന്ന പേരിനാൽ കൊത്തിവെച്ച താലികണ്ടതും അവൾ അതിലേക്ക് നിർവികാരതയോടെ നോക്കിനിന്നു, ഒരു പെൺകുട്ടി ഏറെ സന്തോഷിക്കുന്ന നിമിഷം ആയിരുന്നിട്ട് കൂടി അവൾക്കതിനു സാധിക്കുമായിരുന്നില്ല. അടുത്തനിമിഷം ശ്രീരാഗ് ഒരുനുള്ള് സിന്ദൂരം അവളുടെ സീമന്തരേഖയിൽ ചാർത്തി.അവളെ തന്റെ പാതിയാക്കി സ്വീകരിച്ചു. 🍁🍁🍁🍁

"ഹോ അങ്ങനെ രാധുചേച്ചീടെ കല്യാണവും കഴിഞ്ഞു ഇനി നിന്റെയും ചേട്ടായിയുടെയും കൂടെ കല്യാണം കഴിഞ്ഞിട്ട് വേണം എനിക്കൊന്ന് കെട്ടാൻ😌"ആദി "ഓഹ് എന്നാൽ നീ നിന്റെ മൂക്കിൽ പല്ല് മുളച്ചിട്ടെ കെട്ടു😌"നന്ദു "അതെന്താ🙄"ആദി "അജുവേട്ടൻ പറഞ്ഞു എനിക്കൊരു ജോലി ആയിട്ടേ എന്നെ കെട്ടു എന്ന് അതെന്തായാലും ഇപ്പഴൊന്നും നടക്കില്ലല്ലോ😒"നന്ദു "കാര്യങ്ങളുടെ കിടപ്പുവശം ഇങ്ങനെ ആണെങ്കിൽ മിക്കവാറും ഞാൻ ഒളിച്ചോടി പോവേണ്ടി വരും😌"ആദി "ഒറ്റക്കി ഒളിച്ചോടിപ്പോവും🙄"നന്ദു "ഏയ് അതൊക്കെ മോശം അല്ലേ ഞാൻ ഒരുത്തനെ വളക്കും എന്നിട്ട് അവനെയും കൊണ്ട് ഒളിച്ചോടും"ആദി "നിന്നെ ഒക്കെ തലയിൽ കയറ്റിവെക്കാൻ ആർക്കെങ്കിലും ധൈര്യം ഉണ്ടാവോ മോളെ"അതും ചോദിച്ചുകൊണ്ട് ശ്യാം അങ്ങോട്ട് ചെന്നതും നന്ദുവും ആദിയും അവനെ മൊത്തത്തിൽ ഒന്ന് നോക്കി. "അല്ല മോനെ കല്യാണം എപ്പഴാ🤨"ആദി "ഇന്നല്ലേ😌"ശ്യാം "മുഹൂർത്തം എപ്പഴാണെന്ന്🤨"നന്ദു "ഹി ഹി അതുപിന്നെ ചെറുതായി ഒന്ന് നേരംവൈകി ഉറങ്ങി പോയതാ😁"ശ്യാം "തോന്നി😬

"നന്ദു&ആദി "അല്ല സദ്യ കൊടുത്തുതുടങ്ങിയില്ലേ🧐"ശ്യാം "നീ തിന്നാൻ വേണ്ടി മാത്രം വന്നതാണോടാ🙄"നന്ദു "പിന്നല്ലാതെ നമ്മൾ ജീവിക്കുന്നത് പോലും food കഴിക്കാൻ വേണ്ടിയല്ലേ ഇതൊന്നും അറിയില്ലേ നിങ്ങൾക്ക് ശ്യേ മോശം😌"ശ്യാം "ഉവ്വ ഉവ്വെയ്🤭"ആദി ഇതുപറഞ്ഞു തിരിഞ്ഞതും കണ്ടത് അജുവിനോട് എന്തോ പറഞ്ഞു ചിരിക്കുന്ന ശിവയെ ആണ്. അജുവും ശിവയും ശ്യാമും ബ്ലൂ കളർ ഷർട്ടും മുണ്ടും ആണ് വേഷം അതുപോലെ നന്ദുവും ആദിയും സെയിം കളർ ദാവണിയും.ചിരിക്കുമ്പോൾ ചുരുങ്ങുന്ന കണ്ണുകളും കവിളിൽ വിരിയുന്ന നുണക്കുഴിയും അവന്റെ സൗന്ദര്യം ഇരട്ടിപ്പിക്കുന്നത് ആയി അവൾക്ക് തോന്നി. എന്തോ ഒരുമാന്ത്രികത ഉണ്ട് അവന്റെ ചിരിക്ക് ഒരു ലഹരി പോലെ ഒരിക്കൽ നോക്കിയാൽ കണ്ണെടുക്കാൻ തോന്നില്ല. എന്തോ പറഞ്ഞുകൊണ്ട് തിരിഞ്ഞ ശിവ കാണുന്നത് തന്നെ നോക്കി ഇരിക്കുന്ന ആദിയെ ആണ്. "മ്മ്മ്🤨"അവൻ പിരികം പൊക്കി നോക്കിയതും ആദി ആകെ പതറി പോയി. എന്ത് ചെയ്യണം എന്നറിയാതെ നിന്നതും പെട്ടെന്ന് അവളിൽ ഒരു ബുദ്ധി ഉദിച്ചു.

അവൾ അവനെ ഒന്ന് നോക്കി ശേഷം ആരും കാണാതെ ചുണ്ട്കൂർപ്പിച്ചു ഒരു ഉമ്മ പറത്തിവിട്ടു അത് കണ്ടതും അവനവളെ കടുപ്പിച്ചു നോക്കി വേഗം അവിടുന്ന് മുങ്ങി. "ഹോ എന്റമ്മോ രക്ഷപെട്ടു ഇപ്പൊ കുടുങ്ങിയെനെ😕 എന്നാലും ഞാനെന്തിനാ അങ്ങേരെ ഇങ്ങനെ നോക്കുന്നെ ശ്യേ മോശം മോശം വളരെ മോശം"ആദി സ്വയം ഓരോന്ന് പറഞ്ഞുകൊണ്ട് നന്ദുവിനെയും ശ്യാമിനെയും നോക്കിയതും രണ്ടും അമ്പലത്തിൽ വന്നവരെ വായുംനോക്കി നിൽക്കുവാണ് പിന്നൊന്നും നോക്കിയില്ല ആദിയും അവർക്കൊപ്പം കൂടി 🍁🍁🍁🍁🍁🍁🍁🍁🍁🍁🍁🍁🍁 "പോട്ടെ അച്ഛാ"കണ്ണുനിറച്ചു കൊണ്ട് രാധു യാത്രചോദിച്ചതും രാമൻ അവളെ ചേർത്തുപിടിച്ചു. ശേഷം പ്രതീക്ഷയോടെ ശ്രീരാഗിനെ നോക്കിയതും അവൻ അദ്ദേഹത്തെ നോക്കി മനോഹരമായി പുഞ്ചിരിച്ചുകൊണ്ട് കൈ ചേർത്ത് പിടിച്ചു എന്നും കൂടെ ഉണ്ടാവും എന്നത് പോലെ അത് മാത്രം മതിയായിരുന്നു ആ അച്ഛന് ആശ്വാസം നൽകാൻ.കുറച്ചു കഴിഞ്ഞതും രാധുവിനെയും കൂട്ടികൊണ്ട് ശ്രീരാഗിന്റെ വീട്ടുകാർ പോയതും രാമന്റെ കണ്ണുകളിൽ കണ്ണുനീർ തളംകെട്ടി നിന്നു എന്നാൽ ചുണ്ടിൽ തെളിച്ചമാർന്ന ഒരു പുഞ്ചിരിയും തെളിഞ്ഞു. 🍁🍁🍁🍁🍁🍁🍁🍁🍁🍁🍁🍁🍁

വിവാഹം തടസങൾ ഒന്നും ഇല്ലാതെ കഴിഞ്ഞതും എല്ലാവരും ശിവയുടെ വീട്ടിലേക്ക് തിരിച്ചു. വൈകുന്നേരം ആയതും നന്ദുവും ശ്യാമും മറ്റു ബന്ധുക്കളും പോയിരുന്നു ഇപ്പോൾ അവിടെ ശിവയുടെയും ആദിയുടെയും കുടുംബം മാത്രം ആണുള്ളത് "രാധുമോള് പോയതോടെ വീട് അങ്ങ് ഉറങ്ങിയത് പോലെയായി"വിശ്വൻ പറഞ്ഞതും എല്ലാവരും അത് ശെരിവച്ചു. കാരണം കുറച്ചുനാൾ മാത്രമാണ് അവൾ അവിടെ നിന്നത് എങ്കിൽ കൂടി അവളും ആ വീട്ടിലെ ഒരു അംഗം ആയി മാറിയിരുന്നു. ഈ ചുരുങ്ങിയനാൾ കൊണ്ട് വിശ്വനും ദേവിക്കും അവൾ ഒരു മകളായി കഴിഞ്ഞിരുന്നു. "അവരൊക്കെ നല്ല ആൾക്കാര് ആണ് അതാണ് ഏക ആശ്വാസം"സത്യൻ ഹാളിൽ ഇരുന്നുകൊണ്ട് എല്ലാവരും ഭയങ്കര ചർച്ചയിൽ ആണ്. കുറച്ചുനേരം അവരുടെ കൂടെ ഇരുന്നെങ്കിലും പിന്നെ ഉറക്കം വന്നത്കൊണ്ട് ആദി വേഗം തന്നെ മുകളിലേക്കു പോയ്. എന്നാൽ അവളുടെ മുറിയിലേക്ക് കയറുന്നതിനു മുമ്പ് തന്നെ അവളെ ആരോ മറ്റൊരു മുറിയിലേക്ക് പിടിച്ചുവലിച്ചു.

ഒരുനിമിഷം ഒന്ന് ഞെട്ടി എങ്കിലും പിന്നെ ബോധം വന്നുകൊണ്ട് ആദി മുൻപിലേക്ക് നോക്കിയതും ശിവ കൈ കെട്ടി മുൻപിൽ നിൽക്കുന്നുണ്ട്. ഒരുമാതിരി കുറ്റവാളികളെ നോക്കുന്നത്പോലെ ഉള്ള അവന്റെ നോട്ടം കണ്ടതും ആദി അവനോട് ചോദിച്ചു "എന്താ ഇങ്ങനെ നോക്കുന്നെ എന്നെ ഇതുവരെ കണ്ടിട്ടില്ലേ🤨" "പിന്നേ കണ്ടിട്ടുണ്ട് കണ്ടിട്ടുണ്ട് ഇന്ന് ഉച്ചയോട് കൂടി ശെരിക്കും കണ്ടു. "ശിവ പറഞ്ഞതും ആദിക്കി ആദ്യം ഒന്നും മനസ്സിലായില്ല എങ്കിലും പതിയെ ആലോചിച്ചപ്പോൾ ഇന്ന് ഫ്ലൈ കിസ്സ് കൊടുത്തത് നന്നായി ഓർമ വന്നു. "ഹീ അതുപിന്നെ ഞാൻ ചുമ്മാ😁"ആദി "ചുമ്മാ ആയിരുന്നോ ശ്യോ എന്നാലെ എനിക്കങ്ങനെ അല്ല"ശിവ "ങേ🙄"ആദി "എനിക്ക് കിട്ടുന്നത് അതിനിരട്ടി ആയി തിരിച്ചുകൊടുത്താണ് എന്റെ ശീലം.

നീ എനിക്ക് കിസ്സ് പറത്തിവിടാൻ തുടങ്ങിയിട്ട് കാലം കുറച്ച് ആയല്ലോ ഇതുവരെ ഞാൻ അത് തിരിച്ചുതന്നിട്ടില്ല എന്നാൽ ഇന്ന് ഞാൻ അതെല്ലാം പലിശയടക്കം ചേർത്ത് നിനക്ക് തിരിച്ചുതരാം എപ്പടി😜"ശിവ ഒരു കള്ളചിരിയോടെ ചോദിച്ചതും ആദി ഞെട്ടികൊണ്ട് അവനെ നോക്കി അവനിൽ നിന്ന് ഇത്തരത്തിൽ ഒരു സമീപനം അവൾ ഒട്ടും പ്രതീക്ഷിച്ചിരുന്നില്ല . "ശിവേട്ട ഞാൻ"ആദി എന്തോ പറയാൻ തുടങ്ങിയതും ശിവ അവളുടെ ചുണ്ടിൽ വിരൽ വെച്ച് അത് തടഞ്ഞു. ആദി ഉമിനീർ ഇറക്കി പതർച്ചയോടെ അവനെ നോക്കി, അവളുടെ നെറ്റിയിൽ കൂടെ വിയർപ്പ് തുള്ളികൾ ഒഴുകിയിറങ്ങി.......തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...