💙എൻ ജീവനിൽ💙 ഭാഗം 16

രചന: ആമി

സിദ്ധുവിന്റെ പ്രവർത്തികൾ കണ്ടു ആലി കരയാൻ തുടങ്ങി.. എന്നാൽ സിദ്ധു അതൊന്നും ശ്രദ്ധിക്കാതെ അവളെ ചുംബനം കൊണ്ടു മൂടുകയായിരുന്നു.. അവളിലെ പിടി മുറുകി കൊണ്ടേ ഇരുന്നു.. അവനിലെ അച്ഛന്റെ സ്വാർത്ഥത അവിടെ നന്ദൻ കണ്ടു.. ആലി ഉറക്കെ കരഞ്ഞതും നന്ദൻ സിദ്ധുവിൽ നിന്നും ആലിയെ വാങ്ങി.. സിദ്ധു ഒട്ടും മനസ്സില്ലാതെ അവളെ നന്ദന് കൈ മാറി.. നന്ദൻ മിസ്സിനോട് പറഞ്ഞു ആലിയുടെ ബാഗ് എടുത്തു വന്നു.. അത്രയും സമയം ആലിയുടെ കണ്ണുകൾ സിദ്ധുവിൽ തന്നെ ആയിരുന്നു.. സിദ്ധുവും അവളെ തന്നെ നോക്കി നിൽക്കുകയായിരുന്നു.. നന്ദന്റെ തോളിൽ കിടന്നു ആലി അവനെ നോക്കി ചെറുതായി ചിരിച്ചു.. സിദ്ധുവിന്റെ കണ്ണിലെ സങ്കടം ആലി കണ്ടതിനാൽ ആവാം ആലിക്ക് സിദ്ധുവിനോട് എന്തോ സ്നേഹം തോന്നി.. കാറിൽ നന്ദന്റെ കൂടെ ഇരിക്കുമ്പോൾ ആലിക്ക് ഒന്നും മനസ്സിലായില്ല.. അവൾ നന്ദനെ നോക്കി.. അതിന്റെ അർത്ഥം മനസ്സിലായത് പോലെ നന്ദൻ അവളെ നോക്കി കണ്ണിറുക്കി കാണിച്ചു..

സിദ്ധു ഡ്രൈവ് ചെയ്യുമ്പോൾ എല്ലാം ആലിയെ തന്നെ ആയിരുന്നു നോക്കിയത്.. ആലിയോട് ഉള്ള അവന്റെ സ്നേഹവും വാത്സല്യവും ആ നോട്ടത്തിൽ നിന്നും തന്നെ നന്ദൻ വായിച്ചെടുത്തു.. തന്നെ നോക്കി ഇരിക്കുന്ന സിദ്ധുവിനെ ഇടയ്ക്ക് ആലിയും ഒളികണ്ണിട്ട് നോക്കും.. അവന്റെ നോട്ടം തന്നിൽ ആണെന്ന് അറിയുന്ന നിമിഷം അവൾ നോട്ടം മാറ്റും.. ആലിയുടെ ആ പ്രവർത്തികൾ കണ്ടു സിദ്ധുവിനു ചിരിയും ഒപ്പം സ്നേഹവും തോന്നി.. അവർ നേരെ പോയത് സിദ്ധുവിന്റെ ഗസ്റ്റ് ഹൌസിലേക്ക് ആയിരുന്നു.. അവിടെ എത്തിയതും ആ വലിയ വീട് കണ്ടു ആലി ചുറ്റും നോക്കി.. അകത്തു കയറിയതും സിദ്ധു ആലിയുടെ നേരെ കൈകൾ നീട്ടി.. പക്ഷെ ആലി നന്ദന്റെ നെഞ്ചിൽ ചുരുണ്ടു.. ആ കാഴ്ച സിദ്ധുവിനു വേദന നൽകി.. തന്റെ സ്നേഹം അറിഞ്ഞു കൊഞ്ചൽ കേട്ട് വാത്സല്യം നുകർന്നു കഴിയണ്ട തന്റെ മകൾ.. അവന്റെ ഹൃദയം വേദനയാൽ നീറി.. നന്ദൻ ആലിയെ കൊണ്ടു സോഫയിൽ ഇരുന്നു.. അവരിൽ നിന്നും കുറച്ചു മാറി സിദ്ധുവും..

നന്ദൻ ആലിയോട് അവളുടെ അച്ഛനെ കുറിച്ച് പറയാൻ തീരുമാനിച്ചു.. അവൾ ഏറ്റവും കൂടുതൽ കാണാൻ ആഗ്രഹിച്ച ആൾ ആണ് മുന്നിൽ ഉള്ളതെന്ന് നന്ദൻ പറയാൻ ഉറച്ചു.. ആലി.. നന്ദചൻ ഒരു കാര്യം പറയട്ടെ.. മോൾക്ക് ഒരു സമ്മാനം താരാ എന്ന് പറഞ്ഞില്ലേ.. അത് കൊണ്ടു വന്നിട്ടുണ്ട്.. എന്ത് ഷമ്മാനം ആണ് നന്ദച്ചാ.. അതാരാണെന്ന് മനസ്സിലായോ.. സിദ്ധുവിനു നേരെ വിരൽ ചൂണ്ടി നന്ദൻ ചോദിച്ചു.. ആലി തല കുലുക്കി ഇല്ല എന്ന് കാണിച്ചു.. അത് കണ്ടതും സിദ്ധു ദയനീയമായി നന്ദനെ നോക്കി.. സ്വന്തം അച്ഛനെ അറിയാത്തവൾ ആയി തന്റെ കുഞ്ഞ്.. ഇതാണ് മോള് എപ്പോളും കാണണം എന്ന് പറയാറുള്ള മോള് ഏറ്റവും കൂടുതൽ സ്നേഹിക്കുന്ന എന്റെ ആലി മോൾടെ അച്ഛൻ... അത് പറഞ്ഞു കഴിഞ്ഞതും ആലിയുടെ കണ്ണുകൾ വിടർന്നു.. അത് നേരെ പോയത് സിദ്ധുവിനു നേരെ ആയിരുന്നു.. ആ നിമിഷം അവൾ ചിരിച്ചു കൊണ്ടു സോഫയിൽ നിന്നും ഇറങ്ങി സിദ്ധുവിന്റെ അരികിലേക്ക് ഓടി.. സിദ്ധു അവളെ കോരി എടുത്തു.. ഒരിക്കലും വിട്ടു കൊടുക്കില്ല എന്ന് പറയും പോലെ അവളെ നെഞ്ചോടു ചേർത്തു..

അച്ഛാ എന്താ മോളെ കാണാൻ വരന്നേ.. മോൾക്ക്‌ ശങ്കടായി.. ഇനി മോളെ വിട്ടു അച്ഛൻ എവിടെയും പോവില്ല.. മോൾടെ കൂടെ തന്നെ എപ്പളും ഉണ്ടാവും... ആലിയുടെ കുഞ്ഞു പരിഭവങ്ങളും സന്തോഷവും കണ്ടു നന്ദന്റെ മനസ്സ് നിറഞ്ഞു.. ആ കുഞ്ഞിന് താൻ ചെയ്ത ഏറ്റവും വലിയ പുണ്യം അത് അവളുടെ അച്ഛനെ നൽകിയത് തന്നെ ആയിരിക്കും.. എന്നാൽ അടുത്ത നിമിഷം നന്ദന്റെ മനസ്സിലേക്ക് അഭിയുടെ മുഖം ഓർമ വന്നു.. അഭി എങ്ങനെ പ്രതികരിക്കും എന്നൊരു പേടി അവനിൽ ഉണ്ടായിരുന്നു.. സിദ്ധുവും ആലിയും അവരുടെ ലോകത്തു ആയിരുന്നു.. ആ സമയം എല്ലാം സിദ്ധു അബിയെയും ഓർത്തു.. ആലിക്ക് വേണ്ടി അവൾ എത്ര മാത്രം വേദന സഹിക്കേണ്ടി വന്നിട്ടുണ്ടാകും എന്ന് ഓർത്തപ്പോൾ അവന്റെ മനസ്സിൽ അഭിയോട് കരുണ തോന്നി.. അവളെ കാണാനും എല്ലാം പറഞ്ഞു അവളെ തന്റെ ജീവിതത്തിലേക്ക് കൂട്ടാനും തന്നെ ആ നിമിഷം തന്നെ അവൻ ആഗ്രഹിച്ചു.. സിദ്ധാർഥ്.. അഭി എന്റെ കുഞ്ഞു അനിയത്തിയാണ്.. അവൾ ഈ ലോകത്തു ആരെയെങ്കിലും വിശ്വസിക്കുന്നുണ്ട് എങ്കിൽ അത് എന്നെ മാത്രം ആയിരിക്കും..

ആ വിശ്വാസം അത് പെട്ടന്ന് കളയാൻ എനിക്ക് കഴിയില്ല.. ഞാൻ സംസാരിക്ക ആമിയോട്.. എല്ലാം പറഞ്ഞു കഴിഞ്ഞാൽ അവൾ എന്നെ മനസ്സിലാക്കും.. ഉറപ്പ് ഇല്ല.. കാരണം അവൾ അത്രയും അനുഭവിച്ചിട്ടുണ്ട്.. ഒരു ദിവസം രാത്രി എന്റെ വീടിന്റെ കതകിൽ വന്നു മുട്ടി എന്നെയും കുഞ്ഞിനേയും രക്ഷിക്കണം എന്ന് പറഞ്ഞു കരഞ്ഞ ഒരു പതിനേഴുകരി.. പിന്നീട് അവൾക്കു എല്ലാം നഷ്ടം ആയി.. കുടുംബം സ്വന്തം ബന്ധം എല്ലാം.. ഗർഭിണി ആണെന്ന് അറിഞ്ഞ നിമിഷം നിന്നെ കാണാൻ പുറപ്പെട്ട അവൾ എന്നെ തടഞ്ഞു.. തന്നെ വേണ്ടാത്ത ഒരാളെ പോയി കാണണ്ട പറഞ്ഞു.. അവളെ ഞാൻ സുരക്ഷിതമായ് ഒരിടത്തേക്ക് മാറ്റി.. അവളുടെ ഗർഭകാലം അവൾ കരഞ്ഞു തീർത്തു.. ഒരു സ്ത്രീയുടെ ജീവിതത്തിൽ ഏറ്റവും സന്തോഷം അവൾ അമ്മയാവുമ്പോൾ ആയിരിക്കും.. പക്ഷെ എന്റെ അഭി.. അവൾ ഉരുകി ഉരുകി.. നിന്നെ മാത്രം ഓർത്തു നിന്റെ പ്രണയത്തിന്റെ ഓർമയിൽ മാത്രം ജീവിച്ചു.. ഒടുവിൽ ആലി അവളുടെ ജീവിതത്തിൽ വന്നപ്പോൾ അവൾ കരച്ചിൽ നിർത്തി.. ആലിയുടെ ചിരിയിൽ അവൾ ലോകം കണ്ടെത്തി..

സ്വന്തം ആയി ജീവിക്കണം എന്ന് പറഞ്ഞു ജോലിയും ഒപ്പം പഠിത്തവും കൊണ്ടു പോയി.. നന്ദൻ പറയുന്നത് എല്ലാം കേട്ട് സിദ്ധു തകർന്നു പോയി.. താൻ കാരണം അഭി ഇത്രയും അനുഭാവിച്ചല്ലോ എന്നോർത്തപ്പോൾ അവന് അവനോടു തന്നെ ദേഷ്യം തോന്നി.. മടിയിൽ ഇരിക്കുന്ന ആലിയെ ഒന്നു കൂടെ ഇറുക്കി പിടിച്ചു സിദ്ധു.. നമ്മൾ തമ്മിൽ കണ്ടിട്ടില്ല.. പക്ഷെ ഞാൻ നിന്നെ കണ്ടിട്ടുണ്ട്.. അനന്ദുവിന്റെ കൂടെ.. നിങ്ങൾ തമ്മിൽ പ്രണയം ആയിരുന്നു എന്ന് അറിയില്ലായിരുന്നു.. അഭിയുടെ ചേച്ചിയുടെയും എന്റെയും വിവാഹം ഉറപ്പിച്ചിരുന്നു.. അത് കൊണ്ടു ഞങ്ങൾക്ക് വേണ്ടി കത്തുകളും മറ്റും കൊണ്ടു കൊടുക്കുന്നത് അഭി ആയിരുന്നു.. അഭിക്ക് മാത്രമേ അറിയൂ ഞങ്ങൾ തമ്മിൽ പ്രണയത്തിൽ ആണെന്ന്.. അങ്ങനെ അവൾ ഇടയ്ക്ക് ഇടയ്ക്ക് എന്റെ വീട്ടിൽ വരുന്നത് പലരും കണ്ടിരുന്നു.. അവളെയും കൊണ്ടു ഞാൻ ആ നാട്ടിൽ നിന്നും പോരുമ്പോൾ ഞങ്ങളുടെ കൂടെ ഒരു വാർത്തയും അവിടെ പരന്നിരുന്നു.. ചേച്ചിയുടെ ചെക്കന്റെ കൂടെ അനിയത്തി ഒളിച്ചോടി എന്ന്..

താൻ കാരണം എത്ര പേര് സങ്കടപ്പെട്ട് എന്നാലോചിച്ചു സിദ്ധു തല താഴ്ത്തി ഇരുന്നു.. അവന്റെ മനസ്സ് കുറ്റബോധം കൊണ്ടു നീറി.. അവളുടെ വീട്ടുകാർക്ക് മാത്രമേ അവൾ ഗർഭിണി ആണെന്ന് അറിയുള്ളു.. അവരുടെ മുന്നിൽ അവളുടെ കുഞ്ഞിന്റെ അച്ഛൻ ഞാനും ആയി.. അങ്ങനെ ഞാൻ അവിടെ നിന്നും മാറി.. അഭിയെ ദൂരെ ഇവിടെകൊണ്ടു വന്നാക്കി.. അത്രയും ചെറിയ പ്രായത്തിൽ ഇത്രയും വേദന സഹിച്ച എന്റെ കുഞ്ഞിനെ ഇനിയും വിഷമിപ്പിക്കാൻ എനിക്ക് കഴിയില്ല സിദ്ധാർഥ്.. അത് എന്റെ സ്വാർത്ഥത തന്നെ ആണ്.. സിദ്ധു ആലിയെ എടുത്തു കൊണ്ടു നന്ദന്റെ അടുത്തേക്ക് നീങ്ങി.. നന്ദന്റെ കൈകൾ കൂട്ടി പിടിച്ചു സിദ്ധു മാപ്പ് പറഞ്ഞു.. എന്നോട് ക്ഷമിക്കണം.. എല്ലാം ഞാൻ ഒരാൾ കാരണം.. ഒരിക്കലും അല്ല സിദ്ധാർഥ് ഇത് വിധിയാണ്.. മാത്രം അല്ല ഇതിൽ നിന്റെ തെറ്റ്‌ എവിടെയാണ്.. ഞങ്ങൾ സങ്കടപ്പെട്ടു ഇരിക്കുമ്പോൾ നീയും മറ്റൊരു ദുഃഖത്തിൽ ആയിരുന്നു.. അത് ഞങ്ങൾ അറിഞ്ഞില്ല.. പക്ഷെ എനിക്ക് ഇപ്പൊ സങ്കടം തോന്നുന്നത് മറ്റൊരു കാര്യം ഓർത്തു ആണ്.. സിദ്ധു എന്താ എന്ന ഭാവത്തിൽ നന്ദനെ നോക്കി.. നന്ദൻ അവന്റെ തോളിൽ പിടിച്ചു.. നിന്നെ കാണാൻ ഒരിക്കൽ ഞാൻ നിന്റെ വീട് അന്വേഷിച്ചു വന്നിരുന്നു.. അഭി ഗർഭിണിയായിരിക്കുമ്പോൾ..

അവളോട് പോലും പറയാതെ.. അന്നായിരുന്നു നിന്റെ എൻഗേജ്മെന്റ്.. അത് അറിഞ്ഞപ്പോൾ നിന്നോട് ഒന്നും പറയാൻ നില്കാതെ ഞാൻ തിരിച്ചു പോന്നു.. അഭിയോട് പിന്നെ എല്ലാം പറഞ്ഞത് ആലി ജനിച്ചിട്ട് ആണ്.. അന്ന് ഞാൻ കരുതി നിനക്ക് മറ്റൊരു കുടുംബം ആയി എന്ന്.. എൻഗേജ്മെന്റ് നടത്തി.. പക്ഷെ എന്റെ അറിവോടെയോ സമ്മതത്തോടെയോ അല്ല.. മാത്രം അല്ല ആ ഫങ്ക്ഷന് ഞാൻ ഉണ്ടായിരുന്നില്ല.. അമ്മയാണ് എല്ലാം ചെയ്തത്.. കഴിഞ്ഞത് കഴിഞ്ഞു.. ഇനി എന്താ.. നന്ദൻ ആലിയെ നോക്കി ചോദിച്ചു.. ആലി സിദ്ധുവിന്റെ തോളിൽ കിടന്നു അവരുടെ സംസാരം കേട്ട് ഇരിക്കുകയായിരുന്നു.. സിദ്ധു ഒരു ചിരിയോടെ അവളെ സോഫയിൽ ഇരുത്തി അവൾക്കു മുന്നിൽ മുട്ട് കുത്തി ഇരുന്നു.. അച്ഛാ ഒരു കാര്യം പറഞ്ഞാൽ മോള് കേൾക്കുമോ.. ആ.. ആലി തലയാട്ടി സമ്മതിച്ചു.. സിദ്ധു എന്താണ് പറയുന്നത് എന്ന് കേൾക്കാൻ നന്ദനും കാതോർത്തു.. മോള് അച്ഛനെ കണ്ട കാര്യം അമ്മയോട് പറയരുത്.. ആലി അതെന്താ എന്ന ഭാവത്തിൽ അവനെ നോക്കി.. അവളുടെ കുഞ്ഞി കണ്ണിലെ സംശയം സിദ്ധു കണ്ടിരുന്നു..

അത് എന്താ ന്നറിയോ അച്ഛൻ കുറെ ദിവസം ആയില്ലേ വന്നിട്ട്.. അതോണ്ട് അമ്മ അച്ഛനോട് പിണങ്ങിയിരിക്ക.. നമുക്ക് അമ്മയുടെ പിണക്കം മാറ്റണ്ടേ.. അതോണ്ട് മോള് അച്ഛനെ കണ്ടെന്നു അമ്മയോട് പറയല്ലേ.. അമ്മേടെ പിനക്കം മാറ്റാൻ അല്ലെ.. ഞാൻ പറയൂല അച്ഛാ.. സിദ്ധു അവളുടെ കവിളിൽ ചുംബിച്ചു കൊണ്ടു എഴുനേറ്റു നിന്നു നന്ദന് നേരെ തിരിഞ്ഞു.. ആമി തല്ക്കാലം ഒന്നും അറിയണ്ട.. ഞാൻ തന്നെ പതിയെ എല്ലാം അവളോട് പറഞ്ഞോളാം.. അതിന് ഒരു വഴിയേ ഉള്ളു.. അവൾ വീണ്ടും ഓഫീസിൽ വന്നു തുടങ്ങണം.. അത്.. ഞാൻ.. ഞാൻ പറയാം.. പിന്നെ നന്ദേട്ടൻ കൂടെ പറഞ്ഞാൽ അവൾ കേൾക്കും.. നന്ദൻ സിദ്ധുവിന്റെ തോളിൽ തട്ടി.. എല്ലാം കഴിഞ്ഞു എന്ന തന്റെ ജീവിതത്തിലേക്ക് വീണ്ടും വെളിച്ചം വീശിയത് നന്ദൻ ആണ്.. അതിന്റെ നന്ദി എന്നോണം സിദ്ധു നന്ദനെ കെട്ടിപിടിച്ചു.. നന്ദനും തന്റെ അഭിയുടെ ജീവിതത്തിൽ സന്തോഷം വന്നല്ലോ എന്ന ആശ്വാസത്തിൽ അവന്റെ പുറത്തു തട്ടി.. അത് കണ്ടു ആലി കുടു കൂടെ ചിരിച്ചു... അന്ന് മുഴുവൻ സിദ്ധു ആലിയെ കൊണ്ടു ടൗണിൽ കറങ്ങി..

അവൾക്ക് കഴിക്കാൻ വേണ്ടത് എല്ലാം വാങ്ങി കൊടുത്തു.. എന്ത് നൽകിയിട്ടും അവൻ തൃപ്തി ആയില്ല.. എല്ലാം കണ്ടു നന്ദന്റെ മനസ്സ് നിറഞ്ഞു.. അവർ അച്ഛന്റെയും മോളുടെയും കളിയും ചിരിയും കുറുമ്പും എല്ലാം നോക്കി നന്ദൻ ഇരുന്നു.. അവൾക്ക് വേണ്ടി സിദ്ധു ഒരുപാട് ഉടുപ്പുകളും കളിപ്പാട്ടങ്ങളും എല്ലാം വാങ്ങിയിരുന്നു.. എല്ലാം വാങ്ങി വൈകുന്നേരം ആണ് അവർ വീട്ടിലേക്ക് പുറപ്പെട്ടത്.. അഭിക്ക് നന്ദൻ വിളിച്ചു പറഞ്ഞിരുന്നു ആലിയെ കൊണ്ടു വരാം എന്ന്.. അത് കൊണ്ടു തന്നെ അവർ ഒരുപാട് സ്ഥലങ്ങളിൽ കറങ്ങിയാണ് വീട്ടിൽ എത്തിയത്.. സിദ്ധു നന്ദനോടും ആലിയോടും കാറിൽ തന്നെ ഇരിക്കാൻ പറഞ്ഞു അവൻ ഇറങ്ങി.. അവൻ വീട്ടിൽ കയറി പോകുന്നത് നന്ദൻ നോക്കി ഇരുന്നു.. നന്ദച്ചാ.. അമ്മ അച്ഛായോട് പിണക്കം മാറോ.. അറിയില്ല ന്റെ ആലി കുട്ടി.. നിന്റെ അമ്മയല്ലേ ആള്.. അമ്പിനും വില്ലിനും അടുക്കില്ല.. എല്ലാം കണ്ടു അറിയാം.. സിദ്ധു ബെൽ അടിച്ചു അഭി വാതിൽ തുറക്കാൻ വേണ്ടി കാത്തിരുന്നു.. ആലിയും നന്ദനും വരുമ്പോളേക്കും പലഹാരം ഉണ്ടാക്കുകയായിരുന്നു അഭി..

അവൾ നന്ദൻ ആവും കരുതി വേഗം വന്നു വാതിൽ തുറന്നു.. ഫോണിൽ നോക്കി ഉമ്മറത്തു നിൽക്കുന്ന സിദ്ധുവിനെ കണ്ടതും അവൾ ഞെട്ടി.. അവളുടെ ഹൃദയം എന്തെന്നില്ലാതെ പിടഞ്ഞു.. അഭിയെ കണ്ടതും സിദ്ധു അകത്തേക്ക് നടന്നു.. തനിക്ക് വേണ്ടി തന്റെ കുഞ്ഞിന് വേണ്ടി അത്രയും ത്യാഗം സഹിച്ച അഭിയെ വാരി പുണരാൻ അവന്റെ ഹൃദയം വെമ്പൽ കൊണ്ടു.. എന്നാൽ എല്ലാം ഉള്ളിൽ ഒതുക്കി അവൻ ഗൗരവത്തിന്റെ മുഖം മൂടി അണിഞ്ഞു.. സിദ്ധു അടുത്തേക്ക് വരുന്നത് കണ്ടു അഭി പുറകിലേക്ക് നീങ്ങിയതും സിദ്ധു അകത്തു കയറി വാതിൽ കുറ്റി ഇട്ടു.. നിങ്ങൾ എന്താ ചെയ്യുന്നേ.. വാതിൽ തുറക്ക്.. എനിക്ക് ഒന്ന് രണ്ടു കാര്യം പറയാൻ ഉണ്ട്.. അത് പറഞ്ഞു കഴിഞ്ഞു ഞാൻ പോകും.. അത് വരെ ഇവിടെ ആരും വാരാൻ പാടില്ല.. നന്ദൻ ആലിയെ കൊണ്ടു ഉടനെ വരല്ലേ എന്ന് അഭി പ്രാർത്ഥിച്ചു.. അവളുടെ പിടയുന്ന മിഴികളിൽ നോക്കി സിദ്ധു ഒരുനിമിഷം നിന്നു.. അവന്റെ നോട്ടം അവളിൽ അരോചകമായി തോന്നി.. എന്താ പറയാൻ ഉള്ളത് എന്ന് വെച്ചാൽ വേഗം പറഞ്ഞിട്ട് പൊ..

നാളെ മുതൽ ഓഫീസിൽ വരണം.. ഇല്ല.. ഞാൻ വരില്ല.. വരും നീ.. ഇല്ലെങ്കിൽ നാളെ മുതൽ ഞാൻ ഇവിടെ ആയിരിക്കും താമസം.. അഭി കണ്ണ് മിഴിച്ചു അവനെ നോക്കി.. സിദ്ധു ഒന്നു കൂടെ അവളോട് അടുത്ത് നിന്നു.. ഇന്ന് നൈറ്റ് നിന്റെ കാൾ വന്നിരിക്കണം.. ഇല്ലെങ്കിൽ മോർണിംഗ് ഞാൻ ഇവിടെ വന്നിരിക്കും.. അത്രയും പറഞ്ഞു തിരിച്ചു പോകാൻ നിന്ന സിദ്ധു വീണ്ടും തിരിഞ്ഞു അവളിലേക്ക് അടുത്ത് നിന്നു.. അഭി കഴിവതും അവനിൽ നിന്ന് മാറാൻ നോക്കി എങ്കിലും ചുമരിൽ തട്ടി അവൾ നിന്നു.. അവനെ നോക്കാതെ താഴെ നോക്കി നിൽക്കുന്ന അഭിയുടെ കവിളിൽ അവൻ ചുണ്ട് പതിപ്പിച്ചു.. ശ്വാസം പോലും എടുക്കാൻ മറന്നു കൊണ്ടു അഭി കണ്ണ് തുറിച്ചു.. അവൻ ചുംബിച്ച ഭാഗത്ത്‌ കൈ വച്ചു അവൾ സിദ്ധുവിനെ രൂക്ഷമായി നോക്കി.. ""ഐ ലവ് യു ആമി.. അന്നും ഇന്നും എന്നും നീ മാത്രം ആണ് എന്റെ പ്രണയത്തിന്റെ അവകാശി.. എന്നിലെ പ്രണയം മുഴുവൻ നിനക്ക് നൽകിയ എനിക്ക് നിന്നോട് ഇന്ന് പറഞ്ഞറിയിക്കാൻ പോലും കഴിയാത്ത അത്രയും സ്നേഹവും വാത്സല്യവും ഉണ്ട്..

നീ എന്റെ കൂടെ വേണം ആമി.. മരണം വരെ.. ഐ ലവ് യു സൊ മച്ച്.. "" അത്രയും പറഞ്ഞു അവൻ വീണ്ടും അവളുടെ മറു കവിളിൽ ചുംബിച്ചു.. അഭി അവന്റെ വാക്കുകളും പ്രവർത്തിയും കണ്ടു കൺ തള്ളി നിൽക്കുകയായിരുന്നു.. രണ്ടു കവിളിലും കൈ വച്ചു അവൾ ദേഷ്യത്തോടെ സിദ്ധുവിനെ നോക്കി.. ചുണ്ടിൽ ചെറു പുഞ്ചിരിയോടെ സിദ്ധു അവളെ നോക്കി കണ്ണിറുക്കി കൊണ്ടു വാതിൽ തുറന്നു പോയി.. അഭി ആ ഷോക്കിൽ അങ്ങനെ തന്നെ നിന്നു.. സിദ്ധു ആലിക്ക് വേണ്ടി വാങ്ങിയത് എല്ലാം ഉമ്മറത്തു കൊണ്ടു വന്നു വച്ചു.. നന്ദന്റെ കയ്യിലും ഉണ്ടായിരുന്നു ഒരുപാട് കവർ.. ആലിയെ എടുത്തു അവളെ തുരു തുരെ ഉമ്മകൾ നൽകി സിദ്ധു അവളെ നിലത്തു ഇറക്കി.. അവൾ സിദ്ധുവിനെ നോക്കി ചിരിച്ചു കൊണ്ടു അകത്തേക്കു പോയി.. നന്ദനോട് യാത്ര പറഞ്ഞു സിദ്ധു അവിടെ നിന്നും പോയി.. സിദ്ധു അന്ന് വളരെ സന്തോഷത്തിൽ ആയിരുന്നു.. താൻ ഏറ്റവും കൂടുതൽ സന്തോഷിക്കുന്ന ദിവസം അന്നായിരിക്കും.. ആലിയോട് ഒന്നും പറയല്ലേ എന്ന് പറഞ്ഞു നന്ദൻ ബെൽ അടിച്ചു..

അപ്പോൾ ആണ് അഭി ആ ഷോക്കിൽ നിന്നും മുക്തയായത്.. അവൾ വാതിൽ തുറന്നതും ആലി ഓടി വന്നു.. അവളെ എടുത്തു അഭി നന്ദനെ നോക്കിയപ്പോൾ ആണ് കവർ എല്ലാം എടുത്തു അകത്തു കൊണ്ടു വെക്കാൻ നന്ദൻ വന്നത്.. ഇതൊക്കെ എന്താ നന്ദേട്ടാ.. ഇത് മോൾക്ക് കുറച്ചു സാധങ്ങൾ.. എന്തിനാ ഇത്രയും അധികം.. അത് അച്ഛാ വാങ്ങി തന്നതാ.. ആലി പറഞ്ഞു തീർന്നതും അബദ്ധം പറ്റിയത് പോലെ വേഗം വാ പൊത്തി.. അഭി ആലിയെ നോക്കി വേഗം നന്ദനെ നോക്കി.. നന്ദൻ ആലിയെ നോക്കി കണ്ണ് ഉരുട്ടി.. ആര് വാങ്ങി തന്നത്.. അത് അഭി.. അത് എന്റെ കൂട്ടുകാരനെ കാണാൻ പോയി പറഞ്ഞില്ലേ.. അവൻ വാങ്ങിയാതാ മോൾക്ക് വേണ്ടി.. അവനാണ് ഞങ്ങളെ ഇവിടെ കൊണ്ടു വന്നാക്കിയത്.. എന്നാലും ഇത്രയധികം.. അവന് കുട്ടികളെ നല്ല ഇഷ്ടം ആണ്.. നീ മാറിക്കെ.. ഞാൻ അകത്തു പോകട്ടെ.. നന്ദൻ വേഗം രക്ഷപെട്ടു.. നന്ദന്റെ പെരുമാറ്റം കണ്ടു അഭി അവനെ സൂക്ഷിച്ചു നോക്കി.. ഇതെല്ലാം കണ്ടു ആലി വാ പൊത്തി ചിരിച്ചു..അഭി ആലിയെ താഴെ ഇറക്കി അകത്തു പോയി.. ആലി ഓടി പോയി നന്ദനെ നോക്കി.. അവൾ കുഞ്ഞി പല്ലുകൾ കാട്ടി നന്ദനെ നോക്കി ചിരിച്ചു.. ആലിയുടെ പ്രവർത്തികൾ കണ്ടു നന്ദന് ചിരി വന്നു.. ആ കുഞ്ഞു മനസ്സിൽ എത്ര നാൾ ആ രഹസ്യം സൂക്ഷിക്കും എന്നോർത്ത്പോയി നന്ദൻ.......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...