💙എൻ ജീവനിൽ💙 ഭാഗം 9

രചന: ആമി

 അഭിയുടെ അച്ഛനോട് എല്ലാം പറയണം എന്ന് സിദ്ധാർഥ് തീരുമാനിച്ചിരുന്നു.. എന്നാൽ അതിന് മുന്നേ അവന് അനന്ദുവിനോട് പറയണമായിരുന്നു.. എങ്ങനെ പറയും എന്നൊരു പേടി സിദ്ധാർഥ്ന് ഉണ്ടായി.. സ്വന്തം കൂടപ്പിറപ്പിനെ പോലെ കണ്ടു വീട്ടിൽ കൊണ്ട് വന്നിട്ട് നെറി കേട് കാണിച്ചു എന്ന് തോന്നുമോ എന്നൊക്കെ അവന്റെ മനസ്സിൽ ചോദ്യം ഉയർന്നു.. എങ്കിലും പറയാതെ ഇരിക്കാൻ കഴിയില്ലല്ലോ.. രണ്ടു കല്പിച്ചു അവൻ പറയാൻ തന്നെ തീരുമാനിച്ചു.. പിറ്റേന്ന് അനന്ദുവിന്റെ കൂടെ പാടവരമ്പിലൂടെ നടക്കുമ്പോൾ സിദ്ധാർഥ് എങ്ങനെ പറഞ്ഞു തുടങ്ങും എന്നറിയാതെ കുഴഞ്ഞു.. പക്ഷെ സർവ്വ ധൈര്യവും സംഭരിച്ചു അവൻ അത് പറഞ്ഞു.. സിദ്ധാർഥ് പറയുന്നത് കേട്ട് അനന്ദുവിൽ യാതൊരു ഭാവവ്യത്യാസവും ഉണ്ടായില്ല.. അത് കൂടെ കണ്ടതോടെ സിദ്ധാർഥ് ശരിക്കും ഞെട്ടി.. എടാ കള്ള കാമുക.. നീ എന്താ കരുതിയെ ആരും കണ്ടു പിടിക്കില്ല എന്നോ.. അനന്ദു.. നിനക്ക്.. എനിക്ക് അന്ന് നീ ഇവിടെ നിന്ന് തിരിച്ചു പോയപ്പോൾ മുതലേ സംശയം ഉണ്ടായിരുന്നു.. പക്ഷെ ഉറപ്പ് വന്നത് പിന്നെയാണ്..

എങ്ങനെ.. നീ ഒറ്റയ്ക്ക് ഇവിടെ വന്നപ്പോൾ.. നീ എന്താ കരുതിയെ ആരും അറിയില്ല എന്നോ.. എന്നോട് എന്റെ ഫ്രണ്ട്സ് വിളിച്ചു പറഞ്ഞു നിന്നെ ഇവിടെ കണ്ട കാര്യം.. അപ്പൊ തന്നെ ഊഹിച്ചു മോനെ.. മാത്രം അല്ല നാട്ടിലെ വിശേഷം ചോദിക്കുമ്പോൾ നിനക്ക് അഭിയെ കുറിച്ച് അറിയാൻ ആയിരുന്നു താല്പര്യം.. അനന്ദു ദേഷ്യം ഒന്നും കാണിക്കാത്തത് കൊണ്ട് സിദ്ധാർഥന് ആശ്വാസം ആയി.. ഒപ്പം സന്തോഷവും.. അവൻ തന്നെ അഭിയുടെ അച്ഛനോട് സംസാരിക്ക എന്ന് ഉറപ്പ് നൽകി.. സിദ്ധാർഥ് ന് സന്തോഷം ആയി.. ആ സന്തോഷം അഭിയെ അറിയിക്കാൻ വേണ്ടി അവൻ ഓടി വീട്ടിൽ എത്തി.. ആരും കാണാതെ അവളെ കിട്ടാൻ വഴി ഒന്നും ഉണ്ടായിരുന്നില്ല.. രാത്രി വരെ കാത്തു നിൽക്കാൻ അവന് ക്ഷമയും ഇല്ലായിരുന്നു.. ഒടുവിൽ വീടിന്റെ പുറകിൽ നിൽക്കുന്ന അഭിയുടെ കയ്യിൽ പിടിച്ചു വലിച്ചു കൊണ്ട് സിദ്ധാർഥ് കളപുരയുടെ പുറകു വശത്തേക്ക് പോയി.. അഭി ആണെങ്കിൽ ആരെങ്കിലും കണ്ടു കാണുമോ എന്ന പേടിയിൽ ചുറ്റും നോക്കി.. എന്താ ഈ കാണിച്ചേ..

ആരെങ്കിലും കണ്ടാലോ.. കണ്ടാൽ ഒരു കുഴപ്പവുമില്ല.. ഞാൻ എന്റെ പെണ്ണിനെയാ പിടിച്ചേ.. ആ നിങ്ങളുടെ പെണ്ണ് ആണെന്ന് പറഞ്ഞു അങ്ങോട്ട്‌ ചെല്ല്.. ഇപ്പൊ കെട്ടിച്ചു തരും.. നിനക്ക് കാണണോ ഡി.. ഈ സിദ്ധാർഥ് ഈ അഭിരാമിയുടെ കഴുത്തിൽ താലി കെട്ടുന്നത് തടയാൻ ആരാ ഉള്ളെ എന്ന് എനിക്ക് അറിയണം.. എന്താ ഭയങ്കര സന്തോഷം ആണല്ലോ.. ആടി മോളെ.. നിന്നെ കിട്ടാൻ ഉള്ള ആദ്യത്തെ കടമ്പ കഴിഞ്ഞു.. അഭിക്ക് ഒന്നും മനസിലായില്ല.. അവൾ നെറ്റി ചുളിച്ചു അവനെ നോക്കി.. സിദ്ധാർഥ് അനന്ദു സമ്മതിച്ച കാര്യം പറഞ്ഞതും അഭിയുടെ ഹൃദയത്തിൽ സന്തോഷം അലതല്ലി.. എങ്കിലും മുന്നിൽ ഒരുപാട് കടമ്പകൾ കൂടെ ഉണ്ടെന്നു അവൾ ഓർത്തു.. ഏട്ടൻ സമ്മതിച്ചിട്ട് കാര്യം ഇല്ല മോനെ.. എന്നെ പോലെ ഒരാളെ മരുമോൻ ആയി കിട്ടാന്ന് പറഞ്ഞാൽ നിന്റെ അച്ഛൻ സമ്മതിക്കില്ലേ.. അതല്ല.. പ്ലസ് ടു പഠിക്കുന്ന പെണ്ണിനെ കെട്ടിച്ചു തരുമോ ചോദിച്ചു ചെന്നാൽ ഉള്ള അവസ്ഥ.. ഒന്നാലോചിച്ചു നോക്ക്.. നീ ഒന്നും ഓർത്തു ടെൻഷൻ ആവണ്ട.. എല്ലാം ഞാൻ പ്ലാൻ ചെയ്തിട്ടുണ്ട്..

ആ സമയം ആണ് ആതിര അഭിയെ അവിടെ ഒന്നും കാണാത്തതു കൊണ്ട് അങ്ങോട്ട്‌ വന്നത്.. ആതിര വരുന്നത് കണ്ടതും അഭി സിദ്ധാർഥനെ പിടിച്ചു ചുമരിനോട് ചേർത്തു നിർത്തി അവന്റെ വാ പൊത്തി പിടിച്ചു.. ആ നിമിഷം അവൾക്ക് എന്ത് ചെയ്യണം എന്ന് പോലും അറിഞ്ഞില്ല.. അവളെ തന്നെ ഉറ്റു നോക്കി നിൽക്കുന്ന അവന്റെ മിഴികളെ അവൾ കണ്ടില്ല.. ആതിര പോയതും അഭി അവന്റെ വായിൽ നിന്നും കൈയ്യേടുത്തു.. ആ സമയം ആണ് അവന്റെ മുഖം അവൾ ശ്രദ്ധിച്ചത്.. അവൾ പെട്ടന്ന് പുറകിലേക്ക് നീങ്ങിയതും സിദ്ധാർഥ് അവളുടെ ഇടുപ്പിലൂടെ കയ്യിട്ടു കൊണ്ട് അവളെ അവനോട് ചേർത്തു നിർത്തി.. അവന്റെ മുഖത്തേക്ക് നോക്കാൻ തന്നെ അവൾക്ക് ലജ്ജ തോന്നി.. താഴെ നോക്കി നിൽക്കുന്ന അവളുടെ കവിളിൽ ചുംബിച്ചു കൊണ്ട് സിദ്ധാർഥ് അവളെ കെട്ടിപിടിച്ചു.. അവരുടെ പ്രണയം വാക്കുകൾ കൊണ്ട് പറയാൻ കഴിയാത്ത അവസ്ഥയായിരുന്നു.. ചുംബനം കൊണ്ട് തങ്ങളുടെ പ്രണയം വർണിക്കാൻ അവൻ വെമ്പുമ്പോൾ അവർക്ക് മുന്നിൽ ഒരുപാട് തടസ്സങ്ങൾ ഉണ്ടായിരുന്നു..

പരസ്പരം പുണർന്നു കൊണ്ട് അവർ അങ്ങനെ നിന്നു.. അങ്ങനെ അവരുടെ പ്രണയം മിഴികൾ കൊണ്ടും ഒളിഞ്ഞു പത്തും കിട്ടുന്ന സമയത്തെ വാക്കുകൾ കൊണ്ടും അവർ പരസ്പരം പങ്കിട്ടു.. ഒരു നിമിഷം പോലും കാണാതെ ഇരിക്കാൻ അവർക്ക് ആവില്ലയിരുന്നു.. മിക്ക ദിവസവും അനന്ദുവും സിദ്ധാർഥ് പുറത്തു പോകുമ്പോൾ അഭിയെയും കൊണ്ട് പോവും.. അനന്ദു മൗനം സമ്മതം നൽകി എങ്കിലും അവൻ അഭിയോട് അതിനെ ക്കുറിച്ച് ഒന്നും ചോദിച്ചിരുന്നില്ല.. വീട്ടിൽ പറയുമ്പോൾ അവളോട്‌ സംസാരിക്കാ എന്നായിരുന്നു അവന്റെ മനസ്സിൽ.. എന്നാൽ അനന്ദുവിനു ഇഷ്ട്ടക്കെട് ഉണ്ടോ എന്ന സംശയം ആയിരുന്നു അഭിയുടെ മനസ്സിൽ.. ഒഴിഞ്ഞു കിട്ടുമ്പോൾ എല്ലാം ചോദിക്കണം എന്ന് അവളും കരുതി.. ദിവസങ്ങൾ മുന്നോട്ട് നീങ്ങി.. ഒപ്പം പിരിയാൻ കഴിയാത്ത വിധം അഭിയും സിദ്ധാർത്തും അടുത്തു..

നല്ല മഴയുള്ള ഒരു വൈകുന്നേരം മുകളിലെ വരാന്തയിൽ ഇരുന്നു മഴ ആസ്വദിക്കുന്ന അഭിയെ കണ്ടു സിദ്ധാർഥ് അവളുടെ അടുത്തേക്ക് പോയി.. അവനെ കണ്ടതും അഭി ചിരിച്ചു കൊണ്ട് എഴുനേറ്റു നിന്നു.. നല്ല ഭംഗി ഉണ്ട്.. മ്മ്.. മഴ എപ്പോളും ഭംഗി തന്നെ അല്ലെ.. മഴയും.. മഴ ആസ്വദിക്കുന്ന എന്റെ പെണ്ണും.. അവളുടെ കവിളിൽ ചുവപ്പ് പടരുന്നത് അവൻ കണ്ടു.. ആ നിമിഷത്തെ തോന്നലിൽ അവൻ അവളെ വലിച്ചു ആരും കാണാത്ത ഒരു ഭാഗത്തേക്ക് നിർത്തി.. അഭി പേടിച്ചു കണ്ണ് മിഴിച്ചു അവനെ നോക്കി.. അവളുടെ പിടയുന്ന മിഴികളെ പാടെ അവഗണിച്ചു കൊണ്ട് അവളുടെ അധരങ്ങളെ അവന്റെ അധരങ്ങൾ കവർന്നെടുത്തു.. അവളുടെ ഹൃദയം പിടഞ്ഞു.. കണ്ണുകൾ കൂട്ടി അടച്ചു.. കൈകൾ വിറച്ചു കൊണ്ട് അവന്റെ ഷർട്ടിൽ പിടി മുറുക്കി.. അവളുടെ അധരങ്ങളെ നുകർന്നു അവനിൽ ആവേശം നിറഞ്ഞു.. ആ ദീർഘ ചുംബനം അവളെ തളർത്തി.. അവളിൽ നിന്നും അകന്നു മാറി അവൻ അവളെ നോക്കി.. കണ്ണുകൾ അടച്ചു അവന്റെ നോട്ടം നേരിടാൻ കഴിയാതെ അഭി നിന്നു.. ആമി.

. മ്മ്.. എന്നെ ഒന്നു നോക്ക് ഡി.. ആ നിമിഷം കണ്ണുകൾ തുറന്ന അഭി അവന്റെ നോട്ടത്തിൽ ലയിച്ചു നിന്നു..അതിന്റെ തീവ്രത അവൾക്ക് താങ്ങാൻ കഴിഞ്ഞില്ല.. അവൾ അവനെ തള്ളി മാറ്റി അവിടെ നിന്നും ഓടി പോയി.. അവളുടെ പോക്ക് കണ്ടു ചിരിച്ചു കൊണ്ട് സിദ്ധാർഥ് മഴതുള്ളികളെ തലോടി.. ആദ്യമായി കിട്ടിയ ചുംബനത്തിന്റെ ലഹരിയിൽ അഭി പൂത്തുലഞ്ഞു.. സിദ്ധാർഥ് അവളുടെ ഹൃദയത്തിന്റെ അവകാശിയായി.. പ്രണയവും പ്രാണനും ആയി അവളുടെ ഉള്ളിൽ അവൻ നിറഞ്ഞു നിന്നു.. ഒരിക്കൽ രാത്രി സിദ്ധാർഥന് വേണ്ടി വെള്ളം കൊണ്ട് കൊടുക്കാൻ പോയ അഭി അവനെ മുറിയിൽ കാണാത്തതു കൊണ്ട് അകത്തു കയറി അവനെ തിരഞ്ഞു.. എവിടെയും കണ്ടില്ല.. ആ സമയത്തെ തോന്നലിൽ അവന്റെ മുറിയിലെ സാദനങ്ങൾ എല്ലാം അവൾ നോക്കി.. അവന്റെ ഷർട്ട്‌ തൂക്കി ഇട്ടത് കണ്ടു ചിരിച്ചു കൊണ്ട് അവൾ അവൻ അഴിച്ചു വച്ച ഒന്ന എടുത്തു അവളുടെ മുഖത്തോട് ചേർത്ത്.. അവന്റെ ഗന്ധം അതിൽ നിറഞ്ഞു നിന്നിരുന്നു.. അവനോടു ഉള്ള പ്രണയത്തിന്റെ തീവ്രതയിൽ അവൾ ആ ഗന്ധം ആവോളം ശ്വസിച്ചു..

ഒടുവിൽ അവൾ അത് ഇട്ട് കണ്ണാടിയിൽ നോക്കി.. അപ്പൊ ആണ് തന്റെ പുറകിൽ നിൽക്കുന്ന സിദ്ധാർഥനെ അവൾ കണ്ടത്.. അബദ്ധം പറ്റിയെന്നു മനസിലായി അവൾ വേഗം ഷർട്ട്‌ അഴിച്ചു കൊണ്ട് പോകാൻ വേണ്ടി വാതിൽക്കൽ വന്നതും സിദ്ധാർഥ് വാതിൽ അടച്ചു കുറ്റി ഇട്ടു.. അഭി പേടിച്ചു പുറകിലേക്ക് നീങ്ങി.. സിദ്ധാർഥ് ചിരിച്ചു കൊണ്ട് അവളിലേക്ക് നടന്നു അടുത്ത്.. ഞാൻ വെറുതെ.. അതിനു ഞാൻ ഒന്നും ചോദിച്ചില്ലല്ലോ.. ഏട്ടാ.. വേണ്ട ട്ടോ.. അതിനു ഞാൻ ഒന്നും ചെയ്തില്ലല്ലോ.. ദേ.. മാറിക്കെ.. ഞാൻ പോട്ടെ.. അങ്ങനെ അങ്ങ് പോയാലോ.. നീ എന്നെ വല്ലാതെ മിസ്സ്‌ ചെയ്യുന്നുണ്ട്.. എനിക്ക് അത് മാറ്റണം.. സിദ്ധാർഥ് അവളെ പിടിച്ചു ബെഡിലേക്ക് ഇട്ടു.. അഭി പിടഞ്ഞു എഴുനേൽക്കാൻ നിന്നതും സിദ്ധാർഥ് അവളുടെ മുകളിൽ കിടന്നു അവളിലേക്ക് അമർന്നു.. അവളെ ഒന്നു പേടിപ്പിക്കുക എന്നായിരുന്നു അവന്റെ ലക്ഷ്യം.. പക്ഷെ ആ സമയം അവന് സ്വയം നഷ്ടം ആവുന്നത് പോലെ തോന്നി.. അവളുടെ പേടിയോടെ നോക്കുന്ന മിഴികളും വിറയ്ക്കുന്ന ചുണ്ടുകളും അവനിൽ വികാരത്തിന്റെ വേലിയേറ്റം സൃഷ്ടിച്ചു.. അവന്റെ മുഖത്തെ ഭാവങ്ങൾ കണ്ടു അഭിയുടെ ശരീരം തളർന്നു.. അവളുടെ ഹൃദയമിടിപ്പ് കൂടുന്നത് അവൻ അറിഞ്ഞു..

അവളുടെ കഴുത്തിൽ മുഖം പൂഴ്ത്തി ചുംബനത്തിന്റെ കയത്തിലേക്ക് അവർ പോകുമ്പോൾ അവരുടെ മുന്നിൽ ഒരു തടസ്സവും ഇല്ലായിരുന്നു.. പകരം ഹൃദയത്തിൽ നിറഞ്ഞു കവിഞ്ഞ പ്രണയം മാത്രം ആയിരുന്നു.. അവനിലെ പ്രണയം അവളിലേക്ക് പകർന്നു കൊടുക്കുമ്പോൾ അവന്റെ പ്രണയം സ്വീകരിക്കാൻ അവളും തയ്യാറായിരുന്നു.. ഒടുവിൽ അവളിലെ പെൺമയെ തേടി അവന്റെ കൈകൾ പായുമ്പോൾ അവൾ തളർന്നു അവന്റെ നെഞ്ചിൽ ഒളിച്ചു.. ഒടുവിൽ അവളിൽ പെണ്മയെ കവർന്നെടുത്തു അവൻ അവളിൽ ഒരു നോവായ് അവളെ സ്വന്തം ആക്കി.. അഭിയുടെ മനസ്സിൽ പേടി തോന്നി എങ്കിലും അവനോട് ഉള്ള പ്രണയവും വിശ്വാസവും അവളെ അതിൽ നിന്നും തടഞ്ഞു.. ഒടുവിൽ തളർന്നു അവന്റെ നെഞ്ചിൽ കിടക്കുമ്പോ അവളുടെ കണ്ണുകൾ നിറഞ്ഞിരുന്നു.. അവന്റെ നെഞ്ചിൽ പതിഞ്ഞ തുള്ളി അവന്റെ ചുണ്ടുകൾ കൊണ്ട് ഒപ്പി എടുത്തു സിദ്ധാർഥ് അവളുടെ മുഖം കയ്യിൽ എടുത്തു.. നിന്നെ ചതിക്കാൻ വേണ്ടി ചെയ്തത് അല്ല..സോറി.. വേണ്ട.. അഭി അവന്റെ വാ പൊത്തി.. അവളുടെ കൂടെ സമ്മതത്തോടെ ആയത് കൊണ്ട് അവനെ മാത്രം കുറ്റം പറയാൻ അവൾക്ക് കഴിയില്ല.. അവളെ പുണർന്നു ഒരുപാട് നേരം അവർ കിടന്നു..

ഒടുവിൽ അവൾ എഴുനേറ്റു പോകുമ്പോൾ അവൾ ഒരിക്കൽ കൂടെ അവനെ തിരിഞ്ഞു നോക്കി.. ചിരിച്ചു കൊണ്ട് അവളെ മാത്രം നോക്കി കമിഴ്ന്നു കിടക്കുന്ന സിദ്ധാർഥനെ കണ്ണിൽ നിറച്ചു കൊണ്ട് അഭി അവിടെ നിന്നും ആരും കാണാതെ വന്നു മുറിയിൽ കയറി.. അവന്റെ പ്രണയത്തിന്റെ ചൂട് അറിഞ്ഞ അവൾ ചിരിച്ചു കൊണ്ട് കട്ടിലിൽ കിടന്നു.. ചുംബനം കൊണ്ട് നീറുന്ന ചുണ്ടുകളും കഴുത്തു മെല്ലാം പതിയെ തലോടി അവൾ നാണത്തോടെ മുഖം പൊത്തി.. ഉറക്കം വരാതെ അവൾ അവനെ സ്വപ്നം കണ്ടു അവന്റെ കൂടെ ഉള്ള ജീവിതം ഓർത്തു കൊണ്ട് പുലരും വരെ അവൾ കിടന്നു.. അവളുടെ ജീവിതത്തിൽ വരാനിരിക്കുന്ന ഉറക്കം നഷ്ട്ടപ്പെട്ട ഒരുപാട് രാത്രികൾ ഇനി ഉണ്ടെന്നു അറിയാതെ.. പിറ്റേന്ന് നേരം വെളുത്തു അഭി സിദ്ധാർഥനെ കാണാത്തതു കൊണ്ട് മുകളിൽ അനന്ദുവിനെ വിളിക്കാൻ ആണെന്ന് പറഞ്ഞു പോയി..സിദ്ധാർഥന്റെ മുറിയുടെ വാതിൽ അടഞ്ഞു കിടക്കുകയായിരുന്നു.. അവൾ നിരാശയോടെ താഴെ തന്നെ പോന്നു.. രാവിലെ ഒരുപാട് നേരം ആയിട്ടും സിദ്ധാർഥ് വരുന്നത് കാണാത്തതു കണ്ടു അവൾക്ക് എന്തൊ അസ്വസ്ഥത തോന്നി..

അനന്ദുവിനോട് ചോദിച്ചാലോ എന്നൊർത് അവൾ ഉമ്മറത്തു ചെല്ലുമ്പോൾ അവരുടെ സംസാരം കേട്ട് അഭി തറഞ്ഞു നിന്നു.. നിന്നോട് പറഞ്ഞില്ലെ അവൻ പോകുന്നത്.. ഇല്ല അച്ഛാ.. രാവിലെ ഞാൻ നോക്കുമ്പോൾ മുറിയിൽ ഇല്ല.. ഫോണിൽ വിളിച്ചിട്ട് കിട്ടുന്നുമില്ല.. അഭിയുടെ കണ്ണിൽ നിന്നും കണ്ണുനീർ ഇറ്റു വീണു.. അവൾ ഓടി മുറിയിൽ വന്നു ബെഡിൽ കമിഴ്ന്നു കിടന്നു.. മനസ്സിൽ അരുതാത്ത ചിന്തകൾ കയറി വരുമ്പോളും അവൾ അതെല്ലാം നിഷേധിച്ചു അവളുടെ പ്രണയത്തിൽ വിശ്വസിച്ചു.. സിദ്ധാർഥ് ഒരിക്കലും തന്നെ ചതിക്കില്ല എന്ന് അവൾ മനസ്സിൽ ആയിരം വട്ടം മൊഴിയുമ്പോളും അത് നുണയാണെന്ന് കാണുന്നു.. ദിവസങ്ങൾ നീങ്ങുന്നതോടൊപ്പം അവളുടെ ഹൃദയവും നീറി.. അവനെ തേടി അവളുടെ കണ്ണുകൾ വഴിയിലേക്ക് നീണ്ടു.. എന്നാൽ അവന്റെ ഫോൺ കാൾ പോലും ഉണ്ടായിട്ടില്ല എന്ന് അനന്ദു എല്ലാവരോടും പറയുമ്പോൾ മുറിയിൽ ഇരുന്നു അവൾ ശബ്ദം പുറത്തു വരാതെ കരഞ്ഞു.. ഒടുവിൽ അവന്റെ പ്രണയതിന്റെ അടയാളം തന്റെ ഉദരത്തിൽ വളരുന്നുണ്ടെന്നു അറിഞ്ഞ ആ നിമിഷം അഭി ആകെ തളർന്നു..

ഒരു ആശ്വാസവാക്ക് പോലും ആരിൽ നിന്നു ഉണ്ടാവില്ല എന്ന് അവൾക്ക് ഉറപ്പ് ആയിരുന്നു.. ആരും അറിയാതെ എത്ര നാൾ കൊണ്ട് പോകും എന്ന് അറിയാതെ അവൾ നീറി നീറി കഴിഞ്ഞു.. മനസ്സിൽ സിദ്ധാർഥ് വരും തന്നെ കൊണ്ട് പോകും എന്ന പ്രതീക്ഷയിൽ തന്നെ അവൾ കഴിഞ്ഞു.. ഉള്ളിലെ ജീവനെ താലോലിക്കാൻ കഴിയാതെ അവൾ സങ്കടതിന്റെ കയത്തിലേക്ക് നീങ്ങി.. ഒടുവിൽ ആ സത്യം വീട്ടിൽ ഉള്ളവരും അറിഞ്ഞു.. കുടുംബത്തിൽ അവിവാഹിത ഗർഭിണി ആയാൽ സംഭവിക്കുന്നത് എല്ലാം അവിടെയും സംഭവിച്ചു.. അവളെ തല്ലിയും ഭീഷണിപ്പെടുത്തിയും ഉള്ളിലെ ജീവന്റെ അവകാശിയെ ചോദിച്ചു..

പക്ഷെ അവൾ ഒരുവാക്ക് മിണ്ടിയില്ല.. അനന്ദുവും ആതിരയും അവളെ വെറുത്തു.. കുഞ്ഞു അനിയത്തി ഇത്രയും വലിയ ചതി ചെയ്യുമെന്ന് അവർ ഓർത്തില്ല.. മാത്രം അല്ല കുടുംബത്തിന്റെ മനം അത് തന്നെ ആയിരുന്നു അവർക്കും പ്രദാനം.. ആ മുറിയിൽ വെറും തിണ്ണയിൽ ഭക്ഷണം പോലും കഴിക്കാതെ അവൾ ഉരുകി കഴിഞ്ഞു.. എങ്കിലും മനസ്സിൽ അവസാന പ്രതീക്ഷയായി സിദ്ധാർഥന്റെ ഓർമ്മകൾ ഉണ്ടായിരുന്നു.. അഭിയുടെ അച്ഛനും അമ്മയും മകളുടെ അവസ്ഥയിൽ മനം ഉരുകി കഴിഞ്ഞു.. വല്യച്ഛന്റെ കുത്തു വാക്കുകൾ കേട്ട് കേട്ട് ഒടുവിൽ വല്യച്ഛൻ എടുത്ത ആ തീരുമാനം അവളെ തളർത്തി.. ആ കുരുന്നു ജീവനെ ഇല്ലാതാക്കാൻ.. ആ നിമിഷം അവൾ മനസ്സിൽ തിരിഞ്ഞു ആരുടെ അടുത്ത് ആണ് തന്റെ രക്ഷ എന്ന്.. ഒടുവിൽ നന്ദന്റെ മുഖം തെളിഞ്ഞതും ഒട്ടും പ്രതീക്ഷയില്ലാതെ അവൾ അവന്റെ അടുത്തേക്ക് തന്നെ രക്ഷതേടി പോയി.......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...