CRAZY PARTNERS😎💞: ഭാഗം 57

രചന: ദേവാഗ്നി

"ഹാ എങ്ങോട്ടാ നീ ഈ പോവുന്നെ"റൂമിൽ നിന്നും പുറത്തേക്ക് ഇറങ്ങിയ രാധുവിന്റെ ഇടുപ്പിൽ പിടിച്ചു വലിച്ചു കിച്ചു അവളെ തന്നിലെക്ക് അടുപ്പിച്ചു "വിട് "അവൾ കുതറി മാറാൻ ശ്രെമിച്ചു എങ്കിലും അവന്റെ ബലത്തിനു മുന്നിൽ അവൾ തോറ്റുപോയി "എന്താണ് പെണ്ണെ നീ ഇങ്ങനെ ഒന്നുമില്ലെങ്കിലും നമ്മൾ കുറേ കാലം പ്രണയിച്ചു നടന്നത് അല്ലേ മനസ് കൊണ്ടും ശരീരം കൊണ്ടും ഒന്നായതും അല്ലേ"അവൻ അവളെ നോക്കി വഷളൻ ചിരിയോടെ പറഞ്ഞതും അവൾ വെറുപ്പോടെ മുഖം വെട്ടിച്ചു "ആ ഇങ്ങോട്ട് നോക്കെടി ഞാൻ നിന്നോട് സംസാരിക്കുന്നത് കണ്ടില്ലേ"അതും പറഞ്ഞ് അവൻ അവളുടെ മുഖം തന്റെ നേരെ പിടിച്ചു.ഭയത്താലും വേദനയാലും അവളുടെ കണ്ണുകൾ നിറഞ്ഞൊഴുകി "വൗ നിന്റെ ഈ കണ്ണുനീർ അന്നും ഇന്നും എനിക്ക് പ്രിയപ്പെട്ടതാണ് എന്നിലെ ലഹരി ആണ് ഇത്"അവൻ അവളുടെ കവിളിൽ തഴുകി പറഞ്ഞതും അവൾ അവനെ തള്ളിമാറ്റി പുറത്തേക്ക് ഓടി. അവളുടെ ആ ഓട്ടം പോലും അവനിൽ സന്തോഷം നിറച്ചു എന്നും തന്നെ ഭയന്ന് തന്റെ കാൽകീഴിൽ അവൾ ഉണ്ടാവണം അതായിരുന്നു അവന്റെ ആഗ്രഹം "ഇനിയും ആ ശിവയെയും ആദിയെയും ഇങ്ങനെ കയറൂരി വിടാൻ ആണോ നിന്റെ ഉദ്ദേശം എന്നാൽ എനിക്ക് അങ്ങനെ അല്ല നിനക്ക് പറ്റില്ലെങ്കിൽ നീ പറയ് ഞാൻ ഒറ്റക്ക് കളിച്ചോളാം"അവന്റെ അരികിലേക്ക് ഓടി

അടുത്ത് കൊണ്ട് മിഴികളിൽ അഗ്നി നിറച് അവൾ പറഞ്ഞതും അവന്റെ നെറ്റിയിൽ വരകൾ വീണു "നീ എന്താ ഇപ്പോൾ ഇങ്ങനെ പറയുന്നത്"കിച്ചു "പിന്നെ ഞാൻ എങ്ങനെ പറയണം ഇപ്പോൾ ഞാൻ അവരുടെ മുറിയിൽ ചെന്നപ്പോൾ കണ്ട കാഴ്ച എന്താണെന്ന് അറിയോ നിനക്ക് ഏഹ് പരസ്പരം ചുംബിക്കുന്ന ശിവയെയും ആദിയെയും ആണ്"ആരാധ്യ അമർഷത്തോടെ പറഞ്ഞു "അതിന് എന്തിനാ നീ ഇത്രയും ദേഷ്യപ്പെടുന്നത് ഇതൊക്ക സർവ്വസാധാരണം അല്ലേ നമ്മളും ചെയ്തിട്ടില്ലേ"കിച്ചു "ഇത് അതുപോലെ ആണോ ഇവരുടെ പ്രണയം ഓരോ ദിവസം കൂടുംതോറും വർധിക്കുകയാണ് ഇങ്ങനെ ആണ് പോകുന്നത് എങ്കിൽ നമ്മളെ കൊണ്ട് അവരെ തമ്മിൽ പിരിക്കാൻ പറ്റില്ല അതുകൊണ്ട് വേഗം തന്നെ അവരെ തമ്മിൽ തല്ലിപിരിക്കണം ശിവ അവളുടെ മുഖത്തു കാർക്കിച്ചു തുപ്പണം അത്രമാത്രം അവൻ അവൻ അവളെ വെറുക്കണം"ആരാധ്യ പകയോടെ പറഞ്ഞു "നീ ഈ പറയുന്നത് പോലെ സംഭവം അത്ര ഈസി അല്ല ഇന്ന് ഞാൻ അവളെ വെറുതെ ഒന്ന് നോക്കിയപ്പോൾ തന്നെ അവൻ എനിക്കെതിരെ തിരിഞ്ഞത് ആണ്. പുറമെ ചിരിച്ചു കളിച്ചു നടക്കും എങ്കിലും ഉള്ളിൽ അവൻ മറ്റൊരാൾ ആണ് അതെനിക്ക് ആ നിമിഷം മനസ്സിലായതാണ് സ്നേഹിക്കുന്നവർക്ക് വേണ്ടി എന്തും ചെയ്യാൻ മടി ഇല്ലാത്തവൻ

ആ അവനോട് ഏറ്റുമുട്ടുമ്പോൾ നമ്മൾ ഒരുപാട് പ്ലാൻ ചെയ്യാൻ ഉണ്ട്. പിന്നെ അവൻ എന്നെ ഭീഷണിപ്പെടുത്തി അതിനുള്ള പണി ഞാൻ അവന് തിരിച്ചു കൊടുക്കും അവന്റെ പ്രാണൻ അവളല്ലേ അവളിലൂടെ തന്നെ ഞാൻ പകരം ചോദിക്കും"അവൻ കൗശലത്തോടെ പറഞ്ഞതും ആരാധ്യ അവനെ സംശയത്തോടെ നോക്കി "നീ എന്താ പറഞ്ഞു വരുന്നത്"ആരാധ്യ "അത് ഞാൻ പറയാം ഒന്ന് നീ ഓർത്ത് വെച്ചോ ആരാധ്യ ഇപ്പൊ നമ്മൾ എടുത്തു ചാടി എന്തെങ്കിലും ചെയ്താൽ അത് നമുക്ക് തന്നെ പണിയാവും അതിനാൽ ഇപ്പൊ നീ ക്ഷമിക്കൂ വൈകാതെ അവർക്കുള്ളത് നമുക്ക് കൊടുക്കാം ഇപ്പൊ അവർ സന്തോഷിക്കട്ടെ മനസ്സ് നിറഞ്ഞു ചിരിക്കട്ടെ അത് കരച്ചിൽ ആവാൻ അതികം സമയം വേണ്ടി വരില്ല"കിച്ചു ഗൂഢമായി പറഞ്ഞതും ആരാധ്യയും അവനോട് ചേർന്ന് മനസ്സിൽ പലതും ഉറപ്പിച്ചു 🍁🍁🍁🍁🍁🍁🍁🍁🍁🍁🍁🍁🍁🍁 ഓരോ ദിനങ്ങളും ശരവേഗം കടന്നുപോയി.കാലങ്ങൾ കടന്നുപോകുന്തോറും ആദിയും ശിവയും പരസ്പരം അകലാൻ കഴിയാത്ത വിധം അടുത്തു. അവളുടെ കുഞ്ഞു കുഞ്ഞു കുറുമ്പുകളിൽ ശിക്ഷിചാലും അതിനിരട്ടി സ്നേഹത്താൽ അവൻ അവളെ പൊതിഞ്ഞു പിടിച്ചു.

അവളുടെ ലോകം തന്നെ അവനായി ചുരുങ്ങി ഊണിലും ഉറക്കത്തിലും എല്ലാം അവന്റെ ചിന്തകൾ കൊച്ചു കുഞ്ഞിനെ പോലെ തന്നെ സംരക്ഷിക്കുന്നവനെ കാണുമ്പോൾ അവളിൽ അവനോട് വല്ലാത്ത സ്നേഹവും ഇഷ്ടവും തോന്നും അപ്പോൾ ചെറുമുത്തങ്ങളിലോ ചേർത്ത്പിടിക്കലിലോ അവൾ അത് ഒതുക്കും എങ്കിൽ അവനില്ലാതെ തനിക്കിനി ജീവിക്കാൻ ആവില്ല എന്ന് അവൾ ഉറപ്പിച്ചിരുന്നു. മാസങ്ങൾ കടന്നുപോകും തോറും അവളുടെ വയർ വലുതാകുകയും ഛർദിയും ക്ഷീണവും വർദ്ധിക്കുകയും ചെയ്തു അവൾക്കൊരു കുഞ്ഞു വേദന വന്നാലും അവളിൽ നിന്നും മാറാതെ അവളുടെ കൂടെ തന്നെ കാൽ തിരുമിയും വയറിൽ തോലോടിയും അവൻ ചേർന്ന്നിൽക്കുമായിരുന്നു.രാത്രിയിൽ അവളുടെ മടിയിൽ തലവെച്ച് കിടന്ന് കുഞ്ഞിനോട്‌ സംസാരിക്കുന്നതും ചെറുമുത്തങ്ങൾ നൽകുന്നതും പതിവായി മാറി അവന്റെ പാട്ട് കേട്ട് അവന്റെ നെഞ്ചിലെ ചൂട് ഏറ്റ് എല്ലാ ദിനവും അവൾ മയക്കത്തെ പുൽകി. അവന്റെ ശബ്ദം കേൾക്കുമ്പോഴും അവന്റെ സ്പർശനം അറിയുമ്പോഴും കുഞ്ഞ് അവളുടെ വയറ്റിൽ ചവിട്ടുമ്പോൾ രണ്ടുപേരും നിറചിരിയോടെ പരസ്പരം നോക്കുമായിരുന്നു.കുഞ്ഞിനായി കുട്ടിയുടുപ്പ് തുന്നുന്നതിലും കളിപ്പാട്ടങ്ങൾ വാങ്ങുന്നതിലും ഇരുവരും സന്തോഷം കണ്ടെത്തി.

അവരുടെ കുഞ്ഞഥിതിക്കായി സർവ്വവും ഒരുക്കി വെച്ച് ഇരുവരും കാത്തിരിക്കാൻ തുടങ്ങി ഇപ്പോൾ ആദി പ്രെഗ്നന്റ് ആയിട്ട് 8 മാസം കടന്നു.ആദിയെ വീട്ടുകാർ അവരുടെ വീട്ടിലേക്ക് ചടങ് അനുസരിച്ചു പറഞ്ഞയച്ചു എങ്കിലും പിറ്റേന്ന് തന്നെ ശിവയെ കാണാതെ പറ്റില്ല എന്നും പറഞ്ഞു വാശിപിടിച് പെണ്ണ് വീണ്ടും അവിടേക്ക് തന്നെ പോയി. നന്ദുവും ഈ പരിപാടി നടത്താൻ നോക്കി എങ്കിലും അവളുടെ വീട്ടുകാർ അതിന് സമ്മതിചില്ല വിവാഹം പോലും അവർക്ക് നടത്താൻ ആയില്ല ഇതെങ്കിലും മകൾക്ക് വേണ്ടി ചെയ്യണം എന്ന അവളുടെ അച്ഛന്റെയും അമ്മയുടെയും ആഗ്രഹത്തിനു എതിര് പറയാൻ അജുവിന് ആകുമായിരുന്നില്ല. അവളെ വീട്ടിലേക്ക് അയച്ചു എങ്കിലും മിക്കദിവസങ്ങളിലും അജു അവളുടെ വീട്ടിലേക്ക് പോയി അവിടെ ആണ് നിൽക്കാറുള്ളത്.ഇടയ്ക്കിടെ നന്ദുവിന്റെയും ശിവയുടെയും വീട്ടിൽ പോകും എങ്കിലും ലക്ഷ്മിയും സത്യനും അവരുടെ വീട്ടിൽ തന്നെ ആണ്. മിഥക്ക് ക്ലാസ് തുടങ്ങിയതും അവൾ അവളുടെ വീട്ടിലേക്ക് തിരിച്ചുപോയി ഇടയ്ക്കിടെ അവൾ ആദിയെ കാണാൻ എന്നത് പോലെ അവിടേക്ക് വരും എങ്കിലും കുട്ടിക്ക് ശ്യാമിനെ കാണാൻ ആണ് തിടുക്കം😌.രാധുവും ശ്രീയും ഇതിനിടയിൽ വീട്ടിലേക്ക് തിരിച്ചു

ഇനി ആദിയുടെ date അടുക്കുമ്പോൾ വരാം എന്നാണ് പറഞ്ഞത്. ഇപ്പോൾ ആ വീട്ടിൽ ആദി, ശിവ, ഇച്ചു, വിച്ചു, വിശ്വൻ, ദേവി, വാമി, മിക, ആരാധ്യ, കിച്ചു, അവളുടെ അച്ഛൻ എന്നിവർ ആണ് ഉള്ളത്.ഇതുവരെ ആരാധ്യയുടെയും കിച്ചുവിന്റെയും ഭാഗത്തു നിന്നും പ്രശ്നങ്ങൾ ഒന്നും ഇല്ലാതിരുന്നതിനാൽ ശിവയും ആദിയും അവരെ അധികം ശ്രെദ്ധിക്കാതെ ആയി.എന്നാൽ അണിയറയിൽ അവർ ഒരുക്കുന്ന അരങ് ഇവര് ആരും അറിയാതെ പോയി 🍁🍁🍁🍁🍁🍁🍁🍁🍁🍁🍁🍁🍁🍁 "അടങ്ങി ഇരിക്കണം കുരുത്തക്കേട് ഒന്നും കാണിക്കരുത്. കൃത്യ സമയത്ത് ഫുഡും മെഡിസിനും കഴിക്കണം ഉറങ്ങണം. ഇവിടെ പണി എടുക്കാൻ ഒന്നും നിൽക്കരുത് ആ സമയം കൊണ്ട് രണ്ടക്ഷരം പഠിക്കണം. ഞാൻ വരുന്നത് വരെ നല്ലകുട്ടി ആയി ഇരിക്കണം"ശിവ "അയ് മാമൻ പേച്ചണ്ടാ നാൻ നോച്ചിചോലാം നാനാ മാമിദെ ദോത്തർ😌"മിക രാവിലെ ഓഫീസിൽ പോകാൻ ഇറങ്ങിയത് ആണ് ശിവ.അവന്റെ ഉപദേശവും മികകുട്ടിയുടെ ഉപദേശവും പ്രത്യേകിച് ഭാവവ്യത്യാസം ഒന്നും ഇല്ലാതെ ആദി കേട്ട് നിന്നു. കാരണം ഇതിപ്പോൾ പതിവ് ആണ് ശിവ ഓഫീസിൽ പോയി കഴിഞ്ഞാൽ മികകുട്ടി ആണ് ആദിയുടെ കൂട്ട് അവൾ ആദിയുടെ ഡോക്ടർ ആണെന്ന് സ്വയം പറഞ്ഞാണ് നടപ്പ്.

ഇച്ചു കോളേജ്ലേക്ക് പോവുന്നതിനാൽ അവളെയും ആദിക്ക് കഥ പറയാൻ കിട്ടാറില്ല. വിച്ചു പിന്നെ ഇച്ചുവിന്റെ ശല്യം സഹിക്കാൻ കഴിയാതെ അവന്റെ കുറച്ചു സർട്ടിഫിക്കേറ്റ് എടുക്കാൻ ബാംഗ്ലൂർ പോയത് ആണ്. "അപ്പൊ ഞാൻ പോയിട്ട് വരാം പറഞ്ഞത് ഒക്കെ ഓർമ ഉണ്ടല്ലോ"ശിവ "ഉണ്ട് എന്റെ ശിവേട്ട നിങ്ങൾ പോവാൻ നോക്കിയെ ഇപ്പൊ തന്നെ ലേറ്റ് ആണ്"ആദി പറഞ്ഞതും ശിവ ഒരു പുഞ്ചിരിയോടെ അവളുടെ നെറ്റിയിൽ ചുണ്ടുകൾ ചേർത്ത് ശേഷം അവളുടെ വയറിലും ചുണ്ടുകൾ ചേർത്തു.അതിനിടയിൽ മറുകൈയാൽ മികമോളെ ചേർത്ത് പിടിച് അവളുടെ കവിളിലും അമർത്തി മുത്തി "മാമ പോയിട്ട് വരാം കുഞ്ഞാവേനെ നോക്കണേ"ശിവ "നാൻ നോക്കും മാമ പൊക്കോ"മികകുട്ടി പറഞ്ഞതും ശിവ അവളുടെ കവിളിൽ പിച്ചി വലിച് ശേഷം പുറത്തേക്ക് നടന്ന് ബുള്ളറ്റിൽ കയറി ഇരുവർക്കും കൈ വീശി കാണിച്ചു അവരും തിരിച്ചു കാണിച്ചതും ഒരു ഇരമ്പലോടെ അവന്റെ വണ്ടി അവിടെ നിന്നും പോയി...തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...