💙എൻ ജീവനിൽ💙 ഭാഗം 1

രചന: ആമി

ഇരുട്ട് മൂടി കെട്ടി പെയ്യുന്ന ഇടവപ്പാതിയുടെ ഒരു സായാഹ്നം..പുറത്തു പെയ്യുന്ന മഴയെ നോക്കി ഒരു വീടിന്റെ മുകളിലെ നിലയിലെ ഒരു മുറിയുടെ ജനലിൽ ഒരു പെൺകുട്ടി പുറത്തു നോക്കി നിൽക്കുന്നു.. അവളുടെ മുഖം ആകെ ക്ഷീണിച്ചിരിക്കുന്നു.. കരഞ്ഞു വീർത്ത കണ്ണുകളും മുഖത്തെ കൈവിരൽ പാടുകളും എല്ലാം അവളുടെ ദയനീയ ഭാവത്തെ വിളിച്ചു ഓതുന്നു.. ജീവിതത്തിന് മുന്നിൽ പകച്ചു നിൽക്കുകയാണ് ആ പതിനേഴുകാരി.. കുടുംബത്തിന്റെ മാനം കളയാൻ ജനിച്ച അസത്തു.. ഇനി എന്താ വഴി ന്ന് വെച്ച അത് പറയാ.. എന്ത് വഴി.. ഒരു വഴിയേ ഉള്ളു.. അത് അങ്ങട് ചെയ്യാ.. പക്ഷെ അവൾ സമ്മതിക്കോ.. അവളുടെ സമ്മതം ആർക്ക് വേണം..

കുടുംബത്തിന്റെ അന്തസ്സ് ആണ് വലുത്.. എന്നാലും വല്യേട്ട ചെയ്യുന്നത്.. നിനക്ക് ബുദ്ധിമുട്ട് ആണെങ്കിൽ ഞാൻ പറയും അവളോട്‌.. ഈ തറവാട്ടിൽ അച്ഛൻ ഇല്ലാത്ത ഒരു കുട്ടി ജനിക്കാൻ പാടില്ല.. താഴെ നിന്നും കേൾക്കുന്ന സംസാരങ്ങൾ ഒന്നും അവളുടെ ചെവിയിൽ എത്തിയില്ല.. അവളുടെ ഉള്ളിൽ മറ്റെന്തോ കണക്ക് കൂട്ടൽ ആയിരുന്നു.. നേരം ഇരുട്ടുന്നതിനോടൊപ്പം മഴയുടെ ശക്തിയും കൂടി വന്നു.. ഒപ്പം അവളുടെ ഉള്ളിലെ സംഘർഷങ്ങളും.. നിമിഷങ്ങൾ കടന്നു പോയി കൊണ്ടിരുന്നു.. എങ്കിലും അവൾ അതെ നിൽപ്പ് തന്നെ ആയിരുന്നു.. രാത്രിയുടെ യാമങ്ങൾ പിന്നിട്ടതും എന്തോ തീരുമാനിച്ചു ഉറപ്പിച്ചത് പോലെ അവളുടെ മുഖത്തു ദൈര്യം വച്ചു..

അലമാരയുടെ മുകളിലെ ഒരു ചെറിയ ബാഗ് എടുത്തു അവൾ കയ്യിൽ പിടിച്ചു.. മുറിയുടെ വാതിൽ പതിയെ തുറന്നു അവൾ പുറത്തു കടന്നു.. കോണിപ്പടികളിൽ ശബ്ദം ഉണ്ടാക്കാതെ താഴെ ഇറങ്ങി അവൾ അടുക്കള ലക്ഷ്യം വച്ചു നീങ്ങി.. അടുക്കള വാതിൽ തുറന്നു അവൾ പുറത്തു കടന്നതും പിന്നെ ഒരു ഓട്ടം ആയിരുന്നു.. ലക്ഷ്യസ്ഥാനം അറിയാതെ അവൾ ആ ഇരുട്ടിൽ ഓടി കൊണ്ടിരുന്നു.. പാടവും വഴികളും അവസാനിച്ചു നേരെ കാണുന്ന വീടിന്റെ മുന്നിൽ അവൾ പോയി നിന്നു.. കോരി ചൊരിയുന്ന ആ മഴയിൽ അവളുടെ കണ്ണുനീർ ഒലിച്ചു ഇറങ്ങി.. ആ വീടിന്റെ പടികൾ കയറുമ്പോൾ അവളുടെ മുഖത്തു ഒരു പ്രതീക്ഷ ഉണ്ടായിരുന്നു.. ആ പ്രതീക്ഷയോടെ അവൾ ആ വാതിൽ മുട്ടി..

നിമിഷങ്ങൾക്ക് ശേഷം ആ വാതിൽ തുറക്കപ്പെട്ടു.. ഉള്ളിൽ നിന്നും ഒരു ചെറുപ്പക്കാരൻ പുറത്തു വന്നു..അവൾ ഒട്ടും ആലോചിക്കാതെ അയാളുടെ നെഞ്ചിൽ ചാഞ്ഞു.. അയാളെ വട്ടം പിടിച്ചു അവന്റെ നെഞ്ചിൽ അവൾ കരച്ചിലൂടെ നിന്നു.. എന്ത് പറ്റി.. എന്നെ രക്ഷിക്കണം.. എന്റെ കുഞ്ഞിനേയും.. അവൻ ഞെട്ടലോടെ അവളെ അടർത്തി മാറ്റി.. അവന്റെ മുഖത്തു നോക്കാൻ കഴിയാതെ അവൾ തല താഴ്ത്തി നിന്നു.. നീ എന്താ പറഞ്ഞത്.. എന്നെ രക്ഷിച്ചില്ലെങ്കിൽ എന്റെ കുഞ്ഞിനെ കൊന്നു കളയും അവർ.. അവളുടെ പ്രതീക്ഷയോടെ നോക്കുന്ന മിഴികൾ കണ്ടു അവൻ എന്ത് ചെയ്യും എന്നറിയാതെ കുഴഞ്ഞു.. നനഞ്ഞു ഒട്ടി നിൽക്കുന്ന അവളെ അകത്തു വിളിച്ചു കയറ്റി അവൻ അവൾക്ക് നേരെ മുണ്ട് നീട്ടി.. അവൾ അത് വാങ്ങാതെ അപ്പോളും അവനെ തന്നെ നോക്കി നിൽക്കുകയായിരുന്നു.. നിന്നെ ഞാൻ രക്ഷിക്കാം..

പക്ഷെ നിന്റെ വയറ്റിൽ ആരുടെ കുഞ്ഞ് ആണെന്ന് എനിക്ക് അറിയണം.. അവളുടെ മുഖത്തു സങ്കടം വ്യാപിച്ചു.. അവൾ വീണ്ടും തല താഴ്ത്തി നിന്നു.. നീ ഇത് പറയാതെ ഞാൻ ഒന്നും ചെയ്യില്ല.. അവൾ ഇല്ല എന്ന് തല ആട്ടി പുറകിലേക്ക് നീങ്ങി.. അവൾ തിരിഞ്ഞു മഴയിലേക്ക് ഇറങ്ങാൻ തുടങ്ങിയതും അവൻ അവളുടെ കയ്യിൽ പിടിച്ചു.. എനിക്ക് അറിയാം ഇത് അവന്റെ ചോര ആണെന്ന്.. നിന്നെ നശിപ്പിച്ചു അവൻ നാട് വിട്ടു ലെ.. അവളെ പിടിച്ചു അകത്തേക്ക് നിർത്തി അവൻ അവളുടെ അടുത്ത് പോയി നിന്നു.. അവന്റെ ജീവൻ നിന്റെ ഉദരത്തിൽ ഉണ്ടെന്ന് അവൻ അറിയണം.. നമുക്ക് പോകാം അവന്റെ അടുത്തേക്ക്.. ഇതേ സമയം മറ്റൊരിടത്തു ലോറിയിൽ ഇടിച്ചു മറിഞ്ഞു കിടക്കുന്ന കാറിനടിയിൽ ചോര ഒലിച്ചു കിടക്കുന്ന ഒരു ചെറുപ്പക്കാരനെ ആളുകൾ എല്ലാം കൂടെ ആംബുലൻസിൽ കയറ്റുകയായിരുന്നു.. മരിച്ചു പോയെന്ന് ആളുകൾ എല്ലാം ഒരേ സ്വരത്തിൽ പറയുമ്പോളും അവന്റെ ചുണ്ടുകൾ എന്തോ മന്ത്രിക്കുന്നുണ്ടായിരുന്നു.. ആമി... (തുടരും)