🌸എന്നെന്നും എന്റെ മാത്രം 🌸: ഭാഗം 39

രചന: അനു

അവനെ പിടിക്കാൻ കിട്ടാതെയായപ്പോ ഞാൻ സാരി പൊക്കി പിടിച്ഛ് സ്പീഡ് കൂട്ടി പൂളിന്റെ സൈഡിലൂടെ സച്ചൂന്റെ പുറക്കെ ഓടി... പെട്ടെന്നാണ് കാൽ പൂളിന്റെ സൈഡിലേക്ക് ചരിഞ്ഞത്... പൂളിലേക്ക് വീണെന്ന് കൊണ്ട് ഞാൻ കണ്ണ് ഇറുക്കിയടച്ചു... പക്ഷേ,,, ആരോ അപ്പോഴേക്കും എന്റെ അരയിലൂടെ വട്ടം ചേർത്ത് പിടിച്ഛ് വീഴാത്തെ നിർത്തിയത് ഞാൻ അറിഞ്ഞു..... ~~~~~~~~~ ഫുഡ് കഴിച്ചു കഴിഞ്ഞതും എല്ലാരും അങ്ങിങ്ങായി കൂടിയിരുന്നു നല്ല വർത്താനം തുടങ്ങി...... പലരേയും കോളേജ് കഴിഞ്ഞത്തിൽ പിന്നെ കാണുന്നത് ഇപ്പഴാണ് എസ്‌പെഷ്യലി ഗേഴ്സിനെ,,, മനസ്സിലാവുന്നു പോലും ഇല്ല......!!! കുറെ കാലത്തിന് ശേഷമുള്ള കൂടിച്ചേരലായതോണ്ട് ആദ്യമൊക്കെ എല്ലാരും പരിഭവം പറച്ചില്ലായിരുന്നു മെയിൻ... അത് കഴിഞ്ഞപ്പോ പിന്നെ എന്റെ കല്യാണ കാര്യം വലിയൊരു ചർച്ചയായി..... ആരോടും പറയാത്തത് കൊണ്ടും ഗ്രൂപ്പിൽ ജസ്റ്റ് ഒരു ഫോട്ടോ ഇട്ട് ഞെട്ടിച്ചത് കൊണ്ടും എല്ലാരും എന്നെ നിർത്തി പൊരിച്ചു.... പക്ഷേ,,, അവളെ എല്ലാരും പൊക്കി പൊക്കി അങ്ങു മാനത്തെത്തിച്ചിട്ടുണ്ട്... എല്ലാർക്കും അവളെ വലിയ ഇഷ്ടമായി.. അവളാണെങ്കിൽ അനിയുടെ കൂടെ ഫ്രണ്ട്സിനോട് എല്ലാരോടും സംസാരിക്കുകയും ചിരിക്കുകയുമൊക്കെ ചെയ്ത് നല്ലോണം മിങ്കിൾ ആവുന്നുണ്ട്...

ഞങ്ങൾ ബോയ്സ് ഒരു വശത്ത് കൂടിയിരുന്നു... ബോയ്സൊക്കെ എന്നെ അസൂയയോടെ നോക്കി അവളെ കുറിച്ച് കമെന്റ്‌സ് പറഞ്ഞോണ്ടിരുന്നു അതിന് കാരണവുമുണ്ട്ട്ടോ,,,, ഇന്ന് അവള് അത്രയ്ക്ക് സുന്ദരിയായിരുന്നു... ഫ്രണ്ട്സിന്റെ കൂടെയുള്ള സംസാരത്തിനിടയിലും എല്ലാരിൽ നിന്നും മാറി കുട്ടിക്കളുടെ പ്ലെ ഏരിയയിൽ കുട്ടികളുടെ നടുവിൽ ഇരിക്കുന്ന അവളെ ഞാൻ ശ്രദ്ധിച്ചിരുന്നു..... എൽ ഈ ഡി ലൈറ്റ്‌സ് കൊണ്ട് അലങ്കരിച്ച പ്ലെ ഏരിയയിൽ ചുറ്റിലും വിതറി കിടക്കുന്ന ബലൂണുക്കൾക്ക് ഇടയിൽ കുറേ കുട്ടികളുടെ നടുവിൽ ഇരുന്ന് കയ്യോണ്ടും കണ്ണോണ്ടുമൊക്കെ ആംഗ്യം കാണിച്ചു അവർക്ക് കഥ പറയഞ്ഞ് കൊടുക്കാന്ന് തോന്നുന്നു..... അതിന്റെ ഇടയിൽ സച്ചൂ അവളുടെ മുഖത്തേക്ക് ഊതി വീർപ്പിച്ചു വിട്ടുന്ന ബബ്ബിൾസ് കൈ കൊണ്ട് എത്തിപ്പിടിച്ഛ് നിറഞ്ഞ ചിരിയോടെ അവള് പതിയെ പൊട്ടിക്കുന്നത് ഞാൻ എത്ര നേരം നോക്കി നിന്നെന്ന് അറിയില്ല.... അവളെ കണ്ണ് വെട്ടിച്ഛ് സച്ചൂ ബലൂണിന്റെ പുറക്കെ ഓടിയത് നോക്കി തലയിൽ കൈ വെച്ഛ് അവള് വെപ്രാളത്തോടെ എണീറ്റ് അവന്റെ പുറക്കെ ഓടി.... കാൽ ഇടയ്ക്ക് വെച്ഛ് സ്ലിപ്പാവുന്നുണ്ടെങ്കിലും അതൊന്നും വക വെയ്ക്കാതെ അവന്റെ നേരെ കൈ നീട്ടി, പേര് വിളിച്ചോണ്ട് അവള് ഓടുന്നത് നോക്കി ഞാൻ ശെരിക്കും ചിരിച്ചു....

പെട്ടെന്ന് ചെരുപ്പ് സ്ലിപ്പായി അവളൊരു സൈഡിലേക്ക് ഉലഞ്ഞത് കണ്ട് എന്റെ കൈക്കൾ ഞാൻ പോലുമറിയാതെ വെപ്രാളത്തോടെ അവൾക്ക് നേരെ നീണ്ടെന്നെങ്കിലും അവളെ വീഴാതെ പിടിച്ച കിരണിനെ കണ്ടപ്പോ എന്റെ മുഖത്തെ ചിരി മാഞ്ഞു.... അവനവളുടെ അരയിലൂടെ കയ്യിട്ട് നേരെ നിർത്തിയത് കണ്ടപ്പോ എനിക്ക് ദേഷ്യം വന്നു... കയ്യിലെ ഫോൺ മുറുക്കി പിടിച്ഛ് ഞെരുക്കി കൊണ്ട് അവരെ രണ്ടാളെയും ഞാൻ രൂക്ഷമായി നോക്കി.... ആദ്യത്തെ ഞെട്ടൽ മാറി ചിരിച്ചു അവള് അവനോട് വാ തോരാതെ സംസാരിക്കുന്നത് കൂടി കണ്ടപ്പോ ഞാൻ പല്ല് കടിച്ചു പിടിച്ചു മുഖം ദേഷ്യത്തോടെ സൈഡിലേക്ക് വെട്ടിച്ചു..... പഷ്ട്ട്....!!!!!! കഷ്ടകാലത്തിന് മുഖം വെട്ടിച്ചു നേരെ നോക്കിയത് ടേബിളിൽ താടിയ്ക്ക് കയ്യും കൊടുത്ത് എന്നെ തന്നെ നോക്കിയിരിക്കുന്ന അനിയുടെ മുഖത്തേക്ക്,,,, തൃപ്തിയായി...!!!!! അവളെ മുഖവും ഡെസ്കിൽ കൊട്ടുന്ന കൈ വിരലും കണ്ടാലറിയാം കുറേ നേരമായി അവള് എന്നെയും അവരെയും നിരീക്ഷിച്ചോണ്ടിരിക്കായിരുന്നൂ ന്ന്.... എന്നെ നോക്കി തന്നെ അടുത്തേക്ക് ഒരു ചെയർ വലിച്ചിട്ട് അവളെന്നെ മാടിവിളിച്ചു..... ഞാൻ പുരികം കൊണ്ട് എന്താന്ന് ചോദിച്ചതും അവള് കുറച്ഛ് കലിപ്പിൽ വന്നിരിക്കാൻ കണ്ണോണ്ട് പറഞ്ഞതും ഞാൻ അനുസരണയോടെ പോയിരുന്നു.... "എന്താടാ മുഖത്തൊരു ദേഷ്യം.....???? any pbm...????" എന്നെ നോക്കി അല്പം കളിയാക്കി അനി ചോദിച്ചത് കേട്ട് ഞാൻ അവളെ നോക്കി ചിരിച്ചു... "ദേഷ്യം...???? ഏയ്,,,, ഇല്ലല്ലോ.....???"

തലയാട്ടി ചുമൽ പൊക്കി നിസ്സാരമെന്നോണം ഞാൻ പറഞ്ഞു... "അല്ലല്ലോ മോനെ.... നിന്റെ മുഖത്തു നല്ല ദേഷ്യണ്ട്.... മുഖം മനസ്സിന്റെ കണ്ണാടിയാണെന്ന് കേട്ടിട്ടില്ലേ....???? ഹ്മ്മം...???" അനി താടിയ്ക്ക് കൈ കൊടുത്തിരുന്ന എന്നെ നോക്കി കുസൃതിയോടെ അവൾ ചോദിച്ചത് കേട്ട് ഞാൻ ഗൗരവത്തോടെ അവളെ നോക്കി.... "ഇല്ല.....!!!" ഞാൻ സൈഡിലേക്ക് മുഖം വെട്ടിച്ചു... "എന്നാൽ അങ്ങനെയൊന്നുണ്ട്.....!!! ഇപ്പോ നിന്റെ മുഖത്ത് നിറഞ്ഞ ഈ ദേഷ്യത്തിന്റെ കാരണം എന്താന്ന് എനിക്കറിയാം.... പറയട്ടെ....????"അനി അവള് പറയുന്നത് മൈന്റ് ചെയ്യാതെ ഇരുന്നെങ്കിലും ആ ചോദ്യം കേട്ട് ഞാൻ സംശയത്തോടെ അനിയെ നോക്കി... ഒരു കള്ള ചിരിയോടെ എന്നെ നോക്കി തുടരെത്തുടരെ പുരികം പൊക്കി അവള് പറയട്ടെ ന്ന് വീണ്ടും ചോദിച്ചു... ഞാൻ മറുപടി ഒന്നും പറയാതെ വീണ്ടും മുഖം വെട്ടിച്ചിരുന്നു.. "കിരൺ...!!!!!! നിന്റെ മുഖത്തെ ഇപ്പോഴത്തെ ദേഷ്യത്തിന് കാരണം അവനാ... അതിന്റെ കാരണവും എനിക്കറിയാം,,,, പറയട്ടെ...???" ഞാൻ മൈൻഡ് ചെയ്യാൻ പോയില്ല.... "ഫസ്റ്റ്,,, അനു വീഴാൻ പോയപ്പോ അവൻ കേറി പിടിച്ചത് നിനക്ക് ഒട്ടും ഇഷ്ടമായില്ല.... സെക്കണ്ട്,,, അരയിലൂടെ കയ്യിട്ട് താങ്ങി നിർത്തിയത് തീരേ ഇഷ്ടായില്ല... തേർഡ്,,, ചിരിയോടെ അവളവനോട് സംസാരിച്ചത് അത്രയും ഇഷ്ടായില്ല....!!!!

Am I right mrs. Sidharth...????" അനി അക്കമിട്ട് പറഞ്ഞത് കേട്ട് ഞാനവളെ അത്ഭുതത്തോടെ നോക്കി.... "ഹമ്പഡീ,,,,,, കണ്ടു പിടിച്ചു കളഞ്ഞല്ലോ ബുദ്ധിമതി....??? നീ തല വെയില് കൊള്ളിക്കണ്ട ട്ടോ.....!!!" ഞാനവളെ കളിയാക്കി പറഞ്ഞു... "അവള് വീണല്ലോ, ആരോടെങ്കിലും മിണ്ടിയല്ലോ, എനിക്ക് ഒരു പ്രശ്നവുംല്ല... അവള് മിണ്ടോ മിണ്ടാതിരിക്കോ, വീഴേ വീഴാതിരിക്കേ ന്ത് വേണെങ്കിൽ ആയിക്കോട്ടെ.... അതൊന്നും എന്നെ ബാധിക്കുന്ന കാര്യമല്ല...!! I don't care....!!!!" വാശിയോടെ ഞാൻ പറഞ്ഞു... അനിയെന്റെ മുഖത്തേക്ക് ഉറ്റു നോക്കി... "Oooohh... really....? Really u don't care....???!!!" അനി "No...!!!!!! A very big NO....!!!!" ഞാൻ ഞാൻ മുഖം നേരെ വെച്ചു... "ബാധിക്കുന്നുണ്ടെന്ന് ഞാൻ പറഞ്ഞാൽ...?!!!" അനി അനി വീറോടെ ചോദിച്ചു... ഞാൻ വീണ്ടുമവളെ നോക്കി... "ഞാൻ ശക്തമായി നിഷേധിക്കും...!!!" ഞാൻ ഞാനും വാശിയോടെ പറഞ്ഞൂ.... "നിഷേധിക്കാൻ കഴിയാത്ത വിധം തെളിവുകൾ ഞാൻ നിരത്തിയാൽ...???" അനി എനിക്കൊപ്പത്തിനൊപ്പം വാശിയോടെ അവള് പറഞ്ഞത് കേട്ട് തിരിച്ചും അതേ വാശിയോടെ ഞാൻ പുച്ഛത്തോടെ മുഖം കോട്ടി...

. "ഓഹോ.... നീ തെളിവെടുപ്പൊക്കെ നടത്തിയോ...??? എവിടെ നിരത്തിക്കെ കാണട്ടെ....????" ഞാൻ ചോദിച്ചു നിർത്തിയതും ഒരു പുച്ഛത്തോടെ ചിരിച്ഛ് കൊണ്ട് അവള് ചുണ്ട് സൈഡിലേക്ക് കോട്ടി... "എടാ സിദ്ധു... നീ അങ്ങനെ തമാശയാക്കി ഒഴിഞ്ഞ് മാറാമെന്ന് വിചാരിക്കണ്ട.... കോളേജ് കാലം തൊട്ട് കാണാൻ തുടങ്ങിയത് അല്ലെടാ മോനെ ഞാൻ നിന്നെ... നിന്റെ പെങ്ങൾ ആമിയുടെ അത്ര ഇല്ലെങ്കിലും കുറെയൊക്കെ ഞാനും പഠിച്ചിട്ടുണ്ട് നിന്നെ...... നീ അവളോട് കാണിക്കുന്ന ഈ ദേഷ്യവും വെറുപ്പുമൊക്കെ വെറും ഷോയാണ്..... നിന്നെ മനസിലുള്ളതല്ല,,, നീ പുറത്ത് കാണിക്കുന്നതും പ്രവർത്തിക്കുന്നതും.... അവൾക്ക് മനസ്സിലാവതിരിക്കാൻ നീ അണിഞ്ഞ മുഖംമൂടി മാത്രമാണ് എപ്പോഴും കാണിക്കുന്ന ഈ ദേഷ്യം.... നിനക്ക് അവള് ആരെക്കെയോ എന്തൊക്കെയോയാണ് സിദ്ധു.... ആരോടും പറയാത്ത, ആരുമറിയാതെ എന്തൊക്കെയോ നിന്റെ മനസ്സിലുണ്ട്...!!! നീ അവളെ സ്നേഹിക്കുന്നുണ്ട്... നിന്റെ ദേഷ്യം പോലും അവളോടുള്ള അമിതമായ സ്നേഹമാണ്...!!!!! ആ സ്നേഹം മറ നീക്കി പുറത്ത് വരുമൊന്ന് ഓരോ നിമിഷവും നീ ഭയക്കുന്നുണ്ട്..... അതോണ്ടാണ് വെറുപ്പാണ്, പകയാണോന്നൊക്കെ നീ പറയുന്നത്... ഓരോ നിമിഷവും നീ നിന്നെ ആ കള്ളം പറഞ്ഞു പഠിപ്പിക്കുകയാണ്...!!!

അനൂനെ നീ കണ്ണെടുക്കാതെ നോക്കി നിൽക്കുന്നത് ഞാൻ കണ്ടതാ.... അവള് വീഴുന്നതിൽ നിനക്ക് പ്രശ്നമല്ലെങ്കിൽ, പിന്നെ എന്തിനാ നീ ഡാൻസ് കളിക്കുമ്പോ പിടിവിട്ടാതെ അവളെ ചേർത്തു നിർത്തിയത്...??? അവളെ കാൽ സ്ലിപ്പാവുന്ന ഓരോ വേളയിലും നീ അവളെ കൈ പിടിയിൽ ഭദ്രമായി ഒതുക്കിയിരുന്നു..... എന്തിന്,,,,?? വീണോട്ടോന്ന് വിചാരിച്ചാൽ പോരായിരുന്നോ....? കിരണവളെ പിടിച്ചപ്പോ,,,, അവള് അവനോട് സ്നേഹത്തോടെ സംസാരിച്ചപ്പോഴൊക്കെ നിന്റെ മുഖത്ത് തെളിഞ്ഞ ദേഷ്യം, ജെലസ് എല്ലാം അതിന്റെ തെളിവാണ്.... ഇതൊക്കെ നിഷേധിക്കാൻ പറ്റൂ നിനക്ക്....???" അനി അനി നറു ചിരിയോടെ ചോദിച്ചതും ഞാൻ ഡെസ്കിൽ ആഞ്ഞടിച്ചു.... "*പറ്റും.... നിഷേധിക്കാൻ പറ്റും....!!! നീ നിരത്തിയ തെളിവുകളെല്ലാം നിഷേധിക്കാൻ എനിക്ക്പറ്റും.... അവള്,,,, അവളെയെനിക്ക് വെറുപ്പാ,,, പകയാ.... ഈ ലോകത്തെ മറ്റെന്തിനേക്കാളും മറ്റാരേക്കാളും ഞാൻ അവളെ വെറുക്കുന്നു.. അവള് കരയുന്നുണ്ടെങ്കിൽ അവളുടെ കണ്ണീരിന് കാരണം ഞാനായിരിക്കണം....!! അവള് വേദനിക്കുന്നുണ്ടെങ്കിൽ ആ വേദനയ്ക്ക് പിന്നിലും ഞാനായിരിക്കണം...!!!! അങ്ങനെ അവളെന്തൊക്കെ അനുഭവിച്ചാലും അതിനൊക്കെ പിന്നിൽ ഞാനായിരിക്കണം.... ഞാൻ മാത്രമായിരിക്കണം.....!!!!

വേറെ ആരും,,,, അവളെയൊന്ന് നോക്കാൻ പോലും പാടില്ല... എനിക്ക് ഇഷ്ടല്ല....!!!!" ദേഷ്യം കടിച്ഛ് പിടിച്ഛ് അനിയെ നോക്കി അമർഷത്തോടെ അധികം സൗണ്ട് എടുക്കാത്തെ ഇത്രയും പറഞ്ഞു ഞാൻ മുഖം വെട്ടിച്ചു.... അനിയിരു ശ്വാസ തള്ളിച്ചയോടെ ചിരിച്ഛ് എന്നെ നോക്കി... " നിനക്കിപ്പഴും മനാസ്സിലായിട്ടില്ല സിദ്ധു...??? നീ ഈ പറഞ്ഞതിന്റെ പേരാണ് പോസസ്സീവ്നെസ്....!!! നീ സ്നേഹിക്കുന്നവൾ നിന്നെ മാത്രം സ്നേഹിക്കണന്ന് പറയുന്നതിന്റെ മറ്റൊരു രൂപമാണിത്.....!!! അവളെ നീ സ്നേഹിക്കുന്നുണ്ട് സിദ്ധു.... നീ പോലും അറിയാതെ നീയവളെ ഗാധമായി പ്രണയിക്കുന്നുണ്ട്.. അത് നീ തിരിച്ചറിയുന്നില്ലെന്ന് അല്ലെങ്കിൽ തിരിച്ചറിയാൻ ശ്രമിക്കുന്നില്ലെന്ന് മാത്രം....!!!!" അനി ശാന്തമായി പറഞ്ഞു... "അന്ന് നീ അവളുടെ കൈ തിരിച്ചൊടിച്ച ദിവസം എന്നെ കാണാൻ വന്നത് പോലും അതിന്റെ തെളിവാണ്.... അന്ന് നിന്റെ കണ്ണിൽ ഞാൻ കണ്ടിട്ടുണ്ട്... എത്ര തവണ നീയെന്നോട് അറിയാതെ പറ്റിപ്പോയാതാഡീ ന്ന് പറഞ്ഞിട്ടുണ്ടെന്ന് അറിയോ...???? അവള് കരഞ്ഞത്, നിന്നോട് പറഞ്ഞത്, അങ്ങനെ അങ്ങനെ ചെറിയ ചെറിയ കാര്യം പോലും നീയന്ന് എന്നോട് പറഞ്ഞിരുന്നു... പറയുമ്പോ നിന്റെ കണ്ണ് നിറഞ്ഞ് ഒഴുകിയത് നീയറിഞ്ഞില്ലെങ്കിലും ഞാനറിഞ്ഞിരുന്നു.... പല സന്ദർഭങ്ങളിലും നീ പോലുമറിയാതെ നിന്റെ ഉള്ളിലെ സ്നേഹം പുറത്ത് ചാടുന്നുണ്ട്.... നിന്നിലത് ഞാൻ കണ്ടിട്ടുണ്ട്,,, അറിഞ്ഞിട്ടുണ്ട്.... നീ നിന്നെ തന്നെ ചതിക്കാണ് സിദ്ധു....!!!!"

അനിയുടെ ഓരോ വാക്കും ചാട്ടുളി പോലെ മനസ്സിനെ പിടിച്ചുലച്ചു കൊണ്ടിരുന്നു... എന്റെ ചിന്തമണ്ഡലത്തിൽ ഭ്രാന്തമായി അലഞ്ഞു നടന്നു.... അവളുടെ വാക്കുകൾ വീണ്ടും വീണ്ടും ചെവിയിൽ അലയടിക്കുന്ന പോലെ..... കിരണിനോട് എനിക്ക് തോന്നിയ ദേഷ്യം..??? അവളെ കാണുബോ എന്നിൽ നിറയുന്ന സന്തോഷം...??അടുക്കുബോ ഉയരുന്ന ഹൃദയമിടിപ്പ് നിശ്ചലമാവുന്ന ശ്വാസം... ഇതിന്റെയൊക്കെ അർത്ഥം...??? ഇതിന്റെയൊക്കെ കാരണം....??? ഇനി... ഇനി..... അനി പറഞ്ഞപ്പോലെ ഞാൻ.... ഞാനവളെ... സ്നേ...... noooooo...!!!! never.....!!!!! വേണ്ട സിദ്ധു... ഒരു വാക്കുകൊണ്ട് പോലും നീ അവളെ സ്നേഹിക്കാൻ പാടില്ല.. നിന്റെ ജീവിതം തകർത്തവളാണവൾ... നിന്റെ സന്തോഷങ്ങളെ നിന്നിൽ നിന്നു ദൂരേയ്ക്ക് പറഞ്ഞയച്ചവൾ.... നിന്റെ അച്ഛന്റെ മരണത്തിന് കാരണമായവൾ.....!! നീ ഒരിക്കൽ കൊടിയടച്ച അധ്യായമാണത്.... ഇനി തുറക്കാൻ പാടില്ല... ഒരിക്കലും തുറക്കരുത്...!!!!! ~~~~~~~~~~~~ വീണിലെന്ന് ബോധ്യമായതോടെ ഞാൻ പതുക്കെ കണ്ണ് തുറന്ന് പിടിച്ചത് ആരെന്ന് നോക്കി.... "എന്താ അനൂ.... നോക്കി നടക്കണ്ടേ.... ഞാൻ വന്നില്ലായിരുന്നെങ്കിൽ കാണായിരുന്നു...വെള്ളത്തീന്ന് പൊക്കി എടുക്കേണ്ടി വന്നേനെ....??" കിരണിനെ കണ്ട് ഞാനൊന്ന് നിശ്വസിച്ചു... "ആഹാ,,,,ഇയാളായിരുന്നോ.....???ഇയാളെയൊന്ന് കാണാൻ ഇരിക്കായിരുന്നു ഞാൻ... മുട്ടൻ പണി തന്ന് മുങ്ങിയതാ.....??

രൂക്ഷമായി നോക്കി ഞാൻ പറഞ്ഞത് കേട്ട് കിരൺ അത്ഭുതത്തോടെ അതിലുപരി നിരാശയോടെ എന്നെ നോക്കി... "മുട്ടൻ പണിയോ....??? കഷ്ടണ്ട്ട്ടോ അനൂ.... നല്ല റൊമാറ്റിക് പണിയല്ല തന്നത് അതിനെ ഇങ്ങനെ തരം താഴ്ത്തരുത്ട്ടോ...??? ശെരിക്കും താനെന്നോട് താങ്ക്സ് പറയേണ്ടതാ,,,, ഇത്രയും നല്ലൊരു അവസരം തന്നതിന്... ഹോ,,,,,സ്റ്റേജിൽ രണ്ടാളും പൊളിക്കല്ലായിരുന്നോ കണ്ട് നിന്ന് ഞാൻ പോലും റൊമാറ്റിക് ആയിപ്പോയി.... അറിയോ...???" അവൻ പറഞ്ഞത് കേട്ട് ഞാനൊന്ന് മൂളി തലയാട്ടി.... "പിന്നേ!!!!!!! എന്നെ കൊണ്ടൊന്നും പറയിപ്പിക്കണ്ടാ..!!!! ഡാൻസിന്റെ ഫുൾ ക്രെഡിറ്റ് സിദ്ധു ഏട്ടന് ഉള്ളതാ.... ഈ ചെരുപ്പും ഇട്ടോണ്ട് കപ്പിൾ ഡാൻസ് കളിച്ചു ഞാൻ വീഴാതെ ഇരുന്നത് സിദ്ധു ഏട്ടൻ കൂടെ നിന്ന് പിടിച്ചതോണ്ടാ,, അല്ലെങ്കിൽ എപ്പോ വീണെന്ന് ചോദിച്ചാൽ മതിയായിരുന്നു....!!! ഇത്രയൊക്കെ പാര പണിതതും പോരാ ഇനി താങ്ക്സ് പറയണം പോലും.... ആ സമയത്തെങ്ങാനും ഇയാളെ എന്റെ കയ്യിൽ കിട്ടിയിരുന്നെങ്കിൽ ഞാൻ വല്ലതും എടുത്ത് തലക്കടിച്ചേനെ...." ഞാൻ പറഞ്ഞു തീർന്നതും പേടിയോടെ അവൻ രണ്ടു കൈയും തലയിൽ വെച്ചു "അയ്യോ ചതിക്കല്ലേ മോളെ ജീവിച്ചു പൊയ്ക്കോട്ടെ.... ഡാൻസിന്റെ കാര്യം ഞാൻ സത്യം പറഞ്ഞതാണ് ട്ടോ.... ആദ്യമായി,,,,,

ഫസ്റ്റ് ടൈം,,,, കല്യാണം കഴിക്കാതത്തിൽ എനിക്ക് കുറ്റബോധം തോന്നി....!!! എല്ലാരും സിദ്ധുനെ പ്രശംസിച്ചു പ്രശംസിച്ചു മരിച്ചൂ ന്ന് തന്നെ പറയാം എങ്ങനെ സുന്ദരിയായ ഒരു ഭാര്യയെ കിട്ടിയതിൽ....." എന്നെയൊന്ന് അടിമുടി നോക്കി അവൻ പറഞ്ഞത് കേട്ട് ഞാൻ രണ്ട് കയ്യും മാറിൽ കെട്ടി അവനേയും തിരിച്ചു അതുപോലെ നോക്കി.... "വെക്കല്ല മോനെ....!!! ഞാൻ എങ്ങനെയെങ്കിലും ജീവിച്ചു പൊയ്ക്കോട്ടെ....!!! പിന്നെ കല്യാണം.... ഞാൻ അമ്മായിയോട് പറയാം മോൻ മാരേജിന് റെഡിയായി നിൽക്കാന്ന്...." ഞാൻ "ഇങ്ങനത്തെ ഐറ്റം ഇനിണ്ടോ അനൂന്റെ ഫാമിലിയിൽ,,,,, എന്നാ പിന്നെ തിരഞ്ഞു നടക്കേണ്ടത് ഇല്ലായിരുന്നു.. എനിക്ക് ഓകെയാണ്...???" കിരൺ തമാശപ്പോലെ പറഞ്ഞത് കേട്ട് ഞാൻ നിരാശയോടെ അവനെ നോക്കി.... "അയ്യോ സ്റ്റോക്ക് തീർന്നു പോയല്ലോ മോനെ...??? അല്ലെങ്കിലും ഇത് റയർ ഐറ്റമാണ് കിട്ടാൻ കുറച്ഛ് പണിയാ....!!!" ആഹ്,,,,,, പിന്നെ എന്റെ ഒരു ആന്റിയുണ്ട്... കല്യാണം കഴിച്ചിട്ടില്ല നമ്മുക്ക് ആ വഴി ഒന്ന് നോക്കിയാലോ...??? ഇയാൾക്ക് പെർഫെക്റ്റ് മാച്ചായിരിക്കും......!!!" ഞാൻ അത് പറഞ്ഞതും അവൻ എന്നെ രണ്ട് കയ്യും കൂപ്പി തൊഴുതു നിന്നു... അത് കണ്ട് ഞാൻ പൊട്ടിച്ചിരിച്ചു... പിന്നെയും ഞങ്ങളൊരുപാട് സംസാരിച്ചു.... കിരൺ നല്ല കമ്പനിയാണ് നല്ലോണം തമാശയൊക്കെ പറയും.....

അധികം വൈകാതെ തന്നെ ഞാൻ സച്ചൂനേയും കൂട്ടി ചേച്ചിന്റെ അടുത്തേക്ക് പോയി... അപ്പോഴേക്കും പാർട്ടി പകുതി മുക്കാലും കഴിഞ്ഞിരുന്നു... കുറേ പേരൊക്കെ പോയെങ്കിലും സിദ്ധുന്റെ അടുത്ത കുറച്ചു ഫ്രണ്ട്സ് അവിടെ നിന്നു.... 11.00 മണിയായപ്പോ ബാക്കി എല്ലാരെയും കൂട്ടി അബിയേട്ടൻ പോവാൻ ഇറങ്ങി.... ഏട്ടന്റെ കൂടെയും ചുറ്റുമുള്ള കൂട്ടത്തിലും സിദ്ധുനെ ഞാൻ തിരഞ്ഞെങ്കിലും കാണാൻ കഴിഞ്ഞില്ല... എന്റെ നോട്ടം കണ്ടതും സിദ്ധുന് അർജെന്റ് കാൾ വന്ന് താഴേക്ക് പോയെന്നും നമ്മളോട് പാർക്കിങ് ഏരിയയിലേക്ക് നിന്നോളാനും അവൻ അങ്ങോട്ട് വരും ന്നുമാണ് പറഞ്ഞതെന്ന് ഏട്ടൻ പറഞ്ഞു.... പാർക്കിങ് ഏരിയയിലേക്ക് നടക്കുമ്പഴാണ് സച്ചൂ വെള്ളം വേണമെന്ന് വാശിപിടിച്ചത്... അത് കേട്ട് ഞങ്ങളെ അവിടെ നിർത്തി ഏട്ടൻ വെള്ളം എടുക്കാൻ പോയി... വന്നപ്പോ ഒന്നിന് പകരം മൂന്ന് ജ്യൂസ് ഉണ്ടായിരുന്നു കയ്യിൽ.... "ഇവിടെ അടുത്തൊന്നും ഇനി നല്ല ഹോട്ടൽ ഒന്നും കാണില്ലാ... അതോണ്ട് ജ്യൂസ് കുടിച്ചോ..??? കുറേ ദൂരം പോവന്നുള്ളതല്ലേ...!!!" ഒന്നെന്റെ നേരെ നീട്ടി ഏട്ടൻ പറഞ്ഞതും ഞാൻ വേഗം വാങ്ങി പൊടിച്ചു...

സച്ചൂന്റെ കൂടെ ഞാനും ചേച്ചിയും ഓരോ ജ്യൂസ് കുടിച്ച് പാർക്കിങ് ഏരിയയിലേക്ക് പതിയെ നടന്നു...... സ്റ്റയറിറങ്ങി മെയിൻ എൻട്രൻസിൽ എത്തിയപ്പോഴേക്കും എന്താനറിയില്ല ഫ്ലോറൊക്കെ ഇളക്കി കളിക്കുന്ന പോലെ തോന്നി... കണ്ണൊക്കെ തന്നാലെ അടയുന്ന ഒരു ഫീൽ, കാൽ കുഴഞ്ഞു തളരുന്ന പോലെ... മൊത്തത്തിൽ ശരീരം വെയിറ്റില്ലാതെ പറിപറക്കുന്ന ഒരു ഫീൽ.... ഞാൻ തളർച്ചയോടെ വേഗം ചുമരിൽ ചാരി നിന്ന് ചേച്ചിയെ പിടിച്ചു നിർത്തിച്ചു.... "എന്താ അനൂ,,,,,,, എന്താ... എന്താ പറ്റിയത്...?????" വെപ്രാളത്തോടെ എന്നെ താങ്ങി പിടിച്ചു കൊണ്ട് ചേച്ചി ചോദിച്ചത് കേട്ട് തല കൈകൊണ്ട് തടവി ചുമരിൽ ചാരി നിന്ന് കിതപ്പോടെ ഞാൻ പറഞ്ഞു.... "എനിക്കറിയില്ല ചേച്ചി...വല്ലാത്ത പരവേശം... കാലും കയ്യുമൊക്കെ കുഴയുന്നു.... തലയ്ക്ക് വല്ലാതെ ഭാരം കൂടിയപ്പോലെ... കണ്ണ് പിടിക്കുന്നില്ല...." ഞാൻ അങ്ങനെയോ പറഞ്ഞൊപ്പിച്ചു... "എന്താ പെട്ടെന്ന് ഇങ്ങനെ വരാൻ...???? ഇതുവരെ ഒരു കുഴപ്പവും ഇല്ലായിരുന്നല്ലോ....?" ചേച്ചി സംശയത്തോടെ ചോദിച്ചു.... "അത്... അത് തന്നെയാ എനിക്കും..... ആ ജ്യൂസ്.... അത് കുടിച്ചതിന് ശേഷാണ് ഇങ്ങനെ..... അതിനൊരു ചവർപ്പ് എനിക്ക് ആദ്യമേ ഫീൽ ചെയ്തിരുന്നു.. നാക്കൊക്കെ കുഴയുന്ന പോലെ...!!!" .........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...