💙എൻ ജീവനിൽ💙 ഭാഗം 17

രചന: ആമി

അഭി സിദ്ധു വന്നതിനെ കുറിച്ച് നന്ദനോട് പറഞ്ഞു.. നന്ദൻ മറുപടി ഒന്നും പറഞ്ഞില്ല.. നന്ദന്റെ മാറ്റം കണ്ടു അവൾക്കു സംശയം തോന്നി.. അല്ലെങ്കിൽ സിദ്ധു വന്നെന്ന് പറഞ്ഞാൽ ദേഷ്യപ്പെടേണ്ടതിനു പകരം മൗനം ആണ്.. എന്താ നന്ദേട്ടാ.. ഒന്നും മിണ്ടാത്തെ.. അഭി.. ഞാൻ പറയുന്നത് നീ കേൾക്കു എന്ന് എനിക്ക് അറിയാം.. എന്നാലും നിന്റെ അഭിപ്രായം കൂടെ.. നന്ദേട്ടൻ പറഞ്ഞാൽ ഞാൻ കേൾക്കും.. പക്ഷെ അയാള് മനഃപൂർവം എന്നെ ദ്രോഹിക്കാൻ വേണ്ടി.. നീ നാളെ മുതൽ ഓഫിസിൽ പൊ.. എന്നിട്ട് അവന് പറയാൻ ഉള്ളത് എന്താന്ന് വെച്ചാൽ കേൾക്കു.. നന്ദേട്ടൻ എന്താ ഇങ്ങനെ പറയുന്നേ.. സിദ്ധാർഥ് ഇത്രയും നിന്റെ പുറകിൽ നടക്കണം എങ്കിൽ അതിന് എന്തെങ്കിലും കാരണം ഉണ്ടാവും എന്ന് എന്റെ മനസ്സ് പറയുന്നു.. അഭിക്കും നന്ദൻ പറഞ്ഞത് ശരിയാണെന്നു തോന്നി.. പക്ഷെ വീണ്ടും തന്നെ ചതിയിൽ വീഴ്ത്താൻ വേണ്ടിയാവുമോ എന്നൊരു സംശയവും അവളിൽ ഉണ്ടായിരുന്നു.. ആ സമയം എല്ലാം ആലി സിദ്ധു വാങ്ങി കൊടുത്ത സാധങ്ങൾ എല്ലാം നോക്കി ഇരിക്കുകയായിരുന്നു..

അവളിൽ അച്ഛനെ കണ്ട സന്തോഷവും ഒപ്പം അത്രയും സമ്മാനങ്ങൾ കിട്ടിയതിന്റെ ആഹ്ലാവും ഉണ്ടായിരുന്നു.. ആലി അതിൽ നിന്നും അവൾക്ക് ഇഷ്ടപ്പെട്ട ഒരു ഉടുപ്പ് എടുത്തു കൊണ്ടു വന്നു അഭിയുടെ കയ്യിൽ കൊടുത്തു.. ആലിയുടെ സന്തോഷം കണ്ടു അഭിക്കും സന്തോഷം തോന്നി.. നല്ല ഭംഗി ഇല്ലേ അമ്മാ അച്ഛാ തന്ന ഉടുപ്പ്.. ആലി അങ്ങനെ പറഞ്ഞതും നന്ദൻ ഞെട്ടി അഭിയെ നോക്കി..ആലി വീണ്ടും അബദ്ധം പറ്റിയത് ഓർത്തു തലയിൽ കൈ വച്ചു.. അഭി ആലിയെയും നന്ദനെയും മാറി മാറി നോക്കി.. എന്താ രണ്ടാൾക്കും ഒരു കള്ളലക്ഷണം.. ഒന്നുല്ല അഭി.. ആലി പറ.. ഇതൊക്കെ ആരാ വാങ്ങി തന്നെ.. ആലി നന്ദനെ ഇടം കണ്ണിട്ട് നോക്കി.. ആലിയുടെ ഭാവങ്ങൾ കാണുമ്പോൾ അവൾ എന്തോ മറക്കുന്നുണ്ടെന്ന് അഭിക്ക് മനസിലായി ആലി.. പറയ്.. അത്.. അത് നന്ദചന്റെ അങ്കിൾ.. നന്ദചന്റെ അങ്കിളോ.. അഭി ഞാൻ പറഞ്ഞില്ലേ എന്റെ ഫ്രണ്ട്.. അവനെ കണ്ടപ്പോൾ ഇവൾ ആദ്യം അച്ഛാ എന്ന് വിളിച്ചു.. അതാണ് ഇടയ്ക്ക് അച്ഛാ വാങ്ങി തനത് എന്ന് പറയുന്നേ..

നന്ദൻ അങ്ങനെ പറഞ്ഞപ്പോൾ ആണ് അഭിക്ക് ആശ്വാസം ആയതു.. അല്ലെങ്കിൽ സിദ്ധു എല്ലാം അറിഞെങ്കിൽ അവന്റെ അവസ്ഥ അവൾക്ക് ഓർക്കൻ കൂടെ കഴിയില്ലായിരുന്നു.. താനും മോളും കാരണം ഒരു കുടുംബം കരയരുത് എന്നൊരു പ്രാർത്ഥന മാത്രം ആയിരുന്നു അവളിൽ.. അഭി കഴിക്കാൻ എടുക്കാൻ അകത്തു പോയതും നന്ദൻ ആലിയെ പൊക്കി മുറിയിൽ കൊണ്ടു വന്നു.. എടി കാന്താരി നീ ഇപ്പൊ തന്നെ എല്ലാം കുളം ആക്കിയിരുന്നു.. നന്ദച്ചാ.. ഇക്ക് അച്ഛായെ കാണാ പൂതിയവ.. ആ ഇനി അച്ഛന്റെ മോള്ടെയും നടുവിൽ കിടന്നു ഞാൻ ആകും കുഴയുന്നത്.. പറഞ്ഞു കഴിഞ്ഞതും നന്ദന്റെ ഫോൺ അടിച്ചു.. സിദ്ധു ആയിരുന്നു.. അവൻ ഫോണിൽ നോക്കി ചിരിച്ചു കൊണ്ട കാൾ എടുത്തു.. നന്ദേട്ടാ.. അത്.. മനസിലായി..ഇവിടെ ഒരാള് ഇപ്പൊ പറഞ്ഞെ ഉള്ളു.. നന്ദൻ ആലിക്ക് ഫോൺ കൊടുത്തു.. ആലി സന്തോഷത്തോടെ സിദ്ധുവിനോട് ഓരോന്ന് സംസാരിച്ചു കൊണ്ടിരുന്നു.. നന്ദൻ അഭി വരുന്നുണ്ടോ നോക്കി വാതിൽക്കൽ നിന്നു.. അഭി ഭക്ഷണം എടുത്തു അടുക്കളയിൽ നിന്നും വരുന്നത് കണ്ടതും നന്ദൻ ആലിയുടെ കയ്യിൽ നിന്നും ഫോൺ വാങ്ങി..

എന്ന ശരി.. അഭി വരുന്നുണ്ട്.. ആമി.. എന്ത് പറഞ്ഞു.. അവൾ നാളെ വരും.. പിന്നെ ഞാൻ ഇന്ന് രാത്രി പോവും നാട്ടിലേക്ക്.. ഇനി എന്ന.. ഉടനെ വരും.. ഇപ്പൊ പോകുമ്പോൾ എനിക്ക് സന്തോഷവും സമാദാനവും ഉണ്ട്.. സിദ്ധു നന്ദനോട് സംസാരിച്ചു കഴിഞ്ഞു ഫോൺ കട്ടാക്കി ബാൽക്കണിയിൽ പോയി നിന്നു.. അവന് എന്തെന്നില്ലാത്ത സന്തോഷം തോന്നി.. ആലിയുടെ കൂടെ ഇരുന്ന ഓരോ നിമിഷവും താൻ എത്ര മാത്രം സന്തോഷം ആയിരുന്നു എന്നോർത്ത്.. തന്റെ കൂടെ ഈ വീട്ടിൽ എന്റെ സ്നേഹവും ചൂടും പറ്റി ഉറങ്ങേണ്ട തന്റെ കുഞ്ഞ്.. എത്രയും പെട്ടന്ന് അഭിയോട് എല്ലാം പറഞ്ഞു മനസ്സിലാക്കി അവരോടൊപ്പം ഒരു ജീവിതം സിദ്ധു സ്വപ്നം കണ്ടു.. പെട്ടന്ന് ആണ് അംബികയ്ക്ക് നൽകിയ വാക്ക് അവന് ഓർമ വന്നത്.. അമ്മയോട് തനിക്കു ഒരു മകൾ ഉണ്ടെന്നു പറഞ്ഞു മനസ്സിലാക്കണം.. അല്ലെങ്കിൽ അംബിക താൻ പോലും അറിയാതെ എല്ലാം തീരുമാനിക്കും.. അവൻ ആ നിമിഷം തന്നെ ഹോസ്പിറ്റലിലേക്ക് പോകാൻ തീരുമാനിച്ചു.. ഹോസ്പിറ്റലിൽ എത്തി അവൻ ഐ സി യു ലക്ഷ്യം വച്ചു നടന്നു..

അവനെ അറിയുന്ന ഒരു ഡോക്ടറെ കണ്ടതും അവൻ ചിരിച്ചു കൊണ്ടു അയാൾക്ക് കൈ കൊടുത്തു.. ഡോക്ടർ.. അമ്മയ്ക്ക് ഇപ്പൊ.. അമ്മയെ റൂമിലേക്ക് ഷിഫ്റ്റ്‌ ചെയ്തു.. താങ്ക് യു.. കുഴപ്പം ഒന്നും.. ഏയ് ഇല്ല.. അവൻ റൂം ചോദിച്ചു അറിയാൻ വേണ്ടി റിസപ്ഷൻ ലക്ഷ്യം വച്ചു നടക്കുമ്പോൾ ആണ് ആ ഡോക്ടർ അവനെ വീണ്ടും വിളിച്ചത്.. അവൻ തിരിഞ്ഞു നിന്നു കൊണ്ടു അയാളെ നോക്കി.. അയാൾക്ക് സിദ്ധുവിനെ നോക്കാൻ എന്തോ ബുദ്ധിമുട്ട് ഉള്ളത് പോലെ തോന്നി.. എന്താ ഡോക്ടർ.. സിദ്ധാർഥ്.. പറയുന്നത് കൊണ്ടു ഒന്നും തോന്നരുത്.. അംബികയ്ക്ക് ചെക്ക് ചെയ്തപ്പോൾ വലിയ കുഴപ്പം ഒന്നും ഇല്ലായിരുന്നു.. നെഞ്ച് വേദന ആണെന്ന് പറഞ്ഞാണ് വന്നത്.. മെഡിസിൻ കഴിച്ചാൽ മാറും എന്ന് പറഞ്ഞു എങ്കിലും അവർ അഡ്മിറ്റ്‌ ചെയ്യണം എന്ന് വാശി പിടിച്ചു.. സിദ്ധു ഡോക്ടർ പറയുന്നത് കേട്ട് ഞെട്ടി.. എന്തിന് വേണ്ടിയാണ് അങ്ങനെ എല്ലാം അംബിക ചെയ്തത് എന്ന് അവൻ മനസ്സിൽ ഓർത്തു.. ഐ സി യു വേണം എന്ന് നിർബന്ധം പിടിച്ചതും അവരാണ്.. ഞങ്ങൾക്ക് ഒന്നും ചെയ്യാൻ കഴിയില്ല..

കാരണം അവർക്ക് ഞങ്ങളെ ഓക്കേ പറഞ്ഞു വിടാൻ കഴിയും.. നോ പ്രോബ്ലം.. നിങ്ങൾ നിങ്ങളുടെ ജോലി ചെയ്തു അത്ര ഉള്ളു.. സിദ്ധു അയാളുടെ തോളിൽ തട്ടി ചിരിച്ചു കൊണ്ടു തിരിഞ്ഞു നടന്നു.. ആ നിമിഷം അവന്റെ മുഖം ദേഷ്യം കൊണ്ടു ചുവന്നിരുന്നു.. അവൻ റൂം നമ്പർ ചോദിച്ചു അറിഞ്ഞു അവിടേക്ക് നടക്കുമ്പോൾ അത്രയും കോപം അവനിൽ ഉടലെടുത്തു.. മുറിയുടെ മുന്നിൽ എത്തിയതും അകത്തു നിന്നുള്ള പൊട്ടിച്ചിരി കേട്ടതും അവന്റെ കാലുകൾ നിശ്ചലം ആയി.. എന്തയാലും അവൻ സമ്മതിച്ചാലോ.. ബാക്കി ഇനി അംബിക തീരുമാനിക്കും.. എന്നാലും എന്റെ ആന്റി.. എന്താ അഭിനയം.. അല്ലെങ്കിൽ അവൻ ആ ഒരു ഗതിയും ഇല്ലത്തെ ആ പെണ്ണിനെ വിളിച്ചു കൊണ്ടു വരും.. അകത്തു ഇരുന്നു മീരയുടെയും അംബികയുടെയും സംസാരം കേട്ട് സിദ്ധു മുഷ്ട്ടി ചുരുട്ടി.. ഉള്ളിലെ കോപം അടക്കാൻ അവൻ നന്നേ പാട് പെട്ടു.. ശ്വാസം ആഞ്ഞു വലിച്ചു കൊണ്ടു അവൻ ഒന്നും അറിയാത്തവനെ പോലെ വാതിൽ മുട്ടി.. അത് കേട്ടതും അംബിക അവശത അഭിനയിച്ചു കിടന്നു..

മീര മുഖത്തു ആവോളം സങ്കടം നിറച്ചു.. സിദ്ധു അകത്തു കയറിയതും മീരയെ തറപ്പിച്ചു ഒന്നു നോക്കി.. അവൾക്ക് പറഞ്ഞത് വല്ലതും സിദ്ധു കേട്ടോ എന്നൊരു പേടി തോന്നി.. അടുത്ത നിമിഷം സിദ്ധു മീരയെ നോക്കി ചിരിച്ചു കൊണ്ടു അംബികയുടെ അടുത്ത് ഇരുന്നു.. അവന്റെ ചിരി കണ്ടപ്പോൾ മീരയ്ക്ക് ആശ്വാസം ആയി.. സിദ്ധു അംബികയുടെ കൈ എടുത്തു അവന്റെ കൈയിൽ പിടിച്ചു.. അംബിക അവനെ നോക്കി മങ്ങിയ ചിരി നൽകി.. നാളെ ഡിസ്ചാർജ് ആവു എന്ന ഡോക്ടർ പറഞ്ഞത്.. പിന്നെ ഇനി മുതൽ അമ്മയ്ക്ക് നല്ല റസ്റ്റ്‌ വേണം എന്ന് പറഞ്ഞു.. അത് കൊണ്ടു ഞാൻ ഒരു തീരുമാനം എടുത്തു.. എന്താ എന്ന ഭാവത്തിൽ അംബികയും മീരയും അവന്റെ വാക്കുകൾക്ക് വേണ്ടി കാതോർത്തു.. സിദ്ധു അവിടെ നിന്നും എഴുനേറ്റു കൊണ്ടു മീരയുടെ മുന്നിൽ പോയി നിന്നു.. ഏതായാലും എന്റെ ഭാര്യ ആവേണ്ടവൾ അല്ലെ നീ.. ഇനി മുതൽ അമ്മയെ നോക്കാൻ വീട്ടിൽ വേണം.. സിദ്ധുവിനെ തീരുമാനം കേട്ട് മീരയ്ക്ക് തുള്ളിചാടാൻ തോന്നി.. അംബിക എല്ലാം വിജയിച്ച ഭാവത്തോടെ കിടന്നു..

സിദ്ധു ഉള്ളിൽ കനൽ ഒളിപ്പിച്ചു പുറമെ ചിരിച്ചു.. പെട്ടന്ന് വിവാഹം നടത്തണം.. അതെ മോനെ.. ഇനിയും നീട്ടി കൊണ്ടു പോകേണ്ട ആവശ്യം ഇല്ല.. എനിക്കും അങ്ങനെ തോന്നുന്നു.. ഒറ്റയ്ക്ക് ജീവിച്ചു മതിയായി.. അപ്പോൾ ഞാൻ ഇറങ്ങട്ടെ അമ്മ.. മോർണിംഗ് വരാം.. അവൻ അവിടെ നിന്നും ഇറങ്ങുമ്പോൾ മനസ്സിൽ കണക്ക് കൂട്ടുകയായിരുന്നു.. തന്നെ ചതിച്ചവർക്ക് ഉള്ള തിരിച്ചടി.. ചുണ്ടിൽ നിഗൂഢമായ ഒരു ചിരിയോടെ സിദ്ധു കാറിൽ കയറി.. ഡ്രൈവ് ചെയ്യുന്നതിനിടയിൽ ആണ് ഫോൺ റിങ് ചെയ്തത്.. സീറ്റിൽ ഇരിക്കുന്ന ഫോണിലേക്ക് നോക്കുമ്പോൾ അതിൽ തെളിഞ്ഞ പേര് കണ്ടു അവൻ ചിരിച്ചു.. അഭി ആയിരുന്നു.. കാർ സൈഡ് ആക്കി അവൻ ഫോൺ എടുത്തു കാതോരം വച്ചു.. ആ ശബ്ദം ഹൃദയത്തിൽ വന്നു തൊടാൻ വേണ്ടി.. ഹലോ സർ.. എന്തായി തീരുമാനം.. ഞാൻ ഓഫീസിൽ വരാം.. പക്ഷെ.. പക്ഷെ.. പഴയ പോസ്റ്റ്‌ തന്നെ മതി.. അത് പറ്റില്ല..പഴയ പോസ്റ്റിൽ നിന്നും പ്രമോഷൻ ആയില്ലേ.. ഇനി ആകെ ഒരു പോസ്റ്റെ ഉള്ളു.. തനിക്കു താല്പര്യം ആണെങ്കിൽ ഞാൻ അത് തരാം.. അത് ഏതാ.. എന്റെ ഭാര്യയുടെ പോസ്റ്റ്‌.. സിദ്ധു അങ്ങനെ പറഞ്ഞതും അഭി ഞെട്ടി.. സിദ്ധു കള്ളചിരിയോടെ അവളുടെ മറുപടിക്ക് വേണ്ടി കാത്തിരുന്നു.. സർ.. ഞാൻ സീരിയസ് ആയിട്ടാണ്..

ഞാനും സീരിയസ് ആണ് ആമി.. എന്റെ കാമുകിയിൽ നിന്നും എന്റെ ഭാര്യയിലേക്ക് ഒരു പ്രമോഷൻ തരട്ടെ.. സ്റ്റോപ്പ്‌.. എനിക്ക് നിങ്ങളുടെ ഇത്തരം സംസാരങ്ങൾക്ക് മറുപടി തരാൻ കഴിയില്ല.. സിദ്ധു ആ നിമിഷം അഭിയുടെ മുഖത്തെ ഭാവങ്ങൾ മനസ്സിൽ കാണുകയായിരുന്നു.. അഭിക്ക് ആണെങ്കിൽ നല്ല ദേഷ്യം വന്നിരുന്നു.. ഞാൻ നാളെ മുതൽ വരും.. പക്ഷെ നിങ്ങൾ പറയുന്നത് എല്ലാം കേട്ട് നില്കാൻ ഒന്നും എനിക്ക് പറ്റില്ല.. അങ്ങനെ ആണെങ്കിൽ ഞാൻ പോലീസിൽ കംപ്ലയിന്റ് കൊടുക്കും.. ആണോ.. എന്നാലേ നീ ഇപ്പൊ തന്നെ കൊടുത്തേക്ക്.. ഒരു മണിക്കൂറിനുള്ളിൽ ഞാൻ അവിടെ നിന്റെ വീട്ടിൽ ഉണ്ടാവും.. നീ പോലീസിനെ വിളിച്ചു നിർത്തിയേക്ക്.. അത്രയും പറഞ്ഞു സിദ്ധു ഫോൺ കട്ടാക്കി..അഭി പറഞ്ഞു പോയ അബദ്ധത്തിൽ ആകെ കുഴഞ്ഞു.. സിദ്ധു അങ്ങോട്ട് വന്നാൽ ആലിയെ കണ്ടാൽ.. മാത്രം അല്ല.. നന്ദേട്ടൻ.. ആകെ പ്രശ്നം ആവും എന്ന് അവൾക്കു തോന്നി.. എന്ത് ചെയ്തിട്ട് ആയാലും വേണ്ടില്ല സിദ്ധുവിനെ എങ്ങനെ എങ്കിലും തടയണം എന്ന് അവൾ തീരുമാനിച്ചു.. ആ നിമിഷം തന്നെ അവൾ ഒന്നും ഓർക്കാതെ വീണ്ടും സിദ്ധുവിനെ വിളിച്ചു.. അഭി വീണ്ടും വിളിക്കുന്നത് കണ്ടു സിദ്ധു ചിരിച്ചു.. രണ്ടു തവണ അടിച്ചു കാട്ടായിട്ടും സിദ്ധു ഫോൺ എടുത്തില്ല..

മൂന്നാം തവണ അടിച്ചതും ഫോൺ എടുത്തു.. നീ ഇങ്ങനെ വിളിക്കല്ലേ.. ഡ്രൈവിങ് ചെയ്യല്ലേ ഞാൻ.. ഇങ്ങോട്ട് വരല്ലേ.. പ്ലീസ്.. അതെന്താ.. നിനക്ക് പോലീസിൽ പറയണ്ടേ.. ഇപ്പൊ തന്നെ പറഞ്ഞാൽ നാളത്തേക്ക് വെക്കണ്ടല്ലോ.. ഇല്ല.. ഞാൻ നിങ്ങൾ പറയുന്ന ജോലി ചെയ്തോളാം.. പ്ലീസ് വരല്ലേ.. നിന്റെ വീട്ടിൽ എനിക്ക് കാണാൻ പാടില്ലാത്ത ആരെങ്കിലും ഉണ്ടോ.. അ.. അത്... അതെന്താ അങ്ങനെ ചോദിച്ചേ.. അഭി വിയർത്തു.. സിദ്ധു അങ്ങനെ ചോദിക്കും എന്ന് അവൾ പ്രതീക്ഷിചില്ല.. ഏയ്.. ഒന്നുല്ല.. അപ്പോൾ ഞാൻ വരണ്ട ലെ.. വേണ്ട.. എന്ന ഓക്കേ.. അഭി ഫോൺ കട്ടാക്കി ശ്വാസം ആഞ്ഞു വലിച്ചു.. മനസ്സിലെ സംഘർഷം ഇനി എന്ന് കുറയും എന്ന് അറിയാതെ അവൾ ബെഡിൽ ഇരുന്നു.. ആലിയും സിദുവും തമ്മിൽ ഉള്ള ദൂരം കുറഞ്ഞു വരുന്നു.. അവർ തമ്മിൽ കണ്ടാൽ പിന്നെ ഇത്രയും ക്കാലം സിദ്ധുവിൽ നിന്നും സ്വന്തം കുഞ്ഞിനെ മറച്ചു വച്ചതിനു അവൻ എങ്ങനെ പ്രതികരിക്കും.. മാത്രം അല്ല അവന് ഒരു കുഞ്ഞ് ഉണ്ടെന്നു അവന്റെ ഭാര്യ അറിഞ്ഞാൽ.. അഭിയുടെ ചിന്തകൾ കാട് കയറി..

അഭി.. നന്ദൻ വിളിച്ചപ്പോൾ ആണ് അഭിക്ക് ബോധം വന്നത്.. അവൾ വേഗം എഴുനേറ്റു ഹാളിൽ പോയി.. നന്ദൻ പോകാൻ ഇറങ്ങുകയായിരുന്നു.. ആലി ഉറങ്ങിയിരുന്നു.. നന്ദൻ യാത്ര പറഞ്ഞു ഇറങ്ങി.. അന്ന് ഇറങ്ങുമ്പോൾ നന്ദന്റെ മനസ്സ് ശാന്തമായിരുന്നു.. അടുത്ത തവണ വരുമ്പോളേക്കും എല്ലാം ശരിയായി അഭിയ്‌ക്കും സിധുവിനും ഒരുമിച്ചു ഒരു ജീവിതം ഉണ്ടാവണേ എന്ന് അവൻ പ്രാർത്ഥിച്ചു.. നന്ദൻ പോയതും ജോലി എല്ലാം തീർത്തു അഭി കിടക്കാൻ തുടങ്ങുമ്പോൾ ആണ് ഫോൺ അടിക്കുന്ന ശബ്ദം കേട്ടത്..നന്ദൻ ആവു എന്ന് കരുതി ടേബിളിലേക്ക് കൈ എത്തിച്ചു എടുത്തു നോക്കുമ്പോൾ സിദ്ധു ആയിരുന്നു.. അഭി ഞെട്ടി എഴുനേറ്റു ഇരുന്നു.. എടുക്കണോ വേണ്ടയോ എന്ന് ആലോചിച്ചു.. എടുക്കണ്ട എന്ന് തന്നെ തീരുമാനിച്ചു.. ഉറങ്ങിക്കാണും എന്ന് കരുതിക്കോളും എന്ന് കരുതി അഭി ഫോൺ എടുത്തില്ല.. അടുത്ത നിമിഷം തന്നെ ഫോണിലേക്ക് മെസ്സേജ് വന്നു.. അഭി അത് എടുത്തു വായിച്ചു.. നീ ഉറങ്ങിയിട്ടില്ല എന്ന് അറിയാം.. ഫോൺ എടുക്കെടി.. അഭി ആകെ കുഴഞ്ഞു..

വീണ്ടും അടിക്കാൻ തുടങ്ങിയതും അവൾ എടുത്തു.. എന്താ ഡി ഫോൺ എടുക്കാൻ ഒരു മടി.. ഞാൻ ഉറങ്ങിയിരുന്നു.. ഏതു പാതിരാത്രി വിളിച്ചാലും എന്റെ ഫോൺ എടുക്കണം.. അതാണ്.. എന്റെ പി എ അല്ലെ.. മ്മ്.. എന്നാലേ മോള് വേഗം വന്നു വാതിൽ തുറക്ക്.. എന്താ.. വാതിൽ തുറക്ക് പെണ്ണെ.. നിന്ന് കാല് കഴയുന്നു.. അഭി ഞെട്ടി.. സിദ്ധു വീട്ടിൽ വന്നിരിക്കുന്നു.. അവൾ വേഗം ആലിയെ നോക്കി.. അവളെ നേരെ കിടത്തി മുറിയുടെ വാതിൽ പുറത്തേക്ക് ലോക്ക് ചെയ്തു അഭി നിന്നു.. അവൾക്ക് ആകെ വെപ്രാളം തോന്നി.. ആലിയെ കാണരുത് എന്നും സിദ്ധു വേഗം തിരിച്ചു പോകണേ എന്നും പ്രാർത്ഥിച്ചു കൊണ്ടു അഭി വാതിൽ തുറന്നു.. അവൾ വാതിൽ തുറന്നതും സിദ്ധു അകത്തു കയറി.. നിങ്ങൾക്ക് എന്താ വേണ്ടേ.. ഒരു വിധത്തിലും എന്നെ ജീവിക്കാൻ സമ്മതിക്കില്ല അല്ലെ.. ഇങ്ങനെ ചൂടാവല്ലേ.. ഞാൻ ഇപ്പൊ പോവും.. ഞാൻ ഓഫീസിൽ വരാം എന്ന് പറഞ്ഞില്ലേ.. ഇനി എന്താ.. നീ പോയി ഒരു ചായ ഇട്.. അതേയ്.. ഞാൻ നിങ്ങളുടെ പി എ ആണെന്ന് കരുതി..

ചായ ഇടലോ.. എന്താ പി എ ചായ ഇട്ടാൽ കുഴപ്പം.. ഒരു ചായ തന്നാൽ നിങ്ങൾ പോകുമോ.. തീർച്ചയായും....... പോകില്ല.. ആദ്യം ചായ താ അപ്പൊ പറയാം.. അഭി കൂടുതൽ ഒന്നും സിദ്ധുവിനോട് സംസാരിക്കാൻ നിന്നില്ല.. അവൾക്ക് നല്ല ദേഷ്യം വന്നിരുന്നു.. ആലിയുടെ മുറിയുടെ വാതിൽക്കലേക്ക് ഒന്നു നോക്കി അഭി അടുക്കളയിൽ പോയി.. ആ സമയം സിദ്ധു ആലി എവിടെ ആണെന്ന് നോക്കി.. അടഞ്ഞു കിടക്കുന്ന വാതിൽ തുറന്നു അവൻ ചുറ്റും നോക്കി.. ടാബിൽ ലാമ്പിന്റെ വെളിച്ചത്തിൽ അവൻ കണ്ടു ആലിയെ.. അവൻ കുനിഞ്ഞു വന്നു ആലിയുടെ നെറ്റിയിൽ ചുംബിച്ചു കൊണ്ടു പതിയെ തലോടി.. നിന്നെ കാണാതെ ഇരിക്കാൻ പറ്റുന്നില്ല അച്ഛന്.. ആലിയുടെ ഇരു കവിളിലും ഉമ്മ കൊടുത്തു സിദ്ധു വേഗം മുറിയിൽ നിന്നും ഇറങ്ങി.. അവൻ പതിയെ നടന്നു അടുക്കളയിൽ എത്തി.. അഭി സിദ്ധുവിനോട് ഉള്ള ദേഷ്യം കൊണ്ടു വേഗത്തിൽ ആയിരുന്നു എല്ലാം ചെയ്യുന്നത്.. ഇയാൾക്കു ഭാര്യ ഇല്ലേ.. അവളോട്‌ പോയി പറഞ്ഞൂടെ ചായ ഇടാൻ.. എന്താ പറഞ്ഞത്..

അവൾ പിറുപിറുത്തത് സിദ്ധു കെട്ടു എന്ന് മനസ്സിലായതും അഭി കണ്ണ് മിഴിച്ചു പുറകിലേക്ക് തിരിഞ്ഞു നോക്കി.. വാതിൽക്കൽ കൈ കെട്ടി നിൽക്കുന്ന സിദ്ധുവിനെ കണ്ടതും അവൾ ഉമിനീർ ഇറക്കി.. നീ ഇപ്പൊ എന്തോ പറഞ്ഞല്ലോ.. നിങ്ങൾ എന്തിനാ ഇങ്ങനെ ഒക്കെ ചെയ്യുന്നേ.. നമ്മൾ പ്രണയിച്ചിരുന്നു.. ശരിയാണ്.. അത് കഴിഞ്ഞു.. ഇപ്പോൾ രണ്ടു പേരും പുതിയ ഒരു ജീവിതത്തിൽ ആണ്.. വെറുതെ വീണ്ടും എന്തിനാ പ്രശ്നം ഉണ്ടാക്കുന്നെ.. നീ ഇപ്പോൾ എന്നെ പ്രണയിക്കുന്നില്ലേ ആമി.. ആ ചോദ്യം ചെന്നു കൊണ്ടത് അഭിയുടെ ഹൃദയത്തിൽ ആയിരുന്നു.. ഒരു നിമിഷം അവൾ തറഞ്ഞു നിന്നു.. എന്നും എന്റെ പ്രണയം നിന്നോട് ആയിരിക്കും.. മരണം കൊണ്ടു അല്ലാതെ എന്റെ പ്രണയം അവസാനിക്കില്ല.. ഈ അഭിരാമി സിദ്ധുവിന്റെ മാത്രം ആമിയായിരിക്കും.. എന്നൊക്കെ വിളിച്ചു പറയാൻ അവളുടെ മനസ്സ് പറയുമ്പോളും നാവ് ചലിച്ചില്ല..

സിദ്ധുവിന്റെ കണ്ണിലെ കാന്തികതയിൽ അവൾ സ്വയം മറന്നു നിന്നു പോയി.. സിദ്ധു അവളോട് അടുത്ത് വന്നു.. അവന്റെ കൈകൾ അവളുടെ ഇടുപ്പിൽ ചുറ്റി വരിഞ്ഞു.. അഭി അവന്റെ നെഞ്ചിൽ കിടന്നു കുതറി.. അവന്റെ നെഞ്ചിൽ ഇടിക്കുന്ന അവളുടെ കൈകളെ അവൻ പിടിച്ചു വച്ചു.. അപ്പോളും അവന്റെ നോട്ടം അവളിൽ തന്നെ ആയിരുന്നു.. എന്റെ കണ്ണിൽ നോക്കി പറ ആമി.. നീ എന്നെ പ്രണയിക്കുന്നില്ല എന്ന്.. സിദ്ധു പറഞ്ഞു നിർത്തിയതും അഭി അവന്റെ മിഴികളെ പ്രണയം കണ്ടു.. തനിക്കു വേണ്ടി മാത്രം വിടരുന്ന ആ കണ്ണുകളെ നോക്കി അവൾ സ്വയം മറന്നു നിന്നു പോയി.......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...