💙എൻ ജീവനിൽ💙 ഭാഗം 15

രചന: ആമി

സിദ്ധു നല്ലവണ്ണം മദ്യം കഴിച്ചിരുന്നു എന്ന് നന്ദന് മനസിലായി.. ഈ അവസ്ഥയിൽ അവനോടു എല്ലാം പറഞ്ഞാൽ അവൻ ഉൾക്കൊള്ളുമോ എന്നും അവന്റെ പ്രതികരണം എങ്ങനെ ആയിരിക്കും എന്നുമൊക്കെ നന്ദൻ ഊഹിച്ചു.. പെട്ടന്ന് എല്ലാം പറഞ്ഞു കഴിഞ്ഞാൽ സിദ്ധു നേരെ അഭിയെ കാണാൻ പോയാൽ.. ഈ അവസ്ഥയിൽ അഭി സിദ്ധുവിനെ കണ്ടാലും പ്രശ്നം ആവും.. നന്ദൻ മനസ്സിൽ ഓരോന്ന് കണക്ക് കൂട്ടി കൊണ്ടിരുന്നു.. സിദ്ധു സീറ്റിൽ ചാരി ഇരുന്നു ഉറങ്ങിയിരുന്നു.. അവസാനം നന്ദൻ ആ തീരുമാനം എടുത്തു.. നഗരത്തിലെ ഒരു ഹോട്ടലിൽ മുറി എടുത്തു നന്ദൻ സിദ്ധുവിനെ തോളിൽ പിടിച്ചു അകത്തു കയറി.. സിദ്ധു അത്രയും ക്ഷീണിച്ചു പോയിരുന്നു.. അവിടെ ഉള്ള ഒരാളും കൂടെ പിടിച്ചു സഹായിച്ചു സിദ്ധുവിനെ മുറിയിലെ ബെഡിൽ കൊണ്ടു പോയി കിടത്തി.. നന്ദൻ അയാളോട് നന്ദി പറഞ്ഞു.. നന്ദൻ മുറിയിൽ എത്തി ഫ്രഷ് ആയി.. അവൻ സിദ്ധുവിനെ നോക്കി ഫോൺ എടുത്തു അഭിയുടെ നമ്പർ ടൈൽ ചെയ്തു.. ആ സമയം നന്ദന്റെ ചുണ്ടിൽ ഒരു പുഞ്ചിരി നിറഞ്ഞിരുന്നു.. ആദ്യം അടിച്ചു കട്ടായി രണ്ടാമത്തെ റിങ്ങിൽ ആണ് കാൾ അഭി എടുത്തത്..

എന്താ നന്ദേട്ടാ.. എവിടെ എത്തി.. ആ മോളെ.. കിടന്നില്ലേ.. ആ ഞാൻ ഉറങ്ങിയിരുന്നു.. പിന്നെ ഞാൻ പോയിട്ടില്ല.. എന്റെ കൂട്ടുകാരന്റെ കൂടെ ആണ്.. ആണോ.. അപ്പൊ അവിടെ ആണോ രാത്രി നിൽക്കുന്നെ.. ആ.. ഞാൻ രാവിലെ വരാം.. പിന്നെ.. എന്താ ഏട്ടാ.. ആലി... അവളോട് നന്ദചൻ ഒരു സമ്മാനം കൊണ്ടു വരുന്നുണ്ടെന്ന് പറഞ്ഞേക്ക്.. എന്ത് സമ്മാനം.. നീ പേടിക്കേണ്ട അഭി.. നീ കരഞ്ഞു തീർത്ത ജീവിതത്തിനു ഒരു അർത്ഥം കാണാൻ പോകുന്നു എന്ന് തോന്നുന്നു.. എല്ലാം ഞാൻ നേരിട്ട് വന്നു പറയാം.. നന്ദൻ കൂടുതൽ ഒന്നും പറയാൻ നിൽക്കാതെ വേഗം ഫോൺ കട്ടാക്കി.. സിദ്ധു കിടക്കുന്നത് നോക്കി അവൻ ചെയറിൽ ഇരുന്നു.. നന്ദൻ പറഞ്ഞ സമ്മാനത്തെ കുറിച്ച് ആലോചിക്കുകയായിരുന്നു അഭി.. നന്ദൻ എന്തായിരിക്കും ഉദ്ദേശിച്ചത് എന്ന് അവൾക്ക് മനസിലായില്ല.. സിദ്ധുവിന്റെ കാര്യം ആവില്ല എന്ന് അവൾ ഊഹിച്ചു എങ്കിലും ആലിക്ക് വേണ്ടി നന്ദൻ അത് ചെയ്യാനും മടിക്കില്ല.. അഭിയുടെ ഹൃദയം എന്തെന്നില്ലാതെ പിടഞ്ഞു.. തലയ്ക്കു നല്ല കനം തോന്നിയാണ് സിദ്ധു കണ്ണ് തുറന്നത്.. തല പൊട്ടി പിളരുന്നത് പോലെ തോന്നി അവന്..

കണ്ണുകൾ തുറക്കാൻ ആയാസപ്പെട്ട് വലിച്ചു തുറന്നു കൊണ്ടു അവൻ എഴുന്നേറ്റു ഇരുന്നു.. എവിടെ ആണെന്ന് അറിയാതെ അവൻ ചുറ്റും നോക്കി.. ആരെയും കാണാതെ അവൻ എങ്ങനെ അവിടെ എത്തി എന്ന് ഓർത്തു എടുത്തു.. രാത്രി നന്ദനോട് സംസാരിച്ചത് എല്ലാം ഓർമ വന്നതും തന്നെ നന്ദൻ ആണോ ഇവിടെ എത്തിച്ചത് എന്ന് അവന് മനസിലായി.. പക്ഷെ നന്ദനെ അവിടെ ഒന്നും കാണാത്തതു കൊണ്ടു അവൻ തന്നെ അവിടെ ആക്കി പോയി കാണും എന്ന് സിദ്ധു ഓർത്തു.. തലയ്ക്കു കൈ കൊടുത്തു സിദ്ധു ബെഡിൽ ഇരിക്കുമ്പോൾ ആണ് വാതിൽ തുറന്നു നന്ദൻ വന്നത്.. അവനെ കണ്ടതും സിദ്ധു നോക്കി.. നന്ദൻ സിദ്ധുവിനെ നോക്കി ചിരിച്ചു കൊണ്ടു കയ്യിലേക്ക് ഒരു ബോട്ടിൽ വെള്ളം കൊടുത്തു.. സിദ്ധു അത് വാങ്ങി കുടിച്ചു കൊണ്ടു വീണ്ടും നന്ദനെ നോക്കി.. നല്ല ക്ഷീണം കാണും.. ഇന്നലെ കുറച്ചു ഓവർ ആയിരുന്നു എന്ന് തോന്നുന്നു.. മ്മ്.. എന്നത്തേക്കാളും കൂടി പോയി.. സിദ്ധു നന്ദനെ നോക്കാതെ മറ്റെങ്ങോ നോക്കി പറഞ്ഞു.. നന്ദൻ എങ്ങനെ സിദ്ധുവിനോട് പറഞ്ഞു തുടങ്ങും എന്ന് മനസ്സിൽ ഓർക്കുകയായിരുന്നു.. എന്നാൽ സിദ്ധു ആകെ പരിഭ്രമത്തിൽ ആയിരുന്നു.. നന്ദൻ എന്തിന് തന്നെ സഹായിക്കണം എന്ന ആലോചന ആയിരുന്നു അവനിൽ.. പോയി ഫ്രഷ് ആയി വാ.. നമുക്ക് ചായ കുടിക്കാം..

ഇവിടെ.. എന്തിനാ.. എല്ലാം പറയാ.. നീ ആദ്യം ഫ്രഷ് ആവു.. നന്ദൻ അത് പറഞ്ഞു വീണ്ടും പുറത്തു പോയി.. സിദ്ധു ബാത്‌റൂമിൽ പോയി ഫ്രഷ് ആയി വന്നു.. നന്ദനെ അകത്തു കാണാത്തതു കൊണ്ടു അവൻ പുറത്തു ഇറങ്ങി.. നന്ദൻ സിദ്ധുവിനെ കാത്തു പുറത്തു തന്നെ നിൽക്കുന്നുണ്ടായിരുന്നു.. അവർ രണ്ടു പേരും ആ ഹോട്ടലിലെ തന്നെ ഫുഡ് കോർട്ടിൽ പോയി ചായ ഓർഡർ ചെയ്തു.. ആര് ആദ്യം സംസാരിക്കും എന്നൊരു പരുങ്ങൽ അവരിൽ ഉണ്ടായിരുന്നു.. സിദ്ധു ഫോൺ എടുത്തു ആർക്കോ വിളിച്ചു എന്തൊക്കയോ സംസാരിച്ചു.. അപ്പോളേക്കും ചായ എത്തി.. സിദ്ധാർഥ് എനിക്ക് നിന്നോട് ഒരുപാട് കാര്യങ്ങൾ പറയാൻ ഉണ്ട്.. നീ എല്ലാം വളരെ ക്ഷമയോടെ കേൾക്കണം..ഇവിടെ വേണം എന്നില്ല.. നീ പറയുന്ന സ്ഥലത്തു വച്ചു.. എന്റെ ഗസ്റ്റ്‌ ഹൗസ് ഉണ്ട്.. അവിടെ.. നന്ദൻ അത് സമ്മതിച്ചു.. അവർ ചായ കുടിച്ചു വരുമ്പോളേക്കും വിനു സിദ്ധു പറഞ്ഞത് പ്രകാരം അവന്റെ ഡ്രസ്സ്‌ എല്ലാം കൊണ്ടു വന്നു കൊടുത്തു.. നന്ദന്റെ കയ്യിൽ അവന്റെ ഡ്രസ്സ്‌ എല്ലാം ഉള്ളത് കൊണ്ടും രണ്ടു പേരും അവിടെ നിന്നും റെഡി ആയി സിദ്ധുവിന്റെ ഗസ്റ്റ് ഹസിലേക്ക് പുറപ്പെട്ടു..

സിദ്ധു വിന്റെ മുന്നിൽ ഇരിക്കുമ്പോൾ നന്ദൻ എവിടെ നിന്നും പറഞ്ഞു തുടങ്ങണം എന്ന് അറിയില്ലായിരുന്നു.. ഇനി പറയാൻ പോകുന്ന ഓരോ കാര്യവും സിദ്ധുവിന്റെ ജീവിതം മാറ്റി മറിക്കാൻ പോകുന്നത് ആണെന്ന് നന്ദന് അറിയാമായിരുന്നു.. എന്നാൽ നന്ദൻ പറയാൻ പോകുന്നത് എന്താണെന്നു അറിയാതെ സിദ്ധു അക്ഷമയോടെ ഇരുന്നു.. അഭിയെ കുറിച്ച് ആവു എന്നൊരു ദാരണയും അവനിൽ ഉണ്ടായിരുന്നു.. ഞാൻ ഇനി പറയാൻ പോകുന്നത് അഭി അറിയരുത്.. അവളുടെ വാക്ക് തെറ്റിച്ചു കൊണ്ടാണ് ഞാൻ എല്ലാം പറയുന്നത്.. കാരണം നിനക്ക് മറ്റൊരു കുടുംബം ഇല്ലെന്നു അറിഞ്ഞത് കൊണ്ടു മാത്രം.. സിദ്ധു നന്ദനെ തന്നെ നോക്കി ഇരുന്നു.. അവനിൽ നിന്നും വാരാൻ പോകുന്നത് തനിക്കു അത്രയും പ്രിയപ്പെട്ട കാര്യം ആവണേ എന്ന പ്രാർത്ഥനയിൽ.. നീ അന്ന് നാട്ടിൽ നിന്നും പൊന്ന അന്ന് മുതൽ അഭി കഴിഞ്ഞത്.. അവൾ പിന്നെ ചിരിച്ചിട്ടില്ല.. ആ മുറിയിൽ തന്നെ.. നിന്നെ മാത്രം ഓർത്തു.. നീ അവളെ ചതിച്ചു എന്ന് വിശ്വസിക്കാൻ കഴിയാതെ നീ ഒരിക്കൽ തേടി വരും എന്ന വിശ്വവാസത്തിൽ അവൾ കഴിഞ്ഞു..

ഞാൻ അവളെ ചതിച്ചിട്ടില്ല.. എന്റെ സാഹചര്യം അങ്ങനെ ആയി പോയി.. പക്ഷെ നിനക്ക് അവളോട്‌ പറയാമായിരുന്നു.. എങ്കിൽ ഇത്രയും ദുഖം അവൾ അനുഭവിക്കേണ്ടി വരില്ലായിരുന്നു.. ഞാൻ.. സിദ്ധു ആ രാത്രി ഓർത്തെടുക്കാൻ ശ്രമിച്ചു കൊണ്ടു പറഞ്ഞു തുടങ്ങി.. നേരം വെളുക്കാൻ സമയം ആയപ്പോൾ ആണ് അമ്മയുടെ കാൾ വന്നത്.. അമ്മയുടെ കരയുന്ന ശബ്ദവും അമ്മ കരഞ്ഞു കൊണ്ടു പറഞ്ഞത് എല്ലാം കേട്ടപ്പോൾ എനിക്ക് എന്ത് ചെയ്യണം എന്ന് അറിയാതെ.. അമ്മ വിളിച്ചു പറഞ്ഞത് അച്ഛന്റെ മരണവാർത്തയായിരുന്നു.. സിദ്ധു പറഞ്ഞത് കേട്ട് നന്ദൻ ഞെട്ടി.. ഇത്രയും നാൾ അഭിയെ ചതിച്ചു നാട് വിട്ടു പോയ സിദ്ധാർഥ് അല്ല അവന് മുന്നിൽ എന്ന് നന്ദൻ മനസിലാക്കി.. അവനിൽ ആരും അറിയാത്ത സങ്കടങ്ങൾ ഒളിഞ്ഞു ഇരിപ്പുണ്ട്.. അനന്ദുവിനോട് പറയാം എന്ന് കരുതി എങ്കിലും അവർക്ക് ഞാൻ കാരണം ഒരു ബുദ്ധിമുട്ട് വേണ്ടെന്ന് തോന്നി.. ആ രാത്രി ഞാൻ ആ വീട്ടിൽ നിന്നും ഇറങ്ങുമ്പോൾ അവസമായി ഞാൻ ഒരിക്കൽ കൂടെ ആമിയെ കാണാൻ അവളുടെ മുറിയിൽ പോയിരുന്നു.. ഉറങ്ങി കിടക്കുന്ന അവളുടെ നെറ്റിയിൽ ചുംബിച്ചു തിരിച്ചു വരും എന്ന് വാക്ക് നൽകിയാണ് ഞാൻ അവിടെ നിന്നും ഇറങ്ങിയത്.. പക്ഷെ എനിക്ക് അത് പാലിക്കാൻ കഴിഞ്ഞില്ല.. സിദ്ധു അവനെ കേൾക്കാൻ നന്ദൻ തയ്യാറായിരുന്നു..സംസാരിക്കുമ്പോൾ അവന്റെ ശബ്ദത്തിലെ ഇടർച്ച നന്ദൻ ശ്രദ്ധിച്ചു..

ഉള്ളിലെ സങ്കടം മറച്ചു പിടിച്ചു കൊണ്ടാണ് സിദ്ധു എല്ലാം പറയുന്നത്.. നന്ദനോട് എങ്കിലും എല്ലാം പറഞ്ഞാൽ ആശ്വാസം കിട്ടും എന്ന് സിദ്ധുവിനു തോന്നി.. പക്ഷെ അഭിയുടെ ഭർത്താവ് ആണ് മുന്നിൽ എന്ന ഒരു പേടിയും അവനിൽ ഉണ്ടായിരുന്നു.. താൻ കാരണം അവരുടെ ജീവിതത്തിൽ ഒന്നും സംഭവിക്കരുത് എന്ന പ്രാർത്ഥനയും.. അന്ന് ഈവെനിംഗ് ഞാൻ അച്ഛന്റെ സംസ്കാരത്തിനു വേണ്ടി യു എസിലേക്ക് പോയി.. പിന്നീട് നാട്ടിൽ വന്നത് ഒരു മാസത്തോളം കഴിഞ്ഞു ആണ്.. അവിടുത്തെ എല്ലാം ക്ലോസ് ചെയ്തു ബാധ്യതകൾ എല്ലാം തീർത്തു പെട്ടന്ന് വാരാൻ കഴിഞ്ഞില്ല..പക്ഷെ നാട്ടിൽ എത്തിയ അന്ന് രാത്രി തന്നെ ഞാൻ ആമിയെ കാണാൻ പുറപ്പെട്ടു.. പക്ഷെ വിധി അവിടെ വീണ്ടും വില്ലൻ ആയി.. സിദ്ധു അത്രയും പറഞ്ഞു കൊണ്ടു മുഖം പൊത്തി ഇരുന്നു..നന്ദൻ എന്ത് പറയണം എന്ന അറിയാതെ അതെ ഇരുപ്പ് തുടർന്നു.. അവനെ ആശ്വസിപ്പിക്കാൻ തനിക്കു കഴിയില്ല എന്ന് നന്ദൻ മനസ്സിലാക്കി.. ആമിയെ കാണാൻ.. എത്രയും പെട്ടന്ന് അവളുടെ അരികിൽ എത്താൻ വേണ്ടി കാറിന്റെ സ്പീഡിൽ കാൽ അമർത്തി പിടിച്ചു..

അവളുടെ ഓർമകളിൽ മനസ്സ് മുഴുകിയപ്പോൾ എതിരെ വരുന്ന ലോറി ഞാൻ കണ്ടില്ല.. പിന്നെ എനിക്ക് ഒന്നും ഓർമ ഇല്ല.. ദേഹം നുറുങ്ങുന്ന വേദനയിൽ പിടയുമ്പോളും എന്റെ ആമി.. അവൾ മാത്രം ആയിരുന്നു എന്റെ കണ്ണിൽ.. അത്രയും പറഞ്ഞു കഴിഞ്ഞു സിദ്ധു എഴുനേറ്റു അകത്തു പോയി..നന്ദൻ കേട്ടത് എല്ലാം വിശ്വാസം വരാതെ ഇത്രയും നാൾ താൻ ശപിച്ചു കൊണ്ടു ഇരുന്ന അവനിൽ ഇങ്ങനെ ഒരു കഥ ഉള്ളത് അറിയാതെ.. നന്ദന് സ്വയം ദേഷ്യം തോന്നി.. ഒരിക്കൽ എങ്കിലും അവനെ കാണാൻ പോയിരുന്നു എങ്കിൽ.. ഒരു പക്ഷെ എല്ലാം എന്നെ ശരിയാവുമായിരുന്നു.. സിദ്ധു കയ്യിൽ സിഗരറ്റ്മായി വീണ്ടും വന്നു.. അത് വലിച്ചു കൊണ്ടു അവൻ നന്ദനെ നോക്കി.. സിദ്ധാർഥ്.. സോറി.. എന്തിന്.. നഷ്ടം എനിക്ക് മാത്രം ആണ്.. ആമി.. ആ നഷ്ടം നികത്താൻ ഇനി കഴിയില്ലല്ലോ.. ആര് പറഞ്ഞു കഴിയില്ല എന്ന്.. സ്വന്തം ഭാര്യയെ വിട്ടു തരാൻ ഒരു ഭർത്താവും തയ്യാറാവില്ല.. പ്രതേകിച്ചു എന്റെ ആമിയെ പോലെ ഒരു പെണ്ണിനെ.. അതിന് ആമി ആരുടേയും ഭാര്യ അല്ല.. അവൾ ഇന്നു നിന്റെ പ്രണയത്തിന്റെ ഓർമയിൽ ജീവിക്കുന്ന പെണ്ണാണ്...

സിദ്ധു ഞെട്ടി തിരിഞ്ഞു നന്ദനെ നോക്കി.. അവന്റെ മനസ്സിൽ അപ്പോൾ സന്തോഷിക്കണോ പൊട്ടി കരയണോ എന്ന് അറിയാൻ കഴിയാത്ത അവസ്ഥയായിരുന്നു.. പക്ഷെ അവൾക്ക് കൂട്ടിന് നിന്റെ പ്രണയം മാത്രം അല്ല.. നീ നൽകിയ ആ പ്രണയത്തിന്റെ സമ്മാനം കൂടെ ഉണ്ട്.. സിദ്ധു മനസ്സിലാവാത്തത് പോലെ നന്ദനെ പുരികം ചുളിച്ചു നോക്കി.. അടുത്ത നിമിഷം പറയാൻ പോകുന്നത് കേട്ട് സിദ്ധു എങ്ങനെ പ്രതികരിക്കും എന്നൊരു പേടി നന്ദനിൽ ഉണ്ടായിരുന്നു.. നീ അവൾക്ക് നൽകിയ നിന്റെ പ്രണയത്തിന്റെ അടയാളം.. നിന്റെചോരയിൽ പിറന്ന കുഞ്ഞ്.. സിദ്ധു ഞെട്ടി തരിച്ചു എഴുനേറ്റു നിന്നു.. കേട്ടത് വിശ്വാസം വരാതെ അവൻ ആകെ ഷോക്ക് ആയി.. തനിക്കു ഒരു കുഞ്ഞു ഉണ്ടെന്നു അറിഞ്ഞപ്പോൾ അവനിൽ ഉണ്ടായ മാറ്റത്തെ നോക്കി കാണുകയായിരുന്നു നന്ദൻ.. സിദ്ധു നടന്നു നന്ദന്റെ അടുത്ത് വന്നു.. നന്ദൻ എഴുനേറ്റു നിന്നതും സിദ്ധു അവന്റെ കയ്യിൽ പിടിച്ചു.. എന്താ പറഞ്ഞത്.. എനിക്ക്.. അതെ സിദ്ധാർഥ്.. നിനക്ക് ഒരു മോൾ ഉണ്ട്.. സിദ്ധു തലയ്ക്കു കൈ കൊടുത്തു സോഫയിൽ ഇരുന്നു.. നന്ദൻ അവന്റെ തോളിൽ കൈ വച്ചു ആശ്വസിപ്പിച്ചു.. കേട്ടത് സത്യം ആണോ എന്ന് പോലും അറിയാതെ സിദ്ധു കുഴഞ്ഞു.. അഭി ഇക്കഴിഞ്ഞ നാല് വർഷം ജീവിച്ചത് തന്നെ അവൾക്ക് വേണ്ടിയാണ്.. അല്ലെങ്കിൽ അവൾ എന്നെ ജീവൻ കളഞ്ഞിരുന്നു..

സിദ്ധു വേഗത്തിൽ എഴുനേറ്റു.. അവന്റെ കണ്ണുകൾ നിറഞ്ഞിരുന്നു.. മുഖത്തു പറഞ്ഞറിയിക്കാൻ കഴിയാത്ത ഭാവം ആയിരുന്നു.. പ്ലീസ്.. എനിക്ക്.. എനിക്ക് എന്റെ മോളെ കാണണം.. പ്ലീസ്.. കാണാം.. പക്ഷെ.. അഭി.. എനിക്ക് ഒന്നും അറിയില്ല.. പ്ലീസ് എനിക്ക് എന്റെ മോളെ ഒന്നു കണ്ടാൽ മാത്രം മതി.. പ്ലീസ്.. ഒരു അച്ഛന്റെ വേദന നിറഞ്ഞ വാക്കുകൾ നന്ദനിൽ അത്രയും സങ്കടം നിറച്ചു.. നന്ദൻ അവന്റെ കയ്യിൽ പിടിച്ചു.. പോകാം എന്ന് തല കൊണ്ടു കാണിച്ചു.. ആ നിമിഷം തന്നെ അവർ പുറപ്പെട്ടു.. കാർ വളരെ സ്പീഡിൽ ആയിരുന്നു സിദ്ധു ഓടിച്ചത്.. അത് അവനിൽ ആലിയെ കാണാൻ ഉള്ള കൊതി കൊണ്ടാണ് എന്ന് നന്ദന് അറിയാമായിരുന്നു.. ആലി സ്കൂളിൽ ആയിരിക്കും എന്നുള്ളത് കൊണ്ടു തന്നെ അവർ സ്കൂൾ ലക്ഷ്യം വച്ചാണ് പോയത്.. സ്കൂളിന് മുന്നിൽ കാർ നിർത്തി വേഗത്തിൽ ഇറങ്ങാൻ തുടങ്ങിയ സിദ്ധുവിന്റെ കൈകളിൽ നന്ദൻ പിടിച്ചു.. സിദ്ധു എന്താ എന്ന ഭാവത്തിൽ അവനെ നോക്കി.. അഭി.. അവൾക്ക് ഞാൻ നൽകിയ വാക്ക് തെറ്റിച്ചു കൊണ്ടാണ് ഈ കൂടിക്കഴ്ച.. എനിക്ക് ഇപ്പൊ ഒന്നും കേൾക്കേണ്ട..

എന്റെ മോളെ കാണണം.. ആ വാക്കുകളിൽ ഒരു അച്ഛന്റെ ദര്ശണ്യവും അധികാരവും ഉണ്ടായിരുന്നു.. നന്ദന്റെ കൂടെ ആലിയുടെ ക്ലാസ് മുറിയിലേക്ക് നടക്കുമ്പോൾ സിദ്ധാർഥന്റെ ഹൃദയം വല്ലാതെ പിടഞ്ഞു.. താനും ഒരു അച്ഛൻ ആയിരിക്കുന്നു..ജനലിലൂടെ ഓരോ കുഞ്ഞു മുഖങ്ങളിലേക്കും അവൻ ആകാംഷയോടെ നോക്കി.. ഒടുവിൽ നന്ദൻ മിസ്സിനോട് എന്തോ സംസാരിക്കുന്നത് അവൻ കണ്ടു.. വേഗം തന്നെ അവിടേക്ക് പോയി.. ആയില്യ.. മിസ്സ്‌ അകത്തേക്ക് നോക്കി വിളിച്ചതും സിദ്ധു പിടയുന്ന ഹൃദയത്തോടെ പറഞ്ഞറിയിക്കാൻ കഴിയാത്ത വികാരത്തോടെ ഉള്ളിലെക്ക് ഉറ്റുനോക്കി.. ആലി നന്ദനെ കണ്ടതും ചിരിച്ചു കൊണ്ടു ഓടി വന്നു.. ഓടി വരുന്ന ആലിയെ കണ്ടതും സിദ്ധു ഇമ വെട്ടാൻ പോലും മറന്നു പോയി.. ആലി ഓടി വന്നതും നന്ദൻ അവളെ കോരി എടുത്തു.. അവൾ നന്ദന്റെ കവിളിൽ ഉമ്മ വച്ചു തിരിഞ്ഞതും പുറകിൽ നിൽക്കുന്ന സിദ്ധുവിനെ കണ്ടു കുഞ്ഞി കണ്ണുകൾ അവനെ സൂക്ഷ്മം നോക്കി.. അത്രയും നിമിഷം ശ്വാസം പോലും എടുക്കാൻ മറന്ന സിദ്ധു ആലിയെ നന്ദന്റെ കയ്യിൽ നിന്നും എടുത്തു.. അവനോട് പോകാൻ മടിച്ച ആലിയെ അവൻ ഇറുക്കി പിടിച്ചു.. കരയാൻ തുടങ്ങിയ ആലിയുടെ കുഞ്ഞു മുഖത്തു അവൻ ചുംബനം കൊണ്ടു മൂടുമ്പോൾ അവന്റെ കണ്ണുകളും നിറഞ്ഞിരുന്നു.. ആ കാഴ്ച കണ്ടു നിന്ന നന്ദനും കണ്ണുകൾ തുടച്ചു......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...