💙എൻ ജീവനിൽ💙 ഭാഗം 4

രചന: ആമി

സിദ്ധാർഥ് കാർ മാക്സിമം സ്പീഡിൽ പായിച്ചു.. അവന്റെ ഹൃദയം വല്ലാതെ മിടിക്കുന്നുണ്ടായിരുന്നു.. സന്തോഷം ആണോ അതോ ദുഖമാണോ എന്ന പോലും അറിയാത്ത ഒരു അവസ്ഥ ആയിരുന്നു.. അവളെ കാണണം എന്ന് മനസ്സിൽ ആയിരം വട്ടം മോഹം ഉദിക്കുമ്പോളും കണ്ട് കഴിഞ്ഞാൽ സംഭവിക്കാൻ പോകുന്നത് ഓർത്തു ചെറിയ വേദനയും അവന്റെ നെഞ്ചിൽ പടർന്നു.. എങ്കിലും കാണണം എന്നാ ആഗ്രഹത്തോടെ തന്നെ അവൻ അവിടേക്ക് കാർ വിട്ടു.. വിനു അയച്ച ലൊക്കേഷനിൽ എത്തിയതും അവന്റെ കണ്ണിൽ വിനു നിൽക്കുന്നത് കണ്ടു.. റോഡ്‌ സൈഡിൽ കാർ നിർത്തി സിദ്ധാർഥ് വേഗത്തിൽ ഓടി വിനുവിന്റെ അടുത്ത് എത്തി.. വിനു.. എവിടെ അവൾ... സർ.. അവർ പോയി.. സിദ്ധാർഥ് വിനുവിനെ സൂക്ഷിച്ചു നോക്കി.. അകത്തു കയറി കുറച്ചു കഴിഞ്ഞു അവർ പെട്ടന്ന് ഒരു ഓട്ടോ എടുത്തു പോയി.. വിനു പറയുന്നത് കേട്ട് സിദ്ധാർഥ്ന് ദേഷ്യം വന്നു.. അടുത്ത് എത്തിയിട്ടും ഒന്ന് കാണാൻ കഴിയാതെ പോയ നിരാശ അവനിൽ നിറഞ്ഞു.. അവൻ തല കുടഞ്ഞു കൊണ്ട് ചുറ്റും നോക്കി..

എപ്പോളാ പോയെ.. അഞ്ചു മിനിറ്റ് ആയിട്ടുള്ളു... എങ്ങോട്ടാ പോയത്.. അവൾ പോയ വഴിയിലേക്ക് വിനു വിരൽ ചൂണ്ടിയതും ആ നിമിഷം തന്നെ സിദ്ധാർഥ് കാറിൽ കയറി ആ വഴിയിലൂടെ പോയി.. അവന്റെ മനസ്സിൽ പഴയ ഓർമ്മകൾ വന്നു മൂടുമ്പോളും അവളെ ഒരു നോക്ക് കാണുക എന്ന ആഗ്രഹം ഉയർന്നു വന്നു കൊണ്ടേ ഇരുന്നു.. ചുറ്റും നോക്കി അവൻ കാർ സ്പീഡിൽ തന്നെ വിട്ടു.. ആലി മോൾടെ സ്കൂളിൽ നിന്നും വിളിച്ചു പറഞ്ഞത് പ്രകാരം അഭി അങ്ങോട്ട്‌ പോവുകയായിരുന്നു.. അവൾക്ക് എന്ത് പറ്റി എന്നറിയാതെ അവളുടെ ഉള്ളം നീറി കൊണ്ടിരുന്നു.. സ്കൂളിൽ എത്തിയതും അവൾ അകത്തേക്ക് ഓടി.. സ്റ്റാഫ് റൂമിൽ എത്തുമ്പോൾ അവൾ നന്നായി കിതക്കുന്നുണ്ടായിരുന്നു.. ശ്വാസം എടുക്കാൻ പാട് പെടുമ്പോളും അവളുടെ കണ്ണുകൾ പോയത് ആലി മോളെ തിരയുകയായിരുന്നു.. മോള്.. അയ്യോ മിസ്സ്‌ വിളിച്ചു പറഞ്ഞില്ലേ.. ആലിയെ ഹോസ്പിറ്റലിൽ കൊണ്ട് പോയി.. എന്താ എന്റെ മോൾക്ക് പറ്റിയെ.. അറിയില്ല.. രാവിലെ വന്നപ്പോൾ നല്ല ആക്റ്റീവ് ആയിരുന്നു..

പക്ഷെ ഇടയ്ക്ക് വച്ചു എന്തോ മിണ്ടാതെ ആയി.. ചോദിച്ചപ്പോൾ ഒന്നും പറഞ്ഞില്ല.. പിന്നെ താഴെ വീണു കിടക്കുന്നു.. വീഴചയിൽ നെറ്റിയിൽ ചെറിയ മുറിവ് ഉണ്ട്.. അയ്യോ..ന്റെ കുട്ടി.. നെഞ്ചത്ത് കൈ വച്ചു കരയുന്ന അവളെ ആ ടീച്ചർ സമദനിപ്പിച്ചു..അവൾ ഏതു ഹോസ്പിറ്റലിൽ ആണെന്ന് അന്വേഷിച്ചു അപ്പോൾ തന്നെ അങ്ങോട്ട് പുറപ്പെട്ടു.. അഭിയുടെ കണ്ണുകൾ നിറഞ്ഞു ഒഴുകി കൊണ്ടേ ഇരുന്നു.. സിദ്ധാർഥ് അഭിയെ കാണാൻ കഴിയാത്ത ദേഷ്യം മുഴുവൻ സ്റ്റീയറിൽ തീർത്തു.. ചുവന്നു വന്ന കണ്ണുകളിൽ സങ്കടം അലതല്ലി.. ഒരു പ്രാന്തനെ പോലെ അവന്റെ മനസ്സ് അഭിയെ കാണാൻ വേണ്ടി തുടിച്ചു.. നിരാശയോടെ കാർ റോഡ്‌ സൈഡിൽ നിർത്തി അവൻ സ്റ്റീയറിൽ തല വച്ചു കിടന്നു.. ആമി.. നീ എന്റെ അടുത്ത് തന്നെ ഉണ്ട്.. എന്റെ മുന്നിൽ ഒന്നു വന്നു കൂടെ നിനക്ക്.. ഒന്ന് കണ്ടാൽ മാത്രം മതിയെടി എനിക്ക്.. ആ മുഖം കണ്ടാൽ മാത്രം മതി.. അവൻ അത് പറഞ്ഞു കൊണ്ടേ ഇരുന്നു.. സ്റ്റീയറിൽ ശക്തിയായി തല്ലി അവൻ നേരെ ഇരുന്നു.. കണ്ണുകളിലെ അഗ്നി കുറഞ്ഞു പോയിരുന്നു..

എങ്കിലും ആ മുഖത്തു ഗൗരവം തന്നെയായിരുന്നു.. പറഞ്ഞറിയിക്കാൻ കഴിയാത്ത ഒരു ഭാവത്തോടെ അവൻ ഇരുന്നു.. ഒന്നു ശാന്തമായെന്ന് തോന്നിയതും അവൻ കാർ സ്റ്റാർട്ട്‌ ചെയ്തു.. അവൻ നേരെ വീട്ടിലേക്കു ആയിരുന്നു പോയത്.. കാർ മുറ്റത്തേക്ക് ഇരച്ചു കയറ്റി അവൻ ശക്തമായി ഡോർ വലിച്ചു തുറന്നു കാറിൽ നിന്നും ഇറങ്ങി.. അകത്തേക്ക് നടന്നു അടുക്കുമ്പോൾ ആണ് വീടിന്റെ ഉള്ളിൽ നിന്നും ഉയരുന്ന ശബ്ദം അവൻ ശ്രദ്ധിച്ചത്.. അത് ആരുടെ ആണെന്ന് മനസ്സിലായതും അവന്റെ നരമ്പുകൾ ഒന്ന് കൂടെ വലിഞ്ഞു മുറുകി.. അവൻ അകത്തു കയറി എങ്ങോട്ടും നോക്കാതെ സ്റ്റെയർ കയറാൻ തുടങ്ങുമ്പോൾ ആയിരുന്നു പുറകിൽ നിന്നും പ്രതീക്ഷിച്ച വിളി വന്നത്.. പക്ഷെ അവൻ നിന്നില്ല.. അവൻ മുകളിൽ പോയി മുറിയുടെ വാതിൽ ശക്തിയിൽ വലിച്ചു അടച്ചു.. ഫോണും വച്ചും അഴിച്ചു ബെഡിലേക്ക് ശക്തിയിൽ എറിഞ്ഞു..

ബെഡിൽ ഇരുന്നു തലയിൽ കൈ കുത്തി അവൻ ഇരുന്നു.. ദേഷ്യം നുരഞ്ഞു പൊന്തി കൊണ്ടേ ഇരുന്നു.. അതിന്റെ ഫലം എന്നോണം അടുത്ത് ഇരുന്ന ടേബിളിൽ ഫ്ലവർ വെസ് എടുത്തു ചുമരിലേക്ക് എറിഞ്ഞു.. മുടിയിൽ പിടിച്ചു അവൻ അതെ ഇരുപ്പ് തുടർന്നു... അഭി ഹോസ്പിറ്റലിൽ എത്തുമ്പോൾ ആലി മയക്കത്തിൽ ആയിരുന്നു.. അവളെ കണ്ടതും അഭി അവളെ പുണർന്നു ചുംബനം കൊണ്ട് മൂടി.. അവിടെ രണ്ടു സർ മാർ ഉണ്ടായിരുന്നു.. അവരെ ഒന്നും നോക്കാതെ അവൾ കരഞ്ഞു കൊണ്ട് ആലിയെ പുണർന്നു.. ആ സമയം ഉണർന്ന ആലി അഭി കരയുന്നത് കണ്ടു അവളും കരഞ്ഞു.. എന്താ മോളെ.. ആലി കരയുന്നത് കണ്ടില്ലേ.. വെറുതെ മോളെ കൂടെ വിഷമിപ്പിക്കാൻ.. ഒരു സർ പറഞ്ഞതും അഭി കണ്ണ് തുടച്ചു ആലിയെ നോക്കി ചിരിച്ചു.. എങ്കിലും ആലിയുടെ ചുണ്ടിൽ തേങ്ങൽ ഉണ്ടായിരുന്നു.. ചെറിയ മുറിവ് ആയത് കൊണ്ട് തന്നെ അഡ്മിറ്റ് വേണ്ടിയിരുന്നില്ല.. സർ മാരുടെ കാറിൽ അവരെ വീട്ടിൽ ആക്കി അവർ പോയി.. അകത്തു കയറി അഭി ആലിയെ ബെഡിൽ കിടത്തി.. അവളുടെ മുഖത്തെ നിരാശ അഭി ശ്രദ്ധിച്ചു..

അടുക്കളയിൽ പോയി അവൾക്കു വേണ്ടി കുറച്ചു കഞ്ഞി എടുത്തു.. ചെറുതായി ചൂടാക്കി അത് കൊണ്ട് വന്നു അഭി ആലിയുടെ അടുത്ത് ഇരുന്നു.. ഇത് കുടിച്ചേ.. ക്ക് വേണ്ട.. അതെന്താ.. ഭക്ഷണം കഴിക്കത്തോണ്ടാ ഇപ്പൊ ഹോസ്പിറ്റലിൽ പോയെ.. അത് കൊണ്ട് ഒന്നും അല്ല.. പിന്നെ.. ഞാൻ ന്റെ അച്ഛായെ കാണാൻ പോയതാ... ആലിയുടെ കുഞ്ഞു മുഖം വിടർന്നു കൊണ്ട് അത് പറയുമ്പോൾ അഭിയുടെ മുഖം മങ്ങി.. അവൾക്ക് ഒന്നും മനസിലായില്ല എങ്കിലും ആലിയുടെ ഉള്ളിൽ എന്തെല്ലാമോ ഉണ്ടെന്നു അവൾക്ക് തോന്നി.. കഞ്ഞി ടേബിളിൽ വച്ചു അവൾ ആലിയെ എടുത്തു മടിയിൽ വച്ചു.. അച്ഛാ ഹോസ്പിറ്റലിൽ ആണെന്ന് ആരാ പറഞ്ഞത്.. എന്നോട് അമ്മു പറഞ്ഞു.. അവളുടെ അച്ഛാ ഹോസ്പിറ്റലിൽ ആയിരുന്നു ത്ര.. അവളും ഹോസ്പിറ്റലിൽ പോയപ്പോൾ ആണ് ത്ര അവളുടെ അച്ഛായെ കണ്ടത്.. അപ്പൊ വീണത് എല്ലാം.. ഞാൻ വെറുതെ വീണതാ.. മുറിവ് ആയപ്പോൾ വേദന തോന്നി.. പച്ചേ.. അച്ഛായെ കാണാൻ അല്ലെ.. അതോണ്ട് കൊയപ്പല്ല.. അവളുടെ കുഞ്ഞു മുഖത്തു സന്തോഷം വിരിയുമ്പോൾ അഭിയുടെ കൺ കോണിൽ കണ്ണുനീർ ഒഴുകി..

ആലി കാണാതെ കണ്ണ് തുടച്ചു അഭി അവളുടെ നെറുകയിൽ മുത്തി.. ആലിയുടെ കൂടെ പഠിക്കുന്ന കുട്ടി ആണ് അമ്മു.. അവളുടെ അച്ഛൻ നാട്ടിൽ അല്ലായിരുന്നു ജോലി.. ഇടയ്ക്ക് വന്നു പോവും.. ഒരിക്കൽ അവൾക് അസുഖം വന്നപ്പോൾ കാണാൻ വന്നിരുന്നു.. അന്നാണ് അമ്മു ശരിക്കും അച്ഛന്റെ സ്നേഹം അറിയുന്നത് തന്നെ.. അമ്മുവിന്റെ അമ്മ പറഞ്ഞ കാര്യങ്ങൾ ഓർത്തു അഭി അതെ ഇരുപ്പ് തുടർന്നു.. അമ്മാ.. അച്ഛായെ നമ്മൾ അവിടെ കണ്ടില്ലല്ലോ.. മോൾടെ അച്ഛാ ഹോസ്പിറ്റലിൽ അല്ല.. പിന്നെ വിടെയാ.. ദൂരെ.. ഒരുപാട് ഒരുപാട് ദൂരെ.. അപ്പൊ ആലി മോളെ കാണാൻ വരില്ലേ.. വരും.. ഒരു ദിവസം വരും.. അത് വരെ നല്ല കുട്ടി ആയിരുന്നലെ അച്ഛാ വരുമ്പോൾ അച്ഛന് സന്തോഷം ആവും.. ആണോ.. എന്നാ ഇനി നന്ദച്ചൻ വരുമ്പോൾ പറയണം അച്ഛായെ കൂട്ടി വാരാൻ.. മ്മ്.. അഭി അലസാമി മൂളി.. ആലി അവളുടെ മടിയിൽ നിന്നും ഇറങ്ങി ബെഡിൽ ഇരുന്നു കളിച്ചു കൊണ്ടിരുന്നു.. അഭി പതിയെ എഴുനേറ്റു മുറിയിൽ നിന്നും ഇറങ്ങി ഹാളിൽ സോഫയിൽ പോയി ഇരുന്നു.. ആലി സ്കൂളിൽ പോയി തുടങ്ങി പിന്നെയാണ് അച്ഛായെ ചോദിക്കാൻ തുടങ്ങിയത്..

മറ്റ് കുട്ടികൾക്കു ഒക്കെ ഉണ്ട് തനിക്കു മാത്രം ഇല്ല എന്ന് പരിഭവം പറയുന്ന മകളെ അവൾ എന്നും മാറോട് ചേർത്തു കരയും.. എന്നാൽ അടുത്ത് ആയി അവൾക്ക് അച്ഛായെ കാണാൻ ആഗ്രഹം കൂടുതൽ ആണ്.. നന്ദനെ സംസാരിക്കാൻ തുടങ്ങിയത് മുതൽ നന്ദച്ചൻ എന്ന് തന്നെ വിളിക്കുന്നത്.. നന്ദൻ പലപ്പോളും അങ്കിൾ ആണെന്ന് അവളോട് പറയും എങ്കിലും അവൾ അങ്ങനെ വിളിക്കു.. പക്ഷെ അവൾക്കു അറിയാം അവളുടെ അച്ഛൻ നന്ദൻ അല്ല എന്ന്.. മനസ്സിൽ ആലിയെ ഓർത്തു അവൾ സോഫയിൽ തല ചായ്ച് വച്ചു കണ്ണ് അടച്ചു കിടന്നു.. കൺ കോണിലൂടെ കണ്ണുനീർ ഒഴുകി ഒലിക്കുമ്പോളും മനസ്സിൽ ആ മുഖം ആയിരുന്നു.. ഒട്ടും പ്രതീക്ഷിക്കതെ തന്റെ ജീവിതത്തിലേക്ക് കടന്നു വന്നു കുന്നോളം സ്നേഹം തന്നു കടലോളം സങ്കടം വേദന തന്നു മടങ്ങി പോയ അവനെ ഓർത്തു അവൾ കിടന്നു.. ഓർമ്മകൾ കാട് കയറി നാലു വർഷം പുറകിലേക്ക് പോയി..

സിദ്ധാർഥ് ഗ്ലാസിലെ മദ്യം ചുണ്ടോട് ചേർത്തു..ബാൽക്കണിയിൽ ഇരുന്നു മറു കയ്യിൽ ഉള്ള സിഗരറ്റ് വലിച്ചു കൊണ്ട് അവൻ മുകളിലേക്കു നോക്കി.. കറുത്ത ഇരുണ്ട മാനം കണ്ടു അവന്റെ ഹൃദയത്തിൽ ഒരു കുളിർ തോന്നി.. ഗ്ലാസ്‌ ടേബിളിൽ വച്ചു അവൻ ഫോൺ എടുത്തു വിനുവിന്റെ നമ്പർ ടൈൽ ചെയ്തു.. വിനു നാളെ മോർണിംഗ് എനിക്ക് അവളുടെ ഡീറ്റെയിൽസ് കിട്ടണം.. നമ്പർ അടക്കം എല്ലാം.. അവന്റെ മറുപടി കേൾക്കാതെ സിദ്ധാർഥ് ഫോൺ ടേബിളിൽ വച്ചു.. സിഗരറ്റ് കുറ്റി വലിച്ചെറിഞ്ഞു അവൻ നിലത്തു മലർന്നു കിടന്നു.. ചെറുതായി വീഴുന്ന മഴത്തുള്ളികൾ അവനിൽ വന്നു പതിയുമ്പോൾ അവന്റെ മനസ്സിൽ ആമിയുടെ ഓർമ്മകൾ പാഞ്ഞെത്തി.. മഴത്തുള്ളികളെ ചുംബിച്ചു കൊണ്ട് അവൻ അതെ കിടപ്പ് കിടന്നു.. മനസ്സിനെ ഒരിക്കലും മറക്കാത്ത ആ മഴക്കാലത്തേക്ക് വിട്ടു കൊണ്ട്.. ************ ചേച്ചി പതുക്കെ പോ.. ന്റെ അഭി .. നേരം വൈകിയാൽ പിന്നെ വല്യച്ഛന്റെ വായിൽ ഉള്ളത് മുഴുവൻ കേൾക്കേണ്ടി വരും.. വേഗം നടക്കു.. ചേച്ചി പെണ്ണെ.. ഇന്നല്ലേ അനന്തു ഏട്ടൻ വരാന്ന് പറഞ്ഞത്..

നമുക്ക് കവലയിൽ പോയി നോക്കിയാലോ.. അങ്ങോട്ട്‌ തന്നെ അല്ലെ വരുക.. അവിടുന്ന് കാണാം.. ചേച്ചി.. പ്ലീസ്.. അനന്തു ഏട്ടന്റെ കൂടെ പോയാൽ നേരം വൈകിയാലും കുഴപ്പമില്ലലോ.. എന്നാലും.. ഒരു എന്നാലും ഇല്ല.. വേഗം നടക്കു... ബസ് വരുന്ന സമയം ആയി.. അഭിരാമി ആതിരയുടെ കൈ പിടിച്ചു വേഗത്തിൽ നടന്നു.. അവർ രണ്ടു പേരും ഒരുമിച്ചു ആയിരുന്നു സ്കൂളിൽ നിന്നും വരുന്നത്.. അഭി പ്ലസ് ടുവിലും ആതിര ഡിഗ്രി രണ്ടാം വർഷവും ആയിരുന്നു..അനന്തു അവരുടെ അച്ഛന്റെ ഏട്ടന്റെ മകൻ ആണ്.. അവർ എല്ലാം ഒരു വീട്ടിൽ ആണ് താമസം.. കൂട്ട് കുടുംബമായി കഴിഞ്ഞു വരുന്ന കോലോത്തെ വീട്ടിലെ കുട്ടി ആയിരുന്നു അഭിരാമി.. അവളുടെ ശ്രീത്വം വിളമ്പുന്ന മുഖം കാണാൻ നല്ല ഐശ്വര്യമായി രുന്നു.. കാച്ചിയെണ്ണ മണമുള്ള മുട്ടറ്റം വരെ ഉള്ള മുടിയിൽ തുളസികതിർ വച്ചു നെറ്റിയിൽ ചന്ദനം തൊട്ട് ഒരു കൊച്ചു സുന്ദരി പെണ്ണ്.. അവർ കവലയിൽ എത്തുമ്പോൾ നല്ല മഴക്കോള് ഉണ്ടായിരുന്നു.. ആതിര അഭിയോട് ദേഷ്യപ്പെട്ടു.. എങ്കിലും അവൾ നിർബന്ധിച്ചു അവളെ പിടിച്ചു നിർത്തി..അവർ കാത്തു നിന്ന ബസ് എത്തിയതും മഴ നന്നായി പെയ്തു.. ആതിരയും അഭിയും കുട നിവർത്തി ബസ്സിൽ നിന്നും ഇറങ്ങുന്നവരെ നോക്കി..

അവർ പ്രതീക്ഷിച്ച മുഖം കണ്ടതും അവർ സന്തോഷത്തോടെ അങ്ങോട്ട്‌ ഓടി.. അപ്പോളേക്കും അനന്തു വെയിറ്റ് ഷെഡിൽ കയറി നിന്നു.. ബസ് പോയി കഴിഞ്ഞു അനന്തു നോക്കുമ്പോൾ അടുത്ത് നിൽക്കുന്ന അഭിയെയും ആതിരയെയും കണ്ടു.. അവൻ അവരെ നോക്കി ചിരിച്ചു.. എന്നെ കാത്തു നിൽക്കുവായിരുന്നോ.. പിന്നെ അല്ലാതെ.. ഏതായാലും നന്നായി.. അനന്തു ബാഗ് തോളിൽ ഇട്ടു അവരെ നോക്കി പറഞ്ഞു.. അവൻ എന്തോ തിരിഞ്ഞു നോക്കി..അവന്റെ പുറകിൽ ഒരാൾ ഫോണിൽ സംസാരിച്ചു കൊണ്ട് നിൽക്കുന്നുണ്ടായിരുന്നു.. അഭി നോക്കിയപ്പോൾ അയാളുടെ മുഖം കണ്ടില്ല.. അപ്പോളേക്കും അനന്തു ആതിരയുടെ കുടയിൽ കയറി.. അവരുടെ പുറകിൽ ആയി അഭി നടക്കാൻ തുടങ്ങിയതും അനന്തു തിരിഞ്ഞു നിന്നു വിളിച്ചു പറഞ്ഞു.. ഡാ അഭിയുടെ കുടയിൽ കയറിക്കോ.. അഭി ആരോടാ എന്നുള്ള ഭാവത്തിൽ ചുറ്റും നോക്കി.. അവൾ തിരിഞ്ഞു നോക്കും മുന്നേ അവളുടെ കുടക്കുള്ളിലേക്ക് ഒരാൾ ഓടി കയറി.. അവളുടെ തോളിലൂടെ കയ്യിട്ടു അവൻ അവളോട് ചേർന്ന് നിന്നു..

ഒരു നിമിഷം പേടിച്ചു പോയ അഭി അവനെ നോക്കി കണ്ണ് മിഴിച്ചു.. അവൻ അവളെ നോക്കിയിരുന്നില്ല.. തന്നെ നോക്കുന്ന മിഴികളെ കണ്ടു അവൻ ചരിഞ്ഞു നോക്കുമ്പോൾ അവളെ കണ്ടു ഒരു നിമിഷം അവനും പകച്ചു.. അവളുടെ തോളിൽ ഉള്ള അവന്റെ കൈകൾ അവൻ എടുത്തു മാറ്റി.. അവളുടെ കണ്ണിലെ ചായങ്ങളിൽ വീണു പോയിരുന്നു അവന്റെ ഹൃദയം.. സോറി.. അഭി എന്ന് പറഞ്ഞപ്പോൾ ആണ് ആണെന്ന് കരുതി.. സോറി.. അവൻ കുടയിൽ നിന്നും ഇറങ്ങി കൊണ്ട് പറഞ്ഞു...അവന്റെ ക്ഷമാപണം കണ്ടു അവൾ പതിയെ ചിരിച്ചു കുടയിൽ കയറാൻ വേണ്ടി പറഞ്ഞു.. അവൻ കുറച്ചു വിട്ടു മാറി കുടയിൽ കയറി..ആതിരയും അനന്തുവും ഒരുപാട് ദൂരം മുന്നോട്ടു പോയിരുന്നു.. അവർ പരസ്പരം ചമ്മലോടെ പതിയെ നടന്നു.. അന്ന് അവർ ഒരു കുടക്കീഴിൽ ഒരുമിച്ചു നടന്നത് അവരുടെ രണ്ടു പേരുടെയും ജീവിതത്തിൽ ഒരുപാട് മാറ്റങ്ങൾക്ക് വേണ്ടിയായിരുന്നു........കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...