💙എൻ ജീവനിൽ💙 ഭാഗം 14

രചന: ആമി

അഭി രാവിലത്തെ പ്രാതൽ റെഡിയാക്കി ആലിയെ വിളിച്ചു ഉണർത്തി.. അവളുടെ കൂടെ കളിയും കുറുമ്പും കാട്ടി ഇരിക്കുമ്പോൾ ആണ് നന്ദൻ എഴുനേറ്റു വന്നത്.. നന്ദനെ കണ്ടതും ആലി അവന്റെ കൂടെ പോയി.. അഭി നന്ദന് ചായ കൊണ്ടു ഉമ്മറത്തു ചെല്ലുമ്പോൾ ആലി നന്ദന്റെ തോളിൽ കയറി കളിക്കുകയായിരുന്നു.. അഭി ചിരിച്ചു കൊണ്ടു നന്ദന് ചായ കൊടുത്തു അവരുടെ അടുത്ത് ഇരുന്നു.. നന്ദച്ചാ ഇന്ന് നമ്മ എങ്ങോട്ടാ പോണേ.. ഇന്ന് നമ്മൾ സ്കൂളിലേക്ക്.. ഇന്ന് സ്കൂളിൽ പോണ്ട.. അയ്യടാ.. മടിച്ചി പാറു.. വേഗം സ്കൂളിൽ പോകാൻ റെഡി ആയിക്കോ.. എന്നിട്ട് നന്ദച്ചന് ഒരു സ്ഥലം വരെ പോണം.. എവിടെക്കാ നന്ദേട്ടാ.. അവന്റെ സംസാരം കേട്ട് അഭി ചോദിച്ചു.. നന്ദൻ സിദ്ധുവിനെ പോയി കാണണം എന്ന് തലേന്ന് തന്നെ ഉറപ്പിച്ചിരുന്നു.. അവൻ അഭിയോട് പറയാൻ കൂട്ടാക്കിയില്ല.. പറഞ്ഞാൽ അഭി സമ്മതിക്കില്ല എന്ന് നന്ദന് അറിയാമായിരുന്നു.. എന്റെ ഒരു കൂട്ടുകാരൻ ഉണ്ട്.. അവനെ കാണാൻ.. വൈകുന്നേരം നാട്ടിലേക്ക് പോവുകയും വേണം.. നന്ദചൻ പോകല്ലേ.. ആലി പിണങ്ങും..

എന്റെ മോൾക്ക് വേണ്ടി നന്ദചൻ ഒരു സമ്മാനം കരുതി വച്ചിട്ടുണ്ട്.. അതെടുക്കാൻ പോവുകയാണ്.. എന്ത് ഷമ്മാനം.. എന്റെ മോള് ഏറ്റവും കൂടുതൽ ആഗ്രഹിക്കുന്ന ഒരു സമ്മാനം.. നന്ദന്റെ സംഭാഷണം ശ്രദ്ധിച്ച അഭി നന്ദൻ സിദ്ധുവിനെ കാണാൻ പോവുകയാണെന്ന് തോന്നി.. എന്നാൽ നന്ദൻ അവളോട് പറയാതെ പോവില്ല എന്നൊരു വിശ്വാസം അവൾക്ക് ഉണ്ടായിരുന്നു.. കാരണം അങ്ങനെ നന്ദൻ പോവുകയായിരുന്നു എങ്കിൽ എന്നോ പോയി സിദ്ധുവിനോട് എല്ലാം പറഞ്ഞിരുന്നു.. തടസ്സം നിന്നത് അഭി തന്നെ ആയിരുന്നു.. അവന്റെ കുടുംബം തകരരുത് എന്ന ഒറ്റ കാരണം കൊണ്ടായിരുന്നു അഭി അങ്ങനെ ഒരു തീരുമാനം എടുത്തത്.. പ്രാതൽ കഴിച്ചു കഴിഞ്ഞു നന്ദന്റെ കൂടെ ആലിയെ സ്കൂളിൽ വിട്ടു.. നിർമലയോട് ഇനി വരണ്ട എന്ന് അഭി വിളിച്ചു പറഞ്ഞിരുന്നു.. ഒരു ജോലി കിട്ടും വരെ അവൾ ഉണ്ടല്ലോ എന്ന ചിന്തയിൽ ആണ് അഭി അങ്ങനെ ഒരു തീരുമാനം എടുത്തത്.. നന്ദൻ ആലിയെ സ്കൂളിൽ വിട്ടു നേരെ പോയത് സിദ്ധുവിന്റെ ഓഫിസിലേക്ക് ആണ്..റിസപ്ഷനിൽ ചോദിച്ചപ്പോൾ സിദ്ധു വന്നിട്ടില്ല എന്ന് അറിഞ്ഞു നന്ദൻ അവനെ കാത്തു അവിടെ വെയിറ്റ് ചെയ്തു..

കുറച്ചു സമയം കഴിഞ്ഞിട്ടും വരുന്നില്ലെന്ന് കണ്ടതും നന്ദൻ അവിടെ നിന്നും ഇറങ്ങി.. അവനെ വേറെ എവിടെ പോയാൽ കാണാൻ കഴിയും നന്ദന് അറിയില്ലയിരുന്നു.. അത് കൊണ്ടു തന്നെ സിദ്ധുവിനെ കാണാൻ ഉള്ള ശ്രമം നന്ദൻ ഉപേക്ഷിച്ചു തിരിച്ചു പൊന്നു.. സിദ്ധു ബെഡിൽ കമിഴ്ന്നു കിടക്കുകയായിരുന്നു.. മനസ്സിൽ തലേന്നത്തെ കാര്യങ്ങൾ ഓടി കൊണ്ടേ ഇരുന്നു.. എത്ര പെട്ടന്ന് ആണ് തന്റെ ജീവിതം കൈവിട്ടു പോയത്.. അഭിയെ കണ്ടപ്പോൾ എല്ലാം തിരിച്ചു കിട്ടി എന്ന് സന്തോഷിച്ച അവൻ ഇന്ന് എല്ലാം നഷ്ട്ടപ്പെട്ടവനെ പോലെ.. എത്ര സമയം അങ്ങനെ കിടന്നു എന്ന് അറിയില്ല.. കണ്ണിൽ ക്ഷീണം ഉണ്ടെങ്കിലും അവയിലെ പ്രണയത്തിനു മങ്ങലേറ്റിട്ടില്ല.. ഇന്നും ആ കണ്ണുകളിൽ പ്രണയം തുടിക്കുന്നുണ്ട്.. പക്ഷെ അത് കാണാൻ ഇന്ന് അവൾ ഇല്ല.. വാതിൽ മുട്ടുന്ന ശബ്ദം കേട്ട് സിദ്ധു പതിയെ എഴുന്നേറ്റു മൂരി നിവർന്നു.. വാതിൽ തുറന്നു ആരാണെന്നു പോലും നോക്കാൻ നിൽക്കാതെ അവൻ നേരെ ബാത്രൂമിൽ കയറി.. ഷവറിനു ചുവട്ടിൽ നിൽക്കുമ്പോൾ അഭിയുടെ മുഖം അവന്റെ മനസ്സിലേക്ക് ഓടി എത്തി..

തല കുടഞ്ഞു കൊണ്ടു അവളുടെ ഓർമകളെ അവൻ കഴുകി കളയാൻ നോക്കി.. പക്ഷെ അവൾ അവന്റെ ശ്വാസം അല്ലെ.. എങ്ങനെ കഴിയും അതിന്.. കുളി കഴിഞ്ഞു റൂമിൽ വരുമ്പോൾ ബെഡിൽ അവനെ നോക്കി ഇരിക്കുന്ന മീരയെ കണ്ടതും അവന് ദേഷ്യം വന്നു.. എന്നാൽ അംബികയ്ക്ക് നൽകിയ വാക്ക് ഓർത്തപ്പോൾ അവൻ ഒന്നും പറയാൻ നിൽക്കാതെ ഡ്രസ്സ്‌ എടുത്തു അവിടെ നിന്നും പോയി.. സിദ്ധു ഡ്രസ്സ്‌ മാറി വരുമ്പോളും മീര അവിടെ തന്നെ ഉണ്ടായിരുന്നു.. അവളെ ശ്രദ്ധിക്കാതെ അവൻ മുടി ഒതുക്കി വച്ചു.. പെട്ടന്ന് ആയിരുന്നു മീര അവനെ പുറകിൽ നിന്നും കെട്ടിപ്പിടിച്ചത്.. ആ നിമിഷം തന്നെ സിദ്ധു അവളുടെ കൈകളെ അവന്റെ ദേഹത്ത് നിന്നും കുടഞ്ഞു എറിഞ്ഞു.. അവൾക്ക് നേരെ തിരിഞ്ഞു നിന്നു.. മീര നീ പൊ.. എന്താ സിദ്ധു.. നീ സമ്മതിച്ചത് അല്ലെ.. അതിന്.. മീര ഞാൻ ആൾറെഡി ഡിസ്റ്റർബ് ആണ്.. പ്ലീസ് ലീവ് മി അലോൺ.. അവൻ അത്രയും പറഞ്ഞു കൊണ്ടു ബെഡിൽ നിന്നും ഫോൺ എടുത്തു മുറിയിൽ നിന്നും ഇറങ്ങി പോയി..

അവൻ പോയ വഴിയേ നോക്കി മീര ചുണ്ടിൽ വശ്യമായ ഒരു ചിരിയോടെ നിന്നു.. ഞാൻ പറഞ്ഞത് അല്ലെ സിദ്ധു നിന്നെ ഞാൻ സ്വന്തം ആക്കും.. ആന്റിയുടെ നാടകം കൊണ്ടു നീ വിവാഹത്തിന് സമ്മതിച്ചു.. ഇനി എന്റെ നാടകം കൊണ്ടു നീ എന്നെ സ്നേഹിക്കാനും തുടങ്ങും.. മനസ്സിൽ കുടിലത നിറഞ്ഞ ചിന്തകൾ മെനഞ്ഞു കൊണ്ടു മീര സിദ്ധുവിനെ സ്വന്തം ആക്കുന്നത് സ്വപ്നം കണ്ടു.. അവളുടെ ലക്ഷ്യം അവന്റെ സ്നേഹം ആയിരുന്നില്ല.. അത് കൊണ്ടു തന്നെ അവൾ അവളുടെ ലക്ഷ്യം നിറവേറാൻ വേണ്ട കളികൾ പ്ലാൻ ചെയ്തു.. രാത്രിയിൽ ആലി ഉറങ്ങുന്നത് വരെ കാത്തിരുന്നു നന്ദൻ പോകാൻ വേണ്ടി..പോകുന്നത് ആലി കണ്ടാൽ പിന്നെ കരച്ചിൽ ആവും.. അത് കണ്ടു പോകാൻ നന്ദന് കഴിയില്ല.. എത്ര സമയം എടുത്താലും അവൾ ഉറങ്ങിയിട്ടേ നന്ദൻ പോകൂ.. ആലി ഉറങ്ങിയതും നന്ദൻ ഇറങ്ങി..ഒരു നിമിഷം അവൻ അഭിയെ നോക്കി.. അവളുടെ മങ്ങിയ ചിരിയുടെ പുറകിൽ ഒളിപ്പിച്ചു വച്ച കണ്ണീർ അവൻ മാത്രമേ കാണാറുള്ളു.. വേറെ ജോലി ഞാൻ നോക്കി ശരിയാക്കാം.. മ്മ്.. പിന്നെ..

എന്താ.. നന്ദേട്ടന് വിഷമം ആവണ്ടല്ലോ കരുതി ചോദിക്കാതെ ഇരുന്നതാ.. പക്ഷെ എനിക്ക് കഴിയുന്നില്ല.. ചേച്ചിയുടെ കാര്യം.. നന്ദൻ ചിരിച്ചു കൊണ്ടു അവളുടെ അടുത്ത് വന്നു.. അഭി അവനെ തന്നെ ഉറ്റു നോക്കി.. അവൾ സമ്മതിച്ചില്ല.. കെട്ടുന്നെങ്കിൽ എന്നെ മാത്രമേ കെട്ടു പറഞ്ഞു.. കേട്ടത് വിശ്വാസം വരാതെ അഭി അവനെ മിഴിച്ചു നോക്കി.. സത്യം ആണെന്ന രീതിയിൽ നന്ദൻ തല ആട്ടി.. എല്ലാവരും പറഞ്ഞപ്പോൾ അവളും കൂടെ നിന്നു.. പക്ഷെ അവൾക്ക് നമ്മളെ വിശ്വാസം ആയിരുന്നു.. അനന്ദു വന്നിരുന്നു എന്നെ കാണാൻ.. അവൻ ആണ് പറഞ്ഞത്.. പിന്നെ അവൻ നിന്നെ ചോദിച്ചു.. എന്നിട്ട്.. സത്യം ഒന്നും പറഞിട്ടില്ല.. പറഞ്ഞാൽ അവന്റെ കൂട്ടുകാരൻ ആണ് പെങ്ങളെ ചതിച്ചത് എന്നറിഞ്ഞാൽ അവൻ ആകെ തകർന്നു പോകും.. തല്ക്കാലം അത് എല്ലാം അങ്ങനെ തന്നെ ഇരിക്കട്ടെ.. അനന്ദുവും ആതിരയും നമ്മളെ വിശ്വാസിച്ച സ്ഥിതിക്ക് സത്യം അധികം വൈകാതെ എല്ലാവരും അറിയും.. പക്ഷെ.. അറിഞ്ഞു കഴിഞ്ഞാലും.. അഭി.. നീ മാത്രം എന്തിനാ ഇങ്ങനെ ഒതുങ്ങി കഴിയുന്നെ..

വേണ്ട അല്ലെങ്കിൽ തന്നെ ഞാൻ പറഞ്ഞാൽ നീ പറയും എന്നും പറയുന്നത് ആണെന്ന്.. അഭി അവനെ നോക്കി ചിരിച്ചു.. അവളോട് യാത്ര പറഞ്ഞു നന്ദൻ നടന്നു.. അഭി വാതിൽ അടച്ചു മുറിയിൽ വന്നു കിടന്നു.. മനസ്സിൽ നന്ദൻ പറഞ്ഞ വാക്കുകൾ ആയിരുന്നു.. ഞാൻ മാത്രം ഒതുങ്ങി കഴിയുന്നത്.. ശരിയാണ്.. ഇനി എന്റെ ജീവിതം ആലി മോൾക്ക് വേണ്ടി മാത്രം ആണ്.. എന്തൊക്കെ തിരിച്ചു കിട്ടിയാലും താൻ ആഗ്രഹിച്ചത് കിട്ടില്ല.. അത് കിട്ടാതെ ഞാൻ എങ്ങനെ സന്തോഷിക്കും.. അഭി ആലിയുടെ മുഖത്തേക്ക് നോക്കി.. അവളുടെ അടഞ്ഞ കൺ പോളകളിൽ ഉമ്മ വച്ചു അഭി അവളോട് ചേർന്ന് കിടന്നു.. നിന്റെ ആഗ്രഹം ഒരിക്കലും നടക്കില്ല ആലി.. ആ സ്നേഹം കിട്ടാൻ നിനക്ക് വിധി ഇല്ല.. എനിക്കും.. ആ നെഞ്ചിലെ ചൂടും ശ്വാസവും ഹൃദയത്തിലെ തുടിപ്പ് പോലും തനിക്കു സ്വന്തം ആകണം എന്ന് ആഗ്രഹിച്ചു.. പക്ഷെ ഇന്ന് അത് മറ്റാർക്കോ സ്വന്തം ആണ്.. കവിളിലൂടെ ഒഴുകി ഇറങ്ങുന്ന കണ്ണുനീർ തുടച്ചു കളഞ്ഞു കൊണ്ടു അഭി കിടന്നു.. മനസ്സിനെ നാല് വർഷം പുറകിലേക്ക് വിട്ടു കൊണ്ടു..

ബസ് സ്റ്റോപ്പിൽ നിൽക്കുമ്പോൾ ആണ് നന്ദൻ കുറച്ചു അകലെ ഒരു ആൾക്കൂട്ടം കണ്ടത്.. ആദ്യം ഒന്നു ശ്രദ്ധിച്ചില്ല എങ്കിലും അവിടെ നിന്നും കേൾക്കുന്ന ശബ്ദം അവനെ അങ്ങോട്ട്‌ ശ്രദ്ധ കൊടുത്തു.. ആരൊക്കെയോ വഴക്ക് ഉണ്ടാക്കുകയായിരുന്നു.. എന്നാൽ ആ കൂട്ടത്തിലെ ഒരാളെ കണ്ടതും നന്ദന്റെ കാലുകൾ അങ്ങോട്ട്‌ ചലിച്ചു.. അവൻ അങ്ങോട്ട്‌ ഓടി പോയി ആളുകളെ മാറ്റി നിർത്തി.. സിദ്ധു ആരെയോ തല്ലുകയായിരുന്നു.. അടി കൊണ്ടു ആൾ അവശനായിമാറിയിരുന്നു.. പക്ഷെ സിദ്ധു അപ്പോളും അടി നിർത്തിയില്ല.. ഒട്ടും ആലോചിക്കാതെ നന്ദൻ അവനെ പിടിച്ചു മാറ്റി നിർത്തി.. സിദ്ധു മദ്യപിച്ചിട്ടുണ്ടെന്നു നന്ദന് മനസിലായി.. തന്റെ കയ്യിൽ പിടിച്ച ആളെ തല്ലാൻ വേണ്ടി സിദ്ധു കൈ പൊക്കിയതും നന്ദനെ കണ്ടു അവൻ കൈ താഴ്ത്തി.. നന്ദൻ അയാളെ പറഞ്ഞു വിട്ടു.. കൂടി നിന്നവരോട് എല്ലാം ക്ഷമ പറഞ്ഞു നന്ദൻ.. സിദ്ധുവിനെ കോ ഡ്രൈവർ സീറ്റിൽ ഇരുത്തി അവന്റെ കാറിൽ കയറി ഡ്രൈവ് ചെയ്തു.. അത്രയും സമയം എല്ലാം നന്ദന്റെ പ്രവർത്തികൾ നോക്കി ഇരിക്കുകയായിരുന്നു സിദ്ധു..

നന്ദനോട് അവന് ദേഷ്യം ഉണ്ടായിരുന്നു.. പക്ഷെ നന്ദൻ എന്തിനാ ഇങ്ങനെ എല്ലാം ചെയ്യുന്നത് എന്ന് അവന് അറിയില്ല.. മാത്രം അല്ല മദ്യം കഴിച്ചതിന്റെ ക്ഷീണവും കുഴച്ചിലും അവനിൽ നല്ലോണം ഉണ്ടായിരുന്നു.. താൻ എങ്ങോട്ടാ ഈ പോകുന്നെ.. നീ എങ്ങോട്ടാ പോയിരുന്നെ.. അത് നീ... നീ എന്തിനാ അറിയുന്നേ.. ഇറങ്ങടോ എന്റെ വണ്ടിയിൽ നിന്നും.. ഗെറ്റ് ലോസ്റ്റ്‌.. എനിക്ക് നിന്റെ വണ്ടി ഒന്നും വേണ്ട.. നിന്നോട് ഒരു ചെറിയ കണക്ക് വീട്ടാൻ ഉണ്ട് അത് വീട്ടിയിട്ട് പൊയ്ക്കോളാം.. കൊല്ലാൻ ആണെങ്കിൽ ഒറ്റയടിക്ക് കൊന്നേക്കണം.. തുള്ളി ജീവൻ എങ്കിലും ബാക്കി വച്ചാൽ ഞാൻ തിരിച്ചു വരും... എന്നിട്ട് എന്താ ഡാ ഒരു പെണ്ണിന് വാക്ക് കൊടുത്തിട്ട് തിരിച്ചു വരാതെ ഇരുന്നേ.. നന്ദൻ അങ്ങനെ പറഞ്ഞതും സിദ്ധു അവനെ തുറിച്ചു നോക്കി.. അഭിക്ക് വേണ്ടി വന്നത് ആണ് നന്ദൻ എന്ന് സിദ്ധുവിനു മനസിലായി.. ഭാര്യയുടെ കാമുകനോട് ഉള്ള ദേഷ്യം തീർക്കാൻ ആയിരിക്കും തന്നെ കൊണ്ടു പോകുന്നത് എന്ന് അവന് തോന്നി.. എന്തും നേരിടാൻ തയ്യാറായി തന്നെ സിദ്ധു ഇരുന്നു..

എന്തെ.. നിന്റെ ഉത്തരം മുട്ടി പോയോ.. ഒരു പെണ്ണിനെ പറഞ്ഞു പറ്റിച്ചു അവളുടെ ശരീരവും സ്വന്തം ആക്കി രാത്രിക്ക് രാത്രി നീ നാട് വിട്ടില്ലേ.. പിന്നെ അവളെ കുറിച്ച് അന്വേഷിച്ചോ നീ.. ഇപ്പൊ വീണ്ടും അവളെ കണ്ടപ്പോൾ നിനക്ക് പഴയ പോലെ സ്നേഹം തോന്നിയോ.. അതോ ഒരിക്കൽ കിട്ടിയത് പോലെ പറഞ്ഞു മയക്കി നിന്റെ റൂമിൽ എത്തിക്കാൻ ആണോ.. നന്ദൻ പറഞ്ഞു നിർത്തിയതും സിദ്ധുവിന്റെ നരമ്പുകൾ വലിഞ്ഞു മുറുകി.. ആ നിമിഷം ഒന്നും ആലോചിക്കാതെ സിദ്ധു നന്ദന്റെ ഷർട്ടിൽ കുത്തി പിടിച്ചു.. നന്ദന് കാർ ബാലൻസ് നഷ്ടം ആയി.. അവൻ വേഗം സൈഡിലേക്ക് നിർത്തി.. എന്റെ പ്രണയത്തെ വില കുറച്ചു കണ്ടാൽ ഉണ്ടല്ലോ.. എന്റെ ആമി.. അവൾ എന്റെ.. അവളെ നീ പ്രണയിച്ചിട്ടില്ല സിദ്ധാർഥ്.. ഉണ്ടായിരുന്നു എങ്കിൽ ഒരു സങ്കടകടലിൽ തള്ളി നീ പോകില്ലായിരുന്നു.. ആ പാവം എത്ര അനുഭവിച്ചു അറിയുമോ നിനക്ക്.. അതും പതിനേഴു വയസ്സിൽ നീ ഒന്നു ഓർത്തു നോക്ക്.. സിദ്ധു നന്ദനിൽ നിന്നും പിടി വിട്ടു കാറിൽ നിന്നും ഇറങ്ങി.. നന്ദനും അവന്റെ കൂടെ ഇറങ്ങി..

നന്ദന്റെ വാക്കുകളും പെരുമാറ്റവും എല്ലാം സിദ്ധുവിൽ സംശയം ഉണ്ടാക്കി.. നന്ദൻ അഭിയുടെ ആരാണ് എന്ന സംശയം അവനിൽ ഉടലെടുത്തു.. നന്ദന്റെ മനസ്സിലും അതെ സംഘർഷം ആയിരുന്നു.. സിദ്ധു അവന് എന്തൊക്കെയോ പറയാൻ ഉണ്ടെന്നു നന്ദന് തോന്നി.. സിദ്ധു നന്ദന്റെ അടുത്ത് വന്നു നിന്നു.. ഞാൻ അവളെ തനിച്ചു ആക്കി വന്നത് അല്ല.. ജീവിതത്തിൽ മരണം വരെ തനിച്ചാക്കില്ല എന്ന ഉറപ്പോടെ തന്നെ ആണ് അവൾക്ക് ഞാൻ എന്റെ പ്രണയം നൽകിയത്.. പക്ഷെ.. സാരമില്ല.. ഇനി അതിന് പ്രസക്തി ഇല്ലല്ലോ.. അവൾക്ക് മാത്രം നഷ്ട്ടങ്ങൾ സംഭവിച്ചു.. നിങ്ങൾക്ക് എല്ലാം കിട്ടി.. എന്റെ.. എന്റെ നഷ്ട്ടങ്ങളിൽ ഏറ്റവും വലുത് എന്റെ ആമിയാണ്.. അവൾക്ക് പകരം എന്റെ ജീവിതത്തിൽ മറ്റൊന്ന് ഇല്ല.. ഇനി ഉണ്ടാവാനും പോകുന്നില്ല.. അവളെ ജീവിക്കാൻ വിട്ടേക്ക്.. നിങ്ങൾക്ക് മറ്റൊരു കുടുംബം ഉണ്ട്.. അവരോട് എങ്കിലും ആത്മാർത്ഥ കാണിക്ക്.. നന്ദൻ അങ്ങനെ പറഞ്ഞതും സിദ്ധു മനസ്സിലാവാത്തത് പോലെ നന്ദനെ നോക്കി.. ആമിയെ അല്ലാതെ മറ്റൊരു പെണ്ണ് എന്റെ ജീവിതത്തിൽ ഇല്ല..

ഇന്നും ഞാൻ കാത്തിരിക്കുന്നത് അവൾക്കു വേണ്ടി മാത്രം ആണ്.. പക്ഷെ.. അവൾ ഇന്ന് നിങ്ങളുടെ സ്വന്തം ആയി.. വളരെ വൈകിയാണ് ഞാൻ അത് മനസ്സിലാക്കിയത്.. സിദ്ധു പറയുന്നത് കേട്ട് നന്ദൻ തറഞ്ഞു നിന്നു.. സിദ്ധു വിവാഹം കഴിച്ചിട്ടില്ല എന്ന് അരിഞ്ഞതും നന്ദന്റെ ഹൃദയം സന്തോഷം കൊണ്ടു നിറഞ്ഞു.. എന്നാൽ അവൻ അഭിയെ തെറ്റി ധരിച്ചിരിക്കുന്നത് അരിഞ്ഞതും അവൻ ഞെട്ടി.. തങ്ങളെ അവൻ ആ രീതിയിൽ ആണ് കണ്ടിരിക്കുന്നത് എന്ന് നന്ദന് മനസിലായി.. സിദ്ധാർഥ് അപ്പൊ.. വിവാഹം.. കഴിയില്ല എനിക്ക്.. അവളുടെ സ്ഥാനത്തു മറ്റൊരാളെ.. എനിക്ക് കഴിയില്ല.. അവൻ കുഴഞ്ഞ വാക്കുകൾ കൊണ്ടു പറയുമ്പോൾ നന്ദനിൽ സന്തോഷം അലതല്ലുകയായിരുന്നു.. അവൻ സിദ്ധുവിനെ കെട്ടിപിടിച്ചു.. പെട്ടന്ന് നന്ദൻ അങ്ങനെ ചെയ്തപ്പോൾ സിദ്ധു ഞെട്ടി.. എന്താ സംഭവിക്കുന്നത് എന്ന് അറിയാതെ അവൻ നിന്നു.. എന്റെ അഭി കാത്തിരിക്കുന്നത് ഈ ഒരു നിമിഷത്തിനു വേണ്ടിയായിരുന്നു സിദ്ധാർഥ്..

അവളുടെ നാല് വർഷത്തെ കാത്തിരിപ്പ് ആണ് ഇത്.. നന്ദൻ പറയുന്നത് മനസ്സിലാവാതെ സിദ്ധു അവനെ ദേഹത്ത് നിന്നും മാറ്റി നിർത്തി സിദ്ധു നോക്കി.. അവന് മുന്നിൽ എല്ലാം പറയാൻ തന്നെ നന്ദൻ തീരുമാനിച്ചു.. നന്ദന്റെ മനസ്സിൽ അന്നേരം ആലി മോൾടെ മുഖം ആയിരുന്നു.. അവളുടെ അച്ഛായെ കൊടുക്കുന്ന ആ മുഹൂർത്തം നന്ദൻ സ്വപ്നം കണ്ടു.. സിദ്ധാർഥ് എനിക്ക് നിന്നോട് സംസാരിക്കണം.. നന്ദൻ ഡ്രൈവിങ് സീറ്റിൽ കയറി ഇരുന്നു.. സിദ്ധു മറു സൈഡിലെ സീറ്റിലും.. യാത്രയിൽ ഒന്നും തന്നെ നന്ദൻ മിണ്ടിയില്ല.. എന്നാൽ സിദ്ധു മനസ്സിൽ ഒരുപാട് ചോദ്യങ്ങൾ ഉയർന്നു.. സ്വന്തം ഭാര്യയുടെ കാമുകനോട് ഇങ്ങനെ ഓക്കേ ആരെങ്കിലും പെരുമാറുമോ എന്നൊക്കെ ഓർത്തു അവൻ ഇരുന്നു.. ഇനി നന്ദൻ അഭിയുടെ ഭർത്താവ് അല്ലെങ്കിൽ ആ കുട്ടി.. അത് ആരുടെ ആയിരിക്കും..സംഘർഷം നിറഞ്ഞ മനസ്സോടെ സിദ്ധു ഇരിക്കുമ്പോൾ നന്ദന്റെ മനസ്സ് ശാന്തമായിരുന്നു.......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...