💙എൻ ജീവനിൽ💙 ഭാഗം 12

രചന: ആമി

അമ്മാ നമ്മള് വരുമ്പോ കണ്ട ആ അങ്കിൾ ആരാ.. കളിക്കുന്നതിനിടയിൽ അഭിയെ നോക്കാതെ തന്നെ ആലി ചോദിച്ചതും അഭി ഞെട്ടി.. എന്ത് പറയും എന്ന് അറിയാതെ അവളുടെ മനസ്സ് ഉത്തരം തേടുകയായിരുന്നു.. ആ സമയം ആലി വീണ്ടും ആ ചോദ്യം ആവർത്തിച്ചു.. നീ അന്വേഷിക്കുന്ന നീ ജീവനെ പോലെ സ്നേഹിക്കുന്ന നിന്റെ അച്ഛൻ ആണ് അത് എന്ന് പറയാൻ നാവ് സമ്മതിക്കുന്നില്ല.. ഹൃദയം നുറുങ്ങുന്ന വേദനയോടെ അഭി ആലിയെ നോക്കി.. ആ അങ്കിളിന്റെ ഓഫിസ് ആണ് അത്.. എന്റെ സർ ആണ്.. അവളെ നോക്കാതെ കണ്ണുനീർ പിടിച്ചു അടക്കി കൊണ്ടു അഭി പറഞ്ഞു.. ആലി പിന്നെ ഒന്നും പറഞ്ഞില്ല.. അവൾ കളിയിൽ മുഴുകി.. അഭി അവിടെ നിന്നും എഴുനേറ്റു മുറിയിലേക്ക് പോയി.. എന്തിനാ എന്നെ ഉപേക്ഷിച്ചു പോയെ.. എന്റെ സ്നേഹവും പ്രണയവും എല്ലാം വെറും തമാശയയാണോ കണ്ടേ..നമ്മൾ സ്വപ്നം കണ്ടത് പോലെ ആഗ്രഹിച്ചത് പോലെ നടന്നിരുന്നു എങ്കിൽ ആലിക്ക് അവളുടെ അച്ഛന്റെ സ്നേഹവും വാത്സല്യവും കിട്ടുമായിരുന്നു.. ഞാൻ ഇങ്ങനെ ഉരുകി ഉരുകി കഴിയേണ്ടി വരില്ലായിരുന്നു..

എന്റെ കുടുംബം വീട് എല്ലാം എനിക്ക് നഷ്ട്ടമാവില്ലായിരുന്നു.. ഇന്ന് ആരും ഇല്ലാതെ.. എനിക്ക് അറിയാം നിങ്ങൾക്ക് ഇന്ന് മറ്റൊരു കുടുംബം ഉണ്ട്..പക്ഷെ വീണ്ടും എന്തിനാ എന്നെ ഇങ്ങനെ കൊല്ലകൊല ചെയ്യുന്നത്.. കൺ മുന്നിൽ ഇട്ടു ഇങ്ങനെ ദ്രോഹിക്കാൻ മാത്രം ഞാൻ എന്ത് തെറ്റ്‌ ചെയ്തു സിദ്ധു ഏട്ട.. ജീവനെ പോലെ സ്നേഹിച്ചു എന്നിലെ പ്രാണനും പ്രണയവും എന്നിലെ എല്ലാം നൽകിയിട്ടും വീണ്ടും എന്നോട് എന്താ ഇങ്ങനെ ഒക്കെ.. അഭി കരഞ്ഞു കൊണ്ടു നിലത്തേക്ക് ഊർന്ന് ഇരുന്നു.. കാൽ മുട്ടിൽ മുഖം ഒളിപ്പിച്ചു ഒരുപാട് നേരം അവൾ അങ്ങനെ ഇരുന്നു.. ഉള്ളിലെ അഗ്നിക്ക് ശമനം ആവും വരെ അവളുടെ കണ്ണുകൾ പെയ്തു ഒഴിഞ്ഞു.. മറക്കാൻ ശ്രമിക്കുന്ന ഓർമ്മകൾ വീണ്ടും വീണ്ടും അവൾക്കു മുന്നിൽ പല്ലിളിക്കുന്നത് പോലെ തോന്നി അവൾക്ക്.. അവളുടെ സങ്കടത്തിനു കാരണം ആയവൻ ഒരു വിളിപ്പാട് അകലെ ഉണ്ടെന്നു അഭി അറിഞ്ഞില്ല.. എന്നാൽ അവളുടെ തേങ്ങൽ കേൾക്കാതെ പരിഭവം അറിയാതെ പുറത്തു സിദ്ധാർഥ് കാറിൽ ഉണ്ടായിരുന്നു.. അവളുടെ വീട്ടിലേക്ക് നോക്കി തല ചരിച്ചു വച്ചു സിദ്ധാർഥ് സീറ്റ് നിവർത്തി ഇട്ടു സിദ്ധാർഥ് കിടന്നു.. ആമി.. ഇത്ര അടുത്ത് ഉണ്ടായിട്ട് പോലും നമുക്ക് ഇടയിലെ അകൽച്ച എനിക്ക് താങ്ങാൻ കഴിയുന്നില്ല ഡി..

നീ എപ്പോളും എന്റെ കൂടെ വേണം ആമി..എന്റെ കൂടെ മാത്രം.. മനസ്സിൽ എന്തൊക്കെയോ കണക്ക് കൂട്ടി സിദ്ധാർഥ് മനസ്സിൽ പറഞ്ഞു..മദ്യത്തിന്റെ ലഹരിയും ഉറക്കക്ഷീണവും കാരണം അവൻ അവിടെ കിടന്നു തന്നെ ഉറങ്ങി.. നേരം വെളുക്കാൻ തുടങ്ങുമ്പോൾ ആണ് സിദ്ധാർഥ് ഉണർന്നത്.. ആ നിമിഷം തന്നെ അവൻ അഭിയുടെ വീട്ടിലേക്ക് ഒരിക്കൽ കൂടെ നോക്കി കാർ എടുത്തു പോയി.. അവൻ വീട്ടിൽ എത്തുമ്പോൾ അംബിക അവനെ കാത്തു എന്നപോലെ ഉമ്മറത്തു തന്നെ നിൽക്കുന്നുണ്ടായിരുന്നു.. അവരുടെ മുഖം ഗൗരവത്തൽ കനത്തു.. സിദ്ധാർഥ് കാറിൽ നിന്നു തന്നെ അവരെ കണ്ടെങ്കിലും അവൻ അവരെ നോക്കാതെ അകത്തു കയറി... സിദ്ധു.. എന്താ നിന്റെ വിചാരം.. നിന്റെ ഇഷ്ടത്തിനു എല്ലാം ആവാം എന്നായോ.. സിദ്ധാർഥന്റെ കാലുകൾ നിശ്ചലം ആയി.. അവന്റെ മുഖം ദേഷ്യം കൊണ്ടു ചുവന്നു.. കണ്ണിലെ ചുവപ്പും മുഖത്തെ ദേഷ്യവും കൂടെ ആയതോടെ അവനെ കാണാൻ തന്നെ പേടി തോന്നി.. അവൻ പതിയെ അംബികയുടെ അടുത്ത് വന്നു നിന്നു.. നിങ്ങളുടെ ഇഷ്ടം എന്തായാലും നടക്കില്ല..

അപ്പൊ എന്റെ വാക്കിന് ഒരു വിലയും ഇല്ലേ.. ഉണ്ടായിരുന്നു.. എല്ലാം നിങ്ങൾ ആയിട്ട് തന്നെ അല്ലെ കളഞ്ഞത്.. ഇനി എന്റെ ജീവിതം ഞാൻ തീരുമാനിക്കും.. അത്രയും പറഞ്ഞു കൊണ്ടു സ്റ്റെപ് കയറാൻ തുടങ്ങിയ സിദ്ധാർഥന്റെ മുന്നിലേക്ക് അംബിക കയറി നിന്നു.. ഓഫീസിൽ പുതുതായി വന്ന ആ പെണ്ണ് ആണോ ഇപ്പൊ നിന്റെ ഇഷ്ടം.. അഭിയെ കുറിച്ച് അമ്മ അറിഞ്ഞിരിക്കുന്നു.. പക്ഷെ സിദ്ധാർഥന് യാതൊരു ഭാവവ്യത്യാസവും ഉണ്ടായില്ല.. അവൻ അവരെ സൂക്ഷിച്ചു നോക്കി തന്നെ നിന്നു.. ഇനി മനസ്സിൽ വെറുതെ വേണ്ടാത്ത ആഗ്രങ്ങൾ കൊണ്ടു നടക്കണ്ട.. ഏതവളായാലും നടക്കില്ല.. മീരയെ അല്ലാതെ വേറൊരു പെണ്ണ് ഈ വീടിന്റെ പടി ചവിട്ടാൻ ഞാൻ സമ്മതിക്കില്ല.. സിദ്ധാർഥ് അവരെ നോക്കി പുച്ഛമായ ഒന്നു ചിരിച്ചു.. അവരോട് ഒരു വാക്ക് തർക്കത്തിന് മുതിരാതെ അവൻ മുകളിലേക്ക് പോയി.. അംബികയുടെ മുഖം അഭിയെ ഓർത്തു ദേഷ്യത്താൽ നിറഞ്ഞു.. മീര പറഞ്ഞു കൊടുത്ത അറിവേ ഉള്ളു എങ്കിലും അഭിയോട് അംബികയുടെ മനസ്സിൽ ദേഷ്യം ആയി..

പിന്നെ രണ്ടു ദിവസം ഓഫിസ് ലീവ് ആയത് കൊണ്ടു തന്നെ സിദ്ധാർഥ് അഭിയെ കാണാൻ കഴിയാതെ വീർപ്പുമുട്ടി.. എന്നാൽ അഭി അന്ന് ആശ്വാസത്തിൽ ആയിരുന്നു.. ആലിയോടൊപ്പം അവൾ അന്ന് ചിലവഴിച്ചു.. ഒപ്പം നന്ദൻ അടുത്ത ആഴ്ച വരും എന്നും വിളിച്ചു പറഞ്ഞു.. നന്ദൻ വന്നാൽ സംഭവിക്കാൻ പോകുന്നത് എല്ലാം ഓർത്തു അഭിക്ക് പേടി തോന്നി എങ്കിലും ഈ ജോലിയിൽ നിന്നും പോരാൻ കഴിയുമല്ലോ എന്നൊരു ആശ്വാസം ഉണ്ടായിരുന്നു.. പിറ്റേന്ന് ഓഫീസിൽ എത്തിയ ഉടനെ സിദ്ധാർഥ് അഭിയെ അവന്റെ ക്യാബിനിലേക്ക് വിളിച്ചു വരുത്തി.. ഉള്ളിലെ ദേഷ്യം മറച്ചു പിടിച്ചു അഭി അവന് മുന്നിൽ നിന്നു.. അവളെ കാണുന്തോറും അവന്റെ മനസ്സ് കൈ വിട്ടു പോകുന്നത് പോലെ തോന്നി സിദ്ധാർഥന്.. സർ പെട്ടന്ന് പറയണം. എനിക്ക് ജോലി ഉണ്ട്.. അഭി അവന്റെ നോട്ടം നേരിടാൻ കഴിയാതെ പറഞ്ഞു.. സിദ്ധാർഥ് അവൾ കാണാതെ ചിരിച്ചു കൊണ്ടു ചെയറിൽ നിന്നും എഴുനേറ്റു അവളുടെ മുന്നിൽ പോയി നിന്നു.. അവൻ വന്നതും അഭി രണ്ടടി പുറകിലേക്ക് നീങ്ങി..

ആമി ഇപ്പൊ ഇവിടെ.. ആമി അല്ല അഭിരാമി.. അങ്ങനെ വിളിക്കണം.. വാക്കുകൾ കനപ്പിച്ചു കൊണ്ടു തന്നെ അഭി പറഞ്ഞു.. സോറി അഭിരാമി.. ഞാൻ നിന്നെ ആമി എന്നെ വിളിക്കു.. ഇനി നിനക്ക് അങ്ങനെ വിളിക്കുന്നത് ഇഷ്ടം അല്ലെങ്കിൽ കൂടെ ഞാൻ ആമി എന്നെ വിളിക്കു.. ഇനി നീ എന്തൊക്കെ പറഞ്ഞാലും ഞാൻ ആമി എന്നെ വിളിക്കു.. ഓ.. പറയാൻ ഉള്ളത് ഒന്നു വേഗം പറ.. അഭി ദേഷ്യത്തിൽ ചെവി പൊത്തി കൊണ്ടു പറഞ്ഞു.. അവളുടെ മുഖത്തു വിരിയുന്ന ദേഷ്യം പോലും ആ സമയം സിദ്ധാർഥ് ആസ്വദിച്ചു.. ആമി അപ്പൊ പറഞ്ഞത് വന്നത് ആമി ഇവിടെ വന്നിട്ട് വൺ മന്ത് ആവാൻ ആയി.. സോ നിന്റെ പെർഫോമൻസ് കണ്ടു നിനക്ക് ചെറിയ ഒരു പ്രമോഷൻ.. നീ നോക്ക്.. ടേബിളിൽ നിന്നും ഒരു പേപ്പർ എടുത്തു സിദ്ധാർഥ് അവൾക്ക് നേരെ നീട്ടി.. ഇനിയും തന്നെ ദ്രോഹിക്കാൻ സിദ്ധാർഥ് മനഃപൂർവം എന്തെങ്കിലും ഒപ്പിച്ചത് ആവും എന്ന് അഭിക്ക് തോന്നി.. അവൾ പേപ്പർ വായിച്ചു നോക്കിയതും കണ്ണ് മിഴിച്ചു.. ദേഷ്യവും സങ്കടവും കൊണ്ടു മുഖം ചുവന്നു.. എനിക്ക് സമ്മതം അല്ല.. ഈ പ്രമോഷൻ എനിക്ക് വേണ്ട.. അത് നീ അല്ലല്ലോ തീരുമാനിക്കുന്നത്.. സൊ അപ്പൊ യു ആർ അപ്പോയിന്റഡ് ടു മൈ പി എ.. നിങ്ങളോട് എന്ത് ദ്രോഹം ആണ് ഞാൻ ചെയ്തത്..

ഞാൻ എങ്ങനെ എങ്കിലും.. അവളുടെ വാക്കുകൾ പൂർത്തിയാക്കും മുന്നേ സിദ്ധാർഥ് അവളെ വലിച്ചു അവന്റെ നെഞ്ചിലേക്ക് ഇട്ടു.. ഒരു നിമിഷം പേടിച്ചു പോയ അഭി അവന്റെ പ്രവർത്തിയിൽ ഞെട്ടി.. നീ എന്റെ അടുത്ത് എന്റെ കൂടെ വേണം എപ്പോളും.. അതിനു വേണ്ടിയാണ് ഇത്.. നീ പറഞ്ഞത് പോലെ എന്റെ കൂടെ നടക്കാൻ എന്റെ പി എ ആണ് നീ ഇപ്പൊ.. എന്തിനാ.. ഇനിയും എന്തിനാ എന്നോട് വെറുതെ ഇങ്ങനെ ഒക്കെ.. കാരണം നീ എന്റെ ജീവൻ ആണ് ആമി.. കൗമാരത്തിൽ തോന്നിയ ഒരു അട്രാക്ഷൻ അല്ല നീ എനിക്ക്.. എന്റെ ശ്വാസം പോലും തേടുന്നത് നിന്നെ ആണ്.. എന്റെ ഓരോ നിമിഷവും കടന്നു പോകുന്നത് ആമി എന്ന നാമം ഉച്ചരിച്ചു കൊണ്ടാണ്.. അവന്റെ വാക്കുകൾ അവളിൽ ഒരു തരം മരവിപ്പ് ഉണ്ടാക്കി.. അവനിലെ പ്രണയം അവൾ കണ്ടില്ല.. പകരം തനിക്ക് മുന്നിൽ വീണ്ടും ചതി ഒരുക്കുകയാണെന്ന് അവൾ കരുതി..ആ സമയം അവൾ അവനിൽ നിന്നും കുതറി മാറി... ഈ വാക്കുകളിൽ വീണു പോകാൻ ഞാൻ പഴയ ആമി അല്ല.. അത്രയും പറഞ്ഞു തിരികെ പോകാൻ തുടങ്ങിയ അഭിക്ക് മുന്നിലേക്ക് സിദ്ധാർഥ് കയറി നിന്നു.. ഡോർ ലോക്ക് ചെയ്തു അവളെ അവൻ തിരിഞ്ഞു നോക്കി.. അവന്റെ ഭാഗത്ത്‌ നിന്നും അങ്ങനെ ഒരു പെരുമാറ്റം പ്രതീക്ഷിക്കതെ ഇരുന്ന അഭി ആകെ തളർന്നു..

എനിക്ക് പറയാൻ ഉള്ളത് മുഴുവൻ കേട്ടിട്ട് പോയാൽ മതി നീ..ഇത് പറയാൻ അവസരം നോക്കി നടന്നു ഞാൻ മടുത്തു.. ഈ നിമിഷം എല്ലാം നീ അറിയണം.. എനിക്ക് കേൾക്കേണ്ട നിങ്ങളുടെ കെട്ട് കഥ.. കേൾക്കണം.. കേട്ടെ മതിയാവു.. സിദ്ധാർഥ് അവൾക്ക് പുറകിൽ ഉള്ള ചെയർ നീക്കി അഭിയെ അതിലേക്ക് ബലമായി പിടിച്ചു ഇരുത്തി.. അവൾ എഴുനേൽക്കാൻ തുടങ്ങും മുന്നേ അവളുടെ ഷാൾ വലിച്ചു അവളുടെ കൈ രണ്ടും കെട്ടി വച്ചു.. അഭി അവന്റെ പ്രവർത്തിയിൽ തരിച്ചു പോയി..അവൾ അവനോട് പറഞ്ഞു കൊണ്ടേ ഇരുന്നു.. എന്നെ വിട്.. പ്ലീസ്.. ഇതൊന്നും ശ്രദ്ധിക്കാതെ സിദ്ധാർഥ് മറ്റൊരു ചെയർ എടുത്തു അവളുടെ മുന്നിൽ ഇരുന്നു.. അവളെ തന്നെ സൂക്ഷം നോക്കി.. നിന്റെ കണ്ണിൽ ഞാൻ നിന്നെ പ്രണയിച്ചു നിന്റെ ശരീരം ആഗ്രഹിച്ച ഒരുത്തൻ ആണെന്ന് എനിക്ക് അറിയാം.. പക്ഷെ സിദ്ധാർഥ് നിന്നെ പ്രണയിച്ചത് നിന്റെ ശരീരത്തിന് വേണ്ടി അല്ല.. പിന്നെ.. പിന്നെ എന്തിനായിരുന്നു.. നിങ്ങൾക്ക് കിട്ടേണ്ടത് കിട്ടിയപ്പോൾ നിങ്ങൾ തിരിച്ചു പോയില്ലേ.. അവൾ അവന്റെ കണ്ണിൽ നോക്കി വീറോടെ പറയുമ്പോൾ സിദ്ധാർഥന്റെ ഹൃദയം മുറിഞ്ഞു.. തന്റെ പ്രണയം ഇത്രയും വില കുറഞ്ഞു പോയതിൽ അവന് സങ്കടം തോന്നി.. അവളോട്‌ എല്ലാം തുറന്നു പറയാൻ തുടങ്ങും മുന്നേ തന്നെ വാതിലിൽ മുട്ട് കെട്ടു......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...