💙എൻ ജീവനിൽ💙 ഭാഗം 18

രചന: ആമി

പറയെടി.. അഭി അവന്റെ നെഞ്ചിൽ ആഞ്ഞു ഉന്തി.. സിദ്ധു പുറകിലേക്ക് നീങ്ങി.. അഭി അവനെ ദേഷ്യത്തോടെ നോക്കി.. പ്ലീസ് എന്നെ ഒന്നു വെറുതെ വിട്ടൂടെ നിങ്ങൾക്ക്.. ഞാൻ ചോദിച്ചതിന്റെ മറുപടി അതല്ലല്ലോ.. ഒരിക്കൽ സ്നേഹിച്ചിരുന്നു.. അതിന്റെ പേരിൽ എനിക്ക് എന്തെല്ലാം നഷ്ടം ആയെന്നു അറിയുമോ.. വീണ്ടും എന്റെ ജീവിതത്തിൽ നഷ്ടം സംഭവിക്കാൻ ഞാൻ ആഗ്രഹിക്കുന്നില്ല.. ഞാൻ എങ്ങനെ എങ്കിലും ജീവിച്ചോളാം.. അങ്ങനെ എങ്ങനെ എങ്കിലും ജീവിച്ചാൽ പോരല്ലോ.. അത് പറഞ്ഞു സിദ്ധു അവളിലേക്ക് അടുത്തതും അഭി സ്ലാബിൽ ഇരുന്ന കത്തി എടുത്തു അവന്റെ നേരെ ചൂണ്ടി.. അത് കണ്ടു സിദ്ധു നിന്നു.. അവൻ ചിരിച്ചു കൊണ്ടു അഭിയെ നോക്കി താടി ഉഴിഞ്ഞു.. നിങ്ങൾ പോയില്ലെങ്കിൽ ഞാൻ ഒച്ച വെക്കും.. വെച്ചോ.. ആളുകൾ വന്നാൽ പ്രശ്നം ആവും.. ആവട്ടെ.. അഭി ആകെ പെട്ടു.. എന്ത് പറഞ്ഞിട്ടും സിദ്ധുവിനു ഒരു കുഴപ്പവും ഇല്ലാത്തത് കണ്ടു ഇനി എന്ത് ചെയ്യും എന്നോർത്ത് അവൾ നിന്നു.. എന്നാൽ ആ സമയം സിദ്ധു അവളിലേക്ക് നടന്നു അടുത്തിരുന്നു..

അവൻ അവളുടെ കയ്യിൽ നിന്നും കത്തി ബലമായി പിടിച്ചു വാങ്ങി.. അവളുടെ ഇടുപ്പിൽ പിടിച്ചു അവളെ സ്ലാബിൽ കയറ്റി ഇരുത്തി.. അഭി അവന്റെ തോളിൽ ഇടിക്കാൻ തുടങ്ങി.. അവളുടെ കൈ രണ്ടു പിടിച്ചു വച്ചു സിദ്ധു അഭിയുടെ മുഖത്തോട് മുഖം ചേർത്തു.. അടങ്ങി ഇരുന്നാൽ ഞാൻ പോകും.. അല്ല എനിക്ക് പണി ഉണ്ടാക്കിയ ഞാൻ ഇന്ന് ഇവിടെ കിടക്കും.. എന്നെ വിട്ടേക്ക്.. അങ്ങനെ വിടാൻ വേണ്ടി അല്ല ഇത്രയും കാലം മനസ്സിൽ കൊണ്ടു നടന്നത്.. നിങ്ങൾക്ക് മറ്റൊരു കുടുംബം ഉണ്ട്.. ഇതെല്ലാം തെറ്റ് ആണ്.. ഇത് തെറ്റ്‌ അല്ല.. ഇത് മാത്രം ആണ് ശരി.. അഭിയുടെ കണ്ണുകൾ നിറഞ്ഞു ഒഴുകി.. അവളുടെ കണ്ണുനീർ അവനിൽ വേദന തോന്നിച്ചു.. തനിക്കു വേണ്ടി ഒരുപാട് കരഞ്ഞ അവളുടെ കണ്ണുകൾ ഇനി നിറയാൻ പാടില്ലെന്ന് അവന് തോന്നി.. അവളുടെ പിടി വിട്ടു സിദ്ധു മാറി നിന്നു.. സ്ലാബിൽ അവൾ അവന് വേണ്ടി ഒഴിച്ചു വച്ച ചായ എടുത്തു സിദ്ധു അടുക്കളയിൽ നിന്നും പോയി.. അഭി മുഖം പൊത്തി കരഞ്ഞു കൊണ്ടു അവിടെ തന്നെ ഇരുന്നു..

സിദ്ധുവിനെ കാണുമ്പോളും അടുത്ത് വരുമ്പോളും മനസ്സിൽ പഴയ പോലെ തന്നെയാണ്.. പക്ഷെ ഇന്ന് തനിക്കു അത് അനുഭവിക്കാൻ കഴിയില്ല.. ഇത്രയും അടുത്ത് ഉണ്ടായിട്ട് പോലും ആ സ്നേഹം തനിക്കു വിധിച്ചത് അല്ലെന്ന് അവൾ സ്വയം കരുതി.. കണ്ണ് തുടച്ചു അവൾ സ്ലാബിൽ നിന്നും ഇറങ്ങി മുഖം കഴുകി.. അവൾ ഹാളിൽ ചെല്ലുമ്പോൾ സിദ്ധു സോഫയിൽ ഇരുന്നു ചായ കുടിക്കുകയായിരുന്നു.. അവൻ ചായ കുടിച്ചു കഴിഞ്ഞു അവളുടെ അടുത്ത് ഗ്ലാസ്‌ കൊണ്ടു വന്നു കൊടുത്തു.. ഞാൻ ഇറങ്ങുന്നു.. മോർണിംഗ് കാണാം.. അവൾ ഒന്നും പറയാതെ അവനെ നോക്കാതെ നിന്നു..സിദ്ധു പോകാൻ വേണ്ടി തിരിഞ്ഞു നടന്നു.. വാതിൽക്കൽ എത്തിയതും സിദ്ധു അഭിയെ വിളിച്ചു.. ആമി.. വൺ മിനിറ്റ്.. അഭി എന്താ എന്ന ഭാവത്തിൽ വാതിലിനടുത്തേക്ക് നീങ്ങി.. അവന്റെ അടുത്ത് എത്തിയതും സിദ്ധു കുഞ്ഞിഞ്ഞു വന്നു അഭിയുടെ കവിളിൽ മുത്തി.. അഭി അവനെ തുറിച്ചു നോക്കിയതും സിദ്ധു അവിടെ നിന്നും നടന്നു നീങ്ങിയിരുന്നു..

അഭി കവിളിൽ കൈ വച്ചു കിടന്നു.. മനസ്സിൽ അപ്പോളും സിദ്ധു പറഞ്ഞ വാക്കുകൾ മാത്രം ആയിരുന്നു.. നാളെ മുതൽ അവന്റെ കൂടെ ജോലി ചെയ്യുന്നത് ഓർക്കുമ്പോൾ തന്നെ അവൾക്ക് കൈകാലുകൾ വിറക്കാൻ തുടങ്ങി.. സിദ്ധു തന്നോട് ഇങ്ങനെ പെരുമാറുന്നത് അവന്റെ ഭാര്യ എങ്ങാനും അറിഞ്ഞാൽ.. അഭിക്ക് ആലോചിച്ചു ആകെ പരിഭ്രമം ആയി.. സിദ്ധുവിനോട് നല്ല രീതിയിൽ സംസാരിച്ചു അവന് എന്താ പറയാൻ ഉള്ളത് എന്ന് കേൾക്കണം എന്ന് അഭി തീരുമാനിച്ചു.. അതിനു ശേഷം ആ ഓഫിസിൽ നിന്നും പോരണം എന്നും.. ആലി.. മതി എടുത്ത് വെച്ചേ.. ഇന്നലെ തുടങ്ങിയതാ അവളുടെ ഒരു ഉടുപ്പ്.. നല്ല രസം ഇല്ലേ അമ്മ.. അപ്പൊ ഞാൻ വാങ്ങിതന്നത് ഒന്നും ഭംഗി ഇല്ലേ.. ഇല്ല.. അയ്യടി കുറുമ്പി.. ഏതോ ഒരു അങ്കിൾ വാങ്ങി തന്നപ്പോൾ അമ്മയുടെത് വേണ്ട ലെ.. അത് ഏതോ അങ്കിൾ അല്ല.. പിന്നെ.. അത് എനിക്ക് ഇഷ്ടം ഉള്ള ഒരു അങ്കിളാ.. ആയിക്കോട്ടെ..ഇനിയും ആ അങ്കിൾ ഉടുപ്പ് വാങ്ങി തരില്ലലോ.. അമ്മ അല്ലെ വാങ്ങി തരുക.. അപ്പൊ കാണാം.. ഇനിം വാങ്ങി തരാന്ന് പറഞ്ഞല്ലോ..

രാവിലെ സ്കൂളിൽ പോകാൻ റെഡിയാവുമ്പോൾ ആലി സിദ്ധു വാങ്ങി തന്ന ഉടുപ്പ് തന്നെ ഇടണം പറഞ്ഞു വാശി പിടിച്ചു.. അത് കണ്ടു അഭിക്ക് ദേഷ്യം വന്നു.. ആലിക്ക് അയാളോട് ഇത്രയും സ്നേഹം വാരാൻ കാരണം എന്താ എന്നാലോചിക്കുകയായിരുന്നു അഭി.. പിന്നെ അയാള് നിനക്ക് ഉടുപ്പ് വാങ്ങി തരാൻ നടക്കുവല്ലേ.. അച്ഛാ എനിക്ക് ഉടുപ്പ് വാങ്ങി തരും.. ആര്.. ആലി കണ്ണ് തുറിച്ചു അഭിയെ നോക്കി.. ആലി ഇടയ്ക്ക് ഇടയ്ക്ക് അച്ഛൻ എന്ന് പറയുന്നത് അഭി ശ്രദ്ധിച്ചിരുന്നു.. വീണ്ടും അങ്ങനെ പറഞ്ഞപ്പോൾ അഭിക്ക് എന്തോ സംശയം തോന്നി.. അഭി ആലിയെ പിടിച്ചു മടിയിൽ ഇരുത്തി.. ആലിയുടെ മനസ്സ് കള്ളങ്ങൾ തേടുകയായിരുന്നു.. ആരാ ആലി ഇതൊക്കെ വാങ്ങി തന്നത്.. അങ്കിൾ... പിന്നെ നീ അച്ഛാ എന്ന് പറഞ്ഞതോ. അത്.. ആ അങ്കിളിനെ കാണാൻ അച്ഛായെ പോലെ തന്നെ ഉണ്ട്.. അതിന് നീ അച്ഛായെ കണ്ടിട്ടില്ലാലോ.. അമ്മ പറഞ്ഞില്ലേ അച്ഛാ കാണാൻ എന്നെ പോലെ ആണെന്ന്.. ആ അങ്കിളിനെ കാണാൻ എന്നെ പോലെ ഉണ്ട്.. അപ്പൊ ഞാൻ അച്ഛാ വിളിച്ചു..

ആലിയുടെ പരുങ്ങി ഉള്ള സംസാരം കേട്ട് അഭി അവളെ സൂക്ഷിച്ചു നോക്കി.. ആലി വേഗം അഭിയുടെ മടിയിൽ നിന്നും ഇറങ്ങി.. ആലി ചിരിച്ചു കൊണ്ടു ഓടി.. അമ്മയുടെയും അച്ഛന്റെയും പിണക്കം മാറാൻ വേണ്ടി ആ കുഞ്ഞു കള്ളം പറഞ്ഞു.. ആലി അത്രയും ആഗ്രഹിക്കുന്നുണ്ട് അവളുടെ അച്ഛന്റെ കൂടെ നിൽക്കാൻ.. ആലിയെ സ്കൂളിൽ ആക്കി അഭി ഓഫിസിലേക്ക് പോയി.. അഭി ആലിയെ ഇറക്കി വിട്ടു പോകുന്നത് റോഡ് സൈഡിൽ കാറിൽ ഇരുന്നു സിദ്ധു കാണുന്നുണ്ടായിരുന്നു.. അഭി പോയതും സിദ്ധു ആലിയുടെ സ്കൂളിലേക്ക് കയറി.. ആലിയുടെ ക്ലാസ്സിൽ പോയി അവളെ കണ്ടു.. ആലി സിദ്ധുവിനെ കണ്ടതും ഓടി വന്നു.. ആലിയെ കയ്യിൽ കോരി എടുത്തു അവൻ ചുംബിച്ചു..ക്ലാസ്സ്‌ തുടങ്ങും വരെ ആലിയോടൊപ്പം നിന്നാണ് സിദ്ധു അവിടെ നിന്നും പോന്നത്.. അഭി എല്ലാം അറിയും വരെ ആലിയെ കാണാൻ ആ മാർഗം ഉള്ളു എന്ന് അവൻ ഓർത്തു.. സിദ്ധു ഓഫീസിൽ എത്തുമ്പോൾ അഭി അവന്റെ ക്യാബിൻ മുന്നിൽ വെയിറ്റ് ചെയ്യുകയായിരുന്നു..

അവളോട്‌ അകത്തു വാരാൻ പറഞ്ഞു കൊണ്ടു സിദ്ധു അകത്തു കയറി.. അഭി അവന്റെ പുറകിൽ ആയി അകത്തേക്ക് ചെന്നു.. സിദ്ധു അപ്പോൾ ചെയറിൽ ഇരിക്കുകയായിരുന്നു.. ആമി.. അതാണ് നിന്റെ പ്ലേസ്.. സിദ്ധുവിന്റെ ക്യാബിനു ഉള്ളിൽ തന്നെ അവന്റെ ടേബിളിന് ഓപ്പോസിറ് ആയിരുന്നു അവൾക്ക് അനുവദിച്ച സ്ഥലം.. അവിടെ ഒരു ചെറിയ ടേബിളും ചെയറും ഉണ്ടായിരുന്നു.. അത് കണ്ടതും അഭി സിദ്ധുവിനെ ദയനീയമായി നോക്കി.. സിദ്ധു ലാപ്പിൽ നോക്കി ഇരിക്കുന്നത് കണ്ടു അഭി അവളുടെ സ്ഥലത്തു പോയി നിന്നു.. ആമി.. ഇന്നത്തെ ഷെഡ്യൂൾ ഒന്ന് നോക്കി പറയാമോ.. സർ പ്ലീസ് കാൾ മി അഭിരാമി ഓർ അഭി.. സോറി ആമി.. ഞാൻ ഇങ്ങനെ വിളിക്കു.. അഭി പല്ല് കടിച്ചു കൊണ്ടു എഴുന്നേറ്റു അവന്റെ ടേബിളിൽ നിന്നും ഡയറി എടുത്തു ഷെഡ്യൂൾ നോക്കി.. അന്ന് പ്രതേകിച്ചു മീറ്റിംഗ് ഒന്നും ഇല്ലായിരുന്നു.. അത് കൊണ്ടു പുറത്തു പോകേണ്ട ആവശ്യം ഇല്ല.. അഭി ആശ്വാസത്തോടെ പോയി ഇരുന്നു.. സിദ്ധുവിന്റെ നോട്ടം മുഴുവൻ അഭിയിൽ തന്നെ ആയിരുന്നു..

കാറ്റിൽ പാറുന്ന അവളുടെ മുടിയും കാതിലെ ജിമിക്കിയും മൂക്കുത്തിയും കണ്ണിലെ പടർന്ന കണ്മഷിയും എല്ലാം അവൻ നോക്കി നോക്കി ഇരുന്നു.. ഇടയ്ക്ക് അഭി നോക്കുന്നത് കാണുമ്പോൾ അവൻ നോട്ടം പിൻവലിക്കും.. അത് കാണുമ്പോൾ അഭിക്ക് ദേഷ്യം തോന്നും.. അവളുടെ ദേഷ്യം നിറഞ്ഞ മുഖവും എല്ലാം ആസ്വദിച്ചു സിദ്ധു ചിരിച്ചു.. ഉച്ചക്ക് ഭക്ഷണം കഴിക്കുമ്പോൾ ആണ് ശങ്കറും ദിയയും അഭിയുടെ അടുത്ത് വന്നത്.. അവർ അഭിയോട് ഒന്നും മിണ്ടാതെ ഭക്ഷണം കഴിച്ചു.. അഭി അവരോട് മിണ്ടാൻ പോയെങ്കിലും അവർ അവളെ നോക്കിയതേ ഇല്ല.. എന്താ എന്നോട് മിണ്ടാത്തെ.. ഞങ്ങൾ ഒക്കെ ആരാ അതിന്.. ഫോൺ വിളിച്ചാൽ പോലും എടുക്കില്ല.. മാത്രം അല്ല.. ഇപ്പൊ പി എ ഒക്കെ അല്ലെ.. പഴയ പോലെ ആവില്ലല്ലോ.. ശങ്കർ അങ്ങനെ പറഞ്ഞപ്പോൾ അറിയാതെ അഭിയുടെ കണ്ണുകൾ നിറഞ്ഞു.. അവർ അത് കാണണ്ട കരുതി അഭി വേഗം എഴുനേറ്റു പോയി.. അല്ലെങ്കിലും തനിക്കു ഒരു ഫ്രണ്ട് പോലും ഉണ്ടാവാൻ വിധി ഇല്ല.. എല്ലാവരിൽ നിന്നും അകന്നു പോകാൻ ആണ് വിധി..

ഉച്ചക്ക് ശേഷം സിദ്ധു ഓഫീസിൽ ഇല്ലായിരുന്നു.. അഭിക്ക് വിളിച്ചു പറഞ്ഞിട്ടും ഇല്ലായിരുന്നു.. അവൻ ഇല്ലാത്ത ആശ്വാസത്തിൽ അഭി ജോലി ചെയ്തു... അപ്പോൾ ആണ് അങ്ങോട്ട്‌ ശങ്കർ വന്നത്.. അവൻ എന്തോ ഫയൽ കൊടുക്കാൻ വന്നത് ആയിരുന്നു... അഭി.. ഞാൻ നിന്നോട് നിന്റെ പേർസണൽ കാര്യങ്ങൾ ഒന്നും ചോദിച്ചിട്ടില്ല.. പക്ഷെ നീയും സിദ്ധു സാറും തമ്മിൽ എന്തോ റിലേഷൻ ഉണ്ട്.. ഇത്രയും ദിവസം നീ എന്താ ഓഫീസിൽ വരാതെ ഇരുന്നത്.. ഞാൻ നിന്നെ നല്ലൊരു ഫ്രണ്ട് ആയാണ് കണ്ടത്.. പക്ഷെ നീ അങ്ങനെ കണ്ടില്ല എന്ന് തോന്നുന്നു.. ശങ്കർ ഈ സൺ‌ഡേ എന്താ പ്രോഗ്രാം.. പ്രതേകിച്ചു ഒന്നും ഇല്ല.. എന്നാൽ എന്റെ വീട്ടിൽ വാ.. റിയയെയും കൂട്ടിക്കോ.. എല്ലാത്തിനും ഉള്ള മറുപടി ഞാൻ താരാ.. ശങ്കറിനോട് എല്ലാം പറയണം എന്ന് അഭി തീരുമാനിച്ചു.. അവൻ നല്ലൊരു സുഹൃത് ആണ്..അപ്പോൾ അവനെ വിശ്വസിക്കാം എന്ന് അവൾക്ക് ഉറപ്പ് ആയിരുന്നു.. അഭി ജോലി തുടരുമ്പോൾ ആണ് അവളുടെ ഫോൺ റിങ് ചെയ്തത്.. സിദ്ധു ആണെന്ന് കണ്ടതും അഭി കുറച്ചു പേടിയോടെ ആണ് എടുത്തത്.. അവൻ അടുത്ത പണി എന്താ തരുകഎന്ന് പറയാൻ കഴിയില്ലല്ലോ.. ആമി.. ഞാൻ താഴെ ഉണ്ട്.. പെട്ടന്ന് വാ.. എവിടെക്കാ സർ.. അർജെന്റ് മീറ്റിംഗ് ഉണ്ട്.. സിദ്ധു അത്രയും പറഞ്ഞു വെച്ചതും അഭി ലാപ്പും ബാഗും എല്ലാം എടുത്തു താഴേക്ക് പോയി..

സിദ്ധു അവളെ കാറിൽ വെയിറ്റ് ചെയ്യുകയായിരുന്നു.. അവൾ കാറിൽ കയറിയതും സിദ്ധു കാർ എടുത്തു. ഇതൊക്കെ എന്തിനാ എടുത്തേ.. മീറ്റിംഗ് അല്ലെ.. അപ്പൊ ലാപ് വേണ്ടേ.. മീറ്റിംഗ് ആണ്.. പക്ഷെ നമ്മൾ രണ്ടാളും മാത്രം ഉള്ളു. സിദ്ധു വീണ്ടും വീണ്ടും തന്നെ ഇങ്ങനെ ടോർച്ചർ ചെയ്യുന്നത് കണ്ടു അഭിക്ക് നല്ല ദേഷ്യം തോന്നി.. അവൾ ഒന്നും മിണ്ടാതെ പുറത്തു നോക്കി ഇരുന്നു.. ഒരു മാളിന് മുന്നിൽ കാർ നിർത്തി സിദ്ധു അവളോട്‌ ഇറങ്ങാൻ പറഞ്ഞു.. അഭി ചുറ്റും നോക്കി ഇറങ്ങി.. സിദ്ധു കാർ പാർക്ക് ചെയ്തു അവളുടെ അടുത്ത് വന്നു.. ഒട്ടും ആലോചിക്കാതെ അവൻ അവളുടെ കൈ പിടിച്ചു നടക്കാൻ തുടങ്ങി. അഭി അവന്റെ കയ്യിൽ നിന്നും പിടി വിടാൻ പരമാവധി ശ്രമിച്ചു.. പക്ഷെ സിദ്ധുവിന്റെ പിടി മുറുകി കൊണ്ടേ ഇരുന്നു.. നേരെ ചെന്നത് ഒരു ഡ്രസ്സ്‌ കളക്ഷനിൽ ആയിരുന്നു.. അകത്തു കയറിയതും ഒരു പെൺകുട്ടി അവരുടെ മുന്നിലേക്ക് ചിരിച്ചു കൊണ്ടു വന്നു.. ആമി എന്താ വാങ്ങേണ്ടത്.. എനിക്ക് ഒന്നും വേണ്ട.. ഇത് ഒരു പബ്ലിക് പ്ലേസ് ആണ്.. നമ്മുടെ വഴക്ക് ഇവിടെ ഉള്ളോരേ അറിയിക്കേണ്ട.. അവരുടെ സംസാരം കേട്ട് ആ പെൺകുട്ടി ചിരിച്ചു..

തങ്ങളെ ഭാര്യയും ഭർത്താവുമായി ആ കുട്ടി തെറ്റിധരിച്ചു എന്ന് അഭിക്ക് മനസിലായി.. അവൾ വേഗം സിദ്ധു വിന്റെ കൈ പിടിച്ചു കുറച്ചു മാറി നിന്നു.. ആളുകൾ കാണും ആമി.. ഇവിടെ വച്ചാണോ.. ദേ.. എനിക്ക് നല്ല ദേഷ്യം വരുന്നുണ്ട്.. എന്തിനാ ഇങ്ങോട്ട് വന്നേ.. നീ ആദ്യം നിനക്ക് വേണ്ടത് സെലക്ട്‌ ചെയ്യു.. എന്നിട്ട് പറയാം.. ഞാൻ ഒന്നും ചെയ്യില്ല.. ഓക്കേ.. എന്നാൽ ഞാൻ ചെയ്യാം.. സിദ്ധു ആ പെൺകുട്ടിയെ അവന്റെ അടുത്തേക്ക് വിളിച്ചു.. ആ കുട്ടി അവരുടെ അടുത്ത് വന്നതും സിദ്ധു അഭിയുടെ തോളിൽ കയ്യിട്ടു.. ഇവൾക്ക് വേണ്ടിയാണ്.. ആള് കുറച്ചു ദേഷ്യത്തിൽ ആണ്.. അത് കൊണ്ടു നമുക്ക് രണ്ടാൾക്കും സെലക്ട് ചെയ്തു കൊടുക്കാം.. ആ കുട്ടി ചിരിച്ചു കൊണ്ടു ഡ്രസ്സ്‌ എടുക്കാൻ വേണ്ടി പോയി.. അഭി സിദ്ധുവിന്റെ കൈ അവളുടെ തോളിൽ നിന്നും തട്ടി ഇട്ടു.. അഭി അവിടെ നിന്നും പുറത്തു പോയി നിന്നു.. അവൾക്ക് ദേഷ്യവും സങ്കടവും എല്ലാം തോന്നി.. കുറച്ചു കഴിഞ്ഞു സിദ്ധു പുറത്തു വന്നു.. അവളുടെ അടുത്ത് സിദ്ധു വരുന്നത് കണ്ടതും നിറഞ്ഞ കണ്ണുകൾ അവൾ തുടച്ചു..

എല്ലാം എടുത്തിട്ടുണ്ട്.. പ്രതേകിച്ചു എന്തെങ്കിലും വേണോ.. കുറച്ചു വിഷം വാങ്ങി തരുമോ.. വെരി സോറി.. എനിക്ക് നിന്നെ കൊണ്ടു പല ആവശ്യങ്ങളും ഉണ്ട്.. സിദ്ധു വളരെ കൂളായി പറഞ്ഞു.. ബില്ല് അടച്ചു അവർ അവിടെ നിന്നും ഇറങ്ങി നടന്നു.. കുറെ കവർ ഉള്ളത് കൊണ്ടു തന്നെ അഭിയുടെ കയ്യിലും ഉണ്ടായിരുന്നു.. അവർ രണ്ടു പേരും കവർ പിടിച്ചു പോകുന്ന കാഴ്ച ദൂരെ നിന്നും മീര കണ്ടു.. അവൾ അപ്പൊ തന്നെ സിദ്ധുവിനെ വിളിച്ചു.. സിദ്ധു ഫോൺ സ്‌ക്രീനിൽ നോക്കി ചിരിച്ചു.. മീരയെ സിദ്ധു നേരെത്തെ കണ്ടിരുന്നു.. സിദ്ധു നീ എവിടെയാ.. ഞാൻ മാളിൽ ഉണ്ട്.. കൂടെ ആരാ.. എന്റെ പി എ.. നിങ്ങൾ എന്താ അവിടെ ചെയ്യുന്നേ.. നിനക്ക് വേണ്ടി കുറച്ചു ഷോപ്പിംഗ്.. അപ്പൊ ഇവളെയും കൂട്ടി.. പെണ്ണുങ്ങളുടെ ഇഷ്ടം പെണ്ണുങ്ങൾക്ക് അല്ലെ അറിയൂ.. സിദ്ധു അങ്ങനെ പറഞ്ഞതും മീരയുടെ ഹൃദയം തുടിച്ചു.. സിദ്ധു തനിക്കു വേണ്ടിയാണ് എല്ലാം വാങ്ങിയത് എന്നോർത്ത് അവളുടെ ക്ഷമ നശിച്ചു.. എല്ലാം പെട്ടന്ന് കിട്ടാൻ വേണ്ടി അവൾ കാത്തിരുന്നു.. സിദ്ധു ചിരിച്ചു കൊണ്ടു നടന്നു നീങ്ങി..

കാറിൽ കയറിയതും അഭി അവളുടെ കയ്യിലെ കവർ എല്ലാം പുറകിലെ സീറ്റിലേക്ക് ഇട്ടു.. അടുത്ത നിമിഷം അവൾ സിദ്ധുവിന്റെ ഷർട്ടിൽ കുത്തി പിടിച്ചു.. എന്താ നിങ്ങളുടെ ഉദ്ദേശം.. എനിക്ക് അറിയണം.. എന്ത് ഉദ്ദേശം.. എന്നെ കണ്ടപ്പോൾ മുതൽ എനിക്ക് സ്വസ്ഥത തരാതെ ഇങ്ങനെ ബുദ്ധിമുട്ടിക്കുന്നേ.. മാത്രം അല്ല എന്നോട് ഇങ്ങനെ ഓക്കേ പെരുമാറുന്നത് എന്താ.. നിങ്ങൾക്ക് ഭാര്യ ഇല്ലേ.. കുട്ടികൾ ഇല്ലേ.. അവരൊക്കെ അറിഞ്ഞാൽ.. നിങ്ങൾക്ക് അതൊന്നും ചിന്ത ഇല്ലേ.. എന്റെ കാര്യം അവിടെ നിൽക്കട്ടെ.. നിനക്ക് ആരെങ്കിലും അറിഞ്ഞാൽ പ്രശ്നം ഉണ്ടോ.. ഉണ്ട്.. ഇത്രയും നാൾ ഒരു മോശവും ഞാൻ കേൾപ്പിച്ചിട്ടില്ല.. ഇനിയും അങ്ങനെ വേണം എന്നുണ്ട്.. മറ്റൊരു പെണ്ണിന്റെ ഭർത്താവിനെ തട്ടി എടുത്തു എന്ന് പറയരുത്.. ആമി.. ഞാൻ നിന്നെ മറന്നു എന്നാണോ നീ കരുതുന്നത്.. പിന്നെ.. നാലു വർഷം നിങ്ങൾ എവിടെ ആയിരുന്നു.. ഇപ്പൊ കണ്ടപ്പോൾ പെട്ടന്ന് ഒരു സ്നേഹം.. ഇതിന് ഉള്ള മറുപടി ഇപ്പോൾ അല്ല.. ഞാൻ പറയും.. അത് വരെ നീ എന്നെ സഹിച്ചേ മതിയാവു.. സിദ്ധു അത്രയും പറഞ്ഞു വണ്ടി സ്റ്റാർട്ട്‌ ചെയ്തു..

അഭി ഡോറിൽ ദേഷ്യത്തിൽ ഇടിച്ചു കൊണ്ടു ദേഷ്യം അടക്കി.. യാത്രയിൽ അവർ ഒന്നും തന്നെ മിണ്ടിയില്ല.. അവളെ വീട്ടിൽ ആക്കി സിദ്ധു തിരിച്ചു പോയി.. സിദ്ധു വാങ്ങി തന്ന സാധങ്ങൾ എല്ലാം നോക്കി അഭി ഇരുന്നു.. എനിക്ക് അറിയില്ല സിദ്ധു ഏട്ടാ.. ദേഷ്യപ്പെടാൻ ഒട്ടും ആഗ്രഹം ഇല്ല.. പക്ഷെ വേണ്ട... ഞാൻ സ്നേഹത്തോടെ സംസാരിച്ചാൽ നമ്മൾ രണ്ടു പേരും വീണ്ടും കരയേണ്ടി വരും.. ഒന്നും വേണ്ട.. സിദ്ധു ഏട്ടന്റെ ആമി ഇനി ഇങ്ങനെ തന്നെ ആവും.. ആ നോട്ടവും സ്നേഹവും എല്ലാം ഞാൻ അറിയുന്നുണ്ട്.. പക്ഷെ.. നമുക്ക് ഒരു കുഞ്ഞു ഉണ്ടെന്ന് പോലും ഞാൻ അറിയിക്കില്ല.. ഞാനും മോളും കാരണം സിദ്ധു ഏട്ടന് ഒരു പ്രശ്നം ഉണ്ടാവരുത്.. ഞാൻ ഇങ്ങനെ കഴിഞ്ഞോളം.. വെറുതെ എനിക്ക് വീണ്ടും മോഹങ്ങൾ തരല്ലേ ഏട്ടാ.. അഭി മുഖം പൊത്തി കരഞ്ഞു കൊണ്ടു നിലത്തു ഇരുന്നു.. ഒരുപാട് സമയം കഴിഞ്ഞു ആണ് അവൾ എഴുന്നേറ്റത്.. ആലിയെ കൊണ്ടു വാരാൻ ഉള്ളത് കൊണ്ടു അവൾ റെഡിയായി ആലിയുടെ സ്കൂളിൽ പോയി.. സിദ്ധു വീട്ടിൽ എത്തുമ്പോൾ ഹാളിൽ തന്നെ അംബികയും മീരയുടെ അച്ഛനും അമ്മയും ഉണ്ടായിരുന്നു..

അവർ എല്ലാം എന്തോ ചർച്ചയിൽ ആണെന്ന് സിദ്ധുവിനു മനസിലായി.. സിദ്ധുവിനെ കണ്ടതും അവർ എല്ലാം ചിരിച്ചു കൊണ്ടു അവനെ നോക്കി.. ആ നീ വന്നോ.. ഞങ്ങൾ എല്ലാം അത് അങ്ങ് തീരുമാനിച്ചു.. എന്നോട് ചോദിക്കാതെയോ.. ഞാൻ പറഞ്ഞു.. അപ്പൊ അംബിക പറഞ്ഞു അവരുടെ തീരുമാനം ആണ് മോന്റെയും എന്ന്.. മീരയുടെ അച്ഛൻ അങ്ങനെ പറഞ്ഞതും സിദ്ധു അംബികയെ നോക്കി.. അവർ അവന്റെ അടുത്ത് വന്നു നിന്നു.. എന്നിട്ട് എന്ന കല്യാണം.. രണ്ടാഴ്ച കഴിഞ്ഞു..ഈ മാസം ഇരുപത്തിയൊന്നിന്.. സൺ‌ഡേ.. ഓ.. അപ്പൊ കുറച്ചു ദിവസം ഉള്ളല്ലോ.. അതിന് എന്താ.. അമ്മ ഇല്ലേ ഡാ.. അതൊക്കെ ഓക്കേ.. പക്ഷെ ഓഡിറ്റോറിയം ആളുകളെ എല്ലാം ഞാൻ പറയുന്നത് പോലെ.. അതെന്താ.. അതെങ്കിലും ഞാൻ ചെയ്യട്ടെ അമ്മാ.. സിദ്ധു ചിരിച്ചു കൊണ്ടു പറഞ്ഞു അവിടെ നിന്നും മുറിയിലേക്ക് പോയി.. മുറിയിൽ എത്തിയതും സിദ്ധു ഫോൺ എടുത്തു നന്ദന്റെ നമ്പറിൽ ടൈൽ ചെയ്തു.. നന്ദേട്ടാ.. ഈ മാസം ടുന്റി വൺ ആണ് ഡേറ്റ്.. അതിനു മുന്നേ ഞാൻ വരും.. സിദ്ധു ഫോൺ ബെഡിലേക്ക് എറിഞ്ഞു കൊണ്ടു ബെഡിൽ മലർന്നു കിടന്നു.. കണ്ണുകൾ അടച്ചു അവൻ ശാന്തമായി കിടന്നു.. ആമി.. നിനക്ക് ഒരു സർപ്രൈസ് കൊണ്ടു വരുന്നുണ്ട് ഞാൻ.. ജസ്റ്റ്‌ വെയിറ്റ് ടു വീക്സ്......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...