🌸എന്നെന്നും എന്റെ മാത്രം 🌸: ഭാഗം 34

രചന: അനു

രാത്രി കിടക്കാൻ ഒരുപാട് വൈക്കിയതോണ്ട് കിടന്ന പാടെ ഞാൻ വേഗം ഉറങ്ങി..... ******** ഈ ആറ് മാസം എല്ലാർക്കും ആറ് ആഴ്ച്ച പോലെ പോയപ്പോ എനിക്ക് ആറ് യുഗങ്ങൾ ആയിരുന്നു ശെരിക്കും ചടച്ചു.... അമ്മയും അച്ഛമ്മയും എന്നെ ഒന്നും ചെയ്യാൻ സമ്മതിച്ചില്ല... എന്തിനേറെ പറയുന്നു കയിന്റെ കെട്ടഴിച്ചിട്ട് ഒരു മാസം കഴിഞ്ഞു ഇതുവരെ ഭാരമുള്ള പണിക്കളൊന്നും ചെയ്യാൻ അവര് രണ്ടാളും അനുമതി തന്നിട്ടില്ല..... രാവിലെ തൊട്ട് രാത്രി വരെ വെറുതെ ഇരിക്കാ അതായിരുന്നു main പണി... വീക്കെൻഡ് ഉള്ള നിമ്മിയുടെ വരവ് എനിക്ക് വലിയ ആശ്വാസമായിരുന്നു... അവള് വരുമ്പോ കൊണ്ടു വരുന്ന ബുക്ക്സ് വായിച്ച് നേരം കളഞ്ഞു..... °°°°°°°°°°°°°°°°°°°°°°°°°°°°°°° ഇപ്പോ ഞങ്ങൾ ഒരു യാത്രയിലാണ്.... സിദ്ധുവിന്റെ കോളേജ് ഗെറ്റ് ടുഗെദറാണ് ഇന്ന് രാത്രി... എവിടെയോയുള്ള ഒരു റിസോർട്ടിൽ വെച്ചാണ് പരിപാടി..... പക്ഷേ സിദ്ധു രാവിലെ തന്നെ പോണം ന്ന് പറഞ്ഞു... എന്തിനാണാവോ....??? കോളേജ് ഗെറ്റ് ടുഗെദറിന്റെ കാര്യം പോലും അനിതേച്ചിയാണ് എന്നോട് പറഞ്ഞത്.... കാറിൽ കയറിയത് മുതൽ സിദ്ധുന് എന്തോ ടെൻഷനുള്ള പോലെ തോന്നി.... അവൻ ഇപ്പൊ പഴേത്തിനേക്കാൾ അമ്മയോടും അച്ഛമ്മയോടും നന്നായി സംസാരിക്കുകയും ചിരിക്കുകയും കളിക്കുകയുമൊക്കെ ചെയ്യുന്നത് കാണാം....

അച്ഛൻ മരിച്ചതിൽ പിന്നെ അവൻ അങ്ങനെ സംസാരിക്കാറോ ചിരിക്കാറോ ഒന്നുമില്ലെന്ന് അമ്മ എപ്പഴും പറയുമായിരുന്നു..... ഏത് സമയവും ബിസിനസ്സ് ബിസിനസ്സ് എന്ന് പറഞ്ഞു നടന്നിരുന്നവൻ ഇങ്ങനെ മാറാനുള്ള കാരണം ഞാനാണെന്നാണ് ദേവൂന്റെ പക്ഷം,,, പക്ഷേ എന്നോട് മാത്രം എപ്പഴും പഴയ പോലെ തന്നെ കട്ട കലിപ്പ്..... അല്ല,,,, സിദ്ധുന് കാര്യയിട്ട് എന്തോ പറ്റിയിട്ടുണ്ട്.... വീട് കഴിഞ്ഞു ഒരുപാട് നേരമായി.... ഇപ്പഴേക്കും എന്നെ പുറക്കിലേക്ക് തട്ടണ്ടതാണല്ലോ...?പക്ഷേ,,,, അതിന്റെ ലക്ഷണമൊന്നും കാണുന്നില്ല..... ഓരോന്ന് ആലോചിച്ചു പുറത്തേക്ക് നോക്കി നിൽക്കുമ്പഴാണ് സിദ്ധു കാർ സൈഡാക്കി നിർത്തിയത്..... എന്നെ പുറകിലേക്ക് മാറ്റാൻ തന്നെ ഞാൻ ഉറപ്പിച്ചു.... ഫോൺ എടുക്കുന്നത് കണ്ടപ്പോ മനസ്സിലായി അല്ലന്ന് കോൾ അറ്റൻഡ് ചെയ്യാൻ സൈഡാകിയതാണ്... ഇനി എന്നെ മാറ്റാനും കൂടി വേണ്ടിയാവോ നിർത്തിയത്....???? ഞാൻ മാറിയിരിക്കണോ...??? ഞാൻ വല്ല സിഗ്നലും കിട്ടിയല്ലോ ന്ന് വിചാരിച്ചു സംശയത്തോടെ അവന്റെ മുഖത്തേക്ക് നോക്കി.. എന്നെ ഒന്ന് നോക്കുന്നു പോലും ഇല്ലല്ലോ....

എന്താ ചെയ്യാ...???എങ്ങനാ ഒന്ന് മനസ്സിലാക്കാ...??? ~~~~~~~~~ ഇന്ന് എന്റെ കോളജ് റീയൂണിയനാണ്..... വരില്ലെന്നും ഇമ്പോർട്ടന്റ് മീറ്റിങ് ഉണ്ടന്നുമൊക്കെ പറഞ്ഞ് ഒഴിയാൻ നോക്കിയെങ്കിലും അനി പിടിച്ചപ്പിടിയാല്ലെ എന്നെ കൊണ്ട് സമ്മതിപ്പിച്ചു.... അല്ലെങ്കിൽ അവളുടെ മുന്നിൽ ഒന്നും പറഞ്ഞു നിൽക്കാൻ കഴിയില്ല.... അങ്ങനെ അവളോട് തറപ്പിച്ചു ഞാൻ ഒന്നും പറയാറുമില്ല..... ആമി കഴിഞ്ഞാൽ പിന്നെ ഞാൻ എല്ലാം പറയുന്നത് അവളോടാ അതോണ്ട് തന്നെ അവളെ പിണക്കുന്നത് എനിക്കത്ര നല്ലതല്ല..... പക്ഷേ ഇവളെ കൂടണമെന്ന് അവള് പറയുമെന്ന് ഞാൻ ഒരിക്കലും പ്രതീക്ഷിച്ചില്ല.... വേറെ നിവൃത്തിയില്ലാതെ സമ്മതിക്കേണ്ടി വന്നു.... കൈ പൊട്ടിയത്തിന് ശേഷം അവള് പുറത്തേക്കിറങ്ങിയിട്ടില്ല..... പിന്നെ അമ്മയും പറഞ്ഞു അവളെ കൂട്ടിയൊന്ന് പുറത്തു പോവാൻ.... കുറേ മാസമായില്ലേ വീട്ടിൽ തന്നെ ഇരിക്കാൻ തുടങ്ങിട്ട് എന്ന്.... ഇതാവുമ്പോ അവളെ പുറത്തു കൊണ്ടുപോയിന്നുമാവും അവിടെയെത്തിയാൽ അനിന്റെ കൂടെ ഇവിടെയെവിടെയെങ്കിലും നിന്നോളും.....

വണ്ടിയില് കേറിയത് മുതൽ പുറത്തോട്ടും നോക്കി ഇരിപ്പാ.... എന്തെങ്ങിലും ആകട്ടെ....!!! ഇന്നെനിക്ക് ഇമ്പോർട്ടന്റ് ഒരു മീറ്റിങ്ങുണ്ട്.... മനസ്സ് നിറയെ അതിന്റെ ടെന്ഷനാണ്... എല്ലാം ജയനെ ഏൽപ്പിച്ചു പോന്നതാണ്..... പെട്ടെന്ന് phn റിങ് ചെയ്തത് കണ്ട് നോക്കിയപ്പോ ജയനാണ്,ഞാൻ വേഗം വണ്ടി സൈഡാക്കി..... ~~~~~~~~~ ഫോൺ എടുത്തു കുറച്ചു കഴിഞ്ഞതും സിദ്ധുന്റെ മുഖം ദേഷ്യം കൊണ്ട് ചുവന്ന് തുടുത്തു ഇംഗ്ലീഷിലും മലയാളത്തിലും എന്തൊക്കെയോ വിളിച്ചു പറയുന്നുണ്ട്... മുഖം കണ്ടിട്ട് പേടിയാവുന്നു..... ആരോടായിരിക്കും എത്രയും ദേഷ്യത്തില്..???? കോണ്ട്രാറ്റ് എന്നോ ടെൻഡറെന്നോ ഒക്കെ ഇടയിലൂടെ കേൾക്കുന്നുണ്ട്.... ജയേട്ടനായിരിക്കും പാവം....!! ഫോണുമായി ഒരു ലോക മഹായുദ്ധം കഴിഞ്ഞു ഫോൺ പുറകിലേക്ക് ഫ്രസ്ട്രേഷനോടെ വലിച്ചെറിഞ്ഞു അവൻ വണ്ടിയെടുത്തു...... ~~~~~~~~~~ ജയന്റെ കാൾ വലിയ പ്രതീക്ഷയോടെയാണ് ഞാൻ അറ്റൻഡ് ചെയ്തത്.... പക്ഷേ അവൻ പറയുന്നത് കേട്ടപ്പോ എനിക്ക് എന്നെ തന്നെ നിയന്ത്രിക്കാൻ കഴിഞ്ഞില്ല.... ടെൻഡർ വേറെ കബനിക്കാണ് കിട്ടിയതെന്ന് കേട്ടപ്പോ തന്നെ ദേഷ്യം ഇരച്ചു കയറിയിരുന്നു ഏജന്റ് അത് മറിച്ചു വിറ്റതാണെന്നും കൂടി കേട്ടപ്പോ എനിക്ക് ഭ്രാന്ത് പിടിച്ചു... വായിൽ തോന്നിയത് മുഴുവൻ ദേഷ്യത്തോടെ ജയനെ വിളിച്ചു കൂവയിരുന്നു.....

എന്താ പറഞ്ഞതെന്നോ അവൻ തിരിച്ചു പറയാൻ ശ്രമിക്കുന്നത് കേൾക്കാനോ കൂട്ടാക്കാതെ എന്തൊക്കെയോ വിളിച്ചു പറഞ്ഞു കൊണ്ട് ദേഷ്യത്തോടെ ഫോൺ കാറിന്റെ പുറകിലേക്ക് വലിച്ചെറിഞ്ഞു വണ്ടി മുന്നോട്ട് എടുത്തു..... ആ ദേഷ്യം മുഴുവൻ ഗിയറിന്റെയും ആക്സിലേക്ടറിന്റേയും മുകളിൽ തീർത്തു.... കാറിന്റെ മാക്സിമം സ്പീഡിൽ റോഡിലൂടെ പറന്നു.... വണ്ടി വളഞ്ഞും പുളഞ്ഞും മുന്നിലെ വണ്ടിക്കളെ വകഞ്ഞു മാറ്റി മുന്നോട് കുതിച്ചു.... ~~~~~~~ " സിദ്ധു എന്തായിത്,,,, എനിക്ക് പേടിയാവുന്നുണ്ട്.... പ്ലീസ് വണ്ടി നിർത്ത്..... സ്‌പീഡെങ്കിലും കുറയ്ക്ക്...... പ്ലീസ്....????" ദേഷ്യത്തോടെ അവൻ വണ്ടി മുന്നോട്ട് എടുത്ത് സെക്കന്റുക്കൾക്കുള്ളിൽ തന്നെ വണ്ടിയുടെ സ്പീഡ് നോർമലിൽ നിന്ന് ഹൈയായി ഉയർന്നിരുന്നു..... നിമിഷങ്ങൾ കൊണ്ട് കാർ മുന്നിലെ വണ്ടികളെക്കളെ ഓവർ ടേക്ക് ചെയ്ത് റോഡിലൂടെ പറന്നു... എനിക്കാണെങ്കിൽ അവന്റെ ദേഷ്യവും ഈ മരണ ഡ്രൈവിങ്ങ് എല്ലാം കൂടി പേടിയായിട്ട് വയ്യ... ഞാൻ നിർത്താൻ പറയുംതോറും അവൻ കാറിന്റെ സ്പീഡ് കൂടികൊണ്ടിരുന്നു.... വണ്ടി വളഞ്ഞും പുളഞ്ഞും റോഡിലൂടെ നിലം തൊട്ടാതെ ഓടിക്കൊണ്ടിരുന്നു... ഞാൻ കുറെ പറഞ്ഞെങ്കിലും സിദ്ധു അതൊന്നും കേൾക്കാതെ ഗിയർ വേഗത്തിൽ വേഗത്തിൽ ചേഞ്ച്‌ ചെയ്ത റൈസ് ചെയ്തോണ്ടിരുന്നു...

റീഡിങ് പാനലിൽ സ്പീഡ് 100,120, ന്നൊക്കെ കടന്ന് പോകുന്നതിന് അനുസരിച്ച് വണ്ടിയുടെ സ്പീഡ് കൂട്ടി സൗണ്ട് വരുന്നുണ്ട്.... കാറ്റ് തട്ടിയിട്ട് കണ്ണ് മര്യാദയ്ക്ക് തുറക്കാൻ പോലും പറ്റുന്നില്ല കൂടാതെ പൊടിയും മറ്റും തട്ടി വെള്ളവും വരുന്നുണ്ട്....... പെട്ടന്നായിരുന്നു അടുത്തുളള പോക്കറ്റ് റോഡിൽ നിന്ന് ഒരു കാർ മെയിൻ റോഡിലേക്ക് അതും സിദ്ധുന്റെ വണ്ടിയുടെ മുന്നിലേക്ക് വന്ന് കുറുക്കെ നിന്നത്..... തൊട്ടടുത്ത് വണ്ടി വന്ന് നിന്നത് കൂടി കണ്ടപ്പോ ഞാൻ ചാവാൻ റെഡിയായി കണ്ണിറുക്കി അടച്ചു സീറ്റിൽ മുറുക്കെ പിടിച്ചു....... ~~~~~~~~ അവള് നിർത്താൻ പറയുന്നത് അനുസരിച്ചു എനിക്ക് ദേഷ്യവും വാശിയും കൂടി വന്നു അതോണ്ട് തന്നെ വീണ്ടും വീണ്ടും കാൽ ആക്സിലറേക്റ്ററിൽ അമർന്ന് കൊണ്ടിരുന്നു... ദേഷ്യം പിടിച്ചാൽ അതെങ്ങനെയെങ്കിലും തീരുന്ന വരെ എനിക്ക് കണ്ണും കാതും ഒന്നും കാണുകയും കേൾക്കുകയും ചെയ്യില്ല... അവളെന്തൊക്കെയോ പറയുന്നുണ്ട്.... പെട്ടന്നാണ് മുന്നിലേക്ക് ഒരു വണ്ടി കയറിയതും ഞാൻ പെട്ടെന്ന് ബ്രേക്ക് ചവിട്ടി..... വണ്ടിയുടെ ടയറുകൾ റോഡിൽ ഉരസി നീങ്ങി ആ കാറിന്റെ തൊട്ട് സൈഡിലായി കാർ മുന്നോട്ട് ആഞ്ഞു കൊണ്ട് നിന്നു.. കാർ നിൽക്കാൻ ഇടയില്ലാത്ത ഞാൻ ചാടിയിറങ്ങി ഡോർ വലിച്ചടച്ചു ഷർട്ടിന്റെ കൈ മുകളിലേക്ക് മടക്കി കയറ്റി ഡ്രൈവർ സീറ്റിൽ ഇരിക്കുന്ന മഹാന്റെ കോളറിൽ ചെന്ന് പിടിച്ചു പുറത്തേക്ക് വലിച്ചു... ഇന്ന് നിന്റെ അന്ത്യമാടാ....

അവനും അവന്റെ ഒരു പാട്ടവണ്ടിയും....!!!!! *"എവിടെ നോക്കിയാടാ പന്നെ വണ്ടി ഓടിക്കുന്നത്....???? നിനക്ക് തോന്നിയ പോലെ ഓടിക്കാൻ റോഡ് നിന്റെ തറവാട് വകയാണോടാ.....???? നീയും നിന്റെയൊരു പാട്ട വണ്ടിയും.... കണ്ണ് കണ്ടൂടെ നിനക്ക്...??? എത്ര ധൈര്യം ഉണ്ടായിട്ടാ നീ എന്റെ വണ്ടിക്ക് വിലങ്ങു കൊണ്ട് നിർത്തിയത്...... നിന്നെ ഞാനിന്ന്.....?"* ~~~~~~ വലിയൊരു ശബ്ദത്തോടെ പെട്ടെന്ന് ടയറുകൾ നിശ്ചലമായെങ്കിലും കാർ ശക്തിയോടെ മുന്നോട് ആഞ്ഞു ഒരു കുലുക്കത്തോടെയാണ് നിന്നത്.... കാറിന്റെ കൂടെ ഞാനും മുന്നോട്ട് ആഞ്ഞു സീറ്റിലേക്ക് തന്നെ വന്നടിച്ചു നിന്നതും ഞെഞ്ചിൽ കൈ വെച്ചു കൊണ്ട് ആശ്വാസത്തോടെ ഞാൻ ശ്വാസം വിട്ട് പതിയെ കണ്ണ് തുറന്ന് കിതപ്പോടെ തലയും മുഖവും ദേഹവും ഒക്കെ ഒന്ന് തലോടി നോക്കി.... ഭാഗ്യം ഒന്നും പറ്റിയിട്ടില്ല.... ആശ്വാസത്തോടെ വീണ്ടുമൊരു നേടുവീർപ്പിട്ട് നേരെ സിദ്ധുന്റെ സീറ്റിലേക്ക് നോക്കി... ഒഴിഞ്ഞു കിടക്കുന്ന സീറ്റ് കണ്ട് ഇവനിത് ഇത്ര പെട്ടെന്ന് എവിടേക്കാ വാനിഷായതെന്ന് ചിന്തിക്കാൻ തുടങ്ങുമ്പോഴേക്കും പുറത്തെ ബഹളം എന്റെ കാതിൽ മുഴങ്ങിയിരുന്നു.... ഏതോ ഒരു പാവം പയ്യന്റെ കോളറിൽ പിടിച്ചു ഉലച്ചു കൊണ്ട് ഉറഞ്ഞു തുള്ളുന്ന സിദ്ധുനെ കണ്ടതും ഞാൻ വേഗം ഡോർ തുറന്ന് പുറത്തിറങ്ങി അവന്റെ അടുത്തേക്ക് ഓടി..... ആ ചെക്കൻ അവനെ നോക്കി ദയനീയമായി എന്തൊക്കെയോ പറയുന്നുണ്ട് പക്ഷേ,,,,,

സിദ്ധു അതൊന്നും കേൾക്കാതെ ദേഷ്യം മുഴുവൻ അവന്റെ കോളർ ഉലച്ഛ് തീർക്കുന്നത് കണ്ട് ഞാൻ വേഗത്തിൽ അവരുടെ ഇടയിലേക്ക്‌ കയറി സിദ്ധുന് അഭിമുഖത്തിൽ നിന്നു... ഞാൻ ഒരുപാട് പണിപ്പെട്ട് സിദ്ധുനെ എന്തൊക്കെയോ പറഞ്ഞു സമാധാനിപ്പിച്ഛ് അവന്റെ കൈ ആ പയ്യന്റെ കോളറിൽ നിന്ന് വിട്ടീപ്പിച്ചു എങ്ങനെയോ കാറിന്റെ അടുത്തേക്ക് നടത്തിച്ചു... കാറിന്റെ അടുത്തേക്ക് നടത്തിക്കുമ്പോ സിദ്ധു തിരിഞ്ഞു നോക്കിയും ആ പയ്യന്റെ അടുത്തേക്ക് പോകാൻ ശ്രമിച്ചും മലയാളത്തിലോ ഇംഗ്ളീഷിലും എന്തൊക്കെയോ വിളിച്ചു പറഞ്ഞു.... സിദ്ധുനാണെങ്കിൽ ദേഷ്യം വന്നാ പിന്നെ പിടിച്ചാൽ കിട്ടില്ല ഭ്രാന്ത് പിടിച്ച പോലെയാണ്.... എന്റെ ശക്തി മുഴുവൻ എടുക്കേണ്ടി വന്നു അവനെ സമാധാനിപ്പിക്കാൻ, ഒരുവിധം കാറിൽ കയറ്റി ഡോർ അടച്ചു... അവിടെ ഇരുന്നും അവൻ എന്തൊക്കെയോ പറയുണ്ട്... പാവം ആ ചെക്കൻ എന്നോട് ദയനീയമായി സോറിയൊക്കെ പറഞ്ഞു... ഒരു അയ്യോ പാവം പയ്യനാണ്... അവൻ അറിയാതെ പറ്റിയതാണെന്നും എന്തൊക്കെയോ വീണ്ടും വീണ്ടും പറഞ്ഞത് കേട്ട് ഞാൻ അവനോട് 'ആൾടെ സ്വഭാവം അങ്ങനെയാണ്, ദേഷ്യം കൊണ്ടാ' ന്നൊക്കെ പറഞ്ഞ് തുടങ്ങിയപ്പഴേക്കും കാതടപ്പിക്കുന്ന സൗണ്ടിൽ സിദ്ധു നിർത്താതെ ഹോർണടിക്കുന്നത് കേട്ട് ഞാൻ തിരിഞ്ഞു നോക്കി.....

അതു കേട്ടതും പയ്യൻ വേഗം കാറിൽ കയറി പുറകിലേക്ക് എടുത്തു നിർത്തി..... അവനെ നോക്കി ചിരിച്ചോണ്ട് ഞാൻ വേഗം കാറിന്റെ അടുത്തേക്ക് നടന്ന് മുന്നിലെ ഡോർ തുറന്ന് കേറാൻ നോക്കിതും പെട്ടെന്ന് ബോധോദയം വന്ന് വേഗം പുറക്കിലെ ഡോർ തുറന്ന് കയറി...... "ഡീ..... പുറക്കിൽ ഇരുന്ന് സുഖിച്ചു പോവാൻ ഞാൻ നിന്നെ ഡ്രൈവർ ഒന്നും അല്ല..... വന്ന് മുന്നിൽ കേറെഡീ...!!!!" ~~~~~~~~~ അവള് ഇടയ്ക്ക് കയറി വന്നു എന്നെ പിടിച്ചില്ലായിരുന്നെങ്കിൽ അവന്റെ മുഖത്തിന്റെ ഷേപ്പ് ഞാൻ മാറ്റുമായിരുന്നു... ജയനെ വിളിച്ച ദേഷ്യവും വണ്ടി ഇടയ്ക്ക് കയറ്റിയത്തിന്റെ ദേഷ്യവും എല്ലാം കൂടി അവനിൽ തീർക്കുന്നതിന് മുന്നേ അവള് എന്തൊക്കെയോ പറഞ്ഞു എന്നെ പിടിച്ചു വലിച്ചു കാറിൽ കയറ്റി..... അവളോട് അവൻ എന്തൊക്കെയോ ദയനീയമായി പറയുന്നതും അവള് അത് കേട്ട് തിരിച്ചു പറയുന്നതും നോക്കി കൊണ്ട് ദേഷ്യത്തോടെ ഞാൻ ഹോർണിൽ അമർത്തിപ്പിടിച്ചു.. അവൻ വണ്ടി പുറക്കോട്ട് എടുത്തതും അവള് വേഗം മുന്നിലെ ഡോറിലേക്ക് കൈ നീട്ടിയെങ്കിലും തുറക്കാതെ പെട്ടെന്ന് കൈ മാറ്റി പുറകിലെ ഡോർ തുറന്ന് അവിടെയിരുന്നു.... അത് കണ്ടതും കണ്ട്രോളിലായി വരുന്ന ദേഷ്യം വീണ്ടും ഇരച്ചു കയറി... ഇവള് എന്നെ ദേഷ്യം പിടിപ്പിക്കാനായിട്ട് കച്ച കെട്ടി ഇറങ്ങിയതാണല്ലോ.....???

മുന്നിൽ കയറി ഇരിക്കാൻ പറഞ്ഞു കൊണ്ട് ഞാൻ അലറിയതും അവള് ഒന്ന് ഞെട്ടി പേടിയോടെ വേഗം മുന്നിൽ വന്നിരുന്നു....... "നിന്നോട് ആരാടീ പുറകിൽ പോയിരിക്കാൻ പറഞ്ഞത്......??? പുറക്കിൽ ഞെളിഞ്ഞിരുന്നു പോവാൻ ഇതു നിന്റെ തറവാടീന്ന് കൊണ്ടുവന്ന കുടുംബസ്വത്തൊന്നും അല്ല..... എന്റെ കാറാ....." അവള് വന്നിക്കാൻ നേരമില്ലാതെ കാർ മുന്നോട്ട് എടുത്ത് കൊണ്ട് ഞാൻ പറഞ്ഞത് കേട്ട് അവളെന്റെ മുഖത്തേക്ക് തറപ്പിച്ചു നോക്കി... "ദേ,,,, എന്റെ കുടുംബക്കാരെ പറഞ്ഞാലുണ്ടല്ലോ......???? നിങ്ങൾക്കല്ലേ മനുഷ്യാ ഞാൻ മുന്നിൽ ഇരിക്കുന്നത് ഇഷ്ടമില്ലാത്തത്.... പിന്നെ എന്താ....??" അവള് അല്പം ദേഷ്യത്തോടെ ചോദിച്ചു... "അതേ.... അത് ഇപ്പഴും അങ്ങനെ തന്നെയാ.... പക്ഷേ,,,, നിന്റെ ഇഷ്ടത്തിന് അങ്ങനെ അങ്ങു പോയി ഇരിക്കാനൊന്നും പറ്റില്ല.... ഞാൻ പറയും....!!!!! എന്റെ കാർ, എന്റെ ഡോർ, എന്റെ സീറ്റ് ഞാനെനിക്ക് ഇഷ്ടമുള്ളപ്പോലെ പുറകിലും മുന്നിലുമൊക്കെ ഇരിക്കാൻ പറയും... അതനുസരിക്കാൻ പറ്റുന്നവര് കയറിയാൽ മതി... എനിക്ക് ഒരു നിർബന്ധവുമില്ല നീ കൂടെ വരണം ന്ന്.... ഞാൻ പറയുന്നത്‌ കേട്ട് അനുസരിച്ചു നിൽക്കാൻ പറ്റിലെങ്കിൽ ഇറങ്ങി നടന്നോ....." ~~~~~ ന്റെ ഈശ്വരാ ഏതു നേരത്താണാവോ ഈ പോങ്ങന്റെ കൂടെ ഇറങ്ങി തിരിച്ചത്....

പുച്ഛത്തോടെ എന്നെ നോക്കി ചുണ്ട് കോട്ടി അവൻ പറയുന്നതും കാണിക്കുന്നതും കണ്ട് എനിക്ക് തരിത്ത് കേറുന്നുണ്ട്.... ഇവന്റെ കൂടെ ഇതിൽ പോകുന്നതിലും ഭേദം നടന്ന് പോകുന്നതായിരുന്നു.... അവനും അവന്റെയൊരു പാട്ട കാറും, ഡോറും, സീറ്റും..... കോന്തൻ കണാരൻ, മാക്രി, കാട്ടുമാക്കാൻ, മത്തങ്ങാ തലയൻ..... ഞാൻ ശബ്‌ദം കുറച്ചു പിറുപിറുത്തു..... "എന്താടീ......എന്താ നീ വിളിച്ചത്........?" "ഞാൻ ഒന്നും വിളിച്ചില്ല....." പുച്ഛത്തോടെ മുഖം സൈഡിലേക്ക് വെട്ടിച്ചു കൊണ്ട് ഞാൻ പറഞ്ഞു... "നിനക്ക് ഞാൻ വെച്ചിട്ടുണ്ടെടീ..... തീപ്പെട്ടിക്കൊള്ളി......." ~~~~~~~~ അവള് മുന്നിൽ വന്നിരുന്നാൽ എണീറ്റ് ബാക്കിൽ പോയിരിക്കാൻ പറയാൻ ഇരിക്കുമ്പഴാണ് ഞാൻ പറയാതെ തന്നെ അവള് പോയി ഇരുന്നത്... അതെനിക്ക് തീരെ പിടിച്ചില്ല അതിനാ ഞാൻ ഷൗട്ട് ചെയ്‌തത്‌.... ആരോടെങ്കിലും എന്തെങ്ങിലും കുറേ വിളിച്ചു പറഞ്ഞാൽ ദേഷ്യം കുറയുമെന്ന് തോന്നി അതാ അങ്ങനെയൊക്കെ പറഞ്ഞത്....പക്ഷേ അവള് തിരിച്ചു പറയുമെന്ന് ഞാൻ ഒട്ടും പ്രതീക്ഷിച്ചില്ല... എന്റെ മറുപടി കേട്ട അവളുടെ മുഖമോന്ന് കാണണമായിരുന്നു എന്നെ കൊന്ന് തിന്നാനുള്ള ദേഷ്യത്തിൽ എന്തൊക്കെയോ പിറുപിറുത്തു കൊണ്ടിരുന്നു.... "എന്താ....?? എന്താ,,,, ഇയാളിപ്പോ വിളിച്ചത്.....?"

ഞാൻ കരുതി വിളിച്ചത് കേട്ടില്ലന്ന് അപ്പോ കെട്ടിലമ്മ കേട്ടിട്ടുണ്ട്.... "ഞാനും ഒന്നും പറഞ്ഞില്ല....." ഞാൻ ചോദിച്ചതിന് അവള് മറുപടി തന്ന പോലെ ഞാനും പുച്ഛത്തോടെ പറഞ്ഞു.. "എനിക്കറിയാം തീപ്പെട്ടിക്കൊള്ളി ന്നല്ലേ ഇയാളിപ്പോ വിളിച്ചത്...??" അവള് രൂക്ഷമായി നോക്കി ചോദിച്ചു... "ആഹാ... അപ്പൊ കേട്ടല്ലേ....???? ഞാൻ കരുതി കേട്ടില്ല ന്ന്....!!!! അതേ,,, ഞാൻ അങ്ങനെ തന്നെയാ വിളിച്ചത്.... പിന്നെ കോലുമ്മൽ തുണി ചുറ്റിയ പോലെയുള്ള നിന്നെ തീപ്പെട്ടിക്കൊള്ളിന്ന് അല്ലാതെ വേറെന്ത് വിളിക്കാനാ......." അവളെ അടിമുടിയൊന്ന് കണ്ണുഴിഞ്ഞു പുച്ഛത്തോടെ മുഖത്ത് നോക്കി ഞാൻ വിളിച്ചത് കേട്ട് അവള് ദേഷ്യത്തിൽ കൊലവെറിയോടെ എന്റെ നേരെ തിരിഞ്ഞിരുന്നു..... "അയ്യടാ.... പറയുന്ന ആൾ ദുൽഖർ സൽമാൻ അല്ലേ.... കണ്ടാലും മതി കോലം.... എന്നെ തീപ്പെട്ടിക്കൊള്ളി ന്ന് വിളിക്കാനുള്ള എന്ത് യോഗ്യതയാ ഇയാൾക്കുള്ളത്....???? അവിഞ്ഞ മോന്തയും, ചപ്പിയ മൂക്കും, കോന്ത്രൻ പല്ലും, മനുഷ്യ കുരങ്ങിന്റെ പോലെണ്ട്..... മനുഷ്യ കുരങ്ങു പോലും നിങ്ങളെക്കാൾ ബെറ്റർ ആണ്..... മത്തങ്ങാത്തലയൻ....!"" അഹങ്കാരത്തോടെ അവളെ പറഞ്ഞതും വിളിച്ചതും കേട്ട് ഞാൻ അവളെ നേറെ നോട്ടമെറിഞ്ഞു... "ഡീ.... എന്താ നീ വിളിച്ചത്...?" "എന്തേയ് കേട്ടില്ലേ.... മത്തങ്ങാ തലയൻ ന്ന്...." "ഒന്നൂടെ വിളിക്കേടി....?"

"മത്തങ്ങാ തലയൻ.....!" "ഒന്നൂടെ വിളിക്കെടീ......?" "മത്തങ്ങാ തലയൻ..... മത്തങ്ങാത്തലയൻ..... മത്തങ്ങാ തലയൻ....മൂന്ന് വട്ടം.... ഇയാള് മത്തങ്ങാതലയൻ മാത്രല്ല..... പോങ്ങൻ,മാക്രി കോന്തൻ കണാരൻ....." അവള് വായിൽ തോന്നിയത് മുഴുവൻ വിളിച്ചു കൂവുന്നത് കേട്ട് കൊണ്ട് തന്നെ ഞാൻ മെല്ലെ വണ്ടി സൈഡ് ആക്കി നിർത്തി.... സീറ്റ് ബെൽറ്റ് അഴിച്ചു അവളുടെ നേരെ തിരിഞ്ഞു ഇരുന്നു.... വണ്ടി നിർത്തിയതും അവള് സംശയത്തോടെ പുറത്തേക്കും പിന്നെ എന്നെയും നോക്കി.... ഞാൻ അവൾക്ക് നേരെ തിരിഞ്ഞു ഇരിക്കുന്നത് കണ്ടതും അവള് കുറച്ചു ഒതുങ്ങി നേരെയിരുന്നു....... "ഞാൻ മത്തങ്ങാ തലയനാണല്ലേ....???എന്നെ കാണാൻ മനുഷ്യ കുരങ്ങിനെ പോലെയാണ് ല്ലേ.....???" ഞാൻ കാര്യമായി ചോദിച്ചു.... "അതേ... അപ്പൊ ഞാനീ പറഞ്ഞതൊന്നും നിങ്ങള് കേട്ടില്ലേ.... മനുഷ്യ കുരങ്ങിന് പോലും നിങ്ങളെ കണ്ടാൽ മാറി നിൽക്കും കാരണം അതിനേക്കാൾ കഷ്ടാ നിങ്ങള്......" അവള് പുച്ഛത്തോടെ പറഞ്ഞു... "ഡീ..!!!!" എന്റെ ശബ്ദം ഉയർന്നു... "എന്താ.....? എന്താന്ന്...?? എന്തിനാ ഇയാള് കിടന്ന് കാറുന്നത്....??? അല്ലാ,,,,, ഇയാള് ആരെയാ ഈ ഞെട്ടിക്കുന്നത്....???? ആരെയാ ഈ പേടിപ്പിക്കുന്നത്...???? എന്നെയോ...?? ഇയാള് അലറി വിളിച്ചു കൂവിയാൽ ഞാൻ അങ്ങോട്ട് പേടിച്ചു പോവൂനാണോ വിചാരം.... ??"

പുച്ഛത്തോടെ അവള് എന്റെ മുഖത്ത് നോക്കി പറഞ്ഞത് കേട്ട് ഞാൻ ഒന്ന് ഞെട്ടി....ഇത്രയ്ക്ക് ധൈര്യമുണ്ടോ ഇവൾക്ക്... എന്നാ അതൊന്ന് അറിയണല്ലോ...? " നിനക്കെന്നെ പേടിയില്ലേ....???" ഞാൻ കുറച്ഛ് ഗൗരവത്തിൽ ചോദിച്ചത് കേട്ട് അവളൊന്ന് ചിരിച്ചു വീണ്ടും എന്നെ നോക്കി "നിങ്ങളെ......??? എനിക്ക്........??? പേടി........??? ഈ അടുത്ത കാലത്തൊന്നും ഞാൻ ഇത്രയും വലിയ തമാശ കേട്ടിട്ടില്ലേയ്...... ന്റെ കൃഷ്ണാ ചോദിച്ചത് കേട്ടില്ലേ... പേടിപ്പോലും അതും എനിക്ക് നിങ്ങളെ..!!!! കാത് തുറന്ന് കേട്ടോ,,,, ഇയാളെ എനിക്ക് പേടി പോയിട്ട് 'പേ' പോലും ഇല്ല...." ~~~~~~~~~ സത്യയിട്ടും അവൻ കാർ സൈഡാകിയപ്പോ തന്നെ എനിക്ക് പേടി തുടങ്ങിയിരുന്നു.... എന്താ,എവിടാ എങ്ങനെയന്നൊന്നും ഓർത്തില്ല വായിൽ വന്നത് മുഴുവൻ ഒരു ഫ്ലോയിൽ അവന്റെ മുഖത്തു നോക്കി അങ്ങു പറഞ്ഞു... ഞാൻ പറഞ്ഞത് കേട്ടിട്ടും അവനിൽ പ്രത്യേകിച്ച് ഭാവ വെത്യാസമൊന്നും വരാഞ്ഞത് എന്നെ ഒന്നൂടെ ഭയപ്പെടുത്തി.... പേടിയില്ലേ ന്ന് അവൻ ചോദിച്ചപ്പോ അപ്പഴത്തെ ഒരു ഹാലിൽ അങ്ങു പറഞ്ഞു പോയതാ.... പക്ഷേ ഞാൻ പറഞ്ഞു കഴിഞ്ഞതും അവൻ കാറിന്റെ ഗ്ലാസ് മുകളിലേക്ക് കയറ്റി എന്റെ നേരെ തിരിഞ്ഞു.... "ശെരിക്കും നിനക്ക്‌ എന്നെ പേടിയില്ലേ....?" "ഇല്ല......!!!!" "അപ്പോ നിനക്കെന്നെ ഒട്ടും പേടിയില്ല...?"

"ഇല്ല....." ~~~~~~ ചോദ്യം കൂടുന്നതിന് അനുസരിച്ച് അവളുടെ 'ഇല്ല' യ്ക്ക് സ്‌ട്രോങ് കുറഞ്ഞു കുറഞ്ഞു വരുന്നുണ്ട്.... ഞാൻ ആദ്യം സീറ്റ് ബെൽറ്റ് അഴിച്ചപ്പോ അവളൊന്ന് സംശയിച്ചു, നേരത്തെ കാറിന്റെ ഗ്ലാസ്സും ഉയർത്തിയപ്പോ അവള് ചെറുതായി പേടിച്ചു തുടങ്ങി.... കാർ സെന്റർ ലോക്ക് ചെയ്തു ഞാൻ നല്ലോണം അവളുടെ നേരെ തിരിഞ്ഞു ഇരുന്നു....... "ഒട്ടും.....?" ഞാൻ വീണ്ടും പ്രത്യശയോടെ ചോദിച്ചു.... "ഇ.... ഇല്ലന്ന്.... ഇ... ഇയാൾക്കെന്താ.... ചെവി ...കേൾ... കേൾക്കില്ലേ.....ഇല്ല!!!!!" ~~~~~~~~~~ ദൈവമേ ഇവനിത് എന്തിനുള്ള പുറപ്പാടാണോ എന്തോ...? ഇല്ലന്നൊക്കെ ഡയലോഗ് കാച്ചിയെങ്കിലും ഹാർട്ട് കിടന്ന് ചാടാൻ തുടങ്ങിട്ടുണ്ട്... അവൻ കാർ ലോക്ക് ചെയ്തതിന്റെ ശബ്‌ദം കൂടി കേട്ടപ്പോ തന്നെ എനിക്ക് പേടി കൂടി വന്നു... വീണ്ടും ' ഒട്ടും പേടിയില്ലെന്ന് ' ചോദിച്ചു അവൻ അടുത്തേക്ക് അടുത്തേക്ക് വന്നു..... ആദ്യമൊക്കെ ധൈര്യത്തോടെ ഇല്ലെന്ന് തറപ്പിച്ച് പറഞ്ഞെങ്കിലും പിന്നെ പിന്നെ ഇല്ല മുറിയാനും കുറച്ചൂടെ കഴിഞ്ഞപ്പോ ഒച്ച പോലും പുറത്തേക്ക് വരത്തെയായി.... അവൻ ചോദ്യത്തോടപ്പം എന്നിലേക്ക് അടുക്കുംതോറും ഞാൻ കൂടുതൽ കൂടുതൽ സീറ്റിലേക്ക് ചാഞ്ഞു.... ഹാർട്ട് ചാടം നിർത്തി നാസിക് ധൂൾ കൊട്ടാൻ തുടങ്ങിയതും തൊണ്ടയിലെ വെള്ളമൊക്കെ വറ്റിവരണ്ടു.... പുറക്കിലേക്ക് ചാഞ്ഞു ചാഞ്ഞ് അവസാനം ഇനി ചായാൻ സ്ഥലം ഇല്ലാത്തെയാതും അവന്റെ മുഖം എന്റെ മുഖത്തിന് തൊട്ട് തൊട്ടില്ല എന്ന പൊസിഷനിൽ എത്തി.....

കണ്ണുയർത്തി ഞാനവന്റെ കണ്ണിലേക്ക് തന്നെ നോക്കി ഇരുന്നതും അവന്റെ മുഖം എന്റെ കാതോരം അടുത്തു..... അവന്റെ ശ്വാസം എന്റെ കഴുത്തിൽ വന്നു പതിച്ചതും ഞാൻ കണ്ണുകൾ ഇറുക്കിയടച്ചു..... "പറയെടീ..... നിനക്ക് എന്നെ ഒട്ടും പേടിയില്ലേ......??' അവൻ പറഞ്ഞത് കേട്ട് ഞെട്ടി കണ്ണ് തുറന്ന് അവനെ നോക്കി.... പറയാൻ....." അവൻ ഒന്നൂടെ ഉച്ചത്തിൽ ചോദിച്ചതും ഞാൻ ഞെട്ടി പിടഞ്ഞു.. "ഉ.... ഉണ്ട്.... ന... നല്ല... പേടിയുണ്ട്....." പേടിയോടെ ഞാൻ വിക്കി പറഞ്ഞു.. ~~~~~~ മുഖം കണ്ടാലറിയാം നല്ലോണം പേടിച്ചിട്ടുണ്ട്..... അവള് പേടിയില്ലെന്ന് വാശിയോടെ പറഞ്ഞപ്പോ ഒന്ന് പേടിപ്പികണംന്നെ കരുതിയുള്ളൂ സംഭവം അവള് നല്ലോണം പേടിക്കുകയും ചെയ്തു പക്ഷേ,,, അവളുടെ കരിനീല മിഴികൾ ചെറുതായി കലങ്ങി ചുവന്നത് കണ്ടപ്പോ എനിക്ക് എന്തോ പോലെ തോന്നി.... ആ കലങ്ങിയ കണ്ണുക്കളിലേക്ക് അധിക നേരം നോക്കി നിൽക്കാൻ എനിക്ക് കഴിയില്ല... അതെന്താന്ന് എനിക്ക് അറിയില്ല... പക്ഷേ അവളുടെ കണ്ണിലേക്ക് നോക്കുമ്പോ എനിക്ക് എന്നെ തന്നെ നഷ്ടപ്പെടുന്ന പോലെ തോന്നും.... പെട്ടന്നാണ് ഒരു വണ്ടി ഹോർണ് മുഴക്കി പാസ് ചെയ്തതും ഞാൻ അവൾക്ക് സീറ്റ് ബെൽറ്റിട്ട് കൊടുത്തു അകന്ന് മാറി വേഗം തിരിച്ഛ് സീറ്റിലേക്ക് ഇരുന്നു വണ്ടിയെടുത്തു..... വണ്ടി നീങ്ങിയും അവളെന്നെ തന്നെ അങ്ങനെ നോക്കി ഇരിക്കുന്നത് ശ്രദ്ധിച്ചു കൊണ്ട് ഞാൻ അവളുടെ മുഖത്തേക്ക് നോക്കി ഒന്ന് പുച്ഛിച്ചു ചിരിച്ചു..... "ഈ വായിട്ടലപ്പ് തന്നെ ഉള്ളൂല്ലേ.... ഇത്രേള്ളൂ ധൈര്യം.... കഷ്ടം......!!!!!".........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...