🌸എന്നെന്നും എന്റെ മാത്രം 🌸: ഭാഗം 15

രചന: അനു

അമ്മ ഫുഡ് സെർവ് ചെയ്ത തന്നതും ഞാൻ വേഗം മറ്റ് ചിന്തകളൊക്കെ മാറ്റി വെച്ഛ് കഴിക്കാൻ തുടങ്ങി.. ആരോ ചായ ഒന്ന് നന്നായെന്ന് പറഞ്ഞതിന് അവൾ നിലത്തൊന്നും അല്ല... ഞാൻ അതൊന്നും വലിയ കാര്യമാക്കാതെ കഴിച്ചോണ്ടിരുന്നു, പക്ഷേ ചെറിയമ്മ എന്നോട് അഭിപ്രായം ചോദിച്ചതും ഞാൻ തലയുയർത്തി അവരെ എല്ലാരേയും നോക്കി ചിരിച്ചു... നീ മാത്രം എന്താ ഒന്നും മിണ്ടാത്തത്...? ചായ കുടിക്കാത്തത്...? തുടങ്ങിയ ചോദ്യങ്ങൾ ഉയർന്നതും മനസ്സിലെ മുഷിച്ചിൽ പുറത്ത് കാണിക്കാതെ എല്ലാരേയും ഒന്നൂടെ നോക്കി ചിരിച്ഛ് ചായ എടുത്ത് ചുണ്ടോട് ചേർത്തു.... ചായ ഒന്ന് സിപ്പ് ചെയ്ത് ഞാനാദ്യം നോക്കിയത് ആ നാശത്തിനെയാ.... അവള് മുപ്പത്തിരണ്ട് പല്ലും കാണിച്ചു ഇളിച്ചു... തുപ്പാനും ഇറക്കാനും വയ്യാത്ത അവസ്ഥയിൽ ആയിരുന്നു ഞാൻ... ഞാൻ ദേഷ്യത്തോടെ വീണ്ടും അവളെ നോക്കി... ആ വൃത്തിക്കേട്ടവൾ ചായയിൽ ഉപ്പിട്ടാ തന്നത്... ഒട്ടും പ്രതീക്ഷിക്കാത്തത് കൊണ്ട് കുടിച്ചപ്പോ ഉപ്പ് ചങ്കിൽ കെട്ടി... ഇറക്കാത്തെ വായ്യിൽ തന്നെ വെച്ചോണ്ട് ഞാൻ എല്ലാരേയും നോക്കി ഒന്ന് ചിരിച്ച് പിന്നെ ഒറ്റവലിക്ക് ചായ മുഴുവൻ കുടിച്ചു നേരെ വാഷ് ബേസിന്റെ അടുത്തേക്ക് വേഗത്തിൽ നടന്നു... മുഴുവൻ വാഷ് ബേസിലേക്ക് തുപ്പി കുറേ തവണ വാ കഴുക്കിയിട്ടും ഉപ്പിന്റെ ചവർപ്പ് പോയില്ല....

ദേഷ്യത്തോടെ വാഷ് ബേസിൽ രണ്ട് കയ്യും അമർത്തി പിടിച്ചു കണ്ണാടിയിലേക്ക് നോക്കി ഞാൻ നിന്നു.... എത്ര ധൈര്യം ഉണ്ടായിട്ടാ അവളെനിക്ക് ഉപ്പിട്ട ചായ തന്നത്... അവൾക്ക് അറിയാം എല്ലാരുടേയും മുന്നിൽ ഞാൻ അവളെ ഒന്നും ചെയ്യില്ല, പ്രതികരിക്കില്ല എന്നൊക്കെ...അതാ... അതാ അവളുടെ ധൈര്യം...!!!! ഇപ്പൊയെങ്ങാനും അവളെ എന്റെ കയ്യിൽ കിട്ടിയിരുന്നെങ്കിൽ കൊന്നേനെ ഞാൻ......!!! "ഹലോ.... ചായ എങ്ങനെയുണ്ടായിരുന്നു....????ഇയാൾക്ക് വേണ്ടി സ്‌പെഷ്യലായിട്ട് ഉണ്ടാക്കിയതാ.... ഉപ്പ് പാകമായിരുന്നല്ലോ.... ല്ലേ..??" പുറക്കിൽ നിന്ന് പെട്ടെന്ന് അവളുടെ ശബ്‌ദം കേട്ടതും ഞാൻ വേഗം വെട്ടിത്തിരിഞ്ഞു നിന്നു... എന്നെ നല്ലോണം കളിയാക്കി കൊണ്ടുള്ള അവളുടെ ഒടുക്കത്തെ ചോദ്യം കേട്ടതും ഞാനൊന്ന് ചുറ്റും നോക്കി ആരും വരുന്നില്ലെന്ന ഉറപ്പിച്ഛ് അവളെ കയിൽ പിടിച്ഛ് വലിച്ഛ് ചുമരിനോട് ചേർത്ത് നിർത്തി... "എന്താടീ.... നീ എന്തിനുള്ള പുറപ്പാടാ....???" ദേഷ്യം കടിച്ചമർത്തി പതിഞ്ഞ സ്വരത്തിൽ ഞാൻ ചോദിച്ചു.... അവളെന്റെ കണ്ണിലേക്ക് നോക്കി.... " ഇത്രയും പേരുടെ മുന്നിൽ എന്നെ രാവിലെ നാണംകെടുത്തിയത്തിനുള്ള ചെറിയൊരു പണി.... അത്രേള്ളൂ....!!!" അവള് നിസ്സാരമെന്നോണം പറഞ്ഞത് കേട്ട് സത്യത്തിൽ എനിക്ക് ചിരി വന്നു...

സൈഡിലേക്ക് നോക്കി ഒന്ന് ചിരിച്ചു കൊണ്ട് പുച്ഛത്തോടെ ഞാൻ അവളെ നോക്കി... "മോളേ,,,, നീ ആരോടാ കളിക്കുന്നതെന്ന് അറിയോ...??? ഏഹ്ഹ്...??? എന്താ പറഞ്ഞത്,,,, ചെറിയ പണി.... അപ്പോ ഇതിലും വലുത് ഉണ്ടാവുംന്ന് അർത്ഥം....!!! അങ്ങനെയെങ്കിൽ ഇതും കൂടി ഓർത്ത് വെച്ചോ നീ..... ഒന്നും,,,, ആരുടേയും കയ്യീന് വെറുതെ വാങ്ങിവെക്കുന്ന ശീലം സിദ്ധാർത്ഥിന് പണ്ടേയില്ല.... ഇനി അഥവാ,, കിട്ടിയാലും അത് ത്രിപ്പിളാക്കി മടക്കികൊടുക്കാൻ എനിക്ക് നന്നായി അറിയാം....!!! " പുച്ഛത്തോടെ പറഞ്ഞ് വെറുപ്പോടെ അവളെ സൈഡിലേക്ക് തളളി മാറ്റി സ്യൂട്ട് ഒന്നൂടെ രണ്ട് കയ്യോണ്ടും മുന്നിലേക്ക് ഒതുക്കി വെച്ഛ് വാഷ് റൂമീന്ന് ഇറങ്ങി....... നിന്നെ എന്റെ കയ്യിൽ കിട്ടുമെടീ... ഈ ആളും ബഹളമൊക്കെ ഒന്ന് ഒതുങ്ങട്ടെ.... ഉപ്പിട്ട ചായയ്ക്ക് പകരം നിന്നെക്കൊണ്ട് കണ്ണീരിന്റെ ഉപ്പ് കുടിപ്പിക്കും ഞാൻ നോക്കിക്കോ...!!!! മനസ്സിൽ പറഞ്ഞ് കൊണ്ട് ഞാൻ വേഗം ഓഫീസിലേക്ക് പോയി..... ~~~~~~~ കോട്ട് ശെരിയാക്കി നടന്ന് നീങ്ങുന്ന അവനെ നോക്കി ഞാൻ വാഷ് റൂമിൽ നിന്നു.... ചായ ഒരു കവിള് കുടിച്ചപ്പോ തന്നെ അവന്റെ കണ്ണുകൾ പതിഞ്ഞത് എന്റെ മുഖത്തായിരുന്നു....!! പതിയൂല്ലോ... പതിയണല്ലോ.... അത്രയ്ക്കും നല്ല സൂപ്പർ ഉപ്പിട്ട ചായയല്ലേ ഞാൻ എന്റെ ബ്ലാക്ക് മെയിൽ കെട്ടിയോന് കൊടുത്തത്....!!!!

പ്രാതല് കഴിഞ്ഞപ്പോ തന്നെ എല്ലാരും തിരിച്ഛ് പോകാൻ തയ്യാറായി.... ഉച്ചയായപ്പോഴേക്കും വീട്ടിൽ വീണ്ടും ഞങ്ങള് മാത്രമായി.... ഉണ്ണിയും, ഈവനിംഗ് ഫ്ളൈറ്റിന് ഏട്ടനും ഏട്ടത്തിയും കൂടി തിരിച്ചുപ്പോയപ്പോ വീട് വല്ലാതെ ഉറങ്ങി പോയി... പക്ഷേ,,, കനി പോവാതെ നിന്നപ്പോ അല്പം ആശ്വാസം തോന്നി... കനി അധികവും എവിടെ തന്നെയാണ് നിൽക്കാറെന്ന് നിമ്മി പറഞ്ഞു.. ഏട്ടത്തിയേക്കാൾ അവൾക്ക് ഇഷ്ടം അമ്മയെയാണ്.... കഴിഞ്ഞ ഒരു ദിവസം കൊണ്ട് തന്നെ ഞാനും കനിയും നല്ല കമ്പനിയായി... ചെറിയ കുട്ടിയാണെങ്കിലും അവളെ വലിയ വായിലെ സംസാരം കേൾക്കാൻ ഒരു പ്രത്യേക രസമാണ്...... ~~~~~~ രാത്രി വീട്ടിലെത്തിയപ്പോഴേക്കും എല്ലാരും പോയിരുന്നു... ഹോ എപ്പഴാ ശ്വാസം നേരെ വീണത്... ഒരു ദിവസം കൊണ്ട് തന്നെ അഭിനയം മടുത്തു.... ഇതിപ്പോ ഞങ്ങൾ മാത്രല്ലേ ഉള്ളൂ.. എവിടെയുള്ളവരെ ബോധിപ്പിച്ചാൽ മതിയല്ലോ.... മറ്റ്,,,, ഹോ എങ്ങോട്ട് തിരിഞ്ഞാലും ആളും ബഹളവും...!!!!! നല്ല ക്ഷീണം തോന്നിയതോണ്ട് ഫുഡ് കഴിച്ചു ഞാൻ വേഗം കിടന്നു.. നാളെ രാവിലെ ഒരു ഇമ്പോർടൻറ് വീഡിയോ കോണ്ഫറന്സുണ്ട്.... ~~~~~ രാവിലെ എണീറ്റത്തും എന്നത്തേയും പോലെ ആദ്യം നോക്കിയത് ബെഡിലേക്കാ... ഹാവൂ ഭാഗ്യം എണീറ്റിട്ടില്ല...

വേഗം തോർത്തും ഡ്രെസ്സും എടുത്ത് അവന്റെ മുന്നിലായി നിന്നു.... അവൻ കണ്ണ് തുറന്നതും ഒന്ന് ചിരിച്ചു ബാത്‌റൂമിലേക്ക് ഓടി കയറി... അവൻ ഞെട്ടിപിടഞ്ഞു എണീറ്റ് പിന്നാലെ വന്നെങ്കിലും ഞാൻ അപ്പോഴേക്കും വാതിലടച്ചിരുന്നു.. ഇന്നലെ മോൻ വിസ്തരിച്ചു കുളിച്ചതല്ലേ.....? ഇന്ന് ഞാൻ കുളിക്കട്ടെ....!!! "ഡീ.. വാതില് തുറക്കെടീ.....??? " വാതിലിൽ ആഞ്ഞടിച്ച് കൊണ്ട് അവൻ അലറി.... "ഇല്ല....!!!" ഒട്ടും കൂസാതെ ഞാൻ പറഞ്ഞു.... " ഡീ മര്യാദക്ക് തുറന്നോ..... അതാ നിനക്ക് നല്ലത്.... അല്ലെങ്കിൽ ചവിട്ടി പൊളിക്കും ഞാൻ...!! " അവൻ ദേഷ്യത്തോടെ അലറി... "പൊളിച്ചോ...???" നിസ്സാരമായി ഞാൻ പറഞ്ഞു... അവന്റെ വീട്, റൂം, ബാത്ത്റൂം എനിക്കെന്താ...??? "ഡീ..... എനിക്കിന്ന് ഇമ്പോർടെന്റ് കോണ്ഫറന്സുണ്ട്... തുറക്കെടീ ഡാഷേ....!!!" അവൻ വീണ്ടും ഡോറിൽ ആഞ്ഞടിച്ചു... ഞാൻ ചെവി രണ്ടും കൊട്ടിയടച്ചു... "ആണോ... എന്നാ കേട്ടോ തുറക്കാൻ എനിക്ക് സൗകര്യംല്ല....!!!! " ~~~~ നാശം,,,,, എതൊക്കെ പറഞ്ഞിട്ടും ഇവള് വാതില് തുറക്കുന്നില്ലല്ലോ... ദേഷ്യത്തോടെ ഞാൻ ഡോറിൽ ചവിട്ടുകയും ഇടിക്കുകയും ചെയ്തു... എനിക്ക് ഇന്ന് വീഡിയോ കോണ്ഫറൻസ് ഉള്ളതാ... ഇവളാണെങ്കിൽ കുളിച്ചു ഇറങ്ങുന്നതുംല്ല.... ഇന്നലെ ഞാൻ വാതില് തുറന്ന് കൊടുക്കാത്തതിന് റിവെൻജ് തീർക്കാ അവള്.....

ഇങ്ങോട്ട് ഇറങ്ങി വാടീ...ഇന്ന് നിന്റെ അന്ത്യാ.... റൂമിൽ ദേഷ്യത്തോടെ പല്ല് കടിച്ഛ് അങ്ങോട്ടും ഇങ്ങോട്ടും നടന്ന് കൊണ്ട് ഞാൻ മനസ്സിൽ പറഞ്ഞു.... ~~~~ ഞാൻ ഒരുപാട് സമയമെടുത്ത് വിസ്തരിച്ച് കുളിക്കണം ന്നൊക്കെ വിചാരിച്ചതാ,, അവൻ ഇമ്പോർടൻറ് കോണ്ഫറൻസ് ഉണ്ടെന്ന് പറഞ്ഞപ്പോ അധികം സമയം എടുക്കാൻ തോന്നിയില്ല... കുളിച്ചിറങ്ങിയപ്പോ വെട്ടുപോത്തിനെ പോലെ ദേഷ്യത്തോടെ റൂമിൽ അങ്ങോട്ടും ഇങ്ങോട്ടും നടക്കുന്ന അവനെ കണ്ട് ഞാൻ ചെറുതായൊന്ന് ഞെട്ടി... കാരണം എന്നെ കൊന്ന തിന്നാന്നുള്ള ദേഷ്യം മുഖത്ത് കത്തിജ്വലിച്ചു നില്പുണ്ടേ.... ബാത്റൂമിന്റെ ഡോർ അടയുന്ന ശബ്‌ദം കേട്ട് തിരിഞ്ഞു നോക്കി ദേഷ്യത്തോടെ അടുത്തേക്ക് പാഞ്ഞു വരുന്ന അവനെ കണ്ട് ഞാൻ പേടിയോടെ ഉമിനീരിറക്കി.... പക്ഷേ ഒരക്ഷരം പോലും മിണ്ടാതെ എന്നെ തറപ്പിച്ചൊന്ന് നോക്കി ഡോറിന്റെ മുന്നിൽ നിന്ന് സൈഡിലേക്ക് പിടിച്ചു തള്ളി ബാത്റൂമുൽ കയറി റൂം മുഴുവൻ കുലുങ്ങുന്ന പോലെ വാതില് വലിച്ചടച്ചു..... ദുഷ്ടൻ പിടിച്ചുതള്ളിയപ്പോ നെറ്റി നേരെ ചെന്ന് ഇടിച്ചത് കബോഡിൽ മൂലയിൽ ആയിരുന്നു... കുറച്ചുനേരം ഒന്നും അറിഞ്ഞില്ല... തല മൊത്തത്തിൽ ഒന്നിളക്കി തരിത്തു പോയ പോലെ... തരിപ്പ് പതിയെ മാറിയതും വേദന പതിയെ തലപൊക്കി തുടങ്ങി...

നെറ്റിയിൽ അമർത്തി ഉഴിഞ്ഞതും വേദന കാരണം ഞാൻ പിടഞ്ഞു പോയി... കണ്ണീന് വെള്ളം കവിളിലൂടെ ഒലിച്ചിറങ്ങി.. കണ്ണാടിയിൽ നെറ്റി ഉഴിഞ്ഞിരിക്കുമ്പഴാണ് നിമ്മിയും കനിയും വന്നത്... വേഗം മുടിയഴിച്ചിട്ട് അവരോടൊപ്പം താഴേക്കിറങ്ങി... അച്ഛമ്മയെ കൂട്ടി ഞങ്ങൾ പ്രാതല് കഴിച്ചു.... കോണ്ഫെറൻസിൽ അയതോണ്ട് അവനുള്ളത് അമ്മ മുകളിൽ കൊണ്ടുപ്പോയി കൊടുത്തു... ഞാൻ ആർക്കും അധികം മുഖം കൊടുക്കാൻ നിന്നില്ല... കണ്ടാ പിന്നെ ചോദ്യായി പറച്ചില്ലായി എന്തിനാ വെറുതെ കള്ളം പറയുന്നത്.... കഴിച്ഛ് കഴിഞ്ഞപ്പോ കനി ടിവി കാണണംന്ന് പറഞ്ഞു വാശിപിടിച്ഛ് എന്നെയും പിടിച്ചുവലിച്ചോണ്ടുപ്പോയി സോഫയിൽ ഇരുന്ന് ഓണ് ചെയ്ത് പാട്ടിനൊത്ത് തുള്ളിച്ചാടി കളിക്കാൻ തുടങ്ങി... അതിനിടയിൽ അവളുടെ കൈ അറിയാതെ നെറ്റിയിൽ തട്ടി പോയി.... ന്റെ കൃഷ്ണാ.... വേദനകൊണ്ട് ഞാൻ അറിയാതെ നിലവിളിച്ചു പോയി.... മതിയല്ലോ,,, എന്റെ അലർച്ച കേട്ട് അപ്പോഴേക്കും അമ്മയും, അച്ഛമ്മയും, നിമ്മിയും, പലഭാഗത്ത് നിന്നും ഹാളിലേക്ക് ഓടി വന്നു... പിന്നെ പറയണ്ടല്ലോ ചോദ്യായി പറച്ചിലായി ആകെ മൊത്തം ജഗപൊക...

ഞാൻ അവരെ നോക്കി അറിയാതെ കബോഡിൽ ഇടിച്ച് പോയതാന്നൊക്കെ പറഞ്ഞു ഒപ്പിച്ചെങ്കിലും നെറ്റിമാത്രം ഞാനാരെക്കൊണ്ടും തൊട്ടീച്ചില്ല.... അമ്മ വേഗം തന്നെ കിച്ചണിൽ പോയി ഉപ്പിട്ട വെള്ളം കൊണ്ട് തന്ന് ഉഴിയാൻ പറഞ്ഞു... ~~~~~~~ ഭാഗ്യം കോണ്ഫറൻസ് 5mnt ലെറ്റായത്..!!! മീറ്റിങ് സക്‌സസായി കഴിഞ്ഞു താഴേക്കിറങ്ങിയപ്പോ എല്ലാരും അവൾക്ക് ചുറ്റും നിൽപ്പുണ്ടായിരുന്നു... അടുത്ത കുരിശ് എന്താണാവോ ന്ന് മനസ്സിൽ പറഞ്ഞു കൊണ്ട് ഞാൻ പതിയെ കോണിയിറങ്ങി ചെന്ന് കാര്യം തിരക്കി ഓഹോ... ഞാൻ രാവിലെ പിടിച്ച് തള്ളിയപ്പോ പറ്റിയതാവും... ഏതായാലും നന്നായി അവൾക്ക് ചെറിയൊരു ഡോസിന്റെ കുറവ് ഉണ്ടായിരുന്നു.... അമ്മയും അച്ഛമ്മയും ആവുന്നത് ഉഴിഞ്ഞു തരാന്ന് പറഞ്ഞിട്ടും സമ്മതിക്കാതെ അവള് തന്നെ പതിയെ ഉപ്പിട്ട വെള്ളത്തിൽ തുണി മുക്കി നെറ്റിയിൽ ഒപ്പുന്നുണ്ട്.... ഇത്രയും നല്ലൊരു അവസരം കിട്ടീട്ട് വെറുതെ വിട്ടാൻ അതെന്റെ പ്രെസ്റ്റീജിനെ സാരമായി ബാധിക്കും... അതോണ്ട് ഞാൻ നേരെ അവളുടെ അടുത്ത അഭിമുഖമായി പോയിരുന്നു.... അവള് ഞെട്ടലോടെ എന്നെ നോക്കി....

" താ... ഞാൻ ഉഴിഞ്ഞുതരാം.... " ഞാൻ പറഞ്ഞത് കേട്ട് അവള് ചുറ്റും കൂടി നിൽകുന്നവരെയൊന്ന് പാളി നോക്കി, എന്നെ നോക്കി വെളുക്കാനെയൊന്ന് ചിരിച്ചു... "വേണ്ട... ഞാൻ ഉഴിഞ്ഞോളാ...." അവള് ചടപ്പോടെ പറഞ്ഞു... " നീ ഉഴിഞ്ഞാൽ അധികം വേദനയാക്കും... ഞാൻ ഒട്ടും വേദനിപ്പിക്കാതെ ഉഴിഞ്ഞു തരാം.... താ..." എന്റെ ഉള്ളിലെ ധ്വനി മനസ്സിലായതോണ്ടാവും അവള് വീണ്ടും വേണ്ട ന്ന് തലയാട്ടി.... "വേണ്ട.... " ~~~~~~ ഒട്ടും വേദനിപ്പിക്കാതെ ഉഴിഞ്ഞു തരുന്ന ഒരാള്... അവന്റെ ആ പറച്ചിലിൽ തന്നെയുണ്ട് ഒരു ദുരൂഹത... ഞാൻ വേണ്ടന്ന് പറഞ്ഞെങ്കിലും അമ്മയും അച്ഛമ്മയും വരേ അവന്റെ ഭാഗത്ത് നിന്നതോടെ രക്ഷയില്ലാതെയായി.. അവൻ ബലമായി എന്റെ കൈയിൽ നിന്ന് തുണി വാങ്ങി വെള്ളത്തിൽ മുക്കി നെറ്റിയുടെ നേരെ വന്നതും ഞാൻ വേദനയോടെ കണ്ണ് ഇറുക്കിയടച്ചു... പ്രതീക്ഷിച്ച പോലെ തന്നെ നെറ്റിൽ വെച്ചൊരൊറ്റ അമർത്തലായിരുന്നു മാക്രി.....!!!! ന്റെ കൃഷ്ണാ....ഇരേഴ് പതിനാല് ലോകവും ഒറ്റ ഇരുപ്പിൽ ഞാൻ കണ്ടു... കണ്ണീന് പൊന്നീച്ച മാത്രല്ല വെള്ളിയും വെങ്കലവുമൊക്കെ പാറി...ഞാൻ രണ്ട് കയ്യും സോഫയിൽ അമർത്തി വേദന കടിച്ഛ് പിടിച്ച് സഹിച്ഛ് ഇരുന്നു.... ഭാഗ്യത്തിന് അധികം വൈകിപ്പിക്കാതെ നിമ്മി വേഗം ഒരു ഐസ് ക്യൂബ് തന്ന് ഇത് വെച്ചാ വേദന കുറയും ന്ന് പറഞ്ഞു.. അപ്പഴാ ആ കോന്തൻ പിടിവിട്ടത്..... ഞാൻ വേഗം ഐസ് വാങ്ങി നെറ്റിയിൽ വെച്ച് അവനെ നോക്കി....

എന്നെ നോക്കി നല്ലോണം ഒന്ന് പുച്ഛിച്ചു ചിരിച്ചു കൊണ്ട് സോഫയിൽ കാൽമേൽ കാലും കയറ്റി വെച്ഛ് ടിവിലേക്ക് നോക്കി ഇരുന്നു ദുഷ്ടൻ....!!!!! ഐസ് ക്യൂബ് വെച്ചപ്പോ തന്നെ വേദന നല്ലോണം കുറഞ്ഞു.... അപ്പഴാ ഞാൻ കനിയെ ശ്രെദ്ധിച്ചത്... കണ്ണൊക്കെ കലങ്ങി ഇപ്പൊ കരയുമെന്ന സ്ഥിതിയിൽ എന്നെ നോക്കി ചുണ്ടൊക്കെ പിളർത്തി ഇരിപ്പാ.... " ജെറീമ്മക്ക് ഒരുപാട് വേദന്യായോ.....?എന്റെ കൈ പറ്റിയല്ലേ......???" അവൾ സങ്കടത്തോടെ ചോദിച്ചു.... " അയ്യേ.... ആരുപറഞ്ഞു...??? കനി മോളേ ജെറീമ്മ സ്‌ട്രോങ് അല്ലേ... ഒട്ടും വേദനയായില്ല.....!!!" ഞാൻ അവളെ നേരെ ഇരുന്ന് ചിരിച്ചോണ്ട് പറഞ്ഞതും അവള് സങ്കടത്തോടെ എന്നെ നോക്കി... "എന്നിട്ട് കരഞ്ഞതോ... വേദനിച്ചിട്ടല്ലേ കരഞ്ഞേ....???" അവള് വീണ്ടും ചോദിച്ചു... ഞാനവളുടെ മുടി കൊതി മിനുക്കി... "അത് വെറുതെ നിന്റെ ചെറിയച്ഛനെ പേടിപ്പിക്കാൻ.... ചുമ്മാ...!!!! " അവളോട് മാത്രം സ്വകാര്യം പോലെ ചെവിയിൽ പറഞ്ഞു ഞാൻ കണ്ണടച്ഛ് കാണിച്ചതും അവളിൽ നിന്ന് മാഞ്ഞു പോയ് പുഞ്ചിരി പൂർവാധികം ശക്തിയോടെ തിരിച്ചു വന്നു... എന്റെ അടുത്തേക്ക് വന്ന മടിയിൽ ഇരുന്ന് എന്നെ കുറുമ്പോടെ നോക്കി... "ജെറിമ്മ കള്ളിയാല്ലേ അപ്പോ.... മമ്മം....???" എന്റെ നേരെ കൈ ചൂണ്ടി ചിരിയോടെ അവള് പറഞ്ഞതും ഞാൻ വേഗം അവളെ കൈ താഴ്ത്തി ചുറ്റും നോക്കി...

"ആരോടും പറയരുത് ട്ടോ.... നമ്മൾ രണ്ടാളും ഒരു ടീം അല്ലേ.....ok..???" ഞാൻ കൈ നീട്ടി പറഞ്ഞതും അവള് ആവേശത്തോടെ കൈ തന്നു... " ok...." കനി എന്റെ കൈവെള്ളയിലേക്ക് കൈ ചേർത്തു.... അവൻ ടിവി കാണുന്നത് കണ്ടതും ഞാൻ വേഗം കിച്ചണിലേക്ക് നടന്നു... ഊണ് കഴിഞ്ഞതും അമ്മയും അച്ഛമ്മയും കിടക്കാൻ പോയി... ഞാനും നിമ്മിയും ഹാളിൽ സൊറ പറഞ്ഞിരുന്നു... അതിനിടയിൽ കനി എന്റെ മടിയിൽ കിടന്നുറങ്ങി... അവളെ അമ്മയുടെ റൂമിൽ കൊണ്ട് കിടത്തി, ഞങ്ങൾ വീണ്ടും തിരിച്ചു ഹാളിൽ വന്നിരുന്നു... ബോറടിച്ചപ്പോ നിമ്മി വീട് ചുറ്റി കാണിച്ചു തരാന്നും ഡോർ തുറക്കാനുള്ള സൂത്രം കാണിച്ചു തരാന്നും പറഞ്ഞു... വീട്ടിലെ സെക്യൂരിറ്റി സിസ്റ്റത്തെ കുറിച്ച് നിമ്മി പറഞ്ഞു തന്നെങ്കിലും എനിക്കൊന്നും മനസ്സിലായില്ല... അവസാനം അവൾ ലാപ്പിൽ ഡെമോ കാണിച്ചുതന്നു.... വീട്ടിലെ എല്ലാ റൂമിന്റെ വാതിലിന്റെ ഹാന്റിലും ഒരു സ്കാനർ ണ്ട്... ഓരോരുത്തർക്കും അവരവരുടെ റൂം ഫിംഗർ വെച്ച് ലോക്ക് ചെയ്യാം.. പക്ഷേ,,, ഫിംഗർ വെച്ച് ലോക്ക് ചെയ്ത റൂം അയാളെ കൂടാതെ അമ്മയ്ക്കും അച്ഛമ്മയ്ക്കും സിദ്ധുനും തുറക്കാം... അതായത് അമ്മയ്ക്കും അച്ചമ്മയ്ക്കും സിദ്ധുനും വീട്ടിലെ ഏത് റൂമും ഫിംഗർ ലോക്ക് ചെയ്താലും തുറക്കാൻ പറ്റും....

പറഞ്ഞു വന്നത് എന്താ ന്ന് വെച്ചാ വീട്ടിലെ ഒരു ഡോറും എനിക്ക് തുറക്കാൻ പറ്റില്ല അത്രന്നെ... സിദ്ധു ഒഴികെ ബാക്കിയാരും ഫിംഗർ ലോക്ക് ചെയ്യാറില്ല,,എന്തിനാ ബാക്കി,,,ആ മാക്രി തന്നെ ധാരാളം... നിമ്മി സെക്യൂരിറ്റി സിസ്റ്റത്തിൽ എന്നെയും ആഡ് ചെയ്തു... ഫിംഗർ ലോക്ക് അല്ലെങ്ങിൽ എനിക്കും ഇപ്പോ ഏത് റൂമും തുറക്കാം... നിമ്മിക്ക് സെക്യൂരിറ്റി സിസ്റ്റത്തിൽ ആഡ് ചെയ്യാന്നേ അറിയൂ ഫിംഗർ ലോക്ക് ആക്ടിവേറ്റ് ആകണെങ്കിൽ സിദ്ധു വേണം... അതോണ്ട് തന്നെ ഞാനൊരുക്കാലത്തും ഫിംഗർ ലോക്ക് ചെയ്യില്ലെന്ന് എനിക്ക് ബോധ്യായി...!!! ഹാളിൽ നിന്ന് നിമ്മിയുടെ ലാപ്പിൽ അതൊക്കെ സെറ്റ് ചെയ്ത ഞങ്ങൾ നിമ്മിന്റെ റൂമിലേക്ക് കോണി കയറി... വാതില് തുറന്നതും ഒരു പഠിപ്പിന്റെ ഗന്ധം മൂക്കിലേക്ക് ഇരച്ചു കയറി വന്നു... അത് റൂമായിരുന്നില്ല ലൈബ്രറിന്ന് പറയുന്നതാവും നന്നാവാ..... ഷെൽഫിൽ കബോഡിൽ ടേബിളിൽ എല്ലായിടത്തും books മാത്രമായിരുന്നു.. എങ്ങും ബുക്ക് മയം... അതും ഒട്ടുമിക്കതും related to medical.... അവിടെ ഞാൻ ഇരുന്നും നിമ്മി കിടന്നും ഞങ്ങളൊരുപ്പാട് കത്തിയടിച്ചു... പാവം കുറേ കഴിഞ്ഞപ്പോ അവളറിയാതെ ഉറങ്ങിപ്പോയി.... ഞാൻ കുറച്ഛ് നേരം അവളെ നോക്കിയിരുന്നു... എന്റെ അമ്മൂനെ പോലെ തന്നെ വായ്യാടി....!!! അവളെ പുതപ്പെടുത്ത് പുതപ്പിച്ഛ് ഏസി ഓണ് ചെയ്തത് ഞാൻ മെല്ലെ താഴേക്ക് പോന്നു....

ഹാളിലെത്തിയതും പെട്ടെന്ന് താഴെ അമ്മയുടെ മുറിയിൽ നിന്ന് തട്ടലും മുട്ടലും കേട്ട് ഞാൻ അവിടേക്ക് ചെന്ന് വാതിൽക്കൽ നിന്നു ഉള്ളിലേക്ക് നോക്കി... അമ്മ കുറേ കടലാസ് പെട്ടികൾക്ക് നടുവിൽ നിന്ന് നട്ടം തിരിയായിരുന്നു..... "അമ്മേ... ഇതൊക്കെന്താ, കുറേ പെട്ടിയുണ്ടല്ലോ...??" പെട്ടെന്ന് ശബ്‌ദം കേട്ട് അമ്മ ഞെട്ടിത്തിരിഞ്ഞു നോക്കി... എന്നെ കണ്ടതും പതിയെ ചിരിച്ചു പണിയിലേക്ക് തന്നെ തിരിഞ്ഞു... " ആഹാ മോള് ഉറങ്ങില്ലേ....???" അമ്മ സൗമ്യമായി ചോദിച്ചു... ഞാൻ ഉള്ളിലേക്ക് നടന്നു... "ഇല്ല.... എനിക്ക് ഉച്ചയ്ക്ക് ഉറങ്ങുന്ന ശീലംല്ല...അല്ലാ എന്താമ്മേ ഈ പെട്ടിലൊക്കെ,,,,, കുറേ ഉണ്ടല്ലോ...???" ഞാൻ അമ്മയ്ക്കൊപ്പം പെട്ടിക്കളുടെ നടുവിൽ നിന്ന് കൊണ്ട് ചോദിച്ചു.. "ഇതിലൊക്കെ കുറച്ച് പഴയ സാധാനങ്ങളാ.... ഇന്നലെ റിസപ്ഷന് പുതിയത് വാങ്ങിയപ്പോ പഴേതെല്ലാം തൽക്കാലത്തേക്ക് ഇവിടെ വെച്ചതായിരുന്നു.... സ്റ്റോർ റൂമിലേക്ക് മാറ്റമെന്ന് കരുതി.... " സാധനങ്ങൾ പെട്ടിയിലേക്ക് വെച്ച് അത് മൂടികൊണ്ട് അമ്മ പറഞ്ഞതും ഞാൻ അമ്മയുടെ അടുത്ത് ഇരുന്നു.. "ഞാനും കൂടാമ്മേ...."

സാധനങ്ങൾ പെട്ടിയിലേക്ക് വെച്ഛ് ഞാൻ പറഞ്ഞു.... "ഓഹ്,,, കഴിഞ്ഞ് മോളേ,, ഇനി സ്റ്റോർ റൂമിലെത്തിച്ചാ മതി....!!! നെടുവീർപ്പോടെ എണീറ്റ് നിന്ന് അമ്മ പറഞ്ഞു... ഞാനും അമ്മയ്ക്കൊപ്പം എണീറ്റ് നിന്നു.... "ഇതും കൊണ്ട് കോണി കയറാൻ വയ്യ,,, നമ്മുക്ക് ലിഫ്റ്റ് വഴിപ്പോകാം....!!! " അമ്മ പറഞ്ഞത് കേട്ട് ഞാൻ അത്ഭുതത്തോടെ അമ്മയെ നോക്കി... "ഇവിടെ ലിഫ്റ്റോക്കെണ്ടോ....???" ഞാൻ ആശ്ചര്യത്തോടെ ചോദിച്ചു... അമ്മയെന്റെ കവിളിൽ തലോടി ചിരിച്ചു... "ഓഹ്ഹ്...!!! മോള് വാ.... " അമ്മയുടെ കൂടെ പെട്ടിയെടുത്ത് ലിഫ്റ്റിന്റെ അടുത്തേക്ക് നടന്നു... ഇവിടെ ലിഫ്റ്റ് ഉണ്ടെന്ന് നിമ്മി എന്നോട് പറഞ്ഞില്ലല്ലോ...??? പാവം,,, അപ്പഴേക്കും ഉറങ്ങി പോയില്ലേ അതാവും...!!! ലിഫ്റ്റ് കയറി സ്റ്റോർ റൂമിലെത്തിയതും അമ്മ ഫിംഗർ വെച്ച് ഡോർ തുറന്നു അകത്തേക്ക് കയറി, പുറക്കെ ഞാനും... "ഹമ്മേ... ഇതെന്താമ്മേ ഭാർഗവീനിലയം പോലെ ഉണ്ടല്ലോ...? എന്തൊരു ഇരുട്ടാ... പേടിയാവുന്നു...." ചുറ്റും പേടിയോടെ കണ്ണോടിച്ചു കൊണ്ട് ഞാൻ പറഞ്ഞതും അമ്മ കയ്യിലെ പെട്ടി ഒരു മൂലയിൽ വെച്ച് വിൻഡോന്റെ അടുത്തേക്ക് നടന്ന് കർട്ടൻ നീക്കി... നല്ല വെളിച്ചം ഒന്നും വന്നില്ലെങ്കിലും അത്യാവശ്യം കാണാൻ തകവണം പ്രകാശം റൂമിലേക്ക് വന്നു... "ഈ റൂമിലെ വയറിങിന് എന്തോ പ്രോബ്ലം ഉണ്ട് എത്ര ബൾബ് ഇട്ടാലും പെട്ടെന്ന് ഫ്യൂസ് ആയി പോകും... ഈ റൂമിൽ ബൾബ് വാഴില്ലെന്നാ തോന്നുന്നത്... എവിടെയോ എന്തോ പോയിക്കാണും... മോള് സൂക്ഷിക്കണം....

ഇവിടേയും തട്ടി വീഴണ്ട....!!!" ചിരിച്ഛ് എന്നെ നോക്കി കരുതലോടെ അമ്മ പറഞ്ഞത് കേട്ട് ചിരിച്ഛ് ഞാനും ചുറ്റും കണ്ണോടിച്ചു... പഴയ സാധനങ്ങളുടെ ഒരു കൂമ്പാരമാണ് അവിടെ... പോരാത്തതിന് ഇരുട്ടും... പൊട്ടിതും ഒടിഞ്ഞതുമൊക്കെയായ ഒരുപാട് ഫ്ലവർ വേസും ചില്ലുകളും കണ്ടപ്പോ തന്നെ ഞാൻ മനസ്സിൽ ചിരിച്ചു... ഈ പൊട്ടിക്കൽ പാക്കരന്റെ സ്ഥിരം ഏർപ്പെടാണ്....!!! ചുറ്റും നോക്കി നടക്കുന്നതിനിടയിൽ എന്റെ കയ്യിൽ പെട്ടി തട്ടി അടുക്കി വെച്ചിരുന്ന കുറച്ചു പെട്ടികൾ മൊത്തത്തിൽ നിലത്തേക്ക് വീണു... "അത,,, വീണോ... ഞാൻ കൂടി വരാം..." അമ്മ അടുക്കി വെക്കാൻ വരാൻ നോക്കിയതും ഞാൻ വേഗം തടഞ്ഞു... " വേണ്ടമ്മേ.. ഞാനെടുത്തു വെച്ചോളാം... അമ്മ പോയി ബാക്കി പെട്ടിക്കളെടുത്തിട്ട് വാ..." ചിതറി കിടക്കുന്ന സാധനങ്ങളെ നോക്കി ഞാൻ പറഞ്ഞു... "മ്മ്മ്....നോക്കണേ... കൂട്ടത്തിൽ കുപ്പിച്ചിലൊക്കെ കാണും,,, കാലിൽ കുത്തി കയറ്റണ്ട...!!!" അമ്മ ശാസന പോലെ പറഞ്ഞു... ഞാൻ തലയാട്ടി.... "ആ... അമ്മേ ഞാൻ നോക്കിക്കോളാം.."

അമ്മയെ താഴേയ്ക്ക് പറഞ്ഞയച്ചു ഞാൻ ഒരു നേടുവീർപ്പോടെ താഴെ കമിഴ്ന്നു കിടക്കുന്ന പെട്ടികളെയും വീണ് ചിതറി കിടക്കുന്ന സാധനങ്ങളേയും നോക്കി.... പിന്നെ താഴെ ഇരുന്ന് അതൊക്കെ ഓരോന്നോരോന്നായി എടുത്ത് തിരിച്ചു പെട്ടിയിലാക്കാൻ തുടങ്ങി... ഒരു പെട്ടിയിൽ കുറച്ഛ് ഫോട്ടോ ഫ്രൈയിസ് കണ്ടു... കമിഴ്ന്നു വീണ് കിടക്കാണ്.... ഞാൻ വേഗം അതെടുത്ത് നേരെ തിരിച്ചു നോക്കി.... ഗ്ലാസ്സ് മുഴുവൻ പൊടിപിടിച്ഛ് കിടക്കാ,, മുഖം വ്യക്തമായില്ല... ചുറ്റും പരതി നോക്കി അടുത്തുള്ള പെട്ടിയിൽ നിന്ന് ഒരു പഴകിയ തുണിയെടുത്ത് പതിയെ ഗ്ലാസ്സിലെ പൊട്ടി തുടച്ചു.... ആ തുടച്ചു മാറ്റപ്പെട്ട ഭാഗത്ത് നിവാരണമായ മുഖം കണ്ടതും ഞെട്ടലോടെ ഞാൻ അറിയാതെ എണീറ്റുപോയി.... കണ്ണുകളെ വിശ്വസിക്കാൻ കഴിയാതെ ഞാൻ വിറങ്ങലിച്ചു നിന്നു... ഫോട്ടോ എന്റെ കയ്യിൽ കിടന്നു വിറച്ചു... ഞാൻ പോലുമറിയാതെ ചുണ്ടുകൾ മന്ത്രിച്ചു... ""ആ.... ആമി..... "".....തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...