💞എൻ്റെ ആത്മസഖിക്ക്💞 ഭാഗം 14

എഴുത്തുകാരി: അപർണ അരവിന്ദ്

"ഇന്ന് നിൻ്റെ ആദ്യരാത്രി അല്ലേ .അതുകൊണ്ട് എന്നോട് സംസാരിച്ച് സമയം കളയണ്ട. പോയി enjoy ചെയ്യ്." "Stop it your ........ " രുദ്രൻ ദേഷ്യത്താൽ അലറി. എന്നോടുള്ള വാശി തീർക്കാനാണ് നീ അവളെ കല്യാണം കഴിച്ചത് എന്നും നിനക്ക് അവളെ ഒരിക്കലും സ്നേഹിക്കാൻ കഴിയില്ല എന്നും എനിക്ക് അറിയാം. അതു കൊണ്ട് നിനക്ക് വേണ്ടെങ്കിൽ അവളെ ഞാൻ എടുത്തോളാം . "Shut up ........." രുദ്രൻ ദേഷ്യത്താൽ കൈയ്യിൽ ഇരുന്ന ഫോൺ താഴേക്ക് വലിച്ചെറിഞ്ഞു. രുദ്രൻ ദേഷ്യം നിയന്ത്രിക്കാൻ ശ്വാസം ഒന്ന് ആഞ്ഞ് വലിച്ചു. പക്ഷേ അതൊന്നും അവൻ്റെ ദേഷ്യത്തെ ഇല്ലാതാക്കാൻ കഴിഞ്ഞില്ല. ബാൽക്കണിയിലേക്കുള്ള വാതിൽ അടച്ച് അവൻ റൂമിലേക്ക് വന്നു. രുദ്രൻ പവിമോളുടെ നെറുകയിൽ ഒരു ഉമ്മ കൊടുത്തു. അപർണ്ണ അവളുടെ ഇരു കൈകൾ കൊണ്ടും പവിയെ മാറോട് ചേർത്താണ് കിടത്തിയിരിക്കുന്നത്. ബെഡ് ലാമ്പിൻ്റെ മഞ്ഞ വെളിച്ചത്തിൽ അവളുടെ മുഖം രുദ്രന് വ്യക്തമായി കാണാം. കൺപോളകൾ വന്നു വീർത്തിട്ടുണ്ട്. അവശത നിറഞ്ഞ മുഖം.

അതിൽ നിന്നും അവൾ ഒരു പാട് കരഞ്ഞിട്ടുണ്ട് എന്ന് രുദ്രന് മനസിലായി. അപ്പോഴും അവളുടെ ചുണ്ടിൽ മായാതെ ഒരു ചിരി നിലനിന്നിരുന്നു. "സോറി " അവൻ ഉറങ്ങുന്ന അപർണയുടെ മുഖത്ത് നോക്കി പറഞ്ഞ് ബെഡ് ലാമ്പ് ഓഫ് ചെയ്ത് പവിയുടെ അരികിൽ ചെന്ന് കിടന്നു. * ഡോറിൽ തുടരെ തുടരെ ഉള്ള തട്ട് കേട്ട് ഗായത്രി ഫോൺ ഓഫ് ചെയ്യ്ത് വാതിൽ വന്ന് തുറന്നു "മോൾ ഉറങ്ങിയോ " " ഇല്ല ഡാഡ്. ഞാൻ ഫോണിൽ ഓരോന്ന് നോക്കുകയായിരുന്നു.എന്താ ഡാഡ് എന്താ ഈ സമയത്ത് "' ' 'ഞാൻ മോളോട് ഒരു പ്രധാനപ്പെട്ട കാര്യം പറയാനാണ് ഈ സമയത്ത് വന്നത് '' " എനിക്ക് അപർണ യെ കുറിച്ചാണ് പറയാനുള്ളത്.ഇവിടെ വന്ന് കുറഞ്ഞ സമയത്തിനുള്ളിൽ മോളും അപർണയും തമ്മിൽ നല്ല കൂട്ടായി എന്ന് ഡാഡിക്ക് അറിയാം. അതാണ് ഞാൻ ഈ കാര്യം മോളോട് പറയാൻ ഉള്ള പ്രധാന കാരണം. "എന്താ ഡാഡ്, " " അത് മോളേ നീ വിചാരിക്കുന്ന പോലെ രുദ്രനും, അപർണയും തമ്മിൽ ഉള്ളത് ഒരു പ്രണയ വിവാഹം ആയിരുന്നില്ല. രുദ്രൻ അവൻ്റെ എതോ വാശിക്കാണ് അവളെ കല്യാണം കഴിച്ചത് "

" ഡാഡ് ഇത് എന്താ പറയുന്നത്. അപ്പുവിനെ നിർബന്ധിച്ച് കല്ലാണം കഴിച്ചതാണെന്നോ. എന്തിനാ എട്ടൻ അങ്ങനെ ചെയ്യ്തത്" " അത് അറിയില്ല. പക്ഷേ രുദ്രൻ ഒരു കാരണവും ഇല്ലാതെ ഇങ്ങനെ ഒരു പ്രവൃത്തി ചെയ്യില്ല. അതിൻ്റെ കാരണം ഉടൻ തന്നെ അറിയണം. പക്ഷേ അതിനെക്കാൾ പ്രധാനപ്പെട്ട മറ്റൊരു കാര്യം ഉണ്ട്; "എന്താ ഡാഡ്: ''പവിമോളുടെ അമ്മയെ കുറിച്ചാണ് എനിക്ക് പറയാൻ ഉള്ളത്. നാളെ ഒരു പക്ഷേ അപർണ നിന്നോട് പവി യുടെ അമ്മയെ കുറിച്ച് അന്വാഷിക്കാൻ ഉള്ള സാധ്യത ഉണ്ട്.'' "അതിനെന്താ പവിയുടെ അമ്മ അർച്ചന ചേച്ചി അല്ലേ " ''അതെ എന്നാൽ ഒരു കാരണവശാലും പവിയുടെ അമ്മ അർച്ചനയും, അച്ഛൻ ശിവ ആണെന്നും അപർണ അറിയരുത്. "അതെന്താ ഡാഡ് 'അപ്പു അറിഞ്ഞാ എന്താ കുഴപ്പം." "അതൊന്നും മോളോട് ഇപ്പോ പറയാൻ ഡാഡിന് കഴിയില്ല .പക്ഷേ ഒരു കാര്യം നാളെ അപർണ പവിയുടെ അമ്മയെ കുറിച്ച് ചോദിക്കുകയാണെങ്കിൽ ആ സ്ഥാനത്ത് നീ നന്ദുവിൻ്റെ പേര് പറയണം. അച്ഛൻ്റെ സ്ഥാനത്ത് രുദ്രൻ്റെയും." "എന്തിനാ ഡാഡ് ''

"ചില കാര്യങ്ങൾ എനിക്ക് മോളോട് പറയാൻ കഴിയില്ല മോളേ. എൻ്റെ അവസ്ഥ നിനക്ക് മനസിലാകും എന്ന് കരുതുന്നു." മഹാദേവൻ ആ മുറിയിൽ നിന്നും ഇറങ്ങി പുറത്ത് പോയി. " എന്നാലും ഡാഡ് എന്തിനാ ഇങ്ങനെ പറഞ്ഞത്. ആ എഞെങ്കിലും ആവട്ടെ ഒരു കാര്യവും ഇല്ലാതെ ഡാഡ് അങ്ങനെ പറയില്ല" ഗായത്രി വാതിൽ അടച്ച് ചെന്ന് കിടന്ന് ഉറങ്ങി. * രാവിലെ എഴുന്നേറ്റ അപ്പു തൻ്റെ കൈക്ക് മുകളിൽ കൈവച്ച് ഉറങ്ങുന്ന രുദ്രനെയാണ് കണ്ടത്. രുദ്രൻ്റെയും അപർണയുടെയും ഇടയിൽ പവിമോളും സുഖമായി ഉറങ്ങുന്നുണ്ട്. പവിയുടെ മുടിയിഴകളിലൂടെ പതിയെ ഒന്ന് തലോടി .അവളുടെ നെറ്റിയിൽ ഒന്നു അപർണ മുത്തമിട്ടു. പവിയെ ചേർത്തു പിടിച്ച തൻ്റെ കൈകൾക്ക് മുകളിലിരിക്കുന്ന രുദ്രൻ്റെ കൈ അവൾ പതിയെ മാറ്റി ബെഡിൽ നിന്നും എഴുന്നേറ്റു. കുളിച്ച് ഗായത്രി തന്ന ഡ്രസ്സിൽ നിന്നും ഒരു ഡ്രസ്സ് എടുത്തിട്ടു. മുടിയിൽ തോർത്ത് മുണ്ട് കൊണ്ട് ചുറ്റി ക്കെട്ടി ശബ്ദമുണ്ടാക്കാതെ പതിയെ വാതിൽ തുറന്ന് പുറത്തേക്ക് കയറി. ഗായത്രിയുടെ മുറിയിലേക്ക് നോക്കിയപ്പോൾ ഡോർ അടച്ചിട്ടിരിക്കുകയാണ്.

അവൾ സ്റ്റയർ ഇറങ്ങി താഴേക്ക് ചെന്നു. പൂജാമുറിയിൽ വിളക്ക് കത്തുന്നുണ്ട് അതുകൊണ്ട് അമ്മ എഴുന്നേറ്റിട്ടുണ്ട് എന്നവൾക്ക് മനസിലായി.അടുക്കളയിൽ ലൈറ്റ് ഓൺ ആണ്. ബാക്കി എല്ലായിടത്തും ഇരുട്ട് ആണ് അവൾ എങ്ങനേയോ തപ്പി പിടിച്ച് ഹാളിലെ ലൈറ്റ് ഇട്ടു . പതിവില്ലാതെ വെളിച്ചം കണ്ടതുകൊണ്ട് അമ്മ അപ്പോഴേക്കും ഹാളിലേക്ക് വന്നു. " മോള് എഴുന്നേറ്റോ. വേണമെങ്കിൽ കുറച്ച് നേരം കൂടി ഉറങ്ങാമായിരുന്നില്ല." " അത് സാരില്ലാ. അമ്മ എന്താ ചെയ്യുന്നേ ചായ ഉണ്ടാക്കുകയാണോ " ഗ്യാസിലേക്ക് നോക്കി കൊണ്ട് അപർണ ചോദിച്ചു. "അമ്മ മാറി നിൽക്ക് ചായ ഞാൻ ഉണ്ടാക്കാം " " എയ് വേണ്ട മോളേ ഞാൻ ഉണ്ടാക്കാം " " ഞാനും ഒന്ന് നോക്കട്ടെ ചായ ഉണ്ടാക്കാൻ പറ്റുമോ എന്ന് " "മോൾക്ക് പാചകം ചെയ്യാൻ ഒക്കെ അറിയുമോ " " എയ് ഇല്ല .ചായ ഉണ്ടാക്കാൻ അറിയാം വേറെ ഒന്നും അറിയില്ല " വെള്ളത്തിൽ പഞ്ചസാര ഇട്ട് കൊണ്ട് അപർണ പറഞ്ഞു . "ഇവിടെ ഗായത്രിക്ക് അത് പോലും അറിയില്ല.'' കുറച്ച് നേരം അവൾ അവിടെ നിന്ന് സംസാരിച്ചു. അപർണ ചായ ഒരു ഗ്ലാസ്സിലേക്ക് പകർത്തി അമ്മക്ക് നേരെ നീട്ടി. '' കുടിച്ചിട്ട് എങ്ങനെ ഉണ്ട് എന്ന് പറ '' " ഉം .നന്നായിട്ടുണ്ട് "ചായ കുടിച്ച് നോക്കിയിട്ട് അമ്മ പറഞ്ഞു. ചായ മറ്റൊരു ഗ്ലാസ്സിലേക്ക് പകർത്തി അപർണയും കുടിച്ചു.

''ഈ വീട്ടിൽ എത്ര പേർ ഉണ്ട്'' "ഇവിടെ മൊത്തം 9 പേർ ഉണ്ട് .ഇപ്പോ മോളേയും കൂട്ടി 10 പേർ " " 9 പേരോ .എന്നിട്ട് ഞാൻ ആരേയും കണ്ടില്ലലോ " "ഇവിടെ നമ്മളെ കൂടാതെ മഹിയേട്ടൻ്റെ പെങ്ങളും കുടുംബവും ഉണ്ട്.അതായത് മഹിയേട്ടൻ്റെ പെങ്ങൾ ലക്ഷ്മി, ഭർത്താവ് രാഘവൻ പിന്നെ അവരുടെ രണ്ട് മക്കൾ. മൂത്തത് മകൻ ആണ് അവൻ ജോലിയുമായി ബന്ധപ്പെട്ട് തിരുവനന്തപുരത്താണ്. അവൻ്റെ പേര് വിഷ്ണു .രണ്ടാമത്തെത് മോൾ ആണ് .അവൾ മെഡിസിന് പഠിക്കുന്നു. മുബെയിൽ ആണ്. " എന്നിട്ട് അമ്മായിയും, ഭർത്താവും എവിടെ " "അവർ തറവാട്ടിലേക്ക് പോയിരിക്കുകയാണ്. അടുത്ത ആഴ്ച്ച വരും " "സംസാരിച്ച് നിന്ന് സമയം പോയത് അറിഞ്ഞില്ല. ഞാൻ ചായ എല്ലാ വർക്കും കൊണ്ടുപോയി കൊടുക്കട്ടെ" " ഇങ്ങ് താ അമ്മേ.ഞാൻ കൊടുക്കാം " അപ്പു വിലാസിനിയുടെ കൈയ്യിൽ നിന്നും ട്രൈ വാങ്ങി നടന്നു. "മോളേ.അതിൽ ഓരോരുത്തർക്കും ഉള്ള ചായ വേറെ ആണ് '. ഇത് മഹിയേട്ടന് ഷുഗർ ഇടാത്തത് ,ഇത് ഗായത്രിക്ക്, ഇത് പവിക്കുള്ള പാല്, ഇത് ദേവക്കുള്ള കോഫി ." "ദേവയോ "

" ഞാൻ രുദ്രനെ ദേവ എന്നാ വിളിക്കാ" " ഉം ശരി.'' ട്രേയുമായി അപ്പു ഹാളിലേക്ക് നടന്നു. ഹാളിൽ അച്ഛൻ ഇരുന്ന് പത്രം വായിക്കുന്നുണ്ടായിരുന്നു. അപ്പു ട്രെയിലെ ഒരു ഗ്ലാസ്സ് ചായ എടുത്ത് അച്ഛന് നേരെ നീട്ടി. മഹാദേവൻ അത് പുഞ്ചിരിയോടെ വാങ്ങി. മറുപടിയായി അപർണയും ഒന്ന് ചിരിച്ചതിനു ശേഷം അപർണ സ്റ്റയർ കയറി മുകളിലേക്ക് പോയി. ഗായത്രിയുടെ റൂം അടഞ്ഞു കിടക്കുകയാണ്.അത് കൊണ്ട് അപർണ ട്രെയുമായി മുറിയിലേക്ക് ചെന്നു. രുദ്രനെ ആ റൂമിൽ ഒന്നും കാണാനില്ല. അവൾ ട്രൈ മേശ പുറത്ത് വച്ച് പവിയുടെ അരികിലേക്ക് നടന്നു. "പവി .പവിമോളേ "അപർണ വാത്സല്യത്തോടെ വിളിച്ചു . "അവളെ ഉണർത്തണ്ട "പിന്നിൽ നിന്നുള്ള ശബ്ദം കേട്ട് അപർണ തിരിഞ്ഞ് നോക്കി. ഷർട്ട് ഇടാതെ ഒരു ഷോട്ട്സ് മാത്രം ഇട്ട് തോളിൽ ഒരു ടവൽ ഇട്ട് നിൽക്കുന്ന രുദ്രനെ ആണ് കണ്ടത്. മുഖത്തും തോളിലും ഒക്കെ വിയർപ്പ് കണങ്ങൾ പറ്റിപ്പിടിച്ചിട്ടുണ്ട്. " അവൾ എഴുമണി കഴിയും എഴുന്നേൽക്കാൻ "പവിയെ നോക്കി രുദ്രൻ പറഞ്ഞു. മറുപടിയായി അപർണ ഒന്ന് തലയാട്ടി കൊണ്ട് ടേബിളിനരികിലേക്ക് നടന്നു.

ട്രെയിലെ കോഫി എടുത്ത് അപർണ രുദ്രന് നേരെ നീട്ടി. രുദ്രൻ അത് വാങ്ങി ഒന്ന് സിപ്പ് ചെയ്യ്തു. അപ്പോഴാണ് അപർണ രുദ്രൻ്റെ നെഞ്ചിലൂടെ ചേർന്നു കിടക്കുന്ന പൂണൂൽ കണ്ടത്.ഇയാൾ എന്തിനാ പൂണൂൽ ഇട്ടിരിക്കുന്നത്. നീ എന്തിനാ ഇതൊക്കെ നോക്കുന്നത് അപ്പു. ഇയാൾക്ക് ഷർട്ട് ഇട്ട് നിന്നോടെ .അപർണ ഓരോന്ന് ആലോചിച്ച് രുദ്രൻ്റെ മുഖത്തേക്ക് തന്നെ നോക്കി നിന്നു. "എന്താ "അപർണയുടെ നോട്ടം കണ്ട് രുദ്രൻ ഗൗരവത്തോടെ ചോദിച്ചു "മ്ച്ചും "തോൾ അനക്കി കൊണ്ട് അപ്പു പറഞ്ഞു. രുദ്രൻ ഗ്ലാസ് മേശപ്പുറത്ത് വച്ച് കബോഡിനരിക്കിലേക്ക് നടന്നു. "ടീ തെണ്ടി നീ നേരത്തെ എഴുന്നേറ്റൂലേ " ഗായത്രി അപ്പുവിനെ നോക്കി പറഞ്ഞ് കൊണ്ട് മുറിയിലേക്ക് വന്നു. അപ്പോളാണ് കബോഡിനരിക്കിൽ നിൽക്കുന്ന രുദ്രനെ ഗായത്രി കണ്ടത്. രുദ്രനെ കണ്ടതും ഗായത്രി അതേ സ്പീഡിൽ മുറിയിൽ നിന്നും പുറത്തേക്ക് പോയി. ഇത് കണ്ട് അപ്പു ഒന്നും മനസിലാവാതെ അന്തം വിട്ട് നിന്നു...... തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...