💞എൻ്റെ ആത്മസഖിക്ക്💞 ഭാഗം 10

എഴുത്തുകാരി: അപർണ അരവിന്ദ്

ശരവേഗത്തിൽ ഒരു കാർ ആ ശിവക്ഷേത്രത്തിൻ്റെ മുന്നിൽ വന്നു നിന്നു. കാറിലെ 'ഡ്രൈവർ സീറ്റിൽ നിന്നും ദേഷ്യത്തോടെ രുദ്രൻ ഇറങ്ങി വന്ന് കോ ഡ്രൈവർ സീറ്റിൻ്റെ ഡോർ തുറന്നു അപർണ പേടിയോടെ കാറിൽ നിന്നും ഇറങ്ങിയതും രുദ്രൻ അവളുടെ കൈകൾ ശക്തിയോടെ പിടിച്ച് മുന്നോട്ട് നടന്നു. " എനിക്ക് വേദനിക്കുന്നു.എന്നെ വിട്. നിങ്ങൾ ആരാ. നിങ്ങൾക്ക് എന്താ വേണ്ടേ" അപർണ ദയനീയമായി ചോദിച്ചു. എന്നാൽ അതൊന്നും കാര്യമാക്കാതെ രുദ്രൻ മുന്നോട്ട് തന്നെ നടന്നു. രുദ്രൻ്റെ ശക്തിക്ക് മുന്നിൽ അപർണയ്ക്ക് എതിർക്കാനും കഴിഞ്ഞില്ല . ക്ഷേത്രത്തിനു മുന്നിലെ ആൽത്തറയിൽ എത്തിയതും രുദ്രൻ നിന്നു. അവൻ അപർണയുടെ കൈയിലെ പിടി വിട്ടു. ആൽത്തറയോട് ചേർന്ന ആലിൽ തൂക്കിയിട്ടിരിക്കുന്ന മഞ്ഞ ചരടിൽ കോർത്ത താലികളിൽ ഒന്ന് രുദ്രൻ ദേഷ്യത്തോടെ വലിച്ചെടുത്തു. ശേഷം അപർണയുടെ നേർക്ക് നടന്ന് വന്ന് ശിവ ക്ഷേത്രത്തെ സാക്ഷിയാക്കി ആ മഞ്ഞ ചരട് അവളുടെ കഴുത്തിൽ കെട്ടി.

ആൽത്തറയിൽ വച്ചിട്ടുള്ള പ്രസാദത്തിൽ നിന്നും ഒരു നുള്ള് കുങ്കുമം എടുത്ത് അവളുടെ സീമന്ത രേഖയിൽ ചുവപ്പിച്ചു. ഒന്ന് പ്രതികരിക്കാൻ പോലും കഴിയാതെ അപർണ ഒരു നിമിഷം തറഞ്ഞ് നിന്നു.ഒപ്പം അവളുടെ കണ്ണുകൾ നിറഞ്ഞ് ഒഴുകുന്നുണ്ടായിരുന്നു. അടുത്ത നിമിഷം തന്നെ രുദ്രൻ കാറിൻ്റെ മുന്നിലേക്ക് നടന്നു . അപർണ എന്തു ചെയ്യണം എന്ന് അറിയാതെ അവിടെ തന്നെ നിന്നു. "എന്താ അവിടെ തന്നെ നിൽക്കാൻ ആണോ ഉദേശം.വരുന്നില്ലേ നീ " രുദ്രൻ സൗമ്യമായി ചോദിച്ചു. " ഇല്ല വരുന്നില്ല. എന്ത് അവകാശത്തിൽ ആണ് താൻ ഈ പ്രകടനം നടത്തിയത് എന്നറിയാതെ ഞാൻ വരില്ല'. "വന്ന് കയറെടി " രുദ്രൻ ഒരു അലർച്ചയോടെ പറഞ്ഞു. അപർണ ഒന്ന് ഞെട്ടി എങ്കിലും അവൻ ഇരു കൈകളും അരയിൽ കെട്ടി അവിടെ തന്നെ നിന്നു. " നിന്നോട് വന്ന് കാറിൽ കയറാനാണ് പറഞ്ഞത് '. " ഇല്ല ഞാൻ ചോദിച്ചതിന് ഉത്തരം നൽകാതെ ഇവിടെ നിന്നും ഒരടി പോലും ഞാൻ നിങ്ങില്ല " ഇത് കേട്ടതും രുദ്രൻ ദേഷ്യത്തോടെ അപർണയുടെ അടുത്തേക്ക് നടന്നു. " ഈ രുദ്രൻ എന്തെങ്കിലും തിരുമാനിച്ചാൽ അതിൽ നിന്നും ഒരിക്കലും പുറകോട്ട് പോവില്ല.

അപ്പോ നീ വരില്ല അല്ലേ " " ഇല്ല" അപർണ പറഞ്ഞ് അവസാനിപ്പിക്കുമ്പോഴേക്കും രുദ്രൻ അവളെ ഇരു കൈകൾ കൊണ്ടും കോരി എടുത്ത് മുന്നോട്ട് നടന്നിരുന്നു. " എന്നേ വിട്. എടോ വിടാൻ" അപർണ കൈകാലുകൾ ഇട്ട് അടിച്ചു. "അടങ്ങി ഇരിയെടി " രുദ്രൻ അലറി. അവളെ കോ ഡ്രൈയവർ സീറ്റിൽ ഇരുത്തിയതിനു ശേഷം രുദ്രൻ കാറിൽ കയറി. കാർ അതി വേഗത്തിൽ മുന്നോട്ട് പാഞ്ഞു. അപർണ സീറ്റിൽ പതിയെ ചാരി ഇരുന്നു.ഒപ്പം അവളുടെ കണ്ണുകൾ നിറഞ്ഞ് ഒഴുകുന്നുണ്ടായിരുന്നു. എൻ്റെ ഭഗവാനേ എൻ്റെ അച്ഛൻ ,അമ്മ. അവർ ഇത് എങ്ങനെ സഹിക്കും. അർച്ചന ചേച്ചി മറ്റൊരാളോടൊപ്പം ഇറങ്ങി പോയപ്പോൾ അവരുടെ സങ്കടം ഞാൻ നേരിട്ട് കണ്ടതാണ്.ഇപ്പോ ഞാനും അവരെ സങ്കടപ്പെടുത്തുകയാണല്ലോ എൻ്റെ മഹാദേവാ. ഒപ്പം അപർണയുടെ മനസിലൂടെ കുറേ ചോദ്യങ്ങളും ഉരുണ്ടു കൂടി.

"ഹലോ ഡാഡ്. ഡാഡ് വേഗം വീട്ടിലേക്ക് ഒന്ന് വരണം. It Is Very argent" ഡ്രൈവിങ്ങിനിടയിൽ രുദ്രൻ ഫോണിൽ ആരെയോ വിളിച്ചു കൊണ്ട് പറഞ്ഞു. രുദ്രൻ്റെ ഫോൺ കോൾ വന്നതും മഹാദേവൻ (അച്ഛൻ ) വീട്ടിലെക്ക് വന്നു. പതിവില്ലാത്ത നേരത്ത് മഹാദേവൻ വന്നത് കണ്ട് വിലാസിനി(അമ്മ) മുറ്റത്തേക്ക് ഇറങ്ങി വന്നു. "എന്താ എട്ടാ ഈ സമയത്ത് " " ഞാൻ രുദ്രൻ വിളിച്ചിട്ട് വന്നതാ. അവൻ്റ കോൾ വന്നതും ഞാൻ പേടിച്ചിട്ടാ വന്നത്. അവൻ എവിടെ " " അവൻ ഇവിടെ ഇല്ല എട്ടാ " അപ്പോഴേക്കും ഗായത്രി ഫോണുമായി അവരുടെ അരികിലേക്ക് ഓടി വന്നു. "അമ്മ ഇതൊന്ന് നോക്ക് " അവൾ ഫോൺ അവർക്ക് നേരെ നീട്ടി. The young business man rudhra dev mahajan വിവാഹിതനായി.

വധുവിനെ കുറിച്ചുള്ള വിവരങ്ങൾ ഇതു വരെ അറിയാൻ സാധിച്ചിട്ടില്ല. Rudhran group of companies ൻ്റെ മെയിൻ share holders ൽ ഒരാളാണ് rudhra Dev mahajan. കഴിഞ്ഞ വർഷത്തെ the young entrepreneurs award നേടിയ വ്യക്തിയാണ് ഇദേഹം.ഉടൻ തന്നെ വധുവിനെ കുറിച്ചുള്ള വിവരങ്ങൾ അറിയാൻ കഴിയുന്നതാണ് "എന്താ എട്ടാ .എന്തൊക്കെയാ ഞാൻ ഈ കേൾക്കുന്നത്? രുദ്രൻ്റെ വിവാഹം കഴിഞ്ഞു എന്നോ " അല്പസമയത്തിനകം രുദ്രൻ്റെ കാർ ആ വലിയ വീടിൻ്റെ മുന്നിൽ എത്തി. ശരിക്കും ഒരു വലിയ ബംഗ്ലാവ് തന്നെ ആയിരുന്നു ആ വീട്. തൻ്റെ വീട് ഈ വലിയ വീടിനു മുൻപിൽ ഒന്നുമല്ലാത്തതു പോലെ അപർണക്ക് തോന്നി......... തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...