💙എൻ ജീവനിൽ💙 ഭാഗം 6

രചന: ആമി

അഭി ഉറക്കത്തിൽ നിന്നും കണ്ണ് തുറന്നു പതിയെ എഴുനേറ്റു ഇരുന്നു.. അരികിൽ കിടക്കുന്ന ആലിയുടെ കവിളിൽ ഒരു ഉമ്മ നൽകി അവൾ ബാത്രൂമിൽ കയറി.. കുളി കഴിഞ്ഞു അവൾ അടുക്കളയിൽ കയറി ഭക്ഷണം റെഡിയാക്കി ആലിയെ വിളിക്കാൻ മുറിയിൽ വന്നു.. ആലി.. എഴുന്നേൽക്ക്.. അവൾ ചിണുങ്ങി കൊണ്ട് പതിയെ കണ്ണുകൾ തുറന്നു.. പിന്നെ വീണ്ടും കണ്ണ് അടച്ചു കിടന്നു.. അഭി ചിരിച്ചു കൊണ്ട് അവളെ കോരി എടുത്തു തോളിൽ ഇട്ടു.. എടി കള്ളി പാറു.. നിന്റെ കള്ള ഉറക്കം ഉണ്ടല്ലോ ഞാൻ.. അവളെ ബാത്‌റൂമിൽ കൊണ്ട് പോയി പല്ല് തേപ്പിച്ചു കുളിപ്പിച്ച് അഭി ഭക്ഷണം കൊടുക്കാൻ വേണ്ടി സോഫയിൽ ഇരുത്തി.. അവളുടെ അടുത്ത് ഇരുന്നു അഭി അവളുടെ വായിലേക്ക് ദോശ വച്ചു കൊടുത്തു.. അമ്മാ.. മ്മ്.. ഇന്ന് അച്ഛാ വരുമൊ.. അഭി ഒന്നും പറയതെ അവളെ നോക്കി ഇരുന്നു.. അഭിയിൽ നിന്നും മറുപടി ഒന്നും കിട്ടാത്തത് കൊണ്ട് ആ കുഞ്ഞു മുഖം വാടി.. അത് കണ്ടതും അഭിയുടെ ഹൃദയം ഒന്നു പിടഞ്ഞു.. ന്റെ ആലിയുടെ അച്ഛാ വലിയ ആളല്ലേ.. പെട്ടന്ന് ഒന്നും വാരാൻ പറ്റില്ല..

കുറെ ജോലി ഉള്ള ആളാ.. അപ്പൊ അതൊക്കെ കഴിഞ്ഞു വന്നു പിന്നെ എപ്പോളും മോൾടെ കൂടെ തന്നെ ആയിരിക്കും.. അഭി പറയുന്നത് എല്ലാം കേട്ട് ആ കുഞ്ഞി കണ്ണുകൾ വിടർന്നു.. എന്നാൽ ഒരിക്കലും നടക്കാൻ സാധ്യത ഇല്ലാത്ത കാര്യം പറഞ്ഞു ആ കുഞ്ഞു മനസ്സിൽ പ്രതീക്ഷ നൽകിയതിൽ അവൾക്ക് കുറ്റബോധം തോന്നി.. കണ്ണിൽ ഉരുണ്ടു കൂടിയ നീർ ആലി കാണാതെ തുടച്ചു അഭി ചിരിച്ചു.. അച്ഛാ ഒന്നു വേഗം വായോ.. മോൾടെ കൂടെ കളിക്കാൻ.. ഒറ്റയ്ക്ക് ഇരുന്നു പറയുന്ന ആലിയെ തന്നെ നോക്കി ഇരുന്നു അഭി.. മനസ്സിൽ സിദ്ധാർഥ്ന്റെ ഓർമ്മകൾ നിറഞ്ഞു വന്നു.. നിന്റെ അച്ഛൻ അറിയുന്നില്ല മോളെ നിന്നെ പോലെ ഒരു മാലാഖ ഇവിടെ ഉണ്ടെന്ന്.. ഇനി അറിഞ്ഞിട്ടും കാര്യവും ഇല്ല.. എന്റെ മോൾക്ക് ആ സ്നേഹം അനുഭവിക്കാൻ ഭാഗ്യം ഇല്ല.. മനസ്സിൽ ഉരുവിട്ട് കൊണ്ട് അഭി എഴുനേറ്റു.. ആലിയെ സ്കൂളിൽ ഇറക്കി അഭി ഓഫിസിൽ എത്തി അവളുടെ ചെയ്യാറിൽ ഇരിയ്ക്കാൻ ഒരുങ്ങുമ്പോൾ ആയിരുന്നു അവളുടെ മാനേജർ അങ്ങോട്ട്‌ വന്നത്.. അവൾ ചിരിച്ചു കൊണ്ട് വേഗം എഴുനേറ്റു നിന്നു..

അയാൾ എന്തോ പറയാൻ വന്നത് ആയിരുന്നു.. എന്നാൽ എങ്ങനെ പറയും എന്നൊരു വെപ്രാളം അയാളുടെ മുഖത്തു വ്യക്ത്യമായിരുന്നു.. എന്താ സർ.. അഭിരാമി.. അത്.. എങ്ങനെ പറയണം എന്ന് എനിക്ക് അറിയില്ല.. സൊ സോറി.. എന്താ സർ.. ഏതെങ്കിലും പ്രശ്നം.. അത്.. നിനക്ക് അറിയാലോ.. നന്ദൻ എന്റെ നല്ലൊരു സുഹൃത് ആണ്.. പക്ഷെ.. അയാൾക്ക് വളരെ പ്രദാനപ്പെട്ട എന്തോ കാര്യം ആണെന്ന് അവൾക്ക് മനസിലായി.. എന്തായാലും നേരിടാൻ അവളുടെ മനസ്സ് തയ്യാറായിരുന്നു.. എന്താണെങ്കിലും തുറന്നു പറഞ്ഞോളൂ സർ.. അത്.. ഇന്നലെ ഈവെനിംഗ് എനിക്ക് ഒരു കാൾ വന്നു.. വന്നത് ഇവിടുത്തെ ഒരു പ്രമുഖ ഗ്രൂപ്പിന്റെ എം ഡി ആയിരുന്നു.. അയാൾ പറഞ്ഞത് അഭിരാമിയെ ജോലിയിൽ നിന്നും പറഞ്ഞു വിടണം എന്നാണ്.. എന്താ.. അഭി എന്താ എന്ന് അറിയാതെ ആകെ ഞെട്ടി.. അവളുടെ മനസ്സിലൂടെ പല ചോദ്യങ്ങളും കടന്നു പോയി.. എനിക്ക് അറിയില്ല.. എന്താ കാര്യം എന്ന്.. ഞാൻ കുറെ ചോദിച്ചു എങ്കിലും അയാൾ ഒന്നും പറഞ്ഞില്ല.. അനുസരിചില്ല എങ്കിൽ നമ്മുടെ ഈ സ്ഥാപനം തന്നെ ഇല്ലാതാക്കും എന്നാണ് പറഞ്ഞത്..

ഞാൻ.. എന്തിനാ എന്നോട്.. ആരാ എന്ന് പോലും അറിയില്ല സർ.. അത് തന്നെ ആണ് എനിക്കും.. പിന്നെ നന്ദനോട് ഒന്നും പറയല്ലേ.. ആരെങ്കിലും അറിഞ്ഞാൽ പിന്നെ തീർന്നു.. നമ്മുടെ പല ഓർഡറും ക്യാൻസൽ ചെയ്യിക്കും എന്നാ പറഞ്ഞത്.. അഭി ആകെ തളർന്നു.. ആകെ ആശ്വാസമായി ഉണ്ടായിരുന്ന ജോലി.. അവൾ എന്ത് ചെയ്യും എന്നറിയാതെ കുഴഞ്ഞു.. അഭിരാമി.. താൻ ഒരു കാര്യം ചെയ്യു.. അയാളെ പോയി ഒന്നു കാണു.. പക്ഷെ എനിക്ക് ആരാന്ന് പോലും അറിയില്ല സർ.. പിന്നെ എങ്ങനെ.. അവരുടെ ഓഫീസ് അഡ്രെസ്സ് ഞാൻ താരാ.. നീ പോയി കണ്ടു കാര്യം പറ.. എന്തോ തെറ്റിധരണ ആവാൻ ആണ് സാധ്യത.. അവൾക്കും അങ്ങനെ തോന്നി.. അല്ലാതെ ആർക്കും ഒരു ദ്രോഹവും ചെയ്തിട്ടില്ല.. അവൾ എന്തായാലും അയാളെ കാണാൻ തന്നെ തീരുമാനിച്ചു.. അവൾ എഴുനേൽക്കാൻ ഒരുങ്ങുമ്പോൾ ആയിരുന്നു മാനേജർ അവളുടെ മുന്നിലേക്ക് ഒരു ഫയൽ കൊണ്ട് വച്ചത്.. അഭി അതിൽ നോക്കി പിന്നെ അയാളെ നോക്കി.. ഇത് ഇന്ന് ഈവെനിംഗ് തീർക്കേണ്ട ഫയൽ ആണ്.. നിന്റെ ഒപ്പ് വേണം.. എന്നാലേ എനിക്ക് ഇത് ക്ലോസ് ചെയ്യാൻ പറ്റു..

അവൾ വേഗത്തിൽ അതിൽ ഒപ്പിട്ട് മാനേജറുടെ അടുത്ത് നിന്നും ഓഫിസിന്റെ അഡ്രെസ്സ് വാങ്ങി ഇറങ്ങി.. ഓട്ടോ പിടിച്ചു അതിൽ ഇരുന്നു അവൾ ആ അഡ്രെസ്സ് എടുത്തു നോക്കി.. യാദവ് ഗ്രൂപ്പ്‌ ഓഫ് ഇൻഡസ്ട്രിയൽ എന്ന് കണ്ടതും അവളുടെ ഹൃദയം ഒന്നു പിടഞ്ഞു.. സിദ്ധാർഥ് ന്റെ മുഖം ഓർമ വന്നു.. അവൻ ആയിരിക്കുമോ എന്നാ ചോദ്യം മനസ്സിൽ ഉദിച്ചു എങ്കിലും ഒരിക്കലും സാധ്യത ഇല്ല എന്ന ഉറപ്പിൽ അവൾ അങ്ങോട്ട്‌ പോയി.. സിദ്ധാർഥ് വളരെ ഉല്സാഹത്തോടെ ആണ് ഉണർന്നത്.. മനസ്സിൽ കണക്ക് കൂട്ടിയത് എല്ലാം നടക്കാൻ പോകുന്നതിന്റെ സന്തോഷം അവന്റെ മുഖത്തു വ്യക്തമായിരുന്നു.. അവൻ ഓഫിസിൽ പോകാൻ ഡ്രസ്സ്‌ മാറുമ്പോൾ ആണ് ഫോൺ അടിച്ചത്.. അവൻ വേഗത്തിൽ ഫോൺ എടുത്തു ചെവിയിൽ വച്ചു തല ചെരിച്ചു ഫോൺ പിടിച്ചു.. പിന്നെ ഷർട്ടിന്റെ ബട്ടൺ ഇടാൻ തുടങ്ങി.. ഹലോ.. സർ.. ആ എന്തായി.. ഞാൻ സർ പറഞ്ഞത് പോലെ ചെയ്തിട്ടുണ്ട്.. അഭിരാമി ഇവിടെ നിന്നും പോന്നിട്ടുണ്ട്.. ഓക്കേ.. താങ്ക്സ്.. അവൻ വേഗം ഫോൺ കട്ടാക്കി.. കണ്ണാടിയിൽ ഒരിക്കൽ കൂടെ നോക്കി അവൻ വേഗത്തിൽ ഇറങ്ങി..

വളരെ സന്തോഷത്തോടെ ഇറങ്ങി വരുന്ന മകനെ കണ്ടു അംബിക അന്തം വിട്ടു.. അവൻ അവരോട് ഒന്നു ചിരിച്ചു കൊണ്ട് പുറത്തു പോയി.. എന്തോ കാലങ്ങൾക്ക് ശേഷം അവന്റെ മുഖത്തു വിരിഞ്ഞ ചിരി കണ്ടു ആ അമ്മ സന്തോഷിച്ചു.. അഭി ഓഫിസിൽ എത്തി അവിടെ റിസപ്ഷനിൽ പോയി ചോദിച്ചു.. എം ഡി വന്നിട്ടില്ല എന്ന് പറഞ്ഞതും അഭി അവിടെ ഉള്ള ഒരു കസേരയിൽ ഇരുന്നു.. അവളുടെ മനസ്സിലെ ചോദ്യങ്ങൾ എല്ലാം കൂട്ടി വച്ചു അവൾ ഉത്തരം കണ്ടെത്തി കൊണ്ടിരുന്നു.. എങ്കിലും അത് ആരായിരിക്കും എന്നൊരു സൂചന പോലും അവൾക്ക് കിട്ടിയില്ല.. സിദ്ധാർഥ് ഓഫീസിൽ എത്തി ലിഫ്റ്റിൽ കയറാൻ പോകുമ്പോൾ ആണ് വിസിറ്റിംഗ് റൂമിൽ ഇരിക്കുന്ന അഭിയെ കണ്ടത്.. ഗ്ലാസ് ഇട്ടു മറച്ച മുറിയിൽ ഇരിക്കുന്ന അവളെ തന്നെ അവൻ നോക്കി നിന്നു.. പിന്നെ പെട്ടന്ന് എന്തോ ഓർത്ത് അവൻ ലിഫ്റ്റിൽ കയറി.. അഭി ഇതൊന്നും അറിഞ്ഞില്ല.. അവൾ ആകെ അസ്വസ്ഥതയോടെ ഇരിക്കുകയായിരുന്നു.. തനിക്കു പ്രിയപ്പെട്ടത് എന്തോ അരികിൽ ഉള്ളത് പോലെ ഒരു ഫീൽ..

അവളുടെ ഹൃദയം വേഗത്തിൽ മിടിച്ചു.. എങ്കിലും മനസ്സിൽ ധൈര്യം അവൾ കൈവിട്ടില്ല.. അപ്പോൾ ആണ് വിനു റിസപ്ഷനിലെ സ്ത്രീയോട് എന്തോ സംസാരിക്കുന്നത് അഭി കണ്ടത്. അവനെ കണ്ടപ്പോൾ തന്നെ അവളുടെ മനസ്സിലേക്ക് വിനു വന്നു സംസാരിച്ചത് എല്ലാം ഓർമ വന്നു.. ഉള്ളിലെ ചോദ്യങ്ങൾക്ക് ഉള്ള മറുപടി അവൾക്കു അവിടെ നിന്നും കിട്ടി.. ഒപ്പം ഉള്ളിൽ ദേഷ്യവും തോന്നി.. അയാൾ വിളിച്ചപ്പോൾ വരാത്തതിന് മനഃപൂർവം തന്നെ ഇവിടെ എത്തിക്കാൻ നോക്കിയതാണെന്ന് അവൾക്കു മനസിലായി.. ആ നിമിഷം തന്നെ അവൾക്ക് മടങ്ങി പോകാൻ തോന്നി എങ്കിലും അവിടെ വരെ വന്ന സ്ഥിതിക്ക് അയാളോട് സംസാരിക്കണം എന്ന് അവൾക്കും തോന്നി.. സർ വന്നിട്ടുണ്ട്.. നിങ്ങളോട് അങ്ങോട്ട്‌ ചെല്ലാൻ പറഞ്ഞു.. എവിടെ ആണ്.. തേർഡ് ഫ്ലോർ.. ആ സ്ത്രീ അത് പറഞ്ഞു അവിടെ നിന്നും പോയി.. അഭി വേഗത്തിൽ തന്നെ ലിഫ്റ്റ് കയറി അങ്ങോട്ട്‌ പോയി.. തേർഡ് ഫ്ലോറിൽ എത്തി അവൾ എം ഡിയുടെ ക്യാബിൻ തിരഞ്ഞു..

മുന്നോട്ട് വെക്കുന്ന ഓരോ ചുവടുകളും തനിക്കു നഷ്ട്ടമായത് എന്തോ തിരിച്ചു കിട്ടാൻ പോകുന്നത് പോലെ തോന്നി അവൾക്കു.. ഉള്ളിൽ ഉയരുന്ന സംഘർഷങ്ങളെ വകഞ്ഞു മാറ്റി അവൾ മുന്നോട്ടു തന്നെ നീങ്ങി.. ഗോൾഡൻ ബോർഡിൽ ബ്ലാക്ക് കളറിൽ കൊത്തിയ ഒരു ബോർഡ് കണ്ട് അവൾ ആ പേര് വായിക്കാൻ വേണ്ടി ഒരുങ്ങുമ്പോൾ ആയിരുന്നു അവളെ ഒരു പെൺകുട്ടി പുറകിൽ നിന്നും വിളിച്ചത്.. മേടത്തിനോട് സർ അങ്ങോട്ട്‌ ചെല്ലാൻ പറഞ്ഞു.. അവൾ അത് പറഞ്ഞു ചിരിച്ചു കൊണ്ട് പോയി.. അവൾ തന്നെ മേടം എന്ന് വിളിച്ചത് എന്താ എന്നോർത്ത് അവൾ ആ വഴി പോയി.. ആ പേര് ഒന്നു വായിക്കാൻ അവൾക്കു തോന്നിയില്ല.. ഒരു വിശാലമായ ഹാൾ ആയിരുന്നു അത്.. നടുവിൽ സോഫ സെറ്റിയും സൈഡിൽ ആയി വലിയ ജനലുകളും മാത്രം.. നല്ല വെളിച്ചം ഉണ്ടായിരുന്നു..അകത്തു കയറിയപ്പോൾ അവൾക്കു എന്തോ പേടി തോന്നി.. എന്തെങ്കിലും അപകടം ആയിരിക്കുമോ എന്ന് വരെ അവളുടെ മനസ്സിൽ ഓർത്തു..പക്ഷെ അവിടെ ആരെയും കണ്ടില്ല.. സർ.

അവൾ വളരെ പതിഞ്ഞ സ്വരത്തിൽ വിളിച്ചു.. പക്ഷെ അവിടെ ആരും ഇല്ലായിരുന്നു.. അവൾ സോഫയുടെ അടുത്ത് പോയി നിന്നു ചുറ്റും നോക്കി.. ആരും ഇല്ലെന്നു അവൾക്ക് മനസിലായി.. പിന്നെ അവൾ ആ മുറി മുഴുവൻ വീക്ഷിക്കാൻ തുടങ്ങി.. ചുമരിലെ പെയിന്റിങ് എല്ലാം നോക്കി അവൾ അങ്ങനെ നിന്നു.. പെട്ടന്ന് ആണ് അവളുടെ കണ്ണിൽ ആ ഫോട്ടോ കണ്ടത്.. അവൾ ഞെട്ടി വീണ്ടും അതിലേക്ക് തന്നെ സൂക്ഷിച്ചു നോക്കി.. കൈകാലുകൾ തളരുന്നത് പോലെ തോന്നി.. നെറ്റിയിലും കഴുത്തിലും എല്ലാം വിയർപ്പ് കണങ്ങൾ ഉയർന്നു പൊങ്ങി..എത്രയും പെട്ടന്ന് അവിടെ നിന്നും പോവുക എന്ന് മനസ്സിൽ ഉദിച്ചതും അവൾ വേഗത്തിൽ തന്നെ തിരിഞ്ഞു.. അപ്പോൾ ആണ് അവൾക്ക് പുറകിൽ കൈകൾ കെട്ടി നിൽക്കുന്ന സിദ്ധാർത്ഥിനെ കണ്ടത്.. ആ നിമിഷം തന്നെ അവളുടെ കാലുകൾ പുറകിലേക്ക് നീങ്ങി.. ആമി.. അവന്റെ വിളിയിൽ അവളുടെ ഹൃദയം ഒന്നു പിടഞ്ഞു.. അവനെ നോക്കാൻ ശക്തി ഇല്ലാതെ അവൾ തല താഴ്ത്തി നിന്നു..

കണ്ണിൽ നിന്നും വെള്ളം ഇറ്റ് വീണു കാഴ്ച മറയുന്നുണ്ടായിരുന്നു.. സിദ്ധാർഥ് അവളെ അത്രയും അടുത്ത് കിട്ടിയ സന്തോഷത്തിൽ ആയിരുന്നു. അവളിലേക്ക് ഓരോ ചുവടു വെക്കുമ്പോളും മനസ്സിൽ ആഹ്ലാദം അലതല്ലി.. തന്നിലേക്ക് അടുത്ത് വരുന്ന സിദ്ധാർഥ്നെ കണ്ടു അഭി പേടിയോടെ പുറകിലേക്ക് നീങ്ങി.. എന്റെ അടുത്ത് വരരുത്.. വാക്കുകൾ മുറിഞ്ഞു പോകുമെന്ന് തോന്നി അവൾ എങ്ങനെയോ അവനോട് പറഞ്ഞു.. ആ നിമിഷം തന്നെ അവന്റെ കാലുകൾ നിശ്ചലമായി.. അവളെ തന്നെ നോക്കി നിൽക്കുന്ന അവനെ മറികടന്നു പോകാൻ അവൾക്ക് അസാദ്യം ആയിരുന്നു.. എങ്കിലും അവിടെ നിന്നും പെട്ടന്ന് പോകണം എന്ന ദാരണയിൽ അവൾ വേഗത്തിൽ മുന്നോട്ടു വന്നതും സിദ്ധാർഥ് അവൾക്ക് മുന്നിൽ കയറി നിന്നു.. അവനെ ദേഷ്യത്തിൽ നോക്കുന്ന അഭിയെ അവൻ പ്രണയത്തോടെ നോക്കി..

വർഷങ്ങൾക്കിപ്പുറം അവളിൽ നിന്നും കിട്ടിയ ആ നോട്ടത്തിൽ പോലും അവൻ ആനന്ദം കൊണ്ടു.. ആമി.. പ്ലീസ്..കുറച്ചു സമയം.. പറ്റില്ല.. എന്റെ ജീവിതത്തിലെ ഒരു നിമിഷം പോലും നിങ്ങൾക്ക് വേണ്ടി കളയാൻ എനിക്ക് സാധ്യമല്ല.. അവന്റെ മുഖത്തു നോക്കി അവൾ വീറോടെ പറയുമ്പോൾ അവന്റെ ഹൃദയം പിടയുന്നത് അവൾ അറിഞ്ഞില്ല.. പകരം അവളുടെ മനസ്സിൽ തന്നെ ചതിച്ചു ഒരു കുഞ്ഞിനെ സമ്മാനിച്ചു പോയ ഒരാളയെ അഭി അവനെ കണ്ടുള്ളു.. അവൾക്ക് ഇന്ന് അവനോട് സ്നേഹത്തിന്റെ ഒരു തരി പോലും ഇല്ലെന്നു അവൻ ഓർത്തില്ല.. ജീവിതത്തിൽ പല പരീക്ഷണങ്ങളും ഏറ്റു വാങ്ങിയ അവർ വീണ്ടും ഒരുപാട് പരീക്ഷണങ്ങളുടെ ചൂളയിലേക്ക് കാലെടുത്തു വെക്കുകയയാണെന്ന് ആ നിമിഷം അവർ രണ്ടുപേരും അറിഞ്ഞില്ല.........കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...