🌸എന്നെന്നും എന്റെ മാത്രം 🌸: ഭാഗം 25

രചന: അനു

വൈക്കുനേരം നിമ്മി പോയതൊഴിച്ചാൽ ഞാൻ വളരെ ഹാപ്പിയായിരുന്നു... മായ പോകണമെന്ന് പറഞ്ഞു തിങ്ക്‌സ് ഒക്കെ ചെയ്‌തെങ്കിലും അഞ്ച് മിനിറ്റ് കൂടുമ്പോ ബാത്റൂമിലേക്ക് ഓടുന്ന അവളെങ്ങനെ ബാംഗ്ലൂർ പോക്കും... സിദ്ധു മാറിയിട്ട് നാളെ പോയാ മതിയെന്ന് പറഞ്ഞപ്പോ അവള് എതിർത്തില്ല.... മായയ്ക്ക് പണിക്കിട്ടിയതോണ്ടോ എന്തോ ഞാൻ സുഖമായി കിടന്നുറങ്ങി.. മാസങ്ങൾ ദിനങ്ങൾ പോലെ ശര വേഗത്തിൽ ഓടിമറഞ്ഞോടിരുന്നു.... അവന് എന്നോടുള്ള ദേഷ്യം അണുപോലും കുറഞ്ഞില്ലന്ന് മാത്രല്ല ഞങ്ങൾക്കിടയിൽ അകൽച്ച അങ്ങനെ തന്നെ നിലനിന്നു.... ഞാനോ അവനോ അതു തിരുത്താനും നോക്കിയില്ല.... മറ്റുള്ളവർക്ക് മാത്രം ഞങ്ങൾ സ്നേഹനിധിയായ ഭാര്യ ഭർത്താക്കന്മാരായി.... എന്നിരുന്നാലും അവൻ്റെ കാര്യങ്ങളൊക്കെ വേണ്ടതുപ്പോലെ ഞാൻ ചെയ്തു...ഒരു കുറവും വരുത്താതെ തന്നെ..... എന്റെ ഫിസിയോതെറാപ്പി കൊണ്ട് ദേവൂന് ഇപ്പൊ നല്ല മാറ്റമുണ്ട്... കാൽ ചെറുതായിട്ട് അനക്കും... കാൽവിരലുക്കൾ ചലിപ്പിക്കും.... കുറച്ചുക്കൂടെ കഴിഞ്ഞാൽ എണീറ്റ് നടക്കുമെന്ന് ഡോക്ടർ എനിക്ക് ഉറപ്പ് തന്നു.....

ആഴ്ചയിൽ ഒരിക്കൽ മുടങ്ങാതെ ഞാൻ ജോയെ വിളിക്കും... വിശേഷങ്ങളുടെ എണ്ണം കൂടിക്കൂടി വരുന്നുണ്ടെന്ന് ജോ വിളിക്കുമ്പോ കളിയായി പറയും....ജോയെ വിളിക്കുന്ന പോലെതന്നെ അമ്മയേയും വിളിക്കും.... ഒരക്ഷരം പോലും മറുത്തുപറയാതെ അമ്മയുടെ ശബ്ദം മാത്രം കേട്ടിരിക്കും... കുറെ നേരം പ്രതികരിക്കാതിരിക്കുമ്പോ ദേഷ്യത്തോടെ അമ്മ ഫോണ് വെച്ചപ്പോകും... പക്ഷേ അമ്മയോട് ഞാൻ വാ തോരാതെ സംസാരിക്കും... എന്റെ വിശേഷങ്ങൾ ഒക്കെ പറയും... എല്ലാരേയും തിരക്കും.... എല്ലാർക്കും സുഖമാണെന് ഞാൻ എന്നോട് തന്നെ പറഞ്ഞു സമാധാനിക്കും... എന്റെ സങ്കടങ്ങൾ അധികവും കാണാറ് നമ്മുടെ കിളിവീട്ടിലെ മിണ്ടാപ്രാണിക്കളാ... ഞാനും അവരും ഇപ്പൊ നല്ല കമ്പിനിയാണ്... എന്നെ കാണുമ്പോ തന്നെ പറന്ന് വന്ന് തലയിലും കയ്യിലുമൊക്കെ കേറിയിരിക്കും......ഞാൻ കരയുമ്പോ എന്റെ അരികിൽ വന്ന് കയ്യിലും ദേഹത്തും ഒക്കെ കൊക്കു കൊണ്ട് മുട്ടിയുരുമ്മി ഉരസി കൊണ്ട് അവരെന്നെ അശ്വസിപ്പിക്കും.... സങ്കടങ്ങൾ പറയാൻ എറ്റവും നല്ലത് മിണ്ടാപ്രാണിക്കൾ എനിക്ക് തോന്നാറുണ്ട്.....

ഇത് സിദ്ധുവിന്റെ പ്രൈവറ്റ് ഏരിയ ആണെന്ന് അമ്മ പറയാറുണ്ട്.... അവനും അച്ഛനും കൂടെ ഉണ്ടാക്കിയതാണത്ര.... അതോണ്ട് സിദ്ധു കാണേ ഞാനിങ്ങോട്ട് കയാറാറില്ല.... നിമ്മി പതിവ് തെറ്റിക്കാതെ ഈ വീക്കെൻഡ് വന്നു.... വരുമ്പോ എനിക്കൊരുപാട് ബുക്ക്സ് കൊണ്ടാ വന്നത്... അവള് വന്നപ്പിന്നെ ഒന്നിനും നേരം ഉണ്ടാവില്ല എപ്പഴും കൂടെ കാണും... എന്റെ അമ്മൂനെ പോലെതന്നെ... അവള് വന്നാൽ ഞാൻ അമ്മൂനെ വല്ലാതെ miss ചെയ്യാറുണ്ട്.... നിമ്മിയെ കാണുമ്പോ അമ്മൂനേയും കാണാൻ മനസ്സ് വല്ലാതെ കൊതിക്കാറുണ്ട്...... "ഏട്ടത്തി....." ഹോ... പെണ്ണിന് നൂറായുസ്സാ....ഇപ്പൊ പറഞ്ഞതേള്ളൂ... ഇനി വിളികേട്ടില്ലേങ്കിൽ അതുമതി.... തിരിച്ചു വിളിക്കാൻ നോക്കുമ്പോഴേക്കും ആള് എന്റെ റൂമിൽ എത്തിയിരുന്നു..... "അപ്പോഴേക്കും ഇവിടെ എത്തിയോ.... എന്തിനാ വിളിച്ചേ...?" "ഏട്ടത്തിയുടെ ഷാമ്പൂ ഞാനൊന്ന് എടുത്തോട്ടെ.. എന്റേത് ഡേറ്റ് കഴിഞ്ഞു.... "അതിനെന്താ നീ എടുത്തോ... ബാത്‌റൂമിൽ കാണും... പോയിയെടുത്തോ..." ഫ്രൈ ഡേ വന്നതാ നിമ്മി,ഇന്നലെ പോകാതെ ഇന്ന് രാവിലെ പൊയ്ക്കോളാന്ന് പറഞ്ഞു മടി പിടിച്ചു നിന്നതാ,,മടിച്ചി.... ഇപ്പൊ പോകും..!! ഞാൻ ബെഡൊക്കെ തട്ടി കുടഞ്ഞു വിരിച്ചിട്ട് സിദ്ധുന്റെ ഡ്രെസ്സ് എടുത്ത് വെക്കുമ്പഴാണ് നിമ്മി ഷാമ്പൂ എടുതോണ്ട് എന്റെ അടുത്തേക്ക് വന്നത്.....

. "അല്ല ഏട്ടത്തി... ഇതിലില്ലേ.....?ഒരു വെയിറ്റ് തോന്നുന്നില്ല.... കാലിയാണോ....?" ബോട്ടിൽ കമിഴ്ത്തി നോക്കി അവൾ സംശയത്തോടെ ചോദിച്ചു... അപ്പോഴേക്കും ഷാമ്പു ഫ്ലോറിലേക്ക് തൂവിയിരുന്നു.... "അയ്യോ ഏട്ടത്തി... സോറി... അറിയാതെ മറഞ്ഞുപ്പോയി...." നിമ്മി വെപ്രാളത്തോടെ പറഞ്ഞ് എന്നെ നോക്കി.... "അതാ... ഈ പെണ്ണിന്റ ഒരു കാര്യം..!!!!ഇല്ലാത്ത ബോട്ടിൽ ആരെങ്കിലും ബാത്‌റൂമിൽ വെക്കോ ബുദുസേ..... " നിമ്മിയുടെ തലയിൽ കൊട്ടികൊണ്ട് ഞാൻ ചോദിച്ചത് കേട്ട് അവള് സൈക്കിളിൽ നിന്ന് വീണപ്പോലെ ഇളിച്ചു കാട്ടി... "സോറി ഏട്ടത്തി.... ഏട്ടത്തിയൊന്ന് ക്ലീൻ ചെയ്യണേ... പ്ലീസ്...." "ഹ്മ്മം മ്മ്മ്... ok... ഇനി ഞാൻ കാരണം ലേറ്റ് ആവണ്ട... പൊയ്ക്കോ...." "താങ്കൂ....." എന്നും പറഞ്ഞ് എന്റെ രണ്ട് കവിളിലും അമർത്തി പിച്ചി കുലുക്കി കൊണ്ട് പെണ്ണ് റൂമീന്ന് ഇറങ്ങി ഓടി... വേദനയോടെ കവിള് ഉഴിഞ്ഞു അവള് പോയ് വഴിയേ നോക്കി ഞാൻ നിന്നു... ഇങ്ങനെയൊരു പെണ്ണ്...!!!!!! തലയിൽ കൈ വെച്ഛ് മനസ്സിൽ പറഞ്ഞു ചിരിച്ചു കൊണ്ട് ഞാൻ തറയിൽ വീണ് ഷാമ്പൂ തുടയ്ക്കാൻ ടവൽ എടുക്കാൻ ബാത്റൂമിലേക്ക് കയറിയതും റൂമിൽ നിന്ന് ഒരു നിലവിളി കേട്ടു.... ഓടിച്ചെന്ന് നോക്കിയപ്പോ ദേ കിടക്കുന്നു എന്റെ കെട്ടിയോൻ കോന്തൻ നിലത്ത്.....ഷാമ്പൂ ചവിട്ടി വീണാതാണെന്ന് തോന്നുന്നു...

ഞാൻ വേഗം ടവൽ അവിടെത്തന്നെ ഇട്ട് റൂമിലേക്ക് ഓടി വന്ന് അവനെ പിടിക്കാൻ പോയതും..... "തൊടരുത്..... തൊട്ടാ കൊല്ലും ഞാൻ.... എന്താടീ നീ ഇവിടെ മറച്ചത്....? പറയെടീ..... എനിക്കറിയാ നീ മനപ്പൂർവ്വം എന്നെ വീഴ്ത്താൻ ഒഴിച്ചു വെച്ചതല്ലേ.......? അമ്മേ.... എന്റെ നടു.... കൈ... ഡീ നിന്നെ ഞാനിന്ന്.... അയ്യോ....." ~~~~~~~~~ വർക് ഔട്ട് ചെയ്തു കുളിക്കാൻ കേറാൻ റൂമിലേക്ക് വന്നപ്പഴാണ് എന്തോ കാലിൽ വഴുക്കിയതും സൈഡ് ചെരിഞ്ഞു മലർന്ന് വീണത്.... അപ്പൊ തന്നെ ബാത്റൂമിന് അവള് ഓടി മുന്നിൽ വന്ന് എന്ത് ചെയ്യണം ന്ന് അറിയാതെ ആദ്യം ഞെട്ടലോടെ വാ പൊത്തി നിന്നെങ്കിലും പിന്നെ വേഗം എന്നെ പിടികാനായി അടുത്തേക്ക് ആഞ്ഞു... അവളെ ഒന്നും അറിയാത്ത പോലുള്ള നിപ്പും ഞെട്ടലും എല്ലാം കൂടി കണ്ട് എനിക്ക് ദേഷ്യം അരിച്ചു കയറുന്നുണ്ട്... നാശം....!!! എനിക്ക് ഉറപ്പാ ഇവള് തന്നെയാവും ഇതിവിടെ തൂവിയത്,, ഞാൻ തല്ലിയത്തിന്റെ പ്രതികാരം തീർക്കാൻ എന്നിട്ട് നിൽക്കുന്ന നിപ്പ് കണ്ടില്ലേ,,,ഒന്നും അറിയാത്ത പോലെ... അവളെ തടഞ്ഞു കൊണ്ട് ദേഷ്യത്തോടെ അവിടുന്ന് എണീക്കാൻ നോക്കിയെങ്കിലും ഞാൻ പിന്നെയും അവിടെ തന്നെ വീണു... വലത്തെ കൈ വല്ലാതെ വേദനിക്കുന്നുണ്ട്... ഊന്നി എണീക്കാൻ പറ്റുന്നില്ല... പോരാത്തതിന് മലർന്ന് വീണത് കൊണ്ട് നടുവിനും കാര്യമായി എന്തോ പറ്റിയിട്ടുണ്ട്....

ഇനിപ്പോ ഇവിടുന്ന് ഒന്ന് അനങ്ങണെങ്കിൽ ഈ നാശം പിടിച്ചവളുടെ സഹായം വേണ്ടി വരല്ലോ....?? അവളാണെങ്കിൽ ഞാൻ തൊടരുത് ന്ന് പറഞ്ഞത് കൊണ്ട് ഒന്നും ചെയ്യാതെ മാറി നിന്ന് നോക്കാ,,,, കോന്തി.... വേറെ നിവൃത്തിയില്ലാതെ മനസ്സിൽ പ്രാകി കൊണ്ട് ഞാൻ അവളെ നേരെ നോക്കി..... "മിഴിച്ചു നിൽക്കാതെ ഒന്ന് പിടിച്ചു പോക്കെഡീ..... മാക്രി കുന്തം വിഴുങ്ങിയ പോലെ നിൽക്കാ... നാശം...." "തൊ...തൊട്ടാവോ...?" പേടിയോടെ എന്നെ നോക്കി വിക്കലോടെ അവള് ചോദിച്ചതും ഞാൻ ദേഷ്യം അല്പം കുറച്ചു അവളെ നോക്കാതെ സൈഡിലേക്ക് നോക്കി പറഞ്ഞു.. "ആ... തൊട്ടാ.... പിടിച്ചു പോക്ക്...." ~~~~~~~~~ പെട്ടന്നാണ് പിടിക്കാൻ പറഞ്ഞു എന്റെ നേരെ ചാടിയതും ഞാൻ ഒന്ന് ഞെട്ടി...ആദ്യം എണീപ്പിക്കാൻ പോയപ്പോ തൊട്ടരുതെന്ന് പറഞ്ഞു ചീത്ത,ദേ ഇപ്പോ പിടിച്ചു എണീപ്പിക്കാൻ പറഞ്ഞതോണ്ട് ചീത്ത.....ന്റെ കൃഷ്ണാ ഇങ്ങേര് ഇതെന്ത് ജന്മാണാവോ.... കൈക്കും നടുവിനും ഷോള്ഡറിനും കാര്യയിട്ട് പറ്റിയെപ്പോലെ ണ്ട് കണ്ടിട്ട്...അധികം ചിന്തിച്ചു നിൽക്കാതെ ഞാൻ വേഗം ചെന്ന് കൈ പിടിച്ചു.... "എന്റെ അമ്മേ എന്റെ കൈ...... എടീ,,, കോന്തി... കണ്ണുകണ്ടൂടെ നിനക്ക്... അല്ലെങ്കിലേ കൈ അനക്കാൻ വയ്യ അപ്പഴാ അവളുടെ ഒരു,,,, അയ്യോ എന്റെ കൈ പോയേ...."

"അയ്യോ... സോറി.. സോറി... ഞാ...ഞാൻ അറിയാതെ പിടിച്ചതാ... മറ്റേ കൈ താ..." "മത്തങ്ങ പോലെ രണ്ട് ഉണ്ട കണ്ണുണ്ടല്ലോടീ... പോത്തെ.... ഒടുക്കത്തെ ഒരു കോറി.... പിടിക്കെടീ.... ഹമ്മേ...." ഹോ ഒരു തെറ്റൊക്കെ ആർക്കും പറ്റും... അതിന് ഇവനിങ്ങനെ കടിച്ചു കീറാൻ വരണോ....ഉള്ള ചീത്ത മുഴുവൻ കേൾക്കുകയും വേണം സഹായിക്കുകയും വേണം...എന്റെ നേരെ നീട്ടിയ കയ്യിൽ പിടിച്ചു ഞാൻ പതിയെ അവനെ എണീപ്പിച്ചു നിർത്തി.... ~~~~~~ ഇവളോട് സഹായം ചോദിച്ച എന്നെ പറഞ്ഞാൽ മതിയല്ലോ.... നാശം വന്ന് പിടിച്ചത് വലത്തെ കൈയിൽ... ഹോ സ്വർഗം കണ്ടുപ്പോയി ഞാൻ.... അവളെ കൈ പിടിച്ച് മെല്ലെ എണീറ്റ് നിന്നെങ്കിലും നടുവിന് കാര്യമായി പറ്റിയതോണ്ട് ബാലൻസ് കിട്ടാതെ വീഴാൻ പോയപ്പോ ഞാൻ എതോ ഒരു ഹാലിൽ അവളുടെ തോളിലൂടെ കയ്യിട്ട് പിടിച്ചു... പെട്ടെന്ന് ഞാൻ അവളെ തോളിലൂടെ കയ്യിട്ടുകയും അവളെ മേലേക്ക് ചായുകയും ചെയ്തപ്പോ അവളും എന്റെ അരയിലൂടെ ഒരു കൈ വട്ടം പിടിച്ചു... പെട്ടന്നവൾ അങ്ങനെ ചേർത്തു പിടിച്ചപ്പോ ദേഹം മുഴുവൻ ഷോക്കേറ്റപ്പോലെ തോന്നി... വേറെ നിവൃത്തി ഇല്ലാതത്തോണ്ട് ഞാൻ പിടി വിട്ടാതെ അങ്ങനെ തന്നെ പിടിച്ഛ് പതിയെ ബെഡിന്റെ അടുത്തേക്ക് നടന്നു... അവളെ എന്നെ പിടിച്ച് പതുക്കെ ബെഡിൽ ഇരുത്തിച്ചു....

അപ്പോഴേക്കും അമ്മയും നിമ്മിയും അച്ഛമ്മയും റൂമിൽ എത്തിയിരുന്നു.... പൈൻ ഉണ്ടെന്ന് പറഞ്ഞതും നിമ്മി വേഗം ഡോക്ടറെ വിളിച്ചു..... ~~~~~ ഹാവൂ...!!!! നടു ഒടിഞ്ഞു....!!! ഉള്ള മസിലൊക്കെ ഉരുട്ടി കയറ്റി എന്തൊരു മുടിഞ്ഞ വെയ്റ്റ് ആയിരുന്നു..അവനെ താങ്ങി പിടിച്ഛ് ബെഡിൽ കൊണ്ട് ഇരുത്തിയപ്പോതേക്കും എന്റെ നടു ഒടിഞ്ഞു... അവന്റെ നിലവിളിയും എന്നോടുള്ള ചീത്ത വിളിയും ഒക്കെ കേട്ട് അമ്മയും അച്ഛമ്മയും നിമ്മിയും അപ്പോഴേക്കും റൂമിൽ എത്തിയിരുന്നു... ഡോക്ടർ വന്ന് പരിശോധിച്ഛ് പ്ലാസ്റ്റർ ഇട്ട് കൊടുത്തു പോകാൻ നേരം പറഞ്ഞത് കേട്ടപ്പോ അമ്മയും നിമ്മിയും വാ പൊത്തി ചിരിച്ചു.... മൂന്ന് ആഴ്ച കംപ്ലീറ്റ് റെസ്റ്റ് എടുക്കണം പോലും... ഷോള്ഡറിനും കൈക്കും കുറച്ച് അധികം പറ്റിയിട്ടുണ്ട്,,അതോണ്ട് തന്നെ പ്ലാസ്റ്റർ വലത്തെ കൈ മൊത്തമായും ഷോൾഡറും ചേർത്താണ് പ്ലാസ്റ്റർ ഇട്ടിരിക്കുന്നത്.... മൊത്തത്തിൽ മൂന്നാഴ്ചതേക്ക് കൈ അനക്കാൻ പോലും കഴിയില്ല... നടുവിന് വേദനക്ക് ഓലമെന്റ് എഴുതി കൊടുത്ത് ഡോക്ടർ തിരിച്ചു പോയി...ഡോക്ടർ തിരിച്ചു പോവാൻ കാത്തു നിന്ന പോലെ അമ്മയും നിമ്മിയും തുടങ്ങി.. "ആഹാ... ന്റെ മോന് ഇനി കുറച്ചു ദിവസം വീട്ടിൽ തന്നെ ഇരിക്കാം.....

അല്ലെങ്കിലും നിനക്കിത് കിട്ടണം...എന്റെ കാൽ ചെറുതായൊന്ന് തെന്നിയതിന് എന്നെ രണ്ട് ദിവസം കിടത്തിയവൻ അല്ലേ നീ... അറിഞ്ഞു ദൈവം തന്നതാ നിനക്കിത്......" "ദേ അമ്മേ... ഞാൻ അല്ലെങ്കിൽ തന്നെ ദേഷ്യം പിടിച്ചു ഇരിക്കാ.... അതിന്റെ ഇടയിൽക്കൂടെ വളിച്ച കോമഡി പറയല്ലേ....???? എനിക്കറിയാം... ഇവളാ.... ഇവള് മനപ്പൂർവ്വം എന്നെ വീഴ്ത്താൻ തറയിൽ എന്തോ ഒഴിച്ച് വെച്ചത്.... ഞാൻ തല്ലിയത്തിന്റെ റിവെഞ്ച്‌ തീർത്തതാ...!!!! മനസാ വാചാ അറിയാത്ത കാര്യങ്ങൾ അവൻ പറഞ്ഞത് കേട്ട് ഞാൻ ഒന്നും മിണ്ടാതെ സ്തംഭിച്ചു നിൽകുന്നത് കണ്ട് നിമ്മി ഉടനെ പറഞ്ഞു.... "ഇനി അതും കൂടി ഏട്ടത്തിയുടെ തലയിൽ ഇട്ടണ്ട... എന്റെ കയ്യീന്ന് അറിയാതെ ഷാമ്പൂ തൂവി പോയതാ.... സോറി...." "ഡീ... വീഴ്ത്തിയതും പോരാ നിന്ന് പ്രസംഗിക്കുന്നോ... നിന്നെ ഞാൻ.... അയ്യോ... അമ്മേ...ന്റെ നടു...." ~~~~~~~ നിമ്മിന്റെ വർത്താനം കേട്ട് എനിക്ക് ചൊറിഞ്ഞു വന്നു... ദേഷ്യത്തോടെ എണീക്കാൻ ഉയർന്നതും നടു വെട്ടി കൊണ്ട് ഞാൻ വീണ്ടും ബെഡിലേക്ക് തന്നെ ചാഞ്ഞു........ "ഏട്ടാ... അധികം stress കൊടുക്കണ്ടാ... വേദനയാവും.... ഇങ്ങനെ ദേഷ്യം പിടിച്ചാൽ ഇത് അടുത്ത കാലത്തൊന്നും മാറില്ല...." "ഡീ..... അമ്മേ,,,, ഇവളോട് ഇറങ്ങി പോകാൻ പറ.. അല്ലെങ്കിൽ ഞാൻ എന്തെങ്കിലും ചെയ്യും.....

നിന്ന് ചെലയ്ക്കാതെ ഇറങ്ങി പോടീ.... എന്റമ്മേ നടു...." "ഇതാ ഞാൻ പറഞ്ഞത്.... അല്ലെങ്കിലും ഞാൻ പോവാ... എനിക്ക് പോകാൻ സമയായി...." "നിമ്മി... വേണ്ടട്ടോ... പാവം ന്റെ മോൻ... നല്ല വേദനയുണ്ടോ മോനെ... സാരല്ല... വേഗം മാറും ട്ടോ... എല്ലാരും താഴേക്ക് പോര്.... അവൻ കുറച്ച് rest എടുത്തോട്ടെ...." ~~~~~~~ വീൽ ചെയറിൽ അവന്റെ അടുത്തേക്ക് നീങ്ങി കയ്യിൽ ഉഴിഞ്ഞു കൊടുത്ത് അച്ഛമ്മ പറഞ്ഞതും നിമ്മി അവനെ നോക്കി പുച്ഛിച്ചു കൊണ്ട് ആദ്യം ഇറങ്ങി പുറക്കെ ഞങ്ങൾ ബാക്കി എല്ലാരും...... പുറത്തിറങ്ങിയതും അവനോട് തറുതല പറഞ്ഞതിന് അമ്മ നിമ്മിയുടെ ചെവി തിരിച്ചു പൊന്നാക്കിയിരുന്നു....... പ്രാതല് കഴിഞ്ഞതും നിമ്മി കോളേജിലേക്ക് തിരിച്ചു പോയി.... അമ്മ, സിദ്ധുവിനുള്ള പ്രാതല് റൂമിലേക്ക് കൊടുക്കാൻ എന്റെ കയ്യിൽ തന്നുവിട്ടു... എന്നെ കണ്ടാൽ തന്നെ ദേഷ്യാ,, പിന്നെയാ ഞാൻ കൊടുത്താൽ കഴിക്കുന്നത്... അമ്മയോട് തന്നെ കൊടുത്തോളൻ ഞാൻ പറഞ്ഞെങ്കിലും അമ്മ എന്നെ തന്നെ നിർബന്ധിച്ചു പറഞ്ഞുവിട്ടു.... വേറെ വഴിയില്ലത്തെ ഞാൻ പ്രാതലും കൊണ്ട് റൂമിലേക്ക് നടന്നു.... ന്റെ കൃഷ്ണാ.... കാതോണേ.....റൂമിന്റെ മുന്നിൽ നിന്ന് പ്രാർത്ഥിച്ചു കൊണ്ട് വാതിൽ തുറന്ന് ഞാൻ അകത്തുകയറി....

കണ്ണിന് മുകളിൽ ഇടത്തേ കൈ മറച്ചു വെച്ചു കൊണ്ട് ബെഡിൽ കിടക്കുന്ന അവന്റെ അടുത്തേക്ക് മെല്ലെ നടന്ന് ചെന്ന് ഞാൻ പേടിയോടെ പറഞ്ഞു.... "പ്ര.... പ്രാതല്...." പറഞ്ഞു മുഴുമിക്കാനുള്ള സാവകാശം പോലും തന്നില്ല,,അങ്ങനെ തന്നെ കിടന്ന് അപ്പഴേക്കും ഉത്തരം വന്നു.. "എനിക്ക് വേണ്ടാ......" "അല്ലാ.....അമ്മ...." "നിന്നോടല്ലേടീ വേണ്ടന്ന് പറഞ്ഞത്.... നിന്നെ ഇനി ഈ റൂമിൽ കണ്ടുപ്പോവരുത്.... ഇറങ്ങിപ്പോ...." ~~~~~ ഒരുമാതിരി വല്ലാത്ത ചെയ്തായിപ്പോയി... മൂന്ന് ആഴ്ച്ച.... അതും വീട്ടിൽ,,ഇതിലും ഭേദം ഹോസ്പിറ്റലിൽ കിടക്കുന്നതായിരുന്നു.... കണ്ടകശെനി പെങ്ങളെ രൂപത്തിലാണല്ലോ വന്നത്.... എല്ലാം കൂടി ആലോചിച്ചു ദേഷ്യം പിടിച്ചു കിടക്കുമ്പഴാണ് പ്രതലും കൊണ്ട് അവള് കയറിവന്നത്... അതോടെ ദേഷ്യം കത്തിക്കയറി.... അവളുടെ ഒരു പ്രാതല്... സംഭവം നല്ല വിശപ്പുണ്ടായിരുന്നു,,, എന്നാലും വിശന്ന് ചത്താലും വേണ്ടില്ല അവളുടെ കയ്യീന്ന് ഒരു തുള്ളി വെള്ളം പോലും ഞാൻ വാങ്ങി കുടിക്കില്ല ന്ന് ഞാൻ എന്നോ തീരുമാനിച്ചതാ..... ~~~~~~~ സത്യത്തിൽ ഇതിലും വലുതാ ഞാൻ പ്രേതീക്ഷിച്ചത്... കൈ അനക്കാൻ പറ്റാത്തത് ഭാഗ്യം.... കുറച്ചു കഴിഞ്ഞിട്ട് മതിയെന്ന് പറഞ്ഞെന്ന് അമ്മയോട് ഒരു കള്ളം പറഞ്ഞു പിടിച്ചു നിന്നു..... കുറച്ചു കഴിഞ്ഞു കൊണ്ടു കൊടുക്കാൻ പറഞ്ഞപ്പോ ഞാൻ മെല്ലെ ദേവൂന്റെ അടുത്തേക്ക് വലിഞ്ഞത് കൊണ്ട് അമ്മ തന്നെ കൊണ്ടു കൊടുത്തു.... ചോറ്‌ കൊടുക്കാൻ സമയമായപ്പോ ഞാൻ അലക്കാൻ പോയി,,

അതോണ്ട് അതും അമ്മ തന്നെ കൊടുത്തു.... ചായക്ക് സമയം ആയപ്പോ ഞാൻ കനിയുടെ കൂടെ കൂടി... അങ്ങനെ അതും ഒഴിഞ്ഞു.... പക്ഷേ... രാത്രി ഞാൻ കുടുങ്ങി,,,, കാരണം പിടിച്ചപ്പിടിയാല്ലെ ഫുഡ് അമ്മ എന്റെ കയ്യിൽ തന്നു വിട്ടു... ഇന്നെന്റെ കാര്യത്തിൽ ഒരു തീരുമാനം ആവും.... മുറിയുടെ പുറത്ത് ഞാൻ കുറെ നേരം എന്ത് ചെയ്യും ന്ന് ആലോചിച്ചു നിന്നു.... പിന്നെ ഒരു നേടുവീർപ്പോടെ രണ്ടും കല്പിച്ചു ഡോർ തുറന്നു ഉള്ളിലേക്ക് കയറി..... ~~~~~~~ ഇരുന്നും കിടന്നും ഒരു ദിവസം കൊണ്ട് തന്നെ എനിക്ക് മതിയായി..... ഒന്നൂടെ ശ്രെദ്ധിച്ചിരുന്നെങ്കിൽ ഇങ്ങനെ കിടക്കേണ്ടി വരില്ലായിരുന്നു..... കഷ്ടകാലം.... വലത്തെ കൈ ഷോള്ഡർ ചേർത്ത് പ്ലാസ്റ്റർ ഇട്ടിരിക്കാ ഒന്ന് അനക്കാൻ പോലും വയ്യ.... നടുവാണെങ്കിൽ വേദനിച്ചിട് വയ്യ.... മൊത്തത്തിൽ ഒന്ന് അനങ്ങനെങ്കിൽ പോലും പരസഹായം വേണം..... വിശന്നിട് ആണെങ്കിൽ കുടല് കരിയുന്നു.... അമ്മ എന്താണാവോ ഫുഡ് കൊണ്ടുവരാത്തത്..... വൈക്കുനേരം ഒരു ഗ്ലാസ്സ് ചായ കുടിച്ചതാ....അത് മാത്രേ വയറ്റിൽ ഉള്ളൂ... ഞാൻ ഒരുത്തൻ ഇവിടെ ഇങ്ങനെ കിടക്കുന്നുണ്ട് ന്നുള്ള യാതൊരു ചിന്തയും ഇല്ലാ.... ഹാവൂ വാതില് തുറക്കുണ്ട് അമ്മയായിരിക്കും ന്ന് മനസ്സിൽ പറഞ്ഞു സന്തോഷത്തോടെ വാതിലിന്റെ അടുത്തേക്ക് ഞാൻ എന്തിവലിഞ്ഞു നോക്കിയതും ചോറുമായി കയറിവരുന്ന അവളെ കണ്ട് വിശപ്പൊക്കെ ദേഷ്യമായിമാറി.......

. "ഡീ..... നിന്നോട് ഞാൻ പറഞ്ഞിട്ടില്ലേ എന്റെ കണ്മുന്നിലേക്ക് വരരുതെന്ന്....നാശം പിടിക്കാൻ....." "അമ്മ... ഫുഡ് തരാൻ പറഞ്ഞുവിട്ടതാ....." "എനിക്ക് വേണ്ട..... പ്രത്യേകിച്ച് നീ കൊണ്ടു വരുന്നത്... വിഷം ചേർക്കാൻ പോലും നീ മടിക്കില്ല.....അത്രക്ക് ദുഷിച്ച മനസ്സാ നിനക്ക്..." ~~~~~~ ചീത്ത കേൾക്കുമെന്ന ഉറപ്പിച്ചു തന്നെയാണ് റൂമിലേക്ക് കേറിയത്,, പക്ഷേ സിദ്ധു വിഷം ചേർക്കാൻ പോലും മടിക്കിലെന് പറഞ്ഞപ്പോ എനിക്ക് സങ്കടത്തിലേറെ ദേഷ്യമാണ് തോന്നിയത്.... അതോണ്ട് തന്നെ ഇതിങ്ങനെ വിട്ടാൽ പറ്റില്ലെന്ന് മനസിൽ ഞാൻ ഉറപ്പിച്ചു.. അങ്ങനെ പറഞ്ഞ സ്ഥിതിക്ക് ഇതു കഴിപ്പിച്ചിട്ടു തന്നെ ബാക്കി കാര്യം....രാവിലെ തൊട്ട് തുടങ്ങിയതാ.... ഞാൻ ചോറും കൊണ്ട് നേരെ അവന്റെ അടുത്തേക്ക് നടന്ന് ബെഡിന്റെ സൈഡിൽ ഇരുന്നു സ്പൂണ് കൊണ്ട് ചോറ് കുഴയ്ക്കാൻ തുടങ്ങി... മുഖത്തേക്ക് നോക്കാതെ തന്നെ എനിക്ക് കാണാമായിരുന്നു അവന്റെ ദേഷ്യം...എന്നെ എന്തൊക്കെയോ ചീത്ത പറയുന്നുണ്ട്,, ഞാൻ ഇതൊക്കെ കേൾക്കുന്നുണ്ടെങ്കിലും ശ്രെദ്ധിക്കാൻ പോയില്ല..... "ഡീ.... ഡീ... എണീക്കെഡീ..... എന്റെ അടുത്ത് വന്നിരിക്കുന്നോ.....???നിന്നോടാ ഞാൻ പറഞ്ഞത് എന്റെ അടുത്തൂന്ന് മാറിനിൽക്കാൻ....." അവൻ പറയുന്നത് ഏത് വഴിക്കാ ന്ന് പോലും മൈൻഡ് ചെയ്യാതെ ഞാൻ സ്പൂണിൽ ചോറ് കോരി സിദ്ധു വിന്റെ വായിലേക്ക് നീട്ടി.... "വാ... തുറക്ക്......" "ഡീ...... ഇല്ലെടീ.... ജീവനുണ്ടെങ്കിൽ ഞാൻ വാ...."

~~~~~~ അവള് എത്ര ധൈര്യം ഉണ്ടായിട്ടാ എന്റെ ബെഡിൽ കയറി ഇരുന്നത്... ഞാൻ ഇത്രയോക്കെ പറഞ്ഞിട്ടും അവൾക്കൊരു കൂസലും ഇല്ലല്ലോ....???എല്ലാം കൂടി എനിക്ക് ദേഷ്യം വലിഞ്ഞു മുറുകി വരുന്നുണ്ട്..... കൈ ഒന്ന് പൊക്കാൻ പറ്റിയിരുന്നെങ്കിൽ ഞാനിവളെ...... കുഴയ്ച്ചു വെച്ച ചോറ് സ്പൂണിൽ കോരി എന്റെ വായിലേക്ക് നീട്ടി എന്നെ നോക്കി അവള് വാ തുറക്കാൻ പറഞ്ഞു... ഞാൻ വെറുപ്പോടെ പറഞ്ഞോട്ടിരിക്കുമ്പോ തന്നെ അവള് സ്പൂൺ വായിലേക്ക് കയറ്റി..... ദേഷ്യത്തോടെ ഞാൻ തുപ്പാൻ ആഞ്ഞതും അവള് പറഞ്ഞത് കേട്ട് ഞാൻ തുപ്പാതെ ദേഷ്യത്തോടെ അവളെ രൂക്ഷമായി നോക്കി "തുപ്പിയാൽ ഞാനിപ്പം അമ്മയെയും ദേവൂനെയും വിളിക്കും... എല്ലാം എല്ലാരോടും പറയുകയും ചെയ്യും.... കാണണോ....?" "ഡീ... നിന്നെ ഞാൻ.... നീ..... എന്നെ ബ്ലാക്ക് മെയിൽ ചെയ്യണോ...... നിന്നെ ഞാനിന്ന്....." ഒട്ടും കൂസലില്ലാതെ അവള് എന്റെ മുഖത്ത് നോക്കി പറഞ്ഞത് കേട്ടപ്പോ എനിക്ക് എന്നെ തന്നെ നിയന്ത്രിക്കാൻ കഴിഞ്ഞില്ല..പക്ഷേ ഞാൻ ചോദിച്ച ചോദ്യത്തിനുള്ള അവളുടെ ഉത്തരം കേട്ട് ഞാൻ പകച്ചു ഇരുന്ന് പോയി... "ഒന്നും ചെയ്യില്ല.... കൈ അനക്കാൻ പോലും കഴിയാത്ത നിങ്ങള് എന്നെ എന്ത് ചെയ്യാനാ.....?" "എടീ....... നീ.... എവിടുന്ന് കിട്ടിയെടീ നിനക്ക് ഇത്രയും ധൈര്യം.... എത്ര ധൈര്യം ഉണ്ടായിട്ടാ നീ....." "താഴേന്ന് നേരത്തെ ഫുഡ് തന്നതിന്റെ കൂട്ടത്തിൽ അമ്മ തന്ന് വിട്ടതാ... എന്താ ഇയാൾക്കും വേണോ...?" "എടീ... നിന്നെ ഞാ... ഹോ.... ഹൊ... ഹൊ...!!!!!!"

"ഫുഡ് കഴിക്കുമ്പോ സംസാരിച്ചാൽ ഇങ്ങനെ ഇരിക്കും....." ~~~~~~ ഞാൻ ഒന്ന് വീഴാൻ കാത്തുനിന്ന പോലെയാണല്ലോ അവളുടെ സംസാരവും പെരുമാറ്റവുമൊക്കെ...... ഇവൾക്ക് ഇത്രയും ധൈര്യമൊക്കെ ഉണ്ടോ....? എന്റെ മുഖത്തേക്ക് ഒന്ന് നോക്കുക പോലും ചെയ്യാത്ത ഇവള്... ഇപ്പോ... എന്നെ ഭരിക്കാൻ മാത്രം ആയോ.....? അത്രക്ക് പാവമൊന്നും അല്ല ഇവള്..... തരിപ്പിൽ പോയതും അവള് തലയിൽ തട്ടി തന്ന് ഗ്ലാസ്സിലെ വെള്ളം കുടിപ്പിച്ചു തന്നു..... വേറെ നിവൃത്തിയില്ലാത്തതു കൊണ്ട് ഞാൻ പിന്നെ ഒന്നും പറയാൻ നിന്നില്ല.... അമ്മയും അച്ഛമ്മയും ഞങ്ങളെ സത്യാവസ്ഥ ഒന്നും ഒരിക്കലും അറിയരുതെന്ന് എനിക്ക് നിർബന്ധം ഉണ്ടായി പോയി..... അതോണ്ട് കൈ ഒന്ന് അനങ്ങുന്ന വരെയെങ്കിലും നീ ഇവളെ സഹിച്ചേ പറ്റൂ സിദ്ധു....... ആ ചോറ് മുഴുവൻ അമ്മയുടെ പേരും പറഞ്ഞു അവള് എന്നെ കൊണ്ട് തീറ്റിച്ചു.....അവിടുന്ന് തന്നെ വായും കഴുക്കിച്ഛ് ടവൽ കൊണ്ട് തുടച്ചും തന്ന് അവള് പാത്രമൊക്കെ എടുത്ത് താഴേക്കിറങ്ങി പോയി..... ~~~~~~ ഹോ... കൈ അനക്കാൻ പറ്റിയിരുന്നെങ്കിൽ അവൻ എന്റെ കഴുത്തു ഞെരിച്ചു കൊന്നേനെ അത്രക്ക് ദേഷ്യം ഉണ്ടായിരുന്നു..... പാവം ചോറ്,,,, എന്നോടുള്ള ദേഷ്യം മുഴുവൻ വായിൽ ഇരുന്ന ചോറിനോട്ടാ കാണിച്ചത്..... ചവചരക്കുന്ന ശബ്ദം ഇവിടം വരെ കേൾക്കായിരുന്നു..... അമ്മനേയും അച്ചമ്മേനെയും പറഞ്ഞാൽ അതിനി വിഷം കലക്കിയത് ആണെങ്കിൽ അവൻ കഴിക്കും ന്ന് എനിക്ക് ഉറപ്പായിരുന്നു....അതോണ്ടാ തുപ്പാൻ ആഞ്ഞപ്പോ വേഗം അവരെ വലിച്ചിട്ടത്‌,,, അതെന്തായാലും ഐഡിയ വിജയിച്ചു.... ഇനി അങ്ങോട്ട് അനുരാധയുടെ യുദ്ധ മുറകൾ സിദ്ധാർത്ഥ് സേതുമാധവൻ കാണാന്നിരിക്കുന്നതേള്ളൂ.........😉.........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...